Қадимги ва илк ўрта асрларда Эрон - История - Рефераты

Қадимги ва илк ўрта асрларда Эрон

Загружено в:

23.10.2023

Скачано:

0

Размер:

100.5 KB

Қадимги ва илк ўрта асрларда Эрон Режа: 1. Мил.авв.ИИИ минг йилликда Эрон. Элам - Мидия давлатлари ва маданияти. 2. Аҳамонийлар даврида Эрон. Ижтимоий-иқтисодий институтлар, маздакийлик, Аҳмонийлар даврида Эрон маданияти. 3. Парфия ва Сосонийлар даврида Эроннинг иқтисодий- ижтимоий аҳволи. Адабиёт ва санъат.

Эрон ҳудудларида, айниқса, унинг ғарбида мил. авв. VIII - VI минг йилликларда деҳқончилик маданиятлари (Тепа-Гўрон, Сароб) шаклланди. VI - V минг йилликларда эса ишлаб чиқарувчи хўжалик тармоқлари Эрон платоси, Дашти-Лут ва Дашти Кабир чўлларининг шимоли ва жанубида шаклланди. Мил.авв. VI минг йилликда мис қуроллардан кенг фойдаланилди. Суза ҳудудларидан топилган пичоқларда (мил. авв.3000 й.) омочнинг тавсири туширилганлиги, бу ҳудудларда мил. авв. IV минг йиллик охиридан бошлаб сунъий суғоришга ўтилганидан далолат беради. Жанубий-Ғарбий Эроннинг бу ўлкасини шумерлар Ним, вавилонликлар ва оссурлар Эламту, яъни тоғли мамлакат деб атаганлар. Эламликларнинг ўзлари эса Хатамту деб номлаганлар. Мил.авв. III минг йилликда Авон, Аншон, Симаш, Кимаш давлатлари ташкил топади. Улар кейинчалик Суза давлати қўл остида бирлаштирилади. Элам Месопотамиянинг шарқдаги йирик савдо-сотиқ марказларидан бири эди. Элам ёзуви намуналари Яҳётепа ёдгорлигидан топилган. Ёзув пиктографлардан иборат бўлган. Эламнинг мил. авв. III - II минг йилликдаги тарихи Месопотамия билан боғлиқ бўлган. ХХ IV -ХХ III асрларда Элам Аккад давлатига қарам бўлиб қолади. ХХ II асрда Кутик-иншушинак Эламни бирлаштиради. Лекин тез орада гутийлар таъсирига тушиб қолади. Подшо Кутир-Наххунте I (1730-1700 йй.) даврида Элам яна бир бор Месопотамияга бостириб киради. Эламни Шумерча Суккалмах (буюк худо томонидан юборилган) бошқарган ва Сузада яшаган. Подшонинг укаси Суккалом (юборилган) деб аталиб, иккинчи пойтахт Симашда яшаган. Подшо ўлгач, у тахтга ўтириш ҳуқуқига эга бўлган. Учинчи поғонада Суза шаҳри ҳокими турган бўлиб, у оддий ҳоким унвонида юрган. Кичикроқ вилоятларни Адда (оталар) бошқарганлар. Албатта, улар подшо оиласи ва унга яқин кишилардан тайинланган. Элам подшолари ўз опа-сингилларига уйланганлар. Тахминан мил. авв. 1180 йилда Элам подшоси Шутрук-нахунта I Вавилионни босиб олиб, ўлжалар билан бирга Хамураппи қонунларини ҳам Сузага олиб кетади. Мил.авв. 1115 йилда Вавилион подшоси Навохудоносор I Эламга ўнгланмас зарба беради. Элам Бобилга 300 йил давомида қарам бўлиб қолади. VIII

