Яхлит бетон иншоотларни техник холатини кузатиш - Водное хозяйство - Рефераты

Яхлит бетон иншоотларни техник холатини кузатиш

Загружено в:

29.10.2019

Скачано:

0

Размер:

2360.5 KB

Яхлит бетон иншоотларни техник холатини кузатиш Режа: 1. Яхлит бетон иншоотларни техник холатини кузатиш 2. Иншоотларни чўкиши, горизонтал силжиши ва кийшайишини кузатиш учун кўлланиладиган асбобларнинг конструкциялари ва жойлаштирув тамойиллари 3. Ёрик ва чокларни кузатиш учун кўлланиладиган асбобларнинг конструкциялари хамда жойлаштирув тамойиллари

Яхлит бетон иншоотларни техник холатини кузатиш Яхлит бетон иншоотлар (массивные бетонные сооружения) (сув ташловчи ёки сидирга (глухой) бетонли тўгон, тиргак деворлар, устунлар ва ш.ў.) ни ишлатиш даврида мунтазам равишда кўз билан кузатиш ва назорат- ўлчов асбоблари ёрдамида кузатиш ишлари олиб борилади. Кўз билан кузатиш ишлари илмий-текшириш ташкилотлари ишлаб чиккан дастурлар бўйича: - бетоннинг умумий холати; - бетон иншоотлар оркали сувни сизиб ўтиши; - чоклар зичлагичлари, уларни очилиши ва ёриклар хосил бўлиши; - бетон иншоотларининг ишлатиш ишончлигини бахолаш учун ўрнатилганлари назорат-ўлчов асбоблари (НЎА) нинг холати устидан олиб борилади. Бетон холатини кузатишнинг максади – ёриклар, окиш доги (потек), ишкарланиш махсулотлари билан губорланиш (налет) ва кат-кат ўтириш (напластование); ўйик (раковина), бўшлик хосил бўлиши, бетонни кат-кат бўлиб кўчиши (отслаивание) ва бўялиши (выкрашивание), арматураларини очилиб колиши ва ш.ў. ларни хосил бўлиши устидан кузатишлар олиб боришдан иборат. Бўлиши мумкин бўлган дефектлар ва бузулишларни расмини солишни осонлаштириш учун бетон сирти ёйилган схемада кўрсатиб алохида участкаларга ажратилади. Бетон сиртни кўз билан кузатиш сиртки ва ички (бўшлиги, кузатиш галереяси, кудуклар, курук холатдаги сув ташувчилар) зоналарда олиб борилади. Бетон иншоотларни ўзгарувчан сатх зонасидаги сиртлари ёзда, сатх тушганда (лодка) кайикчадан туриб, кишда-мустахкам муз катлами устида туриб кузатилади. Сув омбори тўлдирилаётган пайти ва ишлатишнинг биринчи йили кузатишлар хар куни олиб борилади, кейинги 3…4 йилда – хафтасига 1…2 марта, ундан кейин иншоотлар мўътадил ишлаганда – хафтасига камида 1

марта кузатилади. Ёриклар мавжудлиги аникланганда, унинг кенгайиши устидан назорат 3…5 кунда ёки хар куни ўтказилади. Тошкин пайтида кузатишлар хар куни ўтказилади. Бетоннинг мустахкамлигини кўз билан кузатишда диккат билан кузатишдан ташкари бетон сирти даврий равишда болга билан уриб, ундан чиккан товуш эшитилиб кўрилади, зубило билан синаб курилади. Каттик жаранглиган урилаш мустахкамликни яхши эканлигини, жарангсиз урилиш эса, бунинг устига бетон учиб кетса ёки ўйик (пачок) бўлса – бетоннинг мустахкамлигини паст эканлигини билдиради. Плита-кобиклар яхлит бетонга зич ўтирмаган холатда ёки бетон катта майдонда катламлашиб тушаётган бўлса ёпик бўшлик учун характерли товуш чикади. Бетон оркали сувни сизиб ўтиш ўчокларини кузатишни кузатиш журналига ёзганда куйидаги кабул килинган тушичалардан фойдаланилади: нам дог (влажные пятна) – бетон ушлаб кўрилганда нам бўлади; хўл дог (мокрые пятна) –кўл текизилганда хўл бўлади; сиртнинг хўлланиб турган участкалари – бетон дог билан копланган аммо оким йук;окувлар: кам-томчи шаклида окиб тушиш; ўрта-струйка шаклида окиб тушиш; катта-бетон бўйича узликсиз окаётган сув катламининг мавжудлиги; тешик (свищи) – бетондан ажралган холда айрим струйка шаклида тушаётган сув; бетон сиртида ишкорланиш махсулотларини кат-кат бўлиб ўтириши ва губорланиши(потеки и налёты).

