Озиқ-овқат кимёсининг ривожланиш тарихи - Пищевая технология - Рефераты

Озиқ-овқат кимёсининг ривожланиш тарихи

Загружено в:

20.09.2019

Скачано:

0

Размер:

76.5 KB

Озиқовқат кимёсининг ривожланиш тарихи Режа: 1. Озиқовқат маҳсулотлари кимёсининг ривожланиш тарихи. 2. Республикада озиқ-овқат маҳсулотлари ишлаб чиқаришни ривожлантиришнинг истиқболли йўналишлари. 3. Озиқ-овқат саноатида биотехнологиянинг ўрни.

Озиқ-овқат муаммоси доимо кишилик жамияти олдида турган энг муҳим муаммолардан бири бўлиб келган. Инсон ўзининг яшаши учун барча нарсаларни, кислороддан ташқари, овқатдан олади. У суткасига 800 г гача (сувдан ташқари) озиқ-овқат маҳсулотлари ва 2000 г га яқин сув истеъмол қилади. 1904 йилда И.П.Павлов, Нобел мукофотини топшириш маросимида шундай деган: "Ризқ-рўз тўғрисида ўйлаш инсон ҳаётидаги барча ҳодисалар устидан беҳуда ҳукмронлик қилмайди". Ҳозирги вақтда курраи-заминимизда 6 млрд. дан ортиқ киши яшамоқда, 2005 й га бориб бу рақам 7 – 7,5 млрд. га етиши мумкин. Ҳозирги пайтнинг ўзида 4 млн. тоннадан ортиқ овқат истеъмол қилинмоқда, аҳоли сони ортиши билан, табиийки, овқатга бўлган талаб ҳам ортиб боради. Инсоният озиқ-овқат маҳсулотларнинг, айниқса, оқсил маҳсулотлари танқислигини бошдан кечириб келмоқда. Бироқ овқат истеъмол қилишни ўсишининг ўзи овқатланиш билан боғлиқ бўлган барча муаммоларни ҳал қила олмайди. У рационал бўлиши, овқатланиш тўғрисидаги фаннинг асосий қоидаларига мос келиши, фаннинг талабларини озиқ-овқат саноати ривожланишининг стратегиясини ишлаб чиқишда инобатга олиниши керак. Овқатланишни тўғри ташкил қилиш озиқ-овқат хом ашёларининг ва тайёр маҳсулотларининг кимёвий таркиби, уларнинг олиниш усуллари тўғрисида тасаввурга эга бўлишни, маҳсулотларни олиш ва пишириш пайтида содир бўладиган жараёнларни, ҳамда овқатни ҳазм қилиш тракти тўғрисида маълумотга эга бўлишни талаб қилади. Йилдан-йилга биз озиқ овқат маҳсулотлари ишлаб чиқариш учун кўпроқ энергия сарфлаймиз, бунинг устига, овқатда йиғиладиган энергия, уни ишлаб чиқаришда сарфланадиган энергияга нисбатан анча секинлик билан ўсади. Бошқача қилиб айтганда, озиқ-овқат ишлаб чиқариш жараёни энергияни қўпроқ талаб қиладиган бўлиб бормоқда, унинг фойдаланиш коэффиценти эса - пасайиб бормоқда (1920 йилда 1 калл овқатга 1 калл

энергия сарфланган бўлса, 2002 йилга келиб эса - 1 калл овқатга 11 ккал энергия сарфланмоқда). Бунга, аҳолининг тинимсиз ўсиши билан бирга, фан ва техниканинг ютуқларига қарамасдан, озиқ-овқат ресурсларининг, айниқса оқсилнинг камёблиги сабаб бўлмоқда. Бу муаммони қандай ечса бўлади, деган савол туғилади. Бир қатор мамлакатларда, айниқса ривожланаётган мамлакатларда, қишлоқ хўжалиги маҳсулотлари ишлаб чиқаришни ривожлантиришнинг катта истиқболлари мавжуд. Бироқ, илғор мамлакатларда қишлоқ хўжалигини экстенсив ривожланиши (майдонларни кенгайтириш, ҳайвонлар сонини ошириш) ўзининг чегарасига етмоқда. Шундай экан, маҳсулот миқдорини оширишнинг бошқа йўлларини излаш керак. Улар тўғрисида гапириш учун озиқ-овқат маҳсулотлари ишлаб чиқариш ва истеъмол қилиш фойдали иш коэффицентининг фавқулодда паст бўлиш сабабларини аниқлашимиз керак. Бунга асосий сабаб иккита: 1) озуқа занжирларидаги йўқотишлар; 2) озиқ-овқат маҳсулотларини ташиш ва сақлаш пайтидаги йўқотишлар. Мисол, иккита звенодан: "сўли-мол гўшти" иборат озуқа занжирига эгамиз. 100 кг озуқа бирлиги бор йўғи 7-15 кг тирик вазнни беради. Занжирнинг биринчи звеносидан иккинчи звеносига ўтганда озуқавий моддаларнинг миқдори шундай келтирилган: 100 кг озиқа бирлиги 7-15 кг озиқа бирлиги Чиқиш, % Йўқотиш, % Оқсиллар 8,5 кг 0,6 – 1,2 кг 7 – 14 85 – 93 Ёғлар 5,0 кг 0,9 – 1,8 кг 18 – 36 64 – 82 Крахмал 60 кг 0,05 кг 0,1 100 Озиқ-овқат маҳсулотлари ишлаб чиқариш ва истеъмол қилишнинг фойдали иш коэффициенти паст бўлиш сабабларини аниқлагандан кейин, улар-ни бартараф этиш чораларини топиш мумкин:

1) Йўқотишни камайтириш ва қайта ишлаш самарадорлигини ошириш, бу озиқа миқдорини икки карра ошишига олиб келади. Бунга сақлаш бўйича ташкилий чоралар киради: консервалаш ва сақлаш услубларини такомиллаштриш; соф озуқавий моддаларни ажратиб олиш ва сақлаш принципи (соф озуқавий моддалар, масалан, мой, шакар, мономаҳсулот бўлиб, жуда барқарордир), йўқотилаётган (картошка оқсили, сут обрати) ва фойдаланилмайдиган (масалан, целюлоза) маҳсулотларни қўллаш. Кўп учрайдиган целюлозани глюкозага айлантириш учун уни парчалаш, гидролизлаш керак. Буни амалга ошириш мумкин, ва бу исботланган. Бунда жуда ҳам ширин бўлмаган Д-глюкоза олинади. Бу жараённи яна ҳам давом эттириш мумкин, яъни Д-глюкозадан инверт қанд олиш мумкин. Инверт глюкоза ва фруктоза аралашмаси бўлиб, таъми бўйича одатдаги шакардан ширин бўлиши мумкин. Целюлозадан инвер қанд олиш ҳали тажрибада ишлаб чиқиш босқичида турибди, лекин инверт қандни маккажўхори крахмалидан олиш Америкада ўзлаштирилган ва у саноат миқёсида ишлаб чиқарилмоқда. 2) Озуқа занжирининг айрим звеноларини олиб ташлаш, бу овқат миқдорини ўн карра оширади: а) ўсимликларни бевосита ишлатиш, озуқа занжиридан ҳайвон звеносини олиб ташлаш. Оқсилни нафақат мевалар ва донлардан, балки ўтлар ва барглардан олса бўлади. Тўғри, инсоннинг овқатланишда ўтларни қўллаш ҳали тажриба босқичида турибди. Амалда эса фақатгина ўсимлик оқсилларини етишмайдиган компонентлар ҳисобидан баланслаш борасида ишлар олиб борилмоқда. Гап шундаки, ўсимликлар таркиби бўйича баланслашмаган. Уларда жуда кўп углеводлар бўлиб, оқсил миқдори жуда оз, шу сабабли уларнинг озуқавий қиммати паст, буни фақат, ўсимлик оқсилларини бошқа моддалар ҳисобидан баланслаш орқали бартараф этиш мумкин. б) ўсимликларни умуман чиқариб ташлаш, озиқ–овқат маҳсулотларини микробиологик йўллар билан олиш. Масалан, нонвойлик