асрда Элам Оссурияга қарши курашга қўшилади, бироқ мил. авв. 720 йилда қақшатқич мағлуибиятга учрайди. Мил.авв. 692 йилда Вавилион билан биргаликда Оссурияга қарши курашиб Халум деган жойда Оссур қўшинларини енгган эламликлар ҳам кучсизланиб қоладилар. Оссур-Элам уруши мил. авв. 639 йилда Эламнинг мағлубияти билан тугайди. Мил.авв. III минг йилликда Эламда жамоа тартиблари устунлик қилган бўлса, мил. авв. II минг йилликда қулчилик институтлари ривожланади. Хусусий ибодатхона ер эгалиги кўпаяди. Элам жамиятида бошқа шарқ жамиятларидан фарқли аёл киши суд гувоҳлигига ўта олар, ҳатто давлат мансабларини эгаллаши мумкин бўлган. Тахминан мил. авв. 1200 йилда подшо Сиртух онасини Суза шаҳри ҳокими этиб тайинланган. Элам жамиятида қизлар ўғиллар билан бирга меросхўр ҳисобланган. Тахминан мил. авв. 3000 йиллар атрофида Элам ёзуви шаклланган бўлиб, пиктографик ёзувда асосан 150 дан ортиқ белгилар бўлган. Бу ёзувларни ҳали ўқиб бўлинмаган. III минг йиллик ўрталарида 80 белгидан иборат чизиқли бўғинли ёзув шаклланган. Бу ёзув мил. авв. ХХIII асрда кенг тарқалган. Мил.авв. II минг йиллик биринчи ярмида Вавилион ёзуви кириб келади ва мил. авв. V асргача эламликлар ундан фойдаланадилар. Эламнинг диний маркази Суза шаҳри бўлиб, олий худо Пиникир (буюк маъбуда) бўлган. У ер ҳомийси худолар онаси бўлган. Иншушинак эса, Суза ҳомийси бўлган. Қуёш худоси Наххунте кун яратувчиси бўлиб ҳисобланган. Бундан ташқари напира-ой, шози-сув, нуску-олов, нарунде- ғалаба худоси ҳисобланган. Нарам-суэн (аккад подшоси) билан подшо Хита шартномасида (мил. авв. 2230 й.) 37 та Элам худолари саналган. Худолар шарафига ўтказилган тантаналарда кўплаб мусиқачилар қатнашган. Бундай тартибдаги мусиқачилар ҳам ибодатхона руҳонийлари бўлган. Элам сополларида мил. авв. IV минг йилликлардаёқ геометрик чизиқлар, қушлар, ҳайвонлар, инсонлар тасвирланган. III минг йилликда эса грифонлар, қанотли шерлар, шайтонлар тасвирлари пайдо бўлади. III - II минг йилликдаги Элам маданиятидаги Месопотамия маданиятининг кучли таъсири сезлиб туради. Элам ҳайкалтарошлигининг олий намунаси 1800 кг оғирликни ташкил

қилувчи малика Напиросу ҳайкали ҳисобланади. Элам архитектурасида мил. авв. Х III асрга оид Дур-унташ шаҳрида қурилган зиккурат ноёб ёдгорлик бўлиб, тўрт қаватли зиккурат кириш эшигида худолар, подшолар, шерлар ҳайкали билан безатилган. 42 метр баландликни ташкил этган зиккуратнинг пастки қавати 105 метр узунликка эга. Мидия Эроннинг ғарбий қисмида жойлашган тарихий вилоятдир. Мил.авв. III - II минг йилликларда ўтроқ ҳаётга ўтиш жараёни бўлиб, дастлабки аҳоли элам, Кассий, гутей, хуррит тилларида гаплашган. Айрим олимлар шарқий Европа чорвадор аҳолиси Кавказ орқали Эронга кириб келган эроний қабилалар мил. авв. ХII-ХI асрларда бутун Эрон ҳудудларига тарқалган деб ҳисоблайдилар. Лидия ҳудудларига мил. авв. I Х асрдан Оссур қўшинлари ўлжа олиш мақсадида босқинчилик юришлари қилганлар. Урарту давлати кучайгач, Руса I 22 манней (Мидия) князларини мил. авв. 716 йил мағлуб этади. Дайакку исмли манней подшосини урартуга ўлпон тўлашга мажбур қилади. Мил.авв. 715 йилда эса Саргон II Дайаккуни асир олиб ҳокимиятдан четлатади. Мил.авв. VIII асрда киммерийларнинг ва мил. авв. VII аср бошларида скифлар ҳужуми урарту ва Оссуриянинг кучсизланишига сабаб бўлади. Мил.авв. 673 йилда лидияликлар Оссурларга қарши қўзғолон кўтаради. Қўзғолонга Каштарити бошчилик қилиб, мустақил Мидия давлати тузилади. Мил.авв. 653 йилда Мидия Оссурия устига қўшин тортади. Лекин скифлар ҳужуми натижасида Каштарити вафот этади. Мидияда мил. авв. 653-625 йилларда скифлар ҳукмронлик қилади. 625 йилда Каштаритининг ўғли Киаксор скифларни қувиб чиқаради. Мидия давлатини бирлаштириб Экбатанни пойтахт қилиб олади. Мил.авв. 612 йил Киаксар Вавилион подшоси Набопаласар билан бирга Оссурия пойтахти Ниневияни ишғол қилади. Мил.авв. 605 йилда эса, Харрон шаҳри яқинида Бобил, Мидия қўшини, Оссур, Миср қўшинини мағлуб этади. Мидия мил. авв. 593 йил Урартуни, 590 йилда эса, Кичик Осиёнинг катта қисмини (Лидиядан ташқари) босиб олади. Шунингдек, Парфия, Гиркания, Сейистонни ишғол қилади. Мил.авв. 584 йил Киаксар вафот

