Социология структураси - Социология - Рефераты

Социология структураси

Загружено в:

20.09.2019

Скачано:

0

Размер:

119 KB

Социология структураси Режа: 1.Социологиянинг структураси ва унинг асосий таркибий қисмлари. 2.Назарий ва амалий социология: уларнинг умумийлиги ва фарқи. 3.Ҳозирги замон социологик назариялари. 4.Макросоциология ва микросоциология 5.Социологиянинг методлари ва қонунлари.

Социологиянинг структураси ва унинг асосий таркибий қисмлари. Социологиянинг структураси (таркибий тузилиши): 1.Умумсоциологик. 2.Махсус ва тармоқ йўналишлар. 3.Эмпирик социологик тадқиқотлар. 4.Назарий социология. 5.Амалий социология. 6.Социологик назариялар. 7.Макросоциология. 8.Микросоциология. Умумсоциологик назарияга мисол қилиб америкалик Т.Парсонс ва Р.Мертонларнинг структуравий-функционализм таълимоти, янги индустриал жамият таълимоти ва бошқа Ғарбий Европа ва Америка олимларининг таълимотларини келтириш мумкин. Умумсоциологик назарияларнинг мазмуни жамият ривожланишининг асосий йўлини белгиловчи динамик қонуниятига асосланган бўлади. Махсус ва тармоқ йўналишлар: -иқтисод социологияси, -меҳнат социологияси, -турмуш тарзи социологияси, -шаҳар ва қишлоқ социологияси -бошқариш ва ташкил қилиш социологияси -сиѐсат социологияси, -маданият социологияси, -имл-фан социологияси, -таълим социологияси, -шахс социологияси, -оила социологияси, -ѐшлар социологияси, -бўш вақт социологияси,

-тиббиѐт социологияси, -этносоциология, -қизиқишлар социологияси, -ижтимоий ўзгаришлар ва бошқалар. Махсус социологик назариялар макон ва замон жиҳатидан тор чегаралангандир, статистик – муайян бир ижтимоий доирасидаги ўзгаришларни ифодалаши мумкин. Ҳар қандай умумсоциологик назария моҳият эътибори билан махсус социологик назариялар мазмунига мувофиқ бўлиши шарт. Чунки, махсус социологик аниқ амалий тадқиқотлар орқали текширилиб борилади. Ўз навбатида умумсоциологик назариялар махсус социологик назариялар учун ҳам назарий, ҳам методологик асос бўлиб хизмат қилади. Умумсоциологик ва махсус социологик назариялар социология фанининг назарий жиҳатини ташкил қилади. Ҳозирда конкрет ва хусусий социологик тадқиқот сифатида ортиб бораѐтган амалий социология эса конкрет социологик тадқиқот усуллари ѐрдамида махсус социология соҳалар диорасида олиб борилаѐтган тадқиқотлардан ва улардан олинадиган хулосалардан иборат бўлиб қолади. Назарий ва амалий социология: уларнинг умумийлиги ва фарқи. Социологик билим ва усулларнинг юқорида кўрсатиб ўтилган уч даражаси ҳамда назарий ва амалий социология ўзаро диалетик алоқадорликда бўлиб, ягона социология фанини ташкил қилади. Назарий социология жамият ижтимоий ҳаѐтининг умумсоциологик, ҳамда умумилмий даражалардаги функционал ва ривожланиш қонуниятларини ўрганади. Масалан, ҳозирда Ўзбекистоннинг бозор муносабатларига босқичма-боқич ўтиш концепцияси ва жамият ҳаѐтида бозор муносабатларини таркиб топиб бориш жараѐнини ўрганиш назарий социологиянинг асосий тадқиқот объекти ҳисобланади. Шу билан бирга, назарий социологияда ижтимоий ҳаѐтнинг иқтисодиѐт, сиѐсат, маиший турмуш, маънавият каби алоҳида соҳаларининг функционал ва ривожланиш

қонуниятлари, ўзига хос хусусиятлари ҳам илмий-назарий асосда ўрганилади. Амалий социология инсон фаолиятини, жамият ҳаѐтининг турли соҳаларини, жараѐнларини бевосита амалий асосда ўрганади. Амалий социологияда эмпирик тадқиқотлар дан олинган маълумотлар назарий жиҳатдан умумлаштирилади. Фақат шундагина назарий социологияда олинган тадқиқот натижалари ижтимоий ҳаѐт воқелигини, унинг функционал ва ривожланиш қонуниятларини тўғри, объектив равишда очиб бера олади. Амалий социология эмпирик тадқиқот усуллари ѐрдамида олиб бориладиган ижтимоий ҳаѐтнинг ҳар қандай жараѐнини ўрганишга қаратилган тадқиқот ни англатади. У ўзининг икки жиҳати билан характерланади: биринчидан, комплекслилик хос бўлиб, тадқиқот объекти бир бутун ҳолда олиб қаралади, шу жиҳатдан социология доирасида бошқа ижтимоий фанларнинг усулларидан фойдаланиш мумкин. Иккинчидан, объектив ва субектив омиллар бирлигини ташкил қилувчи инсон фаолиятининг натижаси бўлган ижтимоий жараѐнни ўрганади. Амалий социология назарий асосда тадқиқ этилган жамият ҳаѐтининг функционал ва ривожланиш қонуниятларидан илмий мақсадларда фойдаланиш усулларини, воситаларини ишлаб чиқиш мақсад қилиб қўйилади. Шу жиҳатдан амалий социология ўзининг эмпирик хусусиятига эга ва назарий социология билан узвий боғлиқ. Ҳозирги замон социологик назариялари. 1927-1932 йилларда Э.Мэйо раҳбарлигида меҳнат ва бошкарув муносабатларини ўрганишга қаратилган ва Хоторн экспериментлари номи билан машҳур бўлган социологик тадқиқотлар (бу тадқиқотлар Ғарбий Европани ларзага солган кучли иқтисодий таназзул даврида ўтказилган бўлиб унинг ўз олдига қўйган мақсади – ишлаб чиқариш самарадорлигини оширишнинг қўшимча омилларини қидириб топишдан иборат эди). Шу асосда 1943 йилда Абрахаам Маслоу томонидан ишлаб чиқарилган ―истеъмолнинг иерархик назарияси‖ яратилди ва амалиѐтда қўлланилди.

