Алмашлаб экиш - Сельское и лесное хозяйство - Рефераты

Алмашлаб экиш

Загружено в:

20.09.2019

Скачано:

0

Размер:

107 KB

Алмашлаб экиш Режа: 1. Алмашлаб экиш ва унинг аҳамияти. 2. Алмашлаб экиш турлари. 3. Алмашлаб экишни тупроқ унумдорлигига таъсири ҳамда алмашлаб экиш ротацияси ва тизимлари.

Таянч иборалар; алмашлаб экиш, навбатлаб экиш, нам сиғими, тупроқ зичлиги, сурункасига экиш, монокультура, дала алмашлаб экиш, ем-хашак алмашлаб экиш, махсус алмашлаб экиш, ферма олди ўсимликлари, дон- шудгор а.э, далалар тўплами, туганак бактериялар, гумус миқдори, бўлакланган тизимлар, а.э. ротацияси, ротация жадвали, а.з. тизими. 1. Алмашлаб экиш ва унинг аҳамияти. Алмашлаб экиш деб , экинларни йиллар давомида далалар бўйича юқори агротехник шароитда тупроқ унумдорлигини яхшилаш ва ҳосилни оширишни таъминлайдиган тўғри навбатлаб экишга айтилади. Алмашлаб экишнинг аҳамияти шундаки,унинг таркибидаги кўп йиллик ўтлар ўзидан кейин ерда кўп миқдорда органик моддалар қолдиради. Шу туфайли тупроқнинг структураси, сув-физик хоссалари, намлик сиғими, зичлиги, тупроқнинг озиқ, иссиқлик, ҳаво режимлари ва микроорганизмлар фаолияти яхшиланади. Алмашлаб экиш таъсирида тупроқда турли касалликлар ва ҳашоратлар миқдори кескин камаяди. Фақат экинлар навбатлашуви илмий асосда ташкил этилиб, жорий этилгандагина тупроқ унумдорлигини сақлаш ва ошириш мумкин. Майдон, касалликлар манбаи ва бегона ўтлардан тозаланади, ҳосилдорлигини ошириш билан чорвачилик ем-ҳашак базасини кўтаришда ҳам катта роль ўйнайди. Бир даланинг ўзида битта экиннинг узоқ вақт эқилиши сурункасига экиш дейилади. Хўжалик майдонларининг кўп қисмида узоқ вақт битта экинни эқилиши монокультура дейилади. Экинлар ўзаро навбатлашмасдан бир майдонда узлуксиз экилаверса, ҳосилдорликка путур етказадиган салбий оқибатлар юзага кела бошлайди, экинга қанчалик парвариш берилсада ҳосилдорлик кўтарилмасдан пасая боради. Бунга сабаб, ўсимликнинг бир томонлама танлаб озиқланиши бўлса, унга ўзига хос касаллик, зараркунанда ва мослашган бегона ўтлар пайдо бўлади. Тажриба маълумотларига кўра, сурункасига ғўза экилган ерда вилт касали 40-50% ни, алмашлаб экилган далада эса 9% ни ташкил қилган.

Маълумки турли экинларнинг илдизи турлича ривожланади. Шу туфайли экинлар ердан озиқ элементларни ҳар-хил ўзлаштиради. Масалан. ғалла экинлари тупроқдан кўп миқдорда фосфор, илдизмевалар эса калийни, дуккаклилар фосфор ва калийни, ғўза эса азот ва фосфорни кўп ўзлаштиради. Шу туфайли тупроққа сурункасига бир хил экин экиш оқибатида озиқ моддаларнинг бир томонлама камайиш жараёни содир бўлади. Бундай жараён сурункали давом этиши натижасида тупроқ унумдорлиги кескин пасаяди. Алмашлаб экиш натижасида бегона ўтлар миқдори 30-50% гача камаяди, ўғитлар самарадорлиги 30-40% ошади, ҳар бир гектар экин майдонига сарфланаётган сув 10-25% гача тежалади. Алмашлаб экиш таъсирида кўп йиллик ем-хашак экинлари ботқоқланиш ва шўрланиш жараёни яъни туз тўпланишини камайтиради, натижада экинларнинг ҳосилдорлиги 10-35% гача ошади. 2 . Алмашлаб экиш турлари. Алмашлаб экиш, олинадиган маҳсулотларнинг турига қараб дала, ем- хашак ва махсус турларга бўлинади.(12-жадвал) 1. Дала алмашлаб экиш. Бунда умумий майдоннинг ярмидан кўпида дон ва техник экинлар экилади. Улар асосан буғдой, ғўза, зиғир ва ҳокоза экинлардир. 2. Ем-хашак алмашлаб экишда умумий экин майдонинг кўпини ем- хашак экинлари ташкил қилади. Улар ҳам ўз навбатида иккига бўлинади: ферма олди ва пичан тайёрлаш (яйлов). Ушбу жадвалда берилган алмашлаб экиш классификацияси Тимирязев номидаги Москва қишлоқ хўжалик академиясининг деҳқончилик кафедрасида ишлаб чиқилган. Ферма олдида алмашлаб экиш фермага якин ерларда ташкил қилинади ва уларда чорва молларига кўкат ҳолда едириладиган силосбоп ўсимликлар экилади. Пичан тайёрланадиган яйлов алмашлаб экишлар эса ўтлоқларда ташкил қилинади. Бунда асосан кўп йиллик ва бир йиллик ўтлар экилади.

