Poliz ekinlarining botanik tasnifi va navlari - Сельское и лесное хозяйство - Рефераты

Poliz ekinlarining botanik tasnifi va navlari

Загружено в:

20.09.2019

Скачано:

0

Размер:

74 KB

Poliz ekinlarining botanik tasnifi va navlari Reja : 1. Qovoqgullilar oilasi vakillarining qisqacha tavsifi. 2. Cucumis avlodi tasnifi. 3. Citrullus avlodi tasnifi. 4. Cururbita avlodi vakillarining tasnifi. 5. O’zbekistonda rayonlashtirilgan poliz ekinlarining navlari.

1. Poliz ekinlari Qovoqdoshlar (Sucurbitaceae Juss) degan botanik oilaga kiradi, bu oila yopiq urug’li o’simliklarning juda yirik bir oilasi bo’lib, 103 ta turkum va 1100 dan ko’ra ko’proq turlarni o’z ichiga oladi. Bu o’simliklarning ko’pchiligi tropik va subtropik mamlakatlarda tarqalgan, yerga yoyilib yoki palak yozib o’suvchi bir yillik o’simlik hisoblanadi. Mamlakatimizda poliz ekinlaridan qovun, tarvuz, yirik mevali va muskat qovoq ekiladi. Ularning xarakterli belgilari quyidagilardir: jingalaklari bo’ladi, gullari ayrim jinsli, hashoratlar yordamida changlanadi (entomofil), erkak guli bir kun yashaydi, ertalab ochilib, kechqurun yopiladi. Mevasi qovoq meva, urug’lari endospermsiz, yirik murtakli va ikkita yassi urug’pallali bo’ladi. Qovoqdoshlar issiqlik va qurg’oqchilikka chidamli, yorug’sevar qisqa kun o’simliklari bo’lib, tuproq unumdorligiga uncha talabchan emas. 2. Qovun 40 dan ortiq turlarni o’z ichiga oladigan Cucumis L. turkumiga kiradi, shu turlar orasida faqat qovun bilan bodring turlari madaniy o’simliklar bo’lib hisoblanadi. A.I. Filov (1960,1969) taklif etgan klassifikatsiyaga muvofiq, qovunlarning hammasi yettita kenja turni o’z ichiga oladigan Cucumis melo Adans. degan bitta turga birlashtiriladi, bu kenja turlarning uchtasi (O’rta Osiyo- ssp. rigidus (Pang.) Fil., Kichik Osiyo-ssp. orientale Sageret, ovrupo-ssp. europaeus Fil qovunlari madaniy, uchtasi (ilonsimon qovun-ssp. flexuosus L., xitoy qovuni-ssp. Chihensis Pang. va xushbo’y yoki hidli qovun-ssp. Subspantaneus Fil.) yarim madaniy va bittasi (dalada begona o’t tariqasida o’sadigan ssp. agrestis Naud nomli qovun) yovvoyidir. Madaniy qovun kenja turlarini A.I. Filov tur-xillariga yoki ekotiplarga ajratadi. O’rta Osiyo kenja turi mevalarida qand moddalari hammadan ko’p bo’lishi bilan ajralib turadi. Palagi uzun, qattiq tuklar bilan qoplangan, dumaloq-qirrali shaklda bo’lib, bo’yi 2,5-3 metrga boradi, to’rtinchi tartibgacha boradigan yon novdalar chiqaradi. Handalaklar -var. Chandalak (Pang.) Greb- vegetatsiya davri 55-70 kun. Mevalari mayda (0,5-2 kg), dumaloq yoki yassi tortgan, sust segmentlangan, po’sti

