Бетон ва темир бетон тўғонлар - Водное хозяйство - Рефераты

Бетон ва темир бетон тўғонлар

Загружено в:

08.11.2019

Скачано:

0

Размер:

595.5 KB

Бетон ва темир бетон тўғонлар Режа: 1. Бетонли ва темир-бетонли тўғонлар тўғрисида умумий маълумотлар. 2. Аркали тўғонлар 3. Контрфорсли тўғонлар

Тўғоннинг асосий турлари ва уларнинг тавсифлари.Таснифи. ҚМҚ 2.06.06-98 га кўра бетонли ва темир - бетонли тўғонлар конструкцияси ва технологик вазифасига кўра қуйидаги асосий турларга бўлинади. Конструкцияси бўйича тўғонлар қуйидагиларга бўлинади: 1) гравитацион - массив (2.9, а -расм), кенгаювчи чоклар билан (2.9, б - расм), заминдаги бўйлама бўшлиқ билан (2.9, в -расм), босимли қиррадаги экран билан(2.9, г -расм) ва заминга анкерланган (2.9, д -расм); 2) контрфорсли - массив контрфорсли (2.9, е -расм), кўп аркали (2.9, ж -расм) ясси ёпмалар билан; 3) аркали -35,0 /   h b  бўлганда, бунда b - тўғоннинг товони бўйича кенглиги; h - тўғон баландлиги; қисилган товонлар билан (2.9, и -расм), пиреметрли чок билан (2.9, к -расм), уч шарнирли тасма билан (2.9, м -расм); 4) аркали гравитацион - 35,0 / h b бўлганда, аркадагидек ўша турлар. Кўпинча бўшлиқларга эга бўлган, грунт билан тўлдириладиган катаксимон тўғон (2.10, б; 2.11-расмлар). Улар ҳам гравитацион (2.10, б; 2.11, а-расмлар ) ҳам контрфорсли (2.11, в-д -расм) бўлиши мумкин. Бетонли ва темир - бетонли тўғонлар массив гравитацион тўғонлар билан конструкцияси бўйича фарқланади (2.9,а .; 2.10,а-расмлар), биринчисида бетон ҳажми кам, уларни кўпинча енгиллаштирилган деб аталади. Технологик вазифаси бўйича тўғонлар қуйидагиларга бўлинади: 1) устидан сув ўтказмайдиган (2.9, а,б,г,д,ж,з -расм), улар орқали сув пастки бьефга ташланмайди; 2) сув ташлайдиган , улар орқали сув пастки бьефга ташланади. Улар водосливли тирқиш билан (2.9. в,е; 2.10-расмлар), ва икки ярусли (2.10, в - расм) қилиб бажарилади. Тўғон асосий турларининг умумий тавсифлари. Бетонли ва темир - бетонли тўғонларни ҳар хил табиий шароитларда қояли, ярим қояли ва қоямас заминларда барпо этилади.

Улардан гравитацион (устидан сув ўтказмайдиган) ва аркали тўғонлар фақат қояли заминларда, темир - бетонли ва водосливли гравитацион тўғонлар эса ҳам қояли, ҳам қоямас заминларда қурилади. Охирги йилларда грунтлар механикаси ва заминларни яхшилаш услубларининг муваффақиятли ривожланиши қоямас заминларда катта босимли бетонли ва темир - бетонли тўғонларни қўллашга имкон берди. Айниқса Свир ва Волга дарёларида йирик тўғонлар қурилди. Бетонли тўғонлар ҳар қандай иқлим шароитларида, ҳамда юқори сейсмиклик худудларда жойлашган дарёларда мувоффақиятли қўлланиб келинмоқда. Бундай турдаги тўғонларнинг камчиликлари - уларни барпо этиш учун цементга ва металлга кетадиган харажатлар, уларни етказиб бериш учун транспорт харажатларни талаб қилади; бундан ташқари, бу материаллар баъзи бир шароитларда етишмаслиги ва нисбатан қиммат бўлиши мумкин. 2.9-расм. Қояли заминлардаги тўғонларнинг асосий турлари:

