Кўп йиллик гулли ўсимликларни етиштириш технологияси - Сельское и лесное хозяйство - Рефераты

Кўп йиллик гулли ўсимликларни етиштириш технологияси

Загружено в:

20.09.2019

Скачано:

0

Размер:

67 KB

Кўп йиллик гулли ўсимликларни етиштириш технологияси Режа: 1. Кўп йиллик гулли ўсимликларнинг ботаник ва биологик хусусиятлари. 2. Кўп йиллик гулли ўсимликларнинг қишлаш шароитлари бўйича гуруҳланиши ва ўстириш агротехникаси. 3. Кўп йиллик гулли ўсимликларнинг қисқача тавсифи. 4. Кўп йиллик манзарали дарахтларнинг таърифи.

1. Кўп йиллик гулли ўсимликларнинг ботаник ва биологик хусусиятлари. Кўпгина турли – туман манзарали ўсимликлар орасида катта ўрин эгаллаган ўтсимон кўп йилликлар манзарали боғдорчилик ва истироҳат боғларида кенг ишлатилади. Айрим кўп йиллик ўсимликлардан дори тайёрлаш, озуқа етиштириш, атирчилик ва ҳоказоларда фойдаланилади. Боғдорчиликда кўп йиллик ўсимлик сифатида чиройли гулловчи ўтсимонлар ёки бир ерда ўсиб, бир неча йил давомида ўз чиройини йўқотмайдиганманзаравий баргли ўсимликлар тушунилади. Уларнинг гуллаши ва ҳосил бериши бир вегетецион давр билан чекланмайди, балки ҳар йили тикланади ва бир неча йил давом этади. Баъзи кўп йилликларнинг барглари қишда тўкилади ва фақат ер ости органлари сақланади. Баҳорда куртаклардан янги кўчатлар ҳосил бўлади. Кўп йилликларнинг катта қисмини кўп гулловчи ўсимликлар ташкил этади. Уларнинг гул тузилиши турли – туман ва тусларга бой. Айрим кўп йилликларда (пион, пиёзли турлари ва бошқалар) вегетация даври тугагандан сўнг ер усти бир йиллик кўчатлар ва репродуктив органлари қурийди, кейинги йилда эса ўсимликда сақланган илдизлар, илдизпоялар, пиёзлар ва туганаклардан қайта кўкаради, шу ёзда гуллар ва уруғлар беради. Бошқа кўп йилликларда (судралувчи флокс, яскола, седумнинг айрим турлари ва бошқалар) кўчатлар қишда қуримайди, аммо бу даврда улардан ҳаёт жараёнлари тўхтайди. Кейинги йилнинг баҳорида уйғониб, куртакларидан кўчатлар ўсиб чиқади, гуллайди ва ҳосил беради. Кўп йиллик ўсимликлар асосан ҳаётининг 2-3 йилларида манзарали кўринишга эга бўлади, бу 3-4 йил, пионларда эса бошқа жойга кўчириб ўтқазилмаса 15 йилгача ва ундан кўп сақланади. Барча кўп йиллик ўсимликлар гул куртакларининг ҳосил бўлиш тури бўйича тўрт гуруҳга бўлинади. 1. Н а р г и с, л о л а л а р – гул органлари кейинги йилда гуллаш учун ёзда ҳосил бўлади.