Кейинчалик, шу назария асосида 1950 йили Ф.Херцберг томонидан ―мотивация назарияси‖ (меҳнат шароитларининг ички ва ташқи омиллари ҳақидаги назария) ва 1957 йили Д.Макгрегор томонидан ―бошқарув усуллари назарияси‖ яратилди (бунда бошқаришнинг 3 асосий усуллари – авторитар, демократик ва аралаш тип ҳақида фикр юритилади). Ф.Херсберг назариясига кўра, фақат ички омиллар меҳнат мазмунини, меҳнатдан қониқишни оширади. Меҳнат шароитлари: иш ҳақи, шахслараро муносабатлар, корхона раҳбариятининг тутган сиѐсати, бошқарув усули ва бошқа шу кабиларга ташқи омиллар сифатида қарайди. Бу омиллар меҳнатдан қониқмаслик даражасини пасайтириб, кадрларни, мутахассисларнинг корхонага боғланишини мустаҳкамлайди. Аммо, бу омиллар меҳнат унумдорлигининг ошишига ҳал қилувчи таъсир кўрсатмайди, бу билан Ф.Херцберг қуйидаги ўзаро боғлиқликни асослайди: меҳнатдан қониқиш ҳосил қилиш меҳнат мазмунининг функциясидир. Қониқмаслик эса меҳнат шароитининг функциясидир. 60-йилларда АҚШ назарий социологияси феноменологик йўналишнинг кучайганлиги билан характерланади. Феноменологик социологиянинг шаклланиши А.Шнетц номи билан боғлиқ. Ўз моҳиятига кўра, феноменологик социология антипозитив йўналишда бўлди. АҚШда яна бир антипозитив социологик йўналиш - символик интеракционизм бўлиб, унга Г.Блумер асос солган. ―Янги социология‖ номи билан аталган учинчи антипозитив социлогик йўналиш Ч.Р.Миллс номи билан боғлиқ. Символик интеракционизм , феноменологик социология , ― янги социология‖, конфликт социологияси, ижтимоий айирбошлаш назарияси, неофункционализм ва бошқа шу каби назариялар – ҳозирги замон социологиясининг асосий йўналишлари ҳисобланади. Америка социологиясида 60-йилларга қадар марксистик ғоялар таъсири йўқ эди. 60йиллардан бошлаб АҚШда марксистик социологияга қизиқиш орта борди. 70-йилларда Р.Фридрихс каби социологлар ―диалектик социологик‖ дастурини ишлаб чиқиш ғояси билан чиқдилар. Унга кўра, марксистик ва номарксистик социологик назариялар,

концепциялар ўртасидаги зиддиятли ажралишни бартараф қилиш масаласи илгари сурилган. Россияда социологик ғоялар умужаҳон социологик фанининг бир қисми сифатида ривожланган. Тадқиқотчилар Россияда социологик ғоялар ривожланишининг 3 босқичини ажратиб кўрсатадилар. Биринчи босқич – ХIХ аср ўрталаридан то 1918 йилгача, иккинчи босқич – ХХ аср 20-йиллари бошидан то 50-йиллар охиригача; учинчи, 60-йиллар бошидан то бизнинг кунимизгача. Биринчи босқич , аввало П.Лавров (1828-1900) ва Н.М.Михайловский (1822-1904) лар каби йирик социал мутафаккирлар фаолияти билан боғлиқ. Улар томонидан ривожлантирилган социал ғоялар ―субъектив социология‖ номини олган. Бундай йўналишдаги ғоя П.Лавровнинг 1870 йилдаги машҳур тарихий хатида биринчи марта таърифлаб берилган. ―Субъектив социология‖ намоѐндалари ижтимоий тараққиѐт назариясини ишлаб чиқишга эътибор бердилар. Лавровнинг фикрича ижтимоий тараққиѐтнинг моҳияти – маданиятни қайта ташкил этиш: шахсан анъанавий тур, қотиб қолган ижтимоий формаларни ўзгарувчан, жўшқинликни ифодаловчи тузумлар ва муносабатлар билан алмаштириш зарур. Субъектив социологлар андозаларида шахс асосан ҳаракатга келтирувчи куч сифатидагина эмас, шунингдек ижтимоий ҳаѐтнинг ўлчови ҳамдир. Ижтимоий тараққиѐтнинг олий мақсади шахснинг ҳар томонлама камол топиши учун хизмат қиладиган муносабатларни яратишдан иборат. Субъектив социология билан бир қаторда, ўша давр социал фанида сезиларли ролни М.М.Ковалевский (1857-1916) нинг асарлари ўйнайди. Ковалевский социологик назариясининг моҳиятим социал гуруҳлар, синфлар ва халқлар ўртасидаги бирдамликдир. Россияда социал фикрни ривожлантиришда сезиларли ролни Ю.Ясоннинг ―Россия ва Ҳарбий Европа давлатларининг сиѐсий статистикаси‖ асари ўйнайди. Социологияни

