Махсус муассасаларга болаларни саралаш ишларининг мазмуни - Педагогиka - Рефераты

Махсус муассасаларга болаларни саралаш ишларининг мазмуни

Загружено в:

20.09.2019

Скачано:

0

Размер:

68.5 KB

www.arxiv.uz РЕЖА: 1. Нутқ камчилигига эга бўлган болалар боғчаларига (гурухларга) саралаш 2. Қабул қилишга зид бўлган белгилар 3. Тиббий-педагогик комиссияга тақдим этиладиган хужжатлар 4. Умумтаълим мактабл қошидаги логопедик пунктларга болаларни саралаш 5. Болаларни қабул қилишга оид тавсиялар 6. Тиббий-педагогик комиссияга тақдим этиладиган хужжатлар.

www.arxiv.uz Таянч иборалар: (Диагностика, деференциал, Ташхиз маркази, ТПК) Нутқ камчилигига эга бўлган болаларга мўлжалланган махсус муассасалар тармоғининг муваффақиятли ривожланиши логопедия фани сохасида янги тадқиқотларнинг туғилишига имкон яратади. Бунга қуйидагилар киради: Нутқ камчиликларини диагностикаси ва дифференциал диагностикани такомиллаштириш, нутқ камчиликларини бошқа камчиликлардан фарқлаш, айрим холларда ташқи холатдан ўхшаш, аммо пайдо бўлиш табиатига кўра турлича ва турли тузатиш методларини талаб қиладиган камчиликларни бартараф этиш имконини яратиш; турли нутқ бузилишларига эга бўлган болалардаги камчиликларни аниқлашнинг энг оптимал ёш муддатларини аниқлаш ва ўз вақтида дифференциал ўқитишни ташкил этиш; оғзаки (мактабгача тарбия ёшда) ва ёзма нутқ (мактабда) бузилишлари ўртасидаги ўзаро боғлиқликни ўрганиш; мактабгача тарбия муассасаларида нутқ камчиликларининг олдини олиш ишларини назарий жихатдан асослаш; нутқ камчилигига эга бўлган мактабгача ёшдаги болаларнинг ривожланишидаги ўзига хос хусусиятларни ўрганиш; турли нутқ камчилигига эга бўлган мактабгача тарбия ёшидаги болаларни ўқитиш мазмуни ва методларини ишлаб чиқиш; тегишли хужжатлар ва ташкилий масалаларни ишлаб чиқиш. Нутқ камчилигига эга бўлган болаларга мўлжалланган махсус муассасаларда болани хар томонлама ривожлантиришни кўзда тутган холда, ўқитиш ва тарбиялаш ишлари махсус дастур асосида изчиллик билан амалга оширилади. Оғир нутқ камчилигига эга бўлган болалар оммавий боғча ёки умумтаълим мактабларига борсалар, улардаги нутқ камчиликлари дастур материалларини тўлиқ ўзлаштиришларига тўсқинлик қилади, умумий ривожланишларига салбий таъсир кўрсатади, баъзи холларда эса характернинг салбий хусусиятлари пайдо бўлишига сабабчи бўлади,

