Грунт иншоотлар тепаси ва кияликларидаги бузулишларни таъмирлаш - Водное хозяйство - Рефераты

Грунт иншоотлар тепаси ва кияликларидаги бузулишларни таъмирлаш

Загружено в:

29.10.2019

Скачано:

0

Размер:

3769 KB

Грунт иншоотлар тепаси ва кияликларидаги бузулишларни таъмирлаш Режа: 1. Грунт иншоотлар тепаси ва кияликларидаги бузулишларни таъмирлаш 2. Асфальтобетонлар

Грунт иншоотлар тепаси ва кияликларидаги бузулишларни таъмирлаш Сув димловчи грунт иншоотларни ишлатиш жараёнида тўгон тепаси (ўркачи) ва танасига лойиха белгисигача яна грунт солиш, юкори кияликка, уни кольматация килиш максадида суглинок солиш, кўндаланг ва бўйлама ёриклар ва бўшликларни беркитиш (бутлаш), мустахкамловчиларини таъмирлаш, чимлаш, ўт экиш ва бошка ишларни амалга ошириш зарурияти вужудга келади. Кўпчилик паст напорли тўгонларда, бу ишлар календар йил давомида бажарилади, чунки бу холда мазкур ишлар жорий таъмирлаш ишлари сифатида амалга оширилади. Кияликларни ўпирилиши ва сирпаниб чикиши, олдиндан кўзда тутилмаган йирик ўлчамли ўйиклар, чукур ёриклар ва сейсмик таъсир остида вужудга келган бошка деформациялар, сел ёки тошкин окими натижасида шикастланишлар аварияларга мансубдир. Тўгон ўркачи ва кияликларида кўндаланг ва бўйлама ёриклар мавжуд бўлганда ёрик ўки бўйлаб пастига кискариб борадиган трапециодал траншея, ёрикдан 0,3…0,5 м паст чукурликда (15.1,а – расм) ва ёрик узунлигидан хар бир томонига 1 м дан узун килиб ковланади. Траншея, агар грунтни алмаштиришга махсус асослаш бўлмаса, тўгон кандай грунтдан ташкил топган бўлса, ўша грунт билан тўлдирилади. Грунт 10…15 см дан катлам- катлам килиб, лойиха зичлигигача шиббалаб (трамбовка килиб) ёткизилади. Депрессия эгри чизигидан паст ёриклар бартараф килиниётганда, ёрикга кўндаланг килиб киска кулф килинади (15.1,б – расм), у траншея бўйлаб контакт фильтрациясини олдини олади. Ёрикларни бутлаш, одатда йилнинг иссик пайтида бажарилади. Кишки пайтда таъмирлаш ишлари олиб борилаётганда траншея эриган грунт билан тўлдирилади, катламлар ёткизилаётганда катламлар деворлари ва траншея тубини музлашига йўл кўйилмайди. Агар траншеядаги сув сатхи юкори бьефдаги сув сатхидан паст бўлса, унда таъмирлаш ишлари олиб борилаётган жой шпунт билан ўраб кўйилади.

