Термоэлектр материаллар ва термоэлектр ўзгарткичлар - Метрология - Рефераты

Термоэлектр материаллар ва термоэлектр ўзгарткичлар

Загружено в:

20.09.2019

Скачано:

0

Размер:

102.826171875 KB

Термоэлектр материаллар ва термоэлектр ўзгарткичлар Режа: 1. Узатувчи термоэлектрод симлар 2. Қ аршилик термометрлари 3. Т емпературани нурланиш пирометрлари ёрдамида ўлчаш

Термоэлектр материаллар ва термоэлектр ўзгарткичлар Турли ўтказгичларнинг ихтиёрий жуфти термоэлектр ўзгарткични ташкил этиши мумкин, аммо ҳар бир жуфтлик ҳам амалда қўлланишга ярайвермайди. Замонавий ўлчаш техникаси термоэлектр ўтказгичлар тайёрланадиган материалларга кўпдан-кўп талаблар қўяди, аммо бу талабларни жуда кам сонли материалларгина қондиради. Асосий талаблар қуйидагилардан иборат: юқори температуралар таoсирига чидамлилик, ТЭЮК нинг вақт бўйича ўзгармаслиги, унинг иложи борича катта қийматга эга бўлиши ва температурага бир қийматли боғлиқлиги, қаршилик температура коэффициентининг катта бўлмаслиги ва катта электр ўтказувчанлик. Барча материаллар ва қотишмалар учун ТЭЮК нинг температурага функционал боғлиқлиги мураккаб бўлиб, уни аналитик ифодалаш анча қийин. Платинородий-платина жуфти бундан истиснодир. Бу жуфтлик учун ТЭЮК билан температура орасидаги боғланиш 300 0 дан 1300 0 С гача бўлган оралиқда совуқ уланма температураси 0 0 С бўлганда етарлича аниқликда параболага мос келади: Е( t , t 0 ) = a + bt + ct 2 (8.28) бунда а, b ва с сурма (630,5 0 С), кумуш (960,8 0 С) ва олтин (1063,0 0 С) дарнинг қотиш температураси бўйича аниқланадиган доимийлар. Хромелp-копелли (56%Cu+44%Ni) термоэлектр термометрлар стандарт термометрлар орасида энг катта ўзгартиш коэффициентига эга (70-90 мк В/ 0 С). Термоэлектрод диаметри 1 мм дан кам бўлган термометрлар учун чегаравий қўлланиш даври 600 0 С дам кам ва, масалан, диаметри 0,2...0,3 мм бўлган термоэлектродлар учун фақат 400 0 С ни ташкил этади. Юқориги ўлчаш чегараси копелли электродлар тавсифларининг бақарорлигига боғлиқ. Никелpхром - никелp алюминийли (94% Ni+2% Al+2,5% Mn+1% Si+0,5% қўшилма) термометрлар турли муҳит темпетураларини кенг чегараларда ўлчаш учун қўлланилади. Улар аввал хромелp-алюмелли термометрлар деб юритилар эди. Никелp-алюминий симдан тайёрланган

термоэлектрод оксидланишга никелp-хромга нисбатан камроқ чидамли. Қўлланишнинг юқориги чегараси термоэлектрод учун қўлланишининг юқориги чегараси никелp-хром-никелp-алюминийли термометрларда 1000 0 С ни ташкил этади. 0,2-0,3 мм диаметр учун 600 0 С дар ортиқ эмас. Платинородий (90% платина +10% родий) - платинали термоэлектр термометрлар узоқ вақт давомида 0 дан 1300 0 С температура оралиғида, қисқа вақт давомида 1600 0 С гача бўлган оралиқда ишлаши мумкин. Мазкур термометрлар оксидланадиган ва нейтрал муҳитларда даражалаш тафсилотини барқарорлигини сақлайди. Тикланадиган атмосферада платинородний-платинали термометрлар ишлай олмайди, чунки термометр термо ЭЮК нинг кескин ўзгариши юз беради. Булар улардан фойдаланиш мақсадига қараб эталон, намуна ва иш термометрларига бўлинади. Тўғри ишлатилганда даражалаш узоқ вақт давомида ўзгармайди. Камчиликларига термоэлектр термометрларнинг бошқа турлариникига нисбатан ТЭЮК камлигини киритса бўлади. Термоэлектрод сими диаметри 0,3 ёки 0,5 мм ни ташкил этади. Платинородий (30% родийли)-платинородийли (6% родийли) термоэлектр термометрлар узоқ вақт давомида температураларнинг +300 0 дан то 1600 0 С гача оралиғида, қисқа вақт давомида 1800 0 С гача қўлланилади. Мусбат электрод -30% родий ва 70% платина қотишмасидан, манфий электрод -6% родий ва 94% платина қотишмасидан ташкил топган. Мазкур термометрлар платинородий-платинали термометрларга қараганда даражалаш тафсилотининг барқарорлиги юқорилиги билан ажралиб туради, аммо бу термоэлектродлар ҳам тикланадиган муҳитда ёмон ишлайди. Платинородий-платинородийли термометрларда термо ЭЮК температураларнинг 0 0 С...  3100 0 С  100 0 С интервалида озгина ҳосил бўлади, бундай ҳолат эса совуқ уланмалар температурасига тузатиш киритишни талаб этмайди.

