Композитор С. Юдаковнинг ҳаёти ва ижоди. (1916-1992) - Искусство - Рефераты

Композитор С. Юдаковнинг ҳаёти ва ижоди. (1916-1992)

Загружено в:

20.09.2019

Скачано:

0

Размер:

59 KB

Композитор С. Юдаковнинг ҳаёти ва ижоди. (1916-1992) . Режа: 1. Композитор С. Юдаковнинг ёшлик ва талабалик йиллари. 2. Композитор С. Юдаковнинг вокал ижоди. 3. Композитор С. Юдаковнинг фортепиано ижоди. 4. Композитор С. Юдаковнинг опера ва балет ижоди. 5. Композитор С. Юдаковнинг вокал - симфоник ижоди 6. Композитор С. Юдаковнинг кино ва мусиқали драма сохасидаги ижоди .

Ўзбекистон халқ артисти, Давлат муко фотлари совриндори, композитор Юдаков Сулаймон Александрович XX аср ўзбек мусиқаси тарихида ёрқин ва теран из қолдир ди. Бу нодир истеъдод соҳиби, атоқли композитор бутун ҳаёти ва ижодий фаоли ятини ўзбек мусиқа санъатини ривожлантиришга бағишлади. У турли жанрларда инсон қалбини тўлқинлантирадиган, беихтиёр ўзига тортадиган, ажойиб ширадор, қувноқ, қуёш каби чарақ лайдиган, жозибали оригинал қўшиқ ва романслар, симфоник ва вокал - симфоник, опера ва балет, турли чолғу ва кино мусиқаси билан донг чиқарди. Унинг шуҳрати хорижий мамлакатларга ҳ ам ёйилди. Юдаков Сулаймон (Соломон) Александрович Қўқон шаҳрида камбағал косиб оиласида 1916 йилнинг 14 апрелида таваллуд топди. Ўзининг болалик чоғларини эслаб, шундай ҳикоя қилган эди: «Онамга ёрдам бериш учун 7 ёшимдан бошлаб Қўқоннинг марказий кўчасида пойфзал тозаловчи бўлиб ишлар эдим. Ме нинг чақонлик билан икки чўткани оёқ қўядиган тумбочкага уриб, турли усул - садоларни жозибали чиқаришимга одамлар тўпланиб томоша ҳам қилишар эди. Ишим юришиб, пул топадиган бўлдим. Кунлардан бир кун қомати келишган, оврўпача кий инган одам келиб ўтириб, этигини тозалаттирди ва мени гапга солди. Оилавий аҳволимни ва кечки мактабга эндигина борга нимни билиб, мени 1928 йили етим болалар уйига жойлаштирди. Менга оталик қилган одамнинг исми шарифини суриштирсам, Ҳамза Ҳакимзода Ниёзий экан. Етим болалар уйида маданий - маърифий ишлар яхши йўлга қўйилган эди. Ўрта талим мактабида менга ўхшаган ёши кат тароқ бўлган болалар учун махсус синф ташкил этилган эди. Болалар уйида дамли чолғу асбоблар оркестри тузилган бўлиб, оркестр раҳбари менга флейта чалиш ва нотани ўргатди. У мусиқ ий қобилиятимни сезган бўлса керак, менга Москвада ўқишга маслаҳат ва ёрдам берди. 1932 йили Москва давлат консервато рияси қошидаги мусиқа «Рабфак» нинг флейта синфига ўқишга кирдим. 1934 йили «Рабфак» ни беркитишди ва консерватория қошида Москва давлат мусиқа техникуми очилди. Мени компо зитор М. Ф. Гнесиннинг тавсияси билан техникумнинг назарий, тарихий, композиторлик бўлими биринчи курсига қабул қилиш ди. Техникумда

