Atmosferaning issiqlik rejimi - Сельское и лесное хозяйство - Рефераты

Atmosferaning issiqlik rejimi

Загружено в:

20.09.2019

Скачано:

0

Размер:

101.5 KB

www.arxiv.uz Atmosferaning issiqlik rejimi Reja: 1. Havoning isishi va sovishi jarayonlari. 2. Havo haroratini o‘lchash. 3. Havo haroratining balandlik bo‘yicha o‘zgarishi. Havo harorati inversiyalari. 4. Havo haroratining sutkalik va yillik o‘zgarishi. 5. Joylarning harorat rejimi harakteristikalari. 6. O‘simliklar qoplamining havo haroratiga ta’siri.

www.arxiv.uz 1. Atmosfera havosining harorati taqsimotining xarakteri va uning o‘zgarishini havoning issiqlik rejimi deb yuritiladi. Atmosferaning issiqlik rejimi asosan uning yerdagi faol yuza va kosmik fazo bilan issiqlik almashinishi bilan aniqlanadi. Atmosfera quyosh radiasiyasini bevosita yutishi natijasida juda kam, aniqrog‘i 0,5 0 chamasida isiydi. Atmosferaning yuqori qatlamlari quyosh radiasiyasini pastki qatlamlaridan kuchliroq yutadi. Atmosferaning eng pastki qatlami – troposferaning, ayniqsa uning pastki qatlamlari isishining asosiy manbai, ularning yer faol sirtidan olgan issiqligidir. К unduzi faol yuzaning radiasion balansi musbat bo‘lgan soatlarda, ya’ni faol yuzaga tushuvchi quyosh radiasiyasi oqimlari, faol yuzadan qaytgan va faol yuzaning chiqargan nurlanish oqimlaridan katta bo‘lganida quruqlik yuzasi isiydi. Uning harorati havo haroratidan yuqori bo‘lib qoladi. Shuning uchun issiqlik havoga uzatiladi. К echasi esa faol yuza samarali (effektiv) nurlanish sababli havoga nisbatan ko‘proq soviydi. Natijada issiqlik havodan faol yuzaga uzatiladi, oqibatda havoning o‘zi ham soviydi. Faol yuza bilan atmosfera orasida, shuningdek atmosferaning o‘zida issiqlikning ko‘chishi quyidagi jarayonlar yordamida ro‘y beradi: Molekulyar issiqlik o‘tkazuvchanlik Yer sirti, o‘ziga tushgan quyosh nuri energiyasining bir qismini yutib isiydi va yutgan energiyasining bir qismini havoga uzatadi, boshqacha aytganda havo qatlamlari bevosita faol yuzaning issiqlik ta’sirida bo‘ladi. Tushgan quyosh radiasiyasining bir qismini yutgan faol yuza harorati ortadi, natijada unga yondoshgan ustki havo qatlami ham isiydi va bu qatlam o‘z navbatida o‘zidan yuqoridagi qatlamga molekulalarning issiqlik harakati yordamida issiqlik uzatadi. Bu tarzdagi issiqlik uzatish troposfera qatlamlarining ancha qismigacha etib boradi. Molekulyar issiqlik o‘tkazuvchanlik deb yuritiladigan issiqlik uzatishning bu usuli sababli atmosferaning erga yaqin qatlamlarigina yaxshi isiydi. Havoning issiqlik o‘tkazuvchanlik koeffisientining qiymati juda oz bo‘lganidan atmosferaning yuqori qatlamlari bu usulda juda ham kam isiydi.

www.arxiv.uz Demak, havo ochiq kuni (shamol esmayotganda) er yuzidan balandlik oshgan sari havoning harorati pasayib borishi kerak. Issiqlik konveksiyasi. Atmosferaning yuqori qatlamlariga issiqlik uzatishda issiqlik konveksiyasi jarayoni muhim ahamiyatga ega. К unduzi yer sirtining barcha qismlari bir xil isimaydi, ya’ni ba’zi erlar ko‘proq isiydi, boshqalari esa kamroq isiydi. Masalan, shudgor (haydalgan er) maydoni bir tomonidan qalin daraxtzor va ikkinchi tomonidan katta suv havzasi bilan chegaralangan bo‘lsin. К unduzi shudgor suv havzasi va daraxtzordan ko‘p isiydi. Natijada uning ustidagi havo ham qo‘shni maydonlar ustidagi havodan ko‘proq isiydi. Shudgor ustidagi ko‘p isigan havo kengayadi. К engayayotgan havoning zichligi atmosferadagi sovuqroq (yoki sovuq) havo zichligidan kam bo‘ladi, shuning uchun issiq engil havo tik yo‘nalishda yuqoriga ko‘tariladi. Uning o‘rniga atrofdagi sovuq havo bostirib kiradi. O‘z navbatida u ham isib yuqoriga ko‘tariladi. Tik yo‘nalishda ko‘tarilayotgan issiq havo massalari qancha balandlikka ko‘tarilsa, o‘sha qatlamlardagi havoni isitadi. Jarayon shunday bo‘lib o‘tadiki, issiq havo massalari yuqoriga ko‘tariluvchi oqimni tashkil qilsa, atrofdagi sovuq havo massalari pastga yo‘nalgan sovuq havo oqimini tashkil qiladi. Yuqoriga ko‘tarilgan havo atrofidagi sovuq havoga o‘z issiqligini uzatib soviydi. К ulay sharoitlarda issiqlik konveksiyasi troposferaning butun qalinligi bo‘ylab tarqalishi mumkin. Quruqlik ustida issiqlik konveksiyasi kunduzgi soatlarda vujudga keladi, dengiz ustida esa kechasi suv sirtining harorati, unga yondosh-gan (tutashgan) havo haroratidan yuqori bo‘lgan hollarda hosil bo‘ladi. Turbulentlik. Havoning jadal ravishda isishiga sabab bo‘ladigan jarayonlardan yana biri havoning juda ham harakatchanligidan vujudga keladigan turbulentlik jarayonidir. Havo juda kam hollardagina tinch (osoyishta) bo‘ladi, ko‘pincha esa gorizontal yo‘nalishda harakatda ya’ni shamol esadi. Uning uncha katta bo‘lmagan qismlari, hajmlarining harakati tartibsiz xaotik xarakterga ega. Bunday harakatni turbulent aralashish yoki qisqacha turbulentlik deb yuritiladi. Atmosferaning