juda siyrak to’rli bo’lib, yumshoq. Eti sersuv, tarkibidagi qand moddalari o’rtacha miqdorda (6-8 %), xushbo’y. Eti yumshoq yozgi qovunlar -var. Bucharica (Pang) Fil.- vegetatsiya davri 75- 90 kun. Mevalari dumaloq yoki tuxumsimon shaklda, o’rtacha kattalikda va yirik. Po’sti siyrak to’r bilan qoplangan, yumshoq. Eti mayin, xushbo’y, tarkibidagi qand moddalari bir muncha ko’proq (8-12 %). Eti qattiq yozgi qovunlar - var. Aestivolis Fil.- vegetatsiya davri 90-110 kun. Mevalari cho’zinchoq shaklda, har xil kattalikda bo’ladi. Po’sti qattiq, qalin to’r bilan qoplangan. Eti karsillaydi, hidi yo’q, tarkibida anchagina 8-18 %) qand moddalari bo’ladi. Kuzgi qovunlar -var. autumnalis Fil. - mevalari odatda to’la yetilmasdan turib uziladi. Vegetatsiya davri 110-120 kun. Mevalari o’rtacha kattalikda va yirik, tuxumsimon shaklda, yarmigacha yoki hamma tomoni to’r bilan qoplangan bo’ladi. Po’sti qattiq. Tarkibida qand moddalari 9-11 %, saqlab qo’yish va transportda tashishga yaxshi chidaydi. Qishki qovunlar - var. hibernus Fil.- qishda saqlab qo’yilganida batamom yetilib oladi. Mevalari yirik, silindrsimon shaklda, po’sti qattiq, to’ri siyrak. Mevasi uzib olingan mahalda qattiq, shirasi kam, saqlab qo’yilganida ancha sersuv va shirin bo’lib qoladi. Kichik Osiyo kenja turi - madaniyligi jihatidan olganda o’rta osiyo kenja turidan keyin ikkinchi o’rinda turadi. Mevalari dumaloq yoki tuxumsimon shaklda. Mevalarida qand moddalarining miqdori 10-12 % ga boradi. Bu kenja tur uchta tur-xilga bo’linadi: yozgi kasobilar (var. zhukowskii (Pang.) Fil.), kuzgi kasobilar (var. hasanbey (Pang.) Fil.), gurvaklar (var. gurbek Fil). Gurvaklar tur-xili Xorazm viloyati va Qoraqalpog’iston Respublikasida ko’p ekiladi. 3. T.B. Fursa (1982) tasnifiga muvofiq Citrullus Shrad turkumi 4 ta turga bo’linadi: 1. Tukli tarvuz C. Lanatus (Thunb) Matsum et Nakai. 2. Kolotsint C. Colocynthis (L.) Schrad.

3. Jingalaksiz tarvuz C. Ecirrhosus Cogn. 4. Noden tarvuzi C. Naudinianus (Sond) Hook.f. Bu turlarning so’nggi uchtasi yovvoyi holda o’sadigan o’simliklardir. Tukli tarvuz hammadan ko’ra ko’proq tarqalgan bo’lib, uchta kenja turdan tashkil topgan. 1. Shilimshiq urug’li tarvuz- ssp. mucoso spermus- yovvoyi holda o’suvchi (shilimshiq urug’li tur-xili) va yarim madaniy (sinegal tur-xili) formalarni birlashtiradi. 2. Tukli tarvuz- ssp. lanatus- yumshoq tuklar bilan qalin qoplangan bo’lib, yovvoyi holda o’suvchi janubiy va janubi-g’arbiy afrika formalari bilan ekiladigan xashaki va sukat formalardan iborat. 3. Oddiy tarvuz- var. vulgaris- ikkita tur-xilni: ekiladigan tarvuz (var. vulgaris) va kardafon tarvuz (var. cordophanus) ni o’z ichiga oladi. Bularning birinchisiga xo’raki tarvuzning hamma navlari, ikkinchisiga -mevasining eti sariq bo’ladigan, asosan Shimoliy-Sharqiy Afrikada o’sadigan yarim madaniy formalar kiradi. Xo’raki tarvuz navlarini birmuncha batafsil sistematikaga solish uchun ular 10 ta ekologik-geografik guruhlarga bo’lingan: 1. Rus tarvuzi- Rossiyaning Ovrupo qismi va Ukraina tarvuz navlarini birlashtiradi, bular qurg’oqchilikka chidamliligi bilan farq kiladi, ularning orasida mevasi dumaloq shaklda, eti pushti rangda, sershira bo’ladigan navlar ustun turadi. 2. Kichik osiyo tarvuzi- rus tarvuziga yaqin bo’ladi-yu, lekin kamroq madaniylashtirilgani va kamroq tekislangani bilan farq qiladi. 3. Kavkaz orti tarvuzi- bu tarvuz navlari mezofil ko’rinishda, etining rangi och tusda, lekin dag’alroq va shirasi kamroq bo’ladi. 4. O’rta Osiyo tarvuzi- Markaziy Osiyo navlarini birlashtiradi, tupi dag’alroq tuzilgan, palagi uzun, bargi yirik, po’sti qalin, kechpishar bo’lishi bilan ajralib turadi.

