Лойиҳаларнинг чизма қисми - Сельское и лесное хозяйство - Рефераты

Лойиҳаларнинг чизма қисми

Загружено в:

20.09.2019

Скачано:

0

Размер:

93.5 KB

Лойиҳаларнинг чизма қисми Режа: 1. Сервис пунктларнинг наъмунавий лойҳалари билан танишиш ва улардан фойдаланиш. 2. Пунктнинг бош режасини ишлаб чиқиш ва лойҳалаш.

Таянч иборалар ва тушунчалар Сервис, сервис хизмат, воситаларининг техник сервиси, двигател, ҳаракат узатиш механизми, иш машинаси, ишлаб чиқариш агрегати, бошқарувчи система, механик хизмат курсатиш Сервис пунктларида қуруладиган иншоатлар ва бинолар хизмат кўрсатиш учун қўлай шароитларни яратиши лозим. Йилнинг барча фасларида микроиқлим талабларига жавоб бериш кўзда тутулади. Бино ва қурулмалар ишлаб чиқариш, хизмат кўрсатиш, ёнғинга қарши талабларга риоя этиш кўзда тутулади. Бинолар учун қўйиладиган асосий талабларга қуйдагилар киради: - ёритилганлик даражаси; - тоза ҳаво билан таъминланганлиги; - қишда ва ёзда ҳаво ҳарорати; - канализация тизими билан жиҳозланганлиги; - ишлаб чиқариш (хизмат кўрсатиш) техник талаблар; Бу кўрсаткичлар биноларнинг асосий микроиқлим кўрсаткичлари бўлиб оммавий хизмат кўрсатгич пунктлари учун муҳим ҳисобланилади. Ёритилганлик даражаси. Бино ва иншоатларнинг ёритилганлиги таббий ҳолда ва сунъий ҳолда амалга оширилади. Таббий ёритилганлик муҳим аҳамиятга эга бўлиб асосан деразлар, эшиклар ва биноларни қуёшли томонга қараб маълум миёрлар асосида жойлаштириш орқали амалга оширилади. Сунъий ёритилганлик электр ёритгичлари орқали бажарилади. Ва ҳар бир бинода ҳар икки турдаги тизимнинг бўлиши кўзда тутулади. Ҳарорат даражаси . Биноларнинг ҳароратига таъсир этадиган асосий факторлар: - объектнинг жойлашиш рельефи, бинонинг шакли; - асосий шамол йўналиши ва қуёш ҳаракатига қараб жойлашганлиги;

- биноларнинг девор, шип (крыша) нинг қалинлиги; - иситиш тизими, вентиляция тизими, ёритиш тизими ва бошқалар. Бинолардаги температура даражаси (қишда иссиқ ёзда салқин) хизмат сифати, меҳнат унумдорлигини, оширади ва клиентларнинг интевсивлигини оширади ва улар учун яратиладиган шароитнинг асосий факторларидан бири ҳисобланади. Тоза ҳаво билан таъминганлиги . Хизмат кўрсатиш объектларидаги ҳавонинг тозалиги микроиқлимнинг асосий вазифаларидан биридир. Шунинг учун сервис биноларида доимо ҳаво тозалигини таъминлаш катта аҳамиятга эга. Линияларда ишлаганда чиқадиган газлар таркибида турлича бўлиши мумкин. Ҳавонинг тоза бўлишига бино ва йўлакларнинг тоза бўлиши чиқиндиларни ўз вақтида чиқарилиши катта аҳамиятга эга. Ҳаво тозалиги вентиляция тизими орқали амалга оширилади. Канализация тизими . Бу талаб пунктдаги санитария ҳолатининг нормал бўлишини таъминлайдиган тадбир бўлиб ҳисобланилади. Канализация тизими умумий канализация тизимига уланган бўлиши ёки автоном ҳолда ишлайдиган тизимларга бўлинади ва сервис пункти учун зарурий ҳол ҳисобланилади Ишлаб чиқариш ва техник талаблар . Бу талаблар тизими тўғридан пунктда хизмат кўрсатиш жараёнларига боғлиқ бўлиб бинолар ичида техника воситаларини, қурулмаларни жойлаштириш имкониятлари ва пункт фаолиятидан келиб чиққан ҳолда кўйилади. Бинолар клиентларни қабул- қилишга қўлай, кутиш заллари ҳар томонлама барча замонавий талабларга жавоб бериши лозим. Бинолар кириш ва чиқиш йўлаклари билан таъминланганлиги, ҳаводор ва акустик жиҳатдан қўлай, эвалуация ҳолатларига жавоб берадиган бўлиши кўзда тутулади.

