Инновацион технологиялар блоки бўйича саволлар - Музыка - Рефераты

Инновацион технологиялар блоки бўйича саволлар

Загружено в:

20.09.2019

Скачано:

0

Размер:

48.5 KB

Инновацион технология лар блоки бўйича саволлар Режа: 1. П едагогик технология тушунчаси келиб чиқиши ва таърифи 2. Ўқитувчининг инновацион фаолияти. 3. Фаол ўқитиш усуллари ва уларни ўқитиш жараёнига қўллаш.

П едагогик технология тушунчаси келиб чиқиши ва таърифи. Технология тушунчаси техникавий тараккиёт билан боглик холда фанга 1972 йилда кириб келди ва юнонча икки суздан-технос (technt)- санъат, хунар ва логос (logos) - фан, таълимот сўзларидан ташкил топиб хунар фани маъносини англатади. «Таълим технологияси – таълим моделларини оптималлаштириш мақсадида, инсон ва техника ресурслари ва уларнинг ўзаро таъсирини ҳисобга олган ҳолда бутун ўқитиш ва билимларни ўзлаштириш жараёнини яратиш, қуллаш ва аниқлаш тизимидир». Ўқитувчининг инновацион фаолияти. Педагогнинг инновацион фаолияти - ўз ичига янгиликни таҳлил қилиш ва унга баҳо бериш, келгусидаги ҳаракатларнинг мақсади ва концепциясини шакллантириш. Ушбу режани амалга ошириш ва таҳлил қилиш, самарадорликка баҳо беришни қамраб олади. Педагогик инновацияда “янги” тушунчаси марказий ҳисобланиб, педагогик фанда - хусусий, шартли, маҳаллий ва субъектив янгиликка қизиқиш уйғотади. Илмий йўналишларда янгилик ва инновация тушунчалари фарқланади. Янгилик - бу восита, янги метод, методика, технология ва бошқ. “Инновация” - бу таълим; маълум босқичлари бўйича ривожланадиган жараён. Фаол ўқитиш усуллари ва уларни ўқитиш жараёнига қўллаш. Фаол ўқитиш методларини танлаш. Таълим технология элементларини танлаш ва амалга оширишда талабаларнинг ўқув билиш фаолиятларини эътиборга олиш лозим. Амалиётдаги оддий қоида шу ҳақда гувоҳлик берадики, назарий дарснинг дастлабки 20 дақиқасида талабаларга янги билимларни бериш амалга оширилади, кейин эса баҳс-мунозара, кичик гуруҳларда ишлаш ва бошқа шу каби ноанъанавий методларни амалга ошириш орқали берилган билим мустаҳкамланиши лозим.

Ҳар қандай ҳолатда ҳам назарий дарс жараёнида, масалан фақат маъруза ўқиладиган вақт 20 дақиқадан ошмаслиги керак. Чунки ўрганишнинг дастлабки 20 дақиқаси энг самарали, 30 дақиқадан кейин эса ўрганишни давом эттириш мотивацияси тезда пасая бошлайди.Бу ҳамма таклифлар талабанинг диққатини узоқроқ вақтгача сақлаб туришга хизмат қилади. Ўқитишнинг интерфаол усуллари, уларнинг хусусиятлари ва қўллаш методикаси “Тармоқлар” методи – талабани мантиқий фикрлаш, умумий фикр доирасини кенгайтириш, мустақил равишда адабиётлардан фойдаланишни ўргатишга қаратилган. “3х4” методи – талабаларни эркин фикрлаш, кенг доирада турли ғояларни бера олиши, таълим жараёнида якка, кичик гуруҳ ҳолда таҳлил этиб, ҳулоса чиқара олиши, таъриф бера олишига қаратилган. “Блиц-ўйин” методи – ҳаракатлар кетма-кетлигини тўғри ташкил этишга, мантиқий фикрлашга, ўрганаётган предмети асосида кўп, хилма-хил фикрлардан, маълумотлардан кераклигини танлаб олишни ўргатишга қаратил -ган. “Интервью” техникаси – талабани савол бериш, эшита олиш, тўғри жавоб бериш, саволни тўғри тузишни ўргатишга қаратилган. “Иерархия” техникаси – оддийгина ўқитиш усулларини қўллаш орқали уларни мантиқий, танқидий, ижодий фикрлашга ўргатишга қаратилган. “Бумеранг” техникаси – ўқитувчи талабаларни дарс жараёнида, дарсдан ташқарида турли адабиётлар, матнлар билан ишлаш, ўрганилган материални ёдида сақлаб қолиш, сўзлаб бера олиш, фикрини эркин ҳолда баён эта олиш ҳамда бир дарс давомида барча талабаларни баҳолай олишга қаратилган. “Талаба” тренинги – талабалар билан индивидуал ҳолда ишлаш ўқитувчи ва талаба ўртасидаги тўсиқни йўқ қилиш, ҳамкорликда ишлаш йўлларини ўргатишга қаратилган.