www.arxiv.uz turbulent aralashib ketishi natijasida ancha issiq qatlamlardan sovuq qatlamlarga issiqlik jadal ravishda ko‘chadi. Havoning yerga tegib turgan eng pastki qatlami bilan yer sirti orasida ishqalanish kuchlari mavjud bo‘lgani uchun eng pastki havo qatlami kamroq tezlik bilan harakatlanadi. Undan yuqoridagi qatlam esa pastki qatlam havosidan tezroq harakatlanadi. Natijada bunday ikki havo qatlami orasida ishqalanish kuchlari hosil bo‘ladi. Bundan tashqari shamolning umumiy oqimida uning ayrim hajmlari turli sabablarga ko‘ra har xil tezlik bilan ko‘chadi. Tezlik katta bo‘lganida shamolning umumiy oqimi ichida turli yo‘nalishlarda, shu jumladan tik yo‘nalishda tarqaluvchi uyurmaviy oqimlar vujudga keladi. Pastki issiq qatlamlardan ko‘tarilayotgan issiq havo oqimlari yuqori qatlamlarning sovuq havosi bilan aralashib ketib ularni ham isitadi. Havo massalari harakati vaqtida do‘ngliklarni, turlicha to‘siqlar (binolar, daraxtlar va h.k.)ni o‘tishida ham uning ichida yuqoriga yo‘nalgan uyurmalar paydo bo‘ladi. Pastdan ko‘tarilayotgan issiq havo uyurmalari sovuq havo bilan aralashib ularni isitadi. Natijada turbulentlik vositasida atmosferaning yuqori qatlamlari ham isiydi. Atmosferada suv bug‘ining kondensasiyasi va sublimasiyasi. Yer sirtidan troposferaning yuqori qatlamlariga ko‘tarilayotgan suv bug‘lari borgan sari sovib boradi va qandaydir balandlikda to‘yinadi, ya’ni tomchiga aylanadi. Fizika kursidan ma’lumki, suv bug‘ining qaytadan tomchiga aylanish hodisasini kondensasiya hodisasi deyiladi. Suv bug‘ining kondensasiyasida atrofga issiqlik ajraladi va atrofdagi sovuq havoni oz bo‘lsa-da isitadi. Suv bug‘ining to‘g‘ridan-to‘g‘ri qattiq (muz) holatga o‘tishini sublimasiya hodisasi deyiladi. Suv bug‘ining sublimasiyasida ham issiqlik ajraladi va u ham atrofdagi havoning isishiga sarflanadi. Radiasion issiqlik o‘tkazuvchanlik. Tuproqdan atmosferaga issiqlik uzatishda yerdagi faol yuzaning uzun to‘lqinli nurlanishi ham ma’lum darajada ahamiyatga ega.