Гравитацион: а-массив; б-кенгаювчи чоклар билан; в-замин яқинидаги бўйлама бўшлиқ билан; г-босимли қиррадаги экран билан; д-анкерланган замин билан: контрфорсли: е-массив контрфорсли; ж-кўп аркали; з-ясси ёпмалар билан; аркали: и-қисилган товонлар билан; к-периметрли чок билан; л-уч шарнирли тасма билан; м-гравит 1-кенгайган чок ; 2-бўйлама бўшлиқ; 3-экран; 4-олдиндан зўриқтирилган анкер; 5-массив қопламлар; 6-контрфорслар; 7-аркали ёпма; 8-ясси ёпма; 9- периметрли чок; 10-уч шарнирли чок; 11-шарнирлар; 12-гравитацион ён деворлар. 2.10-расм. Қоямас заминлардаги сув ташловчи тўғоннинг асосий турлари: а-водосливли; б-чуқур жойлашган сув ташлагич билан; в-икки

2.11-расм. Катаксимон тўғоннинг баъзи бир турлари: а-қояли заминдаги бўшлиқларга эга бўлган, тош ёки гравий билан юклатилган гравитацион; б-А.М.Сенков таклиф этган тури; в,г-мос равишда қояли ва қоямас заминлардаги контрфорслар орасидаги бўшлиқ балласт билан юкланган; д-реверсивли пойдевор плитали контрфорсли; 1- қум; 2-фильтр. Аркали тўғонлар Аркали тўғонлар тўғрисида умумий маълумотлар ва уларнинг турлари. Горизонтал текисликда ёй шаклида бўлган ва сувнинг босимини бутунлай ёки қисман дара қирғоқларига (баъзан махсус қурилган устунларга) берадиган тўғонларга аркали тўғонлар дейилади. Аркалар ёрдамида дара қирғоқларига бериладиган катта босим фақат мустаҳкам, қаттиқ қояли грунтларга бериши мумкин. Шунинг учун бу тўғонлар одатда тоғли ерларда, туби ва қирғоқлар сув ўтказмайдиган мустаҳкам грунтлардан ташкил топган дараларда қурилади (2.12-расм).

2.12-расм. Аркали тўғон Тўғоннинг кесим юзаси унинг баландлиги ва қуриладиган жойга (даранинг шаклига) боғлиқ. Дара қанча кенг бўлса, арка радиуси шунча катта бўлади. Арка радиуси қанча катта бўлса, сувнинг босими қирғоқларга шунчалик кам берилиб, кўп қисми дара тубига узатилади. Дара тубига бериладиган босим ошган сари тўғонни оғирлигини ошириш ва унинг тубини кенгайтириш зарурати туғилади ва тўғон кесими вазмин тўғонлар кесимига ўхшаб кетади. Аксинча, тор дараларда қурилган тўғонлар орқали қабул қилинган босимларнинг ҳаммаси қирғоқларга берилади ва арканинг рухсат этилган кучланишларига асосланиб ҳисоблаб топилади, натижада арка жуда ҳам юпқа бўлади. Аркали тўғонларнинг ҳажми гравитацион тўғонларникига нисбатан анча кичик бўлади. Бетондан қурилган аркали тўғонларнинг ҳажми гравитацион тўғонларникига нисбатан 40...50% кам бўлади. Аркали тўғонларнинг конструкциялари эластик хусусиятга эга бўлганлиги учун улар сейсмик кучларга яхши қаршилик кўрсатади. Бундай тўғонлар кўпроқ бетондан, камдан-кам темир бетондан қурилади. Аркали тўғонлардаги бетонда кучланиш даражаси катта бўлганлиги учун улар юқори маркали бетондан қурилиши шарт. Гравитацион тўғонларда чўзувчи кучланиш ҳосил бўлишига йўл қўйилмайди, аркали тўғонларда эса, аксинча йўл қўйилади.

