Оркестр ва хорга дирижёрлик қилганлар - Искусство - Рефераты

Оркестр ва хорга дирижёрлик қилганлар

Загружено в:

20.09.2019

Скачано:

0

Размер:

55 KB

Оркестр ва хорга дирижёрлик қилганлар Бу санъат узоқ тарихга эга. Одамлар биргаликда қуйлай бошлаганларидан бери уларда умумий ритм ва суръатга риоя қилиш зарурияти пайдо бўлган. Ибтидоий халқларнинг рақс ва қўшиқларида ритмни қарсак чалиб бериб турганлар, шунингдек, дўпирлатиб ёки дўмбира чертиб уриб турганлар. Қадимги Грецияда хор раҳбарлари бўлиб, улар оёқларини дўпирлатиб, ритм белгилаб берганлар. Яна шу ҳам маълумки, Рим қўшиқ мактабида хорни бошқариб туриш учун маълум қўл ҳаракатларидан фойдаланишган. Дирижёрликнинг мазкур икки усули оркестр бошқарувига асос солди, биргаликдаги аниқ ижрони йўлга қўйиш учун дирижёр тактни оёғи билан уриб, таёқча билан пульт ёки полни тақиллатиб, яна шунингдек, карнай қилиб ўралган нота дафтари билан пультни уриб кўрсатиб турарди. Хуллас, тактни оёқ билан уриб кўрсатиш узоқ вақт давом этди. Шу боис бу нарсани кўпчилик ғаши келиб эслайди. Хусусан, немис бастакори Маттесон (1731 й) киноя билан шундай деган эди «Баъзилар тактни оёқ билан уриб кўрсатиш ҳақида ижобий фикр билдиришлари таажжубланарли, балки улар ўз оёқларини бошларидан кўра ақллироқ деб ҳисобласалар керак. Шу боис оёқга бўйсунадилар». Дирижёрлик таёқчаси эса у пайтда турли узунликда ясалар эди. Баъзан, унинг узунлиги 180 смга етарди ва у «Қироллик жезли — ҳассаси» деб юритиларди, ҳамда уни ерга уриб, такт белгиланарди. Опера театрида, концерт залида, черковда полга урилган зарб товуши нақадар катта шовқин чиқаришини тасаввур қилиш қийин эмас. Оркестр бошқаришнинг бундай усули айниқса Франция, ҳусусан Париж шаҳрида кенг тарқалган эди. У Люлли деган композитор томонидан олиб кирилган ва тарқалган. Бир куни, у мусиқага берилиб кетиб, дирижёрлик қилаётган пайтда «хасса» таёғининг ўткир учи билан оёғи жароҳатланган. Бу жароҳат эса унинг ўлимига сабаб бўлган. Бироқ ушбу фожеа ҳам аллақачон ниҳоятда чуқур илдиз отиб кетган бу анъанага соя солмади. Бир сўз билан айтганда,

XVII ва XVIII асрларда дирижёрлик вазифасини асосан клавесин, орган кабиларни чалувчи композиторлар, баъзида эса бугун биз оркестр концертмейстери деб атаб келаётган асосий скрипкачи бажарарди. Улар асосан ўзларининг, баъзида эса ўзгаларнинг асарларини оркестр жўрлигида ижро этишарди. Мусиқа санъати жадаллик билан ривожлана бошлаган даврларга келиб, илк бор аҳамиятга молик бўлган опералар пайдо бўлган. Композиторлар турли ансамбл ҳамда овозлар учун мусиқа ёза бошладилар. Ана шундай гуруҳлар ижросидаги суръатнинг ягона бўлишига эришиш учун буларни бошқаришга эҳтиёж туғилди. Яратган мусиқий асарлар мураккаблашгани сари, қўшиқчиларни ва оркестрни бошқаришга бўлган эҳтиёж янада кучая борди. Ижрода якдиллик ва суръатга риоя қилиш зарурияти бу муҳим вазифани энг масъул ва малакали мусиқачилар зиммаларига юклашни талаб этар эди. Бундайлар эса оркестрнинг биринчи скрипкачиси ёки оркестрда уйғунликни таъминловчи чембало партиясини ижро этувчи созандалар бўлган. Баъзан бу вазифани уларнинг ҳар иккаласи биргалашиб бажарганлар. Яъни чембалачи яккахонлар ва хорни бошқарса, биринчи скрипкачи эса оркестрни бошқарарди. Бу тарздаги бошқарув ҳам дирижёрлик эди, бироқ унда бу иш ҳозирги аҳамияти ва шаклига эга эмасди. Дирижёрлик санъати ривожланишининг бу босқичидаги ўзига хослик хусусияти — оркестрни унинг аъзоси бўлган мусиқачилар бошқаришидан иборат эди. Дирижёрлик қилар эканлар, улар ўзларининг асосий машғулотларини ҳам давом эттирганлар: биринчи скрипкачи, биринчи скрипка партияларини чалган, органчи — орган чалган, чембалочи-чембало чалган. Бу тарзда бир неча вазифани биргаликда олиб бориш ҳолати узоқ яшай олмаслиги аниқ эди. Бу ҳолат мусиқий асарлар фактурасини айтарли даражада содда ва барча ижрочиларга етарлича маълум ва тушунарли бўлган пайтгача яшади, уларнинг аксарияти тушунарли бўлгани учун ҳам сақланиб турган эди. Мусиқий санъатнинг ривожлангани сайин асарлар таркиби ва мусиқий тил ҳам мураккаблашиб борди. Бир вақтнинг ўзида оркестрда ишлаб, ҳам уни