дамли чолғу асбоблар оркестрига ҳам қатна шиб турдим. Композициядан аввал М. О. Меснерда, икки йилдан сўнг М. Ф. Гнесинда сабоқ олдим. 1938 йили техникумни мувафақиятли битирдим. Ўша йили Москва давлат консерваторияси профессори, композитор Р. М. Глиeр синфида композициядан таъ лим ола бошладим. Курсни тамомлаганимда 1941 йили иккинчи жаҳон уруши бошланди ва мен Тошкентга қайтиб келдим. Уруш йиллари фақат ижод билан шуғулландим. Ўзбекистон компози торлари ва Москва, Ленинград, Киев, Минскдан келган компо зиторлар ва санъаткорлар билан мулоқотда бўлдим. Компози торлар уюшмасида ўтказилган ҳамма тадбирларда фаол қатнаш дим. Урушдан кейин, қария онамга қарайдиган одам бўлмаган лиги сабабли ўқишимни давом эттира олмадим. Лекин ўз устим да доим ишладим, ҳамкасабларим билан ижодим ҳақида ўртоқлашиб турдим». С. Юдаков шу муҳитда яшади, ўқиди, дунёни таниди, мусиқа оламининг мўъжизакор сирларини ўрганди, композитор бўлиб шаклланди. Москва консерваториясида ўқиб юрган йиллари тур ли чолғу асбоблари, ансамблларга мусиқа яратди. Унинг форте пиано учун ёзган этюд, прелюдия, вариация, сонатина, флейта ва фортепиано учун ёзган «Рондо», «Лирик куй», Этюд, скрипка ва фортепиано учун ёзган «Скерцо», «Сонатина», торли квартет каби ш арқ мусиқа интонациялари билан суғорилган асарларини кон серватория талабалари қизиқиб ижро қилишар эди. 1940 йили талаба - композитор С. Юдаков, истисно тариқасида, Ўзбекистон Бастакорлар уюшмаси сафига қабул қилинди. С. Юдаковнинг мустақил ижодий фаолияти Иккинчи жаҳон уруши йилларида бошланди. У 1941 - 45 йилларда ўзбек ўғлони, юрт қаҳрамони Қўчқор Турдиевга бағишлаб «Олдинга босинг, ўртоклар!» ва «Дўстлар» (А. Лоҳутий сўзлари); «Чавандозлар қўшиғи» (Миртемир сўзи), «Жонга - жон, қонга - қон» (Т. Фаттоҳ сўзи) каби ватанпарвар оммавий қўшиқлар; «Ҳабиби ту манам» (Ҳ. Юсуфий сўзи) романс; 1942 й. «Фарзанад» (С. Исмоилзода пъеса си) мусиқали драма, торли квартет учун 3 та пъеса ва сюита ва симфоник оркестр учун «Сюита» асарларини яратди. Ижод билан бирга С. Юдаков 1941 - 42 йилларда Ҳамза номидаги санъат шунослик илмий тадқиқот институтида илмий

ходим бўлиб иш лади. 1943 - 44 йилларда Тожикистон филармониясида бадиий раҳ бар лавозимида ишлади. Тожик шоирларининг сўзларига бир қатор қўшиқ ва романслар яратди. 1945 йили Тожикистон Дав лат мадҳиясини ёзиш учун кўрик танлов эълон қилинди. Мазкур танлов учун бошқа композиторлар қаторида С. Юдаков ҳам А. Ло ҳутий сўзига мадҳия ёзди. С. Юдаковнинг мусиқаси танлаб оли ниб тасдиқланди, ҳозирга қадар сўзи ўзгартирилган ҳолда бу мадҳия жаранглаб келмоқда. 1946 йили С. Юдаков Тошкентга қайтиб келади ва ижодини давом эттиради. Т. Тўла сўзига хор, яккахон ва симфоник ор кестр учун «Ғалаба» (1945 й.) кантатасини ёзди. А. С. Пушкин сўзига ўзбек, тожик ва рус оҳангларини пайваста қилган ҳолда «Куйлама, соҳибжамол», «Гуржистон тепаликларида», «Бул бул», «Тунги майин шабада», «Инезиля, мен бу ердаман» (1945 й.) каби романслар; А. Лоҳутий сўзига «Афсонаи дил» ва «Тасфири ту» (1946 й.) романслар; шу йили скрипка ва фортепиано учун яратган «Шарқ поэмаси» ва юқорида зикр қилинган «Куй лама, соҳибжамол» романси ижрочиларни ва тингловчиларни ҳ озирга қадар мафтун қилиб келмоқда. Бу икки асар ижрочилар нинг турли авлодлари репертуар дастурларидан муносиб ўрин олиб, энг кўп ижро этиладиган асарлар сирасига киради. Скрипка, виолончель ва фортепиано учун «Сюита» (1946 й.); иккита фортепиано учун «Сюита» (1948 й.); симфоник оркестр учун «Тантанавор увертюра» (1949 й.); торли квартет учун «Сю ита» (1949 й.); Навоий сўзига «Басандаст» (1949 й.) романс, М. Миршакар сўзига «Алла» ва «Янги ғалабалар учун» қўшиқ лар, шоир М. Турсун сўзига хонанда, хор ва симфоник оркестр учун «О, қиз бола» қўшиғи каби турли жанрларда басталаган бу асарлар ўлкамизни замонавий мусиқа санъатига яна бир истеъ додли, забардаст композитор мустақил равишда кириб келганидан дарак берган эди. С. Юдаков асарларида ўзбек ва тожик халқ ари мусиқасининг таъсири бўлсада, аммо ўз услубига хос асар лар яратишга эътибор бергани ҳам яққол сезилади. 1948 йилда ўтган Ўзбекистон бастакорлар уюшмасининг урушдан кейинги биринчи қурултойида С. Юдаков ҳайъат аъзоси ва симфоник мусиқ а комиссиясининг