Бугунги кунда қурилган ва қурилаётган аркали тўғонларга баландлиги 271,5 м ли Ингури (Грузия), баландлиги 240 м ли Саяно-Шушенск (Россия), баландлиги 236 м ли Чиркейск (Россия), баландлиги 200 м ли Кёльнбрйн (Австрия), баландлиги 195,5 м ли Худони (Россия), баландлиги 91 м ли Стронтция Спдингс (АҚШ), баландлиги 106 м ли Вектория (Шри Ланка), баландлиги 86 м ли Миайлинск тўғонлари мисол бўла олади. Аркали тўғонлар қуйидаги ютуқларга эга: 1) бетон ҳажми кам; 2) фильтрацияга қарши босим кучи аркали тўғонлар ишига таъсир қилмайди; 3) экзотермия ҳодисаси кам миқдорда бўлади, чунки бу ерда бетон массаси анча кам; 4) тўғон силжишга ишламайди, чунки сувнинг гидростатик босимини қабул қилувчи аркалар қирғоқларга таянади; 5) тўғонни исталган баландликда қуриш мумкин. Ютуқлардан ташқари аркали тўғонлар қуйидаги камчиликларга эга: 1) қолиплар тайёрлашнинг мураккаблиги; 2) ишларни бажаришнинг мураккаблиги; 3) фақат қояли грунтларда қўллаш мумкин; 4) тўғон қурилиши учун нисбатан тор даралар талаб қилинади. Асосий турлари. Аркали тўғонлар тоғли худудли дунёнинг кўп мамлакатларида кенг тарқалган ва яхши эксплуатация қилиш билан ўзини кўрсатди. Одатда улар тежамли, чиройли, атрофдаги муҳитга яхши мослашади. Товонлари қисилган (2.9, и -расм), ҳамда периметрли чокли (2.9, к -расм) аркали тўғонлар энг кўп тарқалган; кўпинча ён деворли тўғонларда ҳам қурилади (2.9, м -расм). Ясси тизим сифатида ишлайдиган чоклар билан алоҳида аркаларга ажратилган (шунингдек уч шарнирли тасмалардан ташкил топган,2.9, л -расм) тўғонларни қуриш мураккаброқ. Улар айрим ҳолларда унча катта бўлмаган баландликларда барпо этилади. Шунингдек аркали тўғон-лар қуйидаги турларга бўлинади.

Ихчамлик коэффициенти ёки нисбий қалинлик h b/   бўйича, бунда b -тўғон тубининг кенглиги, h -тўғон баландлиги (2.13-расм). Ихчамлик коэффициенти бўйича аркали тўғонлар уч турга бўлинади: юпқа  2,0  ; қалин   35,0...2,0  ; аркали - гравитацион   65,0... 35,0  Кўриниши бўйича (унинг аркали қисми) - “доимий марказий бурчакли” 0 2 (2.13, а -расм), “доимий радиусли” ёки “цилиндрик” (2.13, б -расм), ва икки хил эгилганлик ёки гумбазли (2.13, в -расм). Доимий марказий бурчакли тўғонлар (ёки унга яқин) учбурчакли даралар учун характерли. Ҳақиқатда улар учун марказий бурчак 0 2 баландлик бўйича мутлақо доимий бўлмайди, одатда пастга қараб бир оз камаяди ( '''0 ''0 '0 2 2 2      2.13,а - расм). Цилиндрик тўғонлар, ёки доимий Н r радиусли тўғонлар кўпроқ тўғри бурчакли ёки шакли бўйича унга яқин даралар учун характерлидир. Гумбазли тўғонлар даранинг шакли турли хил бўлганда қўлланилади. Баландлиги бўйича аркали тўғонларни таснифга бўлиш ўрнатилмаган, аммо бу масала бўйича тахминлар бор: ҚМҚ бўйича 60 м дан катта ва кичик тўғонларга бир неча хил талаблар қўйилади. Замин ва қирғоқлар билан туташтириш характери ва конструктив хусусиятлари бўйича таснифга бўлиш 2.4.1. бўлимда келтирилган (2.9, и-м -расм га қаранг).

2.13-расм. Аркали тўғонларнинг асосий турлари: а-доимий марказий бурчакли; б-доимий радиусли (цилиндрик); в,г-икки хил эгилганлик (гумбазли); 1-ўйиб ўрнатиш чизиғи; 2-тиқин; 3-чекка девор; 4-гравитацион арка билан қирғоқни туташтирувчи девор Шакли ва даранинг нисбий кенглиги бўйича улар қуйидаги турларга бўлинади: 1) учбурчак ёки трапециадал даралардаги аркалар (2.13, а,б -расм); 2) симметрик ва симметрик бўлмаган; 3) тор створларда  2 / h l , ўртача кенгликдаги 3 / 2   h l ва кенг створларда  3 / h l , бунда l -тўғон тепаси бўйича эгри чизиқнинг икки нуқтасини туташтирувчи тўғри чизиқ. Сувни ўтказиши бўйича аркали тўғонлар устидан сув ўтказадиган, устидан сув ўтказмайдиган турларга бўлинади. Қурилиш материаллари бўйича аркали тўғонлар ғиштли, бетонли ва темир-бетонли бўлиши мумкин.

