Yer sirtining issiqlik rejimi - Сельское и лесное хозяйство - Рефераты

Yer sirtining issiqlik rejimi

Загружено в:

20.09.2019

Скачано:

0

Размер:

97.5 KB

Yer sirtining issiqlik rejimi Reja: 1. Tuproqning isishi va sovishi jarayonlari. 2. Tuproqning issiqik sig‘imi va issiqlik o‘tkazuvchanligi. 3. Tuproq haroratini o‘lchash. 4. Tuproq yuzasi haroratining sutkalik va yillik o‘zgarisi. 5. Tuproqning pastki qatlamlariga issiqlikning ko‘chish qonunyatlari. 6. O‘rmon qoplami tagidagi tuproq harorati.

1. Quruqlik sirtiga tushgan quyosh radiasiyasining bir qismi undan qaytib atmosfera va kosmik fazoga tarqaladi, quruqlik sirtida yutilgan qismi esa issiqlikka aylanadi. O‘z navbatida bu issiqlikning bir qismi yerga yaqin havo qatlamini, o‘simliklarni isitishga va tuproqning yuza qatlamidagi suvni isitishga sarflanadi. Yutilgan issiqlikning qolgan qismi esa tuproqning pastki qatlamlariga uzatiladi. (tuproq yuzasining harorati pastki qatlamlarning haroratidan yuqori bo‘lganda). Biror joyga tushuvchi quyosh radiasiyasining miqdori sutka va yil davomida o‘zgarib turadi. Shuning uchun ham o‘sha joydagi tuproqning isish darajasi quyoshning ufqdan balandligiga, joyning geografik kengligiga, relefiga, o‘simliklar bilan qoplanish darajasiga, yil fasllariga bog‘liq ravishda o‘zgarib boradi, ba’zan bu o‘zgarish juda keng chegarada amalga oshadi. Yer sirtining harorat rejimi asosan radiasion balansga, ya’ni tushgan quyosh radiasiyasining miqdoriga, joyning albedosiga va samarali nurlanishiga bog‘liq. Musbat radiasion balansda tuproqning ustki qatlami isiydi, bunda yutilgan issiqlikning bir qismi pastki qatlamlarga uzatiladi. Agar radiasion balans manfiy bo‘lsa, tuproqning yuza qatlami soviydi, bunda issiqlik tuproqning ichki qatlamlaridan tuproq yuzasiga uzatiladi. Natijada tuproqning (pastki) ichki qatlamlari soviydi. Umuman, tuproq sirtida joylashgan yupqa qatlam bilan pastki qatlamlar orasida issiqlik almashinish uzluksiz davom etadi. Bunday issiqlik almashinish asosan molekulyar issiqlik o‘tkazuvchanlik yo‘li bilan amalga oshadi. Tuproqdagi issiqlikning uncha ko‘p bo‘lmagan qismi Erning ichki qismidagi qatlamlaridan ko‘tariladigan issiqlikdan va yerning qattiq qoplami (litosfera)ning yuqorigi qismlarida kechadigan kimyoviy reaksiyalar va biologik jarayonlar natijasida hosil bo‘ladi. Organik moddalar (go‘ng, o‘simlik qoldiqlari, har xil chirindi kabilar) ning chirishidan ajraladigan issiqlik juda oz miqdorda bo‘ladi. Tuproqning isishida yuza qatlamdagi suv bug‘ining kondensasiyasida ajralgan issiqlik juda oz bo‘lsa-da ahamiyatga ega. Bundan tashqari yer qobig‘ining ustki qatlamlaridagi tabiiy

radioaktiv moddalarning emirilishidan ajraladigan issiqlik tuproqni juda kam darajada isitadi. Tuproq yuzasi yerning uzun to‘lqinli nurlanishidan, sovuq havo massalarining kirib kelishi natijasida soviydi. 2. Tuproqning harorat holati, isishi va sovishi kabi jarayonlarga yer yuzasining xususiyatlari bilan bir qatorda tuproqning issiqlik sig‘imi va issiqlik o‘tkazuvchanligi ham ta’sir qiladi. Tuproqning issiqlik sig‘imi – uning issiqlikni yutish qobiliyatini bildiradi. Tuproqning issiqlik sig‘imi ikki xilda bo‘ladi: Tuproqning solishtirma issiqlik sig‘imi s Tuproqning hajmiy issiqlik sig‘imi s h 1 kg quruq tuproqni 1 0 S ga isitish uchun kerak bo‘lgan issiqlik miqdoriga tuproqning solishtirma issiqlik sig‘imi deyiladi. Uni ko‘pincha J/kg 0 S birlikda o‘lchanadi. Tuproqshunoslik fanida esa tuproq solishtirma issiqlik sig‘imini kal/g. 0 S birlikda o‘lchash keng tarqalgan. 1 m 3 quruq tuproqni 1 0 S ga isitish uchun kerak bo‘lgan issiqlik miqdoriga tuproqning hajmiy issiqlik sig‘imi S h deyiladi. Hajmiy issiqlik sig‘imini J/m 3 . 0 S birlikda o‘lchanadi. Tuproqshunoslikda s h ni ko‘pincha kal/sm 3 . 0 S birlikda o‘lchanadi. Tuproqning hajmiy va solishtirma issiqlik sig‘imlari o‘zaro quyidagicha munosabatda bog‘langan: s h =s·r…………………………… (12) bu erda: r-tuproq qattiq fazasining zichligi. Demak, tuproq solishtirma issiqlik sig‘imini, tuproq qattiq fazasining zichligiga ko‘paytirib, tuproqning hajmiy issiqlik sig‘imini hisoblash mumkin. Tuproqning solishtirma issiqlik sig‘imini kalorimetr yordamida aniqlanadi. Tuproqning issiqlik sig‘imi uning mineralogik va mexanik tarkibiga, organik moddalar miqdoriga, tuproqning g‘ovakligi va tuproqdagi havo miqdoriga bog‘liq (4-jadval) . 4-jadval Tuproq tarkibiy qismlarining issiqlik sig‘imlari.

