Бастакор Ю. Ражабий ҳаёти ва ижоди. (1897-1976) - Искусство - Рефераты

Бастакор Ю. Ражабий ҳаёти ва ижоди. (1897-1976)

Загружено в:

20.09.2019

Скачано:

0

Размер:

70.5 KB

Бастакор Ю. Ражабий ҳаёти ва ижоди. (1897-1976) Режа: 1. Бастакорнинг ё шлик ва ва талабалик йиллари. 2. Бастакор Ю. Ражабий таълим олган устозлари. 3. Бастакор Ю. Ражабийнинг 1923 - 1939 йиллар иш ва ижодий фаолияти. 4. Бастакор Ю. Ражабий куй басталаган мусиқали драмалар.

Ўзбекистон халқ артисти, Республика Давлат мукофоти совриндори, созанда, ҳофиз ва бастакор, академик Юнус Ража бий кўп қиррали ижодий фаолияти билан XX аср ўзбек мусиқаси тарихида теран ва ёрқин из қолдирди. У замонавий мусиқа ма даниятимиз равнақига, шунингдек, Ўзбекистон Бастакорлар уюшмасига тамал тошини қўйган санъаткорлардан биридир. Унинг мумтоз қўшиқ ва ашулалари, рақс куйлари, мусиқали дра малари, айниқса, ўзбек халқ мусиқа мероси намуналарини, хусусан мақомларни замонавий нотага ва аудио тасмаларга ёзиш даги хизматлари беқиёсдир. Юнус Ражабий ўзининг ҳаёти ва мусиқа санъатига кириб ке лишини «Ўзбекистон санъати» журналининг 1987 й. 3 - сонида босилган «Ўзим ва ҳамкасбларим ҳақида» эсдалик мақоласида шундай таърифлаган: «Мен 1897 йилнинг 5 январида Тошкент шаҳрида оддий боғбон, қассоб оиласида дунёга келдим. Отам Ражаб Саримсоқов қассоб касбига яраша серзавқ, довюрак одам э ди. Отамни Бешёғоч даҳасида танимайдиган киши бўлмаган. Онам Ойша Имомова уй бекаси эдилар. 1950 йили ёруғ дунёдан кўз юмдилар. Оиламизда мендан ташқари яна уч ўғил ва икки қиз бор эди. Отам мусиқа санъатнинг мухлиси эди. 1904 йили бўлса керак, маҳалламизда андижонлик Мирза Қосим ҳофиз яшарди. Унинг ва бошқа созандаларнинг санъатларини мижжа қ оқмай тинглар эдим. Уларга муқаллид бўлиб, кўпгина нарсаларни ўргандим. Шундай қилиб, болаликданок хонанда - ю созандалар даврасида ўсдим. Шу тариқа менда санъатга мойил лик уйғонди. Бирор соз бўлса чалсам, деб умид қилардим. Лекин созим йўқ э ди. Кунларнинг бирида тахтага от ёлини таранг тортиб, бир ас боб ясаб олдим. Уни чертиб юрдим. Буни кўрган акам менга кич кина дўмбира келтириб берди. Дўмбирани эртадан кечгача черта бердим. Буни кўрган Шукур акам бозордан бир дутор келти риб берди. Мирзақосим Ҳофиздан ва бошқа созандалардан эшит ган куйларни мана шу дуторда машқ қила бошладим. Шу пайт ларда акам Рисқи Ражабий яхшигина танбурчи эди. Дуторим билан пинжига кириб олиб, унга жўр бўладиган бўлдим. Машҳ ур ҳофиз Мулла Тўйчи Тошмуҳамедов билан улкан санъаткор Шораҳим Шоумаровлар боғ қўшнимиз