www.arxiv.uz Yerdagi faol yuza nurlanishini atmosferaning pastki qatlamlari yutadi. Bu qatlamlar ozgina isib, uzun to‘lqinli nurlanishi sababli yuqoridagi qatlamlarni isitadi. Tuproq yuzasi soviganida esa radiasion nurlanish oqimi atmosferaning yuqori qatlamlaridan pastga yo‘nalgan bo‘ladi. Quruqlik ustida radiasion nurlanish oqimining pastga yo‘nalishi asosan kechasi ro‘y beradi. Chunki kechasi issiqlik konveksiyasi ro‘y bermaydi, turbulentlik esa juda kuchsiz bo‘ladi. Adveksiya. Biror aniq joy ustidagi havoning harorati gorizontal yo‘nalishda ko‘chayotgan boshqa havo massasi bilan aralashishi natijasida ham o‘zgarishi mumkin. Havo massasining gorizontal yo‘nalishda ko‘chishini adveksiya deyiladi.Issiq adveksiyada biror joyga, shu joy havosi haroratidan yuqori haroratli issiq havo bostirib kiradi va olingan joyning havosini isitadi. Yuqorida qaralgan havoning isish jarayonlari orasida eng muhimlari issiqlik konveksiyasi va turbulentlikdir. Endi havoning sovishiga olib keladigan jarayonlarga to‘xtalamiz. Havoni sovishiga olib keladigan jarayonlardan biri, havo massalarining atmosferada yuqoriga ko‘tarilishidir. Agar katta havo massasi tez ko‘tarilayotgan havo massasi bo‘lsa, u holda tez qo‘tarilayotgan havo massasi bilan atrofdagi muhit orasida issiqlik almashinishi deyarli ro‘y bermaydi. Isigan havo massasi yuqoriga ko‘tarilgan sari kamroq atmosfera bosimi ta’sirida bo‘ladi va tashqi atmosfera bosimiga qarshi yo‘nalishda kengayishda ichki energiyasi hisobiga ish bajaradi, bu esa uning ichki energiyasining kamayishiga ya’ni sovishiga olib keladi. Havo nurlanishi sababli yoki sovuq yer yuzasiga tekkanda ham sovib, issiqlik yo‘qotadi. Olingan joydagi havoga, u erdagidan past haroratli havo oqimi bostirib kirsa, uni sovuq adveksiya deb yuritiladi. Qishloq xo‘jaligi ishlab chiqarishi uchun bahorgi va kuzgi sovuq adveksiyalar xavflidir, chunki bunday paytlarda o‘simlikning ustidagi havo harorati keskin pasayib o‘simliklarni sovuq urishi mumkin.

www.arxiv.uz 2. Havo haroratini turli xil termometrlar yordamida o‘lchanadi. Meteorologik stansiyalarda kuzatish paytidagi havo haroratini o‘lchash uchun muddatli psixrometrik termometrlar, havoning kuzatish muddatlari orasidagi eng yuqori haroratini o‘lchash uchun maksimal termometr TM-1, havoning kuzatish muddatlari orasidagi eng past haroratini o‘lchash uchun minimal termometr TM-2 ishlatiladi. Barcha termometrlarni psixrometrik budkaga joylashtiriladi. Psix-rometrik budka termometrlarni to‘g‘ri va qaytgan radiasiyaning ta’siri-dan, yerning nurlanishidan, shamollardan va yog‘inlardan saqlaydi. Termometrlarni budkadagi metall shtativga o‘rnatiladi. 2 ta psixrometrik termometrlarni, tik ravishda rezervuarlarini er yuzasidan 2 m baland qilib o‘rnatiladi. Maksimal termometrni deyarlik gorizontal, rezervuari tomon ozgina qiyalatib o‘rnatiladi, minimal termometrni esa aniq, gorizontal qilib joylashtiriladi. Bunda termometrlarning rezervuarlarini sharqqa qaratilib joylashtiriladi. Qish davrida havo harorati –20 0 S dan past bo‘lganda quruq psixrometrik termometr yoniga etil spirtli termometr o‘rnatiladi. Chunki simob –38,9 0 S da qotadi, shuning uchun –36 0 S dan past haroratlarni o‘lchashda hisoblarni spirtli termometr yordamida olib boriladi. Termometrlar ko‘rsatishi bo‘yicha hisoblarni olib borishda kuzatuvchining ko‘zi simob meniski sathida bo‘lishi kerak. Oldin graduslarning o‘nlik ulushlarini, keyin butun graduslarni hisob qilinadi. Havo haroratining vaqtga nisbatan uzluksiz o‘zgarishlarini uzluksiz yozib borish uchun termograf M-16A qo‘llaniladi. Termografni o‘ziyozgich asbob uchun mo‘ljallangan jalyuziy budkada joylashtiriladi. Dala sharoitida havo haroratini aspirasion psixrometr yordamida o‘lchanadi. Ekinlar orasidagi va o‘rmondagi havo haroratini ham aspirasion psixrometr yordamida o‘lchash mumkin. Turli xil termometrlar bilan o‘lchash tartibi va termograf lentasidagi yozuvlarni o‘rganish uchun meteorologiya yoki agrometeorologiyadan laboratoriya

www.arxiv.uz mashg‘ulotlarini o‘tkazish uchun mo‘ljallangan o‘quv qo‘llanmalar bilan tanishishni tavsiya qilamiz. 3. Havoning isishi yer yuzidan boshlanadi va troposferaning yuqori qatlamlariga turlicha jarayonlar yordamida issiqlik uzatiladi. Demak, yer yuzidan balandlik oshgan sari havo harorati pasayib borishi kerak. К o‘p marta o‘tkazilgan kuzatishlar troposfera havosi haroratining balandlik bo‘yicha yuqorida aytganimizdek taqsimlanishini tasdiqlaydi. Havo haroratining har 100 m balandlikda o‘zgarishini haroratning tik (vertikal) gradienti deb aytiladi. Haroratning tik gradientini harfi bilan belgilaylik. Havo haroratining tik gradienti ni quyidagicha formula bo‘yicha aniqlanadi: - pastki va yuqori sathlardagi havo haroratlarining ayirmasi ( 0 S larda), - yuqori va pastki sathlarning balandliklari ayirmasi (m-larda), - haroratning tik gradienti 0 S/100m larda ifodalanadi. Agar t yu <t n bo‘lsa, havoning harorati balandlik oshgan sari kamayadi va ning qiymati musbat bo‘ladi. Troposferada odatda havo haroratining xuddi shunday taqsimoti mavjud, ya’ni troposferada balandlik oshgan sari havo harorati pasaya boradi. Agar t yu >t n bo‘lsa, balandlik oshgan sari havo harorati ham orta boradi. Bu holda harorat inversiyasi ro‘y beradi va ning qiymati manfiy bo‘ladi. Havo haroratining balandlik bo‘yicha ortib borishini harorat inversiyasi deyiladi. Agar t yu qt n bo‘lsa, m ga teng. Bu holda balandlik bo‘yicha havo harorati o‘zgarmaydi, shuning uchun bunday holni izotermiya deb yuritiladi. Agar pastki sathdagi harorat va haroratning tik gradienti ma’lum bo‘lsa, yuqoridagi istalgan sathdagi haroratni quyidagicha aniqlanadi: (14) bu yerda: yuqoridagi sathning pastki sathdan balandligi.