этади. Унинг ўғли Астиаг (584-550 йй.) Эламни истило қилди. Лекин 550 йил янги сулола Аҳмонийлар Мидияни истило қиладилар. Мидия маданиятига Оссурия таъсири кўпроқ сезилади. Архитектурада (нўшижон) олов ибодатхонаси (мил. авв. VIII асрга оид) топилган бўлиб, баландлиги 185 метрни ташкил этади. Подшонинг Экбатандаги саройи ноёб архитектура намунаси бўлиб, етти девор билан ўралган. Лидия мил. авв. VII - VI асрларда Эрон маданиятининг маркази бўлган. Парсуа қабилалари ҳақида мил. авв. I Х асрда илк бор Оссур манбаларида учради. Афсоналарга кўра, Парсларни мил. авв. VIII асрда илк бора Аҳамон бирлаштирган. Мил.авв. 642 йили Оссурлар Эламни босиб олган пайтда Парс подшоси Кир I Оссурияга бўйсунади. Мил.авв. 600-559 йилларда Камбиз I Мидияга итоат этиб, Астиагнинг қизи Манданага уйланади. Ривоятларга кўра Астиаг туш кўриб, уни тадбирини сўраганда, сарой руҳонийлари синглисининг ўғли ундан тахтни тортиб олишини айтишади. Астиаг синглиси Мандананинг ўғлини ўлдиришга буюрсада бир чўпон уни ўз тарбиясига олади. Натижада Кир II мил. авв. 558 йил бобосига қарши курашиб, 553 йилда уни енгади ва Мидияни босиб олади. Форс давлати ташкил топиб, тез орада Элам, Парфия, Гиркания, Арманистонни ишғол қилади. Мил.авв. 547 йили қудратли Лидияни босиб олади. Кичик Осиёдаги юнон шаҳарлари ҳам форс давлатига қарам бўлиб қолади. Мил.авв. 539 йил Бобил ҳам ишғол этилади. Мил.авв. 550 йил Ўрта Осиёга юриш даврида Кир II вафот этади. Кир II вориси Камбиз II мил. авв. 525 йилда Мисрни истило қилиб, фиръавн номини олади. Мил.авв. 522 йилда Эронда зардушт руҳонийси Гаумата шаҳзода Бардия номи остида қўзғолон кўтаради. Камбиз қўзғолонни бостириш учун қайтаётганда йўлда сирли равишда ўлдирилади. Гаумата етти ойдан сўнг ўлдирилиб, тахтга Доро I чиқади. Ана шу қўзғолон даврида Эрондаги ижтимоий-иқтисодий институтлар кураши бўлди, десак хато бўлмайди. Патриархал-уруғ жамоачилигидан четга чиқиб кетмаган, истилочилик юришларидан уруғ бошлиқлари катта бойлик ортирар эди. Шунинг учун улар шоҳларни қўллаб-қувватлар ва унинг кучайиб бораётган деспотик ҳокимиятидан

