Эмпирик социологик тадқиқот ва унинг методлари - Социология - Рефераты

Эмпирик социологик тадқиқот ва унинг методлари

Загружено в:

20.09.2019

Скачано:

0

Размер:

145.5 KB

Эмпирик социологик тадқиқот ва унинг методлари Режа: 1.Эмпирик социологик тадқиқот, унинг асосий босқичлари. 2. Социологик тадқиқот дастури. 3.Сўров методи. 4.Кузатиш методи ва унинг моҳияти. 5.Ҳужжатларни ўрганиш методи. 6.Эксперимент методи.

Эмпирик социологик тадқиқот, унинг асосий босқичлари. Социология фанини эмпирик социологик тадқиқот жараѐнисиз тасаввур қилиб бўлмайди. Эмпирик сўзи қадимги юнонча бўлиб, тажриба маъносини англатади. Эмпирик социологик тадқиқот – ягона дастур ва услубиѐт билан амалий асосда ижтимоий ҳаѐт ҳодиса ва жараѐнлари тўғрисида олинган. Эмпирик маълумотларни таҳлил қилиш, умумлаштириш, зарур амалий таклифлар, тавсиялар ишлаб чиқишдан иборат. Эмпирик социологик тадқиқотда ижтимоий фактларни излаш, тасниф қилиш, тўплаш муҳим аҳамиятга эга. Ижтимоий факт деганда, илмий асосланган, муайян вақт давомида реал ижтимоий воқеликнинг алоҳида жиҳадларини тасниф қилиш орқали олинган маълумотларга айтилади. Ҳозирда, бозор муносабатларига ўтиш жараѐнида жамият ҳаѐтида рўй бераѐтган муҳим ўзгаришларни, кишилар ўртасидаги муносабатларни амалий социологик тадқиқотларсиз илмий асосда ўрганиб бўлмайди. Жамиятни илмий бошқариш доимо амалий социологик тадқиқот натижаларига таянмоғи зарур. Мавжуд ижтимоий муаммоларни ҳал этиб боришда, жамиятни ижтимоий ривожлантиришда ва уни режали прогноз бериш билан илмий асосда бошқаришда амалий социологик тадқиқот натижалари муҳим вазифаларни бажаради. Социологик тадқиқотларнинг сифат даражасини ва самарадорлигини ошириш учун эмпирик маълумотларнинг ишончли эканлигини, илмий асосланганлигини таъминлаш учун, унинг методологик асосига алоҳида эътибор қаратилмоғи лозим. Амалий социологик тадқиқот жараѐнини 4 асосий босқич га бўлиб кўрсатиш мумкин. Бу босқичларнинг ҳар бири ўзига хос хусусиятларга ва муҳим жиҳатларга эгадир. Булар қуйидагилардан иборат: I - Босқич . Социологик тадқиқотни тайѐрлаш ва ташкил қилиш: -Амалий социологик вазифани белгилаш ва тадқиқот предметини танлаш;

-Социологик тадқиқот ўтказиш бўйича буюртма қабул қилиш ва уни ўтказиш бўйича шартнома тузиш; -Бажариладиган ишлар бўйича календар режа, техник вазифаларни ва бюджет /сарф қилинадиган ҳаражатлар сметасини/ тузиш; -Дастур ишлаб чиқиш; -Тадқиқот услубиѐти, техникаси ва воситаларини ишлаб чиқиш. II Босқич . Асосий бўлиб, амалий тадқиқот ишлари олиб бориш жараѐнини ўз ичига олади: Социологик тадқиқот танловини ўтказиш; Пилотаж; Дастлабки социологик маълумотларни йиғиш; Эмпирик маълумотларнинг сифат ва аниқлик даражасини назорат қилиш; III Босқич. Эмпирик маълумотларни қайта ишлаш: Олинган эмпирик маълумотларни гуруҳларга ажратиш; Тақсимий жадвал тузиш; Эмпирик маълумотларни компьютерларга киритиш ва моделлаштириш; IV Босқич. Якунловчи босқич бўлиб, олинган маълумотларни таҳлил қилиш, умумлаштириш, улардан илмий хулосалар чиқариш ва амалий таклифлар, тавсиялар ишлаб чиқишни ўз ичига олади: Тадқиқот маълумотларининг дастлабки таснифи ва назарий жиҳатдан фаҳмламоқ; Илмий назарий хулосалар, муайян илмий-амалий таклифлар, тавсиялар ва тадбирлар ишлаб чиқиш; Берилган вазифа бўйича илмий матнлар, ҳисоботлар тайѐрлаш. Ҳар қандай тадқиқот бирон-бир муаммонинг қўйилишидан бошланади. Бундай муаммо ташқаридан, буюртмачи томонидан берилиши ѐки жамият ҳаѐтида ўзининг илмий ечимини кутаѐтган муаммо бўлиши мумкин. Шулардан келиб чиқиб, социологик тадқиқотларни ташкил қилишнинг асосий шакллари: 1. Давлат буюртмаси;

2. Хўжалик шартномаси асосида; 3. Жамоатчилик; 4. Аралаш тартибда бўлиши мумкин. Эмпирик социологик тадқиқот объекти бўйича ўтказилган дастлабки таҳлиллар асосида мавжуд муаммони тадқиқ қилиш дастури ишлаб чиқилади. Социологик тадқиқот дастури. Илмий дастур ҳар қандай амалий ва назарий социологик тадқиқотнинг дастлабки зарур ҳужжати ҳисобланади. Дастур социологик тадқиқот объекти бўйича ишчи фаразни текширишга қаратилган, шунингдек, тадқиқот бўйича илмий фараз, бажариладиган асосий вазифаларни ва социологик тадқиқот методологик асосининг баѐнидан иборат. Дастур мазмуни ҳақида қисқача маълумот берилиши аннотация деб аталади. Ҳар қандай эмпирик социологик тадқиқот дастурининг умумий талаблари мавжуд. Буларга: 1. тадқиқотнинг асосий мақсад ва вазифаларини аниқлаш; 2. ишчи фаразни ишлаб чиқиш; 3.дастурни ишлаб чиқиш жараѐнида компьютер техникасидан фойдаланиш кабилар киради. Социологик тадқиқот дастури ички тузилиши жиҳатидан қуйидаги қисмлардан иборат бўлади: Назарий-методологик қисм: Социологик муаммони ишлаб чиқиш, тадқиқот мақсади ва вазифасини белгилаш. Тадқиқот объекти ва предметини белгилаш. Асосий тушунчаларни ишлаб чиқиш. Тадқиқот предметининг дастлабки тахминий таҳлили. Ишчи фаразни ишлаб чиқиш. Амалий социологик тадқиқот иш жараѐни қисми: Тадқиқотнинг умумий режаси.