www.arxiv.uz Havo haroratining tik gradienti ning qiymatlari juda o‘zgaruvchan. Uning qiymatlari faqat balandlikkagina bog‘liq bo‘lmasdan,balki quyidagi omillarga ham bog‘liq: yil fasllariga. ning qiymati yozda katta, qishda esa kichik bo‘ladi. kun (sutka) vaqtlariga. К unduzgi vaqtda ning qiymati katta, kechasi esa kichik bo‘ladi. atmosferada havo massalarining joylashishiga. Agar biror balandlikka sovuq havo qatlami ustiga issiq havo qatlami joylashsa, o‘z ishorasini o‘zgartiradi. Troposferada ning o‘rtacha qiymati ga teng. Ammo ayrim paytlarda yer yuzasiga bevosita tutashgan atmosfera qatlamida ning qiymati, o‘rtacha qiymatidan o‘n, yuz va ming martadan oshiq bo‘lishi mumkin. Masalan, faol sirtdan 5 sm balandda harorat 25,8 0 S ga, 50 sm balandlikda esa 24,2 0 S ga teng bo‘lsin. U holda ning qiymati (100 m balandlik uchun) 355 0 S/100m ga teng bo‘ladi. Yoki yozda tush paytda tuproq yuzasining harorati 2 m balanddagi erga tutashgan havo qatlami haroratidan 10 0 S gacha oshiq bo‘ladi, bu holda haroratning tik gradienti ga teng (100m ga nisbatan). Atmosferaning yerga tutashgan qatlamida ning qiymatlari kun (sutka) vaqtlariga, ob-havo va taglik sirtning xarakteriga bog‘liq. К unduzi hardoim, ayniqsa yozda quruqlik ustida musbat bo‘ladi. Ob- havoning ga ta’siri kunning olingan vaqtiga bog‘liq. Masalan, bulutlar va shamol kunduzi havoning isishini kamaytiradi, kechasi esa faol sirtning sovishiga qarshilik ko‘rsatadi. Bunga bog‘liq ravishda ham kamayadi. Shuning uchun ning eng katta qiymatlari havo ochiq va bulut kam bo‘lganida erishiladi. Shamol ning qiymatini kamaytiradi, chunki havo aralashib ketganda turli balandlikdagi havoning haroratlari tenglashadi. Haroratning tik gradientiga bulutlardan tashqari yog‘inlar ham ta’sir qiladi. Nam tuproqda atmosferaning yerga tutashgan qatlamida keskin kamayadi.

www.arxiv.uz Yuqorida aytganimizdek yerga tutashgan havo qatlamida balandlik bo‘yicha haroratning taqsimlanishiga faol yuzaning xarakteri ham ta’sir qiladi. Masalan, o‘simlik qoplami ni kamaytiradi, chunki bu holda faol yuza tuproq bo‘lmay, balki o‘simlik qoplamining sirti bo‘lib qoladi. Yalang tuproq ustida ning qiymati ekinlar ustidagi qiymatlaridan ortiq bo‘ladi. Atmosferaning yerga tutashgan qatlamida qishda qor qoplami ustida ning qiymati kichik, ko‘pincha manfiy bo‘ladi. Balandlik ortishi bilan taglik sirt va ob-havoning ga ta’siri zaiflashadi. Natijada o‘zining yerga tutashgan qatlamdagi qiymatidan kamayib ketadi. Atmosferaning turlicha balandlikdagi qatlamida ning qiymati har xil bo‘ladi. Masalan, 1,5 dan 5-6 km balandliklarda ning qiymati 0,5-0,6 0 S/100m ga, 6-9 km balandlikda 0,65-0,75 0 S/100m ga teng bo‘ladi. Troposferaning yuqori qatlamida ning qiymatlari 0,5-0,2 0 S/100m gacha kamayadi. Bahor va kuzda kechasi ning manfiy bo‘lishi qora sovuqlar bo‘lish imkoniyatlari borligini ko‘rsatadi. Atmosferaning turli qatlamlaridagi haroratning tik gradienti haqidagi ma’lumotlar ob-havo bashoratlarini tuzishda, reaktiv samolyotlarga meteorologik xizmat ko‘rsatishda, sun’iy yo‘ldoshlarni orbitaga chiqarishda foydalaniladi. Biz yuqorida havo haroratining balandlik bo‘ylab ortishini inversiya deb atadik. Inversiya atmosferaning erga tutashgan qatlamida va erkin atmosferada ro‘y beradi. Vujudga kelish sharoitlariga qarab yerga tutashgan havo qatlamida radiasion va advektiv inversiyalar mavjud. Radiasion inversiya yerdagi faol sirt bilan tutashgan havo qatlamining sovishidan paydo bo‘ladi. Faol sirt nur chiqarib soviganda, o‘ziga bevosita tutashib turgan havo qatlamini ham sovitadi. Faol sirtdan yuqoriga ko‘tarilgan sari havoning harorati orta boradi.