гўёки ташвишга тушмас эди. Бунинг оқибатида оддий жамоачиларнинг ҳарбий мажбуриятлари ва бўйсундирилган халқларнинг ўлпон тўлаш мажбурияти ошиб борар эди. Гаумата ҳокимият тепасига келгач, уч йил ўлпон олишни ва ҳарбий мажбуриятни бекор қилади. Шунинг учун уни тезда бутун Эрон подшо сифатида тан олади. 11 март 522 йил (мил.ав.) ва 29 сентябргача, Гаумата подшолигининг етти ойида бирор марта қўзғолон кўтарилмайди. Гаумата Эрон ва бўйсундирилган халқларнинг турли табқалари орасида катта обрў қозониш учун ҳаракат қилиб, подшо ҳокимиятини чекланмаган ҳуқуққа эга деб ҳисоблаб, Эрондаги таниқли уруғларга қарши курашди. Шунингдек, катта қудратга эришган ибодатхоналарга ҳам қарши курашди. Натижада, еттита Эрондаги энг аслзода уруғлар фитна уюштириб, Гауматани ўлдирадилар. Тахтга Доро I ўтиради, эски тартибларни тиклаш тарафдори бўлганлиги учун Доро I га қарши Вавилион, Форс, Лидия, Элам, Марғиёна, Парфия, Саттагидия, Ўрта Осиё, Мисрда қўзғолонлар кўтарилади. Қўзғолонлар мил. авв. 522-521 йиллар давомида катта қийинчиликлар билан бостирилди. Доро I мамлакатда сиёсий-ижтимоий аҳамиятга эга ислоҳотлар ўтказди. Мил.авв. 548 йил мамлакат сатрапликларга бўлинди. Сатрап тепасида хшатра-подшолик қўриқчиси унвонидаги шахс туриб, у сатрапликдан маълум миқдордаги солиқларни подшо хазинасига етказиши лозим эди. Сатраплар кўпроқ фуқаровий бошқарувга эга бўлиб, улар кумуш ва мис тангалар зарб қилиш ҳуқуқига ҳам эга эдилар. Сатраплардан ташқари ҳарбий бошлиқлар мустақил бўлиб, тўғридан-тўғри подшога бўйсунар эди. Мамлакатнинг пойтахтлари Суза, Экбатон, Пасаргардда подшо канцелярияси ташкил этиб, алоқа хизматларини юзага келтирди. Подшонинг кўз қулоқлари номли яширин полиция хизмати жойлардаги сатраплар, аҳоли кайфиятидан шоҳни огоҳ қилади. Ҳуқуқий соҳада таниқли уруғ бошлиқлари катта мавқега эга бўлган. шунингдек, турли уруғ-қабила, халқлардан ташкил топган давлатда одат ҳуқуқи, Бобил (Хамураппи), Миср қонунлари ҳам амалда қўлланилган. Мил.авв. 517 йил пул ислоҳоти ўтказилиб, 8,4 гр ли олтин тангалар зарб қилина бошланди. Форс армияси отлик ва пиёдалардан ташкил топган бўлиб, отлиқ аскарлар шарқий Эрондаги саклардан кўпроқ олинган. Қўшин асосини 10 минг