Issiqlik sig‘imi Solishtirma (kal/=· 0 S) Hajmiy (kal/sm 3 · 0 S) Кvarsli qum 0,196 0,517 Loy 0,233 0,577 Torf 0,477 0,611 Suv 1,000 1,000 Кvars 0,198 0,534 Havo 0,24 0,0003 Yuqoridagi jadvaldan ko‘rinadiki, suvning issiqlik sig‘imi tuproqdagi mineral va organik moddalarnikidan katta. Amaliyotda tuproqning hajmiy issiqlik sig‘imini aniqlash keng qo‘llaniladi. Hajmiy issiqlik sig‘im esa tuproq g‘ovaklarining suv yoki havo bilan to‘lishi darajasiga bog‘liq. Havoning hajmiy issiqlik sig‘imi 0,0003 kal/sm 3 · 0 S ga, suvning hajmiy issiqlik sig‘imi esa 1 kal/ sm 3 · 0 S ga teng. Demak, suvning hajmiy issiqlik sig‘imi havonikidan 3000 marta katta. Shuning uchun tuproqda suvning borligi uning hajmiy issiqlik sig‘imini orttiradi yoki tuproq namligi ortishi bilan uning hajmiy issiqlik sig‘imi ham kuchayadi. Tuproqda havo qancha ko‘p bo‘lsa,uning hajmiy issiqlik sig‘imi shuncha oz bo‘ladi.Shuning uchun nam tuproq quruq tuproqqa qaraganda sekin qiziydi va sekin soviydi. Quruq tuproq tez isiydi va tez soviydi. Suv isishda ko‘p issiqlik yutadi va sovishda esa ko‘p issiqlik ajratadi.Shuning uchun ham qishda uylar va himoya qilingan tuproq inshootlarini issiq suv bilan isitiladi. Bahor oxirlarida qora sovuqlar tushish xavfi bo‘lganda dehqonlar ekinlarni sug‘oradilar. Suv sovishda ajralgan issiqlik hisobiga ekinlar orasi va tepasidagi

havo 1-2 0 S ga isib, ekinlarni qisqa mudatli qora sovuqlardan himoya qilish mumkin. Tuproqning issiqlik o‘tkazuvchanligi. Tuproqning ko‘proq isigan qatlamlaridan kamroq isigan qatlamlariga issiqlik uzatish xossasiga uning issiqlik o‘tkazuvchanligi deyiladi. Issiqlik o‘tkazuvchanlik o‘lchovi bo‘lib issiqlik o‘tkazuvchanlik koeffisienti  xizmat qiladi. Qalinligi 1 m bo‘lgan qatlam chekkalaridagi haroratlar 1 0 S ga farq qilganda, qatlamning 1 m 2 yuzidan 1 s davomida o‘tadigan issiqlik miqdori, shu qatlamning issiqlik o‘tkazuvchanlik koeffisienti  ga teng bo‘ladi. Tuproqning issiqlik o‘tkazuvchanligi uning mineralogik tarkibiga, tuproqdagi organik moddalarning miqdoriga hamda suv va havoning hajmiy ulushlariga bog‘liq. Tuproqda suv va havolarning o‘zaro munosabati uzluksiz o‘zgarib turganligi uchun  ham vaqtga nisbatan o‘zgaradi. Tuproq namligining dala sharoitida uchrab turadigan chegaralarida namlik o‘zgarishi bilan hajmiy issiqlik sig‘im 3-4 marta o‘zgarsa, tuproq namligining xuddi shu chegaralarida aynan shu vaqtda  esa 100 martadan ham ortiq o‘zgarishi mumkin. Issiqlik sig‘imdan farqli ravishda issiqlik o‘tkazuvchanlik tuproqni tashkil etuvchi fazalar va komponentalarning hajmiy ulushlarigagina bog‘liq bo‘lmasdan, balki tuproq elementar zarrachalarining o‘lchamlari, shakli va fazoviy joylashishiga ham bog‘liq. Bunday holat tuproqda issiqlik uzatishning qaysi usulda ro‘y berayotgani bilan bog‘liq. Tuproqda issiqlik almashish molekulyar issiqlik o‘tkazuvchanlik, konveksiya, nurlanish usullari bilan amalga oshib, ular orasida hal qiluvchisi molekulyar issiqlik o‘tkazuvchanlikdir. Issiqlik o‘tkazuvchanlik koeffisienti J/m.s.  S=Vt/m.  S. va kal/sm. s.  S birliklarda o‘lchanadi. Tuproq tarkibiy qismlarining issiqlik o‘tkazuvchanlik koeffisientlarining qiymatlari quyidagi jadvalda ko‘rsatilgan. jadval. Tuproq tarkibiy qismlarining issiqlik o ‘tkazuvchanliklari

