Қирғоқда жойлашган ёпиқ сув ташлагичлар - Водное хозяйство - Рефераты

Қирғоқда жойлашган ёпиқ сув ташлагичлар

Загружено в:

08.11.2019

Скачано:

0

Размер:

553.5 KB

Қирғоқда жойлашган ёпиқ сув ташлагичлар Режа: 1. Қувурли -минорали сув ташлагичлар. 2. Қувурли-чўмичсимон сув ташлагичлар. 3. Доиравий водосливли шахтали сув ташлагичлар.

Қирғоқда жойлашган ёпиқ сув ташлагичлар Ёпиқ сув ташлагичлар қояли сиқилган створларда барпо этиладиган ўрта ва юқори босимли гидроузелларнинг асосий иншоотлари таркибида жойлаштирилади. Ер ости қувурлари ёки тунеллари орқали қурилиш сувларини ўтказиш ҳисобига уларнинг қўлланилиш устидан сув ўтказмайдиган грунтли ёки бетонли тўғонларни қуришда ишларни кенг кўламда олиб боришга имкон беради, ҳамда бу шароитларда қиммат бўлган очиқ қирғоққа жойлаштириладиган сув ташлагичлар ўрнига арзонроқ бўлган ёпиқ сув ташлагичларни қўллаш мумкин. Қувурли - минорали сув ташлагичлар. Баъзи ҳолларда ёпиқ сув ташлагичларни бевосита устидан сув ўтказмайдиган грунтли тўғон танасида жойлаштириладиган қувурли-минорали қилиб бажарилади. Унга катта бўлган сув сарфларда ва босим бир неча метр бўлганда бундай сув ташлагичларнинг оддий конструкциялари қўлланилади. Бунда кўндаланг кесими доимий бўлган минора ва ўзгарувчан гидравлик режимда ишлашга рухсат этиладиган сув ташлагич киради

2.23 -расм. Хандакли сув ташлагичлар: а,б,в- кириш қисмини жойлашиш вариантлари; г,д- хандакли мос равишда қийшиқ остонали ва алмашинувчи водосливлар уч қисми; 1-қуйруқ қисми эгри чизиқли оралиқ деворлар; 2-силлиқ шаклдаги девор;3-остона; 4- тўғон;5- трамплин; 6-хандакли сув ташлагич; 7-планда эгри чизиқли тубдаги остоналар.

(2.24, а -расм). Бундай сув ташлагичларнинг ҳар хил конструкциялари бир қатор мелиоратив гидроузелларда кенг қўлланилган. Катта босимларда катта сув сарфларини ўтказиш учун қурилган Мингечаур (Россия) ва Ирил Эмда (Жазоир) гидроузеллар сув ташлагичлари киради (2.24, б, в -расм). Бу сув ташлагичлар босимсиз режимда ишлаш учун лойиҳаланган. Қувурли-чўмичсимон сув ташлагичлар. Улар кириш қисми чўмич шаклида бўлган ёпиқ сув ташлагичларга киради. Бундай сув ташлагичларнинг ишлаш шароитлари хандакли сув ташлагичларга ўхшаш бўлади (2.25-расм). Будай иншоотларнинг асосий қисмига кириш каллаги ва табиий грунтда ётқизилган қувур киради. Қувурдан сув оқими чиқиш жойида каллаги ўрнатилади, ундан кейин эса кинетик энергияни сўндириш учун сув урилма қудуқ ёки бошқа турдаги сўндиргич ўрнатилади. Кириш каллаги чўмич кўринишида бўлиб, унга сув уч томондан олинади. Кириш каллаги қувур билан ўтиш участкаси ёрдамида бирлаштирилади. Ўтиш участкаси кириш каллагининг тўғри бурчакли кесимидан қувурнинг доиравий кесим юзасига равон ўтишини таъминлайди. Заводда ишлаб чиқилган доиравий қувурлар қўлланилади. Қувур узунлиги бўйича фильтрацияга қарши диафрагмалар ўрнатилади. Каллаги вакуумли ва вакуумсиз бўлган босимсиз ва босимли режимда ишлайдиган чўмичсимон сув ташлагичлар мавжуд. Босимсиз чўмичсимон сув ташлагичларда чўмич қиррасини синиқ чизиқли бажарилиб узайтирилади, бу эса сув қўйилиш фронтини оширади. Шахтали сув ташлагичлар. Қўлланиш шартлари Шахтали сув ташлагичлар тўғондан ташқарида, соҳилда қурилиб, юза жойлашган доиравий водосливдан, вертикал ёки бир оз ётиқроқ шахтадан ва туннел ёки галерея кўринишидаги сув ўтказувчи трактдан ташкил топади (2.26- расм). Сув ташлагич шахтаси кўндаланг кесими доиравий ва тўлиқ қазилган қояда жойлаштирилади.