Автосервис корхоналари ишлаб чиқариш бўлинмалари ва ихтисослашган устахоналари Автомобилларга тўла равишда хизмат кўрсатувчи корхоналарда қуйидаги ишлаб чиқариш бўлинма ва устахоналар ташкил этилади: -автомобилларни ювиш ва қуритиш; -автомобилларни хизматга қабул қилиш ва уларни эгасига топшириш; -махсус диагностика; -техник хизмат кўрсатиш постлари; -таъмирлаш, агрегатларни алмаштириш постлари; -кузов элементлари (эшиклар, капотлар, бамперлар ва ҳ.к.)ни таъмирловчи постлар; -автомобил, агрегат, асбоб ва жиҳозларини таъмирловчи махсус устахоналар (агрегатлар, узел ва деталларини таъмирловчи; ғилдираклар ва шиналарга хизмат кўрсатувчи; аккумуляторларни таъмирловчи ва зарядка қилувчи; электр жиҳозларига хизмат кўрсатувчи; моторнинг ёнилғи таъминлаш тизими асбоблари: карбюратор, ижектор, бензонасос ва ҳ.к.га хизмат кўрсатувчи; кузовни таъмирлаш комплекси: тунукасозлик, пайвандлаш,арматура, бўяшга тайёрлаш, бўяш ва қуритиш ва бошқалар. Автомобилларга техник хизмат кўрсатиш корхонаси ишлаб чиқариш биносининг таркибий қисми 5.1-расмда схематик кўринишда келтирилган. АСК ишлаб чиқариш технологик жараёнини тўғри ташкил этиш мақсадида барча постлар (автомобил турар жойлари) махсус белги (индекс)ларга эга. Индексларнинг биринчи рақами (нуқтагача) ушбу постнинг қайси минтақага тегишлилигини билдирса, иккинчи рақам (нуқтадан сўнг) постнинг турини билдиради: 0-автомобилларнинг навбат кутиш жойи; 1-қўзғалмас кўтариш элтиш жиҳозига эга бўлган ишчи пости; 2-ер усти ишчи пости; 3-ёрдамчи пост; 4- тормоз тизимини текшириш жиҳозига эга бўлган ишчи пост; 5-бошқариш ғилдиракларини ўрнатилиш бурчакларини текшириш ва созлаш жиҳози билан таъминланган ишчи пост; 6-ёритиш ва сигнализация, шу жумладан

двигател ва унинг тизимларини текшириш жиҳозларига эга бўган ишчи пост (қувват жиҳози ўрнатилиши ҳам мумкин). Пост ва ишлаб чиқариш минтақалари қуйидаги индекслар билан белгиланади (5.1-расм): 1-қабул қилиш ва топшириш минтақаси; 1.3-назорат, қабул ва топшириш пости (ёрдамчи пост); 2-ювиш бўлими; 2.1-ювиш пости (ишчи); 2.3-қуритиш пости (ёрдамчи); 3-диагностика бўлими; 3.4-тормоз тизимини текшириш жиҳозига эга бўлган ишчи пост; 3.5- бошқариш ғилдиракларини ўрнатилиш бурчакларини текшириш ва созлаш жиҳози билан таъминланган ишчи пост; 3.6-двигател, унинг тизимлари ва ёритиш ва сигнализация асбобларини текшириш ишчи пости (қувват жҳозига эга бўлиши ҳам мумкин); I-ишлаб чиқариш минтақаси; II-маъмурий минтақа 4-ТХК минтақаси; 4.0- автомобилларнинг навбат кутиш жойи; 4.1-қўзғалмас кутариш жиҳозига эга бўлган ТХК ишчи пости; 4.2- ТХК ер устиишчи пости; 5-ЖТ пости; 5.0-автомобилларнинг навбат кутиш жойи; 5.1-қўзғалмас кўтариш жиҳозига эга бўлган ЖТ пости; 6-мойлаш бўлими; 6.0-автомобилларнинг навбат кутиш жойи; 6.1.- қўзғалмас кўтариш жиҳозига эга бўлган ишчи пости; 7-аккумулятор батареяларини таъмирлаш ва зарядлаш устахонаси; 7.0- автомобилларнинг навбаткутиш жойи; 8-электр жиҳозлари ва асбобларини таъмирлаш устахонаси; 8.0- автомобилларнинг навбат кутиш жойи; 9-ёнилғи таъминоти тизими асбобларини таъмирлаш устахонаси; 9.0- автомобилларнинг навбат кутиш жойи; 10-агрегат-механика бўлими; 10.0-автомобилларнинг навбат кутиш жойи; 11-шиномонтаж бўлими; 11.0-автомобилларнинг навбат кутиш жойи; 12-қопламачилик агрегат устахонаси; 12.0-автомобилларнинг навбат кутиш жойи;