2. П и о н, и р и с, п р и м у л а, б а д а н, а р а б и с – гул органлари кейинги баҳор да гуллаши учун кузда ҳосил бўлади. 3. Д е л ь ф и н и у м, л ю п и н, а х и л л е й, а л ь п қ ў қ о н г у л и, а к в и л е г и я л а р д а – шу йилда гуллаш уун ғунчалар баҳорда ҳосил бўлади. 4. А с т и л ь б а, с о л и д а г о, г е л е н и у м, б ў р о н с и м о н ф л о к с л а р - шу йилда гуллаш учун ғунчалар ёзда ҳосил бўлади. Кўп йиллик ўсимликлар катталиги бўйича турли – тумандир. 1 м 2 майдонга қуйидаги миқдорда ўсимлик экиш мумкин: йириклари – 1 – 4, ўрталари – 6 – 8, майдалари – 15 – 25 йирик пиёзлилар – 40 – 60, жуда майда пиёзлилар – 60 донадан кўп. Бир неча йил давомида кўчатлар етиштириш, кўп йилликларни экиш ва уларни кўкаламзорлаштириш жойларида асраш, худди шунча майдонни бир йилликлар билан кўкаламзорлаштиришдан кўра арзонга тушади. Кўп йиллик ўсимликлар манзарали ва истироҳат боғларни эрта баҳорда безаш, кесиш материали олиш учун камёб ҳисобланади. Кўп йилликларнинг кўпгина турлари апрел ойи охирида, май ва июн ойида гуллаши мумкин. Май ойида кўп йилликлари ўсади, тез ривожланади ва экилган жойларни ўзининг ёрқин кўк ранги билан безайди. Шунингдек, бу ойда пионлар, лилиялар, флокслар ва лола сингари кўп йилликлар жуда чиройли гуллайди. Кўп йиллик ўсимликларнинг ассортименти турлар сони билангина эмас, балки навларнинг турли – туманлиги билан ҳам улкан ва бир йиллик ўсимликлар ассортиментидан анча бойдир. Пионларнинг навлари 2000 дан – 4000 тачадир. Барча кўп йиллик ўсимликлар ёруғликка муносабати бўйича қуйидаги гуруҳларга бўлинади. 1. Ё р у ғ с е в а р ў с и м л и к л а р – қўқонгуллар, гайллардия, кўкнори, флокс, юпина баргли пион, лола ва бошқалар. Улар учун очиқ яхши ёритилган жой зарур.

2. С о я г а ч и д а м л и ў с и м л и к л а р - аквилегия, борец, примула, хушбўй ва шохдор бинафша, астильба, гулсапсар – унча қуюқ бўлмаган сояда ва ёйилиб турувчи ёруғликда яхши ўсади. 3. С о я с е в а р ў с и м л и к л а р – спирея, папоротник, марваридгул, функиянинг яшил баргли шакллари. Уларни дарахт ва буталар тагидаги соя, қуёш нурлари кучсиз ўтувчи ерга жойлаштириш мумкин. Кўп йиллик ўсимликларни тупроққа муносабати бўйича 3 гурухга бўлиш мумкин: 1. Озуқ моддалари кам бўлган тупроқларда ўса олувчи ўсимликлар – пастак гулсапсар, кўкнори, седум ва бошқалар. 2. Унумдорлиги ўртача бўлган тупроқларда яхши ўсувчи ўсимликлар – ахвилегия, қўқонгул, гипсофилла, дельфиниум, боғ ва сибирь гул сапсари, люпин, шарқ кўкнорриси, бойчечак, фрутиллярия ва бошқалар. 3. Юқори унумдор тупроқларни талаб қилувчи ўсимликлар – гиацинт, крокус, марваридгул, лилия, наргис, пион, лола, хризантема ва бошқалар. 2. Кўп йиллик гулли ўсимликларнинг қишлаш шароитлари бўйича гуруҳланиши ва ўстириш агротехникаси. Кўп йиллик ўсимликларни қишлаш шароитлари бўйича қўйидаги гурухларга бўлиш мумкин: 1. О ч и қ е р д а, у с т и ё п и л м а с д а н қ и ш л а й д и г а н ў с и м- л и к л а р – аконит, аквилегия, кўп йиллик қўқонгул, вероника, чиннигул, дельфиниум, иберис, гулсафсар, лилейники, люпин, марваридгул, лютик, наргиснинг айрим навлари, незабудка, кукнори, папаротниклар, пион, примула. Рудбекия, бинафша, флокс ва бошқалар. 2. Ў р т а м и н т а қ а д а, у с т и ё п и л г а н ҳ о л д а қ и ш л а й д и -г а н ў с и м л и к л а р – Генри лилияси, Регале лилияси, гортензия, тацетлар гурухидаги наргислар.