“Мулоқот” техникаси - аудитория диққатини ўзига жалб этиш, дарс жараёнида ҳамкорликда фаолият кўрсатишга, уни ташкил этишни ўргатишга қаратилган. “Бошқарув” техникаси ўқитувчиларни аудиторияни бошқариш ҳамда талабаларни иш жараёнида бошқариш усуллари билан таништирувчи ва шунга ўргатишга қаратилган. Лойиҳавий ўқитиш технологиялари. Замонавий таълимдаги инновацион жараёнлар анъанавий ўқитишни продуктив ўқитишга айлантириш йўлларини излашдан иборат. У ишлаб чиқариш ва инсонларнинг ҳаёти учун муҳим аҳамиятга эга бўлган натижа, маҳсулот олиш учун ўқувчиларнинг фаол ижодий, тадқиқий фаолиятини ташкил қилишга асосланган. Продуктив ўқитишнинг мақсади мутахассисни ижтимоий-тарихий ва бунёдкорлик жараёнининг субъекти сифатида тайёрлашдир. Мутахасис уни ўраб турган муҳитга оддийгина сингиб кетмасдан, балки ўқитиш жараёнида олинган турли хилдаги ижтимоий ва ишлаб чиқариш муаммоларини ечиш тажрибасидан унумли фойдаланиши лозим. Продуктив ўқитишнинг моҳияти ўқув жараёнининг мантиғини ўзгартиришдан иборат. Анъанавий ўқитиш жараёни ўрганувчи тафаккурининг назариядан амалиётга харакатидан иборат. Продуктив ўқитиш эса бошқачароқ мантиқ билан қурилади: амалиётдан – ўрганишга, ўқишга. Компьютерли ўқитиш технологиялари. Компьютерли ўқитиш технологиялари ўқитувчини машаққатли муаммолардан озод қилиш билан бирга, унга ўқувчилар билан бирга ижодий мунозара қилиш, биргаликда тадқиқот қилиш, ўқитишнинг янги шаклларига, бир сўз билан айтганда кўпроқ ижодий ишга ўтишга имкон беради. Компьютер биз га қуйидаги имкониятлар беради: • интерфаоллик ; • мультимедиа ; • модел лаштириш;