тавсифлаш, синфлар ҳақида назарияларга бағишлаб Россия социологлари А.Богданов, В.Шумятников, П.Сорокин, К.Тахраев асарлари юзага келди. 1918-1919 йилларда Петербург ва Ярославль университетларида социология кафедралари ташкил этилди. П.А.Сорокин (1889-1969) йирик олим ва жамоат арбоби бўлиб, Россия социологияси ривожланишига катта ҳисса қўшган. Иккинчи босқич да назарий социологиянинг ривожланиши давом этди. 1920-йилларда П.А.Сорокин ―Социология асослари‖, 1922-йилда М.С.Солинскийнинг ―Одамларнинг социал ҳаѐти‖, 1922-йилда М.М.Хвостовнинг ―Социология асослари асарлари‖, 1928йилда Н.А.Бухариннинг ―Тарихий материализм назарияси‖ асарлари чоп этилди. 1974йилдан бошлаб ихтисослашган махсус ―Социологик тадқиқотлар‖ журнали чиқа бошлади. 1988-йилдан бошлаб Москва, Ленинград, Свердловск, Киев университетларида социология факультетлари фаолият кўрсата бошлади. Совет тузуми даврида тарихни материалистик тушунишга синфий ва партиявий ѐндашишни абсолютлаштириш оқибатида умумсоциологик қонуният моҳиятига путур етказилди. Жамият тараққиѐтни бир томонлама бўртириб тушунтириш оқибати субъективизмга, волюнтризмга олиб келди. Социология фалсафа ва бошқа ижтимоий фанлар сингари сиѐсатга бўйсундирилиб, унинг хизматкорига айлантирилди. Социологиянинг асосий ижтимоий вазифаси муайян андозага солинган, олдиндан қатъий белгиланган сиѐсий буюртмани бажаришдан иборат бўлиб қолди. Мавжуд мафкура доирасидан чиқиш қатъий таъқиқланди. Шундай қилиб, ўша давр ижтимоий фанлар учун методологик асос қилиб олинган тарихни материалистик тушунишдан четлашилди. Ижтимоий онг ижтимоий ҳаѐтни эмас, балки ижтимоий борлиқ ижтимоий онгни белгилайди, деган материалистик моҳиятга эга бўлган умумсоциологик қонуниятга хилоф равишда иш юритилди.

Совет Иттифоқи даврида социологиянинг фан сифатида ривожланиши учун тўла имконият бўлмади. Бунинг асосий сабаби демократиянинг йўқлиги, ижтимоий муносабатларга фақат синфийлик, партиявийлик нуқтаи назардан қаралганлиги бўлди. Социология эса фақат тўла қонли демократия бўлгандагина фан даражасида амал қилади. Чунки, социология моҳият эътибори билан жамият ҳаѐтининг ўзаро боғлиқ бўлган сиѐсий, иқтисодий, маънавий ва ижтимоий турмуш соҳалари ривожланиш ва функционал қонунларини объектив жиҳатдан умумий таҳлил қилади. Бинобарин, эмпирик тадқиқот даражасида олинган маълумотлар ўрганилаѐтганда объектнинг салбий жиҳатларини ҳам ифодалаш мумкин. Кишиларнинг давлат сиѐсатига, мавжуд сиѐсий режимга муносабатини, моддий турмуш даражасини, кайфияти, интилишлари ва шу каби муносабатларини социологик тадқиқ қилиш орқали мавжуд ижтимоий- сиѐсий ҳолат юзага чиқарилади. Фақат тўла қонли демократик тузумдагина мавжуд сиѐсий кучларнинг фикрлар хилма-хиллигига йўл қўйилади. Социологияда тадқиқот натижаси қандай бўлишидан қатъий назар илмий асосланган ва объектив характерда бўлиши талаб қилинади. Агар давлат демократик асосда бошқарилмаса, ҳокимият тепасидаги сиѐсий кучлар манфаатига хизмат қилмайдиган ҳар қандай илмий социологик тадқиқотдан воз кечилади ва у таъқиқланади. Сиѐсий идеологияга бўйсундирилган социология ўзининг илмийлигини йўқотиб субъектив, сунъий ва соҳта хусусиятга эга бўлиб қолади. Ўзбекистонда социал фикрлар ривожида 20-30-йиллардаги жадидчилик ҳаракати ғоялари муҳим рол ўйнайди. Маърифатпарвар жадидлар шартли равишда 3 та гуруҳга бўлинган ҳолда (ижтимоий сиѐсий, маданий-маънавий, диний-маърифий) миллий мафкурани яратиш, янгича таълимни жорий этиш миллий маданиятни ривожлантириш диний ва маҳаллий урф-одатларни кенг ѐйишнинг ижтимоий маънавий жиҳатлари билан бир қаторда социал жиҳатларини ҳам атрофлича таҳлил қилганлар.