бўлиб, улар ҳафтада икки - уч марта чойхонада ҳофизлик қилишарди. Шу йиғинларда улардан мақом ҳамда халқ ашулаларини ўргана бошладим. Бу орада 7 ёшимдан эски мактабда ўқидим. 1910 йилда уни тугатиб, мадрасада уч йил таҳсил кўрдим. Бу ерда ўзбек шеъри яти дурдоналари билан кўпроқ танишишга ҳаракат қилдим. Отам кексайиб қолган, рўзғоримиз танг. Ёшим 13 - 14 ларда, ота касбимнинг этагидан тутиб, қушхонага бордим, шу касбда 1917 йилгача ишладим. Лекин, мусиқа машқларимни тўхтатмадим. Тошкентнинг Шайҳонтоҳур, Кўмирсарой ва бошқа ерларида халқ сайиллари бўлиб турарди. Куз пайтлари эса ҳар жума Зан гиота ва Тирсакда ўтказиладиган сайиллар ҳам гавжум бўлар ди. Бу халқ йиғинларига тошкентлик санъаткорлар билан бир қаторда Самараканд, Бухоро, Андижон, Марғилон, Наманган, Қ ўқон ва бошқа шаҳарлардан таниқли ашулачи, чолғучи, аски ячи, дорбоз, масхарабоз, рақослар қатнашарди. Ана шундай йиғинларда халқдан кўп нарса ўргандим. Кейинчалик «Ўзбек халқ мусиқаси» тўплам китобимга кўпгина халқ қўшиқлари, чолғу куйларини киритганман. 1913 йили отам вафот этгач, оиламиз моддий томондан қийналган лиги сабабли 1914 - 1915 йилларда Чимкент қушхонасида ишладим. Бу ерда машҳур санъаткорлар Султонхон, Қурбон хон, Имомхон, Ҳошимхон Ҳакимовлар билан танишдим. Бу ака - укалар орасида Илҳомхон най чалар эди. Ундан най чалишни ўргана бошладим. Кунларнинг бирида чойхонада най чалиб ўтир ган эдим, машҳур Абдуқодир найчи кўриб қолдилар. Танишиб қолдик. Кўп ўтмай у киши менга Фарғонадан ғоров най келти риб бердилар. Шу билан бирга нафас олиш, пуфлаш, товуш чиқар иш, куйларни маҳорат билан чалиш сирларини ўргатдилар. Устозларимнинг репертуарларини мукаммал ўрганиб, етук со занда ва хонанда бўлиб, 1916 йилда Чимкентдан қайтдим. Шу йили машҳур мусиқачи ва ашулачи Шораҳим Шоумаровга шо гирд тушиб, у кишидан таълим олдим. Устозим шу йили акам танбурчи Рисқи ва мен найчи - дуторчи, хонанда Ражабийлар, ка мончи Имомжон Икромов, доирачи Шожалиловлардан иборат ансамбл тузиб, репертуаримизни бойитиб халқ даврасига чиқа диган бўлдик. Бизнинг гуруҳимизни тўй - томоша, гап, хилма - хил маъракаларга чақирадиган бўлишди ва ҳурмат - эътиборимиз кўтарилиб кетди. 1914 йилда бошланган