Асосий амалий иш жараѐнлари. Танлов ишлари Дастлабки олинган социологик маълумотларни таҳлил қилиш усулларининг таснифи Тадқиқот натижаларини умумлаштириш назарда тутилган йўналишлар. I. Хулоса қисми: Тадқиқот натижаларини мазмунан таснифи. Буюртмачига тадқиқот натижаларини тақдим қилиш шакллари /асосий хулосалардан иборат ҳисобот, амалий таклифлар, тавсиялар ва тадбирлардан иборат/. Тадқиқот мақсади ва вазифаси. Дастурнинг ушбу қисмида социологик тадқиқот буюртмачиси ва бажарувчилар ўртасидаги муносабат ўзаро келишиб олинади. Тадқиқот учун сарф қилинадиган ҳаражатлар: молиявий ва меҳнат ресурслари ҳисоблаб чиқилади. Социологик тадқиқот мақсади турлича бўлиши мумкин. Масалан, муайян ишлаб чиқариш корхонасида меҳнат унумдорлигини кўтариш муаммосини социологик тадқиқ қилиш зарур бўлса, бунда асосий мақсад меҳнат унумдорлигини пастлигининг биринчидан, асосий сабабларини аниқлаш, иккинчидан, мавжуд яширин иқтисодий имкониятларни қидириб топиш ва учинчидан эса мавжуд шарт- шароитни ўзгартиришдан иборат бўлади. Тадқиқотнинг асосий вазифаси эса белгилаб олинган мақсадни мазмунан, услубий ва ташкилий жиҳатдан янада ойдинлаштириб олишдан иборат бўлади. Тадқиқот предмети ва объекти. Тадқиқот предмети – мавжуд социологик муаммонинг асосий масалаларидан бири ҳисобланади. Бир хил муаммоли ҳолатда ягона эмпирик тадқиқот объекти бўйича тадқиқот предмети бўладиган бир неча йўналишлар бўлиши мумкин. Бошқача қилиб айтганда, тадқиқот предмети танланганда, мавжуд муаммони ечиш йўллари бўйича илмий фараз тузилади, шу билан бирга, социологик тадқиқот ўтказиш усуллари ва шаклларига таъриф берилади.

Социологик тадқиқот объекти деганда, социологик тадқиқот йўналтирилган ижтимоий ҳодиса, жараѐн ва тузилмалар тушунилади. Ҳар қандай социологик тадқиқот объекти тизимли хусусиятга, асосан, вақт, макон, имконият ва миқдорий ўлчов чегарасига эга бўлади. Эмпирик социологик тадқиқот дастурининг назарий-усулбий даражасида объектини танлаш муҳим аҳамиятга эга. Ҳал қилиниши зарур бўлган муаммо характери, унинг долзарблиги, тадқиқот мақсади ва вазифаси, тадқиқот объектининг қандай бўлишлигини белгилайди. Агар тадқиқот объекти унчалик катта бўлмаса, социологик жиҳатдан уни тўлалигича қамраб олиш имконияти бўлса, бир бутун ҳолда тадқиқот объекти қилиб олиш мумкин. Баъзан эса мураккаб социологик тадқиқот объектини тўлалигича қамраб олиш имконияти бўлмайди. Шунинг учун бундай вазиятда тадқиқот объектининг нисбатан аниқ чегараси белгилаб олиниши шарт. Дастурда аниқ кўрсатилиши зарур: -эмпирик тадқиқот объекти; -социологик тадқиқот объектни тўлалигича қамрайдими ѐки унинг айрим жиҳатларини танлаб оладими? -танлов асосида олиб бориладиган социологик тадқиқот асоси /рўйҳат тузиш, картотека, социологик харита кабилар/. Социологик тадқиқот фарази. Мавжуд муаммо бўйича илмий фараз ишлаб чиқиш эмпирик социологик тадқиқотни назарий жиҳатдан тайѐрлашнинг якунловчи қисми ҳисобланади. Тадқиқот фарази – ўрганилаѐтган ижтимоий ҳодиса таркиби ѐки унинг таркибий қисмлари ўртасидаги ўзаро алоқадорлик характери тўғрисидаги илмий фараздан иборат бўлади. Илмий фараз тадқиқ этилаѐтган объект тўғрисидаги мавжуд маълумотларга асосланган ҳолда ишлаб чиқилади. Фараз – бу, тадқиқот учун бошланғич нуқта бўлиб, кейинги олиб бориладиган амалий социологик тадқиқотларда илгари суриладиган фаразга боғлиқ бўлади. Шуни таъкидлаш лозимки, фаразни ишлаб чиқиш – эмпирик

маълумотларни тўплаш ва таҳлил қилишдаги мантиқий асосни ишлаб чиқиш демакдир. Агар тадқиқотчи томонидан илмий фараз ишлаб чиқилган бўлса, эмпирик маълумотлар ва тадқиқот натижалари шу ишчи фаразнинг тўғри эканлигини текширишга, уни тасдиқлашга ѐки бекор қилишга хизмат қилади. Эмпирик тадқиқот фарази бўлмаса, унда социологик тадқиқотнинг илмийлик даражаси паст бўлади. Дастур таркибидаги амалий қисмнинг муҳим жиҳати – эмпирик тадқиқот услубиѐти, техникаси, жараѐни ва усулларини асослашдан иборат. Социологик тадқиқот услубиѐти – хусусий социологик усуллар мажмуи фойдаланилади. Метод /усул/ тушунчаси кенг маънода билимлар тизимини юзага келтириш ва асослаш усули, воситаси демакдир. Социологияда усул сифатида умумсоциологик принциплар ҳам, ижтимоий воқеликдаги жараѐнлар ва ҳодисаларни билишдаги хусусий принциплар ва конкрет усуллар – математик-статистик усуллар, социологик ахборотни йиғиш усуллари: кузатиш, сўроқлар, эксперимент ва ҳужжатларни ўрганиш усули ва бошқaлар тушунилади. Социологик тадқиқот техникаси – махсус усулларининг бирлигини англатиб, у ѐки бу усулдан унумли ва ўз ўрнида фойдаланишни ифода қилади. Социологик тадқиқот жараѐни – тадқиқотни ташкил этиш усули, воситаси, барча билиш ва ташкилий фаолиятнинг тартиб билан бориш жараѐнини англатади. Амалий социологик тадқиқот олиб бориш жараѐнида конкрет тадқиқот усулларининг аҳамияти катта. Улар ѐрдамида дастлабки эмпирик маълумотлар йиғиб борилади. Улар сўров, кузатиш, ҳужжатларни ўрганиш ва эксперимент усулларидир. Сўров методи. Социологик маълумотларни йиғиш усулларидан бири сўров усулидир. Сўров усули ѐрдамида бошқа ҳужжатли манбаларда учрамайдиган ва бошқа

социологик тадқиқот усуллари ѐрдамида олиш мумкин бўлмаган маълумотлар, ахборотларни олиш мумкин. Шунинг учун, кишилар, ижтимоий ҳаѐт жараѐнларига бўлган муносабатини, фикрини социологик жиҳатдан ўрганишда сўров усулининг аҳамияти беқиѐс каттадир. Айниқса, ҳозирда, жамиятимизнинг бозор муносабатларига ўтиб бориш жараѐнида, ижтимоий коммуникациянинг роли ортиб бориши билан сўров усуслининг социологик тадқиқотлар олиб боришдаги ўрни ва аҳамият янада ортмоқда. Сўров усулидан дастлабки социологик ахборотларни олиш учун фойдаланилади. Сўров ўз характери билан оғзаки ѐки ѐзма равишда бўлиши мумкин. Тадқиқотчининг респондент /инглизча – сўз бўлиб, жавоб бермоқ маъносини англатади, яъни анкета саволларига ва интервьюга жавоб берувчи тушунилади/ билан мулоқотда бўлиш шакли ва шароитига қараб сўров усили қуйидаги кўринишларда бўлиши мумкин: ѐзма – анкета орқали оғзаки – интервью олиш, яшаш жойи ва уюшган аудиторияда /меҳнат жамоасида, маҳаллада, ўқув юртида/, сиртдан /рўзнома орқали, почта орқали анкета ўтказиш/ ва юзма-юз, телефон орқали, гуруҳли ѐки инидивидуал каби. Формаллаштириш даражаси билан: олдиндан режалаштирилган эркин, бир маротаба ва такрор бўлиши мумкин. Эксперт сўрови ҳам социологик тадқиқотларда муҳим ўрин тутмоқда. Олинган мавжуд социологик маълумотларни қайта текширишда, уларни қанчалик мос эканлигини аниқлашда эксперт сўрови туридан фойдаланилади. Сўров усулидан қуйидаги ҳолларда фойдаланиш мумкин: ўрганилаѐтган муаммо бўйича етарли даражада маълумотлар кам ѐки мутлақо бўлмаганда; тадқиқот предмети ѐки унинг айрим жиҳатларини кузатиш имконияти бўлмаганда;