Баъзи бир алоҳида ҳолларда ноқулай топографик ва геологик шароитларда шахтани жойлаштиришда унинг юқори қисми минора кўринишида бажарилади. Сув ўтказувчи тракт сифатида қурилиш туннели ёки галереядан фойдаланилади, улар билан шахта туташтирилади. Одатда шахтали сув ташлагичларни қояли заминларда ўрта ва юқори босимли гидроузелларда барпо этилади. Бу турдаги ташлагичлар 5000 м 3 /с гача сарфни ташлаш мумкин. Ишлаш шароти бўйича шахтали сув ташлагичлар бошқариладиган (тепасида затвор билан) ва автоматик терзда ишлайдиган турларга бўлинади. Бошқариладиган шахтали сув ташлагичларда юқори бьефдаги НДС водослив узунлиги бўйича радиал жойлашган, оралиқ деворларга таянадиган затворлар ёрдамида ушлаб турилади. Автоматик ишлайдиган шахтали сув ташлагичларнинг водослив тепаси НДС да жойлаштирилади. Бундай сув ташлагичлар юқори бьефда сув сатҳи ўзгарувчан бўлганда ишлайди. Бошқариладиган сув ташлагичлар сарф 600...700 м 3 /с дан юқори бўлганда қўлланилади. Уларнинг сув оқизма тепасидаги босим 5...6 м гача бўлганда йўл қўйилади. Автоматик ишлайдиган сув ташлагичлар босим 2 м дан катта бўлмаганда ва фақат кичик сафларни ташлашда қўлланилади. Водослив тепаси кўриниши планда жойлашуви бўйича доиравий (2.26-расмга қаранг), тўлиқ бўлмаган доиравий (2.27-расм) ва гулбаргсимон (2.28-расм) турларга бўлинади. Конструктив тузилиши ва ишлаш шароити бўйича доиравий ва тўлиқ бўлмаган доиравий водосливлар воронканинг бир хил радиусларида водослив узунлиги бўйича фарқланади.

2.24-расм. Қувурли- минорали сув ташлагичлар: а-унча катта бўлмаган сарфлар ва босимлар учун (намунавий лойиҳа); б-Мингечаур гидроузели (Россия); в-Ирил Эмда гидроузели (Жазоир); 1- сувда оқиб келувчи жисмларни ушловчи панжара; 2-кўтаргич; 3-темир- бетонли диафрагма;4-деформация чоки; 5-гидроизоляция; 6-затворлар камераси; 7-шахта; 8-гил; 9-қумтош; 10-трамплин; 11-кучсиз сланцлар.

2.25-расм. Қувурли чўмичсимон сув ташлагич: 1-ер сатҳи; 2-темир-бетонли қувурлар; 3-йўл четидаги тўсиқлар; 4- тўғон ўқи. 2.26-расм. Доиравий водосливли шахтали сув ташлагич ва уни гидроузелда жойлаштириш: 1-доиравий водослив; 2-оқимни йўналтирувчи оралиқ деворлар; 3-туннел

