Кўчат экиш машиналари - Сельское и лесное хозяйство - Рефераты

Кўчат экиш машиналари

Загружено в:

20.09.2019

Скачано:

0

Размер:

104 KB

Кўчат экиш машиналари 6-расмда янги боғларни барпо қилишда дарахт кўчати экадиган машинанинг схемаси келтирилган. Бундай машина рамаси 10 иккита ғилдиракка ўрнатилган. Рамага эккич 4, сув идишлари, кўмгич 2 ва 13 лар, ишчилар учун ўриндиқлар, кўчат заҳираси қўйладиган жой ва бошқалар ўрнатилади. расм . Дарахт кўчати экадиган машина схемаси: 1 — эккичга сув келтирадиган шланг; 2 ва 13 — кўмгичлар; 3 — сув қуйш идиши; 4 — эккич; 5 — из торткич; 6 — зинапоя; 7 — сув баки; 8 — изкўрсаткич; 9 — кўчат заҳираси учун жой; 10 — рама; 11 — ечилувчан ўриндиқ; 12 — ўриндиқ. Машинанинг асосий ишчи қисми бўлган эккич ерга 40 см чуқурликкача ботиб, кенглиги 40 см бўлган жойни ёриб кетади. Бундай ишни бажариш учун унинг тумшуғи икки ёнли понага ўхшаш қилинган. Тилинган ёриққа тупроқ тушиб уни саёзлатиб қўймаслиги учун, унинг ён деворлари баланд ва узун ясалган бўлади. Тупроқни ёришни енгиллаштириш учун эккичнинг олдига чопқисимон пичоқ ўрнатилган.

Эккич ён деворлари орасидаги кенг бўшлиқ ичига сув идиши 3 ўрнатилган. У ерга катта ҳажмли сув баклари 7 дан шланга 1 орқали келган сув тўпланиб туради (8 литргача). Ўта секин тезликда судралаётган (~1,0 км/соат) сеялка олдиндан белгиланиб қўйилган ерга келганида, ўриндиқ 12 да ўтирган ишчи кўчатнинг илдиз томонини эккич ён деворларининг орасидаги бўшлиққа тушириб ушлаб туради. Кўчат пастга киритилаётганида унуг илдизи сув идиши 3 ни тўнтариб юборади. Натижада, идишдаги сув қисман тупроққа кўмилиб улгурган илдизнинг устига қуйлади. Эккичдан кейин ўрнатилган кўмгич 13 лар тупроқ билан кўчатни тўлиқ кўмиб кетади. Ечилувчан ўриндиқ 11 да ўтирган одам кўчат тўплами 9 дан навбатдаги донасини 12 ўриндиқдаги экувчи ишчига узатиб улгуради. Кўчат экиладиган келгуси жойда юқоридаги жараён такрорланади. Бакларни сув билан тўлдириш учун эжексия ҳисобига ишлайдиган насос қўйилган. Эжексия жараёнини туғдириш учун трактор моторидан чиқаётган газ бакдаги эжекторга юборилади. Кўмгичларнинг ҳолатини ўзгартириб, кўчат кўмилган тупроқнинг зичланиш даражаси маҳаллий шароитга мос ҳолатга келтирилади. Машинага керакли узунликка келтирилган ўнг ва чап изтортқичлар ўрнатилади. Улар даланинг кўчат экилмаган томонида тупроқни тирнаб, из қолдиради. Агрегатнинг кейинги юришида тракторнинг олд томонида деярли ерга тегиб юрадиган қилиб ипга осилган из кўрсаткич 8 изторткич изи устида олиб юрилса, қаторлар оралиғи бир-бирига тенг бўлиб чиқади. Агрегат даланинг четига бориб, изига қайтаётганида, кўчат узатаётган ишчи машинанинг нариги бетидаги ўриндиққа кўчиб ўтиради. Из кўрсаткич ва из тортқичлар ҳам ўзгартирилади. Энгашиб қолган кўчатларни тиклаб, керак бўлса тупроқ билан уларнинг тупи атрофини зичлаб қўйиш учун агрегат орқасида икки ишчи юради. Эккичнинг тупроққа ботиши, яъни кўчатни кўмиш чуқурлигини таянч ғилдиракларни рамага нисбатан кўтариб-тушириш билан ўзгартирилади.