Уларнинг бу ғоялари республикамизда кейинги даврларда социал қарашлар ривожида муҳим аҳамият касб этди. Маъмурий-буйруқбозлик тизими бағрида бўлишига қарамасдан Ўзбекистонда 60-90 йилларда социология фанининг бир қанча соҳалари бўйича илмий изланишлар олиб борилди. Жумладан, социал синфий структура /С.Турсунмуҳамедов, А.Валиев/, бошқариш социологияси /А.С.Тамкин/, оила социологияси /У.Тоштемиров, Г.Хамидова, Б.Умаров, М.Сангилов/ соҳаларда эътиборга молик ишлаб амалга оширилди. 1989 йилда Москвада ташкил қилинган жамоатчилик фикрини ўрганиш бутун иттифоқ марказининг Ўзбекистон бўлими иш бошлади. Бўлим социологлари республикамиз вилоятлари ва туманларида хилма-хил мавзулар бўйича социологик тадқиқотлар ўтказиб, улар асосида кишиларнинг руҳияти ва кайфиятидаги ўзгаришларни аниқлашга муваффақ бўлдилар. Маълум маънода, бу ҳолат республикамизда миллий онгнинг ўсишига ва шунинг натижасида миллий мустақилликка эришишни тезлашувига туртки бўлди. Ўзбекистонда дастлаб 1989-йилда Тошкент Давлат Университети ҳозирги УзМУ фалсафа факультети таркибида социология бўлими ва кафедраси ташкил қилинди. Шу йилдан бошлаб социологлар тайѐрлана бошланди ва 1994 йили 40 мутахассис битириб чиқди. 1995-йилда 30 та, 1996-йилда 21 талаба, 1997-йилда 12 та талаба социолог мутахассислигига эга бўлдилар. Фарғона Давлат Университетида дастлаб 1990-йилда социология кафедраси ташкил этилди. 1992-йилда эса шу кафедра асосида ―Умумий социология‖ ва ―Амалий социология‖ кафедралари ташкил этилди. ―Амалий социология‖ кафедраси илмий тадқиқот йўналиши – ѐшлар фаолиятида меҳнат омилини фаоллаштириш йўллари бўлиб, бу борада аниқ тадқиқотлар олиб борилмоқда. 1991-йилда социология бўйича мутахассислар тайѐрлаш бўлими очилиб, унга қабул қилинган дастлабки талабалардан 17 киши, 1996-йилда социология бўйича мутахассис сифатида битириб чиқди.

Ўзбекистон ФА фалсафа ва ҳуқуқ институти қошида 1993-йилда Ўзбекистон социологларининг ассоциацияси тузилди. Ўзбекистон Республикаси Олий ва ўрта махсус таълим Вазирлигининг 18-июль 1994-йил 87-01-242 сонли буйруғи билан 1995-1996 ўқув йилидан бошлаб республиканинг барча олий ўқув юртларида социология фани ўқитилиши жорий қилинди. Аммо, республика ижтимоий ҳаѐти муаммоларини барча ўқув юртлари олимлари томонидан ўрганилиши сустлик билан бормоқда. Социологик тадқиқотларнинг жамиятимиз ижтимоий ҳаѐтини ўрганишдаги салмоғи ҳали жуда паст даражада. Республикамиз миллий мустақилликка эришгандан сўнг мамлакатимизда социология фанини ривожлантиришга жиддий эътибор берила бошланди. Ўзбекистон Миллий университети фалсафа факультети таркибида социология бўлими ва кафедраси ташкил қилинди. Фарғона Давлат Университетида социология кафедраси ташкил этилди. 1992-йилда Меҳнат Вазирлиги қошида социологик тадқиқотлар маркази ташкил қилиниб, бу марказ томонидан республикамизда кенг суратда тадқиқотлар ўтказилиб, унда аҳолининг иқтисодий ислоҳотларга, демократлаштириш жараѐнларига бўлган муносабатлари атрофлича ўрганила бошланди. Ҳозирги кунда республикамизда ижтимоий фикрларни ўрганиш маркази фаолият кўрсатмоқда. Унинг барча вилоятларда ва туманларидаги шахобчаларида мутасадди илмий ходимлар, социологлар жамият ҳаѐтини ўрганиш аҳоли ичига тобора чуқурроқ кириб боришда жонбозлик кўсатмоқдалар. Макросоциология ва микросоциология Микросоциология (юнон. micros - кичкина ва социология) — социологияда нисбатан катта бўлмаган ижтимоий тизимлардаги ижтимоий ҳодисалар ва жараѐнларни таҳлил қилишга қаратилган, алоҳида олинган ҳодисаларнинг микродаражадаги жараѐнлар билан алоқасини эмпирик тасвирлаш билан чегараланадиган йўналиш.

Социологиянинг методлари ва қонунлари. Метод деганда кенг маънода у ѐки бу масалани ечишда қўлланиладиган усуллар, қоидалар тушунилади. Методлар ҳар қандай илмий билишнинг муҳим ташкилий қисми ҳисобланади. Ҳар қандай олим, ҳоҳ у ҳуқуқшунос, ҳоҳ социолог ѐки иқтисодчи бўлсин, ўз олдига маълум бир илмий муаммони қўя туриб, уни у ѐки бу методлар ѐрдамида ҳал қилади. Қуйидаги методлар мавжуд: Умумилмий билиш методлар( барча фанларда қўлланиладиган) : -индукция ва дедукция, -анализ ва синтез -мантиқийлик ва тарихийлик, - моделлаштириш. Хусусий-илмий методлар, конкрет фанларнинг ўзига хос масалаларини ечишда фойдаланиладиган, масалан, геометриядаги координаталар методи ѐки медицинадаги диагностика методи ва ҳ. У ѐки бу фанда қўлланиладиган методлар йиғиндиси шу фаннинг методологиясини ташкил этади. Методология қўйилган муаммоларни ечиш усулларини танлаш, илмий ечимнинг йўналишини ва этапларини аниқлаб беради. Социологик методлар деганда социологик билимни асослаб бериш ва кўриш усули, ижтимоий тизимларни эмпирик ва назарий ўрганишнинг усул ва амаллари тушунилади. Социологик назарияларни ташкил этишда, социологик тадқиқотлар методологиясини тузишда фалсафа муҳим ўрин эгаллайди. Социологнинг фалсафий дунѐқараши унинг социологик концепциясининг асоси бўлиб хизмат қилади. Социология фан сифатида умумилмий методлардан ҳам, ўзи учун характерли бўлган методлардан фойдаланади. Социологияда қўлланиладиган умумилмий методларга математик, индуктив, дедуктив, аналитик, синтетик, тарихий, моделлаштириш ва бошқа методлар киради.