тадқиқот объекти сифатида эҳтиѐж, манфаатлар, қизиқишлар, кайфият, қадриятлар, эътиқод, ишонч, ѐқлаш каби ижтимоий ѐки индивидуал онг элементларини ўрганиш жараѐнида; сўров усулининг имконият даражасини ошириш мақсадида қўшимча тарзда ва бошқа социологик тадқиқот усуллари ѐрдамида олинган эмпирик маълумотларни қайта текшириш учун; 5/ муайян ижтимоий муаммо устида олиб борилаѐтган социологик тадқиқот жараѐнини қанчалик тўғри эканлигини назорат қилиб боришда. Юқорида кўрсатиб ўтганимиздек, социологик тадқиқотларда сўров усулидан ѐзма равишда – анкета орқали ва оғзаки – интервью олиш орқали фойдаланилади. Анкета орқали сўров ўтказиш энг кенг тарқалган сўров тури ҳисобланади. Чунки, анкета саволлари орқали респондентлардан олинадиган жавобларни умумлаштириб, гуруҳлаштириш билан тадқиқ этилаѐтган ижтимоий муаммо тўғрисидаги жамоатчилик фикри ойдинлашади. Олинган маълумотларнинг қанчалик тўғри, объектив ва ҳаѐтий эканлиги эса тадқиқотчилар томонидан тузиладиган анкета саволларининг қанчалик моҳирона ва саводли эканлигига боғлиқ бўлади. Анкетага киритилган саволлар содда, тушунарли ва жавоб беришга қулай тузилиши шарт. Унда респондент характери, ѐши, касби, маълумот даражаси ва руҳий жиҳатлари ҳисобга олинмоғи лозим. Акс ҳолда, анкета сўрови ўрганилаѐтган муаммо тўғрисида ишончли, объектив маълумотлар бермаслиги мумкин. Анкета сўрови орқали эмпирик маълумотларнинг аниқ, ҳаѐтий бўлиши – анкета ўтказиш жараѐнини қанчалик тўғри ташкил қилиш билан боғлиқ. Анкета ўтказишнинг асосий компонентлари – тадқиқотчи, сўроқлов варақаси ва респондент ҳисобланади. Тадқиқотчи ѐки тадқиқот ўтказилаѐтган объектнинг расмий ва норасмий вакиллари, раҳбарлари томонидан респондентларга анкетани тарқатиш ва уларни тўлдириш вақтида назорат қилишга йўл қўйилмаслиги, респондент томонидан мустақил, ўзгаларнинг маслаҳатисиз тўлдирилиши шарт. Анкета тўлдиришда респондентнинг исми-

шарифи кўрсатилмаслиги керак. Чунки, анкета варақасига исми-шарифини кўрсатиш талаб қилинса, ўрганилаѐтган муаммо тўғрисида салбий ѐки эътирозли фикр билдиришдан чўчиб, респондент ўз фикрини очиқ-ойдин ѐзмаслиги мумкин. Сиѐсий, маъмурий тазийқлардан юрагини олдириб қўйган ўзбек фуқароси буни жуда яхши тушунади. Бошқа жиҳатдан эса, кўпчилик кишиларга хос, юқори раҳбариятга яхши кўриниш, бошлиғига шахсий содиқлигини билдириб қўйиш мақсадида ҳам берилган саволларга нореал, «ўта ижобий» жавоб бериб, кимлигини билдириб қўйиш мақсадида исми- шарифини атайлаб кўрсатиб қўядиганлар ҳам учраб туради. Шунингдек, анкета саволларига, тадқиқот ишига қарши шахслар ҳам бўлиши мумкин. Шунинг учун, респондентлар билан жуда эҳтиѐт бўлиб, чиройли, дўстона муомалада бўлиш зарур. Анкета ўтказиш давомида тадқиқотчидан юмшоқлик, ширинсуханлик талаб қилинади. Анкета ўзининг таркибий тузилишига эга. Анкета сўрови: 1/ энг аввало, анкета саволлари тизимини ишлаб чиқиш жараѐнини ўз ичига олади; 2/ анкета сўровини ким томонидан, қандай мақсадда ўтказилишини ва респондентларга анкета тўлдириб беришни ўз ичига олади; 3/ анкета паспорти ҳам таркибда муҳим ўрин тутиб, унда респондентнинг ижтимоийдемографик характеристикаси тушунтирилади. Бунда респондентнинг ѐши, жинси, миллати, ижтимоий келиб чиқиши ва ҳолати, маълумот даражаси, касби, партиявийлиги, оилавий аҳволи каби маълумотлар аниқланади. Кўпинча паспорт анкетанинг охирида берилади. Кўпчилик социологларнинг фикрича, агар паспорт анкетанинг бошида берилса, респондентни чўчитиб эмпирик маълумотнинг аниқ ва тўғри, ҳаѐтийлик даражасини пасайтириб юборади. Асосий саволлар анкета таркибида марказий ўрин эгаллайди. Чунки, асосий саволларга бериладиган жавоблар социологик тадқиқотларнинг асосий маълумотлари ҳисобланади.

Анкета охирида якунловчи саволлар киритилади. Ўз моҳиятига кўра, якунловчи саволлар асосий саволларнинг мантиқий давоми бўлиб, унда ўрганилаѐтган муаммо юзасидан респондентнинг индивидуал, қўшимча фикр ва мулоҳазалари олинади. Анкета сўнггида тадқиқот учун кўрсатилагн беминнат ѐрдам эвазига самимий миннатдорчилик билдиришни унутмаслик керак. Анкета саволларининг сони кўпайиб кетмаслиги керак. Қизиқарли, респондентни зериктирмайдиган ва ихчам тузилмоғи лозим. Ўз шаклига кўра, анкета саволлари очиқ, ѐпиқ, ярим очиқ ва ярим ѐпиқ бўлади. Очиқ саволларда респондентга жавоблар варианти тақдим этилмайди, яъни у қандай ҳоҳласа шундай, эркин жавоб бериши мумкин бўлади. Ёпиқ саволларда эса респондент фақат «ҳа» ѐки «йўқ» тарзида жавоб бериши, ѐки олдиндан ѐзиб қўйилган жавоблардан бирини танлаши лозим. Ярим очиқ ѐки ярим ѐпиқ саволларда эса респондентга тақдим этилган жавоблар вариантларидан ташқари «бошқа» деб номланган вариант ҳам берилади, яъни респондент берилган жавоблардан бирини танлаши ѐки ўзининг жавобини тақдим этиши лозим бўлади. Анкета ўтказишда унинг вақти 10-45 дақиқа давом этиши керак. Қисқа муддатда ўтказиладиган тезкор анкета ўтказиш муддати 10-45 дақиқадан ошмаслиги лозим. Анкета ўтказишнинг бундай усулида респондентнинг узоқ мулоҳаза қилишига, иккиланишига йўл қўйилмайди. Саволлар ҳам содда, қисқа ва аниқ қилиб тузилади. Натижада қисқа муддатда эмпирик социологик маълумотлар тўплашга эришилади. Интервью ҳозирги кунда энг кўп ва кенг тарқалган сўров усулидир. Интервьюдан бу қадар кенг кўламда фойдаланишда радио, телевидение, кундалик матбуотнинг роли катта бўлмоқда. Шунинг учун ҳам интервью социология, психология, журналистика, статистика, этнография, педагогика, бошқарув сингари фанларда кенг ва муваффақиятли қўлланилмоқда. Айниқса, ҳозирда бозор муносабатларига ўтиш шароитида кундалик ҳаѐтимизда рўй бераѐтган жиддий ўзгаришлар тўғрисидаги омманинг