Чир-Юрт тўгонида 7 балл ер кимирлаши натижасида бўйлама ёриклар хосил бўлган, ўркач ва парапет бузулган эди (13.2 га каранг). Таъмирлаш ишларини бажаришда юкори, юмшаган грунт катлами 2…4 м чукурликгача олиб ташланган, ядродаги суглинок зичлиги 1,55 т/м 3 ташкил килган. Ундан кейин ядро бутун юзаси бўйлаб огир шиббаланиб зичланган. Шундан кейин тўгонга лойихага мувофик яна грунт солинган ва зичланган. Шунингдек парапед, пиёдалар йўлаги, мустахкамловчилар ва бошкалар кайта тикланган. 15.1 – расм Грунт тўгонлар ёрикларини бутлаш: а – бўйлама; б – кўндаланг; 1 – тўгон ўркачи; 2 – ёриклар; 3 – траншея; 4 – траншея кулфи; 5 – шпунт билан ажратиб (ўраб) кўйиш. Ўлчамлар м да. Ядроли Чорвок тўгонида, курилиш жараёнида, кўндаланг ва бўйлама ёриклар хосил бўлган. Бўйлама ёриклардан бирининг узунлиги 450 м, максимал очилиши 18 см ва чукурлиги 6 м гача бўлиб, у пастки таянч призмага ўтиш зонасининг контактида юзага келган. Кўндаланг ёриклар, ёрик бўйлаб йўналган шурфда хосил килинган шпонка билан бутланган, бўйламаларига эса – чукурлиги 1 м бўлган траншеядан майда кум ювиб туширилган. Кум кичик порциялар билан узлуксиз сув окимида юбориб турилган, ювиб тушириш траншея сиртида кум катлами хосил бўлганда тугатилган. Ўркачга одатдаги усул билан грунт солинган, бунда олдин юза юмшатилган, мустахкамловчи материал вактинчалик тўкмага (отвал) суриб кўйилган, юза текисланган ва барона килинган, ўркачдаги грунт энг макбул

намликка етказилган, карьер материали энг макбул намлаш билан тўкилган, текисланган ва зичланган. Лойиха белгисига етиш билан бирга йўл тасмаси курилган. Ўпирилган кияликларни кайта тиклаш ёки уларни ётикрок килиш, юмшок кўчиб тушган грунтни суриш йўли билан амалга оширилган, кияликнинг бутун баландлиги бўйлаб (кўндаланг усул) кия катламда ёки кияликни бутун узунлиги бўйлаб горизонтал катламлар билан грунт тўкилган ва зичланган (15.2 –расм). Тўкиш (солиш) учун материал сифатида ўша кўчиб тушган грунтдан, тўкиш технологиясига риоя килиниб, фойдаланилса бўлади. Тўкиладиган грунтнинг тургунлигини ошириш учун пастки кияликдан грунт боскичма боскич5,0  s s mh b м (15.1) кенгликда кесиб олинади. Бу ерда m – таъмирлашдан кейинги киялик коэффициенти; h s – ўйилиш баландлиги, шиббаловчи механизм характеристикасига боглик, одатда 0,15… 0,25 м кабул килинади. 15.2 – расм Грунт тўгонлар кияликларини кенгайтириш ва ётиклаштириш схемалари: а ва б - бўйлама ва кўндаланг усуллар; в – грунтни каток билан зичлаш; 1 – тўгон ўркачи; 2 – таъмирлашгача бўлган пастки киялик; 3 – лойиха бўйича киялик; 4 – грунт тўкиш катлами ва зичлаш; 5 – зичланган грунт; 6 – бульдозер билан текисланаётган грунт; 7 – каток.

Бўйлама усулда майдоннинг энг кам кенглиги зичлаш учун кабул килинган каток, бульдозер ёки автосамосвал кенглиги 0,5…1 м га кўп кўшиб кабул килинади. Грунт иншоотлар тўкмаларини ер кемирувчи (ондатра, сув кундузи, юмрон козик, крот, каламуш ва бошк.) хайвонлар ин куриб, бузганда, (мисол учун, юмрон козикнинг канал дамбасидаги инини 29.01.2007 й. олинган расмини 15.3 – расмда келтирдик) ин охиригача ковланади, сўнг грунт шиббаланилиб кайта кўмилади. Бундан ташкари инларга сув куйилиб, сўнг инга глинали ёки кум-цементли аралашма куйиб беркитилиши хам мумкин. Айрим холатларда инларга кимёвий «кулф» килинади ва траншея грунтни катлам-катлам зичлаб етарли намликга етказиб тўлдирилади. Окиш пайдо бўлганда уларнинг келиб чикиш сабабларини аниклаш зарур. Юкори фильтрация мавжуд жойларга аввал, тепа кияликда полиэтилен пленкадан, устига грунтдан юк бостириб пластир (ямок) кўйилади, пастки кияликда эса устига грунт материалдан юк бостириб вактинчалик дренаж килинади. Ундан кейин фильтрация сабаби аникланади ва таъмирланади. 15.3 – расм. Юмрон козикнинг канал дамбасидаги ини