Волpфрамрений-волpфрамренийли (ТВР-5/20 ва ТВР-10/20) термоэлектр термометрлар 0 0 С дан 2200 0 С гача бўлган температурани узоқ вақт давомида ва қисқа вақт давомида 2500 0 С гача, шунингдек, вакуммда, нейтрал ва тикланадиган муҳитларда температураларни ўлчашга мўлжалланган. Одатда, мусбат термоэлектрод 95% волpфрамдан ва 5% ренийдан ёки 90% волpфрамдан ва 10% ренийдан ташкил топган қотишмадан, манфий термоэлектрод эса 80% волpфрамдан ва 20% ренийдан ташкил топган қотишмадан тайёрланади. Термоэлектр генератор, теримоэлектр совитгич ва турли ўлчов асбобларида ярим ўтказгичли термопаралар ишлатилади. Улардаги ТЭЮК металл ва металл қотишмаларидан ишланган оддий термопаралардаги ТЭЮК дан 5-10 марта катта. Бундай термопараларда термоэлектрод материаллар сифатида ZnSb ва CdSb қотишмалари ишлатилади. Турли муҳитлар температурасини ўлчайдиган термопаранинг схемаси 8.9- расмда кўрсатилган. У ғилоф 1, қўзғалмас ёки қўзғалувчан штуцер 2, қўзғалмас штуцер билан найча 6 орқали, штуцер харакатда бўлганда эса ғилоф билан бевосита уланган каллак 3 дан иборат. Қопқоқда изоляцион материалдан ишланган розетка 4 жойлашган. Бу розеткада термопарани 8.9-расм. Термопаранинг конструктив схемаси

ўлчов асбоби билан улайдиган термоэлекрод 5 ва симлар учун қисқичлар жойлашган. Термопараларнинг ҳимоя ғилофлари кўпинча +1000 0 С гача температуралар учун турли маркадаги пўлатдан тайёрланади. Бундан ҳам юқорироқ температураларда қийин эрийдиган бирикмалардан (ГОСТ 13403- 77) тайёрланган махсус ғилофлар ишлатилади. Амалиётда кабелли турдаги термоэлектр термометрлар кенг тарқалмоқда. Улар босим 40 Мпа гача бўлганда, -50 0 С дан +1100 0 С гача бўлган температуралар оралиғида қўлланилади. Кабелли турдаги термометрларнинг иссиқлик зарбаларига, тебранишга ва механик юкламаларга нисбатан оширилган мустаҳкамлиги ва радиацияга чидамлиги каби муҳим афзалликлари улардан турли ички ёнув двигателлари ва АЭСнинг энергетик реакторларида фойдаланиш имконини беради. Сирт температураларини ўлчашга мўлжалланган термоэлектр термометрлар махсус конструкцияга эга. Бундай термопаралардан кимё саноатида кенг фойдаланилади, улар турли аппаратлар, сув ва иссиқлик узатиш тармоқлари, машиналарнинг айланувчи қисмлари ва шунга ўхшаш воситаларнинг сирт температурасини ўлчашга хизмат қилади. Вертикал аппаратларда (аммиак синтези коллонкаларида) температураларни ўлчаш учун махсус термоэлектр термометрлар - кўп зонали термометрлар ишлатилади. Термопараларнинг асосий камчилиги сифатида улардаги инерционликнинг нисбатан катталигини кўрсатиш мумкин. Я o ни, муҳитнинг ўзгарган температураси билан термопарадаги ҳарорат мувозанат ҳолатига келиб, ишончли саноқ олиш учун барқарор вазият вужудга келишига камида 1,5 минут вақт кетади. Узатувчи термоэлектрод симлар Термоэлектр термометрни ўлчаш асбоби билан улайдиган симлар шундай материллардан тайёрланадики, улар ўзаро жуфт бўлиб, ўзлари уланган тероэлектр термометрлар ҳосил қиладиган ЭЮК ни (ўша