Modda Issiqlik o‘tkazuvchanlik koeffisienti (Bm/m  C) Qum va loy Torf Tuproq havosi Tuproq suvi 0,84-1,26 0,84 0,02 0,50 Tuproq havosining issiqlik o‘tkazuvchanlik koeffisienti suvnikidan qariyb 25 marta kam. Shuning uchun tuproq namligi ortgan sari issiqlik o‘tkazuvchanligi ham orta boradi. G‘ovakliklari havo bilan to‘lgan quruq tuproqning issiqlik o‘tkazuvchanligi juda kam bo‘ladi.Shuning uchun g‘ovak tuproq kunduzi zich tuproqqa qaraganda ko‘proq isiydi.Zich tuproqdan (havosi kam bo‘lgani uchun) issiqlik ichki qatlamlarga yaxshi uzatiladi, shuning uchun kam isiydi. Haydalgan erning yuzasi kunduzi haydalmagan ernikidan ko‘proq isishining sababi ham shunda. К echasi esa haydalgan (g‘ovak) erning yuzasi haydalmagan (zich) er yuzasidan sovuqroq bo‘ladi. Chunki g‘ovak tuproq qatlami, ichki qatlamlardan kelgan issiqlikni tuproq yuzasiga juda yomon o‘tkazadi, shu sababli kechasi g‘ovak tuproq yuzasi sovuq bo‘ladi. Zich tuproqda esa kechasi ichki qatlamlarning issiqligi tuproq yuzasi tomon yaxshi o‘tadi. Shuning uchun zich tuproq kechasi g‘ovak tuproqqa nisbatan iliqroq bo‘ladi. Tuproq muzlaganida issiqlik o‘tkazuvchanligi ortadi. Chunki, muzning issiqlik o‘tkazuvchanlik koeffisienti suvnikidan 4 marta oshiq. Qor qoplamining issiqlik o‘tkazuvchanligi juda kam. Qor qoplamining o‘rtacha zichligi 0,2-0,3 g/sm 3 bo‘lganda qorning issiqlik o‘tkazuvchanlik koeffisienti tuproqnikidan 10 martacha kam bo‘ladi. Qishloq xo‘jaligi uchun qor qoplamining ahamiyati katta. Qor qoplami kuzgi g‘alla ekinlarini va ko‘p yillik o‘tlarni qishda muzlashdan saqlaydi.

3. Tuproq haroratini o‘lchash uchun ko‘pincha suyuqlikli (simobli, spirtli), termoelektrik va qarshilik elektr termometrlari qo‘llanadi. Biz ular orasidan suyuqlikli termometrlargagina to‘xtalamiz. Tuproq yuzasining kuzatish muddati (biror aniq vaqt payti) dagi haroratini o‘lchash uchun muddatli termometr TM-3, tuproq yuzasining kuzatish muddatlari oralig‘idagi eng yuqori haroratini o‘lchash uchun maksimal termometr TM-1, tuproq yuzasining kuzatish muddatlari oralig‘idagi eng past haroratini o‘lchash uchun minimal termometr TM-2 lar ishlatiladi. Agrometeorologik o‘lchashlarda eng ko‘p ishlatiladigan termometr muddatli psixrometrik termometrlardir. Barcha suyuqlikli termometrlar kabi psixrometrik termometr ham uchta asosiy qismdan: silindrik yoki sharsimon shakldagi shisha rezervuar va unga kavsharlangan kapillyar (ingichka) kanali bor shisha naycha (trubka) hamda bo‘limlarga taqsimlangan shkaladan tashkil topgan. Rezervuar va kapillyarning ma’lum qismi simob bilan to‘ldirilgan. К apillyar nay va shkala shisha nay ichiga joylashtirilgan. Simobli termometrlar harorat o‘zgarganida simob hajmining o‘zgarishiga asoslanib ishlaydi. Bunday termometr yordamida ancha past, masalan, – 38,9  S dan past haroratni o‘lchash mumkin emas. Chunki bu haroratda simob qotadi va termometr ishdan chiqadi. Maksimal termometr simobli, unda sut rangli shishaga shkala chizilgan bo‘lib, rezervuari silindrik yoki sharsimon bo‘ladi. Shkalaning chegaralari -36 0 S dan Q51 0 S gacha yoki -21 0 S dan Q71 0 S gacha bo‘ladi. Shkaladagi 1 ta bo‘lim qiymati 0,5 0 S ga teng. Termometrning maksimal ko‘rsatishi maxsus shtift (shisha tayoqcha) yordamida saqlab turiladi. Termometrni tayyorlashda rezervuar tagiga uchi kapillyarga kirib turadigan qilib kichkina shisha shtift payvand qilingan. Buning natijasida rezervuardan kapillyarga o‘tish yo‘li torayib qoladi (bu holda rezervuardan kapillyarga o‘tish yo‘li kapillyardagi kanal kesimidan kichikroq kesim yuzli halqadan iborat bo‘lib qoladi).