Юкори киялик тошли мустахкамловчиларини, хам курукликдан туриб хам сузиш воситаларидан туриб, таъмирлашади. Киялик таъмирланаётганда сув омборини анча бўшатишга тўгри келади, бу электр энергияси ишлаб чикиш ёки кўпрок майдонни сугориш нуктаи назаридан ўзини окламайди. Сув остида таъмирлашда, понтонлардан иборат, кўзгатгич, ўлчов воситалари ва тошни кияликга тушириш курилмасига эга сузувчи платформа йигилади. Рейка – футшток ёрдамида чукурлик ўлчанади ва бузулиш зонаси хажми аникланади, у олдиндан таъмирланадиган участкачаларга бўлиб чикилади. Ундан сўнг ишни бажаришга киришилади. Таъмирлаш учун материаллар баржалар ёрдамида олиб келинади. Тўкиш калинлиги тошнинг хисобий диаметрини камида 2,5…3 мартасига тенг кабул килинади ва уларни ёткизилиши платформадан пастга вертикал тушириладиган рейка-футшток ёрдамида назорат килиб борилади. Тош сувга туби очиладиган шаландалардан, ўзи туширадиган баржалардан, киргокга ўрнатилган ёки сузувчи кранлардан фойдаланиб, ўзи тўкадиган контейнерлардан, киргокдан бульдозер билан суриб тушириб ёки автосамосваллар ёрдамида ва бошка восита хамда усуллардан фойдаланиб тўкилади. Тошни тўкиш усули техник-иктисодий мулохозалар ва техник имкониятдан келиб чикиб танланади. Юкори кияликларни гидротехник зич, курук асфальбетон ёткизиш йўли билан таъмирлаш хали республикамиз амалиётида кўлланилмаган, лекин бу усул кўп чет мамлакатларда кенг микёсда кўлланилади, у кияликга иссик холда ёткизилади ва зичланади (15.4 – расм). Бузулган кияликка асфальтбетонли коплама ёткизилишидан олдин, кияликка кум-шагал тошли грунт солинади, у текисланади ва зичланади. Асос 20 г/м 2 гербицид ва 200 г/ м 2 хлорли охак билан ишланади. Коплама тўшалаётганда асос захарли химикатлар билан захарланади, иситиб суюлтирилган битум ёки 1…2,5 кг/м 2 сарф билан битумли эмульсия билан ишланади. Кияликларни таъмирлаш учун 14.1 - жадвалда келтирилган асфальтобетонлардан фойдаланилади.

Асфальтобетонлар таркиби, % Компонентлари Асфальтобетон кумли майда донадор говвакли Щебень (заррачаларининг катталиги 15 мм гача) - 10…25 40…65 Майдаланган тош (крошка) (ўлчами 5 мм гача) 20..35 40…65 20…35 Ўртача донадор кум (доналари ўлчами 2 мм гача) 40..65 15…25 15…25 Хлорли кукун (порошок) (доналари ўлчами 0,15 мм гача) 15… 20 15…25 0…5 Толали тўлдирувчи-асбест 1…15 1…3 - Нефт битуми 8…1 7…10 5…7 15.4.- расм. Тўгон киялиги мустахкамловчисини асфальтобетон коплама билан кайта тиклаш: 1 – кияликни бузулиш чегараси; 2 – кумли-шагал тош грунт билан тўлдирилган ўйик; 3 – захарли кимёвий моддалар билан захарланадиган зона; 4 – асфальтобетонли коплама; 5 – ишлов берилган сирт. Ёткизилаётган асфальтобетоннинг харорати +130 о С кам бўлмаслиги керак. Асфальтобетон копламанинг сув ўтказмаслик кобилиятини ошириш учун, унинг сиртига кайнок битум эритмаси тўкилади, 5…10 кг/м 2 хисоблаб устига майдаланган тош ёки йирик донадор кум сепилади хамда енгил каток билан зичланади. Асфальтобетон коплама калинлиги напорга караб, 3…4 см дан 9…12 см гача кабул килинади. У куйидаги афзалликларга эга: юкори сув ўтказмаслик; ёрик хосил бўлишига мустахкам, деформацияланади. Шунинг учун бундай копламадан кенг фойдаланилади. Унинг камчиликларига: унинг муз калинлиги 1 м дан кўп бўлганда, хавзадан тезлик билан (50 см/сут дан кўп) сув сатхи туширилганда, 3 м баландликдаги тўлкин таъсир килганда бузулишлари киради.