13-кузовларни таъмирлаш устахонаси; 13.0-автомобилларнинг навбат кутиш жойи; 13.1-қўзғалмас кўтаргичли ишчи пост; 13.2-ер усти ишчи пости; 14-бўёқчилик устахонаси; 14.1-қўзғалмас кўтаргичли ишчи пост; 14.2-ер усти ишчи пости; 14.3-ёрдамчи пост. расм. АСК постлари ва минтақаларини жойлашиш чизмаси. Автомарказларда, йирик ва ўрта АСКларида юқорида келтирилган ишлаб чиқариш участкаларининг барчаси тўла ва мустақил равишда ташкил этилади. Лекин унинг бир қанча вариантлари ҳам бўлиши мумкин, масалан, майда таъмирлаш ишлари (3 ишчи-соат ҳажмигача) ТХК постларида ёки алоҳида, киришга ва чиқишга қулай бўлган постларда бажарилиши мумкин. Баъзи устахоналар кичик АСКларга бирлаштирилади, масалан, аккумулятор устахонаси электр жиҳозлари устахонаси билан, таъминлаш тизими асбобларини таъмирлаш агрегатлар устахонаси билан. Шунингдек, ТХК ишлари таъмирлаш ишлари билан бирга бир постларда ташкил этилиши ҳам мумкин. Автосервис корхоналарида кўриладиган хизмат турларининг бажарилиш жойлари Автосервис корхоналарида кўрсатиладиган сервисларнинг турларини ва бажарилиш жойларини кўриб чиқамиз: 1. Автомобиллар салонини йиғиштириш ва тозалаш, моторни ва кузовни ҳар томондан, шунингдек, остидан ювиш, кузовни қуритиш ва жило бериш (полировка) ишлари автомобилларни ювиш-тозалаш ва қуритиш бўлимида бажаради. Замонавий АСКларда бу ишларни бажарувчи участкалар керакли жиҳозлар ва сув тозалагич иншоотлари билан таъминланади. Бу участка корхонанинг қуввати ва имкониятига қараб механизациялашган ёки қўлда, шланг ёрдамида ювадиган (расм) бўлиши мумкин. Автомарказлар, йирик ва

баъзи ўрта қувватли АСКларда ювиш участкаси механизациялашган, баъзида эса автоматлаштирилган бўлади (расм). 2. Автомобилларни сервис хизматига қабул қилиш, автомобил ва унинг агрегатлари, узеллари ва тизимларининг техник ҳолатини аниқлаш бажариладиган ишлар ҳажмини ва муддатини белгилаш, шунингдек, зарур ҳужжатларни тўлдириш, мижозлар билан муомала қилиш каби ишлар автомобилларни қабул қилиш ва эгасига топшириш участкасида бажарилади. Шунингдек қабул қилиш жараёнида, автомобилнинг ташқи кўриниши кўздан кечирилади, унинг бутлиги текширилади, эгаси “носоз” деб айтган агрегатлар ва узеллар текшириб кўрилади, ҳамда ҳаракат хавфсизлигини таъминловчи барча механизмлар текширилиб, сарф бўладиган эҳтиёт қисмлар, материаллар миқдори ва тахминий хақи ҳам келишилиб олинади. Бундан ташқари автомобилнинг умумий техник ҳолатини белгиловчи агрегатлар ва қисмлар ҳам, эгаси буюртмасидан қаътий назар, кўриб чиқилади. Бажариладиган ишларнинг тахминий ҳажми, бажариш муддати ва нархи белгиланиб, мижоз билан келишилгандан сўнг ҳужжатлар расмийлаштирилади. Автомобилларни сервисга қабул қилиш корхона ёки соҳа раҳбарияти томонидан тасдиқланган махсус қоидалар асосида амалга оширилади. Автомобилларни кўрикдан ўтказиш ва сервисга қабул қилиш давомида унинг бутлиги ва техник ҳолатига махсус талаблар қўйилади. Албатта, автомобилнинг маркаси ва русуми унинг техник паспортига мос бўлиши, агрегатлари ва барча қисмлари завод маҳсулоти бўлиши шарт, ясама деталлар қўйилган ва конструкцияларга ўзгартиришлар киритилган ҳолда автомобил хизматга қабул қилинмайди. Автомобилни эгасига топширишда эса буюртмада кўрсатилган ишларнинг бажарилганлиги, автомобилнинг бутлиги ва ташқи кўриниши текширилиб, топширилади.