3. О ч и қ е р д а қ и ш л а м а й д и г а н ў с и м л и к л а р – георгина, канна ва ҳокоза. Уларнинг илдиз туганаклари қиш давомида омборхоналарда сақланади. Кўп йиллик ўсимликлардан юқори бадиий гулли композияцияларни яратиш учун, уларнинг барча манзарали ва биологик хусусиятлари, баландлиги, тупининг шакли, баргларнинг ранги ва хокозоларни қунт билан ўрганиш керак. Кўп йиллик ўсимликларни баландлиги бўйича қуйидаги гурухларга бўлиш мумкин: 1. Б а ҳ а й б а т (а з и м) ў с и м л и к л а р, баландлиги 2 м. дан ортиқ. Истироҳат ва манзарали боғларга экиш, гуруҳлар, гулловчи ўсимликлар ва алоҳида экинлар учун таг ранг ташкил қилишда ишлатилади. Шу мақсадда сахалин ва япон гречихаси, боршевик, рудбекия, коровяк ва бошқалардан фойдаланилади. 2. Б а л а н д б ў й л и к ў п й и л л и к л а р, баландлиги 1 дан 2 м гача, бу жуда катта ўсимликлар гуруҳидир. Улар – борец, шпорник, солидаго, дельфиниум, кўп йиллик қўқонгул. Бу гуруҳ кўп йилликларнинг ишлатилиши турличадир. 3. Ў р т а б ў й л и к ў п й и л л и к л а р, баландлиги 0,5 дан 1 м гача. Жуда кўп сонли гуруҳ. Улар – бўронсимон флокс, пион, гипсофилла, ромашка, аквилегия, минг йиллик ва бошқа кўпгина ўсимликлар. Асосан, массивлар, рабаткалар ҳошиялар яратиш, кесиш учун ва ҳрказоларга ишлатилади. 4. П а с т б ў й л и к ў п й и л л и к л а р, баландлиги 0,24 дан 0,5 м гача. Ҳошиялар ясашда, паст клумбалар, рабаткалар ва массивларда жуда чиройли кўринади. Улар баҳорги примула, лоланинг эртаги навлари, наргис, гиацинит, пастак гулсафсар, седум, вероникалар. 5. М и т т и к ў п й и л л и к л а р, баландлиги 10 дан 25 см гача, гиламли ўсимликлар сифатида, альп тоғчаларини безаш ва бошқа экинзорлар учун ишлатилади. Улар – марваридгул, бойчечак, хушбўй бинафша, флокс, шафран ва бошқалар.

Кўп йиллик ўсимликлар турли усулларда кўпайтирилади: уруғидан (дельфиниум, аквилегия), илдизларини бўлиш, пиёзи (лолалар, наргислар), илдизтуганаклар (георгина), пайванд қилиш (атиргул, дарахтсимон пион) ва бошқа усуллар билан. Кўп йилликлар қоида бўйича, бир жойга 2-5-10 йилга экилади. Шунга кўра ҳар йили кўчат тайёрлаб, экиш шарт эмас. Ўсимликларнинг ўзлари она туплардан кўпайишга тайёр бўлади. Кўп йилликлар йиллар давомида бир жойда ўсганлиги учун, улар тагига солинадиган тупроқ жуда қунт билан тайёрланиши керак. Ер 35-50 см чуқурликда ҳайдалиши ва ҳар гектарига 100-150 т. Органик ўғит солиниши мақсадга мувофиқдир. Бир вақтнинг ўзида катта миқдордаги минерал ўғитлар ҳам солинади. Мамлакатимизнинг ўрта минтақасида кўп йиллик ўсимликлар баҳорда ёки эрта баҳорда экилади., бунда ўсимликлар яхши илдиз отади. Экиш муддатини аниқлашда эса қуйидаги қоидага амал қилиш мумкин: баҳорда гулловчи ўсимликларни, август – сентябр ойларида экиш тўғри бўлади, гуллаш, муддати ёз-куз бўлган ўсимликларни эса баҳорда экиш керак. Кўп йиллик ўсимликлар олдингига тенг чуқурликда экилади. Алоҳида ўсимликларда илдизлар тўлиғича қолдирилади, бошқаларда эса илдиз узунлигининг 1/3 қисми кесиб ташланади. Экишда ўсимликлар орасидаги масофа уларнинг ўсиш ва ривожланиш кучига кўра аниқланади. Зич қилиб экиш фақат алоҳида туп ўсимликлар учун, кўкаламзорлаштириш мақсадида биринчи йилларида қўлланилади ва бир-бирларини соя қилиб қўядилар. 3. Кўп йиллик гулли ўсимликларнинг қисқача тавсифи. Қуйида Кенг тарқалган айрим кўп йилликларнинг қисқача тавсифи келтирилган. Д е л ь ф и н и у м - айиқтовондошлар оиласига мансуб ўсимлик, Европа, Осиё, Шимолий Америка ва Африканинг жанубий ва ўрта қисмларида бу тур кенг тарқалган. Гулчиликда экиладиган дельфиниумнинг шакллари ёввойи ҳолда ўсувчи ўсимликларни гибридлаш натижасида олинган.