ижтимоий фикрини аниқлашда интервью олишнинг салмоғи ортмоқда. Сўров усулининг бу турида интервью икки асосий функцияни бажаради: 1/ муайян воқеа-ҳодиса, жараѐн тўғрисида маълумот йиғилади; 2/ шу билан бирга, объектга – респондентга интервью орқали таъсир кўрсатилади. Социологик тадқиқотларда интервью ўзига хос хусусиятларга эга. Энг аввало, шуни кўрсатиб ўтиш лозимки, интервью орқали эмпирик маълумотларни йиғиш шахснинг индивидуал жиҳатлари билан рўбаро келинади. Шу орқали респондент тўғрисида, унинг тадқиқ этилаѐтган муаммо тўғрисидаги қарашлари, фикри тўғрисида ахборот олинади. Бериладиган саволларга нисбатан респондентнинг руҳий реакцияси кузатилади ва ҳисобга олинади. Интервью олишда тадқиқотчи респондент билан яқин, самимий, юксак аҳлоқий муомалада бўлиши шарт. Бериладиган саволлар аввалдан пухта ўйланган, респондентнинг шахсиятига тегмайдиган, мазмунли бўлиши талаб қилинади. Бундай шартлар респондентнинг интервью сўровига жиддий муносабатда бўлиб, бериладиган саволларга тўла ва ҳар томонлама жавоб беришини таъминлайди. Интервью олишда ўзига хос қийинчиликлар ҳам мавжуд. Бундай қийинчиликларга энг аввало интервью кўп вақт ва моддий сарф-ҳаражатлар талаб қилишини киритиш лозим. Ҳар бир респондент билан руҳий муносабат ўрнатиш зарур. Бунга эса доимо ҳам эришилавермайди. Ўта инжиқ, аламзада, ҳатто тажовузкор респондентлар ҳам учраб туради. Социологик тадқиқот ўтказиш маданияти эса интервью якунининг доимо муваффақиятли ва ижобий тугалланишини талаб қилади. Интервью тайѐрлаш, уни ўтказиш ва олинган натижаларни умумлаштиришнинг ўзи қийин жараѐн ҳисобланади. Чунки, ўрганилаѐтган муаммонинг моҳиятини, келиб чиқиш сабабларини, умумий тенденцияларини ва уни бартараф қилиш йўлларини ўрганиш учун юзлаб респондентлар билан мулоқотда бўлишга тўғри келади. 1-2 интервью олиш билан тадқиқот объекти бўйича объектив асосга эга бўлган илмий тасаввур ҳосил қилиб бўлмайди.

Социологик адабиѐѐтларга интервью бир неча турларга ажратиб кўрсатилган, қуйидагилар шулар жумласидандир: Эркин интервью /стандартлаштирилмаган / – бунда респондент билан узоқ, эркин тарзда суҳбат ўтказилади. Респондентга аввалдан белгиланган саволларга қўшимча равишда саволлар билан ҳам мурожаат қилиш мумкин. Респондентга эркин ва кенг тарзда фикр юритиш имконияти яратилади. Интервьюнинг бундай турига ҳозирда телевидение орқали мунтазам равишда олиб борилаѐтган «Юзма-юз», «Тема» каби кўрсатувларни мисол қилиб олишимиз мумкин. Стандартлаштирилган интервью – олдиндан режалаштирилган, муайян мавзунинг қатъий белгиланган доирасидан чиқмайдиган турига айтилади. Интервьюнинг бу тури асосан давлат раҳбарлари, сиѐсий арбоблар, сиѐсатчилар, масъул ва маъмурий шахслар – респондентлар билан ўтказилади. Ярим стандартлаштирилган интервью эса қатъий белгиланган саволлардан ташқари респондентнинг ѐки тадқиқот объектининг норасмий жиҳатларини ойдинлаштириш, улар тўғрисида қўшимча маълумотларга эга бўлиш мақсадида ўтказилади. Айрим касб эгалари билан, масалан, артистлар, машҳур шахслар, тарбияси оғир болалар, жиноятчи ва бошқа шу каби респондентлар билан ўтказиладиган интервьюни мисол қилиб олиш мумкин. Ўтказиш жараѐнига кўра интервью: а/ кўча-кўйда, б/ гуруҳли, в/ клиник, г/ йўналтирилган каби шаклларга эга. Мулоқот воситаси сифатида эса очик, юзма-юз, телефон орқали ѐки ѐпиқ тарзда бўлиши мумкин. Айрим респондентлар билан ѐпиқ тарзда интервью ўтказишга ҳам тўғри келади. Бунда респондентнинг шахси сир тутилади. Чунки, респондент очиқ интервью беришдан манфаатдор бўлмайди. Кўпинча, ѐпиқ интервью давлат ички ишлар махсус бўлимлари вакиллар билан, айрим жиноятчилар билан, ор-номусни йўқотиб пушаймон бўлган шахслар – респондентлар билан олиб борилади.

Интервьюнинг ҳар қандай типидан /камида 50 дан ортиқ респондентдан/ олинган эмпирик маълумотлар мазмун жиҳатдан гуруҳларга ажратилиб, умумлаштирилади. Бу эса социологик тадқиқот жараѐнининг кейинги босқичида амалга оширилади. Кузатиш методи ва унинг моҳияти. Социологик тадқиқотларда кузатиш – дастлабки эмпирик маълумотларни йиғиш усули бўлиб, муайян мақсадга қаратилган, олдиндан пухта ўйлаб, мунтазам олиб бориладиган, ҳиссий қабулга асосланган бўлади. Бу усулдан фойдаланишнинг ўзига хос афзаллиги шундаки, тадқиқотчи муайян даражада тадқиқот олиб борилаѐтган объектидан мустақил бўлади ва унга бўйсунмайди. Кузатиш усулидан олинадиган илмий маълумотлар объектив, холис ва ҳаѐтий бўлиши билан ўзининг илмий қимматига эгадир. Шу билан бирга, кузатиш усулидан олинган илмий маълумотларда субъектив жиҳатлар ҳам бўлиши мумкин. Чунки, социологик тадқиқот тадқиқотчининг ижтимоий воқеликка, жараѐнига нисбатан қандай муносабатда бўлиши ва қай йўсинда тавсифлаши асосида боради. Кузатиш усулининг яна бир муҳим жиҳати унинг муайян даражада чегараланганлиги бўлиб, кўпинча тадқиқ этилаѐтган воқеликни қайта кузатиш имконияти бўлмаслигидадир. Бу усулнинг яна бир заиф жиҳати шундан иборатки, кузатиш орқали тадқиқотчини қизиқтирган саволга кузатилувчининг фикр ва ҳукмини билиш жуда қийин. Барча ҳолларда кузатиш ҳозирча фақат сўз билан ифодаланади. Аммо, баъзи хулқий-эҳтиросли муносабатларни, ҳолатларни бир тарзда ѐзиш ва сўз орқали ифодалаш қийин бўлади. Кузатиш жараѐнининг характерига қараб уни қуйидаги типларга ажратиб кўрсатиш мумкин: - назоратли /очиқ/, -назоратсиз /инкогнито/, -тўла қамровли /стандартлаштирилмаган/, -қамрамайдиган / стандартлаштирилган/, -дала шароитида -лаборатория шароитида, -ичкаридан ва -четдан кузатиш.