4.1- расм. Насос станцияси ичида девор сиртида хосил бўлган губорланиш (1) ва окиш доги (2). Кўз билан кузатиш жараёнида аникланган барча дефектлар журналга ёзилади, расми солинади, расми олинади, кузатилган кун ёзилади, хажми ва жойлашган ўрнини богланиши кўрсатилади. Куйида насос станцияси ичида деворларда хосил бўлган губорланиш (1) (окиш ранг) ва окиш доги (2) (корайган дог) лар суратини ўкувчи тассавур килиши осон бўлсин учун келтирдик. Журналга расм солинганда барча дефектларга тартиб раками берилади ва мос равишда шартли белгилар билан белгиланади (4.2 – расм). Бунда ёрикларни, чокларни ўлчамлари, очилиш жадаллиги, чокларни тўлдирувчи материалларни чикиш излари, четларини шикастланиши, дог намлигининг даражаси, бетондаги ёрикнинг келиб чикиш табиати, уларни очилиш жадаллиги, ўйиклар, кат-кат ўйилиб тушишлар чукурликлари, бетонни едрилиш катталиги, очилиб колган арматурани мавжудлиги, губорланиш ва догларнинг майдони, ранги, калинлиги, намлиги, фильтратнинг мавжудлиги ва бошкаларга алохида ахамият берилади. Аникланган дефектлар иншоотлар ва уларнинг элементларини ёйилган схемаларига белги кўйиб белгиланади.

4.2.– расм. Бетон сиртлардаги нуксонларнинг шартли белгилари: 1 - ёрик; 2- окими бор ёрик; 3 – курук губорланиши бор ёрик; 4- хўл дог; 5- ок губорланиши бор хўл дог; 6 – корамтир губорланиши бор окиш доги; 7 – занг олиб чикувчи фильтрация; 8 ва 9 –томчили ва струйкали окиш; 10 – мастикани окиб чикиши; 11 – ок курук доглар; 12 – корамтир курук доглар; 13- ўйик; 14- плита остидаги бўшлик; 15 – плитани сезиларли емирилиши; 16- очилиб колган арматураси билан плитани бузулиши Гидротехник иншоотларда хосил бўладиган ёриклар торайиш (усадочные), чўкиш, харорат ва ишлатиш натижасида хосил бўлади. Торайиш материалларнинг кискариш жараёни келтириб чикирган бетон сикилиб котиши натижасида хосил бўлади. Чўкиш ёриклари гидротехника иншоотларини куриш ва ишлатиш даврида нотекис чўкиш ёки кўтарилиши натижасида хосил бўлади. Улар кўпчилик пайтда иншоотни сезиларли кисмига ёки калинлиги бўйлаб ўтади. Чўкиш ёриклари энг хавфли. Уларни келиб чикиш табиати сейсмик, тог жинсларининг силжиши ва бошка жараёнлар билан характерланади. Харорат ёриклари хам бетонни котиш жараёнида (соч толали микроёриклар) ва ишлатишда харорат ёки харорат- намлик таъсирлар бўлганда хосил бўлади. Ишлатиш ёриклари, шунингдек иншоотларни бутунлигича ёки айрим элементларига юкламани ошиб кетиши сабабли вужудга келади. Улар хам хавфли ёриклар тоифасига мансуб, вакт ўтиши билан ўз геометрик ўлчамларини ўзгартиради.