www.arxiv.uz Bunday inversiyalar yozda kechasi, qishda esa kunduzi ro‘y beradi. Shuning uchun radiasion inversiyalar yozgi (tungi) va qishki turlarga ajraladi. 1. Yozgi (tungi) inversiyalar havo ochiq kuni kechqurun vujudga kela boshlaydi. К echasi bilan kuchayib ertalab eng katta qiymatiga erishadi. Quyosh chiqqandan keyin faol sirt unga tutashgan havo qatlami qiziydi va buning oqibatida harorat inversiyasi buzilib ketadi. Tungi inversiyalar qatlami qalinligi havoning sovish muddatining ko‘p- ozligiga va havoning turbulentlik jarayoni sababli aralashish jadalligiga bog‘liq. Tungi inversiya ro‘y bergan havo qatlamlarining qalinligi 10-15 dan 200-400m gacha etishi mumkin. Bulutlar inversiyani zaiflashtiradi, tezligi 2,5-3m/s dan ortiq bo‘lgan shamollar inversiyani buzib yuboradi. Bahorda va kuzda tuproq yuzasining manfiy haroratlargacha sovishida vujudga keladigan tungi radiasion inversiyalar (qora sovuqlar) ekinlarni sovuq urish xavfini yuzaga keltiradi. Qishda havo ochiq kunlari faol sirtning kun sayin sovib borishidan vujudga keladigan qishki inversiyalar bir necha kun yoki bir necha hafta saqlanishi mumkin. Bunday inversiyalar kunduzi biroz bo‘shashib, kechasi esa yana kuchayib davom etadi. Qishki kunduzgi inversiyalar qatlami qalinligi bir necha yuz metrga etishi mumkin. 2. Advektiv inversiyalar issiq havo adveksiyasida, ya’ni sovuq faol sirt ustiga issiq havoning bostirib kirishida paydo bo‘ladi. Bunda faol sirtga bevosita tutashgan qatlamlar o‘z issiqligining bir qismini sovuq faol sirtga berib soviydi, natijada faol sirt ustidagi havo qatlamida inversiya vujudga keladi. Bahorda qor qoplami ustiga harorati 0 0 Sdan yuqori bo‘lgan iliq havo bostirib kirganda ham vujudga keladigan bahorgi (yoki qorli) inversiyani ham advektiv inversiya guruhiga qo‘shish mumkin. Bunda qor bilan qoplangan joy ustiga bostirib kirgan issiq havo qatlamining pastki qismi o‘z issiqligining ancha qismini qorni eritishga sarflaydi, natijada olingan joyga bostirib kirgan havo oqimi pastki qismlarining harorati 0 0 S gacha pasayadi, baland qatlamlarda esa ancha yuqori harorat mavjud bo‘ladi.

www.arxiv.uz 4. Havo harorati ob-havo sharoitini va iqlimni belgilaydigan asosiy meteorologik kattaliklardan biridir. Havoning isishi va sovishi faol sirtning issiqlik rejimiga bog‘liq. Faol sirtning yutgan issiqligining bir qismi tuproq (yoki suv havzasi) ichki qatlamlariga uzatiladi, qolgan qismi esa havoning erga tutashgan qatlamiga uzatiladi, bu qatlam ham isib o‘zidan yuqoridagi qatlamga issiqlikni uzatadi. Shu tarzdagi issiqlik uzatish atmosferaning yuqori qatlamlarigacha tarqaladi. Atmosferaning har bir nuqtasida vaqt o‘tishi bilan havo harorati uzluksiz o‘zgarib boradi. Havo haroratining sutka davomida o‘zgarishining borishini uning sutkalik o‘zgarishi deyiladi. Yerga tutashgan havo qatlamida havo haroratining sutkalik va yillik o‘zgarishini yer yuzidan 2m balandlikda aniqlanadi. 2 m balandlikda havoning minimal harorati quyosh chiqishi oldidan kuzatiladi. Quyoshning ufqdan balandligi ortgan sari havo harorati 2-3 soat mobaynida tezroq ortadi va so‘ngra haroratning ortishi sekinlashadi. Havo haroratining maksimal qiymati tushki paytdan 2-3 soat o‘tgach kuzatiladi. So‘ngra havo harorati oldin sekinroq, keyin esa tez kamaya boradi. Havo haroratining sutkalik o‘zgarishidagi maksimal va minimal qiymatlari ayirmasini havo haroratining sutkalik o‘zgarishi amplitudasi deyiladi. Havo haroratining yil davomida o‘zgarishidagi maksimal va minimal qiymatlari ayirmasini havo haroratining yillik o‘zgarishi amplitudasi deyiladi. Havo haroratining sutkalik va yillik o‘zgarishi hamda yillik o‘zgarish xususiyatlari ko‘p yillik kuzatishlar natijalarining o‘rtacha qiymatlarini hisoblaganda ochiq ko‘rinib qoladi. Bunday o‘rtachalashtirilganda issiq yoki sovuq havo massalarining bostirib kirishi bilan bo‘lgan sutkalik o‘zgarishning borishidagi ayrim chetlanishlarni chiqarib tashlanadi. Chunki bunday chetlanishlar haroratning sutkalik o‘zgarishini buzadi. Masalan, kunduzi sovuq havo oqimi bostirib kirganda ba’zi punktlar ustidagi havo harorati ortish o‘rniga pasayadi.