Эҳтимолий жараѐнларни ўрганадиган фанлар қўллайдиган методлар социологияда ҳам қўлланилади: статистика ва эҳтимоллар назарияси методлари. Уларга қуйидагилар киради: Факторли -ижтимоий объектларнинг белгилари ўртасидаги ўзаро алоқадорликларини ўлчаш ва уларга асосланиб белгилар классификациясини ўлчаш, Латент- респондентларнинг айрим саволларга берган жавобларидан келиб чиқиб, уларни маълум бир яширин, яъни латент белгиларига кўра ажратиш/, корелляцион анализ -ижтимоий объектлар белгилари ўртасидаги статистик алоқларни ўрганиш/ ва шунингдек, шкалалар қуриш ва анализ қилиш , яъни савол-жавоб, кузатиш ѐки ҳужжатларни анализ қилишда йиғиладиган ижтимоий маълумотларни баҳолашда фойдаланиладиган инструментларнинг ўлчамли қисмларини кўриш ва анализ қилиш процедураси Даражасига кўра социология методлари иккига бўлинади: -амалий (эмпирик) -назарий. Шундай қилиб, социология методи тадқиқ этилаѐтган ижтимоий муаммога, кўрилган назарияга ва умумий методологик йўналишга асосланади. Социологик тадқиқотнинг унумдорлиги социологнинг ижтимоий воқеа-ҳодиса ва жараѐнлар тўғри, етарли маълумотлар олишда, уларни анализ қилиш ва умумлаштиришда қандай методлардан фойдаланганлиги ва вазифани қай даражада бажара олганлигига боғлиқ. Социологик қонунларни аниқлашда ижтимоий бирликлар, ташкилотлар институтлардан ташкил топган ижтимоий тизимнинг ўзига хослигини тасаввур қилишдан келиб чиқиш керак, бу компонентларнинг ѐки ижтимоий муносабатларнинг ўзаро ҳаттихаракатини ўрганиш социологик қонуннинг ўзига хослигини белгилашда асос бўлади. Ижтимоий тизимнинг компонентлари ўртасида, ижтимоий муносабатларга киришаѐтган одамлар ўртасида уларнинг ижтимоий соҳадаги

ҳаѐтий фаолиятининг ўзига хослигидан келиб чиқадиган фаолиятларининг доимий алмашиниб туриши рўй беради. Бу фаолият одамларнинг мавқеини, уларнинг жамият ҳаѐтидаги ролини ўзгартиришга, уларнинг эҳтиѐжлари ва қизиқишларини қондиришга қаратилган бўлади. Ижтимоий соҳа ўз келиб чиқиши, функционалашуви ва ривожланишида маълум бир қонунларга бўйсунади. Бу қонунларни бутун бир жамият доирасида амал қилувчи қонунлардан ажрата олиш зарур. Айнан ижтимоий соҳага хизмат қилишга қаратилган қонунлар социологик қонунлар дейилади. Шундай қилиб, социологик қонунлар – ижтимоий тизимнинг турли босқичларида намоѐн бўлувчи турли хил ижтимоий бирликлар, ташкилотлар ва институтларга бирлашган одамлар ўртасидаги мавжуд ўзига хос, муҳим, такрорланиб турувчи алоқлар дир. Ижтимоий ҳаѐтнинг турли соҳаларида учрайдиган ҳар қандай алоқаларни ҳам социологик қонун сифатида қараш мумкин эмас, балки фақатгина ижтимоий тизим ичида юзага келадиган алоқаларни ижтимоий қонунлар сифатида қараш мумкин. Социологик қонунлар тизимлилик хусусиятига эга, яъни улар фақатгина биргаликда ижтимоий тизимни бир бутунлик сифатида тушунтириб беради. Социологик қонунлар икки турга бўлинади: Умумсоциологик қонунлар. Хусусий қонунлар. Умумсоциологик қонунлар – шундай қонунларки, улар биринчидан, барча ижтимоий тизимларнинг ривожланиши давомида амал қилади, иккинчидан, ижтимоий тизимларнинг ижтимоий муҳитда амал қилувчи бошқа қонуниятларини аниқлаб берувчи моҳиятини, фундаментал асосларини акс эттиради. Ижтимоий муносабатларнинг ишлаб чиқариш усулларига тобелиги умумсоциологик қонундир. Инсонларнинг жамиятдаги ўрни, ижтимоий ҳаѐтдаги роли, уларнинг эҳтиѐж ва қизиқишларининг қондирилиши охир- оқибат ишлаб чиқариш муносабат билан аниқланади. Инсон томонидан