Ёрикларни ривожланиш характерига караб вакт ўтиши билан жадал фаол ривожланадиган; баркарорлашган (сўнадиган)- ривожланиши камайган; фол бўлмаган (пассив) – амалда баркарор ўлчамларга эга турларига бўлинади. Чокларни кўз билан кузатишда улар зичлагичларининг тўлалиги ва уларда музлаш хосил бўлишига йўл кўймасликка алохида ахамият берилади. Чок оркали сезиларли даражада сувни сизиб ўтиши зичлагич бузулганлигини билдиради. Чокларни энг кўп очилиши киш даврига, кам бўлиши – ёз даврига тўгри келади. Бошка даврларда чок очилишининг ўсиб бориши нотекис чўкиш ёки горизонтал силжиш вужудга келганлигини билдиради. Бу холда чокларни мунтазам ва купрок асбоблар ёрдамида кузатишга ўтилади. Ёрикларни очилишини у оркали сувни сизиб ўтиши билан кўпрок тахлил килинади. Сувни сизиб ўтиши кўп бўлса ёрик кўпрок кенгайган бўлади ёки ёрик ўлчамлари ўзгармаган бўлиб сизиб ўтиш кўпайса бетонда жадал ишкорланиш жараёни кетаётган бўлади. Сизиб ўтишни камайиши ёрик ёки очилган чокда кольматация холати вужудга келганлигини билдиради. Ёрикларни кузатишда уларни энг кўп чўзувчи зўрикиш йўналишига нисбатан бахоланади. Ёриклар одатда чўзилиш йўналишига перпендикуляр равишда очилиб боради. Кўз билан кузатиш жараёнида НЎА нинг техник созлиги ва уларда шикастланишларнинг йўклигига ишонч хосил килиш зарур. Бетон иншоотларни кўз билан кузатиш иншоотларни кишки ишлатишдан, тошкин, табиий жараёнлар ва авариялардан кейинги, шунингдек сув омборини тезлик билан бўшатиш ва ундан кейинги умумий кўриб чикишнинг асосий кисми хисобланади. Гидротехника иншоотларини сув ости кисмларини куриб чикиш махсус кузатишлар турига мансуб бўлганлиги учун уни 5.3 да кўриб чикамиз.

Иншоотларни чўкиши, горизонтал силжиши ва кийшайишини кузатиш учун кўлланиладиган асбобларнинг конструкциялари ва жойлаштирув тамойиллари Бетонли иншоотларни чўкишини кузатиш улар элементларини чўкишини бошкаларига нисбатан чўкишини бахолаш, амалдаги чўкишини лойихавий чўкиш билан таккослаш ва чўкишни тўхтатиш тадбирларини белгилаш учун амалга оширилади. Бетонли иншоотларни чўкиши асосан геометрик, тригонометрик ёки гидростатик нивелирлаш оркали аникланади. Асоси коя тошли ва коя тошсиз бетонли иншоотларга кўлланиладиган биринчи ва иккинчи класс нивелирлашда хатонинг ўртача квадратик киймати мос равишда  1 ва  2 мм.дан ошмаслиги керак. Геометрик нивелирлаш оркали иншоотларни чўкишини аниклаш 3- бўлимида батафсил кўриб чикилган. Бетонли иншоотлар маркалари грунтли тўгонларники сингари юза, деворий, чукурликдаги, вактинчалик ва доимий, курилиш даврида кўлланиладиган турларга бўлиниши мумкин (4.3 –расм). 4.3.-расм. Бетонли иншоотларнинг баландлик маркалари: а – юза; б – деворий маркалар; в – чукурлик маркаси; г – вактинчалик маркалар; д – курилиш кувур маркаси; 1 – марка; 2 – фланец; 3 – таянч; 4 – копкок; 5 – швеллер; 6 – шар бошли болт; 7 – калит; 8 –корпус; 9 – скоба(кўш мих); 10 – арматура; 11,14 – кувурлар; 12 – бетонга котирилган штраба; 13 – бетонли тайёрлама; 15 – туташтирувчи муфта; 16 ва 17 – металл ва бетон плита; Ўлчамлари мм. да