Ўсимликнинг бўйи 0,8 дан 1,5 м гача гулбаргининг диаметри 2-3 см. Гулларнинг ранги оқ, зангори, кўк, бинафша. Кўпгина бу туслар ўзаро уйғунлашгн бўлади. Оддий ва серяпроқ шакллари мавжуд. Июл ва айрим ҳолларда сентябр ойларида қайта гуллайди. Гуллаб бўлгандан сўнг манзараси йўқолади. Тупларни бўлиш орқали ва уруғдан кўпайтирилади. Уруғ апрел ойида экилади, ниҳоллари салқин иссиқхона ёки кўчатзорларга кўчириб ўтқазилади. Кузда доимий ўсадиган жойига экилади. Уруғдан етиштирилган кўпгина она ўсимлик навлари ўзининг манзарали хусусиятларини йўқотади. Тупларни бўлиш кузда, айрим ҳолларда баҳорда амалга оширилади. Иссиқхона ёки кўчатзорга 6-10 см. узунликдаги поялар қаламча қилинади. Илдиз отгандан сўнг ўсимлик очиқ ердаги доимий жойига экилади.экиш пайтида туплар орасидаги масофа 30 дан 40 см гача бўлиши керак. Ўсимлик бир жойда 4 йил ўсиши мумкин. Қуёшли ва сояроқ жойларда, ишланган боғ тупроғида яхши ўсади ва гуллайди, намликка ўртача ва кам талаб қилади. Гуллаб бўлган кўчатлар кесиб ташланади. Гуруҳлар, миксбордерлар, алоҳида экинлар, бир томонлама рабаткалар учун, айрим ҳолларда кесишга, деворларни манзарали безашга ишлатилади. О қ р о м а ш к а, м о й ч е ч а к, н и в я н и к – мураккабгулдошлар оиласига мансуб ўсимлик. Ёввойи ҳолда Европа ва Осиё кенг тарқалган. Ҳозирги вақтда унинг кўпгина боғ шакллари ва навлари мавжуд. Турининг баландлиги 50-90 см га етади, маданийлаштирилган шакллари эса ундан ҳам баландроқ. Пояси кучсиз шохланган, барглари тўқ-яшил рангда, қаттиқ, асосан илдиз олдига йиғилган, поя барглари кам. Гулбаргининг диаметри 7- 12 см ва ундан кўпроқ, четки гулларининг кўп қисми оқ рангда, ўртадагилари (найсимонлари) сариқ рангда бўлади. Июн – июл ойларида гуллайди. Гуллаб бўлгандан сўнг, ўсимлик манзарали кўринишини йўқотади. Ўсимлик илдиз пояларини бўлиш ва уруғини очиқ ерга сепиш орқали кўпайтирилади. Кўчатлари икки йилдан сўнг гуллайди. Экинларнинг оралиқ масофаси 30-40

см. бўлди. Ўсимликнинг илдиз пояси бўлинмаса ва бошқа жойга кўчириб ўтқазилмаса, 3-4 йил ўсиши мумкин. Совуққа чидамли, лекин ҳар йили чиринди сепиб туриш керак. Офтоб жойларда, маданийлаштирилган боғ, етарли нам тупроқларда яхши ўсади ва гуллайди. Гуллик безак бериладиган жойда гуллаб бўлган гулбарглар кесиб ташланади. Гуруҳларда, миксбордерларда экилади, фойдаланиш учун эса асосан гулшохлари кесилади. 4. Кўп йиллик манзарали дарахтларнинг таърифи. Кўп йиллик манзарали ўсимликларга қуйидагилар киради. Л о л а д а р а х т и – манзарали экинлиги билан катта аҳамиятга эга, магнолиялар оиласига киради. Лола дарахтининг танаси тик, силлиқ, Самарқанд шароитида бўйи 25 м. га етади. Шох-шаббаси кенг, пирамида шаклда бўлиб кейинчалик тухумсимон чўзиқ кўринишга киради. Япроғи лира шаклида, тўқ яшил рангда, сирти ёзда ялтироқ, кузда сарғиш тусга, ҳатто тўқ малла ранга киради. Бу дарахт гуллаганда жуда чиройли бўлиб кўринади, сарғиш – қизғиш тусда, лола шаклида бўлган гуллари май-апрел ойида очилади. Лола дарахти парк ва боғларни хушманзара қилади. Буни мактаб ва санатория боғларига, кўча четларига қатор-қатор қилиб экиш ҳам мумкин. Бу дарахт Ўзбекистон шароитида қиш совуқларига, шунингдек ёзда ҳавонинг қуруқ бўлишига ҳам чидайди. Бу ўсимлик ёруғсевар бўлиб, ўғитланган ва намли ерларда яхши ўсади. Катта бўлиб қолганда ўтқазишга ярамайди, шунингдек шох-шаббаларини кесиш ва қайчилаб бўлмайди. Бу дарахт уруғини экиш йўли билан кўпайтирилади, лекин экилган уруғдан озгинаси кўкариб чиқади. Шунга қарамай бу дарахтни кўплаб экишга киришиш зарур. Лола дарахтининг ёғочи яшилсимон сарғиш товланади, хушбўй бўлади, юмшоқ, халқ хўжаигида кўп ишлатилади. Марказий Осиё ва Ўзбекистон шароитида анча яхши ўсади, 50-60 йил яшайди. К а ш т а н – ҳақиқий каштан қарағайдошларга мансуб дарахтлар туркумига киради. Шимолий Америка, Ўрта Ер денгизи бўйларида, Хитой ва