эксплуатация қилинишига олиб келувчи мулкчилик муносабатлари устун бўлган жамиятларда асосий ишлаб чиқариш воситалари эгалари ҳукмрон ўрин эгаллаб, ишлаб чиқаришда қатнашмай туриб ўз эҳтиѐжларини қондиради ва жамиятни бошқаради, ишлаб чиқариш воситаларига эгалик қилмайдиганлар эса улар томондан эзилади, бошқарувдан йироқлашади, кам меҳнат ҳақи олади, ўз қобилиятларини реализация қилишга етарли имконияти бўлмайди ва ҳоказо. Мулкчилик муносабатлари инсонни инсон томонидан экспулатация қилинишини келтириб чиқармайдиган жамиятда ижтимоий ҳаѐтнинг барча соҳаларида, шунингдек, ижтимоий соҳада ҳам, одамлар бир хил ўрин эгаллайдилар /ҳукмронлик қилувчилар ва мазлумлар бўлмайди/, ижтимоий- сиѐсий ҳаѐтда қатнашишда бир хил имкониятга эга бўладилар, эҳтиѐж ва қизиқишларининг қондирилиши эса ҳар бирининг ўзи қўшган ҳиссасига боғлиқ бўлади. Ижтимоий муносабатларнинг ишлаб чиқариш – иқтисодий муносабатларига нисбатан актив роли ҳам муҳим қонуният бўлиб келади. Масалан, ижтимоий бирликларда одамлар муносабатларининг яхшиланиши, коллективдаги шунга мос муҳит ишлаб чиқариш ривожланишга, умумий ҳолда жамиятга ҳам бевосита таъсир қилади. Эҳтиѐж ва қизиқишларнинг ижтимоий шартланганлиги ҳам умумсоциологик қонундир. Эҳтиѐжлар барча шарт-шароитлар йиғиндиси, аввалам бор ишлаб чиқариш кучларининг ривожланиш даражасига ва ишлаб чиқариш муносабатлари характерига, у ѐки бу ижтимоий бирликларнинг /синфлар, миллатлар ва б./ қизиқишлари ва идеалларга боғлиқ ҳолда ҳам келиб чиқади, яъни моддий ва маънавий ишлаб чиқаришнинг турли соҳаларидаги актив фаолият, бошқа одамлар билан мулоқот, шахснинг шаклланиши жараѐни шунга мос эҳтиѐжларни келтириб чиқаради. Эҳтиѐж ва қизиқишлар шартланганлигининг ўзига хослиги ишлаб чиқаришнинг, турли ижтимоий тизимларга мансуб инсонлар моддий-техник

базасининг бир хил ривожланиш даражаси шароитида ҳам турли хил, баъзан қарама-қарши эҳтиѐжлар ва қизиқишларнинг юзага келишида намоѐн бўлади. Шахс шаклланишида ижтимоий муҳитнинг муҳим роли – яна бир умумсоциологик қонундир. Инсоннинг бошқа инсонлар, коллективлар, бирликлар билан алоқаси ва ўзаро ҳаѐти шарт-шароитлари унинг атрофида доимий, унинг жамиятдаги ўрнини, фаолиятини, хулқ-атворини, ҳаѐт тарзини белгилаб берувчи факторлар комплексини вужудга келтиради. Ижтимоий муҳитнинг ҳолати, унинг бойлиги ѐки ночорлиги шахснинг билими, малакаси, фикрлари, кайфиятини, демакки, унинг у ѐки бу ҳатти-харакатини асослашда сабаб бўлиб келади. Охир-оқибат ижтимоий муҳит шароитларининг маълум таъсири остида, фаолият ва мулоқот жараѐнида шахснинг ҳаѐтга маълум бир муносабати, қадрият ва мақсадлари, аҳлоқ-одоб қоидалари ҳақидаги тасаввурлар, маънавияти, маданияти, онги шаклланади. Хусусий қонунлар Умумсоциологик қонунлардан ташқари бир ѐки бир неча /бир типли/ ижтимоий тизимлар доирасида, шунингдек, ижтимоий тизимнинг алоҳида структуравий соҳаларида амал қилувчи ўзига хос хусусий қонунлар ҳам мавжуд. Масалан, ижтимоий бирликлар ўзига хос қонуниятларга эга синфий, миллий, оилавий-кундалик ва б. муносабатлар. Ижтимоий ривожланиш қонунлари объектив ва инсон онги иродасига боғлиқ бўлмаган ҳолда амал қилади. Лекин ижтимоий ҳаѐтда ҳеч нарса инсонсиз амалга ошмайди, шунинг учун социологик қонунлар - инсонлар фаолиятларнинг ижтимоий фаолият субъектларининг детерминацияси механизмидир. Бундан, агарда ижтимоий жараѐнлар инсонларнинг онгли амалий фаолисиз амалга ошмас экан, унда ижтимоий қонунларнинг объективлиги ҳақида сўз бориши мумкинми?, деган савол келиб чиқади. Албатта, ижтимоий тизимнинг бутун бир ҳаѐти ўз олдига маълум бир мақсадларни қўювчи ва уларга эришувчи онгли мавжудотлар – инсонларнинг фаолиятидир.