www.arxiv.uz келгусида социал ва мехнат кўникмаларида қийинчиликлар келтириб чиқаради. Болалардаги нутқ камчиликларини ўз вақтида аниқлаш ва уларни тиббий-педагогик кўрикка юбориш болалар поликлиникаси логопеди, педиатр, психиатр ва невропатолог, болалар боғчаси ва оммавий мактаб логопедларининг асосий вазифаларидир. Нутқ камчилигига эга бўлган болалар боғчаларига (гурухларга) саралаш. Эшитишида, нутқида, кўришда, ақлий фаолияти ва таянч-харакат аппаратида камчилиги бўлган болалар учун ихтисослаштирилган мактабгача тарбия муассасаларининг ривожланиши, мактабгача тарбия ёшидаги болаларнинг етакчи нуқсонларини хисобга олган холда, уларни дифференциал ўқитиш ва тарбиялаш учун етарли шароит яратиш имконини беради. Махсус гурухларда камчиликларни бартараф этиш бўйича олиб бориладиган ўқитиш вазифаларини муваффақиятли хал этиш, кўп жихатдан нутқ камчиликларини тўғри ва ўз вақтида аниқлашга, унинг оғир, енгил даражаларига, тузатиш машғулотларининг бошланишига боғлиқдир. Нутқ камчилигига эга бўлган мактабгача тарбия ёшидаги болаларни ўз вақтида аниқлаш, уларни гурухларга тўғри комплектлаштириш ва махсус ўқитиш, болаларни ўқитиш ва тарбиялашда ижобий натижаларга эришишга имкон беради хамда болаларнинг келажакда ривожланиши ва мактабда муваффақиятли ўқиши учун етарли шароит яратади. Махсус мактабгача тарбия муассасаларида турли нутқ камчилигига эга бўлган мактабгача тарбия ёшидаги болаларни дифференциал ўқитиш ва тарбиялаш амалга оширилади. Турли нутқ камчилигига эга бўлган болаларни тарбиялаш ва ўқитишга дифференциал ёндошишни амалга ошириш учун, мактабгача тарбия муассасаларида қуйидаги гурухлар ташкил қилинади: нутқи умумий ривожланмаган болалар гурухи (3-6 ёш); фонетик-фонематик нутқ камчилигига эга бўлган болалар гурухи (5-6 ёш); айрим товушлар талаффузида камчилиги бўлган болалар гурухи (5-6 ёш); дудуқланувчи болалар гурухи (2-6 ёш).Махсус ясли-боғчалар, болалар боғчалари, оммавий

www.arxiv.uz типдаги болалар боғчаси қошидаги алохида гурухларига нутқ камчилигига эга бўлган болаларни саралаш ва гурухларни комп лектлаштириш тиббий- педагогик кўрик кенгашида хал қилинади ва қуйидаги принципларга риоя қилган холда амалга оши рилади. Нутқ камчиликларини бошқа камчиликлардан ажратиш принципи. Мактабгача тарбия муассасаларига эшитиши нормада, интеллекти бирламчи сақланган, фақат нутқий камчиликка эга бўлган болалар қабул қилинади. Шунинг учун асосий диққат нутқ камчиликларини тўғри диагностикасига ва нутқий камчиликларни бошқа камчиликлардан (ақлий заиф болаларда, рухий ривожланиш вақтинча ривожланмаган, эшитишида камчилиги бўлган болалардаги нутқий камчиликлар) ажратишга қаратилади. Тўғри диагностика қилишда бирламчи ва иккиламчи нуқсон хақидаги тушунча катта ахамиятга эга. Масалан, эшитишида камчилиги бўлган болаларда эшитиш функциясининг бузилиши натижасида турли кўринишдаги нутқ камчиликлари пайдо бўлиши мумкин. Бундай холатларда эшитишдаги камчилик бирламчи нуқсон, нутқ камчилиги эса иккиламчи нуқсон деб қаралади. Бу болалар эшитишида камчилиги бўлган мактабгача тарбия муассасаларига қабул қилинади. Нутқий камчиликка эга бўлган ақлий заиф болалар хам ақлий заиф болалар учун ташкил этилган махсус мактабгача тарбия муассасаларига қабул қилинадилар, чунки улардаги нутқий камчилик иккиламчи, интеллектдаги бузилишлар бирламчи нуқсондир. Ё Ш принципи. Боғча, ясли-боғча ва оммавий боғчалардаги алохида гурухларга нутқида камчилйги бўлган 2-7 ёшгача бўлган болалар қабул қилинади, хар бир гурухга бир хил ёшли болалар олинади. Оғирлик даражаси хар хил кўринишдаги нутқий камчиликка эга бўлган болаларни дифференциал ўқитиш принципи. Тиббий-педагогик комиссия таркиби Нутқ камчилигига эга бўлган болаларни саралаш ва уларни комплектлаштириш бўйича тиббий- педагогик комиссия вилоят (шахар, район) халқ таълими бўлимларида ташкил этилади.