Harorat oshganda simob kengayish kuchining ta’sirida rezervuarning tor joyidan kapillyarga osongina o‘tadi. Chunki simob isiyotganida kengayish kuchi, kapillyarning tor joyidagi ishqalanish kuchidan katta. Harorat pasayganida esa simobning hajmi kamayadi va simob ustuni kapillyar bo‘ylab rezervuarga tomon siljiydi. Ammo simob kapillyardan rezervuarga o‘ta olmaydi. Chunki simob zarrachalarining o‘zaro tutinish kuchi kapillyarning tor joyidagi ishqalanish kuchini engishga etmaydi. Shuning uchun simob ustuni uzilib, kapillyarda qolgan simob ustuni harorat pasaya boshlagan vaqtdagi holatida ya’ni maksimal harorat qiymatini ko‘rsatganicha qolaveradi. Minimal termometr spirtli termometrdan iborat. Unda qotish harorati - 117,3 0 S, qaynash harorati Q78,5 0 S ga teng etil spirti qo‘llanadi. Minimal harorat termometr kapillyaridagi spirt ichiga joylashtirilgan xira, ikkala uchi bir oz yo‘g‘onroq qilib tayyorlangan engil shisha shtift (tayoqcha) yordamida aniqlanadi. Shtiftning termometr kapillyari ichki devoriga ishqalanish kuchi, spirtning kengayish kuchidan katta va simob pardasining sirt taranglik kuchidan kichik qilib tanlangan. Shuning uchun harorat oshganida spirt kengayib tayoqcha yonidan osonlik bilan o‘tadi, ammo harorat pasayganida spirtning hajmi kamayib sirt parda tayoqchagacha suriladi va sirt parda tayoqchani ham rezervuarga qarab suradi. Harorat osha boshlashi bilan shtiftcha harakatdan to‘xtaydi. Shunday qilib, shtiftning kapillyardagi to‘xtash vaziyati kuzatish muddatlari oralig‘idagi minimal haroratni aniqlash imkonini beradi. Meteorologik stansiyalarda tuproq yuzasining haroratini o‘lchash uchun termometrlarni maxsus ochiq (o‘tdan tozalangan) va yumshatilgan maydon markaziga o‘rnatiladi. Uchala (muddatli, maksimal, minimal) termometrlar bir- biridan 10-15 sm masofaga, rezervuarlarini sharqqa qaratib va tuproqqa bir oz botirib o‘rnatiladi. Rezervuarlar tuproqqa zich tegib turishi kerak. Muddatli va minimal termometrlar gorizontal, maksimal termometr esa rezervuarga tomon ozgina qiya qilib o‘rnatiladi, ya’ni rezervuarini pastroq qilib o‘rnatiladi.

Tuproq haydalma qatlamining haroratini Savinov tirsakli termometrlari TM-5 bilan o‘lchanadi. Savinov termometrlari komplekt tarzda chiqariladi, 1 ta komplektda tuproqning 5,10,15 va 20 sm chuqurliklaridagi haroratini o‘lchashga mo‘ljallangan 4 ta termometr bor. Tirsakli termometrlarni ham tuproq yuzasining haroratini o‘lchash uchun termometrlar joylashtirilgan maxsus maydonchaga o‘rnatiladi. К o‘chma sharoitlarda tuproqning 30 sm gacha chuqurlikdagi haroratini o‘lchash uchun termometr-shchup ishlatiladi. Bunday termometrni pastki qismi konussimon uchlik qilib tayyorlangan metall g‘ilofning ichiga joylashtiriladi. Termometr rezervuari ham konussimon uchlik ichiga joylashtirilgan. Metall g‘ilof ustki tomonida termometr shkalasini ko‘rish uchun bo‘ylama kesik qo‘yilgan. Termometr shchupni vertikal ravishda o‘rnatish kerak. Tuproqning katta chuqurliklardagi haroratini TPV-50 tipidagi simobli tortma termometrlar bilan o‘lchanadi. To‘liq komplektda 8 ta tortma termometr bor bo‘lib, ularni 20,40,60,80,120,160,240 va 320 sm chuqurliklarga o‘rnatiladi. Bunday termometrlarni ko‘p yillarda kuzatishga mo‘ljallab ko‘chmas qilib o‘rnatiladi. Hozirgi vaqtda meteorologik stansiyalarda tirsakli va tortma termometrlar o‘rniga elektr termometrlarni o‘rnatish keng yoyilmoqda. Elektr termometrlar bilan tuproqning turli chuqurlikdagi haroratini xizmat xonasining o‘zidan turib o‘lchash mumkin, bunday termometrlar bilan o‘lchash masofadan turib amalga oshirilgani uchun tuproq tabiiy sharoitlari buzilmasdan qoladi. 4. Biz ushbu mavzuning boshida tuproq yuzasining harorati asosan radiasion balansga bog‘liq ekanligini aytganmiz. Radiasion balans kattaligi esa sutka va yil davomida o‘zgarganidan tuproq yuzasining harorati ham sutka va yil davomida o‘zgarib boradi. Tuproq yuzasi haroratining sutka davomida o‘zgarishining borishini uning sutkalik o‘zgarishi deyiladi. Tuproq yuzasi haroratining sutkalik o‘zgarishi 1 ta minimum (eng oz qiymat) ga va 1 ta maksimum (eng yuqori qiymat) ga ega.