раиси ва ўша йили Москвада ўтган Композиторлар уюшмасининг биринчи қурултойида тафтиш комиссиясининг аъзоси этиб сайланди. Келгусида ҳам то умрининг охири гача мазкур фахрий лавозимларга сайланиб келди. 1951 - 53 йил ларда С. Юдаков Ўзбекистон Бастакорлар уюшмаси ҳайъатининг масъул котиби бўлиб ишлади. С. Юдаков маҳоратининг бадиий жиҳатдан етилиб бориши муҳим даври 50 – 80 - йилларга тўғри келади. Бу давр унинг учун янги синовлар ва ижодий ютуқлар даври бўлди. Қатъий ички ин тизомга эга бўлган композитор, шу вақт орасида ўз устида иш лаб, профессионал композиторлик ёзиш техникасини мукаммал равишда ўзлаштирибгина колмай, ажойиб бадиий юксак мусиқий асарлар яратишга муяссар бўлди. Яхшилик, эзгулик, биро дарлик, дўстликни улуғлади. Эзгу орзу - умидлар билан халқлар ни сафарбарлика даъват қилди. Келажака катта ишонч билан қ аради. Булар унинг асарларига хос бўлган муҳим хусусиятлар дир. Бу ўринда А. Мухтор сўзига ёзилган «Жон Ўзбекистон», «Меҳнат шодлиги», Ғ. Ғулом сўзига «Қирғизистон пахтакорла рига», Ш. Рашидов сўзига «Дугоналар», «Оламда гуллар яшар», Т. Тўла сўзига «Карнавал вальси», А. Сурков сўзига «Ҳинди - руси бхай - бхай», «Тинчликсеварлар марши», каби жозибали, жўшқин қўшиқлар фикримизнинг далилидир. Айниқса, бу ўринда компо зиторни 1950 йили Ғ. Ғулом сўзига ёзган, 1951 йилда эса Давлат мукофотига сазовор бўлган 6 қисмли «Мирзачўл» номли вокал - симфоник сюитаси; 1955 йилда Т. Тўла сўзларига ёзилган: «Ме нинг Ватаним» 4 қисмли кантата, «Висол» (1965 й.) вокал поэма лар, Ҳ. Ғулом сўзига ёзилган «Муборакбод», 5 қисмли кантата (болалар хор жамоаси ҳам қатнашади, 1972 й.), Миртемир сўзига ёзилган «Алёр» вокал хореографик солист, хор ва рақс жамоалари учун (1972 й.), Э. Воҳидов сўзига «Ўзбекистон» номли со лист, хор ва симфоник оркестр учун поэма - кантата (1973 й.), Т. Тўла сўзига «Ғалаба» номли оратория (1975 й.) ёрқин мисол бўла олади. Шу номли 1945 йилда ёзилган мусиқаси асосида яра тилган мазкур оратория биринчи гал Навоий номидаги опера ва балет жамоаси саҳнасида кўтаринки руҳда муваффақиятли ижро этилди. Шуни айтиб ўтиш жоизки, 50 - 70 йилларда республикада ҳ ар йили оммавий хор,