2.27-расм. Тўлиқ бўлмаган доиравий водосливли шахтали сув ташлашгич 2.28-расм. Гулбаргсимон водосливли шахтали сув ташлагич Доиравий водосливли шахтали сув ташлагичлар . Доиравий ва тўлиқ бўлмаган доиравий водосливлар одатда вакуумли ёки вакуумсиз кўринишда амалий профилли ёки кенг остонали қилиб бажарилади. Кенг остонали водосливнинг тепаси текис горизонтал ёки 6...9 0 бурчак остида воронкага йўналган конусли бўлади. Тепа қисм кенглиги водосливнинг умумий ўлчамлари ва затвор турлари бўйича аниқланади. Тепанинг текис кенглиги  R B H 5,0...4,0 5,3   оралиғида қабул қилинади, бунда H - водосливдаги босим; R -сув ташлагичнинг кириш воронкаси радиуси. Туннелли сув ташлагичлар. Туннелли сув ташлагичлар сув қабул қилгич ва сув ўтказувчи тракт вазифасини бажарувчи туннелдан ташкил топади. Туннелли сув ташлашгичлар қояли заминларда барпо этиладиган ўрта ва юқори босимли гидроузелларда қўлланилади.

Сув ташлагичини баландлик бўйича жойлашувига кўра ташлагичлар икки гуруҳга бўлинади: юза жойлашган сув қабул қилгичли сув ташлагичлар (2.29, а -расм) ва чуқур жойлашган сув қабул қилгичли сув ташлагичлар (2.29, б -расм). Биринчиси фақат эксплуатация сарфларини ўтказиш, иккинчиси эса бар вақтнинг ўзида сув омборини сувдан бўшатиш ва пастки бьефга чиқариш ролини бажаради. Юқори бьеф сув сатҳидан пастда жойлашган чуқур жойлашган сув қабул қилгич тирқиши чуқурлиги затвор ҳаракат қилиши мумкин бўлган, унга йўл қўйиладиган босим билан аниқланади. Катта босимларда яруслар бўйича жойлашган бир нечта чуқур жойлашган тирқишлар ўрнатилади (2.30-расм). 2.29-расм. Юқори босимли гидроузелнинг туннелли сув ташлагичлари: а-юзада жойлашган сув қабул қилгич билан; б- чуқур жойлашган сув қабул қилгич билан; 1-қурилиш сарфларини ўтказувчи туннел; 2-затворлар камераси; 3-сув ташлаш туннели; 4- бетонли тиқин; 5-затворларни бошқарадиган шахта.

2.30-расм. Бир нечта сув қабул қилгичли туннелли сув ташлагич: 1-панжара; 2-ҳаво келувчи жой; 3-қурилиш туннели. Юзадан сув олувчи туннелли сув ташлагич сув қабул қилгичи кўп ҳолларда ясси ёки сегментли затворлар билан тўсиладиган амалий профилли ёки кенг остонали фронтал сув оқизма кўринишда бажарилади. Бундай сув оқизмада босим 20 м ва ундан ортиқни ташкил қилиши мумкин. Юза жойлашган сув қабул қилгичли туннелли сув ташлагичлар одатда сув ўтказувчи трактнинг умумий узунлиги бўйича босимсиз оқим режимида лойиҳаланади. Чуқур жойлашган сув қабул қилгичли сув ташлагичларда бошқарадиган затворларнинг жойлашувига боғлиқ ҳолда оқим режими босимли ва босимсиз бўлиши мумкин. Затворлар туннелнинг бошида жойлаштирилганда затвор олдидаги туннелнинг учта катта бўлмаган узунлигида оқим босимли, узунлигининг қолган қисмида эса босимсиз режимда бўлади. Агар бошқарадиган затворлар туннелнинг охирида жойлаштирилганда, трассанинг умумий узунлиги бўйича оқим босимли бўлади. Сифонли сув ташлагичлар. Сифонли сув ташлагичлар автоматик тарзда ишлайдиган қувурли сув ташлагичларнинг бир кўринишидир. Улардан сувни гидроузел юқори бьефдан пастки бьефга ташлаш учун фойдаланилади. Сифонлар конструктив жиҳатдан бетонли тўғон танаси ичига ётқизилган, вертикал текисликда букилган (қайирилган) тўғри бурчакли ўзгарувчан кесимли бир қатор қувурлар кўринишида бажарилади