Япония ўрмонларида ўсади. Самарқандда парк ва аллеяларга экиладиган ўртача катталикдаги бу дарахт Марказий Осиёнинг кўп шаҳарларида ҳамда кўчаларга экиш учун энг яхши дарахтлардан ҳисобланади. Бу дарахтнинг шох-шаббаси думалоқ конус шаклида, пўстлоқ кул тусда, япроғи йирик ва бармоқ шаклида бўлади. Куртаги жуда йирик конуссимон бўлиб шира чиқариб туради. Гуллари оқ, қизғиш доғли бўлиб пирамида шаклида тик гулдастага тўпланган бўлади. Бу дарахт апрел май ойларида гуллайди. Меваси серэт, ёнғоқсимон, кўсакчадан иборат, сирти яшил тиконлар билан қопланган.. бу кўсакча сентябр-октябр ойида пишиб ёрилади. Каштан дараҳти секин ўсади, сояга бардош беради, серсув жойда яхши ўсади. Айниқса органик ўғитлар билан ишланган юмшоқ ерларда тез ўсади. Бу дарахтнинг ён томонга кетган илдизлари жуда бақувват бўлади. У ёшартиришга ва шох-шаббасини кўпроқ қайчилашга бардош бера олмайди. Уни кўчириб ўтқазиш учун илдиз системасини ўраб турган тупроқ билан бирга олиниши керак. Каштан янги йиғиб олинган уруғини экиш йўли билан кўпайтирилади. Уруғи кўкламда ҳар кг га 6 кг нам қум аралаштириб қўйиш йўли билан стратификация қилиниб, сўнгра экилади. Уруғини қўлда йиғиштириб олиш керак, чунки асфалт кўчага тўкилган уруғ ёрилиб, ўзининг кўкарувчанлигини 30 % га йўқотади. М а ж н у н т о л – бу дарахт толсимонлар оиласига киради. Ўзбекистонда яшил барглар билан қалин қопланган ергача осилиб турадиган малла ранг узун новдали вавилон мажнунтоли кўп экилади. Бу дарахт сер нам ҳўл қумларда, ҳамда тупроғи қалин серунум ерларда ўсади. Буни пархиш қилиш ва қаламча экиш йўли билан кўпайтирилади. Манзарали боғдорчиликда кўпинча оқ ва кумуш ранг мажнунтол экилади. Бу дарахтнинг бўйи 15 м га етади. Мажнунтол кўча ёқаларига ва сув ҳавзалари бўйига, шунингдек боғ ва паркларда якка-якка ва группалаб экилади. Н а с т а р и н - зайтундошлар оиласига мунсуб чиройли гуллайдиган бута ўсимликлари туркумига киручси сирен кенг тарқалган чиройли