Юза маркаси устига рейка кўйилишига ва белгисини аниклашга хизмат килади, у бетонга котирилган фланц ёки цилиндрга жойлаштирилади. Марканинг тепаси очик бўлиши ёки бураб киритиладиган копкокли бўлиши мумкин. Ўлчов олиб борилгандан сўнг марка бошчасига занглашдан саклаш учун техник вазелин суртиб кўйилади. Юза маркаларининг икки тури 4.3,а расмда кўрсатилган.Юза маркалари киргок устунлари ва тўгоннинг барча сакцияларига жойлаштирилади, бу иншоотнинг фазовий чўкишини, яъни иншоот ўки ва оким харакати йўналишлари бўйича бахолаш имкониятини беради. Коя тошли асосдаги баланд тўгонларда маркалар бетонни пастки киррасида, сув босмайдиган кўриш галереясининг асосига якин жойда котирилади, унинг четларига биттадан марка жойлаштирилади. Бундан ташкари маркалар кўндаланг галереяларда хар 8…10 м. да устунлараро чоклар чегараларида ўрнатилади. Деворий (консоль) марка бетон сиртга котирилган швеллер консоли устига кўйилади. У ёпик ёки яширинган холатда ўрнатилиши мумкин (4.3,б – расм). Деворий маркаларнинг кўрсатиб ўтилган конструкциялари агар белгилари вакт бўйича ўзгармаса хар хил иншоотлар реперлари сифатида хам кўлланиши мумкин. Чукурлик маркалари бетон иншоотлар асослари ёки водосливли тўгон фундамент плитаси остиларидаги деформацияларни ўлчаш учун ўрнатилади (4.3,в – расм). У тадкик килинаётган грунтга ўрнатилган металл таянч ёки темир-бетон плитага, усти бурама билан ёпиладиган копкокли химоя кувурига жойлаштирилади. Асос грунтининг хар хил катламлари чегарасига ўрнатилган бир неча чукурлик маркаси, бетон иншоотларни чўкиш кийматларини бахолаш ва сабабларини аниклаш имкониятини беради. Горизонтал ва вертикал сиртлар учун кўлланиладиган вактинчалик маркалар конструкциялари 4.3,г расмда келтирилди. Курилиш кувур-маркаси (4.3,д – расм) иншоот асосининг курилиш давридаги чўкишини аниклаш учун хизмат килади ва у икки томонидан фланцлар билан ёпилган каттик кувурдан иборат килиб ясалади.

Тепадаги фланцга марка ковшарланади, у копкок билан беркитилади. Кувурнинг пастки охири бетон тайёрламада цементли аралашма билан котирилади. Кувур ўртасидан кўшмихлар ёрдамида арматурага ковшарланади. Бетоннинг биринчи яруси ёткизилгандан сўнг (2…4 м) марка кўтарилади (ўстирилади). Маркани бетонни хар хил сатхда ётказилиши даврида нивелирлаб иншоотни фундамент кисмини, курилиш даврида, асосининг чўкиш диаграммаси олинади. Кувур кўриш галереясига ёки иншоот тепасига етгандан сўнг курилишнинг кейинги ва ишлатиш даврларидаги иншоотнинг чўкишини кузатиш учун доимий марка ўрнатилади. Ўзгармас хароратли гелереяси бор тўгонларни чўкиши гидростатик нивелир (4.4-расм) билан ўлчанади. Асбоб сув билан тўлдирилган икки туташ идишдан иборат. Гидростатик нивелирдаги сув сатхи бўйича иншоотнинг чўкиши тўгрисида хулоса килинади. 4.4-расм. Гидростатик нивелир: 1- диаметри 100 мм, узунлиги 2 м. ли сатх кувури; 2- часпак (хомут) гайкаси; 3- девордаги (анкер) таянч; 4-полихлорвинилли шланг; 5- химоя кувури; 6- кувур бекитгичи (заглушка); 7 – мустахкамлаш часпаклари; 8 – сув билан тўлдириш учун тешик; 9 – чўкиш ўлчагичи; 10 – ўлчагич учун втулка; 11- бўлиниш бахоси 0,01 бўлган МК-25-27 ўлчагич микрометри; 12- ниппель. Тригонометрик нивелирлаш ёрдамида бир маркани бошкасига нисбатан, визир нурини киялик бурчаги ва асбобдан маркагача бўлган масофани ўлчаб, ортиши аникланади. Тўгон тикланиши даврида чўкишни кузатиш ойига камида 2 марта, сув омбори тўлдирилаётганда – хар куни, ишлатишнинг дастлабки йиллари – йилига 2 марта, ундан кейинги чўкишни сўниш жараёни йилларида – йилига 1 марта ўтказилади.