www.arxiv.uz Унинг таркибига қуйидагилар киради : — халқ маорифи бўлимининг мудири - комиссия раиси; — комиссия аъзолари: болалар психоневрологи, ихтисос- лаштирилган мактабгача тарбия муассасасининг рахбари (болалар уйининг директори, болалар боғчаси ва ясли-боғчанинг мудири), катта логопед (вилоят, шахар, районнинг), мактабгача тарбия муассасаларининг логопедлари; — кўрик котиби. Тиббий-педагогик комиссия таркибини халқ маорифи бўлими соғлиқни сақлаш бўлимлари билан келишган холда тасдиқлайди. Тиббий- педагогик комиссия иш кунларида унинг аъзолари асосий иш жойларидаги вазифаларидан озод қилинадилар. Тиббий-педагогик комиссия маълум бир график асосида ишлайди, иш фаолиятини февраль ойидан бошлайди. Унинг биринчи кенгашида комиссия таркиби ва комиссия аъзоларининг вазифалари тасдиқланади. Йиллик режа мухокама қилинади ва тасдиқланади, унда қуйидагилар аниқлаб олинади: болаларни мактабгача тарбия муассасаларига саралаш; уларни мактабгача тарбия муассасаларидан чиқариш (муддат тугагач) юзасидан мажлислар ойда (хафтада) неча марта ўтказилади; нутқ камчиликлари диагнози аниқлангач, болаларни мактабгача тарбия муассасаларидан чиқариш; муайян бир кунда бола қайси нутқккамчиликлари бўйича текшириляпти (ёшини хисобга олган холда) ва бошқа ташкилий масалалар. Тиббий-педагогик комиссия аъзолари олдида қуйидаги вазифалар туради; болани нутқ камчилигига эга бўлган болалар мактабгача тарбия муассасаларига қабул қилиш лозим ёки лозим эмаслигини аниқлаш; болани қайси гурухга қабул қилиш; болани қандай ўқитиш муддатига қабул қилиш. Нутқ камчилигига эга бўлган болалар гурухларига мактабгача тарбия ёшидаги болаларни қабул қилиш йўлланмаси Саралашнинг барча принципларига амал қилиш нутқ камчилигига эга бўлган болаларни

www.arxiv.uz гурухларга тўғри комплектлаштиришга имкон беради. Нутқи умумий ривожланмаган болалар гурухларига нутқи турли хил даражада ривожланмаган, нутқ камчиликларини турли шаклларига (алалия, дизартрия, ринолалия) эга бўлган болалар қабул қилинади. I даражали нутқи умумий ривожланмаган болалар мактабгача тарбия муассасаларига 3 ёшдан 3-4 йил ўқитишга, II. даражали нутқи умумий ривожланмаган болалар 4 ёшдан 3 йиллик ўқитишга, III даражали нутқи умумий ривожланмаган болалар 4-5 ёшдан 2 йиллик ўқитишга қабул қилинадилар. Фонетик-фонематик нутк камчиликларига эга бўлган болалар махсус мактабгача тарбия муассасаларига 5 ёшдан бир йиллик ўқитишга қабул қилинадилар. Бир хил нутқ камчиликларига (ринолалия, дизартрия) эга булган болалар сони етарли бўлса, улар махсус гурухларни ташкил этадилар. Ринолалик ва дизартрик болалар 2 йиллик ўқитишга 4 ёшдан қабул қилинадилар. Айрим товушлар талаффузидаги камчиликларга эга бўлган болалар гурухларига фонетик камчилиги бўлган болалар қабул қилинади. Бунда нутқдаги камчиликнинг асосий белгиси товушларни турли кўринишда нотўғри талаффуз қилишдир. Бунда мактабгача тарбия муассасаларининг махсус гурухларига қабул қилинадиган болалар талаффузида нотўғри талаффуз қилинадиган товушлар икки гурухдан кам бўлмаслиги лозим, масалан, сирғалувчи ва сонар ёки сонар ва шовқинли товушлар. Нотўғри талаффуз қилинадиган товушларнинг умумий сони 5-6 товушдан кам бўлмаслиги лозим. Бундай болалар махсус гурухларга 5 ёшдан қабул қилинадилар, уларда ўқитиш муддати ярим йилдир. Дудуқланувчи болалар гурухларига, нутқнинг алоқа гурухларига 15 та бола қабул қилинади. Нутқи умумий ривожланмаган болалар гурухи, болаларни умумтаълим мактаблари ёки нутқ мактабларида билим олиш учун тайёрлайди. Фонетик-фонематик ва алохида товушлар талаффузи камчилигига эга бўлган болалар гурухи болаларни умумтаълим мактабларида

