Чинни буюмлар экспертизасига оид маълумотлар - Искусство - Рефераты

Чинни буюмлар экспертизасига оид маълумотлар

Загружено в:

29.11.2022

Скачано:

0

Размер:

370.8798828125 KB

Чинни буюмлар экспертизасига оид маълумотлар Чинни – керамиканинг нафис тури бўлиб, сув, газ, электр ўтказмайдиган ўтга чидамли, жарангдор асосан оқ рангли (юпқа тайёрланганида ёруғлик ўтказадиган) музей предметлари ҳисобланади. Чинни турларига қараб, махсус тупроқ, каолин, кварц, дала шпатлари ва бошқа хомашёлар аралашмасидан тайёрланади 1 . Сифати жиҳатидан чинни икки турга бўлинади: Нафис чинни - фарфор, форсча – Фағфур; энг яхши чинни тайёрланган қадимги Хитой вилояти номидан олинган 22 . Дағал чинни – фаянс, итальянча – Фаэнц; йирик керамика маркази бўлган шаҳарнинг номидан олинган. Фаянс фарфордан қобиғга эгалиги, сувни сингдириши (9-12% гача) билан фарқ қилади. Шунинг учун ҳам, у сирланади. Фарфор ва фаянс бир ҳил хом ашёдан тайёрланади: оқ гил, 45-50%, дала шпатлари 2-5%, кварц ва қум 35-45%, бўр 10%, шамот 10-15%. Фақатгина буларни тайёрлашда пишириш технологияси турлича бўлади. Техника ривожи туфайли чиннининг қаттиқ ва юмшоқ турлари пайдо бўлди. Унинг қаттиқ ва юмшоқлиги уни тайёрлашда фойдаланилган масса таркибига боғлиқ. Техника ва саноатда ҳамда рўзғорда ишлатиладиган чинни маҳсулотлари қаттиқ массадан, бадиий ва безакдор чинни маҳсулотлари юмшоқ массадан тайёрланади. Қаттиқ чинни юмшоғига нисбатан анча чидамли бўлиб, таркибига кўпроқ тупроқ (45-60%) қўшилади. Қаттиқ чинни 1450 ҳароратгача, юмшоғи 1300 ҳароротгача қиздирилади. Бўр маҳсулоти қанчалик кўп қўшилса чинни шунчалик юмшоқ бўлади. Чинни Хитойда IV-VI асрларда вужудга келди, айниқса VII-XIII асрларда чиннисозлик санъати юксак даражага кўтарилди. Осиёнинг кўпгина 1 Технология фарфорового и фаянсового производство. -М., 1975. Ст-12. 22 Вестфален Э.Х., Кречетова М.Н., Китайский фарфор. -Л.,1947. Ст-6-8.

мамлакатларига тарқалгач, Европага ҳам етиб борди. Хитой чинниси Европа бозорларида беҳад қадрланади. Хитой чиннисозларининг “сири” узоқ вақт европалик кулолларнинг изланишларига сабаб бўлди. XI-XIV асарларда Эрон, XVI асрда япон чинниси машҳур бўлди. XVI асрда Европанинг Флоренция, Франция, Голландия ва Англия давлатларида илк чинни буюмлар пайдо бўла бошлади. Дастлабки чинни заводи 1710 йилда Мейсенда, 1717-1718 йилларда Венада, 1744 йилда Петербургда қурилди. Дания (Копенгаген), Швеция (Мариебург), Бельгия (Турне), Швецария (Цюрих), Голландия (Весп, Гаага), Чехия (Славков, Клаштерец) бадиий чиннилари сифати жиҳатидан шуҳрат қозонди. Технология жараёни яхшиланишига қарамай, (дастлабки хом-ашё тозаланиб, ювилиб, қиздирилиб навларга ажратилади; тегирмонда кукунга айлантирилади; керакли миқдорда олинган хом ашё турлари қориштирилиб, суюқ лой шликер тайёрланади. Сўнгра, элакдан ўтказилиб, электромагнит орқали тозаланиб, қуюлтирилади нами 25% аниқ масса пайдо бўлгандан сўнг керакли шакллар ишланади) XIX асрда Европа чинни маҳсулотларининг бадиий қиймати пасайди. Россияда эса биринчи М.В. Ломоносов номидаги Давлат чинни заводи 1925 йилдан кенг оммага зарур чинни буюмларини ишлаб чиқара бошлади. Ундан олдинги хусусий чинни заводлар фақатгина бадиий сифат белгиларига асосланган чинни буюмарини ишлаб чиқарар эди. Хусусан, 1766 йилда Ф.Я. Гарднер асос солган Дмитров чинни заводи, 1832 йилда Т.Я.Кузнецов асос солган Дулёво чинни заводи, 1809 йилда асос солинган Конакова чинни заводлари шулар жумласидандир. Ушбу заводларда ишлаб чиқарилган чинни маҳсулотлари бугунги кунда антиквариат саналади.1915 йилгача Россияда, асосан Германия ва Буюк Британиядан келтираладиган хом ашё билан ишлайдиган 36 та йирик чинни корхоналар мавжуд эди. Чинни ва фарфор идишларда экспертиза ишларини олиб боришда уларнинг клеймоларини аниқлаштириш муҳим масалалардан бири саналади.