Tuproq yuzasi haroratining minimal qiymati havo ochiq kuni ertalab quyosh chiqishi oldidan kuzatiladi. Bu vaqtda radiasion balans hali manfiy, tuproq bilan yerga yaqin havo qatlamlari orasidagi issiqlik almashinish juda kam bo‘ladi. Quyosh chiqqandan keyin biroz vaqt o‘tgach radiasion balans musbat ishoraga o‘tadi va quyoshning ufqdan balandligi oshgan sari ortib boradi, natijada tuproq harorati ham ortib borib o‘zining maksimal qiymatiga mahalliy vaqt bilan soat 16 larda erishadi. So‘ngra radiasion balansning kamaya borishi sababli tuproq yuzasining harorati pasayib borib ertalab quyosh chiqishi oldidan minimum qiymatiga tushib qoladi. Tuproq yuzasi harorati sutkalik o‘zgarishining ko‘rsatilgan tarzda borishi bulutlik, yog‘ingarchilik va shamollar ta’sirida o‘zgarishi mumkin. Bunda tuproq haroratining maksimumi va minimumi boshqa vaqtlarga suriladi. Sutka davomida tuproq yuzasi haroratining eng katta va eng kichik qiymatlari ayirmasini sutkalik o‘zgarishining amplitudasi deyiladi. Masalan, tuproq yuzasi yozda kunduzi 50 0 ga teng, kechasi esa 20 0 S gacha sovigan bo‘lsa, tuproq harorati sutkalik o‘zgarishining amplitudasi 50 0 -20 0 q30 0 ga teng bo‘ladi. Tuproq yuzasi haroratining sutkalik o‘zgarishi amplitudasiga quyidagilar ta’sir qiladi: 1. Yil fasllari. Yozda amplituda eng katta, qishda esa eng kam bo‘ladi. 2. Joyning geografik kengligi. Tuproq haroratining sutkalik o‘zgarishi amplitudasi asosan quyoshning tushki paytdagi balandligi bilan aniqlanadi. Ekvatordan kutb tomon siljigan sari, ya’ni geografik kenglik oshgan sari quyoshning tushki paytdagi ufqdan balandligi kamaya boradi. Shuning uchun kenglik oshgan sari amplituda ham kamayadi. Eng katta amplitudalar subtropik cho‘llarda kuzatiladi. Cho‘lda qum kunduzi kuchli qiziydi, kechasi esa samarali nurlanish katta, demak qum yuzasi kuchli soviydi. Natijada qum yuzasi haroratining sutkalik o‘zgarishi amplitudasi 50-60 0 gacha etadi. Eng kichik amplitudalar qutbga yaqin mamlakatlar tuprog‘ida uchraydi. 3. Bulutlik. Bulutli kunda tuproq yuzasi haroratining sutkalik o‘zgarishi amplitudasi, havo ochiq kundagidan ancha kam bo‘ladi.

4. Tuproqning issiqlik sig‘imi va issiqlik o‘tkazuvchanligi. Amplituda tuproq issiqlik sig‘imi va issiqlik o‘tkazuvchanligiga teskari mutanosib bog‘langan. Tuproqning issiqlik sig‘imi qanchalik katta bo‘lsa, u kunduzi shuncha kam isiydi va kechasi shuncha kam soviydi, demak harorat tebranishi amplitudasi ham kam bo‘ladi. Amplitudaning issiqlik o‘tkazuvchanlikka bog‘liqligi ham xuddi shunday xarakterga ega. 5. Tuproq rangi. To‘q tusli tuproqlar yuzasi haroratining sutkalik o‘zgarish amplitudasi, yorqin tuproqnikidan katta. Chunki to‘q tusli tuproqlar kunduzi quyosh radiasiyasini yorqin tuproqdan ko‘p yutadi va buning oqibatida kuchli isiydi, yorqin tuproq esa kam isiydi. К echasi to‘q tusli tuproq yorqin tuproqdan kuchli soviydi, quruq va g‘ovak tuproq yuzasining harorat o‘zgarishi amplitudasi nam va zich tuproqnikidan katta. 6. O‘simlik va qor qoplami. O‘simliklar qoplami tuproq yuzasi haroratining sutkalik o‘zgarish amplitudasini kamaytiradi. Chunki o‘simlik qoplamidan o‘tishda quyosh radiasiyasi ancha miqdorda ozayadi va tuproqni kam qizitadi, kechasi esa tuproqning uzun to‘lqinli nurlanishini o‘simliklar to‘sib qoladi, natijada tuproq kam soviydi. Qor qoplamining issiqlik o‘tkazuvchanligi juda kam. Shuning uchun qish vaqtida qor qoplami tuproqning juda ham sovib ketishdan saqlaydi. Umuman, qor va o‘simlik ostidagi tuproq harorati amplitudasi ochiq erdagidan kichik bo‘ladi. 7. Joyning relefi. Janubga qaragan yonbag‘irlar kunduzi tekislikka qaraganda kuchliroq qiziydi. Shimolga qaragan yonbag‘irlar esa eng kam isiydi, g‘arbiy yonbag‘ir esa sharqiy yonbag‘irdan ko‘proq isiydi. Tuproq haroratining o‘zgarish amplitudasi ham ularga mos ravishda o‘zgaradi. Tuproq yuzasi haroratining yil davomida o‘zgarishini yillik o‘zgarishi deb yuritiladi. Tuproq haroratining yillik o‘zgarishi ham xuddi sutkalik o‘zgarishi kabi asosan radiasion balansning yillik o‘zgarishi bilan bog‘langan.