www.arxiv.uz билим олиш учун тайёрлайди. Дудуқланувчи болалар гурухи эса болаларни умумтаълим ёки нутқ мактабларида билим олиш учун тайёрлайди. Қабул қилишга зид бўлган белгилар Махсус боғчаларга (гурухларга) қуйидагй болалар қабул қилинмайди: а) эшитишида камчилиги бўлган болалар; б) ақлий заифлик натижасида келиб чиққан нутқий камчиликка эга бўлган болалар; в) ўз-ўзига хизмат қила олмайдиган ва алохида қарашни талаб қиладиган (ногирон) болалар; г) умумий типдаги болалар боғчаси ва ясли-боғчаларда қабул қилиш учун зид бўлган касалликлар билан касалланган болалар; д) тутқаноғи бор болалар. Тиббий-педагогик комиссияга тақдим этиладиган хужжатлар. Тиббий-педагогик комиссияга қуйидаги хужжатлар тақдим этилади: отоларинголог хулосаси, психиатр хулосаси, логопед ва тарбиячилар характеристикаси. Отоларинголог ўз хулосасида боланинг физик эшитиши ва бурун, томоқ, халқум аъзоларининг нормадалигини кўрса-тиши лозим. Психиатр хулосасида эса боланинг интеллектуал ривожланиш холати хақидаги маълумотлар бўлиши керак. Логопедик характеристикада айни текшириш вақтидаги бола нутқининг ривожланиши хақидаги маълумотлар бўлиши лозим. Бунда асосий диққат боғланган нутқнинг ривожланиш даражасига, тилнинг лексик-грамматик томонининг шаклланганлик даражаси, шунингдек фонетик-фонематик ривожланишга қаратилган бўлиши керак. Нутқдаги хар қандай камчиликлар логопед характеристикасида мисоллар келтириш билан тасдиқланиши лозим. Логопед характеристикасида бола илгари хам логопедик машғулотларда бўлган- бўлмаганлиги, машғулотларнинг самарадорлиги қандай бўлганлиги кўрсатилиши керак. Характеристика охирида логопедик хулоса ва болани