Клеймо – (немисча Kleim, (баъзи манбаларда инглизча clam) таржимада "клей, аралашма, пластырь" маъноларини англатади. Бадиий ҳунармандчилик маҳсулотларида эса клеймо — ҳунарманд ёки устахона белгисини акс эттириб, муҳр, имзо, фирма маркаси, муаллиф тамғаси сифатида эътироф этилиб, маҳсулотнинг сифати ва яратилган вақти, жойи каби маълумотларни ҳам умумлаштиради. Фарфор маҳсулотларининг бадиий безак сифати ҳам экспертиза жараёнида алоҳида аҳамият касб этади. Фарфор буюмларнинг қўл меҳнати орқали сирлангани ва сюжетли тасвирлар ишлангани ноёб турлардан саналади. Фарфор маҳсулотларини экспертизадан ўтказишда биринчи навбатда ташқи кўринишга эътибор қаратилади. Бу орқали буюмнинг технологик хом-ашёсини аниқлаш мумкин. Тадқиқотчи бу жараёнда буюмнинг қалинлиги, структураси, ранги, чертиб кўрганда жаранглаши, сир қатлами сифати ва бадиий безакларидаги ёрқинлик ва рангдорлик ҳусусиятлари инобатга олинади. Фарфор ва фаянс буюмларни қўл юритиш орқали агар уларда ғадир-будирлик белгилари сезилса тасвирлар механик усулда бажарилган (декальмания ва печать), силлиқ бўлса қўл меҳнати орқали бажарилган бўлади. Сирлаш техникасини тадқиқ қилиш, ёруғликка солганда нур жилоларининг ўтиши эса предметнинг глазурь қатламидаги сифатини аниқлаштиришга ёрдам беради. Сопол лойдан ишланиб, оловда қиздириб тайёрланадиган маҳсулот, керамиканинг кенг тарқалган туридир. Таркиби бир жинсли, ранги ҳам бир хил бўлган махсус тупроқ дастлаб оловда қуритилади, майдаланади, эланади, сўнг ундан лой қорилади. Бу лойга маҳсулот турига қараб ишлов берилади, яхшилаб қуритилади, кейин зувала олиниб.унга қўлда ёки кулолчилик чархида шакл берилади. Сополдан уй-рўзғор учун сув сақланадиган кўза, офтоба, хурма, гупи, хум, машрафа; овқатланиш учун ишлатиладиган пиёла, коса, товоқ, лаган; шунингдек, шамдон, гулдон каби рўзғор буюмлари; меъморчиликда сополак, кошин, қувур; айрим бадиий безак буюмлари майда пластик ҳайкалтарошлик асарлари ҳам тайёрланади. Сопол мустаҳкам ва