5. Afg’on tarvuzi- o’rta osiyo tarvuziga yaqin turadi-yu lekin kamroq madaniylashtirilgani bilan farq qiladi. 6. Uzoq Sharq tarvuzi- nam iqlim sharoitida vujudga kelgan. Bu guruhga kiradigan navlar palagi kalta, mevasi mayda, tezpishar, eti limon rang va kamshira bo’ladi. 7. Sharqiy osiyo navi- Yaponiya, Xitoy va Koreya navlarini o’z ichiga oladi, yapaloq-ellips shaklda, eti juda shirali va nordonroq bo’ladi. 8. Hind tarvuzi- tupining tuzilishi mezofil tusda, mevalari yirik va qattiq po’stli, eti dag’al va shirasi kam. 9. Amerika tarvuzi- AQSh va Kanada navlarini birlashtiradi. Mevasi cho’zinchoq shaklda, eti ochiq rangli, mayda donador, juda sershira va lazzatli bo’lishi bilan ajralib turadi. 10. G’arbiy ovrupo tarvuzi- tupi mefozil qiyofada bo’lib, yetilish muddatlari va morfologik belgilari turlicha bo’ladi 4. Qovoq 4 ta kenja turkum va 25 turni o’z ichiga oladigan Cucurbita L. turkumiga kiradi. Mamlakatimizda ekiladigan qovoqlar har xil morfologik va xo’jalik-biologik belgilariga ega bo’lgan quyidagi uchta turga kiradi: 1. Qattiq po’stli yoki oddiy qovoq - C. Pepo L. Poyalari qirrali bo’lib, egatchalari bor, barglari to’q yashil, uchi o’tkirlashib kelgan, besh yaproqli. Barglari, poyalari va meva bandlari qattiq tikanakchalar bilan qoplangan. Qovoqning bu turi uzun palakli o’simliklarni ham, kalta palak chiqarib, tupli bo’lib o’sadigan o’simliklarni ham o’z ichiga oladi. Mevalari boshqa turlarning mevalariga qaraganda maydaroq, ko’pincha tuxumsimon shaklda, sarg’ish- zarg’aldoq yoki och sariq tusda, yo’l-yo’l naqshli bo’ladi. Mevasining shakli va katta-kichikligi jihatidan bir-biridan ajralib turadigan juda ko’p navlari bor. Meva bandi qirrali, prizmatik shaklda. Mevasining eti sertola, boshqa turlardan ko’ra dag’alroq. Qattiq po’stli qovoq to’rtta kenja turni o’z ichiga oladi: uzun palakli qovoq- ssp. pepo (palagi uzun bo’ladigan asosiy navlari va uzun palakli kabachki); palagi kalta yoki tupli qovoq -ssp. levicunlis (kabachki, patisson, qiyshiq bo’yin yoki

kruknek); manzarali qovoq -ssp. polimorfa, yovvoyi holda o’suvchi qovoq -ssp. faxbana. 2. Yirik mevali qovoq - C. maxima Duch. Poyalari silindrsimon, tukli, dumaloq, juda uzun. Barglari yashil, yirik, buyraksimon ichi sal o’yiqli. Mevalari yirik, sharsimon yoki yassi tortgan, goho cho’ziqroq bo’lib, po’sti yumshoq va har xil rangli. Eti kam tolali, yumshoq. Kattiq po’stli qovoqqa qaraganda bir muncha kechpishar. To’rtta kenja turni o’z ichiga oladi: eski dunyo qovog’i - ssp. maxima (ekiladigan navlari); amerika qovog’i - ssp. americana (ancha tezpishar, palagi uzun va qattiq tuklar bilan qoplangan); xitoy qovog’i - ssp.furbankurbus (sallaga o’xshash shaklda mayda va o’rtacha meva qiladigan nimjon o’simliklar); yovvoyi holda o’suvchi qovoq - ssp. andreara. 3. Muskat qovoq - C. moschata Duch. Poyalari va barglarining bandlari dumaloq - qirrali, meva bandi esa qirrali bo’lib, mevaga tomon kengayib boradi. Barglari salgina o’yilgan, besh yaproqli yoki buyraksimon, tomirlari orasida oq dog’lari bor. Bu turga mansub o’simliklarning hammasi uzun palakli. Mevasi shakli, katta - kichikligi va rangi jihatidan har xil; cho’ziq shaklda bo’lib, o’rtasi torayib kelgan (pillasimon), pushti - jigarrang yoki sariq tusga kirgan mayda va o’rtacha mevalari ko’proq uchraydi. Mevasining eti zarg’aldoq tusda, mushk hidli, zich, mayin. Rosmana ekologik - geografik tiplardan iborat bo’lgan oltita kenja turni o’z ichiga oladi: turkman qovog’i - ssp. nogluta (mevalari cho’ziq shaklda bo’lib, yuza segmentlangan); yapon qovog’i -ssp. japonica (mevalari chuqur segmentlangan, burishgan yoki egatchali); meksika qovog’i - ssp. mexicana (mevalarining po’sti yog’ochsimon bo’lib, eti yupqa, unsimon, shirin); kolumbiya qovog’i - ssp. columbiana (mevalari qalampirnusxa); Shimoliy Amerika qovog’i - ssp. boreali americanika (mevalari mayda va o’rtacha kattalikda bo’lib, shakli yassi shakldan tortib to silindrsimon shaklgacha boradi) va hind qovog’i - ssp. indica (mevalari juda yirik, ochiq rangli, sharsimon yoki tuxumsimon shaklda) shular jumlasidandir. 5. O’zbekiston Respublikasi hududi ekinlarida 160 dan ortiq qovun navlari uchraydi, lekin ularning ko’pchiligi kichik maydonlarga ekiladi. 2000 yilga