биринчи жаҳон уруши халқимиз бошига кўп мушкулликлар келтиришига қарамасдан, биз санъаткорларни авайлаб, эъзозлашарди. 1918 йили Тошкентда «Туркистон халқ консерваторияси» ташкил топди. 1919 йили эса композитор В.Успенскийнинг ташаббуси билан Баланд масжид, Роҳат боғида мазкур консерва ториянинг бўлими очилди. Бу бўлим мусиқа техникуми деб ҳам аталар эди. Бу ўқув юртига менга ўхшаган ёшларни қабул қилишди. Бизга ҳофиз Шораҳим Шоумаров, танбурчи Шоба рот ака, доирачи Шожалил ака, доирачи Абдусоат Ваҳобов, чангчи Исмат ака, ғижжакчи Қурбонхон Ҳакимов, найчи Имом жон Ҳакимовлар устоз - домлалик қилишар эди. В. И. Успенский э са нота ёзуви ва мусиқа назариясидан, Саодатхоним Енекеева пианино чалишдан дарс беришар эдилар. Шу даврда Успенс кий устозларимиздан ўзбек мусиқаси билан танишишга ва уни ёзиб боришга киришди. У Шоумаров билан биринчи йил бирга ишлади ва бунинг натижасида чормақомдан анчагина қисмини нотага ёзиб олди. 1922 йили улуғ шоир Алишер Навоийнинг «Фарҳод ва Ши рин» достони асосида (шоир Ш.Хуршид пъесаси) яратилган мусиқали драма, аввал «Намуна» мактаб саҳнасида, кейин ўзбек давлат театрида ўйналди. Бу спектаклдаги классик халқ мусиқасининг асосий куйларини Шораҳим Шоумаров билан мен ишлаган эдим. 1923 йили ўқишни битирдим ва акам Рисқи Ражабий, ғижжакчи Имомжон Икромов, чангчи Исмат ака га мусиқа мактабига муаллим бўлиб бордик. 1924 йилнинг августида тошкентлик машҳур ҳофиз Мулла Тўйчи билан ғиж жакчи Солихон ҳожи Самарқандга келишди. Ҳожи Абдулазиз Абдурасулов билан учрашишди. Бухорода Бухоро Шашмақомини мукаммал билувчи машҳур ҳофиз Ота Жалол Носиров, танбурчи Ота Ғиёс Абдуғаниев ҳамда Уста Шоди Азизовлар билан танишдим. Ҳожи Абдулазиз бобони, Регистон яқинидаги ҳовлисида мен Рисқи акам, Имомжон билан тўрт йил турдик, соз чалдик, ашула - қўшиқ айтдик. Ҳожи бобонинг ашула йўлларини ўргандик. Ҳожи бободан, Левича Бобохоновдан, Бухорода эшитганимиздан ташқари, Бухоро «Шаш мақоми» ни шу ерда тушуниб ва ўргана бошладик. Бир сўз би лан айтганда уларга шогирд тушдик. Устозлар раҳбарлигида чала билган асарларни кўп маротаба

қайтарардик, меъёрига етгунча машқ қилдирар эдилар. Шундай қилиб, биз улардан «Бузрук», «Ироқ», унинг таснифлари, қашқарчалари, «Уш шоқ» ва унинг бир неча турларини, «Гулузорим», «Бебоқча», «Бозургоний», «Гуллар боғида» ва Шашмақомнинг кўп бўлим, қисмларини ўргандик. 1925 - 1926 йилларда Самарқанд мусиқали драма театрида мусиқа раҳбари бўлиб ишладим. «Абдулфайзхон», «Ёрқиной», «Па даркуш» каби драмалар қўйилди, уларга мусиқа басталадим. Шу орада «Фарҳод ва Ширин» ҳам Самарқандда қўйиладиган бўлиб қолди, мусиқасини қайта ишлаб бердим. 1926 йилда «Лай ли ва Мажнун» (Ш.Хуршид пъесаси) мусиқали драмасига мусиқ а басталадим. 1926 йили умр йўлдошимнинг вафоти сабабли Тошкентга қайтиб келдим. Тошкент радиоузелида радиостанция 1927 йили тузилди. Биз ҳар куни шу ерда ярим соатдан концерт бериб турдик. Кейинроқ шу ерда 12 кишилик ансамбл ташкил топди. Ан самбл таркиби борган сари кенгайиб бораверди. Машҳур санъаткорлардан Шораҳим Шоумаров, Мулла Тўйчи Тошмуҳамме дов, Домла Ҳалим Ибодов, Имомжон Икромов, Ҳожи Абдураҳ мон Умаров, Сафо Муғанний, Матюсуф Харратов (Чокарий), Анвар Ражабий, Назира Аҳмедова, Марям Алишаевалар ансамблимизнинг дастлабки йилларидаги аъзолари эди. 1935 йилларга бориб ансамблимиз сони 40 тага етди ва мен уларга бевосита раҳбарлик қилдим. 1934 йили уч ой Москвадаги малака ошириш курсида, сўнгра Тошкент консерваториясининг тайёрлов курсида Имомжон Ик ромов билан биргаликда сабоқ олдик. 1937 йилда Москвада ўтадиган биринчи Ўзбекистон санъати ва адабиёти декадасига тайёргарлик бошланди. Декадага атаб «Ёлғиз» (катта ашула), «Энди сендек» ва «Ҳаммамиз» куйлари асосида уч қисмдан иборат сюита яратдим ва ижро этилди. Ол тин соат билан мукофотландим. 1938 йили Бастакорлар уюшмаси ташкил топди. Мен эса аъзолика қабул қилиндим. Бу ташкилот бастакор ва мусиқашунослар ҳамда менинг тақдиримда ва республикамиз мусиқий маданиятини ривожлантиришда беқиёс рол ўйнаб келмоқда. 1939 йилда Ўзбекистонда ўттиз ижрочидан иборат биринчи хотин - қиз дуторчилар ансамбли тузиш ҳукумат томонидан ме нинг зиммамга ва