бошқариш мураккаб, кейинчалик эса мутлақо бажариб бўлмайдиган ишга айланди. Мусиқий асар таркиби, тили, фактураси мураккаблашиб кетиб, мусиқанинг жамоавий ижросини бошқариш мумкин бўлмай қолганда, ижрони бошқариш вазифасини айни вақтда оркестрда банд бўлмаган шахс ўз зиммасига олди. Ана шу даврни дирижёрликнинг вужудга келиши, яъни замонавий тушунчамиздаги дирижёрликнинг бошланиши дейиш мумкин. Дирижёр, оркестрни ичкаридан туриб эмас, балки ташқаридан қараб бошқариш лозим эканлиги учун ундан ажралиб чиқди. Бу вазият ижрони бошқариш имкониятларини анча кўпайтириб, дирижёрнинг бошқа мусиқачиларга таъсир кучини оширди. Эндиликда дирижёр мусиқий асарни талқин этувчи ягона шахсга айланди. Дирижёрлик техникасининг ривожланиши ва мукаммаллашуви жараёни бошланиб кетдики, бусиз мураккаблашган, турли ижро воситаларидан келиб чиқиб мусиқани талқин этувчи улкан ижрочилар жамоасини бошқариш мумкин эмасди. Биринчилардан бўлиб бу касбни маълум дирижёрлик қобилиятига эга бўлган ижрочи-мусиқачилар ёки композиторлар маҳорат чўққисига олиб чиқдилар. Бу ўринда Люлли, Глюк, Моцарт, Мендельсон, Шпор, Вебер, Рихард Штраус, Вагнер, Берлиоз, Ф. Лист, Г. Малер ва бошқалар номларини санаб ўтиш мумкин. Номлари келтирилган дирижёрларнинг барчаси бу касб билан ўзларининг бошқа мутахассисликлари — композиция, скрипка чалиш ва хоказо билан бир вақтда, параллел равишда шуғулланганлар. Бундай параллел фаолият кейинги даврларда ҳам сақланиб қолган. Масалан, композитор Вагнер, композитор ва пианиночи Ференц Лист, пианиночи Ганс Фон Бюлов, композитор Густав Малер, композитор ва пианиночи Сергей Рахманинов, пианиночилардан Зилоти ва Сафонов, Рихтер ва Мотльлар кўзга кўринган дирижёр бўлганлар. Улар композиторлик маълумотини қўлга киритганлар ва айни пайтда пианиночи ҳам бўлганлар. Никиш — альтчи ва композитор, Артуро Тосканини — виолончелист, Бруно

Вальтер ва Отто Клемперер-пианиночи, Оскар Фрид — вальторначи бўлган ва хоказо. Мусиқий санъатнинг кейинги ривожланиши дирижёрлик касби билан шуғулланувчи мусиқачилардан бошқа машғулотлардан воз кечиб, ўзларини айнан шу касбга бағишлашларини тақозо этди. XIX асрда дирижёрлик санъати айниқса Германия ва Австро-Венгрияда алоҳида ривож топди. Тарих тақозоси билан, Германия кўплаб маҳаллий давлатларга бўлиниб кетган эди. Бу «давлатчалар»нинг ҳар бири ўз пойтахтига эга бўлиб, уларда ўз опера театри ва концерт фаолияти билан шуғулланувчи оркестрлари бор эди. Бундай аҳвол дирижёрларга бўлган эҳтиёжни кучайтирди, бу эса ўз навбатида дирижёрлик санъатининг юксалишувига туртки бўлди. XIX асрнинг иккинчи ярмида ўз мусиқасига дирижёрлик қилган композиторлар ўрнига янги типдаги — бошқа муаллифлар асарларига дирижёрлик қилувчи дирижёрлар келди. Бундайлардан биринчи сифатида Ганс Фон Бюловнинг номини тилга олиш жоиз. «Таниқли дирижёр бўлиши билан бирга буюк композитор ҳам бўлган, мана шу инсондан миннатдор бўлишимиз керак. Зеро, у туфайли дирижёрликка ҳунар эмас, балки санъат сифатида муносабат шаклланди», деб ёзган Ганс Бюлов ҳақида таниқли дирижёр Ф. Вейнгартнер. Ганс Фон Бюловнинг устози Рихард Вагнер, сўнгра Ганс Рихтер, Феликс Мотль, Густав Малер, Феликс Вейнгартнер, Артур Никиш кабилар дирижёрликни САНЪАТ дея баҳолашди. Бу худди яккахон мусиқачининг санъати каби буюк санъат деб ҳисобладилар. Рихард Вагнер ва Ганс Фон Бюловдан кейин немис дирижёрлик мактабини Ганс Рихтер, Антон Зейдль, Феликс Мотль, Карл Мук, Артур Никиш, Феликс Вейнгартнер, Густав Малер, Рихард Штраус ва бошқалар давом эттирдилар. Улардан кейинги дирижёрлар авлоди эса — Бруно Вальтер, Артуро Тосканини, Сергей Кусевицкий, Альберт Коутс, Виллем Менгельберг, Отто Клемперер, Оскар Фрид, Герберд Фон Караян, Шарль Мюнш ва бошқалар.