Нивелирлаш, асбоблар ва рейкаларни текшириш, шунингдек ёзувларни олиб бориш ва ўлчов натижаларига ишлов бериш Геодезия курси ёки Геодезик усулларда Гидротехника иншоотлари ва улар асосларини деформацияларини бевосита кузатиш бўйича техник адабиётларга мос равишда олиб борилади. Бетон тўгонларнинг нисбий горизонтал силжишларини ўлчаш учун тўгри ва тескари отвес (осма, тош богланган ип) лардан фойдаланилади. Тўгри отвес (4.5,а-расм) тўгоннинг конструкцияси, баландлиги ёки силжишни ўлчаш максадига караб тўгонни тепаси, ўртаси ва асосида осиш нуктасига осилган оддий отвесдан иборат. Пастки кисмига бойланган юкни, одатда, тебранишни тинчлантирувчи (демпфирирования) суюклик солинган идишга жойлаштирилади. Отвеслар вертикал шахталарга ёки махсус ўрнатилган кувурларга ўрнатилади. Силжишни икки ўзаро перпендикуляр йўналишларга эга, юк устига йигилган, координатомер билан ўлчанади. Тўгри отвеслар сони тўгон баландлиги ва энг асосийси геологиясига боглик равишда аникланади. Бир турли секциялар ва геологик шароитда отвеслар хар 100 м. да жойлаштирилади. Коя тошсиз асосдаги тўгонларда отвеслар 3…4 секциядан кейин ўрнатилади. 4.5.- расм. Нисбий горизонтал силжишларни ўлчаш учун асбоблар: а ва б – тўгри ва тескари отвеслар; в – тўгри ва тескари отвеслардан биргаликда фойдаланиш схемаси; 1- тушириш кувури; 2 – илгак; 3 – инвар сим; 4 – тинчлантирувчи (демпфирующая) суюклик билан бак; 5 – юк; 6 – координатомер учун столча;

Тескари отвес (4.5,б – расм) пасти якорь ёрдамида котирилган; тепаси эса суюклик солинган бакка туширилган халкали пўкак ёрдамида ушлаб турилувчи тортилган ипдан иборат. Асосгача бургуланган ва тушириш кувури билан химояланган скважина забойида якорь яхлитланади. Тескари отвесда координатомер пўкакли бакдан бир мунча пастга жойлаштирилади. Тескари отвес - анча универсал асбоб хисобланади, чунки унинг ёрдамида асосини берилган нуктасига нисбатан тўгон ўркачи ва отвес якори котирилган нуктага нисбатан тўгон подошваси силжишлари аникланади. Асоснинг хар хил чукурлигига бир неча отвесни ўрнатиб, унинг фаол зонаси чукурлиги ва бошка силжишларни аниклаш мумкин. Кўпинча, бир вактда тўгри ва тескари отвеслар курилмаси (4.5,в –расм) ишлатилади. Айрим секцияларнинг нисбий горизонтал силжиши, кўриш галереясига тортилган ва тўгон секцияларига ўрнатилган, маркалар бўйича четки секцияларга махкамланган, 600 м. гача узунликга эга ип ёрдамида ўлчанади. Гидротехника иншоотлари ёки улар элементларининг энгашиш киялиги, иншоотни босимли (напорли) ва пастки кирраларига гидростатик нивелирлаш маълумотлари бўйича ёки копланадиган ёки дистацион клинометр ёрдамида (4.6-расм) жойлаштирилган маркаларни геометрик нивелирлаш ёрдамида аникланади. 4.5 – расм. Копланадиган клинометр схемаси: 1 –ўк; 2 – пластина; 3 – цилиндрик сатх (уровень); 4 – пружина; 5 – игна; 6 – микрометренли винт; 7 – шкаласи билан барабан; 8 – хисоб курсатгичи; 9 – микрометрен ўлчагич корпуси; 10 – станина; 11 – асбобни махкамлаш учун таглик. Хар хил давр учун кия майдончага ўрнатилган микрометрен винт хисобининг фарки бўйича клинометр ёрдамида кийшайиш (эгилиш) бурчаги аникланди. Микрометрен винт (курилма) билан цилиндрик сатхга ўлчов ва хисоб олиш вактида горизонтал холат берилади.

