Бошланғич синфларда мусиқа ўқитишнинг мақсад ва вазифалари - Искусство - Рефераты

Бошланғич синфларда мусиқа ўқитишнинг мақсад ва вазифалари

Загружено в:

20.09.2019

Скачано:

0

Размер:

43.5 KB

Бошланғич синфларда мусиқа ўқитишнинг мақсад ва вазифалари Режа: 1. Бошланғич синфларда мусиқа ўқитишнинг мазмуни ва мақсади. 2. Бошланғич синфларда мусиқа ўқитишни вазифалари. 3. Ёш авлодни баркамол инсон қилиб тарбиялашда мусиқанинг аҳамияти. 4. Мусиқа маданияти дарсларига қўйилган замонавий талаблар.

Ёш авлодни ҳар томонлама етук қилиб тарбиялашда, мактабда ўқитиладиган барча фанлар қатори, нафосат тарбиясининг, таркибий қисми бўлган, мусиқа маданияти дарсларини аҳамияти катта. Мусиқа инсон ҳис- туйғуларини, орзу-истакларини ўзига хос бадиий тилда ифода этади ва боланинг ҳиссиётларига фаол таъсир кўрсатади. Мусиқа фани мактабда бошқа фанларни ўзлаштиришга ҳам бевосита таъсир кўрсатади. Мусиқа жонли санъат тури сифатида давр, ҳаёт, табиат ва инсон ҳис-туйғуларини, орзу-истакларини акс эттиради. Уни қувонтиради, ўйлайнтиради ва ҳаётдан озуқа олишга хизмат қилади. Миллий маданиятимиз бобокалони Абу Носир Ал-Фаробий айтганидек, «Бу фан тана соғлиғи учун фойдалидир». Бобомиз Шайх Саъдий «Мусиқа одам руҳининг йўлдошидир»- деган эди. Шундай экан, биз мусиқа ўқитишни, бошланғич синф ўқувчиларидан бошлашимиз лозим. Чунки, бошланғич синфда мактабда мусиқа таълимотини пойдевори қўйилади. Бошланғич мактабда мусиқа ўқитишнинг асосий мақсади - бошланғич синф ўқувчиларга мусиқа санъати гўзаллик қонунлари асосида ўрганиш малакасини сингдириш ва уларга мусиқа маданиятини таркиб топтиришдир. Бошланғич синфлардаги мусиқа маданияти дарслари, умумий таълимнинг аҳлоқий-эстетик тарбия бериш тизимининг ажралмас бир қисми бўлиб ҳисобланади. Дарсдан ташқари ташкил қилинадиган турли тадбирлар, тарбиявий соатлар, бошланғич синф ўқувчиларини, дунёқарашини шакллантиришда аҳамияти катта. Бошланғич синфларда мусиқа ўқитиш қўйидаги вазифаларни амалга оширишни мақсад қилиб қўяди: 1. Ўқувчиларда мусиқага иҳлос уйғотиш ва уларнинг мусиқий қобилиятларини ритм туйғусини ўстириш, мусиқий ўқув, хотира, диққат ва бадиий дидни шакллантириш; 2. Ўқувчиларда миллий мусиқа меросимизга ва у орқали Она-Ватанга муҳаббат ҳиссини тарбиялаш;