• коммуникативлик ; • унумдорлик Ўқув жараёнида бир вақтнинг ўзида педагог ва компьютернинг иштироки таълим сифатини анча оширади. Таклиф қилинган методикадан фойдаланиш дарс бериш жараёнини фаоллаштиради, талабаларнинг ўқитилаётган фанга қизиқишларини орттиради ва ўқув материалини чуқур ўзлаштиришга имкон беради. Компьютер ва педагог ҳамкорлиги бир томондан турли тоифадаги талабаларга ўқув материалини яхшироқ тушуниб олишларига ёрдам беради. Бошқа томондан у ўқитувчи малакаси ва тайёргарлик даражасига анча юқори талаблар қўяди. Энди у нафақат анъанавий ўқитиш усулларини эгаллаши, балки ўрганувчиларнинг хусусиятига қараб, фан ва техника ютуқларидан фойдаланиб уларни модернизация қила олиши лозим бўлади. Интернет тармоғида ўқитиш. Интернет ҳозирги кунда ахборот технологиялари тизимининг ажралмас қисми бўлиб, ундаги асосий бўғин бу ўзаро бир-бири билан боғланган компьютерлардир. Компьютерлар алоқа воситаларидан фарқли ўлароқ, фойдаланувчига маълумотни кўриш, ўқиш ва эшитиш асосида маълумотдан унумли фойдаланишга имкон яратади. Бундан ташқари унда маълумотни узатиш, қабул қилиш тезлиги ўта юқори бўлади. Охирги йигирма йилликда таълим тизими ишида юзага келган вазиятда, замонавий ахборот ва коммуникация технологияларини такомиллаштириш ва замонавийлаштириш масаласи долзарб бўлиб қолмоқда. Лекин, ўқув жараёнининг амалиётига арзонлиги учун ҳаммабоб, локал тармоққа уланган ва шунинг учун дунё миқёсдаги (глобал) Internet тармоғига кириш имкони бўлган шахсий компьютерларнинг жорий қилиниши, бу ишларни янада жадаллаштирди. Ўрта маълумотни кўпинча “компьютер”лаштиришга ва “интернет”лаштиришга асосланган, замонавийлаштириш дастурини муваффақиятли амалга ошириш учун, на фақат ўқув масканлари замонавий техника воситалари билан таъминланмоғи, балки таълим тизимининг

ташкилотчилари ва педагоглари ҳам бу соҳада етарли билимга эга бўлишлари керак. Кичик гуруҳларда ишлаш. Кичик гуруҳларда ишлаш талабаларнинг дарсда фаоллигини таъминлайди, ҳар бири учун мунозарада қатнашиш ҳуқуқини беради, бир-биридан ўрганиш имкони туғилади, бошқалар фикрини қадрлашга ўргатади. Қўлланиш усули. Фаолиятни танлаш. Мавзуга оид муаммо шундай танланадики, натижада талабалар уни ўрганиш (бажариш) учун ижодий фаолият кўрсатишлари зарур бўлади ва вазифалар белгилаб олинади. Зарурий асос яратиш. Талабалар кичик гуруҳ ишида қатнашишлари учун танланган фаолият бўйича баъзи билим, кўникма ва малакаларни олдиндан эгаллаган бўлишлари керак. Гуруҳни шакллантириш. Одатда xар бир гуруҳда 3-5 талаба бўлади (эҳтимол, кам ёки кўп бўлиши мумкин). Агар гуруҳда ишлаш у ёки бу ёзма xужжат тайёрлашни талаб этса, яхшиси 2-3 кишили гуруҳ тузилгани маъқул. Гуруҳ ўлчови масаланинг муҳимлиги, аудиториядаги талабалар сони, талабаларнинг бир-бири билан конструктив ҳолатда ўзаро ҳаракатига боғлиқ ҳолда ўзгаради. Энг яхшиси, “гетероген” гуруҳ ташкил этишидир (жинси, ўзлаштириш даражаси ва бошқа белгилар асосида). Гуруҳда ишлаш талабалар ўртасида вазифаларни аниқ тақсимлашга таянади (мисол учун, бир талаба мунозарани бошқаради, иккинчиси ёзиб боради, учинчиси спикер (сардор) ролини ўтайди ва ҳоказо). Аудиторияни гуруҳларга ажратиш, ҳоxиш бўйича ёки ҳисоб бўйича амалга оширилади. Талабаларнинг ўқув-тадқиқот ишини ташкил этиш усуллари. Курс ишлари – юқори малакали мухандисларни тайёрлашда, билимларни мустаҳкамлаш, чуқурлаштириш ва умумлаштириш, бу билимларни аниқ вазифаларини хал этишда қўллай олиш малакасини хосил қилишда, талабаларда , режаларни, ҳисоботларни, зарур чизмаларини, услубий тавсияларни шакллантиришда муҳим аҳамиятга эгадир. Ўқув