(2.31-расм). Уларнинг кириш қисмига тўғри чизиқли конфузор кўриниш берилади. Конфузор кириш кесими баландлиги кирa , сифон тепасидаги қувур баландлиги а дан 1,5...2 марта ортиқ (катта) бўлади. Сифонли сув ташлагичлар тепаси НДС да жойлаштирилади. Юқори бьефдаги сув сатҳи 0,2...0,3 м кўтарилганда сифон тўлиқ кесим билан ишлай бошлайди. Сифон ичида вакуум ҳосил қилиш учун сифоннинг чиқиш тирқиши орқали ҳаво келишига йўл қўймаслик керак. Буни бир неча усуллар билан амалга ошириш мумкин: 1) қувур пастки қисми пастки бьеф сув остига туширилади (2.31, а -расм); 2) сифондан чиқишда букилган қувурларни қўллаб, сув тиқинини (пробкасини) ҳосил қилиш (2.31, б -расм); 3) сув ўтказувчи пастки қисм юзасида трамплинни ўрнатиш, бунинг натижасида жилға ундан чиқишда қарама-қарши деворга отиб ташланади ва ҳаво ўтказмайдиган сув плёнкаси ҳосил бўлади (2.31, в,г -расм). Сифон ишлашини тўхтатиш учун унинг ичига ҳаво юборилади, вакуум йўқолади ва сифон ишлаши тўхтайди. Ҳавони юбориш сифон кириш қисмидаги НДС да жойлашган ҳаво қувурлари орқали амалга оширилади. 2.31-расм. Сифонли сув ташлагичлар:

а,б-кириш қисми кўмилган сифон; в-ҳаво тўсиғини ҳосил қилувчи сифоннинг учи; г-оқимни бурадиган поғона схемаси; д-сифонли сув ташлагич кириш қисми. Сифонли сув ташлашгичлар қатор афзалликларга эга, булар жумласига қуйидагиларни киритиш мумкин: 1) сифоннинг сув ўтказиш қобилияти бошқа водосливларникига кўра бир неча марта ортиқ; 2) сифоннинг сув ўтказиш қобилияти катта бўлишига қарамай, унинг ичидаги сувнинг тезлиги сувнинг тезлиги сифон материалига йўл қўйиладиган тезликдан ошмайди; 3) юқори бьефда сув сатҳи унча катта кўтарилмаганда ҳам сифон автоматик тарзда ишлайди. Сифонларнинг камчиликлари: 1) қиш даврида эксплуатация қилиш қийин; 2) алоҳида қисмларнинг титраши (вибрация); 3) сифонда оқим тезликларини катта бўлиш уларнинг бурилиш ерлари юзаларида босим ва вакуум юқори бўлади; 4) мураккаб қолипларни қўллаш ва деворларни кўп арматуралаш зарурлиги.

Фойдаланилган адабиётлар рўйхати : 1. Можевитинов А.Л. и др. Введение в гидротехнику, М., 1984 г. 2 .Рассказов Л.Н. и др. Гидротехнические сооружения, в 2частях М. Стройиздат, 1996. 3.Субботин А.С. Основы гидротехники и гидрометрических сооружений.Л. Гидрометеоиздат, 1991. 4. Бакиев М., Носиров Б., Хўжақулов Р. Гидротехника иншоотлари. Т., “Талқин”, 2007. 5.Баиев М, Мажидов Ҳ., Носиров Б., Хўжақулов Р., Раҳматов М. Гидротехника иншоотлари. Т., “Ванги аср авлоди”, 2008. 6 .Файзиев Х. Гидротехника иншоотлари. Ўқув қўлланма, 3-қисм. ТАҚИ 2003й 7.Файзиев Х., Хусанхўжаев Ў.И. Гидротехника иншоотлари.Ўқув қўлланма, 1-қисм. ТАҚИ 2007й.

Похожие

Сув ташлагичлар ва механик жиҳозлар шикастланишлари

Сув ўтказувчи иншоотлар

Сув олувчи иншоотлар ва сув тиндиргичларни ишлатиш

Сув ташлама сув олувчи иншоотлар сув тиндиргичлар магистрал каналларни реконструкция килиш хусусиятлари

Сув чиқарувчи иншоотлар