bo’lgan ma’lumotga ko’ra, respublikamizda 33 ta nav rayonlashtirilgan bo’lib, shulardan faqat mahalliy Gurbek navi kichik Osiyo kenja turiga, qolganlari esa O’rta Osiyo kenja turiga mansubdir. O’suv davri davomiyligiga ko’ra, qovun navlari quyidagi guruhlarga bo’linadi: 1. Ertapishar navlar (maysalar paydo bo’lgandan to birinchi meva pishguniga qadar 65-80 kun o’tadi). 2. O’rtapishar navlar (o’suv davri 81-110 kun). 3. Kechpishar navlar (o’suv davri 110 kundan ortiq). Mamlakatimizda rayonlashtirilgan 33 ta qovun navidan ertapishar navlar 9 ta, o’rtapishar navlar 14 ta va kechpisharlari 10 ta navni tashkil etadi.Ertapishar navlar ichida handalaklar va yozgi eti yumshoq qovun guruhlariga mansublari; o’rtapishar qovunlar ichida - yozgi eti yumshoq va yozgi eti qattiq qovun navlari; kechpishar navlar ichida esa kuzgi va qishki qovun navlari mavjud. (1-jadval). O’zbekistonda 20 tadan ortiq tarvuz navlari uchraydi, shulardan 12 tasi rayonlashtirilgan. O’suv davri uzunligiga ko’ra tarvuz navlari quyidagi guruhlarga bo’linadi: 1. Ertapishar (maysa unib chiqqandan to birinchi meva pishgunga qadar 85 kungacha o’tadi). 2. O’rtapishar (o’suv davri 85-110 kun). 3. Kechpishar (o’suv davri 110 kun va undan ortiq) Mamlakatimizda rayonlashtirilgan tarvuz navlarini o’suv davri uzunligiga ko’ra 3 guruhga kiritish mumkin: ertapishar navlar - O’rinboy, Olmos, Mahalliy Mozaichniy, O’zbek - 452; O’rtapishar navlar - Korol Kubi - 92, Mramorniy, Dilnoz, Neobichniy, Sputnik; kechpishar navlar - Qo’zivoy 30, Hayit - qora, Guliston. O’zbekiston Respublikasi qovoqning turli xil navlariga ega. Jamoa, dehqon - fermer xo’jaliklarida va shaxsiy tomorqalarda qovoqning 140 dan ortiq nav namunalari uchraydi, bulardan muskat qovoqlari 40-45% ni, yirik mevali qovoqlar 30-35% ni va qattiq po’stli qovoqlar 25-30% ni tashkil etadi. Respublikamizda

faqatgina 4 ta nav rayonlashtirilgan. Bulardan Qashqar 1644 va Palov kadi 268 navlari muskat qovoqlariga mansub. Ispan 73 navi yirik mevali qovoqlarga va Non-kadi navi qattiq po’stli qovoqlar turiga kiradi. Ispan 73 navi kechpishar hisoblanib, o’suv davri 120-130 kun, boshqa navlar esa o’rtapishar bo’lib o’suv davri 110-120 kun.