Уларнинг фаолиятлари бўйсунадиган қонунлар, улар нимани ва қандай бажараѐтганлигига, муносабатлари бўйсунадиган қонунлар эса қандай муносабатларга киришилаѐтганлигига боғлиқ ҳолда келиб чиқади. Жамиятни янгилаш, демократик ҳуқуқий давлат қуриш, ижтимоий йўналтирилган бозор муносабатларига ўтишда давлат бош ислоҳотчи бўлиб келади. Объектив қонунлардан мақсадли фойдаланиш, бошқариш механизмларини онгли равишда кўриш асосида, оммага таянган ҳолда фаолиятини амалга оширсагина давлат бу вазифани муваффақиятли бажариш мумкин. Социологиянинг асосий муаммо ва вазифалари. Социологиянинг асосий муаммолари унинг предмети соҳасидан келиб чиқади. Турли социологик мактаблар ва социологик билимни ташкил этувчи аниқ тизимларнинг назарий йўналишларида камчиликларни ҳисобга олиш зарур: Предмет ва объектни тенглаштириш; ―Ижтимоий‖ тушунчасини аниқ таърифлаб бера олмаслик; Социологиянинг марказий муаммоси – ижтимоий тизимларни ўрганишга боғлиқ масалалар комплексидир. Бу биринчи навбатда қуйидагиларни тадбиқ қилишдан иборат: ижтимоий тизимларнинг вужудга келиши ва ривожланиши; ижтимоий тизимлар компонентларининг тузилиши /ижтимоий бирликлар ва гуруҳлар, ижтимоий ташкилотлар, ижтимоий институтлар/; ижтимоий тизимларнинг /улар компонентларининг ўзаро алоқа ва ўзаро ҳатти ҳаракати усуллари/ структураси ва ижтимоий бир бутунлиликнинг барқарорлигини сақлаб қолиш ва тартибга келтиришдаги роли; ижтимоий тизимларнинг, уларнинг структуралари ва компонентларини қайта ишлаб чиқаришнинг механизми ва шарт-шароитлари. Социология томонидан ижтимоий тизимнинг ривожланиш қонуниятларини ўрганиш унинг жамият структурасини ташкил этувчи компонентлар, у ѐки бу ижтимоий бирликларни, ижтимоий ташкилотларни,

ижтимоий институтларни келтириб чиқариш механизми, шунингдек, ижтимоий соҳадаги ижтимоий муносабатлар билан ўзаро алоқaда тадқиқ этишни талаб қилади.Бундан келиб чиқиб, социологиянинг вазифаси ижтимоий тизимларнинг ҳар бир компонентининг ўзига хослигини, улар бажарадиган маълум бир вазифаларни ўрганишдан иборат бўлади. Ҳозирги даврда, бозор муносабатларига ўтишда, ижтимоий тизим структурасини тадқиқ қилиш муҳим аҳамият касб этмоқда. Бу социологдан тадқиқотга илмий, ижобий ѐндашишни талаб қилади, чунки ҳозирги ўтиш даврида юзага келаѐтган ижтимоий муаммолар янгича ва илгариларидан анча фарқ қилади. Масалан, кўп укладли иқтисодиѐтни яратиш, ишбилармонлик фаолиятини ташкил этиш билан бир қаторда янги ижтимоий гуруҳлар /масалан, ўрта мулкдорлар синфи/ вужудга келмоқдаки, улар жамиятда ижтимоий-синфий муносабатларга янгича касб этмоқда. Жамиятнинг ижтимоий-синфий дифференцияси критерийлари ҳақидаги эски тасаввурлар бу шароитда етарли бўлмай қолмоқда, ижтимоий гуруҳлар классификациясининг янги асосларини топиш, уларнинг жамиятдаги ўрни ва ижтимоий ҳаѐтдаги ролини аниқлаш зарур бўлиб қолади. Социологлар учун фактлар ва ижтимоий вазиятларни уларнинг конкрет намоѐн бўлишида ўрганиш вазифаси муҳим аҳамиятга эга. Одамларнинг ижтимоий бирликларнинг ижтимоий фактлар сифатидаги фаолияти, уларнинг маълум бир ижтимоий вазиятда намоѐн бўлишини ўрганиш муҳим ва актуалдир. Социологиянинг асосий муаммоларидан бири – шахснинг ижтимоий тизимдаги ўрни, қандай ва қай тарзда у ѐки бу шахс жамиятнинг ҳаѐтий фаолиятида қатнашиши, бунда у қандай асос ва стимулларга асосланиши ҳақидаги масалаларни ўрганишдир. Шахснинг ижтимоийлашувидаги шарт- шароитларни ўрганиш ҳам муҳимдир. Турли ижтимоий бирликларнинг табиати, хусусияти, эҳтиѐжи ва қизиқишларининг намоѐн бўлишини тадқиқ қилиш вазифаси ўзи билан ижтимоий муносабатларни ўрганиш билан боғлиқ бир қатор вазифаларни келтириб чиқаради.

Ҳуқуқий демократик давлат қуриш йўлидан бораѐтган жамият олдида колективизм, ижтимоий адолат, шунингдек, барча миллатларнинг, ижтимоий гуруҳларнинг умумий келишуви йўлидаги ҳамкорликлари, унинг барча аъзоларининг ижтимоий тенглигини таъминлаш, уларнинг жамиятдаги ўрнини яхшилаш, жамиятни янгилашда ва прогрессида инсон факторидан максимал даражада фойдаланиш масалалари билан боғлиқ муаммоларни ечиш вазифаси туради. Социология фанининг вазифаси шу барча процессларнинг ижтимоий бирликлар, ижтимоий ташкилотлар ва ижтимоий институтлар доирасида ўзаро ҳаракат қилувчи одамлар, ижтимоий гуруҳларнинг ижтимоий ўрни ва ижтимоий қиѐфасидаги ўзгаришлар билан қонуний алоқаларини ўрганишда намоѐн бўлади. Социология миллий мафкурани шакллантириш, яратиш жараѐнида алоҳида ўрин тутади. Эскириб қолган дунѐқараш, эскича моддий ва маънавий муносабатлар ўз ўрнини янгисига осонликча бўшатиб бермайди. Бунинг учун маълум вақт керак. Социология шу вақт давомида маънавиятда рўй бераѐтган ўзгаришларни аниқлашга ва илмий асосга эга бўлган тадбирлар ишлаб чиқишга хизмат қилади. Шундай қилиб, миллий давлатимиз ижтимоий тизимдаги мавжуд тизимлар таркибийфункционал ҳолатини социологик тадқиқотлар орқали аниқлаш ва ўрганиш муаммоси ҳам ҳозирги куннинг энг муҳим масалаларидан биридир. Уларнинг ичида миллий тузилиш ва турли миллатларнинг ўзаро аҳил яшашини таъминловчи омилларни кучайтириш йўлларини аниқлаш; оила, ѐшлар билан боғлиқ бўлган мавжуд муаммоларни жиддий таҳлил қилиб, реал тадбирлар ишлаб чиқиш ва ҳаѐтга тадбиқ қилиш; ҳозирда фаолият кўрсатаѐтган мавжуд салбий характердаги турли гуруҳлар: гиѐҳвандлар, ишсизлар, бекорчи саѐқлар, ўзгалар ҳисобига кун кечирадиган бошқа тузилмаларнинг миллатимизга, мамлакат сиѐсий вазиятига, иқтисодиѐтига, маънавиятига ва кишиларнинг ижтимоий турмуш тарзига етказаѐтган катта зарарига ва бу гуруҳлар фаолиятига чек қўйиш муаммоларни ўрганиш муҳимдир.