XIX аср охири XX аср бошларида Россияда М. А. Балакирев, ака-ука Антон ва Николай Рубинштейнлар, Э. Ф. Направник, С. Рахманинов, В. И. Сафонов ва бошқалар дирижёр сифатида фаолият кўрсатдилар. Ўз фаолиятларини Давлат тўнтарилишидан сўнг (1917 йил) бошлаган кекса авлод усталари бутун масъулиятни ўз зиммаларига олдилар. Улар орасида — А. Глазунов, М. Ипполитов–Иванов, С. Василенко, И. Прибик, Хессин, У. Авранек, В. Сук, Н. Малько, А. Пазовский, Н. Голованов, А. Гаук, С. Самосуд ва бошқалар бор эди. 1938 йилда Москвада бўлиб ўтган Бутуниттифоқ дирижёрлар танлови лауреат ва дипломантларни кашф қилди: Е. Мравинский, А. Мелик–Пашаев, Н. Рахлин, К. Иванов, М. Паверман, К. Элиасберг ва бошқалар шулар жумласидандир. II Жаҳон урушидан кейинги (1941-45) 10 йиллик дирижёрлик санъатининг гуллаб яшнаган даври бўлди. Бу даврда Б. Хайкин, Е. Светланов, К. Симеонов, Н. Ниязи, Г. Рождественский, О. Дмитриади, Н. Аносов, Л. Гинзбург, И. Мусин, М. Канерштейн, Н. Рабинович, К. Кондрашин ва бошқа номлар пайдо бўлди. Ҳозирги пайтда эса Ю. Темирканов, Д. Китаенко, Ю. Симонов, А. Федосеев, А. Журайтис ва бошқалар шу соҳада ном қозонганлар. XX асрнинг 30 йилларидан бошлаб Ўзбекистон ҳудудида кўп овозли жамоаларнинг пайдо бўлиши, яъни мусиқали драма, 1939 йилда опера ва балет театри, халқ чолғулари оркестри ва оперетта театрларининг пайдо бўлиши натижасида дирижёрлик касбига бўлган эҳтиёж ва интилишлар сабабли бир қатор кўзга кўринган машҳур ва таниқли дирижёрлар етишиб чиқди. Булар М. Ашрафий, А. Козловский ва уларнинг жуда кўп шогирдлари, Баҳром Иноятов, Фазлиддин Шамсиддинов, Наум Гольдман, Георгий Дониях, Абдуғани Абдуқаюмов, Дилбар Абдураҳмонова, Наби Халилов, Ғ ани Тўлаганов, Фаттоҳ Назаров, Саид Алиев, Мардон Насимов, Эргаш Тошматов, Зоҳид Ҳақназаров, Қувонч Усмонов, Ҳамид Шамсуддинов, Форуқ

Содиқов, Наримон Олимов, Ботир Расулов, Фазлиддин Ёқубжонов, Элдор Азимов, Валентин Руденко ва бошқалардир.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975. 7. Ансарме Эрнест. Статьи о музыке и воспоминания. М. Сов. Композиор. 1986. 8. Баграновский М. Дирижерская техника рук. М. 1947. 9. Безбородова Л. А. Дирижирование. М. Просвещение 1990. 10. Берлиоз Г. Дирижер оркестра. М. 1912. 11. Бялик М. Евгений Мравинский (творческий портрет) М. Музыка, 1982. 12. Вальтер Бруно. Тема с вариациями. Изд. Музыка. М. 1969. 13. Вейнгартнер Ф. О дирижировании. М. 1927.

Похожие

Дирижёр таёқчаси

Оркестр билан мулоқот

Дирижёрлик техникаси

Асарни хорга ургатиш услубиёти

Дастлабки ҳолат ва дирижёрлик схемалари