Фазлиддин Шамсутдинов (1916–1980) - Искусство - Рефераты

Фазлиддин Шамсутдинов (1916–1980)

Загружено в:

20.09.2019

Скачано:

0

Размер:

31 KB

Фазлиддин Шамсутдинов (1916–1980) Ўзбекистон халқ артисти Фазлиддин Шамсутдинов 1916 йил 15 январда Бухоро шахрида хизматчи оиласида таваллуд топди. У ёшлигидан санъатга қизиқиши туфайли 1926 йили Бухородаги мусиқа мактабига дутор чолғуси бўйича ўқишга кириб, уни 1929 йили битирди ва шу йили Самарқанддаги ўзбек театр студиясига ўқишга киради. У ерда 1934 йилгача мусиқали театрда катта-кичик ролларни ижро этади. Лекин уни дирижёрлик мутахассислиги тобора қизиқтирарди. Шунинг учун у Москва консерваторияси қошида очилган (1934–1941) ўзбек опера студиясида таниқли дирижёр Г. А. Столяров раҳбарлигида дирижёрлик касбини эгаллашга киришди. Ўқиш даврида у дирижёрлик санъати бўйича таниқли рус дирижёрларининг маҳорати ва ўзига хос мактабини ўрганди. 1942 йили Ф. Шамсутдинов опера студиясини тугатиб Тошкентга келади, ўзбек опера театрида дирижёр лавозимида иш бошлайди, бироқ бу ерда кўп ишламайди. Чунки шу йили (1942) Янги йўл шахрида янги мусиқали театр очилган бўлиб, ушбу театрга Ф. Шамсутдинов бош дирижёр этиб тайинланади. Бу театрда у 1948 йилгача ишлаб, кўпгина асарларни муваффақият билан сахналаштиради: «Тохир ва Зуҳра » , «Муқанна » , «Қўчқор Турдиев » ва бошқалар. 1948 йили Янги йўл театри Тошкентдаги Муқимий театри билан бирлаштирилиб Ф. Шамсутдинов шу театрга бош дирижёр этиб тайинланади. Бу ерда у 1956 йилгача фаолият юритиб: М. Левиевнинг «Олтин кўл » , Т. Содиқов ва Г. Собитовларнинг «Алпомиш » , Б. Араповнинг «Хўжа Насриддин » , Т. Жалилов ва Г. Мушелларнинг «Муқимий » , К. Отаниёзов ва Л. Степановнинг «Азиз ва Санам » , Т. Содиқов ва В. Мейнларнинг «Армуғон » , П. Рахимов ва Х. Рахимовларнинг «Зафар » , Д. Зокировнинг «Сўнмас чироқлар » ва бошқаларни сахналаштиради. Шундай катта ва турли мазмундаги асарларни сахнага олиб чиққан моҳир ва тажрибали дирижёр ўзининг билимини ошириш мақсадида 1952 йили Тошкент Давлат

консерваториясининг опера-симфоник дирижёрлиги бўлимига ўқишга киради. Уни 1957 йили А. Ф. Козловский раҳбарлигида муваффақиятли тугатади. Унинг билими, қобилиятига ишонган раҳбарият 1956 йили талабалик йилларидаёқ А. Навоий номидаги катта опера ва балет театрига бош дирижёрлик лавозимига тавсия этилади. Бундан руҳланган Ф. Шамсутдинов аввал ўзбек композиторлари операларини сахналаштирди. Б. Зейдман, Д. Зокиров, Т. Содиқов ва Ю. Ражабийларнинг «Зайнаб ва Омон » , С. Бобоевнинг «Хамза » , В. Успенский ва Г. Мушелларнинг «Фарход ва Ширин » , Р. Хамровнинг «Зулматдан зиё » , «Номаълум киши » , М. Юсуповнинг «Хоразм қўшиғи » , И. Хамроевнинг «Ойжамол » , Т. Содиқов, Р. Глиэрнинг «Лайли ва Мажнун » , Ик. Акбаровнинг «Сўғд элининг қоплони » , бундан ташқари Н. Лисенконинг «Наталка-Полтавка » , П. Чайковскийнинг «Франческо да Римини » , К. Караевнинг «Момақалдироқ сўқмоқларидан » , Г. Мушелнинг «Кашмир афсонаси » ва бошқалар шулар жумласидандир. Ўзбекфильм киностудиясида у қатор фильмлар мусиқаларига дирижёрлик қилган ва симфоник оркестр билан концертларда иштирок этган. 1958 йилдан бошлаб консерваторияда, сўнг А. Островский номидаги Тошкент театр ва рассомчилик институтида педагогик фаолиятини бошлаб, қатор шогирдлар етиштирди. Ф. Шамсутдиновнинг ўзбек мусиқа маданиятига қўшган улкан меҳнатлари самараси, унга 1964 йилда «Ўзбекистон халқ артисти » фахрий унвонига сазовор бўлди. Фазлиддин Шамсутдинов 1980 йили Тошкентда вафот этди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975. 7. Ансарме Эрнест. Статьи о музыке и воспоминания. М. Сов. Композиор. 1986.

Похожие

Хамидулла Шамсутдинов

Композитор Абдурахим Муҳамедовнинг ҳаёти ва ижоди.(1923-1980)

Композитор Мутал Бурҳоновнинг (1916-2002) ҳаёти ва ижоди

Композитор С. Юдаковнинг ҳаёти ва ижоди. (1916-1992)

Оркестр ва хорга дирижёрлик қилганлар