Совун хақида тушунча - Пищевая технология - Рефераты

Совун хақида тушунча

Загружено в:

20.09.2019

Скачано:

0

Размер:

65.5 KB

Совун хақида тушунча Режа : 1. Совунларнинг турлари . Совун рецептураси . Совун асосини пишириш ва унга ишлов бериш технологиясининг принципиал схемалари. 2.Совунларнинг сифат кўрсаткичлари.

Совун ўзи нима? Совун бу юқори малекуляр ёғ ва нафтен кислоталарининг тузларидир. Ювиш ва тозалаш учун ишлатиладиган совун 10 дан 20 гача углерод атомидан ташкил топган ёғ кислоталарининг натирийли ва калийли тузларидир. Таркибида углерод атоми сони 10 кам бўлган ёғ кислоталарининг тузлари ювиш қобилятига эга эмас. Совун ёғ кислоталарининг уювчи ишқорлар ва карбонатли ишқорлари билан нейтраллаш туфайли осил бўлади. RCOOH + NaOH RCOONa + H 2 O 2RCOOH + Na 2 CO 3 2RCOONa + CO 2 + H 2 O Шунингдек совун нейтрал ёғларни совунланиши натижасида ҳам ҳосил бўлади . CH 2 OCOR CH 2 OH | | CHOCOR + 3NaOH CHOH + 3RCOONa | | CH 2 OCOR CH 2 OH Ёғ кислотасининг молекуласи совун билан реакцияга киришиб , нордон совун ҳосил қилади . RCOONa + RCOOH RCOONa – RCOOH Нордон совун Нордон совунлар сувда эримайди . Совун пишириш учун олинган ёғлар ва ёғ кислоталар тартибига кўра совун қаттик ёки юмшоқ бўлиши мумкин . Қаттиқ ёғ ёки ёғ кислоталаридан

қаттиқ совун , юмшоқ ёғ ёки кислоталаридан юмшоқ совун чиқади . Бундан ташқари натрийли совунга нисбатан калийли совун юмшоқ бўлади . Маълумки совунларнинг хўжалик ва атир совун турлари мавжуд . Уларнинг асосий фарқи совун пишириш учун ишлатилган хомашёларнинг турлари ва миқдоридир . Масалан , саноатда 72% ва 60% ли хўжалик совунлари ишлаб чиқарилади . Фоизда ифодаланган қиймат совун пишириш учун сарф бўлган ёғ кислоталар миқдорини билдиради . Атир совунлар учун бу кўрсаткич 80% дан кам бўлмайди . Совунларнинг физик - кимёвий хусусиятлари . Совун спиртда , иссиқ сувда яхши эрийди ва натирийли совунларга қараганда калийли совунлар яхши эрийди . Совун малекуласидаги углерод атоми сонини кўпайиши унинг эрувчанлигини камайишига олиб келади . Совун органик эритувчиларда эримайди . Туйинган ёғ кислоталари совунларига нисбатан туйинмаган ёғ кислоталари совунлари яхши эрийди ва температуранинг ортиши совуннинг эрувчанлигини оширади . Нордон совунлар сувда қийин эрийди. Сувсиз совунларнинг суюқланиш температураси 225-270 0 С га тенг. Совунлар нам тортиш, бўкиш, хусусиятларига эга. Кислоталар таъсирида совунлар парчаланади ва Яна ёғ кислотасига айланади: 2 RCOONa + H 2 SO 4 2 RCOOH + Na 2 SO 4 Совуннинг сувдаги эритмаси сирт активдир, яъни сувнинг сирт тарангликни пасайтиради. Кўпик – уяли дисперс система бўлиб, бунда ҳаво пуфакчалари совун пардаси билан ўралган. Кўпикнинг баркарорлиги – 5 минутдан кейин камайган кўпик хажмининг унинг дастлабки хажмига нисбати билан аниқланади. Туйинган юқори молекулали ёғ кислоталари совунлари (С 16 ,С 18 ) майда ва баркарор кўпик ҳосил қилади. Ўрта молекулали ёғ кислоталари

совуни йирик кўпик ҳосил қилади. Юқори молекулали ёғ кислоталарини кўпикланиш хусусияти қиздирилганда ортади. Ювиш қобилиятини билиш учун аввало хўлланиш нималигини аниқлашимиз керак. Яхши хўлланишда суюқлик қаттиқ жисмнинг устида текис ёйилади ва унинг ёриқларига сингади. Сирт таранглиги кичик бўлган суюқликлар яхши хўллаш хусусиятига эга. Хўллашни яхшилаш учун суюқликнинг сирт таранглигини камайтириш керак. Маълумки сувга қараганда спирт ва керосин юзани яхши хўллайди. Сувнинг температураси 20 дан 80 0 С гача ортганда сирт таранглик 73 дан 62 эрг/см 3 гача камайса, сувга совундан 0,1% қўшилса, сувнинг сирт таранглиги 26,5 эрг/см 2 гача пасаяди. Шунинг учун совунли эритма матога яхши сингади. Совуннинг рецептураси унинг физик-кимёвий хусуияти, таннархи, тайёрлаш технологиясини белгилайди. Шунинг учун рецептура тузиш сифатли совун ишлаб чиқаришнинг асосий жараёнларидан бири ҳисобланади. Рецептура тузганда шундай ёғлар ва ёғ кислоталарни танлаш керакки совун қаттиқ ва эластик, яхши эрийдиган, кам сарфланадиган ва ювиш қобилияти юқори бўлиши лозим. Ундан ташқари хўжалик совун учун ёғли аралашма титри (эриш температураси) 35-42 0 С бўлиши керак. Атир совун учун ёғ аралашмасининг титри 31-41 0 С бўлиши керак. Қуйида хўжалик совунининг рецептураси келтирилган: Хомашё 72%-ли совун 60 %-ли совун Саломас 38-60 22-46 Мол ёғи 5-17 5-12 Соапсток Ё.К. 0-7 23-25 С.Ё.К. 12-40 16-48