Автомобилларни қабул қилишда ва уларни эгасига топширишда диагностик жиҳозлар ёки асбобларни қўллаш мақсадга мувофиқдир. Қабул қилиш пайтида автомобилдаги барча носозликлар сабабини аниқлашнинг имконияти бўлмаган ҳолларда у диагностика постларига юборилади ва махсус стендлар, ўлчов-назорат асбоблари ёрдамида унинг техник ҳолати аниқланади. 3. Автомобиллар, уларнинг агрегатлари, механизмлари ва тизимларининг техник ҳолатини аниқлаш ишлари махсус диагностика участкаси (пости)да бажарилади. Диагностика жараёнида техник ҳолатни аниқлаш автомобилни қисмларга ажратмасдан махсус дастурларга асосан стендлар, ўлчов ва назорат асбоблари ёрдамида бажарилади. Диагностика ТХ кўрсатиш ва таъмирлашнинг муҳим элементи ва назорат ишларининг асосий воситаси, усули бўлиб, уни билиб қўлланилса, меҳнат сарфи камаяди ва сифат, иш унуми ошади, энг муҳими автомобиллар техник ҳолати яхшиланади. 4. ТХК, яъни профилактик, тўсатдан, кутилмаганда автомобилда носозликлар, бузилишлар содир бўлиши эҳтимоли олдини олиш ишлари техник хизмат кўрсатиш постларида бажарилади. Маълумки, бу ишлар қаров-назорат, қотириш-маҳкамлаш, созлаш, мойлаш ва майда таъмирлаш ишларидан иборат бўлиб, керакли технологик жиҳозлар билан таъминланган постларда махсус чуқурлар устида ёки кўтаргичлар, эстакадаларда бажарилади. ТХК участкасининг айрим постлари, баъзи ишларни, масалан, мойлаш, олдинги ғилдиракларнинг ўрнатиш бурчакларини текшириш ва созлаш, мотор газлари заҳарлилигини меъёрига келтиришга ихтисослашган бўлиши мумкин. Бу участка постларининг ихтисослашганлиги ёки жами ишларни бажаришга мўлжалланганлиги корхонанинг қувватига, ишлар ҳажми ва уларни ташкил этиш усулига боғлиқдир. 5. Жорий таъмирлаш, яъни автомобиллар агрегат, узел ва тизим қисмларида содир бўлган бузилишлар, носозликларни тузатиш ишлари