www.arxiv.uz К echasi issiq havo massasi bostirib kirsa, harorat ko‘tarilishi mumkin. Quruqlik ustidagi havo haroratining sutkalik o‘zgarishi amplitudasi tuproq yuzasi haroratining sutkalik o‘zgarish amplitudasidan har doim kichik bo‘ladi. Havo haroratining sutkalik o‘zgarish amplitudasi olingan joyning geografik kengligiga, fasllarga, faol sirtning xarakteriga, bulutlikka, joyning relefiga, shuningdek joyning dengiz sathidan balandligiga bog‘liq. Bu fikrimizni tasdiqlash uchun ba’zi omillarning havo haroratining sutkalik o‘zgarish amplitudasiga ta’sirini qaraylik. Joyning geografik kengligi ortishi bilan havo haroratining sutkalik o‘zgarish amplitudasi kamaya boradi. Eng katta amplituda subtropik kengliklarda kuzatiladi. Tropik kengliklarda havo harorati sutkalik o‘zgarish amplitudasi yil uchun o‘rta hisobda 12 0 S ga yaqin, mo‘’tadil kengliklarda 8-9 0 S ga, qutb doirasida 3-4 0 S ga teng. O‘zbekiston hududi shimoliy yarim sharning37 0 11 1 bilan 45 0 36 1 kengliklari orasida joylashgan. Respublikamiz tekisliklarida qishning eng sovuq oyi yanvarda sutkalik amplituda 7-11 0 ga, yozning eng issiq oyi iyulda esa 14-19 0 ga teng. Havo haroratining sutkalik o‘zgarishiga joyning relefi ham birmuncha ta’sir ko‘rsatadi. Botiq shaklli relef (yopiq vodiy, botiqlik, chuqurlik) larda havo taglik sirtning eng katta yuzasiga yondoshadi. Bunday botiq relefli joylar ichida havo kunduzi tinch turib qoladi va ko‘p isiydi. К echasi esa yonbag‘irlar ustidagi havo sovib, botiqlik tagiga oqib tushadi. Demak, botiq joylarda kechasi havoning sovishi ancha kuchli darajada o‘tadi. Botiq relefli joylar ichidagi havo, tekis erlar ustidagi havoga nisbatan kunduzi ko‘proq isiydi va kechasi esa ko‘proq soviydi. Shuning uchun botiq releflarda havo haroratining sutkalik o‘zgarish amplitudasi kuchayadi. Qavariq relef (tog‘, tepalik, do‘nglik) larda esa havo taglik sirtning eng kam yuzasi bilan yondoshadi. Havo ularning ustida to‘xtab qolmaydi va kunduzi kam isiydi. Demak, bunday releflarda faol sirtning havo haroratiga ta’siri kamayadi. Shunday qilib, botiq shakldagi relef ustidagi havoning sutkalik o‘zgarish amplitudasi, tekisliklar ustidagi havoning o‘zgarish amplitudasidan katta bo‘ladi.