силлиқ бўлиши учун оловга чидамли оқ ёки қизғиш тупроқдан тайёрланадиган суюқликка – лоя (ангоб) га чайиб олинади, кейин соя жойда қуритиб, кейин хумдонда пиширилади. Сополни бадиий безатишнинг кўп усуллари мавжуд. Бўртма (релъеф ҳосил қилиб), ўйма нақш гуллар маҳсулот ҳўллигида, қирма гуллар маҳсулот лояга чайиб олингандан сўнг, сир гуллар эса хумдондан чиққандан кейин ишланиб, яна бир бор хумдонда пиширилади. Тоғ жинсларидан, шишадан тайёрлаб суриладиган сир сополга ёпишиб, уни ҳам чидамли, ҳам нафис қилади. Ўрта Осиёда, одатда, бадиий безакка хос сопол сирлангандан кейин амалга оширилади (тиниқ ёки нимранг сир устидан гул, баъзан расмлар ишланади), тамға (илгарилари шолғом, сабзи, қовоқ кабилар ўйиб тамға қилинган) ва чизма қириб чизилади. Ўрта Осиё кулоллигида феруза-зангори, тўқ кўк (кобальт), яшил (мис оксиди) сир кенг тарқалган. Ҳозирда аксарият ҳолларда қўрғошин сирлардан фойдаланилади. Сопол идиш ва буюмлар тайёрлашнинг кенг тарқалган икки усули мавжуд: 1) кулолчилик чархисиз, қўлда ишланган сирсиз сопол (Ўрта Осиёнинг тоғлик районларида асосан аёллар томонидан яратилган) 2) узоқ тараққиёт даврини бошдан кечирган, такомиллашган кулоллик чархи ёрдамида тайёрланадиган сирланган сопол маҳсулотлари (Зарафшон, Сурхондарё, Амударё, Фарғона, Ҳисор, Ҳоразм воҳаларида ривожланган бўлиб, асосан эркаклар шуғулланган). XX асргача яратилган сопол буюмларида асосан бадиий нафисликни таъминлашда ишқорли суркама – ишқорли лойдан фойдаланилган бўлса, кейинчалик бу усулдан фойдаланилмай қўйилди. Бу усулдан фақатгина Ғурумсарой кулоллари фойдаланишади. Бу суркама тиниқ бўлиб, баъзан унга қалай аралаштирилади, қалайли сирга қўшилган мис оксиди идишини яшилзангори тусга киритади. Сопол буюм ва идишларни безашда бўёқ сифатида металл оксидларидан фойдаланилади. Темир оксидидан қизил ва жигар ранг, марганец оксидидан қора ва пушти-гунафша ранг, сурма

оксидидан сариқ ранг, кобальт оксидидан кўк ранг, қалай қўшиб феруза ранг ҳосил қилади. Сопол буюмларни ишлаб чиқариш ва ишлов бериш Ўзбекистонда ҳам яхши ривожланган. Ўзбекистон тарихи давлат музейи Этнография фондида миллий сопол буюмлар коллекцияси мавжуд бўлиб, ушбу коллекцияги ноёб буюмнинг экспертизасини таҳлил қилиб чиқамиз. Сополдан ишланган “Шокоса” косасининг эксперт хулосаси Буюмнинг номланиши “Шокоса” коса сопол буюми Муаллиф Ислом уста Даврий санаси 1885 йил Ишланиш техникаси Кулолчилик чархида, қўл меҳнати орқали безак берилган Хом ашёси Сопол Ўлчамлари Баландлиги: 9,5 см, таг қисми айланаси 9 см, косанинг умумий айланаси (оғиз қисми) 26 см. Сони Бир дона Буюмнинг келиб чиқиш жойи, тарихи Ўра-Тепа шаҳри. Ушбу буюм суюқ овқатлар тановвул қилишда ва сут маҳсулотларини сақлашда рўзғорда фойдаланилган. Буюмнинг умумий тавсифи Сополдан ясалган “Шокоса” сопол буюми айлана шаклдаги тагликка эга бўлиб, тепага қараб кенгайиб борган. Буюмнинг ички ва устки қисмлари мовий ранг