таъмирлаш, агрегатларни алмаштириш постларида бажарилади. Кўп ҳолларда бу бузилишлар ва носозликларни оддий созлаш ёки қотириш билан бартараф этиб бўлмайди, бунинг учун носоз агрегат ёки узел автомобилдан ечиб олинади ва алмаштирилади ёки махсус устахоналарда таъмирланади. Таъмирлаш постлари ҳам махсус жиҳозланган чуқурлар, бир қанча тиргакли кўтаргичлар ёки эстакадалардан иборатдир. Баъзан таъмирлаш ишларини бажаришда автомобилнинг кўтарилиши ва унинг остида иш бажариш талаб этилмайди, масалан, алангалатиш чақмоғи ёки карбюраторни алмаштириш махсус ажратилган оддий постларда бажарилиши мумкин. Таъмирлаш участкаси, шунингдек, кўтарувчи ва ташувчи кранлар, қўл ёки электрик таллар билан жиҳозланади ва кўчма домкратлар билан таъминланади. Баъзан енгил автомобиллар кузовларининг шикастланган элементларини (эшик, қанот, бамперлар ва ҳ.к.) тўғрилашга ёки текислашга, пайвандлашга ва жойида бўяшга тўғри келиб қолади. Автомарказларда, йирик ва ўрта қувватдаги станцияларда шу ишларни бажаришга махсус ажратилган ва жиҳозланган постлар бўлади. Постларда бажарилиши мақсадга мувофиқ эмас ёки мумкин бўлмаган таъмирлаш ишлари, махсус таъмирлаш-тиклаш устахоналарда бажарилади. АСКлардаги бу устахоналарнинг таркиби ва сони шу корхонанинг қувватига, йиллик ишлар ҳажмига боғлиқдир. 6. Мотор, узатмалар қутиси, илашиш муфтаси, олдинги ва орқа кўприклар, редуктор, рул механизмлари ва бошқа узелларни қисмларга ажратиш ва йиғиш, айрим деталларга, масалан, тирсакли вал, мотор блоки ва ҳ.к.ларга турли хилдаги механик, электрогальваник, чилангарлик каби ишловлар бериш ёки алмаштириш ва синаш ишлари агрегатларни таъмирлаш ва механика участкасида бажарилади. 7. Аккумуляторлар батареясига ТХК ва таъмирлаш, зарядкасини маромига етказиш ёки улар таъмирлангандан сўнг янгидан зарядлаш, дистилланган сув ва электролит тайёрлаш ишлари аккумулятор устахонасида

бажарилади. Таъмирлашга яроқли аккумуляторлар батареяси корпуси автомарказлар, йирик АТХКСлари ёки махсус ихтисослашган устахоналарда алмаштирилади ёки мастика қуйиб тузатиш, пластинка ва сепараторларини алмаштириш, қўрғошинли сетка ва клеммаларини қалайлаш, кавшарлаш билан таъмирланиб ишлаш қобилияти тикланади. 8. Шиналар бўйича ажратиш-йиғиш, ҳаво босимини назорат қилиш, мувозанатлаш, камерани ва майда жароҳатланган шиналарни таъмирлаш ҳамда ташқи назорат қилиш ишлари шиналарни таъмирлаш устахонасида бажарилади. Шиналарни ажратиш-йиғиш ишлари шина ўз муддатини ўтаб бўлгандан сўнг ёки камера тешилганда бажарилади. Йиғилган шина меъёрий ҳаво босимигача дамланади. Ҳаво босимини назорат қилиш ҳар бир ТХКда бажарилади. Юк автомобиллар ва автобуслар шиналарини дамлаш пайтида, занжир ҳалқаси чиқиб кетиб ишловчини жароҳатлаши мумкин. Бундай бахтсиз ҳодисаларни олдини олиш мақсадида, улар махсус металл қафасларда дамланади. 9. Электр ва электрон блоклари, агрегатлари (генераторлар, стартерлар, турли узатма электромоторлари, ва ҳ.к.) ва бошқа назорат-ўлчов асбобларини текшириб кўриш ва зарурат бўлганда таъмирлаш ишлари электротехника ёки электр жиҳозларини таъмирловчи устахонада бажарилади. Шуни таъкидлаш лозимки, бу жиҳозларнинг носозлигини автомобилларнинг ўзида таъмирлаш постларида тозалаш, қотириш ва созлаш ишлари билан бартараф этилиши иложи бўлмаган ҳоллардагина устахонага келтирилади. Таъмирлашга келтирилган автомобил жиҳозлари аввал махсус стендларда текширилиб кўрилиб, сўнгра қисмларга ажратилади, ювилади, тозаланади, сўнгра қуритилади ва сараланади, яъни яроқсизлари янгисига ёки яроқлисига алмаштирилади, баъзилари таъмирланади ва яна йиғилиб синаб кўрилади. 10. Бензонасос, карбюратор, инжекторларни қисмларга ажратиш, ювиб тозалаш, яроқсиз деталларини алмаштириш, қайтадан йиғиш, яроқлилигини