Tuproq yuzasining o‘rtacha oylik haroratining eng katta qiymati shimoliy yarim sharda iyul-avgust oylariga, eng oz qiymati esa yanvar-fevral oylariga to‘g‘ri keladi. Yil davomidagi tuproq yuzasi o‘rtacha oylik haroratlarining eng katta va eng kichik qiymatlari orasidagi ayirmani tuproq haroratining yillik o‘zgarish amplitudasi deyiladi. Tuproq yuzasi haroratining yillik o‘zgarish amplitudasiga joyning geografik kengligi, relefi, o‘simlik va qor qoplami, tuproqning issiqlik sig‘imi va issiqlik o‘tkazuvchanligi, tuproq rangi va bulutliklar ta’sir qiladi. Tuproq yuzasi haroratining yillik o‘zgarish amplitudasi, geografik kenglik oshgan sari ortadi (sutkalik o‘zgarish amplitudasi esa geografik kenglik oshgan sari kamayadi). Masalan, 10 0 shimoliy kenglikda, amplituda 3 0 S ga, 30 0 kenglikda 10 0 S atrofida, 50 0 kenglikda esa o‘rtacha 25 0 ga teng. Quruqliklarning qutbiy rayonlarida esa yillik amplituda 70 0 S dan ham katta bo‘ladi. 5. Tuproqda issiqlikning tik yo‘nalish bo‘yicha pastki qatlamlarga tarqalishiga J.B.J.Furening 1822 yilda topgan molekulyar issiqlik o‘tkazuvchanlikning umumiy nazariyasini qo‘llash mumkin. Shuning uchun issiqlikning tuproqda tik yo‘nalish bo‘ylab pastga tarqalish qonunlarini ko‘pincha Fure qonunlari deb yuritiladi. К uzatishlar tuproqda issiqlikning amaldagi tarqalish jarayoni bu qonunlarga etarlicha yaqin mos kelishini ko‘rsatadi. Tuproq haroratining sutkalik va yillik tebranishlari asta-sekin uning pastki qatlamlariga ya’ni turli chuqurliklarga tarqaladi. Tuproq haroratining sutkalik va yillik tebranishlari ro‘y beradigan qatlamini faol tuproq qatlami deb yuritiladi. Radiasion balans musbat bo‘lganda kunduzi tuproqning ixtiyoriy pastki qatlami qancha katta chuqurlikda joylashgan bo‘lsa, u shunchalik kam issiqlik oladi va uning haroratining sutkalik va yillik o‘zgarishlari amplitudasi juda kichik bo‘ladi. Tuproq yuzasi harorati tebranishlarining pastki qatlamlarga ko‘chishi Furening quyidagi uchta qonuni bilan tushuntiriladi:

1.Tuproq haroratining tebranish davri chuqurlik ortishi bilan o‘zgarmaydi. 2.Agar chuqurlik arifmetik progressiyaga muvofiq oshsa, tuproq harorati amplitudasi esa geometrik progressiya bo‘yicha kamayadi. 3.Chuqurliklarda tuproqning maksimal va minimal haroratlari, tuproq yuzasidagiga nisbatan kechikib boshlanadi. Birinchi qonunga muvofiq, tuproq yuzasidagina emas, balki tuproqning barcha qatlamlarida haroratning ketma-ket ikkita maksimumi yoki minimumi orasidagi vaqt oralig‘i bir xil bo‘ladi va sutkalik o‘zgarishda o‘rtacha 24 soatga hamda yillik o‘zgarishda 12 oyga teng bo‘ladi. Ikkinchi qonunga muvofiq chuqurlik oshishiga qaraganda harorat amplitudasining kamayishi tezroq boradi. Masalan, tuproq yuzasi haroratining sutkalik tebranish amplitudasi 16 0 S ga teng bo‘lsa, 20 sm chuqurlikda u 4 0 S ga teng, 40 sm chuqurlikda esa amplituda 1 0 S ga, 60 sm chuqurlikda esa 0,25 0 S ga teng bo‘lib qoladi. Toshkent observatoriyasida 1981 yil iyun oyidagi tabiiy yuza haroratining sutkalik tebranish amplitudasi 42 0 S ga teng bo‘lsa, 20 sm chuqurlikda sutkalik amplituda 11,3 0 S ga, 40 sm chuqurlikda 7,3 0 S ga, 80 sm chuqurlikda esa 4,6 0 S ga, 120 sm chuqurlikda 3,1 0 S ga, 320 sm chuqurlikda 1 0 S ga teng bo‘lgan. Yer yuzidan biror chuqurlikda tuproq haroratining sutkalik o‘zgarish amplitudasi juda ham kamayib ketib deyarli nolga teng bo‘lib qoladi. Biror chuqurlikda joylashgan harorati sutka davomida o‘zgarmay qoladigan qatlamni sutkalik o‘zgarmas haroratli qatlam deb yuritiladi. Bu qatlam o‘rta kengliklarda er yuzidan 70-100sm, chuqurlikdan boshlanadi. Harorati yil davomida o‘zgarmay qoladigan qatlamni yillik o‘zgarmas haroratli qatlam deb yuritiladi. O‘rta kengliklarda yillik o‘zgarmas haroratli qatlam 15-20 m chuqurlikda joylashgan. Uchinchi qonunga muvofiq chuqurlik oshgan sari, u yerdagi qatlamlarda tuproqning maksimal va minimal haroratlari tuproq yuzasidan boshlab hisoblangan chuqurlikka bog‘liq ravishda oz yoki ko‘p kechikib boshlanadi, ya’ni chuqurlik kam bo‘lsa maksimal va minimal haroratlarning boshlanishdagi kechikish