3. Ўқувчиларда бадиий ижодкорлик қобилиятини ўстириш. Ўқувчиларда гўзалликни кўра билиш ва ҳаётга гўзаллик олиб кириш қобилиятини ривожлантириш. Ўқувчиларнинг мусиқий ижодкорлигини таассуротини бойитишда, тасаввурларини кенгайтиришда мусиқа тинглаш фаолиятини аҳамияти катта. Мусиқа тинглаш дарсининг бошидан охиригача амалга ошади, чунки мусиқа маданияти дарсларининг барча фаолият турлари (қўшиқ куйлаш, мусиқий ритмик ҳаракатлар бажариш, мусиқа тинглаш) мусиқий товушларда вужудга келган оҳанг воситасида ифодаланади. Мусиқа маданияти дарслари бошланғич синф ўқувчиларини атрофдаги гўзал нарсаларни идрок эта олишга ва маънавий дунёқарашини шакллантиришга хизмат қилади. «Бошланғич таълим учун Давлат Таълим стандартлари» асосида барча фанлар қатори мусиқа фанидан ҳам дастур ишлаб чиқилди. Янги дастур мазмунида миллий мусиқамиз меросидан тўлақонли фойдаланиш, оммавий халқ куйлари ва қўшиқлари, лапар, достонлар ва бугунги замонавий мусиқа ўз аксини топган. Дастурнинг бош мавзуси «Мусиқа ва ҳаётдир» йил, чорак, дарс мавзулари, умумий мавзуга бўйсунади ва мантиқан узвий бирлашиб мазмунан бир бутунликни ташкил қилади. Бу бошланғич синф мусиқа ўқитувчисидан иш мазмунини янгилашни талаб этади. Янги дастур мазмунида дарс ўтиш учун, мусиқа ўқитувчиси ўзининг мусиқий-назарий билимларини такомиллаштириши лозим, чунки ўқувчиларнинг мусиқа дарсига бўлган қизиқишини ўстиришда ёш авлодни Ватанга муҳаббат руҳида тарбиялашда ва уларни маънавиятли, маърифатли қилиб вояга етказишда ўқитувчи етакчи бўлиб ҳисобланади. Барчага маълумки, ҳар қандай санъаткор ҳам мактабда мусиқа дарсини олиб боролмайди. Бошланғич синф мусиқа ўқитувчиси бўлиш учун ўз касбига ва болаларига меҳр қўйган юксак маданиятли кенг дунёқарашга эга бўлган шахс бўлмоғи лозим. У педагогика, психология, болалар физиологиясининг амалий соҳаларида чуқур билимга эга бўлмоғи лозим. Бошланғич синфларда мусиқа ўқитувчисининг фаолият миқёси кенгдир. Мусиқа маданияти дарслари билан

бирга у синфдан ташқари мусиқа тарбияси турларини ҳам ташкил этиши ва бошқариши лозим. Мактабда синфдан ташқари очиқ тарбиявий соатлар ўтказиш, мусиқа тарбиясининг оммавий ва тўгарак шаклларини олиб бориши, бошланғич синф ўқитувчиси зиммасидадир. Бунга «Мустақиллик байрами», «Билимлар куни», «Ўқитувчилар куни», «Алифбе байрами», «Янги йил», «Наврўз байрами», болалар шоирлари, санъаткорлар билан учрашувлар киради. Бугунги мустақиллик шароитида таълим муаммоларини ҳал қилишда бошланғич синф мусиқа ўқитувчиси замон билан ҳамнафас қадам ташлаб ахборот технологияси ва илғор педагогик технология малакаларини тўлиқ ўзлаштириш ва шулар асосида таълим-тарбия жараёнини ташкил этмоғи лозим.

Адабиётлар: 1. И.А.Каримов. «Баркамол авлод орзуси». Т. Ўзбекистон 1998 йил 2. М.О. Иномова. «Педагогика маърузалар матни» Т. 2000 3. Д.Ф.Омонуллаев ва бошқалар «Бошланғич таълим» Давлат Таълими Стандартлари дастури. Т. 1992 4. О. Шайхова. Инсон ва унинг маънавий дунёси Т. 1993 5. Д.Ф. Омонуллаев «Мактабда мусиқа тарбияси методикаси» лекциялари курс . Т.1990 йил. 6. М.О. Иномова. «Педагогика» маърузалар матни Т. 2000 йил О.Апраксина. «Методика музўкального воспитания в школе» Т.1992.

Похожие

Мусиқа ўқитиш методикасининг мақсад ва вазифалари

Мусиқа назарияси фанининг мақсад ва вазифалари

Тўртинчи синфда мусиқа ўқитишнинг мазмуни ва методикаси

Биринчи синфда мусиқа ўқитишнинг мазмуни ва методикаси

Бешинчи синфда мусиқа ўқитишнинг мазмуни ва методикаси