www.arxiv.uz маълум бир нутқ камчиликлари гурухига қабул қилиш хақидаги тавсиялар кўрсатилган бўлиши лозим. Агар бола болалар боғчасига борган бўлсагина тарбиячи характеристикаси талаб этилади. Характеристикада боланинг қайси вақтдан бери болалар боғчасига қатнаётганлиги, қаердан келгани (оиладан, бошқа мактабгача тарбия муассасаларидан), янги шароитни қандай ўзлаштиргани, болалар ва катталар билан қандай алоқага киришгани, боланинг хулқи ва дастур материалларини ўзлаштиришнинг ўзига хос хусусиятлари, диққатининг барқарорлиги, ўйинларда иштирок эта олиш-олмаслиги, ижодий ўйинларни ташкил эта олиши, ўртоқлари орасида ўзини қандай тутиши, ўз дефектига қандай қараши (сезадими, биладими, уяладими, таъсирланадими); ўз-ўзига хизмат кўрсатиш малакалари бор-йўқлиги кўрсатилиши лозим . Умумтаълим мактаблари қошидаги логопедик пунктларга болаларни саралаш. Нутқ камчилигига эга бўлган болалар хақида маълумотларни логопед қуйидагилар натижасида олиши мумкин: — боланинг нутқий холати хақида поликлиника логопеди хулосаси қайд этилган тиббий хужжатни кўриш; — ушбу райондаги болалар боғчасининг тайёрлов группасини текшириш; — умумтаълим мактабларига болаларни қабул қилиш комиссияси ишида иштирок этиш: — умумтаълим мактабларининг бошланғич синф ўқувчиларини текшириш. — Хар бир мактаб директори билан келишган холда болалар нутқини текшириш жадвали (1 сентябрдан 15 сентябргача ва 15 майдан 30 майгача) тузилади. Биринчи синф ўқувчиларининг» оғзаки нутқини фронтал текшириш расмлар ва сухбат асосида ўтказилади; 2-4-синф ўқувчиларининг оғзаки ва ёзма нутқлари текширилади.

www.arxiv.uz Юқори синф ўқувчилари логопедик пунктга ўқитувчиларнинг йўлланмаси ёки ота-оналарнинг илтимосига кўра қабул қилинадилар. Нутқ камчилигига эга бўлган болалар аниқлангач, махсус. рўйхатга белгиланадилар. Махсус рўйхат улар хақидаги умумий маълумотлардан {фамилияси, исми, синфи, мактаби, уй адреси ва текширилган вақти) ташқари она тилини ўзлаштириши, нутқ ривожланишидаги камчиликлар, шунингдек қисқа тегишли тавсиялар кўрсатилади. Машғулотлар 15 сентябрдан бошланади. Бир вақтнинг ўзида 30-40 бола логопунктга қабул қилинадилар. Нутқ камчиликлари аниқланган бошқа болалар навбатга қўйилади.Улар йил давомида логопедия машғулотларидан чиқарилган болалар ўрнига қабул қилинадилар. Логопедик пунктларга биринчи навбатда нутқ камчилигига эга бўлган бошланғич синф ўқувчилари қабул қилинади. Логопедик пунктларни комплектлашга оид тавсиялар. Логопедик пунктларда ўқув-тузатиш ишларининг асосий шакли гурухли машғулотлардир. Гурухларни тўғри комплектлаштириш болалар билан олиб бориладиган ишларнинг самарадорлигини ташкил этиш учун мухум ахамиятга эга. Ўқувчилар гурухи қуйидагича комплектлаштирилади: нутқ камчиликлари сабабли ўқиш ва ёзув камчилигига эга болалар гурухи; нутқи умумий ривожланмаган болалар гурухи; дудуқланувчи болалар гурухи; товуш талаффузи камчилигига эга бўлган болалар гу рухи . Нутқидаги камчиликлар умумтаълим мактаб дастурини ўз- лаштириш учун тўсқинлик қиладиган болаларга машғулотлар-га қабул қилишда афзаллик берилади. Оғир нутқ камчилигига эга бўлган болалар махсус мактабини комплектлаштириш. Махсус мактабга болаларни қабул қилиш тиббий-педагогик комиссия томонидан амалга оширилади. қомиссия таркиби ва ишни ташкил этиш «Республика ва вилоят тиббий-педагогик комиссия хақида» ги низомда белгиланган. Тиббий-педагогик комиссия вазифалари қуйидагилардан иборат:

www.arxiv.uz махсус мактаб-интернатларга ақлий ва жисмоний ривожланишида камчилиги бўлган болаларни тафовутли равишда саралашни амалга ошириш; умумий типдаги мактабларда ўқиши лозим бўлмаган болаларни тегишли махсус мактабларга тавсия этиш; махсус мактабдан чиқариш ёки тегишли муассасаларга ўтказиш масалаларини хал этиш; ривожланишида енгил камчиликлар бўлган болаларни ўқитиш ва тарбиялаш, даволаш масалалари бўйича ота-оналарга, педагогларга консультация бериш. Тиббий-педагогик комиссия ўз ишини ўқув йилининг охиридан (апрель - июнь) бошлайди. Комиссия аъзолари хар бир боланинг хужжатлари билан танишганларидан сўнг, болаларни қабул қилиш графиги жорий қилинади ва якка тартибда психологик-педагогик текшириш ўтказилади. ТПК аъзолари баённома (протокол) тузадилар (2 нусхада), охирги логопедик хулоса ва болани қабул қилишга тавсия қайд этилади. Биринчи бўлимга нутқи умумий ривожланмаган болалар ва алалия, афазия, дизартрия, ринолалия, алексия, агрофия диагнозли болалар қабул қилинади. Иккинчи бўлимга умумтаълим мактабларида билим олишларига ва нутқий алоқага тўеқинлик қила оладиган оғир формадаги дудуқланувчи болалар киради. Болаларни қабул қилишга оид тавсиялар. Оғир нутқ камчилигига эга бўлган болалар мактабининг ўқувчилар таркиби ўзгариб туради. Мактабга болалар фақат бошланғич синфларга эмас, балки, агар болалар аввал умумий таълим мактабида ёки бошқа типдаги мактабларда таълим олган бўлса, юқори синфларга хам қабул қилиниши мумкин. I бўлим синфларига ўқувчилар нутқий холатларига қараб қабул қилинади. Синфлар болалардаги нутқнинг умумий ривожланмаганлик даражалари ва уларнинг умумтаълим тайёргарлигини хисобга олган холда комплектлаштирилади. I бўлимда «Оғир нутқ камчилигига эга бўлган болалар махсус мактаби хақидаги низом» га мувофиқ тайёрлов синфлари хам ташкил этилади. Тайёрлов синфларига мактабгача тарбия муассасаларида бўлмаган, биринчи даражали нутқи умумий ривожланмаган 6-7 ёшли болалар қабул

www.arxiv.uz қилинади. 1-синфга тайёрлов синфларидан ва бошқа муассасалардан (умумтаълим мактаблари, нутқ камчилиги бўлган болаларга мўлжалланган боғчалар) келган II, III даражали нутқи умумий ривожланмаган хамда ўқув предметлари бўйича билим ва малакаларга эга бўлган болалар қабул қилинади. I бўлимнинг бошқа синфларига умумтаълим мактабларидан келган ва турли даражадаги нутқи умумий ривожланмаган болалар қабул қилинади. Айрим холларда, болаларга логопедик ёрдам бериш имкониятлари бўлмаганда, товушлар талаффузида оғир бузилишлар бўлган болалар нутқ мактабининг 1-синфига қабул қилинадилар. Болалар нутқидаги камчиликлар бартараф этилғач, улар ўқишларини оммавий мактабда давом эттирадилар. Шунинг учун I бўлимнинг IV-VI синфлари у ёки бу сабаб билан нутқ мактабига кира олмаган болалар билан тўлдириб борилади. Нутқ мактабининг у ёки бу синфларига қабул қилишда биринчи навбатда қуйидагилар, яъни: математика ва умумтаълим мактабининг бошқа фанлари бўйича боладаги билим ва малакалар қайси синф талабига жавоб бериши; оғзаки ва ёзма нутқ камчиликларини бартараф этишда қандай тузатиш ишларига мухтожлиги; бу ишлар айнан шу синфда амалга оширилиши мумкинлиги хисобга олинади. Бошланғич синфларга турли нутқ бузилишларига (алалия, дизартрия, ринолалия, дудуқланиш ва бошқалар) эга бўлган болалар қабул қилинади. Синфларда ўқувчилар сони етарли бўлгач, ўқитишнинг биринчи бошланғич даврида нутқ бузилишларининг характери ва табиатига кўра болаларни дифференциал ўқитиш, параллел синфларни ташкил этиш йўли билан амалга оширишни назарда тутиш лозимдир. Агар ўқув ишлари жараёнида у ёки бу бола нутқидаги камчиликлар бартараф этилган бўлса, бола ўз ўқишини оммавий мактабда давом эттириши мумкин. Бунда район ёки шахар халқ таълими бўлимлари нутқ мактаби директоридан зарур бўлган материалларни олгач, болани оммавий мактабнинг тегишли синфига юбориши лозим. Оммавий мактабнинг директори ва педагоглар кенгаши махсус нутқ мактабидан ўтказилган