ачитқиларидан фойдаланиш. Нонвойлик ачитқиларини углеводларни бижғитади, бунда карбонат ангидрид гази ва кислоталар ажралади. Таркиби нуқтаи назардан қараганда, ачитқилар - озуқавий маҳсулот. Ачитқи ҳужайрасининг таркиби (қуруқ вазн ҳисобида) қуйидагича (%): оқсил – 35–50, ёғлар – 5–20, углеводлар – 20–40, нуклеин кислоталар - 10–20 кўпгина витаминлар. Ачитқилар бузоқчаларга нисбатан оқсилларни ўн минг марта тезроқ тўплайди. Ачитқилар керакли нисбатдаги таркибга эга эмас. Бундан ташқари уларда нуклеин кислоталар миқдори кўп. Нуклеидлар миқдори 2% дан юқори овқат инсон учун зарарлидир. Ачитқилардан инсон озиқаси сифатида фойдаланиш - келажакдаги вазифадир. Бироқ у ҳозир ҳам озуқу миқёсида кенг қўлланилмоқда. (Масалан, ОВК- оқсилли витаминлаштирилган концентратлар). 3) Озуқавий моддаларни синтез қилиш (улар бор йўғи 100 тага яқин, улардан 45 таси алмаштириб бўлмайдиган) овқат миқдорини 100 карра оширади. Таъмни, рангни, ҳидни таъминловчи 30-40 та қўшимча моддаларни ҳам синтез қилса бўлади. Юқорида қисқача таърифланган барча бу масалаларни кимёвий билимларсиз ҳал эта бўлмайди. Бунинг устига, органик, умумий, физикавий кимё, биокимё фанларида бериладиган умумкимёвий билимлар, ҳамда яна ҳам мутахассис фан ҳисобланувчи озиқ овқат маҳсулотлари кимёси керак. Бу фан ўз вазифаси сифатида қуйидагиларни қамраб олади: - озиқ-овқат маҳсулотларини ҳосил бўлиш давридаги кимёвий ўзгаришларни тадқиқ қилиш. Бунда ҳам табиий жараёнлар (масалан, донларни, сабзавотларни, меваларни етилиши), ҳам технологик ва пазандаликка оид ишлов бериш пайтидаги жараёнлар тушинилади;

- озиқ-овқат маҳсулотларини сақлаш пайтида содир бўладиган кимёвий ўзгаришларни тадқиқ қилиш. Масаланинг айнан шу томони мутахассислигимизга яқин; - организмда моддалар алмашинуви ва озуқавий моддаларнинг сўрилиши пайтида содир бўладиган кимёвий ўзгаришларни тадқиқ қилиш. Бу билимлар қуйидагиларга олиб келади: 1. Оптимал технологиялар қайта ишлаб ва янги сифатли технологияларни яратиш. Масалан, микроорганизмлар ёрдамида озуқавий кислоталар (лимон, сут кислоталари) ва аминокислоталарни (лизин, триптафан) ишлаб чиқариш. 2. Маҳсулотларни сақлаш, уларга иккиламчи ишлов бериш масалаларини ҳал этиш. Масалан, донни ўз-ўзидан қизиши (нафас олиш) унинг сифатини ёмонлашувига олиб келади. Бу ферментатив, кимёвий жараён, шароитлар таъсирини ўрганиш бу жараённи минимал бўлишига келтиради. Бошқа бир мисол, картошкани ўсиши. Шу аниқландики, нурлантириш ўсиш нуқтасида нуклеин кислоталар синтезини тўхтатади, ва картошкани сақлаш мумкин. 3. Маҳсулотларни афзалликларини, фойдалигини ва қўллаш усулини баҳолаш. Масалан, Украинада етиштирилган "Заря" навли буғдой серҳосил, ундан олинган ун эса ёмон, чунки бу буғдой донида юқори фаолликка эга бўлган протеолитик ферментлар сақланади, оқсил-протеиназа комплекси оптималга мос келмайди. Озиқ овқат маҳсулотларининг турлари жуда кўп. Агар уларни турли комбинацияларини инобатга олсак, у ҳолда маҳсулотлар тури сон-саноқсиз бўлади. Микроорганизмлар ёрдамида бижғитиш аввалдан ҳам турмушда муҳим рол ўйнаган. У ҳалигача биотехнологик жараёнларнинг муҳим қисмини ташкил қилади. Бактериялар, ачитқилар, моғор замбуруғлари, сувда ўсадиган кўкатлардан фойдаланиб махсус моддалар ишлаб чиқарилмоқда.

Микробиологлар ва энтимологларнинг фаолияти ҳисобланган биотехнология яқинда вирусологиянинг, бактериологииянинг, молекуляр генетиканинг охирги ютуқлари ва айниқса дезоксирибонуклеин кислотанинг (ДНК) модификация усулларининг яратилиши ва уни бир организмдан бошқасига кўчириш туфайли кучли туртки олди. Саноат ва амалий микробиологияни ўзида мужассамлаштирган биотехнология биокимё, микробиология, генетика ва кимёвий технологияга оид билимлар ва усулларни қўллашга асосланади. Бу саноатдаги жараёнларда микроорганизмлар ва хужайраларни етиштириш хоссаларидан фойдаланиш имкон яратади. Фаннинг бу тармоқларини ривожланиши ва уларни батафсил текшириш (деталлаштириш) ҳаётий жараёнларни ўрганишга қараб кучли интилиш билан чамбарчас боғлиқдир; ўз навбатида хужайра ва молекулаларда борадиган ҳаётий ҳодисаларни фундаментал текшириш натижалари технологик янгиликларнинг пайдо бўлиши билан чамбарчас боғланган. Озиқ-овқат маҳсулотлари ишлаб чиқариш саноатида биотехнологиянинг роли Биотехнологиянинг ривожланиши нафақат анъанавий биотехнологик жараёнларнинг такомиллашуви, самарадорлигининг ошиши ва автоматлаштирилиши билан балки, батамом янги жараёнларни ишлаб чиқариш билан ҳам белгиланади. Янги жараёнларни ишлаб чиқиш деганда аввало қуйидагилар инобатга олинади: овқатланиш маҳсулотларини ишлаб чиқариш (оқсиллар, амино ва органик кислоталарни, витаминлар ва ферментларни олиш учун ачитқилар, сув ўтлари ва бактерияларни кенг кўламда етиштириш); қишлоқ хўжалиги ўсимликларининг маҳсулдорлигини ошириш (in v itro тўқималари асосида ўсимлик турларини саралаш; биоинсектицидлар).

