Jahon adabiyoti tarixi fani predmeti va mazmuni - История - Рефераты

Jahon adabiyoti tarixi fani predmeti va mazmuni

Загружено в:

20.09.2019

Скачано:

0

Размер:

27 KB

Jahon adabiyoti tarixi fani predmeti va mazmuni Reja : 1.Kirish. Mif va jahon adabiyoti. 2.Antik adabiyot va madaniyatning istiqlol davri uchun tarixiy ahamiyati. 3.Antik dunyo va Markaziy Osiyoning madaniy aloqalari. 4.Antik dunyoning jahon madaniyatiga ta‘siri.

Taxminan bundan 2750-2850 yillar muqaddam Yevropa tuprog‘idagi kichkina mamlakatlardan biri – Yunoniston (Gretsiya) da yozma badiiy ijodning dastlabki namunalari yuzaga kela boshladi. Yunonistonda tug‘ilib, keyinchalik yuksak kamolot bosqichiga ko‘tarilgan bu adabiyot eramizdan avvalgi III asrda Rim madaniyatining barpo etilishida, tarkib topishida ham katta o‘rnak bo‘ladi. Yer yuzidagi ana shu ikki qadimiy xalq yaratgan madaniyat, san‘at va adabiyot antik madaniyat, antik adabiyot deb ataladi. Lotin tilidagi “antik” so‘zining ma‘nosi qadimgi demakdir. Lekin bu atamaning yunon – rim adabiyotlarigagina tatbiq etilishi unchalik to‘g‘ri emas, chunki madaniyatning asl beshigi Sharq mamlakatlari bo‘lgan: dastlabki adabiy yodgorliklari, oldin Misr, Eron, Xitoy, Hindiston, Bobil kabi mamlakatlarda yaratilgan. Binobarin, yunon-rim jamiyati, san‘ati va adabiyotiga nisbatan qo‘llanib kelinayotgan “antik” so‘zini faqat Yevropaga nisbatan anglamoq darkor. Chunonchi, yunon adabiyoti hech bir xalqning adabiyotiga suyanmasdan mustaqil ravishda paydo bo‘lgan adabiyotdir. Hozirgi zamon adabiyoti olamida mavjud bo‘lgan badiiy shakllarning ko‘pchiligi, uslub vositalari shu xalqning kashfiyotidir. Yunon adabiyotida mifning roli benihoyat katta. Yunon mifologiyasining ming- ming yillik tarixi bor. Xayoliy tushunchalardan hosil bo‘lgan afsonalarni – miflar, ularning yig‘indisini mifologiya deb ataladi. Yunon kishilari tasavvuri yer yuzining hukmronlari qabilida Olimp ma‘budalarini yaratadi. Zevs – momaqaldiroq hamda bulutlar sultoni, ma‘budlar ma‘budi; Poseydon – dengizlar hukmroni; Aid – oxirat hoqoni; Zevsning rafiqasi Gera – osmon ma‘budasi, kelin-kuyovlar rahnomosi. Geraning birinchi o‘g‘li Gefest – otash ma‘buda, temirchilar piri; Ikkinchi o‘g‘li Ares – qonli urushlar ma‘budi; Zulmat ma‘budasi Latona, uning o‘g‘illari Apollon – yorug‘lik, san‘at, she‘riyat, muzika ma‘budi. Uning singlisi Artemida – qamar ma‘budi, o‘rmonlar va u yerda yashovchilar ma‘budasi. Afina – shaharlar homiysi. Olimp sultonining Zebo qizi Afrodita va uning o‘g‘li Erot – sevgi va go‘zallik ma‘budi. Germes ma‘budlar jarchisi, savdogar va sayyohlar homiysi. Gelios – Quyosh ma‘budi.

Ma‘budlarni odam qiyofasida tasavvur etish, mifologiyani hayotga yaqinlashtirdi. Mamlakatimiz o‘z mustaqilligini qo‘lga kiritganidan so‘ng ko‘plab sohalarga, xususan madaniyat va adabiyotga bo‘lgan e‘tibor ortdi. Shu jumladan, xorijiy mamlakatlar tili va adabiyotiga ham munosib o‘zgardi. Chunki jahon xalqlari madaniy va ma‘naviy boyliklari bilan tanishish o‘z milliy merosimizni munosib baholash imkonini beradi. Bu borada jahon adabiyotini o‘rganish, ayniqsa muhim ahamiyat kasb etadi. Jahon adabiyotiga mansub asarlar insoniyat taraqqiyotining eng asil durdonasi hisoblanadi. Antik dunyodan to bugungi kunimizgacha yaratilgan asarlar mukammal tarixiy voqealarni ko‘z oldimizda namoyon etib kelayotgani sir emas. Bu asarlarni nashr ettirish yuzasidan mamlakatimizda keng qamrovli ishlar davom etmoqda. G‘arbdagi qadim antik madaniyatning maydonga kelishida Xorazm sarhadlarida ko‘z ochgan zardo‘shtiylik ta‘limotining hal qiluvchi ta‘sirini kuzatish mumkin. O‘z navbatida qadim G‘arb antik madaniyati insoniyat tafakkurining yangi bir sahifasi bo‘lib, tarixga kirdi. Biroq 1000 yil o‘tar-o‘tmas, u ham yo‘qlikka yuz tutdi. Shunda o‘rta asr islom fani unga yangi hayot baxsh etdi. Aristotel, Platon kabi o‘nlab daholarni Arastu, Aflotun, nomlari bilan Yevropaga qayta tanitdi. Ayni paytda Al-Xorazmiy, Ahmad Farg‘oniy, Farobiy, Beruniy, Ibn Sino kabi tafakkur mash‘allarini dunyoga berdi. Xullas, O‘rta Osiyo bilan Yunoniston o‘rtasidagi iqtisodiy – madaniy aloqalar juda qadim zamonlardan boshlangan. Madaniyat osmoni endigina yorishib kelayotgan o‘sha uzoq o‘tmishda yunon-rim xalqlari qo‘li bilan qurilgan ulug‘vor va ko‘rkam madaniyat obidalari hanuz mag‘rur bosh ko‘tarib turibdi: Gomer dostonlari, Sofokl tragediyalari hanuz kitobxonlar qalbiga ma‘naviy ozuqa bag‘ishlab kelmoqda.

Похожие

Jahon adabiyotida uyg‘onish davr adabiyoti

Xronologiya fani predmeti, maqsad va vazifalari

O’rta Osiyo xalqlari tarixi yozma manbalari fani predmeti nazariy metodologik asoslari

Ikkinchi jahon urushi yillar (diplomatiya fani)

“Ibtidoiy jamiyat tarixi” fanining predmeti