www.arxiv.uz боланинг муваффақиятли ўқиши учун керакли шароитларни яратмоқлари лозим. Агарда ўқиш жараёнида бола ўзининг ривожланиш имкониятлари билан нутқ мактабига мувофиқ келмаслиги аниқланса, унда бундай болалар қайтадан тиббий-педагогик комиссиядан ўтадилар хамда ўқитувчи ва логопед хулосалари билан улар ёрдамчи мактабга ёки заиф эшитувчи болалар мактабига юборилади. Қабул қилишга зид кўрсатмалар. Нутқ камчилигига эга бўлган болалар махсус мактабига қуйдаги болалар қабул қилинмайди: Эшитишида камчилиги бўлган болалар; махсус психофизик тарбияга мухтож болалар;тутқаноғи бор бўлган болалар; ўз-ўзига хизмат қила олмайдиган ногиронлар; нутқ камчиликларини мактаб логопедик пунктларида бартараф этиш мумкин бўлган болалар. Тиббий-педагогик комиссияга қуйидаги хужжатлар тақдим қилинади: Логопедик характеристика. Унда боланинг нутқий ривожланиш холатларини тўлиқ баён этиш лозим. Педагогик характеристика. Унда ўқитиш ва тарбиялаш жараёнида кўрилган қийинчиликлар, болага қандай индивидуал ёрдам кўрсатилгани; бола бунга нисбатан қандай жавоб бергани, ўз нуқсонига нисбатан қандай муносабатда бўлиши, жамоа билан қандай муносабатда бўлиши ва хоказолар батафсил ёритилиши керак. Характеристикага қўшимча равишда боланинг шахсий делоси нусхаси ва ёзма иши, шунингдек ўзлаштириш табели хамда мактаб тиббий картаси илова қилинади. Болалар поликлиникасининг бош врачи томонидан тасдиқланган боланинг касаллик тарихидан тўлиқ кўчирма, унда педиатр, психоневролог, отоларинголог, офтальмолог, ортопед хулосалари хам бўлади. Туғилганлик хақидаги гувохнома (кўрсатилади).

www.arxiv.uz ФОЙДАЛАНИЛГАН АДАБИЁТЛАР: 1. Филичева. Т.Б, Чирикина.Г.В, Л Муминова. «Логопедия» Тошкент 1993 2. Шомахмудова. Р.Ш, Муминова. Л.Р. « Б оғча ва кичик мактаб ёшидаги болалар талаффуз ўзидаги нуқсонларни т тузатиш.» Тошкент. 1981 йил. 3. Фомичева Т.Б, Чиркина. Г.В. «Логопедическая работа в специальном детском саду» 1987 йил.

Похожие

Урта махсус ва касб-хунар таълими мазмуни

Таълим мазмуни ва ўрта махсус, касб – ҳунар таълими

Махсус муассасаларни коплектлаш бўйича диагностика ишининг мазмуни ва унинг педагогик коррекциядаги ахамияти

Ўзбекистон Республикаси халқ таълими тизимида махсус муассасалар тизими

Болаларни текшириш