Назоратли , яъни очиқ кузатишда кузатилаѐтган гуруҳ олдиндан огоҳлантириб қўйилади, назоратсиз, яъни инкогнито кузатишда эса, аксинча, гуруҳ ўзини кузатилаѐтганликларини сезмайди. Тўла қамровли, стандартлаштирилмаган кузатишда у аниқ бир ҳаракат режасисиз амалга оширилади, стандартлаштирилган, яъни тўла қамрамайдиган кузатишда кузатишда кузатувчи тадқиқот предмети ва жараѐнига нисбатан аниқ чегараланган программага асосланади. Дала шароитида кузатиш объекти қилиб социал воқеликнинг у ѐки бу томони, жараѐни олинади. Лаборатория шароитидаги кузатишда эса объект қилиб объектив воқеликки маълум бир даражада мослаштирилган модель олинади. Ичкаридан кузатишда тадқиқотчи кузатаѐтган объектда рўй бераѐтган ижтимоий жараѐнларда бевосита иштирок этади ва унга бўйсунади, четдан кузатишда эса тадқиқотчи объектга нисбатан мустақил бўлади ва унга бўйсунмайди. Ичкаридан кузатишга мисол қилиб Америка социологи Уильям Уайтнинг «Кўча бурчаклари жамияти» китобида ѐритилган /1937/ тадқиқотини олиш мумкин. Автор, Италия эмигрантлари оилаларидан чиққан ѐшлар ичида рэкетнинг вужудга келиш жараѐнини ўрганиш ниятида, шу муҳитда уч ярим йил яшаган, улар билан бир хил ҳаѐт кечирган. Социологик кузатиш объекти инсондир, шунинг учун тадқиқот жараѐнида тадқиқотчининг мақсадини интуитив ҳолда ҳис қиилиб, ўз хулқ- атвори ѐки харакатини ўзгартириши мумкин. Натижада, олинган маълумот социологнинг талабига жавоб бермайди. Демак, социологик тадқиқотларда фақатгина кузатиш усулидан фойдаланиш билан чекланиб қолмаслик керак. Чунки, кузатиш усули орқали олинган маълумотлар, натижалар ўрганилаѐтган объект тўғрисида тўла маълумот бера олмайди. Бу усулдан кўпинча социологик тадқиқотнинг дастлабки босқичларида, объект тўғрисида дастлабки тасаввурга эга бўлиш учун ѐки социологик тадқиқотларнинг бошқа усуллари ѐрдамида олинган

маълумотларни, статистик ҳужжатларни қўшимча равишда текшириш мақсадида фойдаланилади. Ҳужжатларни ўрганиш методи. Ҳужжатларни ўрганиш ҳам социологик маълумотлар йиғишда ўзига хос ўринга эга. Ҳужжатлар маълумотларни тўплаш усулига кўра /қўлѐзма, босма, киноплѐнка, магнит лента/, авторлик типига кўра /шахсий ва ижтимоий/, уларни йиғиш усулига кўра /жамиятда амал қилувчи, ташкилот, коллектив, корхона фаолияти жараѐнига ташкилий қисм бўлиб кирувчи ҳужжатлар/, йиғилаѐтган эмпирик материалга яқинлик даражасига кўра /мавжуд ҳолатни бевосита акс эттирувчи бирламчи ва мавжуд ҳужжатларга асосланиб кўрилган иккиламчи ҳужжатлар/ классификацияланади. Ҳужжатларни ўрганиш методларини икки катта гуруҳга ажратиш мумкин: анъанавий, формаллаштирилган . Ўз навбатида , анъанавий методлар ҳам икки гуруҳга бўлинади: умумий /тушуниш, интуиция, англаб етиш/, махсус /манбаларга асосланиш, психологик, юридик методлар/. Формаллаштирилган методларга контент-анализни киритиш мумкин. Контент-анализ /таркибий анализ/ методи ҳужжатда маълум бир асосий тушунчаларнинг қанчалик кўп ишлатилишига асосланиб хулоса чиқаришдан ташкил топади. Мисол тариқасида иккинчи жаҳон уруши йилларида америка социологи Лассуэлнинг Лейтс билан бирга олиб борган контент-анализини олиш мумкин. Улар фашистик ориентацияга асосланган деб тахмин қилинган. Америка газеталаридан бирини тадқиқ қилдилар. Шу газетанинг 1943 йил 3 дан 31 декабргача бўлган даврдаги сонларини контент-анализ методи билан ўргандилар ва уларда Америкага қарши ва Германияни ѐқловчи фикрлар қўлланиш ҳолларини ҳисоблаб, санаб чиқдилар. Натижада, тадқиқотчилар олган хулосалар ижобий эканлиги аниқланиб, бу газетада АҚШ Олий Суди томонидан таъқиқланган.

Эксперимент методи. Социологик тадқиқотларда ўрганилаѐтган объект тўғрисида дастлабки эмпирик маълумотларни тўплашда тажриба ўтказиш алоҳида ўрин тутади. Собиқ Совет Иттифоқи даврида узоқ вақт социал фанларда тажриба ўтказиш / эксперимент/ усулидан фойдаланиш мунозарали масала бўлиб келди. Шу билан бирга, жамият ҳаѐти 73 йил давомида кишилар бошига кўз кўриб, қулоқ эшитмаган қийинчиликлар солган социал экспериментлар кетмакетлигидан иборат бўлади. Уларнинг деярли барчаси муваффақиятсизлик билан тугади. Ижтимоий ҳаѐтнинг мураккаблиги, онг ва руҳий жараѐнларни ўлчаш қийинчилиги, катта молиявий ҳаражатлар, кишилар гуруҳларини унга жалб этиш қийинлиги ва шу каби сабабларга кўра социал эксперимент ўтказиш ва ундан фойдаланиш даражаси пастдир. Социал эксперимент усулининг асосий хусусиятларига қуйидагилар киради: -объектив реаллик тизимига таъсир кўрсатиш; -нисбатан ажратиб олинган экспериментал омилни тадқиқ қилинаѐтган объектга нисбатан режали асосда қўллаш; -унинг оқибатларини режали назорат қилиб бориш; -ўзгариш самарадорлигини, ижобий ва салбий жиҳатларини ўлчаш. Социологик ва социал-психологик тадқиқотлар шуни кўрсатадики, эксперимент усулидан фойдаланиш икки асосий омилга боғлиқ бўлади: тадқиқот объектининг ўзига хослигига ва тадқиқот қилинаѐтган ижтимоий гуруҳ жавоб реакциясининг характерига. Бу усул ҳар қандай социал объектга ҳам қўлланилавермайди. Бу усулдан фойдаланишда энг аввало, тадқиқ этилаѐтган объектнинг эксперимент ўтказиш мумкин деб топилса, уни ўтказиш чегараси аниқ белгиланмоғи лозим. Эксперимент социал объект /тизим/ функционал муносабатларини бузмаслиги, издан чиқармаслиги керак. Собиқ Совет Иттифоқи даврида олиб борилган глобал социал экспериментлар ижтимоий тизим ривожланиш қонуниятларини қўпол равишда бузилганлиги, сунъий, ҳаѐтий бўлмаган, ҳаѐлий тарзда олиб борилганлиги оқибатида ҳам