O’zbekiston Respublikasi viloyatlarida rayonlashtirilgan qovun navlari 1-jadval. Qovunchilik Viloyat Rayonlashtirilgan navlar makoni Ertapishar O’rtapishar Kechpishar 1. Toshkent qo- vunchilik makoni Toshkent, Sirdaryo, Jizzax Handalak ko’kcha 14; Toshloqi 862, Rohat Baytqo’rg’on; Oq- urug’ 1137; Yirik ichi qi-zil, Buxarka 944, Shakarpalak 544 Qo’ybosh 476, Umrboqi 3748, Qorapo’choq 3744 Toshkent Zarchopon G’ 1 Ko’k-tinna 1057, Ko’kcha 588, Oltin- tepa, Lazzatli 2. Farg’ona qovunchilik makoni Farg’ona, Andijon, Namangan Handalak ko’kcha 14, Toshloqi 862 Assati 3806, Shakarpalak 544, Ko’k-tinna 1087, Ko’kcha 588 Umrboqi 3748, Qo’ybosh 476, Qorapo’choq 3744 3.Zarafshon qovunchilik makoni Samarqand Mahalliy sariq handalak, Ko’k- kalla-po’sh, Ma- halliy Dahbedi, Samarqand obi- novvoti, Tosh- loqi 862 Ko’k tinna 1087 Zarg’aldoq gulobi, Qo’ybosh 476, Sayli, Mahal-liy qoraqand Buxoro, Navoyi Mahalliy sariq xandalak, Ko’k- kalla-po’sh, Ma- halliy Bo’ri-kal- la, Toshloqi 862 Ko’k-tinna 1087, Ko’kcha 588, Lazzat- li, Oltin vodiy 4. Janubiy qovunchilik makoni Surxondaryo , Qashqadaryo Sariq handalak, Ko’k-kalla- po’sh, Mahalliy Ko’k tinna 1087, Aravakash 1219 Qashqadaryod a : Zarg’aldoq gulobi,

Dahbedi, Toshloqi 862 Surxondaryod a: Mahalliy qora-qand 5. Xorazm qovunchilik makoni Xorazm vi- loyati, Qo- raqalpog’is- ton Respub- likasi _ Mahalliy Gurbek, Oltin vodiy, Gurlan Mahalliy Beshak, Mahalliy ola- hamma, Mahalliy Qoraqand, To’yona, Qariqiz

Adabiyotlar : 1. X . Ch . Bo ’ riev , O . A . Ashurmetov « Poliz ekinlari biologiyasi va yetishtirish texnologiyasi », T .: « Mehnat » 2000. 2. V.F.Belik «Baxchevodstvo» M.: «Kolos» 1982. 3. X.Ch.Buriev «Spravochnaya kniga baxchevoda» M.: «Kolos» 1984. 4. X.Ch.Buriev «Biologiya razvitiya i semennaya produktivnost tikvenn ы x kultur», T.: «Mehnat» 1992. 5. X.Ch.Bo’riev, V.I.Zuev, A.A.Umarov «Polizchilikdan amaliy mashg’ulotlar» T.: «Mehnat» 1997. 6. H.Ch.Bo’riev «Sabzavot ekinlari seleksiyasi va urug’chiligi», T.: «Mehnat» 1999. 7. Q.Qo’chqorov va boshq. «O’zbekistonda sabzavot, poliz ekinlari urug’chiligi», T.: «O’zbekiston» 1985. 8. «O’zbekiston xududida ekishga tavsiya etilgan qishloq xo’jalik ekinlari» Davlat reestri. T.: 2000. 9. M.N.Kulakova «Vozdelivanie kabachkov, patissonov i tikv v Uzbekistane», T.: «Fan» 1981. 10. Sabzavotchilik, polizchilik va kartoshkachilik spravochnigi. T.: «Mehnat» 1987. 11. Vaqtli nashrlardan: «O’zbekiston qishloq xo’jaligi», «Kartofel i ovo sh i» jurnallari, «Ovo sh i i baxchev i e kultur i » referativ jurnali.

Похожие

Poliz ekinlarining morfologik va biologik xususiyatlari

Kirish. Poliz ekinlarining ahamiyati va tarqalishi. Polizchilik turlari va makonlari

Poliz ekinlari urug’chiligi

Poliz mevalarini yig’ish, tashish va saqlash

Lalmikor polizchilik xususiyatlari