қисман аралашган оқ рангдаги глазурь билан қопланган. Косанинг оғиз қисми тугалланишида мовий рангда ишланган тўлқинсимон нақшлар берилган. Майда тўлқинсимон нақшлар орасида ўсимликсимон нақшлар сачратма услубда жойлаштирилган.Ундан сўнг косанинг таг қисмига қараб жигарранг ва тўқ мовий рангдаги чизиқлар тортилган. Буюм клеймоси, алоҳида белгилари Косанинг таг қисмига қоғоз парчаси ёпиштирилган бўлиб, унда қора қалам билан “Усто Ислом ўттиз йил аввал ЎраТепада вафот этди” ёзуви қайд этилган. Сақланиши Таг ва юза қисмларида учган жой лари мавжуд. Махсус клеймо белгиларига эга асосий фарфор завод ва фабрикалар номи. Россия Император фарфор заводи. 1744-1917 йиллар. А. Попов заводи. 1806 -1875 йиллар. Франц Гарднер заводи. 1765-1891 йиллар. Ака-ука Корниловлар заводи. 1835-1917 йиллар. М.С. Кузнецова заводи. XIX аср бошларидан 1917 йилгача. Князь Юсупов заводи. 1814-1831 йиллар. Мезер фарфор фабрикаси. 1803 йилда асос солинган. Бармин фарфор фабрикаси. 1835-1939 йиллар. Дунашев фарфор фабрикаси. 1833 йилда асос солинган. Емельянов фарфор заводи. XIX аср бошларида асос солинган.

Гюнтер фарфор заводи. 1818-1870 йиллар. Иконников фарфор заводи. 1865-1874 йиллар. А. Киселев фарфор заводи. 1830 йилгача фаолият олиб борган. Исаев фарфор заводи. 1878-1917 йиллар. Карякин и Рахмоновлар фарфор фабрикаси. 1884-1994 йиллар. Костар фарфор фабрикаси. 1846 йилда асос солинган. Козлов фарфор фабрикаси. 1820 - 1856 йиллар. Кудинов фарфор фабрикаси. 1818-1885 йиллар. Петра Квартальнов фарфор фабрикаси. 1830 - 1860 йиллар. Граф Лубенск фарфор фабрикаси. 1840-1850 йиллар. Малахов фарфор заводи. 1863-1885 йиллар. Марков фарфор заводи. 1830 йилда асос солинган. Сафронов фарфор заводи. 1830 йилда асос солинган. Сипягин фарфор заводи. 1863 йилда асос солинган. Терехов-Киселев фарфор заводи. 1830- 1865 йиллар. Уваров фарфор заводи. 1820- 1852 йиллар. Храпунов фарфор фабрикаси. 1830-йилларда асос солинган. Зацепин фарфор фабрикаси. 1885-1898 йилларда асос солинган. Зайцев фарфор фабрикаси. 1840-йилда асос солинган. Н. Жадин фарфор фабрикаси. XVIII аср охирида асос солинган. Хитой (Номлар инглиз тилида келтирилади ( буюмларнинг клеймо қайдномаларида ҳам худди шу тарзда келтирилганлиги учун)). Hongwu (Hung Wu) 1368-1398 йиллар Мин сулоласи (Ming Dynasty). Yongle (Yung Lo) 1403-1424 йиллар Мин сулоласи (Ming Dynasty). Xuande (Hsuan Te) 1426-1435 йиллар Мин сулоласи (Ming Dynasty). Chenghua (Ch'eng Hua) 1465-1487 йиллар Мин сулоласи (Ming Dynasty). Hongzhi (Hung Chih) 1488-1505 йиллар Мин сулоласи (Ming Dynasty). Zhengde (Cheng Te) 1506-1521 йиллар Мин сулоласи (Ming Dynasty). Jiajing (Chia Ching) 1522-1566 йиллар Мин сулоласи (Ming Dynasty).