Шундай қилиб, биотехнология моҳияти жиҳатидан бактериялар, ҳайвонлар ва ўсимликлар хужайраларининг метаболизми ва биосинтетик имкониятларидан фойдаланиб, ўзига хос махсус моддаларни ишлаб чиқаришдан бошқа нарса эмас. 1978 йилда ташкил этилган Европа биотехнология федерациясининг таърифича, биотехнология биокимё, микробиология генетика ва кимёвий техника билимлари ва услубларини қўллаш асосида технологик жараёнларда микроорганизмлар ва хужайраларнинг хоссаларидан фойдали томонларини ажратиб олиш имконини беради. У осон олинадиган ва янгиланадиган ресурслар ёрдамида инсоннинг ҳаёти ва фаровонлиги учун муҳим бўлган моддалар ва бирикмаларни олиш имкониятини яратади. Саноат миқиёсида шунга ўхшаш технология биоиндустрия ҳисобланади (жадвалга қаранг). Овқатланиш маҳсулотларни етишмовчилиги ва оқсил камёблиги каби муаммоларни ҳал қилиш уй ҳайвонларини боқиш учун муҳим компонент ҳисобланган аминокислоталарни ишлаб чиқариш таннархини пасайтириш ҳисобидан, бир ҳужайралилар оқсилини олиш услубини ишлаб чиқиш, парафинлар ёки бошқа хом ашёларни (целлюлоза, агросаноат ёки қишлоқ хўжалик чиқиндилари, оқар сув) қайта ишлаш, ҳамда ўсимликларни юқори самарали турларини танлаш йўли ҳисобидан биотехнология ёрдамида амалга оширилади. Истиқболда рекомбинат ДНК усуллари асосида биотехнология ўсимлик оқсиллари синтезини ўзлаштириш ва сунъий фотосинтезга ва азотли фиксациялашга эришишига имконият яратади (ёрдамлашади). жадвал Биотехнологиянинг асосий маҳсулотларини схематик тақсимлаш Технология Қишлоқ хўжалиги ва озиқ-овқа маҳсулотлари ишлаб чиқариш Бижғитиш Лимон кислотаси Аминокислоталар Нуклеотидлар

Ферментлар Биополимерлар Экзиматик инженерия Фруктоза-глюкоза қиёми Глюкоза қиёми Ҳужайраларни ўстириш Бир ҳужайрали оқсил (озиқа оқсили)

Фойдаланилган адабиетлар : 1. Скурихин И.М., Нечаев А.П. Все о пище с точки зрения химика.-М.: Высшая школа, 1991. 2. Богатков С.В. Химия пищевых продуктов. Учебное пособие.- М.:МТИПП , 1982. 3. Барковский В.Ф., Горелик С.М., Городенцева Т.В. Физико-химические методы анализа.-М.: Высшая школа,1983. 4. Скрухин И.М., Волгорева М.Н. Химический состав пищевых продуктов. Справчник I и II т.т.-М.: Агропромиздат, 1987. 5. Павлоцкая Л.Ф., Дуденко Н.В., Эдельман М.М. Физиология питания.-М.: Высшая школа, 1989 6. Товароведение пищевых продуктов. Бровко О.Г., Гордиенко А.С., Дмитриева А.Б. и др.-М.: Экономика, 1989. 7. Хайдар-Заде Л.Н. Пищевая химия. Маърузалар матни. Бухоро 2001 й.

Похожие

Озиқ-овқат маҳсулотларининг тавсифи

Озиқ-овқат маҳсулотларини туркумлаш

Озиқ-овқат маҳсулотларини консервалаш

Озиқ-овқат маҳсулотларини хавфсизлиги

Озиқ-овқат маҳсулотларини ифлосантирувчи манбалар