Контрфорсли тўғонлар Контрфорсли тўғонлар тўғрисида умумий маълумотлар ва уларнинг таснифи. Умумий маълумотлар. Сувнинг босими ёпмалар орқали қабул қилиниб, контрфорс деб аталадиган тик деворлар орқали заминга бериладиган тўғонлар контрфорсли тўғонлар дейилади. (2.14 –расм ). Контрфорсли тўғонларни қояли ва қоямас заминларда қуриш мумкин. Юқори бьеф томонидан ясси плита билан қопланган, 15...20 м сув босими остида бўлган тўғонларни қумоқ қумлоқ ва грунтларда қуриш мумкин. Тўғонинг баландлиги ошган сари, унинг заминидаги грунтга қўйиладиган талаб ҳам ошиб боради. Баланд тўғонлар қояли заминларда қурилади. Қояли заминдаги темир-бетонли контрфорсли тўғонлар, сув босими таъсири остида бўладиган плита ёки арксимон ёпма ҳамда учбурчак ёки трапеция шаклдаги вертикал таянч - контрфорсдан иборат бўлади. Тўғоннинг бикрлгини ошириш учун контрфорслар горизонтал темир - бетонли тўсинлар билан бирлаштирилади. Тўғон тубига фильтрацияни камайтириш мақсадида босим остида ишлайдиган плита билан контрфорснинг юқори бьеф томонини тиш орқали қояга бирлаштирилади ва цементланади. Қоямас грунтларда қуриладиган тўғонлардан заминга тушадиган оғирликни камайтириш мақсадида унинг заминида темир - бетонли плиталардан яхлит пойдевор қурилади. Бу плита тўғоннинг ер ости контурини узайтиради ва фильтрация оқими тезлигини камайтиради. Темир - бетон плита билан контрфорсни, кўпинча юқори бьеф томонида тиш билан тўташтириб қўйилади. Контрфорсли тўғонлар конструкциясининг мукаммаллиги туфайли дунёда кенг тарқалган. Уларнинг ичида Андижон, Киров ва Зейск гидроузел тўғонларининг баландликлари мос равишда 115, 83 ва 111 м ни ташкил этади.

2.14-расм. Контрфорсли тўғон турлари: а,б,в-пойдевор плитасиз (а-массив контрфорсли; б-кўп аркали; в-ясси ёпмали); г-пойдевор плитали (ясси ёпмали, плитали водослив); 1-тиш; 2- контрфорслар; 3- бикр қирра; 4- аркалар; 5- босимли плиталар; 6- бикр тўсинлар; 7- водослив плитаси; 8- сув урилма; 9- пойдевор плитаси; 10- дренаж; 11- бўшлиқ; 12- шпунт; 13-понур. Контрфорсли тўғонлар бошқа тўғонларга нисбатан бир қатор ютуқларга эга, кўпинча улар бетонли гравитацион тўғонлар билан таққосланади. Контрфорсли тўғонлар қўйидаги ютуқларга эга: 1) фильтрацияга қарши босим сезиларли даражада камаяди, баъзи бир тўғонларда эса у умуман таъсир этмайди; 2) бетон сарфи камаяди, тўғон баландлиги қанча катта бўлса, тежаш сезиларли даражада бўлади;