kam,chuqurlik katta bo‘lganda esa ko‘p bo‘ladi. Chunki issiqlik pastki qatlamlarga ko‘chishi uchun chuqurlikka qarab oz yoki ko‘p darajada vaqt kerak. Sutkalik maksimum va minimumlar har 10 sm chuqurlikka o‘rtacha 2,5-3,5 soatga kechikib boshlanadi, yillik amplitudalar esa har 1m chuqurlikka 20-30 sutkaga kechikib boshlanadi. Masalan, tuproq yuzasi haroratining sutkalik o‘zgarishida minimum soat 6 da va maksimum soat 13 da boshlansa, u holda 10 sm chuqurlikda minimal harorat soat 9 da, maksimal harorat esa soat 16 da kuzatiladi. Furening nazariy hisoblashlariga muvofiq haroratning yillik tebranishlari so‘nadigan qatlam chuqurligi, haroratning sutkalik tebranishlari so‘nadigan qatlam balandligidan 19 marta katta bo‘lishi kerak. Real sharoitda esa issiqlikning chuqurlik bo‘ylab ko‘chishi nazariy hisoblardan ancha chetlashadi. Bunga turli chuqurliklarda namlikning har xilligi, vaqt bo‘yicha o‘zgarib turishi, harorat o‘tkazuvchanlik koeffisientning chuqurlik bo‘ylab o‘zgarishi va boshqalar sabab bo‘ladi. Tuproqning turli chuqurliklardagi tarkibi va strukturasi har xil, shuning uchun chuqurlik bo‘ylab harorat o‘tkazuvchanlik koeffisienti ham o‘zgaradi. Yozda tuproq yuzidan boshlab chuqurlik oshgan sari harorat pasayib boradi,qishda esa chuqurlik oshgan sari tuproq harorati ortib boradi. O‘zbekiston Respublikasi hududida qishning eng sovuq oyi-yanvarda tuproq yuzasining o‘rtacha oylik harorati shimolda -9 0 S, janubda esa 4 0 S ga teng. O‘zbekistonning shimoliy hududlarida tuproq yuzasining absolyut minimumi -40 0 S gacha, janubiy hududlarda -17 0 S gacha pasayadi. Iyul oyida tuproq yuzasi eng ko‘p isiydi, uning o‘rtacha oylik harorati 31- 38 0 S orasida o‘zgaradi. Respublikaning tekisliklarida yozda tuproq yuzasining harorati 68 0 dan 77 0 S gacha oshadi. 6. Tuproq o‘rmon hayotidagi asosiy omillardan hisoblanadi. Tuproq va o‘rmon bir-biri bilan chambarchas bog‘langan. O‘simliklar tuproqdagi har xil

mineral moddalar hisobiga oziqlanadi. Tuproq o‘zining xususiyati va tarkibi, qatlam sharoitlari orqali o‘rmonlarning mahsuldorligiga ta’sir ko‘rsatadi. Tuproq sharoiti har xil mintaqalardagi o‘rmonlarning tarkibiga, ularning tarqalishi chegaralariga va o‘z-o‘zidan ko‘payishiga ta’sir ko‘rsatadi. Professor Xonazarov A.A.ning ma’lumotiga qaraganda tuproq deb daraxtlarning ildizi etib borgan yer qatlamiga aytiladi. O‘simliklarning ildizi 5-10 m, hatto 20-30 m chuqurlikka ham etadi. Lekin tuproq qatlamining chuqurligi oshgan sari, uning faolligi va ekologik roli kamayib boradi. Ammo, tuproqning 1- 1,5 m, ba’zan 2-2,5 m chuqurlikdagi qatlamlarining faolligi yetarli darajadadir. Masalan, O‘zbekistonning Qorjontov qiyaliklaridagi jigarrang tuproqlarda 70 yoshli grek yong‘og‘i 5-6 m, xuddi shu yoshdagi eman daraxti 6-6,5 m, oq akasiya, lipa daraxtlari ham shunday chuqurlikkacha ildiz otgan. O‘rmondagi tuproq haroratiga o‘rmon qoplami juda katta ta’sir ko‘rsatadi. К unduzi o‘rmon qoplami o‘ziga tushuvchi quyosh radiasiyasining ancha qismini to‘sib qoladi, kechasi esa tuproqning issiqlik yo‘qotishiga to‘sqinlik qiladi. Shuning uchun kunduzi o‘rmonda tuproq ustki qatlami ochiq daladagiga nisbatan kamroq isiydi, kechasi esa kam soviydi. Bular orasidagi farq daraxtlarning tabiatiga bog‘liq. Ochiq joy va o‘rmon tuprog‘i ustki qatlami orasidagi harorat farqi yoz oylari 4-5 0 S ga, ko‘p mintaqalarda esa bundan ham ko‘p farq qiladi. Yilning sovuq vaqtlarida o‘rmon tuprog‘ining haroratiga qor qoplami ham ta’sir ko‘rsatadi. O‘rmonda qor qoplami ochiq dalaga nisbatan qalinroq bo‘ladi. Bundan tashqari o‘rmondagi tuproq haroratiga uning ustidagi to‘shak (ko‘rpa) ham ta’sir qiladi. O‘rmon to‘shagining issiqlik o‘tkazuvchanligi tuproqning issiqlik o‘tkazuvchanligidan kam. Shuning uchun u bahorda tuproqning isishini, kuzda esa sovishini kechiktiradi. Qish davrida o‘rmon to‘shagi tuproqning yoz oylarida tuplagan issiqligining saqlanishiga yordamlashadi, natijada o‘rmon tuprog‘i kamroq chuqurlikka muzlaydi.