Longqing (Lung Ching) 1567-1572 йиллар Мин сулоласи (Ming Dynasty). Wanli (Wan Li) 1573-1620 йиллар Мин сулоласи (Ming Dynasty). Tianqi (Tien Chi) 1621-1627 йиллар Мин сулоласи (Ming Dynasty). Chongzhen (Ch'ung Cheng) 1628-1644 йиллар Мин сулоласи (Ming Dynasty). Shunzhi (Shan Chin) 1644-1661 йиллар Цинн сулоласи (Ch'ing Dynasty). Kangxi (K'ang Hsi) 1662-1722 йиллар Цинн сулоласи (Ch'ing Dynasty). Yongzheng (Yung Cheng) 1723-1735 йиллар Цинн сулоласи (Ch'ing Dynasty). Qianlong (Ch'ien Lung) 1736-1795 йиллар Цинн сулоласи (Ch'ing Dynasty). Jiaqing (Chia Ch'ing) 1796-1820 йиллар . Daoguang (Tao Kuang) 1821-1850 йиллар . Xianfeng (Hsien Feng) 1851-1861 йиллар . Tongzhi (T'ung Chin) 1862-1874 йиллар . Guangxu (Kuang Hsu) 1875-1908 йиллар . Xuantong (Hsuan T'ung) 1909-1911 йиллар . Hongxian (Hung Hsian) 1916 йиллар . Англия Боу (Bow) 1747-1776 йиллар . Дерби (Derby) 1750 йилдан . Челси (Chelsea) 1745-1748 йиллар . Вейджвуд (Etruria. Wedgwood&Sons Ltd.) 1759 йил . Минтон (Stok-on-trent. Minton Ltd.) 1793 йил . Копеланд (Stok-on-trent. W.T.Copeland&Sons Ltd.) 1797 йил . Бельгия Луис Кретте (Louis Crette) 1791-1803 йиллар . К . Кюне (Chretien Kuhne) 1787-1803 йиллар . Монплезир (Monufacture de Montplaisir) 1786-1790 йиллар . Турнее (Tournay) 1751 йиллардан – XIX аср охиригача .

Дания Қироллик мануфактураси. 1760 йилдан иш бошлаган. Бинг и Грондейл (M.H&J.H Bing - Frederik Grondahl). 1853 йилдан иш бошлаган. Финляндия. Арабия. Хельсинки. (Arabia). 1874 йилдан иш бошлаган. Франция. Шантили (Chantilly). 1725 йилдан - XIX аср охиригача. Винсен-Севр (Vincennes-Sevres). 1738 йилдан Германия. Ансбах (Ansbach). 1758-1860 йиллар Вегел мануфактураси (W.G. Wegeley). Берлин. 1751-1757 йиллар. Гоцковский мануфактураси (J.E.Gotzkowsky). Берлин. 1751-1757 йиллар Берлиндаги Қироллик фарфор мануфактураси. 1763-1918 йиллар. Франкенталь (Frankenthal). 1755 - 1800 йиллар. Фулда (Fulda). 1764 - 1790 йиллар. Фурстенберг (Furstenberg). 1747 йилдан. Хехст (Hochst). 1746 - 1798 йиллар. Дамм (Damm). 1827-1884 йиллар. Людвигсбург (Ludwigsburg). 1758 - 1824 йиллар Нимфенбург (Nymphenburg). 1753 йилдан. Машҳур фарфор клеймо белгилари

1834 йилда М.С.Кузнецов фарфор заводида ишлаб чиқарилган чинни буюмлар гарнитури Фарфор ва чинни буюмларда клеймоларнинг жойлаштирилиши

Адабиётлар рўйхати 1. Арсеньева Е.В. Старинные узорные ткани. - М., Искусство. 1999. 2. Борисов И.Б. Обработка дерева. - М., 1999. 3. Базен Ж. История истории искусства: От Вазари до наших дней. - М., 1995 4. БСЭ, «Советская энциклопедия», издание третье, в 30 т., -М., 1969-1978. 5. Вельфлин Г. Истолкование искусства. - М., 1922. 6. Вельфлин Г. Классическое искусство. - СПб., 1997. 7. Вёльфлин Г. Основные понятия истории искусств. - СПб., 1994. 235 с. 8. Виппер Б.Р. Введение в историческое изучение искусства. -М., 2004. 257 с. 9. Власюк В.Б., Каплун А.А. Стили в искусстве. -М., 1998. 10. Гринь А. В. Системные принципы организации объективной реальности. - М.: Изд-во МГУП, 2000. 11. Даниэль С.М. Картина классической эпохи. -Л., 1986. 12. Дворжак М. История искусства как история духа. -СПб., 2000. 13. Дмитриева Н.А. Краткая история искусств. -М., 2000. 578 с.

Похожие

Маданий бойликларнинг типлари ва турлари

Тасаввурдаги буюмлар билан хатти ҳаракатлар ва уни ҳис килиш

Кулолчилик

Халқ амалий безак санъати

Бадиий металлни экспертиза қилиш - музей тўпламларидаги, антиквар савдодаги мис ва унинг қотишмаларидан ясалган буюмлар