Турли ижтимоий-иқтисодий, сиѐсий манфаатлар ўртасидаги зиддиятларни фақат бостириш, зўравонлик йўли билан ҳал этиб бўлмайди. Буни тарих такрор ва такрор исботлаб берган. Социологиянинг вазифаси эса бу жиҳатдан илмий таҳлил асосида давлатни, ижтимоий муносабатларни бошқаришга ҳар томонлама кўмаклашишдир. Социологиянинг жамият тараққиѐтидаги икки муҳим функциясини ажратиб кўрсатиш зарур: 1. Билиш функцияси. 2.Амалий функция. 1. Ўзининг билиш функцияси орқали жамият тараққиѐтининг объектив қонунларини, конкрет ҳаѐтий жараѐнларни илмий асосда ўрганади. Мавжуд ижтимоий воқеликдаги жараѐнларни ўрганиш билан жамият ҳаѐтининг келгусидаги ривожланиш олдиндан пайқаш, таҳлил қилиш учун хизмат қилиш вазифасини бажаради. Ижтимоий билиш илмий социологик назария ва услубиѐтни ишлаб чиқиш муҳим аҳамиятга эга. 2. Ўзининг эмпирик билиш даражаси ва усуллари билан социология амалий функцияга ҳам эга. Амалий функция билиш функцияси билан узвий боғлиқдир. Ижтимоий тараққиѐт қонуниятларини, тенденцияларини социологик тадқиқот орқали амалий жиҳатдан ўрганиш жамиятни илмий бошқариш ва режалаштириш, прогноз бериш учун асос бўлади. Шунинг учун ҳар бир вилоят ва шаҳарларда социологик тадқиқотлар ўтказиш, улардан олинган илмий натижаларни республика миқѐсида марказлашган илмий лабораторияларда умумлаштириш – давлат аҳамиятига молик масаладир. Бозор муносабатларига ўтиш жараѐнида бундай илмий хулосалар амалий аҳамиятга эга бўлиб, мустақил Ўзбекистон тараққиѐтини илмий асосда бошқаришни таъминлайди. Янги иқтисодий муносабатлар таркиб топиши ва ривожланиши билан социологиянинг амалий функциясининг аҳамияти ҳам ортиб боради. Айниқса, ҳозирги иқтисодий қийинчиликлар даврида меҳнатни ташкил қилиш, ишсизликни бартараф этиш, аҳоли моддий турмуш даражасини кўтариш каби долзарб муаммоларни ҳал этиб боришда социологиянинг

амалий вазифаси яққол кўринмоқда. Фаннинг объектив ривожланиши кўп жиҳатдан мавжуд сиѐсий тузумга, режимга боғлиқ бўлади. Амалий ва назарий социология эса ўз навбатида жамиятни илмий-режали бошқаришда давлатга жуда катта ѐрдам бериш имкониятига эга. Бунинг учун: фан сифатида социологиянинг назарий ва амалий томонларини ривожлантириш; шу соҳанинг малакали мутахассисларини тайѐрлашга эътибор бериш; вилоятларда, олий ўқув юртларида социологик илмий лабораториялар ташкил қилиш; уларни давлат томонидан моддий жиҳатдан рағбатлантириш; замонавий компьютер ва ҳисоблаш техникаси билан таъминлаш зарур.

Фойдаланилган адабиётлар: 1. Каримов И.А. Ўзбекистон ХХИ аср бўсағасида хавфсизликка таҳдид, барқарорлик шартлари ва тараққиёт кафолатлари. – Т., 1997 2. Лавриэнко В.Н., Нарпов Н.А. Основ социологических знаний. ВУЗ. (Социология) – М., 1995 3. Бекмуродов М. Социология асослари. Т.:1997. 4. Зборовский Г.Е., Орлов Г.П. Введениэ в социологию. Екатеринбург: 1995. 5. Радугин А.А., Радугин К.А. Социология. Курс лектсий. – М.: 1993. 6. Капитонов Э.А. Социология ХХ века. История и технология. Ростов-на- Дону. 1996. 7. Современная западная социология. Классическиэ традитсии и поиски новой парадигм. М.: 1990

Похожие

Социология фан сифатида

Социология фанининг назарий асослари

Социология фаниннг юзага келиши

Огюст Конт социология асосчиси

Социология тадқиқотларни ташкил этиш ва умумлаштириш