Юкори кияликларни таъмирлашда, шунингдек сузувчи воситадан махсус курилма билан сув остига кўйиб асфальт ёки майда донадор кумли асфальтобетондан хам фойдаланилади. Унчалик катта бўлмаган шикастланишларда, аввал мустахкамловчи сирти босим остидаги сув билан ювилади, кейин эса улар устига, сув остида, 100…120 кг/м 2 сарф билан аралашма кўйилади. Сезиларли катта бузулишларда шикастланган участкаларга щебень катлами сепилади ва, агар керак бўлса, тескари фильтр ўрнатилади. Щебень устига тош ёки йирик щебень сепилади. Бетон ёки асфальтнинг мавжуд сирти мустахкамловчи бузулган зонани айлантириб босим остидаги сув билан тозаланади ва таъмирланадиган участкага сув остида, асфальтли аралашма кўйилади. Аввал деформацияга учраб кўтарилиб колган плиталар олиб ташланади ёки бузулиган паст участкаларига ташланади. Мазкур усул кияликлар ётиклиги 1:2…1:3 бўлганда, бузулиш даражасига караб кўлланилади. Асфальтли ёки асфальтобетонли коплама мустахкамловчининг бузулмаган кисмини устига 1,5…2,0 м.га тушиши (ётиши) керак. Асфальтли аралашма 80…85% йирик донадор кум ёки (доналари ўлчами 5 мм гача бўлган) майда шагал, 12…20% охак тош ёки доломит кукуни (порошоги) ва 14…18% битумдан ташкил топади. Куйиладиган майда донадор асфальтобетон таркибида 1…2% богловчи кам ва 25…40% щебень (зарачалари ўлчами 20 мм гача) бўлади. Тўгонлар ва дамбаларнинг юкори кияликлари, баъзида, арматураланган асфальтли тюфяк (тўшак) дан фойдаланиб сув остида таъмирланади, уларнинг ўлчамлари: кенглиги 1,75…3,5 м, узунлиги 6… 7 м, калинлиги 5…6 см бўлади. Арматураси эса диаметри 3…5 мм ли, катаклари ўлчами 10х100 мм дан 150х200 мм гача бўлган сим тўрдан иборат бўлади. Тўр кенглиги бўйича тюфяк кенглигидан 5…7 см га кам, узунлиги бўйича унинг узунлигидан 15…20 см га кўп килиб тайёрланади.