муваффақиятсизлик билан якунланди. Яқин ўтмишдаги М.Горбачевнинг жамият ҳаѐтини «қайта қуриш» каби аниқ ички қурилишга эга бўлмаган ҳаѐлий социал экспериментал уринишни фикримизга мисол сифатида келтиришимиз мумкин. Социал экспериментлар ўз вазифаси мазмуни, якуний натижаси билан ўзаро фарқ қилсада, барчасига хос ички тузилишга эга. Унинг ички унсурларига эксперимент ўтказувчи /тадқиқотчи, олимлар гуруҳи, илмий лаборатория/, яратиладиган шарт-шароит тизими – экспериментал омил, экспериментал ҳолат ва экспенимент натижалари киради. Социологияда эксперимент асосан 3 типида олиб борилади: Экспост-факто эксперимент . Бунда эксперимент ўтмишдан ҳозиргача бўган ижтимоий тадқиқот объекти қилиб олинганда ўтказилади. Таққослаш тамойилига асосланган эксперимент . Бу типда ҳозирги давр ижтимоий жараѐнлари тадқиқот объекти қлиб олинган бўлади. Проектли эксперимент . У ҳозирдан келажакка йўналтирилган бўлади. Булардан ташқари, социал экспериментлар қуйидаги типларга бўлинади.: -тадқиқот хусусиятига қараб /фан соҳасидаги, ижтимоий жараѐнларини бошқаришдаги экспериментлар/; -социал экспериментнинг таркибининг характерига кўра; -дала ва лаборатория шароитидаги; -мантиқий таркибига кўра /параллел ва давомий тарзда/ Социал эксперимент ўтказиш муайян босқичларидан иборатдир: Биринчи босқич – назарий босқич бўлиб, унда ўтказиладиган эксперимент типи белгиланади ва назарий жиҳатдан асосланади. Мавжуд имкониятлар эксперимент омиллар ва тадқиқот объектининг ўзига хос жиҳатлари ҳисобга олинади. Иккинчи босқич – эксперимент дастурида кўрсатилган асосий вазифалар ва методикаси ишлаб чиқилади.

Учинчи босқич – эксперимент дастурида кўрсатилган асосий вазифалар аниқ воситалар орқали объектга тадбиқ қилинади. Тўртинчи босқич – сўнгги босқич бўлиб, унда экспериментдан олинган натижалар илмий таҳлил қилинади ва баҳоланади. Тарихий тажриба шуни кўрсатадики, жамият ҳаѐтининг умумсоциологик муаммолари устида олиб бориладиган социал экспериментлар кутилган натижаларни бермайди. Бунда фақат ижтимоий муносабаталарнинг функционал ва ривожланиш қонуниятларига путур етказилади, холос. Кишилар бошига оғир кулфатлар солиб, бартараф қилиниши қийин оқибатларга олиб келиши мумкин. Жамият ҳаѐтининг махсус соҳалари доирасида, миркосоциологик объектлар устида социал экспериментлардан фойдаланиш мақсадга мувофиқдир. Чунки, нисбатан кичик доирада, социал объектда ўтказилган эксперимент натижалари аниқ муддат ичида ўз натижаларини кўрсатиши мумкин ва унинг оқибатлари /агар салбий жиҳатларга эга бўлса/ ижтимоий ҳаѐтнинг бошқа соҳаларига ѐйилиб кетмайди. Бу натижалар эксперимент ўтказилган тадқиқот объектигагина тегишли бўлади. Ўтказилган экспериментнинг ижобий натижаларини эса ҳаѐтнинг бошқа соҳаларига ѐйиш, тадбиқ қилиш мумкин бўлади. Cоциологик маълумотларни қайта ишлаш, таҳлил қилиш, умумлаштириш, хулоса ясаш ва амалий тавсиялар ишлаб чиқиш. Эмпирик социологик тадқиқотнинг якуний босқичида социологик маълумотларни қайта ишлаш, таҳлил қилиш, изоҳлаш, умумлаштириш, хулоса ясаш ва амалий тавсиялар ишлаб чиқиш каби вазифалар бажарилади. Эмпирик маълумотларни қайта ишлаш социологик тадқиқот натижаларининг амалий аҳамиятини оширишда муҳим роль ўйнайди ва қуйидагиларни ўз ичига олади: Эмпирик маълумотларни қайта ишлаш ва кодлаштириш . Бунда асосий вазифа эмпирик маълумотлар, ҳужжатлар бир хил шаклга

келтирилади. Расмий тарзда ишлаб чиқилади ва белгиланган шартлар асосида тартибга келтирилади. Олинган маълумотларни тадқиқот вазифасига мос ҳолга келтириш, яъни олинган эмпирик маълумотлардан тадқиқот мақсадига қанчалик эришилганлиги ва олдинга қўйилган вазифа қай даражада ҳал қилинганлиги аниқланади. Статистик таҳлил . Социологик маълумотларни таҳлил қилиш жараѐнида статистик таҳлил муҳим аҳамиятга эга. Статистик таҳлил орқали баъъзи ижтимоий статистик қонуниятлар ва функционал муносабатлар ойдинлашади. Бу эса, ўз навбатида, тадқиқ этилаѐтган муаммо бўйича олинган билимларни умумлаштириш ва улардан илмий хулосалар чиқаришга асос бўлиб хизмат қилади. Эмпирик тадқиқот усуллари ѐрдамида олинган маълумотларни қайта ишлаш ва таҳлил қилиш тартиблаштириш, шкаллалаштириш, муносабатдорлик каби усуллар дан ҳам кенг фойдаланиш мумкин. Тартиблаштириш – бу тадқиқ қилинаѐтган объектларнинг ўзаро нисбий аҳамиятини тартибли асосда аниқлашни билдиради. Даражалаш – ўрганилаѐтган объектни бошқа обеъктларга нисбатан хусусий жиҳатларига қараб сифат ва миқдорий даражасини аниқлаш демакдир. Даражалаш эксперт баҳолашнинг бошқа усуллари билан янада тўлдирилиши мумкин. Эмпирик маълумотларни умумлаштириш жараѐнида асосий эътибор тадқиқот объектининг фақат ижобий томонларигагина эмас, кўпроқ ечимини кутаѐтган муаммоларга қаратилмоғи лозим. Бу босқичда тадқиқот фарази олинган миқдорий кўрсаткичлар асосида текширилади. Маълумки, ишчи фараз – муайян ижтимоий объект тўғрисидаги тахминий фараз, холос. Социологик тадқиқот натижаларининг таҳлили эса, шу ишчи фаразнинг тўғри ѐки нотўғрилигини тасдиқлайди. Ишчи фаразнинг қанчалик ҳаққонийлигини текширишнинг самарали воситаси – ижтимоий амалиѐт, кишиларнинг амалий, хаѐтий фаолияти ҳисобланади.