Анор, анжир ва ток кўчатларини ўтқазиш учун ишлатиладиган машинанинг схемаси 7-расмда келтирилган бўлиб, у кўчат экиладиган чуқур жўяк ариғини очиб, у ерга туширилган кўчатни тупроқ билан кўмиб, зичлайди. Керак бўлса ерни ўғитлаб, кейинчалик суғориш учун саёз жўяк очиб кетиши мумкин. расм. Анор, анжир кўчатларини экадиган машина: 1 — рама; 2 — ғилдирак; 3 — кўчат ўтқазиш аппарати; 4 — ўғитлаш аппарати; 5, 6 — ҳаракат юритмаси; 7 — из торткич; 8 — автотиркагич; 9 — бункер; 10 — лемех исканаси; 11 — ўриндиқ; 12 — зичловчи ғалтак; 13 — жўяк олгич; 14 — куракча; 15 — соябон. Кўчат ўтқазиш аппарати 3 ерга 50 см гача ботирилиб юритилади. Натижада, у ерни тилиб, ён деворлари билан тупроқни икки четга суриб, деярли кенг (40 см гача) чуқур жойни ҳосил қилади. Ўриндиқ 11 да ўтирган ишчи бункер 9 га тўплаб қўйилган кўчатни олиб, юриб кетаётган машина белгиланган жойга етиб келганида, чуқурнинг тубига солиб, уни қисқа вақт ушлаб туради. Кўчат ўтқазиш аппарати ён деворларининг охири энгаштирилган шаклда бўлганлиги сабабли, олдин пастки нам тупроқ кўчат илдизи устига тўкилиб тушади ва кўма бошлайди. Қисман кўмилган илдиз устидаги тупроққа, лозим бўлса, минерал ўғит солиниши мумкин.

Минерал ўғитни чуқурга солиш қуйдагича бажарилади. Ўғитлаш аппаратининг идиши 4 дан узлуксиз ўғитни ажратиб туриш учун, тўғинига тишлар ўрнатилган ғилдирак 2 хизмат қилади. Айланиб юраётган ғилдиракнинг ҳаракати занжирли узатма 5 орқали ўғит миқдорлагичнинг юритмаси 6 га узатилади. Миқдорланган ўғит махсус ўғит ўтқазгич 8 орқали ерга тушади (8-расмдаги). Кўчат ўтқазгич аппаратининг тузилиши 8-расмдаги йириклашиирилган схемада келтирилган. Унинг ён деворлари 1 6расмдаги эккичникидек бир-бирига нисбатан ўткир бурчак остида ўрнатилган бўлиб, уларнинг орқасидаги кенгайган жойда кўчат сиғадиган бўшлиқ ҳосил қилинган. Ерни ёриш учун искана 6 , маълум кенгликдаги тупроқни юмшатиш учун лемех 7 ўрнатилган. Миқдорлагичдан узлуксиз туширилаётган ўғит клапан 3 нинг устидаги бункер 2 да йғилиб туради. Ён деворлар орасидаги бўшлиққа киритилаётган кўчат таъсирида клапан 3 очилиб, тўпланган ўғит қисман кўмилиб улгурган илдизлар устига тушади. расм. Кўчат ўтқазиш аппарати: 1 — ён девор; 2 — ўғит тўпланадиган бункер; 3 — клапан; 4 — тавақалар; 5 —тортқи; 6 — искана; 7 — лемех; 8 — ўғит йўли; 9 — чивиқлар.

Ён деворларнинг охирига чивиқ 9 лар пайвандланган тавақа 4 лар ўрнатилган бўлиб, у бевосита кўчат илдизларининг устига йирик кесаклар эмас, майдароқ тупроқ тушишини таъминлайди. Экилган кўчат илдизларини кўмган тупроқда ғоваклар қолмаслиги учун, кўчатнинг икки четидаги тупроқни зичловчи ғалтак 12 лар босиб ўтишади. Кўчатлар экилган қаторнинг ёнида жўяк олгич 13, кейинчалик суғориш учун ариқча очиб кетади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

Похожие

Уруғ экиш ва кўчат ўтқазиш машиналари

Ерларни кўчат экиш, кўчат ковлаш ва кўчат қаторлари оралиғи тупроғига ишлов бериш машиналари

Экиш ва кучат утказиш машиналари

Боғдорчиликда ерни кўчат экишга тайёрлаш машиналари

Экиш олдидан ерга ишлов бериш машиналари