кишини ташкил этувчи “ўлим билмас” аскарлар ташкил этиб, унинг дастлабки 1000 кишилик таркиби подшонинг шахсий гвардияси таниқли уруғлар орасидан танлаб олинган. Доро I даврида ташқи сиёсатда юнон-форс урушлари (мил. авв. 490-449 йй.) Эронни иқтисодий ва сиёсий жиҳатдан кучсизланишига олиб келди. Мил.авв. 330 йилда А.Македонский қўшинлари зарбаси остида Эрон давлати қулайди. Мил.авв. VI - IV асрларда Эрон иқтисодиётида деҳқончилик, чорвачилик, ҳунармандчилик устун мавқега эга бўлган. Миср, Сурия, Ўрта Осиё ҳудудларидаги Ерлар расман подшога тегишли бўлиб, подшо ерни ижарага берар, ижарачилар эса, яна майда ишлаб чиқарувчиларга берар эди. Бобилда мурашу, Мисрда Аршама ва бошқалар шоҳ ижарачилари бўлиб, катта бойлик тўплар эдилар. Бундан ташқари подшодан ер олиб ҳарбий хизмат ўтаб бериш шакли ҳам вужудга келган эди. Сувда ва қуруқликда савдо-сотиқ ривожланиб, Ҳиндистондан узоқ Испаниягача эркин савдо қилиш мумкин бўлган шоҳ йўлининг ва мил. авв. 518 йилда Скилокнинг ҳинд дарёсидан қизил денгизгача сузиб боргани сув йўлининг аҳамиятини ортишига сабаб бўлди. Қулчилик Эрон давлатининг ўсиб бориши билан ривожланди. Дастлаб қуллар уруғчилик анъаналари асосини унчалик емирмаган бўлсада, кейинчалик қуллар (курташ, бантак) жамиятда катта рол ўйнай бошладилар. Эроннинг қадимий ва илк ўрта асрлар тарихида зардуштийлик дини катта рол ўйнаган. Мидиянинг сўнгги подшоси Астиаг давридаёқ зардуштийлик давлат дини даражасига кўтарилган. Шу билан бир қаторда ўзга юрт худоларига ҳам эътиқод давом этган. Эрон давлати кучайган даврда ҳам Миср, Бобил, Финикия, Юнон худоларига подшо номидан қурбонликлар қилинган, албатта, улар Ахурамаздага қилинган қурбонликлардан уч баробар кам бўлган. Қадимий форс ёзуви Аккад ёзувига ўхшасада, аммо, у кўпроқ алфавит ёзув бўлиб, 40 та белгидан иборат бўлган. Қадимги Эрон архитектураси ёрқин намуналари Пасаргад, Персипол, Суза ва бошқа шаҳарларда кўплаб топилган. Кир II дахмаси, Доро I саройи, Эрон шоҳлари мақбараси бўлган нақши рустам, Беҳистун ёзувлар ва бошқа кўплаб архитектура ёдгорликлари топилган. Аҳамонийлар даврида Эрон санъатига Миср, Бобил санъатининг таъсирига қарамай, Эрон

санъати ўзига хос йўлдан ривожланди. Асосан реалистик тасвирларни тасвирий санъат ва ҳайкалтарошликда тасвирлаш Эрон санъатининг асосий ютуғи эди. Мил.авв. 334-323 йилларда Эрон ҳудудини юнон-македон қўшинлари босиб олади. Кейинчалик мил. авв. 250 йилгача, салавкийлар давлати таркибида бўлади. 247 йил Парфияда даҳ-парх қабилалари етакчиси Аршак салавкийлар сатрапи Андрагорни мағлуб этиб, Парфия давлатига асос солади. Парфия давлати Митридат I (мил. авв. 171-138 йй.) даврида кучайиб, Мидия, Месопотамия ҳудудларини босиб олади. Деметрий II салавкийлар қудратини қайта тиклаш учун қилган ҳаракати (мил. авв. 141й.) муваффақиятсиз тугайди. Митридат II (мил. авв. 123-87 йй.) даврида Парфия қудратли давлатга айланади. Шу вақтдан бошлаб Парфия Римнинг Шарқдаги энг катта рақиби бўлиб қолади. Мил.авв. II - I асрлардан Парфия давлати кучсизлана бошлайди. Рим императорлари Троян, Адрианнинг қўшинлари пойтахт Ктесифонгача етиб келади. 148-192 йилларда Вологез III даврида Парфия Римга қарши жавоб зарбалари беради. Парфия шоҳлари қуруқликдаги савдо йўллари устида ҳукмронликни ўз қўлларида сақлаб қолиб, қароқчиларга қарши кураш олиб бориш мақсадида махсус қўриқчи бўлинмалар тузадилар. Давлат тузилишига кўра Парфия кичик-кичик қарам подшоликлардан иборат бўлиб, князлар Марказий ҳиокимиятга қарши доим кураш олиб борганлар. Парфия маданиятида юнон элементлари кучли таъсир этади. Ород II (мил. авв. 55-38 йй.) Красснинг мағлубяти (мил. авв. 53 й.) ҳақидаги хабарни театр кўриб турганда эшитади. Маҳаллий эътиқодлар билан бир вақтда юнон этиқоди, ёзуви сақлаб қолинган. Ишлаб чиқаришда асосан қуллардан фойдаланилган. Ижтимоий жиҳатдан подшо ва йирик ер эгалари, эркин жамоачилар юқори қатламни ташкил этган. Подшони икки кенгаш қабила оқсоқоллари ва руҳонийлар тан олсагина унинг ҳукмронлиги қонуний асосга эга бўлган. Турфа халқлар ва маданиятларни бирлаштирган Парфия давлати мил. авв. III - I асрларда юнон маданияти устунлик қилар эди. Аристократлар орасида юнон тартиб- қоидалари асосида яшаш ва ўзини тутиши лозимлиги ёшлигидан сингдириларди. Нисо шаҳри (Ашхобод яқинида) ни қазиш вақтида зардуштийлик даври ва элинистик давр ибодатхоналари, архитектура