Лутфихоним Саримсоқовага топширилди. 1939 йилда ҳаётимда шу унутилмас воқеа содир бўлди. Ҳукуматимиз кўп йиллик меҳнатимни муносиб тақдирлаб, менга «Ўзбекистон да хизмат кўрсатган санъат арбоби» деган фахрий унвон бер ди ва «Шавкатли меҳнат учун» медали билан тақдирландим. Билимимни ошириш учун 1941 йил бошида Москвага малака ошириш курсига Имомжон Икромов, Муҳаммадазиз Ниёзовлар билан бордик. Профессор Г. И. Литинский, В. Виноградов, санъ атшунослик фанлари доктори В. А. Цукерман, профессор В. М. Беляевлардан таълим ола бошладик. Фавқулодда бошлан ган Иккинчи Жаҳон уруши ўқишни давом эттиришимга тўсиқлик қилди. Тошкентга қайтиб Янгийўл шаҳридаги Тошкент вилояти мусиқали драма ва комедия театрида мусиқа раҳбари бўлиб ишлай бошладим. 1945 йили 9 майда уруш бизнинг ғалабамиз билан тугагандан сўнг, ҳокимият раҳбарлари мени яна Радио ансамблига раҳбар қилиб тайинлашди. 1948 йили мусиқа санъати тарихида анчагина жиддий ғоявий тортишувлар рўй берди. Яъни халқимизнинг асрлар давомида эъзоз ланиб келинаётган, миллий ғоялар билан суғорилган Шашмақом , Фарғона - Тошкент мақомлари, Хоразм мақомлари «Сарой мусиқаси» деб, ижро этилишлари тақиқлаб қўйилди. 1953 йил да эса радионинг Ўзбек халқ чолғу асбоблар оркестрини тарқатиб юбордилар. Ўзбекистон радио мусиқа эшиттириш таҳририяти фаолияти беш йилга яқин радио карнайларидан эшиттириш лар ва концертларда Ўзбекистон Марказий Комитетининг кўрсат масига асосан дастурлар тузиладиган бўлди. Яратганга минг шукур. 1956 йилдан бошлаб маънавиятимизда бир оз бўлсада э ркинлик пайдо бўла бошланди. 1957 йили радиода Ўзбек халқ чолғу асбоблар оркестрини қайтадан тиклаш учун топшириқ бўлди. Мен оркестрга бадиий раҳбар, Дони Зокиров бош дирижёр қилиб тайинланди. 1958 йилдан эса мақомчилар ансамбли менинг раҳ барлигимда ишлай бошлади. Халқ мусиқа меросининг дурдоналарини кўпдан буён тўплаб нотага ёзиб олаётган эдим. 1947 йилдан эътиборан қайта сайқал бериб, нотага тушира бошладим. 1955 йилда «Ўзбек халқ мусиқ аси»нинг биринчи томи санъатсевар халқимиз қўлига бориб етди. Бора бора, келгуси 1957 - 1959 йилларда мусиқашунос И. Ак баров таҳририда яна тўрт жилди нашр этилди.