текшириб ва синаб кўриш ишлари ёнилғи билан таъминлаш жиҳозларини таъмирловчи устахонада бажарилади. 11. Автохалокат ёки занглаш, чарчаш ёки эскириш натижасида шикастланган кузовлар кузовларни таъмирлаш устахонасида таъмирланади. Ушбу устахона автосервис корхонасидаги барча устахоналардан энг каттаси бўлиб, ундаги ишларнинг ҳажми ва мураккаблиги кўп вақтни талаб этади. Шунинг учун бу устахонанинг майдони энг катта, ундаги ишчиларнинг сони нисбатан кўп бўлади. Кузов устахоналари автомарказларда, йирик АТХКСлари ва шунингдек, шикастланган кузовларни тиклашга ихтисослашган махсус станцияларда ташкил этилади. Кузов устахоналари бир неча мустақил ишлаб чиқариш участкаларидан, чунончи: -тунукасозлик; -бўяшга тайёрлаш; -бўяш ва қуритиш; -арматураларни таъмирлаш мажмуидан иборат. Бу устахонага кузов барча агрегатлар, осма қисмлардан ажратилган ҳолда келтирилади. Кузовни таъмирлаш тунукасозлик участкасидан бошланади. Бу жойда урилиб шикастланган кузовлар махсус стендларда винтли, гидравлик тортмаларда тортилиб тўғриланади, коррозияга учраб чириган жойлари ва деформацияланиб тўғрилашнинг иложи бўлмаган қисмлари автоген ёки пневматик кескичлар ёрдамида кесиб ташланади. Олиб ташланган жойларга эҳтиёт қисмлар ёки махсус тайёрланган ямоқлар пайвандланади. Пайвандлаш карбонат ангидрид ҳимояли муҳитда, ярим автоматик электрёйли қурилмаларда бажарилади. Кузов панеллари ва ўзакларининг ёрилган ва узилган жойлари ҳам шу усулда уланади. Кесишда эса автоген усули билан бир қаторда пневматик юритмали айланма кескичлар қўлланади.

Кузов деталларини бир-бирига улашда контакт нуқтали электр пайвандлаш усуллари ҳам қўлланади. Тўғриланган ва уланган кузовнинг пайвандланган чокларидан тозаланади ва, айниқса, махсус асбоблар ёрдамида қўл зарбаси билан обдон текисланади. Узил-кесил тўғриланган, нафис ҳолгача текисланган ва тозаланган кузов бўяшга тайёрлаш участкасига ўтказилади. Бу жойда кузов сиртидан бўёқлари иложи борича қириб, сидириб ташланади, жилвир қоғоз билан ишқаланиб тозаланади. Нотекис жойлари ва тирқишлари махсус шувоқ - шпаклевка билан текисланади ва кузов бўяш участкасига ўтказилади. Бўяш жойи алоҳида ёпиқ герметик камера бўлиб, у ишончли ҳаво сўриш ва ҳайдаш асосида ишловчи вентилятор билан жиҳозланади. Бу камерада кузов сиртига, аввало, ҳомаки бўёқ - грунт сепилади, шовқинга ва коррозияга қарши ишлов берилади ва махсус пуркагич пистолетларда бўёқ сепилади. Нитроэмалли бўёқлар тез, 20 минут ичида, 18÷200 С оддий ҳароратда қуритилади, агар синтетик эмал бўёқлари ишлатилса, қуритиш учун кузовни 110÷1300 С ҳароратли камерада 30÷50 минут ушлаб туришга тўғри келади. Бўёқларни тайёрлаш, ранг ва жилосини аниқлашни автомобил паспортидаги код белгиси асосида компьютерлар ёрдамида ёки махсус тайёргарликка эга бўлган мутахассислар бажарадилар. Кузов мажмуасининг яна бир участкаси - арматура участкаси бўлиб, бу жойда эшик, капот, юкхона ошиқ-мошиқлари, қулфлари, ойналарни кўтариш -тушириш механизмлари ва ҳошиялари таъмирланади. Шунингдек, кузов мажмуида алоҳида, ўриндиқлар ва суянчиқларни таъмирловчи ва радиатор, бензобакларни кавшарловчи мустақил участкалар ҳам бўлиши мумкин. Автомарказлар ва АТХКСларида маъмурий-маиший хоналар қатори албатта мижозлар учун алоҳида хона, эҳтиёт қисмлар омборлари ва савдо дўконлари, салонлари бўлиши шарт.