Тюфяк ўртасига металл тўр жойлаштирилган икки катлам асфальт ёки асфальтобетондан иборат килиб ясалади. Тайёрланишида у катоклар билан зичланади ва +20…40 о С гача совутилади. Тайёр бўлган тюфяк диаметри 2,5…4 м ли галтак (барабан) га ўралади, ундан кейин ёткизиладиган жойга транспортда олиб келинади. Киялик текисланади, унинг сув усти кисмига гербицидлар билан ишлов берилади. Ундан кейин кран ёки лебедка ёрдамида тюфяк киялик бровкасига оким йўналишига перпендикуляр килиб ёткизилади. Тюфякни бир учи ёгоч брус билан ўркачга махкамланади ва кран ёки лебедка ёрдамида киялик бўйлаб тюфяк ўрами очиб юборилади. Тюфяклар бир бирини устига сал ёпадиган ёки ёнма-ён турадиган килиб ёткизилади, сўнг чокларига асфальтли герметик куйиб тўлдирилади.Туташтирилмалар сифати, сув остига тушувчиларни тушириб текшириб чикилади. Герметик, мисол учун 80…88% (доналари ўлчами 5 мм ли) йирик донадор кумдан, 12…20% охак тош ёки доломит кукунидан, 14… 18% битумдан, 2,5…3% юкори полимер кўшимчалардан ташкил топади. Юпка бетонли копламаларнинг деформация чоклари, шикастланиш характеридан келиб чикиб, хар хил усуллар билан таъмирланди. Плита асоси шикастланмаган бўлиб, зичлагичлар бузулган холатда таъмирлаш Гидропроект таклифи бўйича куйидаги усуллардан бирини кўллаб бажарилади. 1. Чок БИТЭП ёки бошка турдаги битумли – полимер герметиклар билан зичланади. Зичлашдан олдин курук чок чанг ва кўкимдан тозаланади ва чок деворлари суюк битум ёки мастика билан грунтовка килинади. Чокнинг пастки кисмига зич килиб битум шимдирилган канат тикилади, устидан битумли полимер мастика куйилади. Сўнг чок усти цементли аралашма билан бутлаб кўйилади (15,5,а – расм).

15.5 – расм. Бетонли мустахкамловчилар деформация чокини таъмирлаш: а ва б – плиталар остида ўйик бўлмаганда; в ва г – плиталар остида ўйик бўлиб, мос равишда плита тургунлиги бузулган ва бузулмаган холатлар учун; 1 – цементли аралашма; 2 – плиталар охирини грунтовка килиниши; 3 – битумли-полимер герметик; 4 – битум шимдирилган канат; 5 – полимер аралашма; 6 – эпоксид-каучикли композиция; 7 – шишапластик тасма; 8 – битум катлами; 9 – арматура; 10 – плита (коплама); 11 – бузулган мустахкамловчи чегараси; 12 – грунт тўкма; 13 – плитка тўшама; 14 – битумли материал. Ўлчамлари м да. 2. Деворлар грунтовка килингандан сўнг чокга говвак резинали жгут (бовлик) (ПРП, пороизол, гернит) тикилади, унинг устидан калинлиги 0,2 мм дан кам бўлмаган полиэтиленли пленкадан антиадгезион тўшама жойлаштирилади. Тайёрланган чокка КБ-0,5, ГС-1, У-30М ва бошка турдаги тиаколли мастика куйилади. Чокнинг юкори кисми цементли аралашма билан буталади. 3. Бетонга эпоксидли – каучукли композиция билан шакл берилган резинали полиизобутилен, шиша толали материалдан зичлагич тасма (лента) елимланади (15.5,б – расм).