Социологик тадқиқот эмпирик маълумотларни назарий жиҳатдан умумлаштириш, муайян хулосалар ишлаб чиқиш, амалий тавсиялар ишлаб чиқиш билан якунланади. Социологик тадқиқот натижаларининг илмий таҳлили ва уларни умумлаштириш илмий ҳисобот тарзида тузилади. Илмий ҳисобот гуруҳлаштирилган ва тизимлаштирилган ҳолда тузилиб, келгусида ўтказиладиган тадқиқотлар учун асос бўлиб хизмат қилади. Илмий ҳисобот таркиби асосан икки қисмдан иборат бўлиб, назарий ва амалий бўлимлар ни ташкил қилади. Социологик тадқиқотнинг илмий ҳисоботида қуйидаги асосий талабларга эътибор берилмоғи лозим. 1. Илмий ҳисоботда тадқиқот предметига мувофиқ муаммонинг барча ўзаро боғлиқ жиҳатлари чуқур акс этиши зарур. Бунда, социологик муаммонинг асосий моҳиятли жиҳати аниқ кўрсатилмоғи керак. Бажарилган ишлар эса мантиқий тартиб асосида ѐзилиб чиқилади. 2. Илмий ҳисоботнинг ҳар бир боби икки қисмдан иборат қилиб тузилмоғи мақсадга мувофиқ. Биринчи қисм муаммо ва тадқиқот натижаларини ўз ичига олмоғи, иккинчи қисм эса – илмий хулосаларни, амалий таклиф ва тавсияларни ташкил этмоғи керак. 3. Илмий ҳисоботда анкета саволлари умумлаштирилган ҳолда ихчам қилиб ифодаланади. Ҳисобот аниқ, ҳаѐтий, ҳужжатли ва статистик маълумотлар асосида тасдиқланган бўлиши талаб этилади. 4. Илмий ҳисобот ихчам ва тўғри ѐзилиши зарур. Кўпи билан 30-40 бетдан ошмаслиги зарур, жадваллар, диаграммалар илова тарзида ҳам берилиши мумкин. Социологик тадқиқот натижаларидан амалий фойдаланиш. Социологик тадқиқот натижаларини илмий ва юксак савияда таҳлил қилиш, улардан ижтимоий бошқарув амалиѐтида унумли фойдаланиш имконини беради. Эмпирик маълумотларни таҳлил қилиш ва умумлаштириш жараѐнидаѐқ ўрганилаѐтган объектнинг муҳим жиҳатлари кўрина бошлайди. Бу жиҳатларни назарда тутган ҳолда илмий таклифлар, тавсиялар ва

тадбирлар ишлаб чиқиш, социологик тадқиқот натижаларидан амалиѐтда фойдаланиш учун асосий восита бўлиб хизмат қилади. Социологик тадқиқот натижаларидан амалиѐтда фойдаланиш босқичи – иккиѐқлама жараѐн бўлиб, унда олимлар, илмий ходимлар ҳам амалиѐтчилар ҳам фаол иштирок этади. Баъзи социологлар фаннинг асосий вазифаси аниқ маълумотлар йиғиб, зарур хулосалар ва ўрганилаѐтган ижтимоий муаммо хусусида зарур таклифлар ва тадбирларни ишлаб чиқишдан иборат, уларни ҳаѐтга, амалиѐтга тадбиқ қилиш эса жамоат ташкилотлари, маъмуриятнинг иши деб ҳисоблайдилар. Бундай қараш илмий маълумотлар ва уларни бошқарувдаги ечими ўртасида узилишга олиб келади. Бизнингча, ҳар икки босқич ягона илмий-амалий дастур асосида бўлмоғи мақсадга мувофиқ. Социологик тадқиқот натижаларини амалиѐтга тадбиқ этишнинг турли шакллари ва усуллари мавжуд: Унинг муҳим шаклларидан бири, олиб борилган тадқиқот натижаларини мавжуд раҳбарият поғонаси /маъмурият, касаба уюшмаси, бўлинма ва бошқалар/ ва тадқиқот гуруҳлари /масалан, ишчи бригадаси, талабалар гуруҳи кабилар/ олдида ҳимоя қилиш . Яна бир шакли, тадқиқот натижаларини китоб шаклида, услубий қўлланма, мақолалар тўпламида ва матбуотда нашр этиш. Социологик тадқиқот натижалари бўйича олимларнинг радио ва телевидениеда чиқишлари ҳам ўзига хос амалий аҳамият касб этади. Илмий-амалий анжуманлар, семинарлар, симпозиумлар ташкил этиш ва ўтказиш каби шакллари ҳам муҳим аҳамиятга эга. Социологик тадқиқот натижаларидан амалий фойдаланишда социал- психологик марказлар фаолиятининг аҳамияти катта. Афсуски, бундай марказлар бизнинг республикамизда жуда кам. Ҳар бир вилоят, шаҳар ва туман ҳокимликлари қошида шундай марказлар ташкил қилинса, жамиятимиз инфраструктурасидаги мавжуд муаммоларнинг ҳал қилиб борилишида жиддий ўзгаришлар юз бериши аниқ.

Ҳозирда амалий социологиянинг муваффақиятли ривожланиши аниқ амалий вазифаларни, мавжуд ижтимоий муаммоларни ечиш билан боғлиқ. Аммо, шуни кўрсатиб ўтиш жоизки, ҳозиргача бизда бунга етарлича эътибор берилмаяпти. Социология фанининг жамиятимиз ҳаѐтидаги ижтимоий- амалий роли жуда паст даражада. АҚШ ва Оврупо мамлакатларида кенг ривожланган «ижтимоий муҳандислик» концепциясини биринчи бор ишлаб чиққан инглиз файласуфи ва социологи Карл Поплер фикрича, «ижитмоий муҳандислик» инсон фаолияти ва жамият ҳаѐтини оқилона асосда таъмирлаш демакдир. Ижтимоий ҳаѐт муаммолари «муҳандислик» фаолиятининг натижасидагина тўғри ҳал қилиниши мумкин. «Ижтимоий муҳандислик»нинг асосий вазифаси ҳам шундан иборатдир. Социологик мониторинг. Бозор иқтисодиѐтига аввалроқ ўтган индустриал ривожланган давлатларда инсон омилига катта эътибор берилади. Давлат, тадбиркорлар ва аҳолининг кенг қатлами инсонга ажратиладиган инвестиция капиталининг энг кўп фойда ва самара бериш йўлидир. Буни АҚШ, Канада, Буюк Британия, Германия, Сингапур, Япония, Тайванда ўтказилган кўпгина социологик тадқиқотлар тасдиқлайди. Бу тадқиқотларда аввало инсонга ажратиладиган инвестицияларнинг иқтисодий самарасига кўпроқ эътибор берилади, чунки инсон омили нафақат иқтисодий, балки сиѐсий, маданий, умумбашарий аҳамиятга эгадир. Замон талабларида инсон биосферавий жараѐнларда қатнашиб, коинот қаърига тобора чуқурроқ кириб бориб, коинот масштабидаги омилга айланади. Инсон келажакка, нафақат ўзига, балки бутун Ердаги ҳаѐт учун жавобгардир. Шунинг учун, инсон табиатини, маънавиятини, ҳаѐтий қийматини ўзгаришида сайѐрамизнинг кейинги эволюцион ҳаѐтига таъсири бор. Инсон барча иқтисодий, сиѐсий, ижтимоий, биосферик жараѐнларнинг бошида туради. У моддий ва интелектуал хизматларнинг бажарувчиси ва истеъмолчисидир.