Кейинги 60 - 70 йилларда Шашмақомнинг олти томлиги, ҳар бир олти мақом алоҳида - алоҳида мусиқашунос Ф. Кароматов таҳририда нашр этилди. Ўзбекистон радио эшиттириш ва телеви дение Давлат комитети қошидаги мақом ансамбли ижросида Шашмақомнинг ашула бўлимига кирган барча шўъбаларини шо гирдларимга ўргатиб, улар ижросида магнит ленталарига, плас тинкаларга кўчиришга муваффақ бўлдим. Бу муракаб ишни амалга оширишда мақом ансамблининг заҳматкашлари: ансамблнинг мусиқа раҳбари, Ўзбекистонда хизмат кўрсатган санъат арбоби Фахриддин Содиқов, Ўзбекистон халқ артистлари Ком муна Исмоилова, Берта Довидова, Ўзбекистон халқ ҳофизлари Ортиқхўжа Имомхўжаев, Ориф Алимахсумов, Ўзбекистонда хиз мат кўрсатган артистлар Карим Мўминов, созандалардан Ориф Қ осимов, Зокиржон Содиқов, Ишоқ Қодиров, Илҳом Тўраев, Турғун Алиматов, Умаржон Отаев, Дадахўжа Соттихўжаев ҳам да Ғайбулла Саъдуллаевлар мен билан ёнма - ён туриб ҳормай - толмай меҳнат қилишди». 1920 - 1940 йилларда Ю.Ражабий ҳар хил мавзуларда, клас сик ва замонавий ўзбек шоирларининг шеърларига ашула, қўшиқлар, марш, хор қўшиғи, куйлар яратишдан бошлаб унинг «Фаб рика ялласи» (К. Ҳошимов сўзи), «Даврон - даврон» (Ғайратий сўзи), хор: «Яшнади» (М. Ғани сўзи), «Сирдарё» (А. Камтар сўзи), «Ҳаммамиз» (Жипак сўзи), «Ғалаба» (Миртемир сўзи), «Ўзбеки стон» (А. Камтар сўзи), «Кахрамон» (Ғайратий сўзи), «Пахта» (А. Қодиров сўзи), «Ватан» (А. Муҳаммадхон сўзи), каби жуда кўп қўшиқларлари радио тўлқинларида янграб тез орада оммалашиб кетди. Булар қаторида «Гулбоғлар», «Мирзачўлда тўй», «Қаҳрамон лар марши», «Халқлар дўстлиги» каби оммавий қўшиқ лар ўзбек халқ қўшиқларининг тузилишига яқин бўлсада, улар оҳанг жиҳатидан оригиналлиги билан ажралиб туради. Шулар қатори бастакор яратган «Соғинганман», «Ёр келди», «Келдинг», «Мунча ҳам», «Кошки», «Жудо», «Ишқ», «Мустазод», «Ҳаж рингда», «Гул сочар», «Раъноланмасун» каби қатор лирик ашулалари хонандалар томонидан севилиб ижро этилиб келмоқда. Ю. Ражабий ижодида театр учун мусиқа басталаш муҳим ўрин тутди. У Самарқанд театрида ишлаган пайтларида юқорида қайд қилинган саҳна