Атир совунининг рецептураси. Хомашё 1гр экстра 2 гр 3 гр Хайвон ёғлари 70-60 33-27 17-13 ДЁК - 32-38 52-48 СЁК С 10 -С 16 - 16-10 14-16 Кокос мойи 13-17 6-8 3-5 Совун пишириш ва қайта ишлаш жарёнлари қуйидаги тартибда амалга оширилади: совунлаш, тўлиқ совунлаш, тузлаш, тиндириш, силлиқлаш, совун асосини қайта ишлаш ва уни товар холатга келтириш. Совунлаш, тўлиқ совунлаш, тузлаш, тиндириш, силлиқлаш жараёнлари совун асосини пишириш деб юритилади. Совун асосини пишириш даврий усулда совун пишириш қозонларида ёки узлуксиз усулда ишловчи (БШМ, ТНБ ) аппаратларида амалга оширилади. Совунлаш натрий карбонат (кальцийли сода) ёрдамида олиб борил- ганлиги учун саноатда карбонатли совунлаш деб юритилади. Карбонатли совунлашда қозонга 28-30%-ли натирий карбонат эритмаси ҳисобланган миқдори берилади, ўткир буғ билан қайнашгача қиздирилиб, рецептура бўйича иссиқ ёғ кислоталар киритилади (аввал ёғ кислоталар кейин синтетик ёғ кислоталар). Агар аввал ёғ кислоталар кейин сода берилса, нордон совун ҳосил бўлиб қолиши мумкин. Совун массасида Na 2 CO 3 миқдори 0,5% дан кўп бўлмаса, карбонатли совунлаш тугаган деб ҳисобланади. Тўлиқ совунлаш 40-42% ли NaOH (каустик сода) эритмаси билан давом эттирилади. NaOH ишқори қозонга қайнаш ва аралаштиришда порциялаб берилади. Ишқорнинг ортиқча миқдори совун массасини

пиширишнинг охирида 0,1-0,2% бўлиши лозим. Каустик сода ёрдамида тўлиқ совунлаш 30минут давомида қайнатилгандан сўнг, ишқор миқдори ўзгармас бўлганда охирига етган деб ҳисобланади. Тузлашда совунли елимга ўткир буғ билан қайнатиб ва аралаштириб туриб 20% ли Na С1 эритмаси қўшилади. Тузлаш тугагач, масса бир текис қайнайди. Пулат андавачадан елим юпка қатлам бўлиб оқиб тушади. Тиндириш тузлашдан кейинги жараён бўлиб, совунли масса бир неча соат давомида тиндирилади: асосий қисм (совун ядроси) + совуности елими ҳосил бўлади. Асосий қисм 60-63% ёғ кислоталардан иборат. Тиндириш давомийлиги қозон сиғимига боғлиқ. Масалан, қозон сигими 50м 3 бўлса, тиндириш 20-30 соат давом эттирилади. Тиндириш натижасида совун ядроси ва совун ости ишқори ажралади. Совун ости ишқори ажратилиб, совун ядроси қуритишга узатилади. Силликлаш асосан атир совунлар ишлаб чиқаришда қўлланилади. Бу жараён иссиқ сув билан ёки қайнатиб алохида порциялар билан қўшиладиган NaOH ва Na С1 эритмалари билан бажарилади. Ишқор миқдори 0,5-0,8% , NaCI 0,7–1,0% миқдорда ушлаб турилади. Силлиқлаш сувнинг охирги порцияси қўшилгандан сўнг бир соат интенсив қайнатилгандан кейин тугатилади. Тайёр атир совун асоси таркиби қуйидагича бўлади: ёғ кислоталари 61,5% дан ортиқ, NaOH 0,06-0,12%, совунланмаган ёғ 0,2% дан кўп эмас, NaCI миқдори 0,4% дан кўп бўлмаслиги керак. Совун асосини қайта ишлаш ва уни товар холатга келтириш хўжалик совуни совутилади, қуритилади, механиқ ишлов берилади, формовка қилинади, бўлакларга бўлинади, мухрланади ва тайёр совун бўлаклари ящикларга жойланади. Атир совуни эса совутилгандан, қуритгандан ва механик ишлов берилгандан сўнг, хушбўй моддалар, бўёқлар, оксидланишга қарши ва бошқа қўшимчалар қўшилиб, қўшимча механик ишлов берилиб, формовка

қилинади, кесилади, тайёр бўлган бўлакчалар қуритиб, мухрланади ва ўралиб қутиларга жойланади. Замонавий ускуналарда совутиш ва қуритиш бирлаштирилган. Усулнинг мазмуни шундаки қиздирилган (120-140 0 С) совун асоси вакуум камерага сепилиб, 15-40мм.см.уст. қолдиқ босимда қуритилади ва совутилади. Камерадан чиққан совун қириндисига шнек-прессда механик ишлов берилиб, брусок ҳолида чиқарилади. Сўнгра бўлакчаларга кесилиб штампланади. Тайёр товар совун қутиларга тахланади.

Похожие

Совун хақида тушунча.

Механик курилмалар ҳакида умумий тушунча

Консерва корхоналарида қўлланиладиган иссиқлик аппаратлари ҳақида умумий тушунча

Рейтинг тизими ҳақида маълумот

Ўсимлик мойларини қайта ишлаш