манзарали ўсимликлардан биридир. Оддий сирен ҳамда эрон сирени деб аталадиган турлар кўпроқ ўстирилади. Ҳозирги вақтда сиреннинг 350 дан ортиғқ навлари мавжуд, улар бир биридан гулларининг ранглари, катталиги ва хушбўйлиги билан фарқ қилади. Сирен уруғидан, илдиз бачкиларидан, пайванд қилиш йўллари билан кўпайтирилади. Сирен манзарали бута сифатида боғларга, хиёбонларга, йўл бўйларига ва яшил девор тарзда экилади. Сиреннинг барглари текис қиррали бир бирига қарама қарши жойлашган. Гуллари гулбандига зич жойлашган, апрелдан июнгача гуллайди ёруғ ерларда кўпроқ гуллайди, сергул тупроқни ва қўшимча озиқларни талаб қилади, хиёбонлар, парклар, кўчалар, уйларнинг олдиларини сирен бутаси билан безатилади. Барча турдаги сиренлар гуллаб бўлганидан сўнг аввало гуллари кесилиши шарт, акс ҳолда гуллари касалланган ўсимликни кўринишини бузади вакелгуси йил янги новдаларининг ўсишига халақит беради ва новдалари пишмаслиги мумкин. Ш а м ш о д - шамшоддошлар оиласига мансуб бўлиб, доимий яшил баргли бута ёки дарахт. Шарқий Кавказ орти ўрмонларида табиий ҳолда ёввойи равишда ўсади. Ўсимлик яшил деворлар сифатида ишлатилади. Соя ерларда ҳам яхши ўсаверади, улар ҳар йили кесиб туришга бардош беради. Шу сабабли манзарали ўсимлик сифатида жуда қимматли ҳисобланади. Ўзбекистон шароитида уларни пархиш қилиш, буталарни бўлиш ва қаламча қилиш йўли билан кўпайтирилади. Улардан гумбаз шаклида ёки бошқа шаклларда гулхоналар атрофида турли шакллар яратиш мумкин. Ер танламайди, қанчалик озуқа кўп бўлса ўсимликнинг япроқлари тўқ яшил бўлиб, япроқлари зичлашади ва кўрини чиройли бўлади. Бу ўсимликни гултувакларга ўтқазиб қишки боғлар атрофини безашга ва турли шакллар ҳосил қилишда ишлатилади.

Адабиётлар : 1. Бўриев Ҳ.Ч., Абдураҳмонов Л.А., Джананбекова А.Т. Гулчилик. Т., « Меҳнат » , 1999 . 2. Вакуленко В.В., Зайцева Е.Н., Клевинская Т.М. и др. Справочник цветовода. М . , « Колос » , 1996. 3. Абдураҳмонов Л.Т. Гулчилик. (Маъруза матнлари) Т . , 2000 . 4. Джананбекова А.Т. Цветоводство (Текст лекци й ) Т . , 2000. 5. Каримов И.А. Ўзбекистон иқтисодий ислоҳотларни чуқурлаштириш йўлида. Т., Ўзбекистон, 1995. 6. Ўзбекистон Республикасининг “Таълим тўғрисида”ги қонуни. Т., 1997. 7. Ўзбекистон Республикасининг “Кадрлар тайёрлаш Миллий дастури” тўғрисидаги қонуни. Т., 1997. 8. Ўзбекистон Республикаси Президентининг қарори “Мева-сабзавотчилик ва узумчилик соҳасини ислоҳ қилиш бўйича ташкилий чора-тадбирлар тўғрисида” қарори. ПФ-3709-Фармони. // Халқ сўзи – 2006 йил 11 январ. 9. Ўзбекистон Республикаси ҳудудида экиш учун тавсия этилган қишлоқ хўжалик экинлари Давлат Реестри. Т., 2006. 10. Чувикова А.А., Потапов С.П. и др. Учебная книга цветовода. Москва « Колос » , 1974 . 11. Чувикова А.А., Потапов С.П. Практикум по цветоводству. Москва, « Колос » , 1984. 12. Б ы лов В.Н., Михайлов Н.Л., Сурина В.И. Роз ы . Итоги интродукции. М . , « Наука » , 1988. 13. Зиновьева Н.Ф. Комнатное цветоводство. Т., « Меҳнат » , 1988 . 14. Кияткин А.К. Цвет ы Узбекистана. Т . , « Мехнат » , 1978 .

Похожие

Бир ва икки йиллик гулли ўсимликларни етиштириш технологияси

Гулли ва манзарали ўсимликларни ёпиқ (оранжерия) ерларда ўстириш технологияси

Гулли ва манзарали ўсимликларни ёпиқ (оранжерия) ерларда ўстириш технологияси

Манзарали ва гулли ўсимликларни вегетатив кўпайтириш

Маккажўхорини етиштириш технологияси