Махсус алмашлаб экишда алоҳида шароитни талаб қиладиган яьни тупроқ унумдорлиги юқори ва суғоришнинг махсус усулларини талаб этадиган экинлар экилади. Бундай экинларга шоли, сабзавот, полиз, тамаки, картошка, каноп ва бошқалар киради. жадвал Алмашлаб экишлар классификациясининг схемаси. Алмашлаб экиш типлари Турлари Дала экинлари. 2.Ем-хашак экинлари: а) ферма олди Дон-шудгор Дон-шудгор, қатор оралари ишланадиган, шу жумладан, дон –шудгор-лавлаги, Дон-шудгор-картошка, дон-шудгор- кунгабоқар ўсимликлари. Дон-ўт ўсимликлар, шу жумладан, дон- зиғир-ўт ўсимликлар, тупроқ иҳота ўсимликлар. Дон-қатор оралари ишланадиган экинлар. Дон-ўт-қатор оралари ишланадиган экинлар (экин алмашинадиган), шу жумладан, тоза шудгорли дон-ўт-лавлаги ўсимликлар. Қатор оралари ишланадиган экинлар, шу жумладан, ғўза. Ўт-қатор оралари ишланадиган экинлар, шу жумладан, беда-ғўза, беда-лавлаги экинлари. Сидератлар. Алмашинадиган экинлар. Қатор оралари ишланадиган экинлар. Ўт- қатор оралари ишланадига экинлар. Ўт-далали, шу жумладан, тупроқ, ихота ўсимликлар. Ўт-қатор оралари ишланадиган экинлар: шу жумладан, сабзавот ем-хашак, тамаки экинлари

ўсимликлари б)пичан тайёрланади-ган яйлов ўсимликла-ри. 3.Махсус алмашлаб экиш. Қатор оралари ишланадиган экинлар, шу жумладан сабзавот экинлари. Дон-ўт, шу жумладан, шоли экинлари. Қатор оралари ишланадиган шу жумладан, сабзавот экинлари. Ут қатор оралари ишланадиган шу жумладан сабзавот экинлари, ғўза, тамаки Турли йуналишдаги сабзавотчилик хўжаликлари учун ихтисослаштирилган алмашлаб экишларининг тахминий схемаларида экинлар навбатлашуви 13-жадвалда берилган. жадвал Турли йўналишдаги сабзавотчилик хўжаликлари учун ихтисослашган бригадада алмашлаб экишнинг саккиз далали тахминий схемаси. Сабзавот беда алмашлаб экиш Полиз беда алмашлаб экиш Картошка беда алмашлаб экиш. Асосий экинлар Такрор ва оралиқ экинлар Асосий экинлар Такрор ва оралиқ экинлар Асосий экинлар Такрор ва оралиқ экинлар 1 йиллик бедага аралаш экилган арпа билан - 1 йиллик беда - 1 йиллик беда - 2 йиллик беда - 2 йиллик беда - 2 йиллик беда 3 йиллик беда - 3 йиллик беда - 3 йиллик беда Сабзавот (ўртаги) - Полиз экинлари - Эртаги картошка Кечки картошка Эртаги сабзавот Кечки сабзавот Полиз экинлари - Эртаги сабзавот Кечки картошка