12. Мижозлар учун қулайликлар яратиш ва ахборот етказиш вазифасини мижозлар учун хоналар ва хизмат пунктлари бажаради. Бозор иқтисодиёти шароитида рақобатга чидаш ва унда муваффақиятли кураш олиб боришнинг асосий шартларидан бири бозорга қўйилган товар ёки хизмат юқори сифатли бўлиши ва унга бериладиган кафолат ҳисобланади. Автосервис хизмати ҳам бу қоидадан ҳолис эмас. Хизмат кўрсатиш соҳасида, жумладан, автосервисда ҳам, сифат икки қисмдан, яъни автомобилда бажарилган ишларнинг сифати ва автомобил эгалари- мижозларга қилинадиган муомала маданиятидан иборатдир. Мижозлар учун яратилган қулайликлар улар шу корхонанинг доимий мижозларига айланишларини таъминлаб беради. Автомобилларида юзага келган кичик носозликларни тузатиш ёки кам ҳажмдаги сервис хизмати билан кирган мижозлар учун кутиш ва дам олиш салони, унда телевизор, дам олиш креслолари, диванлар, стол ва стуллар газета ва журналлар, проспектлар бўлади, буфет хизмат кўрсатади. Мижозларга кўрсатиладиган маданий-маиший хизмат қуйидаги мажмуалардан ташкил топиши мумкин: - мижозлар учун кутиш ва дам олиш салони; - кафе-барлар; - савдо шохобчалари, сотиладиган автомобиллар, эҳтиёт қисмлар дўконлари; - автосалонлар. Автосервис корхонасига келган мижозлар автосалон ёки кўргазма залларида мавжуд автомобиллар билан танишиб, уларнинг ўзларига ёққан русум ва моделларини танлаб олиш имкониятларига эга бўладилар. Худди шундай, сотиб олинадиган автомобиллар мижозлар томонидан ўз вақтида олинишини таъминлаш учун савдо корхоналари ўз таркибларида сотиладиган автомобиллар, эҳтиёт қисмлар омборларини ташкил қиладилар. Автомобилларга сервис кўрсатувчи кўпгина корхоналарнинг тижорий ишларига автомобиллар, уларга эҳтиёт қисмлар ва автоматериаллар билан

савдо қилиш ҳам киради. Айниқса бу ишлар дилер сервис корхоналарининг биринчи вазифаси ҳисобланади. Автосавдо жойлари – автосалонлар, эҳтиёт қисмлар сотиш дўконлари корхоналарнинг киравериш қисмидаги энг нуфузли жойида жойлаштирилади. Улар харидорлар дидига мос тушишига, замонавий, қулай ва шинам бўлишига ва жиҳозланишга катта аҳамият берилади, чунки сотиладиган автомобилларни харидорларга намойиш этиш ва реклама қилиш санъати тижорий ишларнинг муҳим таркибий қисмидир. Мижозларга маданий-маиший хизматни яхшилаш учун корхоналар ёнида ресторанлар, ошхоналар, кафе-барлар ва чойхоналар ташкил этилади. Мижозларга янада кўпроқ қулайликлар яратиш мақсадида автосавдо салонлари ёнида тижорат банклари бўлимлари ташкил қилинади.

Адабиётлар : 1. Хабатов Р.Ш. и др. Эксплуатиция машина – тракторного парка. 2. Заволишин Ф.С. Основы расчета механизираванных процессов в растениеводстве М.Колос.1973 3. Общеесоюзные нормы технологического проектирования ОНТП. М.Колос.1990-1991. 4. Завражнов А.И.Технологическое проектирование ферм и комплексов. Алма-Ата. Кайнар, 1982. 5. Рыбоков М.И. Проектирование механизации произвадстваннтх процессов в жавотноводстве. Алма-Ата. 1986. 6. Романович Ж А Сервесноя деятельност 6 Учебник М. 2007 г. Калацев С Л 7. Зайченко Ю.П. Исследевоние операции Киев «Вища Школа» 1978. 8.Санаев Н.С. ва бошқалар. Фермер хўжаликларида бизнес режа тузиш ва амалиётга жорий этиш

Похожие

Лойиҳаларнинг энергетик қисми

Лойиҳаларнинг иқтисодий қисми

Лойиҳаларнинг техник-санитария қисми

Лойиҳалaрнинг қурулиш қисми

Сутнинг таркибий қисми ва хусусиятлари