www.arxiv.uz Qavariq releflar ustidagi havoning sutkalik o‘zgarish amplitudasi tekisliklar ustidagi havonikidan kam bo‘ladi. Faol sirtning turiga qarab ular ustidagi havoning sutkalik o‘zgarish amplitudasi ham turlicha bo‘ladi. Masalan, o‘simliklar ustidagi amplituda, quruq yalang tuproq ustidagi amplitudadan kichik bo‘ladi, havoning sutkalik o‘zgarishi amplitudasi suv havzasi ustida yana ham kam bo‘ladi. Eng katta sutkalik o‘zgarish amplitudalari tropik va subtropik sahrolar ustida kuzatiladi, bu yerlarda sutkalik amplituda yil davomida 30 0 S gacha etadi. Mo‘’tadil kengliklarda amplitudaning eng katta qiymati yoz oylariga va eng oz qiymati qish oylariga to‘g‘ri keladi. Havo ochiq kunlari amplituda havo bulutli kundagidan ancha oshiq, o‘simliklar orasida havo haroratining sutkalik o‘zgarish amplitudasi kamayadi. Yer yuzidan balandlik oshgan sari havo haroratining sutkalik o‘zgarish amplitudasi tez kamayadi, 1,5-2km balandlikda havo haroratining sutkalik o‘zgarishi butunlay so‘nadi. Havo haroratining yillik o‘zgarish amplitudasi eng issiq va eng sovuq oylarning o‘rtacha oylik havo haroratlarining ayirmasi tarzida aniqlanadi. Yil davomidagi havo haroratining absolyut maksimumi va absolyut minimumi, ya’ni yil davomida kuzatilgan eng yuqori va eng past havo haroratlari ayirmasini absolyut yillik o‘zgarish amplitudasi deb aytiladi. Olingan joydagi havo haroratining yillik o‘zgarish amplitudasi joyning geografik kengligiga, er sirtining fizikaviy xossalariga (quruqlik, okean) atmosfera holatiga (namlik, bulutlik) va joyning dengiz sathidan balandligiga bog‘liq. Eng sovuq, qahraton qishda O‘zbekiston Respublikasining shimolida havo haroratining absolyut minimumi –40 0 S gacha pasayadi. Respublikaning janubida Termiz tumanida havo haroratining absolyut minimumi –20 0 S dan pastga tushgani kuzatilmagan. Termizda qish ko‘pincha nisbatan issiqroq bo‘ladi, havo harorati – 10 0 S dan pasaymaydi. O‘zbekiston hududidagi sahrolarda havo haroratining absolyut maksimumi 48-50 0 S gacha etadi. Surxondaryo viloyatidagi Termiz va Sherobodda havoning absolyut maksimal harorati 47 0 S gacha etgan yillar bo‘lgan.

www.arxiv.uz Toshkent viloyatida havo haroratining absolyut minimumi –28, ….., -35 0 S gacha, absolyut maksimumi esa 43-47 0 S ga etadi. Bu misolda havo haroratining absolyut yillik amplitudasi esa 71-82 0 S gacha etadi. 5. Qishloq xo‘jalik maqsadlari uchun katta hududlarning yoki ayrim joyning harorat rejimini baholashda quyidagilarga ahamiyat beriladi: O‘rtacha sutkalik, o‘rtacha oylik va o‘rtacha yillik haroratlar. Maksimal va minimal haroratlar. Havo haroratining sutkalik va yillik o‘zgarishi amplitudalari. Havoning o‘rtacha sutkalik haroratini aniqlash uchun havo haroratini bir sutkada 8 marta, ya’ni har 3 soatda o‘lchab boriladi, 8 marta o‘lchash natijalarini o‘zaro qo‘shib, 8 ga bo‘linadi. Boshqacha aytganda havoning o‘rtacha harorati 1 sutkada o‘tkazilgan 8 ta o‘lchash natijalarining o‘rtacha arifmetik qiymatidir. O‘rtacha oylik harorat oy davomidagi o‘rtacha sutkalik haroratlarning yig‘indisini oydagi kunlar soniga taqsimlab aniqlanadi. O‘rtacha yillik havo haroratini esa, o‘rtacha oylik haroratlar yig‘indisini yildagi oylar soniga, ya’ni 12 ga taqsimlab aniqlanadi. Havoning o‘rtacha yillik harorati issiqlikning umumiy miqdori haqida tasavvur bersa-da, u haroratning yil davomida o‘zgarishini xarakterlamaydi. O‘rtacha oylik va o‘rtacha dekadalik haroratlarni alohida davrlardagi harorat sharoitini tavsiflash uchun foydalaniladi. Ammo barcha o‘rtacha xarakteristikalar haroratning sutkalik va yillik o‘zgarishining borishi haqida to‘la tasavur bermaydi. O‘simliklarning o‘sishi va rivojlanishi uchun esa havo haroratining sutkalik va yillik o‘zgarishining borishi muhim ahamiyatga ega. Issiqlik sharoitini to‘laroq xarakterlash uchun yuqoridagi xarakteristikalardan tashqari havoning maksimal, minimal haroratlarini ham bilish kerak. Masalan, alohida oylardagi minimal haroratni bilish orqali kuzgi ekinlar va mevali daraxtlarning qishlovi sharoitlari haqida fikr yuritish mumkin. Yozda esa maksimal harorat haqidagi ma’lumotlar eng issiq kunlar sonini ko‘rsatadi.