асарлардан ташқари, 1932 йили Умаржон Исмо илов билан ҳамкорликда 1934 йили «Рустам» номли мусиқали драмани яратиб, кейинчалик яна қуйидаги саҳна асарларга мусиқ а басталади: 1934 й. «Аваз» (А. Ҳидоятов пъесаси), 1941 й. «Қасос» (А. Умарий ва Туйғун пъесалари, мусиқасини ёзишда Б. Надеждин ҳамкорлик қилган). Композитор Н. Миронов билан биргаликда 1942 йили «Қўчқор Турдиев» (С. Абдулло ва Р. Ғуло мов пъесалари), 1943 йили «Нодира» (Л. Қосимов пъесаси), Г. Му шель ҳамкорлигида 1944 йили «Муқанна» (Ҳ. Олимжон пъесаси) ва 1944 йили «Фарҳод ва Ширин» (К. Яшин пъесаси), 1968 йили композитор Сайфи Жалил билан ҳамкорликда «Алишер Навоий Астрободда» (И. Мақсумов пъесаси), 1964 йили С. Юдаков ва Б. Зейдманлар билан ҳамкорликда «Ўғил уйлантириш» (Ҳ. Ғулом пъесаси) мусиқали драмаларини яратди. Шу билан бирга қуйидаги драма спектаклларига мусиқа басталади: 1938 йили «Бой ила хизмат чи», 1939 йили «Холисхон» (Ҳамза асарлари) ва қуйидаги радио постановкаларга ҳам мусиқа басталади: 1935 йили «Навоий», 1936 йили «Муқимий», 1938 йили «Фурқат» ва 1938 йили «Лола». 1957 йили Ўзбекистон халқ артисти, композитор Толибжон Содиқов, Борис Зейдман ҳамкорлигида яратилаётган «Зайнаб ва Омон» (Зулфия либреттоси асосида) операси, Т. Содиқовнинг бевақт вафот этганлиги сабабли операни Ю. Ражабий, Д. Зоки ров ва Б. Зейдманлар билан 1958 йили охиригача етказилди ва ўша йили асар А. Навоий номидаги опера ва балет катта акаде мик театрида саҳна юзини кўрди. Ю. Ражабий мусиқанинг бошқа жанрларида ҳам қатор асар лар яратди. Масалан: Б. Надеждин билан «Пахта» номли сим фоник оркестр учун рақс сюитаси, «Фарғонача» сюитаси ва «Се гоҳ» симфоник пъесаси, ўзбек халқ чолғулари ансамбли учун «Рақс», шоир Фурқатнинг шеърига басталаган «Найлагай ман», «Тонг насими» ва «Юзинг ойдек» номли уч қисмли во кал - симфоник сюита ва ўзбек чолғулари ансамблига бир талай куйлар басталади. Юнус Ражабий Ўзбекистон мусиқа маданиятини ривожланти ришда улкан хизматлари учун қатор орден ва бир неча медаллар билан тақдирланган. 1939 йили унга «Ўзбекистонда хизмат кўрсатган санъат арбоби», 1953 йили

«Ўзбекистон халқ артис ти» фахрий унвонлари берилган. 1966 йили Ўзбекистон Фанлар Академиясига ҳақиқий аъзо этиб сайланган. Устоз санъаткор Юнус Ражабий Ўзбекистон мусиқа мадания тига, халқига бир умр сидқи дилдан ҳалол хизмат қилиб, тириклигидаёк ўзига ҳайкал қўйган мумтоз санъаткордир. Жиззах ви лоят мусиқали драма театри, Тошкент педагогика коллежи, Тошкент метроси бекати, Тошкентнинг кўчаларидан бири ва ўзи асос солган Ўзбекистон радиоси «Мақом ансамбли» унинг номи билан аталади. Юнус Ражабий уй - музейи фаолият кўрсатмоқда.

Адабиётлар: 1. Музыкально- энциклопедический словарь. Москва. 1990 г. 2. Ф.Кароматов. Вопросы музыкознания (материалы симпозиума) 1980 г. 3. А.Жабборов.Т.Соломонова.Композиторы и музыковеды Узбекистана.Ташкент. 1975. 4. А.Жабборов. Ўзбек бастакор ва мусиқашунослари. Тошкент.2004. 5. Ю.Ражабий. И. Акбаров. Ўзбек халқ мусиқаси тарихи, (Ўқитувчи). 1981 йил. 6. Т.Қиличев. Хоразм халқ театри.

Похожие

Юнус Ражабий (1897-1976)

Бастакор Ф. Содиқовнинг ҳаёти ва ижоди (1914-1977)

Бастакор Тўхтасин Жалиловнинг(1896-1966) ҳаёти ва ижоди

Бастакор Матюсуф Харратов (Чокар) ҳаёти ва ижоди. (1889-1953)

Композитор С. Хаитбоевнинг ҳаёти ва ижоди. (1926-2000)