Shunday qilib, o‘rmon to‘shagi tuproq issiqlik rejimiga bir muncha darajada ta’sir qiladi. Yilning iliq davrida o‘rmon tuprog‘i ustki qatlamining harorati ochiq daladagidan pastroq bo‘ladi. Chuqurlik oshgan sari bu farq kamaya boradi. Yilning sovuq davrida o‘rmon to‘shagining borligi va o‘rmondagi qor qoplamining qalinroqligi sababli o‘rmon tuprog‘ining ustki qatlamlari daladagidan iliqroq bo‘ladi. O‘rmondagi tuproq daladagiga nisbatan kamroq chuqurlikka muzlaydi. O‘rmon massivlarida tuproqning muzlash chuqurligi daraxtlarning tarkibiga, ularning yoshiga, daraxt tuplarining zichligiga, tuproq turiga, sizot suvlari sathining chuqurligiga va boshqalarga kuchli darajada bog‘liq. Bargli o‘rmonlarda, ayniqsa qayin o‘rmonzorlarida qor qoplami ancha qalin bo‘lgani uchun tuproqning muzlash chuqurligi unchalik ko‘p emas. Qoraqarag‘ay daraxtlari shox-shabbalarining tagida qor qoplami qalinligi kam bo‘ladi. Chunki bu holda shox-shabbalar ko‘p miqdordagi qorni ushlab qoladi. Shuning uchun bunday daraxtlar tagida tuproq ko‘proq chuqurlikkacha muzlaydi.

Foydalanilgan adabiyotlar ro‘yxati: 1. Xromov S.P. Meteorologiya va klimatalogiya giyagrafik fakultetlar uchun. L.Gidrometizdat 455 b 2. Vitkevich V.I. Selskoxozyaystvennaya meteorologiya. -M.: К olos, 1966. -383 s. 3. Guralnik I.I., Dubinskiy G.P.,Larin V.V., Mamikonova S.V. Meteorologiya. - L.: Gidrometeoizdat, 1982. -440s. 4. Glazirin G.E., Chanisheva S.G., Chub V.E. O‘zbekiston iqlimining qisqacha ocherki. –Toshkent, O‘OITGMI, 1999. -31 b. 5. Jo‘raev O.J., A’zamov A.A., Tog‘aymurodov Y.T. Meteorologiyadan izohli lug‘at. -T.: Xalq merosi, 2002. -415 b. 6. Jo‘raev O.J., Mo‘minov O.F., A’zamov A.A., Bilyalov R.B., Tog‘aymurodov Y.T., Yuldasheva I.A. Ruscha o‘zbekcha meteorologik lug‘at (atamalar, tushunchalar). -Toshkent. O‘OITGMI, 1998. -250 b. 7. Zvereva R.Yu., Arg‘inboev H.A. Agrometeorologiyadan amaliy mashg‘ulotlar. -T.: Mehnat, 1989. -112 b. 8. К obisheva N.V., К ostin S.I., Strunnikov E.A. К limatologiya.-L.: Gidrometeoizdat, 1980. —344 s. 9. Muhtorov T.M. Ertangi kun Ob-havosi. Toshkent- O‘OITGMI, 1999-154 b. 10. К ostin S.I. К ratkiy kurs meteorologii i klimatalogii dlya lesovodov. -L.: LTA: 1971. -185 s. 11. Xonnazarov A.A. O‘rmonshunoslik.–Toshkent, 2000.–94 b.

Похожие

Atmosferaning issiqlik rejimi

Q’ishloq’ xo’jalik yoki nlarini sug’orish rejimi, o’simliklarning suvga bo’lgan talabi

Ochiq yer uchun ko’chat yetishtirish

O’zbekistonda foydalaniladigan himoyalangan yer inshootlari

Atmosferadagi suv bug‘i