Ёрик ва чокларни кузатиш учун кўлланиладиган асбобларнинг конструкциялари хамда жойлаштирув тамойиллари Гидротехника иншоотлари элементларида ёриклар нотекис чўкиш, ташки юкланмадан зўрикиш, шунингдек харорат-торайиш натижасида вужудга келади. Ёрикларни кузатиш тўгон элементларини ўзаро силжишларини тахлил килиш, иншоотлар мустахкамлигини бахолаш ва ёрикдан усти очилиб колиб жадал занглашга жойил арматураларнинг холатини аниклаш максадида олиб борилади. Ёриклар устидан кузатиш олиб боришнинг оддий усули бўёк ёки ўткир асбоб билан ёрик чегарасини белгилаб кўйишдир. Маълум бир вакт ўтгандан сўнг ёрик охирлари янгитдан белгиланади ва вакт ўтиши билан ёрикни ривожланиши аникланади. Етарли кенгликдаги (> 1 мм) ёрикларни нафакат узунлигини, балки чукурлигини хам ўлчаш мумкин бўлади. Бунинг учун щупдан фойдаланилади ёки ёрикга бўёк куйилади. Бўёк куригандан сўнг бетонни бир томони эхтиёткорлик билан учириб туширилади. Буёкни кирган изининг узунлиги бўйича ёрик чукурлиги аникланади. Агар бетон сирти якинида арматур жойлашиб колган бўлса бундай усулни кўллаб бўлмайди. Бу холда ўлчашлар миллиметрли бўлакларга эга линейка ёки штангенциркуль билан бажарилади. Иншоот элементи чегарасидаги ёрикнинг холатини бахолаш учун гипс, алебастр, цементли аралашмалардан иборат маяклардан кенг фойдаланилади. Баъзан маяклар органик ойна ёки металлдан килинади. Аммо уларни ясаш юкорида санаб ўтилганларга нисбатан кўп мехнат талаб килади, шунинг учун хам улар жуда кам ишлатилади. Маяклар ўрнатиладиган жойлар диккат билан чанг ва ифлосликдан тозаланади, сикилган хаво билан пуфланади ва сув билан ювилади. Маяк устига ёки унга якин жойга тартиб раками ва ўрнатилган сана (кун) ёзилади. Ёрикни холатини оддий бахолаш куйидагича: агар вакт ўтиши билан ёрик жойлашган жойда маяк устида ёрик хосил бўлмаса, демак ёрик очилмаяпти (кенгаймаяпти, ривожланмаяпти); маякда ёрик хосил бўлса тахлил килинаётган ёрик ривожланмокда.