3) бетон экзотермиясини камайишига қулай шарт-шароитлар яратилади ва ташқи ҳароратнинг ўзгариши тўфайли ҳосил бўладиган ҳарорат кучланиши камаяди; 4) тўғон ҳамма қисмларининг ҳолатини кузатиш имконияти бўлади; 5) кўп ҳолларда контрфорсли тўғон элементлари (ясси босимли плитадан ташқари) сиқилишга ишлашини ҳисобга олиб, бетоннинг мустаҳкамлик хоссаларидан фойдаланиш мумкин. Шу билан бир қаторда контрфорсли тўғонлар баъзи бир камчиликларга эга: 1) қурилиш ишларининг мураккаблиги, асосан эгри чизиқли юзаларни бажаришда; 2) юпқа босимли ёпмалардан сувнинг сизиб ўтиши туфайли паст ҳароратларда (бўшлиқлардаги сув музлаганда) бузилишлар содир бўлиши; 3) контрфорсли тўғонларнинг асосий элементлари сиқилишига ишлашига қарамасдан, арматура қўллашга тўғри келади; 4) битумли таркибда бажарилган чоклар гидроизоляциясини етарли даражада ишончли бўлмаслиги; 5) баъзи бир босимли ёпмали водосливли тўғонлар қурилиш ишларини мураккаблиги, масалан кўп аркалида. Констрфорсли тўғонларнинг таснифи. Улар бир қатор белгиларга кўра таснифга бўлинади: босимли ёпмалар турига кўра: массив каллакли ёки массив контрфорсли (2.14, а -расм); кўп аркали ёки аркали - контрфорсли (2.14, б -расм); ясси ёпмали (2.14, в.г - расм); сув ўтказиш усулига кўра: устидан сув ўтказмайдиган (2.14, а,б,в - расм); устидан сув ўтказмайдиган (2.14, г -расм); к онтрфорс конструкциясига кўра: яхлит контрфорслар (2.15, а -расм); ички бўш контрфорслар (2.15, б -расм); икки томони очиқ контрфорслар (2.15, г -расм); массив-контрфорслар (2.14, а -расм); материалига кўра: контрфорсли тўғонлар бетонли, темир-бетонли, пўлатли, ғиштдан терилган ва аралаш (комбинациялашган) бўлиши мумкин; заминнинг характерига кўра:

контрфорсли тўғонлар қояли, ярим қояли ва қоямас заминларда бўлиши мумкин. Қояли заминларда тўғонлар пойдевор плитасиз ўрнатилади (2.14, а- в -расм), қоямас ва қоялида эса – пойдевор плитали (2.14, г -расм). 2.15-расм. Контрфорс конструкциялари: а-яхлит; б-ичи бўш; в-массив; г-икки томони очиқ Контрфорсли тўғонларни қуриш уларнинг баландлиги ва конструкциясига боғлиқ бўлган бетон ва темир - бетон ишларининг ҳажми жиҳатдан гравитацион тўғонларникига нисбатан анча арзонга тушади. Лекин қалин ва темир - бетонли конструкцияларни тайёрлаш ҳисобига контрфорсли тўғон 1 м 3 нинг нархи гравитацион тўғонларга нисбатан 5...10% қиммат бўлади. Контрфорсли тўғонларни қуриш учун темир - бетондан фойдаланиш бу турдаги тўғонларнинг тарқалишига кенг йўл очиб беради.

Фойдаланилган адабиётлар рўйхати : 1. Можевитинов А.Л. и др. Введение в гидротехнику, М., 1984 г. 2 .Рассказов Л.Н. и др. Гидротехнические сооружения, в 2частях М. Стройиздат, 1996. 3.Субботин А.С. Основы гидротехники и гидрометрических сооружений.Л. Гидрометеоиздат, 1991. 4. Бакиев М., Носиров Б., Хўжақулов Р. Гидротехника иншоотлари. Т., “Талқин”, 2007. 5.Баиев М, Мажидов Ҳ., Носиров Б., Хўжақулов Р., Раҳматов М. Гидротехника иншоотлари. Т., “Ванги аср авлоди”, 2008. 6 .Файзиев Х. Гидротехника иншоотлари. Ўқув қўлланма, 3-қисм. ТАҚИ 2003й 7.Файзиев Х., Хусанхўжаев Ў.И. Гидротехника иншоотлари.Ўқув қўлланма, 1-қисм. ТАҚИ 2007й.

Похожие

Бетон иншоотларидаги шикастланишларни таъмирлаш

Яхлит бетон иншоотларни техник холатини кузатиш

Тўғонлар

Иншоотларни барпо этиш технологияси

Кузатувлар маьлумотларига мувофиқ массив бетон иншоотларнинг ҳолатини таҳлил қилиш