www.arxiv.uz Havo haroratining sutkalik va yillik o‘zgarishi amplitudasi iqlimning kontinentalligini belgilaydi. Masalan, O‘zbekiston okean va dengizlardan uzoqda, Evroosiyo materigining ichkarisida joylashgani uchun kontinental iqlimga ega bo‘lib, havo haroratining sutkalik o‘zgarish amplitudasi 15-20 0 S ga teng, bu esa qishloq xo‘jalik dalalarining issiqlik rejimining muhim ko‘rsatkichidir. 6. Daraxtlar, butalar, har xil past-baland o‘tlar, mikroorganizmlar bilan qoplangan yer sathi geografik landshaftning tarkibiy qismi o‘rmon deb ataladi. O‘rmondagi barcha o‘simliklar bir-biriga uyg‘un tarzda rivojlanadi va atrof muhitga asosan ijobiy ta’sir ko‘rsatadi. O‘rmonda o‘sadigan daraxtlar yakka holda o‘sadigan daraxtlarga qaraganda shakli, tanasining katta-kichikligi, shox-shabbasining joylashishi hamda shoxlardan tozalanish darajasi bilan farqlanib turadi. O‘rmon daraxtlarining bo‘yi baland, tik, tanasi silindr shaklida hamda shox- shabbalari daraxtning yuqorigi qismigagina joylashgan bo‘ladi. Ochiq joyda o‘sadigan daraxtlar esa shox-shabbalari tarqoq yoki sharsimon va ko‘pincha yer yuzasiga yaqin joylashgan bo‘ladi. Ochiq joydagi daraxtlardan yaxshi, sifatli yog‘och materiallari chiqmaydi. O‘rmon ichida o‘sib, rivojlangan daraxtlar hayoti ochiq daladagidan butunlay boshqacha bo‘ladi. Ularning tanasi to‘g‘ri, shox-shabbalardan tozalangan bo‘ladi. Respublikamiz O‘rta Osiyo regionida o‘rmon bilan qoplanish va o‘rmon zahirasi bilan ta’minlanishida oxirgi o‘rinlardan birini egallaydi. Mamlakatimizning o‘rmon bilan qoplanishi-5,1% ga teng, ya’ni O‘zbekiston hududining 5,1% qismigina o‘rmon bilan qoplangan. Agar tuproq o‘t bilan qoplangan bo‘lsa, kunduzi quyosh radiasiyasini tuproq sirti yutmaydi, balki o‘tlar yuzasi tomonidan yutiladi. К echasi esa bu sirt bevosita issiqlik energiyasini nurlanadi. Shuning uchun kunduzgi soatlarda tutash o‘simlik qoplami sirtida havo harorati yuqori bo‘ladi, kechasi esa past bo‘ladi. Bu sirtdan yuqorida va pastda kunduzi harorat pasayadi, kechasi esa ortadi.

www.arxiv.uz O‘rmon havo haroratiga ancha darajada ta’sir qiladi. O‘rmon o‘zining qoplami tagidagi havo haroratini pasaytiradi. O‘rmonli dashtlarda emanzorlar tagida o‘rmonning o‘rtacha oylik harorati yilning iliq davrida daladagidan past bo‘ladi, eng katta harorat farqi iyun, iyul oylariga to‘g‘ri keladi. O‘rmonda havo harorati amplitudasi daladagi havo harorati amplitudasidan kichik bo‘ladi. O‘rmon kunduzi havoning maksimal haroratini kamaytirib, kechasi esa minimal haroratni ko‘tarib havo harorati tebranishlarini ancha kamaytiradi.

www.arxiv.uz Foydalanilgan adabiyotlar ro‘yxati: 1. Xromov S.P. Meteorologiya va klimatalogiya giyagrafik fakultetlar uchun. L.Gidrometizdat 455 b 2. Vitkevich V.I. Selskoxozyaystvennaya meteorologiya. -M.: К olos, 1966. -383 s. 3. Guralnik I.I., Dubinskiy G.P.,Larin V.V., Mamikonova S.V. Meteorologiya. - L.: Gidrometeoizdat, 1982. -440s. 4. Glazirin G.E., Chanisheva S.G., Chub V.E. O‘zbekiston iqlimining qisqacha ocherki. –Toshkent, O‘OITGMI, 1999. -31 b. 5. Jo‘raev O.J., A’zamov A.A., Tog‘aymurodov Y.T. Meteorologiyadan izohli lug‘at. -T.: Xalq merosi, 2002. -415 b. 6. Jo‘raev O.J., Mo‘minov O.F., A’zamov A.A., Bilyalov R.B., Tog‘aymurodov Y.T., Yuldasheva I.A. Ruscha o‘zbekcha meteorologik lug‘at (atamalar, tushunchalar). -Toshkent. O‘OITGMI, 1998. -250 b. 7. Zvereva R.Yu., Arg‘inboev H.A. Agrometeorologiyadan amaliy mashg‘ulotlar. -T.: Mehnat, 1989. -112 b. 8. К obisheva N.V., К ostin S.I., Strunnikov E.A. К limatologiya.-L.: Gidrometeoizdat, 1980. —344 s. 9. Muhtorov T.M. Ertangi kun Ob-havosi. Toshkent- O‘OITGMI, 1999-154 b. 10. К ostin S.I. К ratkiy kurs meteorologii i klimatalogii dlya lesovodov. -L.: LTA: 1971. -185 s. 11. Xonnazarov A.A. O‘rmonshunoslik.–Toshkent, 2000.–94 b.

Похожие

Yer sirtining issiqlik rejimi

Q’ishloq’ xo’jalik yoki nlarini sug’orish rejimi, o’simliklarning suvga bo’lgan talabi

Meteorologiya, iqlimshunoslik, o‘rmon meteorologiyasi fanlari. Meteorologik kattaliklar va hodisalar

Qishloq xo’jalik ekinlarini sug’orish rejimi. Nomavsumiy davrda sug’orish turlari va ularning ahamiyati

Tuproq unumdorligi, madaniyligi va struкturasi. Tuproqning oziq rejimi va uni boshqarish usullari