Гипсли маяк кенглиги 5…10 см, калинлиги 1…3 см ва узунлиги 10…20 см килиб куюк аралашмадан шпател ёрдамида тайёрланади (4.7,а –расм). 4,7- расм. Ёрикларни кузатиш учун маяклар: а- гипсли; б ва в – органик ва оддий ойнадан; г – алебастрли; д – металли; е, ж – И.М.Литвинов конструкциялаган маяк; з – Ф.А.Беляков конструкциялаган маяк; 1 – ёрик; 2 – маяк. Органик ойна ёки оддий ойнадан иборат маяклар (4.7,б,в – расмлар) калинлиги 3…10 мм. ли 2 пластинадан иборат. Пластиналар бир учи билан аралашмага, иккинчи охири билан бир бирини устини 2…3 см ёпадиган килиб кават-кават кўйилади. Кўйишдан олдин хар бир пластинкада чизиклар орасини очилишига караб ёрикнинг холатига бахо берилади. Нам жойларда маяклар цементли аралашма ёки ивимайдиган (металл, текстолит, пластмасса ва бошк.) материаллардан ясалди. Бир катор холатларда алебастрдан маяк ясалади (4.7,г – расм). Металл маяклар диаметри 3…4 мм. ли, узунлиги 20…30 см. ли, ёрикга кундаланг ўрнатиладиган симдан ясалади. Ёрик очилганда симни котириш учун кўйилган цементли аралашма бузулади. Ёрикни очилиши симни силжиши бўйича аникланади. Баъзан чизикчалар чизиб оддий шаклдаги металл пластинкалар ишлатилади (4.7,д – расм). Уларни бир бирини устига ёки туташтириб кўйишади. Маяк тури ва ўрнатиш усули ёрикни жойлашган ўрни, кўл остидаги материал ва иншоотнинг маъсулиятлигига караб танланади.

Оддий маяклар ва ёрик ўлчагич (щеломеры) лар орасида конструкцияси бўйича мураккаб бўлган маяклар хам мавжуд. Масалан, И.М. Литвинов конструкциялаган маяклар (4.7,е,ж – расмлар) ёрикни сон ва сифат кўрсаткичларини олиш имкониятини беради. Штангелциркуль билан ўлчанган, маяклар илгаклари ораси ёрикни очилиш киймати тўгрисида хулоса килишга имкон беради. Бунда ўлчаш аниклиги 0,02 мм. дан кўпни ташкил килмайди. Иншоотлар элементларининг бурчакларида вужудга келган ёриклар учун 4.7, ж – расмда келтирилган конструкцияли маяклар кўлланилади. Ф.А.Беляков ёрикни икки томони бўйлаб икки гипсли, алебастрли ёки цементли аралашмали 10х6х2 см (4.7,з – расм) ўлчамли плиткаларни ўрнатишни таклиф килган. Аралашмалар куришидан олдин хар бир плиткага бештагача нина жойлаштирилади, улар сиртдан 1…2 мм чикиб туради. Плиткалар шундай жойлаштириладики, бунда ниналарнинг юкориги катори бир чизикда, пасткиси эга иккинчи чизикда, иккала плиткалар учун биринчи катор параллел бўлади. Фанерага котирилган когоз варагини ниналар устига даврий равишда кўйиб когозда тешикчалар олинади. Нукталар ораси масофалари бўйича ёрик холати тўгрисида хулоса килинади. Ўрнатилган маяклар устидан дастлабки икки-уч хафтада хар куни, ундан сўнг тургунланишига караб 7…10 кунда бир кузатилади.

4.8 – расм. Бир ўкли ёрик ўлчагичлар: а – вактинчалик кузатишлар учун штырли куриб колдирилган; б – узок кузатишларни олиб бориш учун куриб колдирилган; в – Ленгидэп конструкциялиси; г – аниклиги 0,01 мм. гача бўлган соат туридагиси; д – (уголок) бурчаклик материалдан устига кўйиладиган; е – кенг (50…60 см) чокларни очилишини кузатиш учун; 1 – чок (ёрик); 2 – белгилаб кўйилган бошча; 3 – таянч; 4 – соат туридаги индикатор; 5 – кронштейн; 6 – кисадиган вантли таянч текислик; ж – устига кўйиладиган ёрик ўлчагич; 1 – металл плита; 2 – стерженлар; 3 – штангенциркул; 4 – шариклар; 5 – гайка; 6 – таянч; 7 – таянч кўшмихи; 8 – чок. Ўлчамлари мм. да. Маъсулиятли (капиталлиги I … III класс бўлган) иншоотларда ёки элементларда кўпчилик холатда курилиш пайтида ўрнатилиб колдирилган ёки устига кўйиладиган (накладная) ёрик ўлчагич (щеломер) лар ёрдамида кузатишлар олиб борилади, улар шартли равишда бир ўкли, сиртга ва фазовий ўрнатиладиган турларга бўлинади. Бир ўкли ёрик ўлчагич (4.8 – расм) белгилаб кўйилган бошчаси (михпарчин) билан ёрикнинг иккала томонига котириладиган икки металл элементдан иборат, штангенциркул ёки микрометр ёрдамида улар орасидаги масофа ўлчанади. Текислик ёрик ўлчагичлари икки йўналишда шкала ўйилган ва таянч чизикчалари билан бир бирини устини ёпадиган пластинкаларга эга.