Эртаги картошка Кечки сабзавот Эртаги картошка Кечки сабзавот Полиз экинлари Оралиқ экинлар Сабзавот (эртаги) - Эртаги сабзавот Кечки картошка кечки картошка - Эртаги сабзавот Кечки картошка Полиз экинлари - Эртаги картошка Кечки картошка Барча алмашлаб экишларда ем-хашак экинларининг салмоғи 37,5% ни, шу жумладан беда 25% ни, бошқа озиқ экинлари эса 12,5% ни ташкил этади. Сабзавот-полиз экинлари ва картошканинг салмоғи 62,5% га тўғри келади. Сабзавот алмашлаб экишда тўрт дала сабзавот, битта дала картошка билан банд қилинган ёки уларнинг салмоғи 50 ва 12,5% ни ташкил қилади. Полиз алмашлаб экишда полиз экинларига уч дала, сабзавот ва картошкага биттадан дала ажратилади ёки уларнинг салмоғи 37,5; 12,5 ва 12,5% ни ташкил этади. Картошка алмашлаб экишда картошкага уч дала, сабзавот ва полиз экинларига эса биттадан дала ажратилади. Картошка 37,5% ни, полиз экинлари 12,5% ни ва сабзавотлар 12,5% ни банд қилади. Полизчиликка ихтисослашган хўжаликларда саккиз далали полиз беда алмашлаб экиш схемаларидан фойдаланилади. Бу алмашлаб экишда 3 дала полиз экинлари билан банд бўлиб, қолган далаларга беда, сабзавот экинлари ва картошка экинлар беда, карам, сабзи, маккажўхори ва шоли ҳисобланади. Лалмикор шароитда дон-шудгор алмашлаб экиш қўлланилади. «Ғалла» илмий ишлаб чиқариш бирлашмаси қўйидаги алмашлаб экиш схемасини тавсия этади. Лалмикорликда, қирғоқчилик айниқса, кескин бўладиган текислик ва текислик-тепалик минтақасининг пастки қисми учун 5 далали шудгор алмашлаб экиш тавсия этилади: шудгор, ғалла экинлари. Алмашлаб экишда экинлар маьлум далаларда навбатланиш тартиби буйича жойлаштирилади, бунда далалар сони 2-4 дан 10-12 тагача бўлади. Масалан, 10 далали алмашлаб экиш бўлса, далалар 10 та бўлиб, экинлар унда навбат билан жойлаштирилади. Бир қанча экин экиладиган алмашлаб экиш даласига далалар тўплами дейилади.

Далалар тўпламига қўйидаги талаблар қўйилади: Далалар тўплами учун ерга бўлган талаб. Ишлов бериш ва парвариш қилиш таркиби. Экинларни тупроқ унумдорлигига таьсири. Шу талаблардан келиб чиққан ҳолда қўйидаги далалар тўпламини ташкил қилиш мумкин. Қатор ораларига ишлов бериладиган экинлар. Кузги экинлар (буғдой, арпа, жавдар) экиладиган дала. Ёппасига экиладиган баҳорги экинлар далалари (беда, бугдой, арпа, сули, ва хоказо). Лалмикор шароитда алмашлаб экишда бита дала тоза шудгор ҳолда қолдирилиб қолганларига дон экинлари экилади. 3. Алмашлаб экишни тупроқ унумдорлигига таъсири ҳамда алмашлаб экиш ротацияси ва тизимлари. Алмашлаб экишда ўтмишдош экин муҳим аҳамиятга эга. Ўтмишдош экин деб, муайян далада олдинги йилларда экилган экин турларига айтилади. Суғориладиган ерларда барча экинлар учун беда энг яхши ўтмишдош ҳисобланади. Беда ўсимлиги катта агротехник ва хўжалик аҳамиятига эга. 1.Тупроқнинг физик хусусиятларини яхшилайди, донадор ҳолатга айлантиради, чунки унинг илдиз тизими кучли ривожланган. 2.Сербарглилиги, тупроқ юзасини Қуёш қиздиришидан сақлаб, бутун ўсув даврида тупроқ юзасига тузларнинг кўтарилишини тўхтатади, бу жиҳатдан мелиоратив тадбирни ўтказди. 3.Ер ости сувлари сатҳининг пасайишига олиб келади, чунки бу ўсимлик массаси орқали гектарига 12-15 минг м 3 сув буғлантиради, биологик дренаж ролини уйнайди, заҳарли тузлар камаяди. 4.Илдизда тугунак бактериялар ривожланиб азот тўпласа, илдиз қолдиғида ҳам 2-2,5% гача азот тўплайди. Иккаласи ҳисобига ҳар гектарида 500-600 кг гача азот тўплаши мумкин.