Бундай усуллардан Кахов сугориш тизими магистрал каналида, Шимолий Донец-Донбасс каналида, Суклейский сугориш тизимида ва бошкаларда фойдаланилган. Юкорида келтирилган деформация чокини таъмирлашнинг уч усулидан мустахкамловчи устидаги напор 10…15 м бўлганда кўлланилса бўлади. Плита ости сохасида грунтни ювилиб чикиб кетиши натижасида бўшлик хосил бўлганда, агар плиталар тургунлиги бузулмаган бўлса, таъмирлаш куйидагича амалга оширилади. Чоклар оркали ёки махсус бургуланган скважина оркали хосил бўлган бўшлик шагал тош-кумли аралашма билан тўлдирилади. Таъмирланадиган участкани бутун узунлиги бўйлаб кенглиги 1…1,2 м ли яхлит плита-накладка килинади. Уларни эски бетонга махкамлаш (бириктириш) учун химоя – деформация рамасининг охири эски мустахкамловчининг очилиб колган арматура ёки махсус бургуланиб ўрнатилган анкерга ковшарланади. Ундан кейин плита-накладка арматуралаштирилади ва бетонлаштирилади, бунда асосга олдиндан битум суртилади (15.5,в – расм). Шу усул билан Кременчуг сув омбори кияликларидаги мустахкамловчи плиталар таъмирланган. Катта кўргон сув омбори тўгонида юкори кияликларни махкамловчи плиталар жойидан кўзгалмаган, чоклари бутун холатда бўлса хам тагида (ультра товушли асбоб ёрдамида) бўшликлар (1999-2000) борлиги аникланган. Бўшлик хосил бўлишининг сабаби тўгон грунти таркибида гипс бўлган деб тахмин килинди. Сўнг бўшликларни бартараф килиш учун болга ёрдамида енгил зарба бериб плита остидаги бўшлик чегараси белгилаб олинди ва шу чегара бўйлаб 3-4 жойидан перфоратор ёрдамида тешиклар очилди. Тешикларни биридан босим остида бирга бир нисбатда глина - цементли аралашма юборилди. Колган тешиклардан аралашмани чикиши бўшлик тўлганини билдирди.

Плита остидан грунт ювилиб чикиб кетган ва мустахкамловчи бутунлигини йўкотиб синган, ўтирган, ёрилган холатда таъмирлаш ишларини куйидагича амалга ошириш тавсия килинади. Ишдан чиккан плиталар олиниб, бўшликларга грунт солиб текисланиши, шиббаланиши ёки кум ювиб туширилиши лозим. Бунда, албатта, тескари фильтр, дренаж таъмирланиши лозим. Ундан сўнг чоклар жойлашган жойларга плита-тўшама (подкладка)лар ёткизилиб, устида битумли материал ёпилиши лозим. Арматуралар ўрнатилиб, улар эски плиталар арматураларига махкамланиши, сўнг эса эски бетон сирти хўлланиб (ювилиб) таъмирланаётган жой бетонлаштирилиб ташланиши лозим (15.5,г – расм). Кияликлардан грунт массасини силжиб (сурилиб) тушиб кетишини олдини олиш учун, коидаси, свайлар кокиб, грунт иншоотнинг асосий массивига мустахкамланади. Аммо бу усул нисбатан киммат. Паст напорли иншоотларда баъзан грунтни кимёвий мустахкамлайдиган свайлардан фойдаланиш максадга мувофик бўлади, бу иш Волжск ГЭСи химоя дамбаларида амалга оширилган. Бунинг учун чукурлиги 2,5…3 м ли скважина шахмат шаклида 3х1,5 м тўр бўйича бургуланган, уларга диаметри 50 мм инъекторлар жойлаштирилган. Скважинани киялик сиртидаги усти, ёгли глина билан инъекция аралашма чикмайдиган килиб, тампон килинган. Инъекция аралашмаси яхшиланган корбамид смоласи (УКС) нинг сувли эритмаси бўлиб, унинг таркиби котиргич – хлорли аммоний (4% смола массасидан) кўшилган грунт массасининг 15…20% микдоридан иборат бўлган. Аралашмадаги смола ва сувнинг нисбати 1:0,5 ни ташкил килган. Хосил бўлган свайлар аралашмани глина ва гилли катламчалар билан суглинокни 1 м гача таркалиш радиусига мос нотўгри шаклга эга бўлган. Олинган намуналарни сикилишга мустахкамлиги сувга тўйинган холатда 1 МПа ни, илашимлилиги эса 0,24 МПа ни ташкил килган.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоголди кисмларида тўгонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б.

Похожие

Грунт иншоотларидаги дренаж тизимларини таъмирлаш

Сув димловчи грунтли иншоотларни техник холатини кузатиш

Сув чиқарувчи иншоотлар

Гидротехника иншоотлари эксплуатация хизмати бажарадиган асосий ишлар

Кишки шароитда каналларни ишлатиш хусусиятлари