Фазовий ёрик ўлчагичларнинг хар хил конструкциялари 4.9 – расмда кўрсатилган. Улар стерженли (4.9,а – расм) ва маркировка килинган (4.9,б – расм) турларга бўлинади. Стерженли ёрик ўлчагичлар икки пўлат стержен ёки пластинкадан иборат, улар орасида икки текислик бўйича ўлчов олиб бориш мумкин бўладиган килиб кийшайтириб кўйилган. Ёрикларни икки текислик бўйича очилишини аниклаш учун, шунингдек, Ленгидэп конструкциялаган ёрик ўлчагичлардан (4.9,в – расм) фойдаланилади. Бу конструкциялар таянч чизикларга эга бўлиши лозим. В.П. Бомбчинскийнинг маркировка килинган ёрик ўлчагичлари кенг таркалган (4.8,б – расм). У томонлари 200…600 мм бўлган тенг томонли учбурчак учига ўрнатиладиган уч марка тизимидан иборат. Чокга параллел йўналтирилган учбурчакни базис томонига икки марка жойлаштирилади, бошка томонига – битта. Ёрик ўлчагичнинг маркаларини баландлик маркалари сифатида хам ишлатиш мумкин. Маркалардаги цилиндрик тешикларнинг мавжудлиги штанген ёрик ўлчагич ёрдамида улар орасидаги масофани ўлчаш имкониятини беради (4.9,в – расм). Очик кузатишнинг имконияти бўлмаган, ташки сиртга 1,5…2 м якинлашмаган жойларда дистанцион ўрнатиладиган ёрик ўлчагичларнинг одатда, торли туридан, шунингдек телетензометрлардан (4.4 га каранг) фойдаланилади. Ёрик ўлчагичлар шаблон (колип) ёрдамида ўрнатилади, сўнг колип олинади ва 7…10 кун ўтгандан кейин нул саноги олинади. Ёрик хосил бўлган дастлабки даврда хар куни кузатишлар олиб борилади. Ёрик очилиши тургунлашгандан сўнг ёки ишлатишнинг биринчи йили хар 7…10 кунда 1 марта олиб борилади. Иншоот 3 йил ишлатиланган сўнг ойига 1 марта кузатиш амалга оширилади. Ёрик ўлчагичлар кўрсаткичларини ёзаётганда хаво ва сувнинг харорати (агар ёрик ўлчагич сув сатхидан пастда бўлса) хам кўрсатилиши зарур. Кузатиш журналида ёрик ўлчагич тартиб раками, кузатиш олиб борилган сана, дастлабки санок, кейинги саноклар хам ёзилади.

Кейинги саноклар бўйича дастлабки санокдан канчалик четга чикилганлиги аникланади. 4.9 – расм. Чоклар (ёриклар) текисликда (а), фазода (в) очилишини ўлчаш учун ёрик ўлчагичлар ва штанген ёрик ўлчагич (в) : 1 – таянч нинаси; 2 ва 3 – халкали ва цилиндрик сатх; 4 – шкаласи билан линейка; 5 – ниналар барабани; 6 – движок; 7 – микрометрик нина. Ўлчамлари мм. да.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоѓолди ќисмларида тўѓонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

Похожие

Сув димловчи грунтли иншоотларни техник холатини кузатиш

Гидротехника иншоотларини ишга тушириш

Бетоннинг мустахкамлик характеристикалари ва зўрикиш деформацияланган холатини аниклаш

Гидроузелларни курилиш даврида ишлатиш, уларни ишлатишга топшириш ва бевосита кузатиш ишларини ташкил этиш

Кишки шароитда каналларни ишлатиш хусусиятлари