5.Бедапояда гумус миқдори кўпаяди, 3-йиллик бедапоянинг 20-25 см да 8-15 т/гача гумус кўпаяди. Бу ҳисобда тупроқнинг барча хоссалари, айниқса сув баланси яхшиланади. 6.Беда илдизи чириши билан тупроқда ҳаракатчан фофор миқдори ошади. 7.Беда вилт ва бошқа касалликларни камайтиради. 8.Беда минерал ўғитларнинг самарадорлигини оширади. 9.Беда юқори маҳсулдорли ем-хашак экинидир. У оқсил ва каротинга бойдир. Лалмикор шароитда эса тоза шудгор яхши ўтмишдошдир. Шу нарсаларни этиборга олиб, пахтачилик хўжаликларида алмашлаб экишнинг 10,9,8 далали яьни 3:7, 3:6,3:5 тизимлари қўлланиб келинди (биринчи рақам беда, иккинчи рақам ғўза). Бунда ғўзанинг ўзаро салмоғи 70-66,7-62,5% га тенгдир. Алмашлаб экишнинг схемасини белгиловчи омил, аввало, хўжаликнинг йўналиши ва тупроқнинг шўрланиш даражаси белгиласа, тупроқ ва шамол эрозияси ва майдонни касалланиш даражасини ҳам белгилайди. Ғўза вилт билан касалланган майдонларда алмашлаб экишнинг бўлакланган 2:4:1:3, 2:4:1:2, 2:3:1:2 тизимлари тавсия этилди (биринчи рақам- беда, иккинчи рақам- ғўза, учинчи рақам-дон ёки ем-хашак экинлари, тўртинчи рақам- ғўза). Бедани биринчи йили дон экинлари, маккажўхори, билан аралаштириб экиш тавсия этилади. Мелиоратив жиҳатдан ноқулай бўлган ерларда 1:3:4; 1:3:5; шамол эрозияси ёки қумли тупроқларда 3:3; 3:4; 3:3:1 тизимлари қўлланилгани маьқул. Деҳқончиликда тупроқ унумдорлигига қараб алмашлаб экишнинг ҳозирги вақтда тавсия этилаетган 8-далали (3:4:1) ва 6-далали (2:3:1) схемаларининг ротацияларини келтирамиз (14-15 жадваллар). жадвал Пахта-беда-дон алмашлаб экишнинг 8-далали тизими.

№ 1 2 3 4 5 6 7 8 1 Б+Д Б Б П П П П Д 2 Б Б П П П П Д Б+Д 3 Б П П П П Д Б+Д Б 4 П П П П Д Б+Д Б Б 5 П П П Д Б+Д Б Б П 6 П П Д Б+Д Б Б П П 7 П Д Б+Д Б Б П П П 8 Д Б+Д Б Б П П П П Бу тизимда беда 27,5%, пахта-50%, дон 12,5% ташкил этади. Бу ерда дон йиғиштириб олингач такрорий экинларни экиш кўзда тутилади. жадвал Пахта-беда-дон алмашлаб экишнинг 6-далали тизими. № 1 2 3 4 5 6 1 Б+Д Б П П П Д 2 Б П П П Д Б+Д 3 П П П Д Б+Д Б 4 П П Д Б+Д Б П 5 П Д Б+Д Б П П 6 Д Б+Д Б П П П Пахта-50%, беда-33,3%, дон-16,7% Бу тизимларнинг иккаласи ҳам кўпроқ шўрланган, шўрланишга мойил бўлган ерларга мос келади, ғўза бир майдонда 3-4 йилдан ортиқроқ эқилмайди, тупроқнинг физик, химик хусусиятларининг пасайиш ҳолатлари кузатилмайди. Пахта-ғалла алмашлаб экиш тизими қўйидаги кўринишда бўлиши мумкин (16-17 жадвал). жадвал Пахта-ғалла алмашлаб экишнинг 3-далали тизими № 1 2 3 1 Ғ П П 2 П П Ғ 3 П Ғ П Пахта-66,7%, Ғалла 33,3%. жадвали Пахта-ғалла алмашлаб экишнинг 4-далали тизими