ёдгорликлари, 12 олимп худолари эътиқод культида сақланиб қолинганлиги аниқланган. Милодий II асрдан маданиятда Парфия мотивлари кучайиб, архитектура ва тасвирий санъатда, шунингдек тангалар зарб қилишда яққол кўзга ташланади. Эроннинг Форс вилоятидан бўлган уруғи етакчиси Ардашер дастлаб Парфия давлатининг удел князи эди. 224 йилда эса, Артабан V қўшинларини мағлуб этади. Тез орада Мидия, Озарбайжон, Сейистон, Хуросон, Марв воҳаси, Каспий атрофлари бўйсундирилади. Арманистон ва Грузиянинг истило қилиниши билан Закавказьедаги муҳим савдо йўллари ҳам сосонийлар қўлига ўтди. Ардашер I вориси Шопур I (241-272 йй.) даврида Рим империяси билан узоққа чўзилган уруш бошланди. Сосонийлар давлати Шопур II (309-379йй) даврида катта қудратга эришиб, Бахрайнни босиб олди. Рим билан муваффақиятли урушлар олиб борди. Арманистон ва Грузия икки давлат ўртасида 387 йилги сулҳга кўра тақсимланди. Йаздигард I даврида христиан дини Эрон ҳудудларига тарқала бошлади. Баҳром Ғўр (421-438 йй) даврида христианлар таъқиб остига олинади. Йаздигард II (438-457 йй.) Арманистонда ҳам зардуштийликни давлат дини даражасига кўтаришга уриниши катта қўзғолонга сабаб бўлади. Перўз (459-484 йй.) давридагина қўзғолон бостирилади. Эроннинг бу даврдаги ижтимоий тузилишида учта озод, эркин табақа мавжуд бўлиб, улар руҳонийлар, ҳарбийлар, эркин деҳқон ер эгалари бўлиб, IV асрдан табақаларда ўзгариш юз беради, яъни руҳонийлар, ҳарбийлар, котиблар ва солиқ тўловчи табақалар шаклланади. Руҳонийлар бошлиғи-Мобедан-мобед, ҳарбий қўмондон-Эрон-Споҳбед, бош котиб- Дабирбед, солиқ тўловчи табақа бошлиғи-Вастриашон-салор деб аталган. Руҳонийларнинг олий табақаси мобед зардушт коҳинлари магларни назорат қилиб турган. Мобедан-мобед шоҳдан сўнг иккинчи ўринни эгаллаган. Эрон сипоҳдордан сўнг ярим мустақил вилоят ҳокимлари шаҳрдорлар турган. Ундан сўнг виспухр-қадимги Эрон аслзода уруғлари туриб, улар муҳим давлат ишларини бажарганлар. Кейинги табақа вазирлар бўлиб, ҳудудий бўлиниш ва армияда муҳим мансабларда бўлганлар. Қўшин асосини азатлар (эркин жамочилар) ташкил этган. Котиблар табақасига хат ёзувчилар, астрологлар,