қўшиқ байрамлари ўтказилар эди. Байрамни ўтказишда хор жамоаларининг бирлашмасидан ташкил топган 50 минглик хор, бошқа композиторларнинг асарлари қато рида С. Юдаковнинг «Мирзачўл», 1955 йилдан бошлаб «Менинг Ватаним» асарлари мунтазам ижро этилар эди. 1972 йилдан бошлаб «Алёр» вокал- хореографик сюита ҳам энг кўп ижро этилади ган асарлар қаторидан муносиб ўрин олди. Ўзбекистоннинг атоқли куйчиси, композитор С. Юдаковга, юқорида зикр қилинганлар билан бир қаторда энг катта шуҳрат келтирган асари «Майсаранинг иши» номли биринчи ўзбек ко мик операси бўлди. 1958 йилда Алишер Навоий номидаги Ўзбе кистон Давлат катта академик опера ва балет театрида саҳна юзини кўрган мазкур опера театрининг асосий репертуарлари дан бири бўлиб, ҳозирга қадар ижро қилинмокда. Ҳамзанинг шу номли комедияси асосида С. Абдулла ва М. Муҳамедовлар либ реттосини тайёрлашган. Бу опера 1959 йили Москвада ўтган Ўзбекистон адабиёт ва санъати 10 кунлигида Болшой театрида сахна юзини кўрган. «Майсаранинг иши» мусиқа жамоатчилиги орасида жуда катта шов шувга айланиб кетди. Марказий матбу отда бирин кетин чоп этилган мақолада операни улуғлашди. Тез орада Москва давлат «Ромен» лўлилар Ци ган театри рус тилида операни томошабинларга ҳавола eтди ва узоқ йиллар давомида театр репертуарида сақланиб келди. 60 - йилларда мазкур опера Бошқирдистон, Қирғизистон, Қозоғисгон, Тожикистон, Туркманистон, Самарқанд опера ва балет те атрларида ҳам саҳна юзини кўрди ва катта муваффақият қозонд и. 1974 йили эса Полшанинг Лодз шаҳри опера ва балет теат рида ҳам томошабинлар қизғин кутиб олдилар. Операнинг би ринчи ижрочилари: Ҳалима Носирова, Саодат Қобулова, Ка рим Зокиров, Саттор Ярашев, Жамол Низомхўжаев, Ҳусан Ис моилов, Михаил Давидовларнинг ижрочилик ашулаларида ян гилик бўлди. Уларнинг ижросида комплект граммофон пластин калари миллион нусхада чоп этилди. Шуни айтиш жоизки, бутун д унёда яратилган энг машҳур опералар тўғрисида, танланган 100 опера номли китобда С. Юдаковнинг «Майсаранинг иши» операси ҳам тилга олинган.

Мазкур опера биргина композитор га эмас, бутун Ўзбекистоннинг замонавий мусиқий маданиятига ҳ ам шуҳрат келтирди. С. Юдаков 70 йилларда Шарқда машҳур бўлган, латифа сар кардаси Афандига бағишлаб, «Насриддин Афандининг ёшлиги» номли балет яратган эди. Уни 1997 йилда Навоий номидаги Давл ат академик катта опера ва балет геатри жамоаси амалга оширд и ва томошабинлар балет премъерасини қизғин кутиб олдилар. Композитор С. Юдаков Р. Ҳамроев ва М. Мелкумовлар би лан ҳамкорликда «Оқ йўл» мусиқали комедия яратди. Қуйидаги драма спектаклларга: «Шоҳи сўзана» (А. Қаҳҳор пъесаси), «Ган га қизи» (Р. Тагор асари), «Зуҳранинг мактуби» ва «Фурқат», «Қачон атиргуллар очилади», «Темирчининг байроғи» ва «12 соатли ҳаёт» кинофильмларига мусиқа басталади. Унинг қалами остидан: «Хоразмча байрам юриши», «Тантанавор увертюра», «Ёшлар поэмаси», «Фестивал увертюраси», «Хореографик сюита» каби симфоник куйлари оркестрлар репертуаридан муносиб ўрин олган. Композиторнинг симфоник мусиқий асарлари ора сида она хотирасига бағишланган, мунгли «Поэма - рапсодия»си алоҳида ўрин тутади. У камер - чолғу ансамбли ва оркестрларга ҳам асарлар яратди. С. Юдаков замонавий ўзбек профессионал мусиқа тарихида ўзига хос ўринга эга. У кўп қиррали ижодий фаолияти билан Ўзбе кистон мусиқа маданиятининг ривожланиш жараёнига улкан ҳисса кўшди ва бой мусиқий мерос қолдирди. Унинг буюк хиз матлари орденлар, бир неча медаллар билан, «Ўзбекистонда хиз мат кўрсатган санъат арбоби» ва «Ўзбекистон халқ артисти» фахрий унвонлар билан тақдирланган. С. Юдаков Давлат ва Рес публика давлат мукофотларининг совриндори.

Адабиётлар: 1. Музыкально- энциклопедический словарь. Москва. 1990 г. 2. Ф.Кароматов. Вопросы музыкознания (материалы симпозиума) 1980 г. 3. А.Жабборов.Т.Соломонова.Композиторы и музыковеды Узбекистана.Ташкент. 1975. 4. А.Жабборов. Ўзбек бастакор ва мусиқашунослари. Тошкент.2004. 5. Ю.Ражабий. И. Акбаров. Ўзбек халқ мусиқаси тарихи, (Ўқитувчи). 1981 йил. 6. Т.Қиличев. Хоразм халқ театри.

Похожие

Композитор М. Юсуповнинг ҳаёти ва ижоди. (1925-1992)

Композитор Мутал Бурҳоновнинг (1916-2002) ҳаёти ва ижоди

Композитор С. Хаитбоевнинг ҳаёти ва ижоди. (1926-2000)

Композитор И. Акбаров ҳаёти ва ижоди (1921)

Композитор Хайри Изомов(1922) ҳаёти ва ижоди