Инсон таъсири сифати ва миқдорининг ўсиши, унинг талабини, ҳаѐт даражасини, маънавияти, ижтимоий ва ҳуқуқий ўрни, динамика ва ижтимоий жараѐнларни фундаментал тадқиқ этиш инсон феноменига диққатнинг адекват ўсишини талаб қилади. Инсон маънавиятининг шаклланиши ва ривожланиши базиси – бу билиш, шунинг учун жамият интелектуал потенциалини такомиллаштирувчи билим масканларини ривожлантириш замоннинг долзарб масаласи ҳисобланади. Ҳозирги бозор иқтисодиѐтда инсоннинг билими ва қобилияти рақобатбардошликнинг, иқтисодий ўсишнинг, меҳнат унумдорлигининг ва самарали бошқаришнинг асосий омилидир. Жануби-Шарқий Осиѐ давлатлари юқори технология ва инсон капитали ѐрдамида қисқа муддат ичида иқтисодий ўсишга эришдилар. Шунинг учун ѐш мустақил Ўзбекистонда иқтисодий ислоҳотларнинг тез ижро этилиши таълим тизими ривожланишига ва юқори малакали мутахассислар тайѐрлашга алоҳида диққат қилинишини талаб қилади. Бу талаб юксак интелектуал потенциалга эга инсон ўзгарувчан бозор иқтисодиѐтига тезкроқ мослаша олиши учун янада долзарбдир. Мутахассисни тайѐрлаш ва таълим беришнинг самарасини ошириш иқтисодий, технологик, ижтимоий, ҳуқуқий омиллар мажмуасини талаб қилади. Кўп йиллик тадқиқотларнинг кўрсатишича, бош омиллардан бири ижтимоий омилдир. Бу омиллар социология фанининг махсус қисми томонидан ўрганилиб, «таълим социологияси» деб номланади. Ҳозирги вақтда таълим социологияси Ўзбекистонда бу соҳадаги ижтимоий масалаларнинг услубий асосининг шаклланиши босқичидадир. Ижтимоий жараѐнлар бошқарувининг мукаммаллашуви ҳозирги шароитларда таълим тизими ахборотларини қайта ишлаб, таҳлил қилиб, йиғиш тизимини, яъни «социологик мониторинг» ни яратишни талаб қилади. Бу тизим профессор-муаллимлик таркибини, талаба ѐшлар, ҳисоблаш математикасини, замонавий ҳисоблаш техникасини ва ижтимоий масалаларни ҳал қила олиш имкониятини ҳисобга олган ҳолда яратилади.

Мониторинг – бу социологик тадқиқотларни ўтказиш, социологик жараѐнлар ҳақидаги ахборотлардан доимий фойдаланишни таъминловчи тизимдир. Социологик амалиѐтга тушунча экологиядан кириб келган. Экологик тадқиқотларда у атроф-муҳитни узлуксиз назорат қилишни билдиради. Социологик мониторинг бошқарув жараѐнининг социологик таъминотини сезиларли даражада яхшилайди. Социологик тадқиқотлар уюштирилганда одатда ижтимоий муҳит ҳолатини акс эттирувчи зарурроқ кўрсаткичлар аниқланади. Сўнгра такрорий тадқиқотлар усули билан меъѐрий ва асосий кўрсаткичлардан фойдаланилган ҳолда узлуксиз равишда динамик ахборотни йиғиб таҳлил қилишни таъминлайдиган социологик ўлчовлар олиб борилади. Тадқиқ қилинаѐтган ташкилотнинг бунга хос кўриниши нафақат жамият ва кузатилаѐтган объект ҳаѐтининг турли соҳалари ҳақида ҳаққоний ахборот олишни, таъминлайди, балки жамият жараѐнлари муносабатлари ва қонуниятини очиб ҳам беради. Воқеаларнинг ривожланиш муносабати доимий назоратда ва объектнинг зарур параметрлари ўзгартирилганда, катта ахборот жадвали тўпланганда катта мониторинг турига кўра илмий тадқиқотларга талаб юзага келади. Бундай мониторинг тизимларга аввал метеорология ва сейсмологияда дуч келинди. Ҳозирги вақтда бундай тизимлар статистика, банк иши, биржа, космонавтика, мудофаа, ишлаб чиқаришда кенг кўламда қўлланилмоқда. Социологияга мониторинг тадқиқотлари усулбиѐти ва амалиѐти экологиядан ўтди. Динамиканинг мониторинг тадқиқотларида ва экологик ҳолатларда сифат ва миқдорий кўрсаткичлар устида кузатишлар олиб борилди. Бунда тизимларни барча компонентлари ҳақида маълумотлар жамламаси яратилди. Бизнинг республикамизда бундай тадқиқотлар Оролбўйи минтақасидаги экологик муаммолар муносабати билан 90-йилларнинг бошларида катта кўламда олиб борилди. Катта ҳажмдаги маълумотлар жамламаси йиғилди. Социологик Тадқиқотлар Маркази ҳам 1989-92 йилларда Оролбўйи экологик танглиги оқибатларини ўрганишда қатнашди.

Мониторинг яратишдаги ишлар қўлланилмаган бўлсада, мониторинг ўлчовлар яратиш ғоялари фундаментал социологик тадқиқотлар олиб борилаѐтганда пайдо бўлди. Социологик тадқиқотларга мониторинг тури бўйича жамоат фикрини динамик ўрганиш ҳам кирди. Мониторинг қўлловчи бўлиб Геллап Институти ҳисобланади. Россия Федерациясида ҳам асосан мониторинг тури қўлланилмоқда. Россияда социологик тадқиқотларнинг координацион маркази академик Т.И.Заславская бошчилигидаги Россия Социология Маркази саналади. 1994 йилдан бери Москвада турли ижтимоий муаммолар бўйича натижалар эълон қилувчи «Мониторинг ахборот бюллетени» нашр қилиб келинмоқда. Баъзи ривожланган давлатларда ва МДҲда таълим соҳаларида мониторингни яратиш ва қўллаш бўйича қизиқ натижалар олинди. Бизнинг мамлакатимизда ҳам мустақил бўлганимиздан сўнг социологик мониторинг яратиш бўйича ишлар бошлаб юборилди. Хусусан, ТошДУ социологик маркази ва Олий таълим вазирлиги томонидан Олий таълим мониторингининг усулбий асосини яратиш йўлида ишлар олиб борилди.

Фойдаланилган адабиётлар: 1. Каримов И.А. Ўзбекистон ХХИ аср бўсағасида хавфсизликка таҳдид, барқарорлик шартлари ва тараққиёт кафолатлари. – Т., 1997 2. Лавриэнко В.Н., Нарпов Н.А. Основ социологических знаний. ВУЗ. (Социология) – М., 1995 3. Бекмуродов М. Социология асослари. Т.:1997. 4. Зборовский Г.Е., Орлов Г.П. Введениэ в социологию. Екатеринбург: 1995. 5. Радугин А.А., Радугин К.А. Социология. Курс лектсий. – М.: 1993. 6. Капитонов Э.А. Социология ХХ века. История и технология. Ростов-на- Дону. 1996. 7. Современная западная социология. Классическиэ традитсии и поиски новой парадигм. М.: 1990 8. Убайдуллаэва Р.Т., Хайдаров А. Социология тарихи – Т.: 1993.

Похожие

Социологиянинг таркибий тузилиши. Социологиянинг методлари ва социологик қонунлари

Социология структураси

Социологиянинг предмети, таркибий тузилиши ва ривожланиш қонуниятлари

Социология тадқиқотларни ташкил этиш ва умумлаштириш

Социология фанининг шаклланиши ва тараққиёт босқичлари