таржимонлар кирган. Тўртинчи табақага деҳқон, ҳунармандлар, савдогарлар кирган. Сосонийлар даврида зардуштийлик давлат дини даражасига кўтарилган эди. Зардуштийлик таълимоти эзгуликка хизмат қилишдан иборат эди. Ижтимоий- сиёсий, иқтисодий жараёнларнинг ривожланиши натижасида жамиятдаги баъзи саволларга жавоб бера олмай қолаётган бир вақтда янги диний таълимотлар вужудга кела бошлайди. Шопур I ҳукмронлиги даврида тахминан 241-242 йилларда гностик (диний- фалсафий оқим бўлиб, христианлик ва эллинизм таълимотини мифологик тарзда яқинлаштиришга уринган) лик мактаби аъзоси Моний Эронда монийлик таълимотини тарғиб эта бошлайди. Бу дин эзгулик ва қоронғулик курашига асосланган ғояларни тарғиб этади. Инсон эзгуликка ёрдам бериши учун қон тўкиш, зўравонликлардан воз кечиши, мусиқа, рақс, тавсирий санъат каби соҳалар билан шуғулланиши лозим бўлиб ҳисобланган. Судхўрлик орқали тўкин, тинч фаровон яшаш лозим деб, таркидунёчиликни тарғиб қилган. Зардушт коҳинлари томонидан Моний 276 йили қатл этилади. Аммо, унинг таълимоти бутун Эронга тарқалиб бўлганди. 484 йилда Византияда несториан мазҳаби еретик деб тан олингач, бу мазҳаб вакиллари Византиянинг рақиби Эронга қочади ва христианлик дини тарғиб қилина бошланади. Шу билан бир қаторда Месопотамия ва Эроннинг Марказий вилоятларида яҳудийлик дини ҳам тарғиб қилинган. Маздак ғоялари ҳам кўпдан кўп диний қарашлар асосида шаклланиб V аср охири- VI асрларда катта таъсирга эга бўлди. Чунки зардуштийлик, эллинистик, христиан ва яҳудийлик диний ғоялари асосида шаклланади. Бир неча йил қурғоқчилик ва чигиртка уруши натижасида ҳосилсизлик натижасида халқ норозилиги кучайиб боради. Шу вақтда (491й.) маздакийлик ғояси асосида илк қўзғолон бўлиб ўтади. 496 йилги маздакийлар чиқиши подшо Каводни эфталитлар ҳукмдори Вахшунвар ҳузурига қочиши ва 499 йил эфталит қўшини ёрдамида тахтга қайтишига сабаб бўлди. Кучайиб кетган маздакчиларни 529 йилда шоҳнинг ўғли Хусрав I қувғин қилишга эришади.

Адабиётлар : 1. Каримов И.А. Тарихий хотирасиз келажак йўқ. Т., 1998. 2. 2017-2021 йилларда Ўзбекистон Республикасини ривожлантиришнинг бешта устивор йўналишлари бўйича ҳаракатлар стратегияси. 2017 йил 7-Февраль. ПФ 4947-сонли фармон. //Халқ сўзи, 28-сон, 2017 йил, 8 февраль. 3. Мирзиёев Ш.М. Таныидий таҳлил, қатъий тартиб-интизом ва шахсий жавобгарлик-ҳар бир раҳбар фаолиятининг кундалик қоидаси бўлиши керак. - Т.: Ўзбекистон, 2017. - 104 б. 4. Эшов Б. Цивилизация тизимида илк шаҳарлар. Тошкент, 2005. 5. Островский А.В. История цивилизаций. Санкт-Петербург. 2000 6. Яковец Ю.В. История цивилизаций. М., 1997. 7. “Древние цивилизации”. Под общей редакцией Бангарда-Левина Г. М. М., 1989. 8. “Древнеиндийская философия. Начальный период” М., 1963. 9. “Мифология древнего мира”. М., 1977. 10. Крамер С. “История начинается в Шумере”. М., 1991. Ғуломов Х.Ғ., Татибоев А.С. “Ўрта Осиё ва жахон тарихи”. Т., 1993

Похожие

Илк ўрта асрларда Хитой

Илк ўрта асрларда давлатчилик ва бошқарув

III-VII асрларда Эрон

Ш—VII асрларда Эрон

XVI—XVII асрларда Эрон