Дилбар Абдураҳмонова - Искусство - Рефераты

Дилбар Абдураҳмонова

Загружено в:

20.09.2019

Скачано:

0

Размер:

28.5 KB

Дилбар Абдураҳмонова Халқ артисти Дилбар Абдураҳмонова 1936 йил 1 майда Москвада таваллуд топди. Дилбар туғилганда отаси Ғулом Абдураҳмонов ва онаси Зуҳра Абдураҳмоновалар Москва консерваторияси қошида очилган ўзбек опера студиясида ўқишар эди. Ота-онаси ўқишни тугатиб Тошкентга келгандан сўнг, ёш Дилбарнинг хаёти опера театрида ўтди десак муболаға бўлмас. Ёшлигидан санъат ичида ўсган Дилбарни Р. Глиэр номидаги мусиқа мактабининг скрипка синфига ўқишга берадилар. Мактабни 1954 йили тугатиб, бир йилдан сўнг, яъни 1955 йили Тошкент Давлат консерваториясига ўқишга кириб, скрипка мутахассислиги бўйича тахсил олади. Консерваторияда ўқир экан, у — мусиқа санъатининг энг қийин ва мураккаб сохаси бўлмиш — дирижёрлик касбига мехр қўйиб, М. Ашрафий раҳбарлигида 1960 йили дирижёр сифатида ўқишни тугатиб, шу йили А. Навоий номидаги опера ва балет театрига йўлланма олади. Театрда асосан у балет асарларини сахналаштирди. Булар ичида: Л. Делибнинг «Коппелия » ; П. Чайковскийнинг «Оққуш кўли » ; А. Козловскийнинг «Тановар » ; Л. Фейгиннинг «Қирқ қиз » ; Л. Минкуснинг «Дон Кихот » ; С. Прокофьевнинг «Золушка » ; А. Хачатуряннинг «Спартак » ; Р. Шедриннинг «Кармен-сюита » ва «Анна Каренина » ; Д. Шостаковичнинг «Ойимқиз ва безори » ; А. Петровнинг «Дунёнинг яратилиши » ; О. Меликовнинг «Испан миниатюралари » ва «Икки дил достони » ; М. Ашрафийнинг «Севги тумори » ва «Севги ва қилич » ; Ф. Шопеннинг «Шопениана » ; Б. Бровциннинг «Семурғ » ; У. Мусаевнинг «Афсоналар водийси » бор эди. А. Козловскийнинг «Тановар » балетини сахналаштиришда қатнашиб, дирижёрлик қилгани учун у 1973 йили «Хамза номидаги Давлат мукофотига » сазовор бўлади. Д. Абдураҳмонова фақат балет спектакллари билан чегараланиб қолмасдан опера асарларини ҳам сахналаштирди. Айниқса, 1975 йилдан бошлаб бу сохага қаттиқ киришди, чунки шу йили уни театрнинг бош дирижёри ва

бадиий раҳбари этиб тайинлашган эди. Сахналаштирган опералари ичида М. Ашрафийнинг «Бўрон » ; Ш. Гунонинг «Фауст » ; П. Чайковскийнинг «Пиковая дама » ва «Иоланта » ; Ж. Вердининг «Травиата » , «Отелло » , «Трубадур » ; К. Сен-Санснинг «Самсон ва Далила » ; М. Мусоргскийнинг «Хованшина » ; Р. Пуленкнинг «Инсоний овоз » ; С. Прокофьевнинг «Оловли фаришта » ; А. Холминовнинг «Оптимистик фожеа » ; Т. Хренниковнинг «Севгидан кейинги севги » ; С. Юдаковнинг «Майсаранинг иши » ; И. Акбаровнинг «Сўғд элининг қоплони » ; Р. Абдуллаевнинг «Хива ордени» бор. Дилбар Абдураҳмонова кўп йиллик самарали ижрочилик фаолияти учун 1969 йилда «Ўзбекистон халқ артисти » , 1977 йилда собиқ «Иттифоқ халқ артисти фахрий унвонларига муяссар бўлди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975.

Похожие

Оркестр ва хорга дирижёрлик қилганлар

Мухтор Ашрафий (1912–1975)

Мухтор Ашрафий

Танбурда гаммалар ижро этишда миллий мусиқа асарларидан фойдаланиш

Композитор Хайри Изомов(1922) ҳаёти ва ижоди