машғулотларининг шаклларидан бири бўлиб, ўқув тадқиқот характерига эга. Курс ишлари умуммуҳандислик кафедраларида бошланиб, Мутахассислик кафедраларида такомиллаштирилади. Курс ишларининг ёзиш тартиби, тадқиқот ишларини убштириш йўллари, ҳажми ва уни безаш, қандай махсус ҳамда қўшимча адабиётлардан фойдаланиш бўйича тавсиялар кафедралар томонидан тузилади. Кафедра курс иши ёзаётган талабаларга консултациялар, услубий ва амалий маслаҳат бериб турадиган раҳбар ўқитувчини ҳам бириктириб қўяди. Агар бир курс иши кафедра ўқитувчилари томонидан тақриз қилинади, сўнгра ҳимоя қилишга тавсия этилади. Назорат ишлари – асосан сиртқи факултет талаблари учун мўлжалланган бўлиб, уларни мустақил таълим олишга, ўз устида мунтазам ишлашга ундайдиган, йўналтирадиган ўқув-тадқиқот машғулотларни шаклларидан бири ҳисобланади. Назорат ишларининг мавзулари, топшириқлари кафедралар томонидан ишлаб чиқилади. Бу иш сессиялар ўртасида ёғзилади ва сессиялар бошланишидан бир ой олдин сиртқи бўлимга топширилади. Назорат ишларининг курс ишидан асосий фарқи шундаки, кўпроқ амалий характерга эга бўлади. Назорат ишлари ҳажм жиҳатдан ҳам кичикроқ бўлади. Назорат ишларини кафедра ўқитувчилари ўқиб чиқиб, тақриз ёзади ва баҳоланади. Диплом ишлари – университетда олинган таълимнинг сўнгги босқичи ҳисобланади. Бакалавриятда, касбий таълим дастурлари бажарилгач, малакавий битирув ишини ёқлаш ҳам ўз ичига олган якуний давлат аттестацияси билан томомланади. Диплом ишларининг мазмунлари кафедралар томонидан ишлаб чиқилади ва тасдиқланади. Диплом иши талабанинг мустақил илмий ёки ижодий иш ҳисобланади. У техника ва технологиянинг тарихи, назарияси ва тавсия этиладиган долзарб муаммоларга бағишланган бўлиб, ишлаб

чиқаришга қўлланиладиган янги услублар, технологиялар ва техникаларни тақдим этиши зарур. Диплом ишлари давлат имтиҳон комиссиясининг йиғилишида ҳимоя қилинади. Ундан қониқарсиз баҳо олган талаба ўқишни тугатган ҳисобланмайди ва университетни тамомлагани тўғрисида унга диплом берилмайди. Талабага диплом ишини қайта ҳимоя қилишга бир йилдан сўнг рухсат берилади. Консултация – университетдаги ўқув машғулотларининг шаклларидан бири бўлиб, турли назарий фанлардан маърузалар ўқиб бўлингач ташкил этилади. Консултация ўтказишдан мақсад талабалар маърузалар, амалий машғулотлар даврида яхши ўзлаштрмаган таърифлар, қоидалар ва айрим мавзуларни қисқача такрорлаш, қайта тушунтириш, баъзи масалаларни уларнинг ёдига тушириш, эслатиш, билимларни бойитиш, назоратлардан муваффақиятли ўтишга тайёрлашдан иборатдир.

Похожие

Мусиқий таълимда инновацион талаблар

Инновацион технологияда интер фаол методлари

Инновацион технологиялардан фойдаланишда ўқувчининг ижодкорлигига эришиш

Ижодий топшириқлар ва уларни қўллаш методикаси

Мусиқа маданияти дарсларида болалар дунё қараши ва қизиқишларига эътибор