№ 1 2 3 4 1 Ғ П П П 2 П П П Ғ 3 П П Ғ П 4 П Ғ П П Пахта-75%, Ғалла-25%. Шу нарсани қайд этмоқ керакки, пахта-ғалла алмашлаб экишда пахта- беда-дон алмашлаб экишга нисбатан пахтанинг умумий салмоғи бирмунча баланд бўлганлиги учун ҳам ундан олинадиган ялпи пахта маҳсулоти ҳам (100 гектарга нисбатан) юқори бўлади. Бу эса унинг иктисодий томондан юқори бўлишини кўрсатади. Лекин, тупроқнинг унумдорлигини сақлаб қолиш тадбирларини кўришни ҳам тақоза этади. Алмашлаб экишни қўллаш учун ер массиви маьлум сондаги далаларга бўлинади ва шу участкада етиштирилаетган экинлар ҳар бир далага навбат билан экилади. Экинларни тартиб билан, белгиланган схемада ҳар бир далага экиш учун кетган вақт алмашлаб экиш ротацияси ёки ротация даври дейилади. Ротация даври далалар сонига тенг бўлади. Экинларни ротация даврида йиллар ва далалар бўйича жойлаштириш режаси ротация жадвали дейилади. Экинлар гуруҳининг руйхати ва уларнинг навбатланиши алмашлаб экиш тизими (схемаси) дейилади. Масалан 3:7 (3 дала беда, 7 дала пахта). Алмашлаб экишда экинлар ҳар йили ёки бир неча йилда алмашиниши мумкин. Масалан, 10 далали 3:7 тизимдаги ғўза-беда алмашлаб экишда ғўза битта далада 7 йил ўстирилади, беда эса 3 йил, 10 далали 1:2:1:2:1:3 тизимидаги ғўза-дон алмашлаб экишда ғўза битта далада 2-3 йил, дон эса бир йил экилади ёки 1:3 ғўза-дон алмашлаб экишда ғўза-битта далада 3 йил, дон бир йил экилади.

Хулоса Алмашлаб экишда, экинлар йиллар давомида далалар бўича юқори агротехник шароитда тупроқ унумдорлигини яхшилаш ва экинлар ҳосилдорлигини ошириш мақсадида тўғри навбатлаб экилади. Алмашлаб экишда олинадиган маҳсулотларнинг турига қараб дала, ем-хашак ва махсус турларга бўлинади ва улар тупроқни физик хусусиятларини яхшилайди, ер ости сувларини сатҳини пасайтириб тупроқларни шўрланишини олдини олади, ҳар хил касаллик ва зараркунандаларни йўқотади, кўплаб органик масса қолдириб, тупроқ унумдорлигини оширади ҳамда ундан кейин экиладиган экинларидан юқори ва сифатли ҳосил етиштиришни таъминлайди.

Фойдаланилган адабиётлар: 1. Vorobyov S . A ., К ashtanov A . N ., Likov A . M ., Makarov I . P . Zemle - delie . M .: Agropromizdat . 1991. 2. Ermatov A . Q . Sug ’ oriladigan dehqonchilik . T .: O ’ qituvchi . 1983. 3. Ermatov A . Q ., G ’ aniyev V . Dehqonchilik . T.: Mehnat. 1990. 4.Zaurov E.I. Dehqonchilikdan laboratoriya ishlari va amaliy mashg’u-lotlar T:. «O’qituvchi»,1979 . 5. Tursunxujaev Z., Bolkunov A. Nauchniyi osnovi xlopkovix sevooborotov. T.: Mehnat, 1987. 6.H.Sheraliev. M.Shodmanov Dehqonchilik. Ma’ruzalar matni T.:2004 7. Astanov R., Shodmanov M., Madraimova S. Sistema zemleldeliya .Tekst leksiy. T.: 2004. 8. O’zbekiston Respublikasining "Suvdan foydalanish to’g’risida"gi qonuni, T.1993. 9. U.Norqulov, X.Sheraliev «Qishloq xo’jaligi melioratsiyasi» T.2003.

Похожие

Алмашлаб экиш

Пахтачиликда алмашлаб экиш ва экин майдонлари структураси

Пахтачиликда алмашлаб экиш, ерга асосий ишлов бериш системаси

Экиш аппаратлари

Кўчат экиш машиналари