температураларда) ҳосил қилади. Бундай талаб таҳминан 100 0 С температура билан чегараланади, бундан юқори температурада термоэлектр термометр ва улайдиган симларнинг тавсифлари бир-биридан фарқ қилиши мумкин. Бундай бўлишига йўл қўйилади, чунки улайдиган симларнинг температураси, одатда, юқори бўлмайди. Кўрсатилган талаблар бажарилганда, термокомпенсацион симлар термоэлектр термометрни (термопарани) улайдиган симлар узунлиги қадар узайтиради, термопаранинг эркин учлари эса ТЭЮК ни ўлчашга мўлжалланган асбобнинг клеммаларида бўлиб қолади. Юқорида кўрсатилган талабга риоя қилмаслик термопаранинг эркин учларини ўлчаш симлари билан улайдиган жойларда чокларнинг пайдо бўлиши натижасида “паразит” ТЭЮК ҳосил бўлишига олиб келиши мумкин. Агар узайтирувчи симлар термометрники каби даражалаш тафсилотига эга бўлса, “паразит” ТЭЮК ҳосил бўлишидан халос бўлинади. Узайтирувчи термоэлектрот симлар бир ва кўп симли қилиб, изоляцияда ва ташқи қоплама ёки қобиқли қилиб ишлаб чиқарилади, бу монтаж қилиш ва ётқизишда қулай. Изоляциялаш учун пловинилхлорид, полиэтиллентерефталат ва фтосимлар кўпинча пливинилхлорид қобиқ, лавсан ип ёки шиша ип билан чирмаб ўралади. Агар ташқи электр магнит майдондан ва механик таoсирдан сақланиш талаб этилса, унда мис, пўлат симли (ГОСТ 24335-80) қоплама ёки экранлар қўлланилади. Ҳар бир сим материали изоляциянинг ўз рангига ёки симларнинг ўрамасида ва қопламаси рангидаги симларга эга бўлади. 8.4-жадвалда термопаралар, тавсия этиладиган узайтирувчи тероэлектрод симлар, уларнинг белгилари ва ранглари келтирилган.

8.4-жадвал Термопаралар учун узайтирувчи термоэлектрод симлар Термопара Узайтирувчи термоэлектрод симлар Белгила р Жуфт-симлар Ранги Мис-копелли МК Мис-копелp Қизил (пушти)- сариқ (тўқ сариқ) Мис-мисникелли М Мис-константан Қизил (пушти)- жигарранг Хромел-копелли ХМ Хромелp-копелp Бинафша (қора) - сариқ (тўқ сариқ) Никелpхром-никелp алюминийли МТ-НМ Мис-константан, мис-титан - никелp мис Қизил-яшил қизил-кўк Платинородний-платинали П Мис-қотишма ТП Қизил (пушти- яшил) Волpфрамрений- волpфрамренийли М-МН Мис-қотишма МН, 2,4 Қизил (пушти) - кўк (зангори) Қ аршилик термометрлари Температурани қаршилик термометрлари билан ўлчаш температура ўзгариши билан электр ўтказгич ҳамда ярим ўтказгичлар электр қаршилигининг ўзгариши хусусиятига асосланган. Демак, ўтказгич ёки ярим ўтказгичнинг электр қаршилиги ундаги температуранинг R =  ( t ) функциясидир. Бу функциянинг кўриниши термометрдаги қаршилик материалларининг хоссаларига боғлиқ. Кўпчилик тоза металларнинг электр қаршилиги температура кўтарилиши билан ортади, металл оксидлари (ярим ўтказгичлар) нинг қаршилиги эса камаяди. Қаршилик темометрларини тайёрлашда қуйидаги талабларга жавоб берувчи тоза металлар қўлланилади. 1. Ўлчанаётган муҳитда металл оксидланмаслиги ва кимёвий таркиби ўзгармаслиги керак.

2. Металлнинг температура қаршилик коэффициенти етарли даражада катта ва барқарорлашган бўлиши лозим. 3. Қаршилик температура ўзгариши билан тўғри ёки равон эгри чизиқ бўйича кескин четга чиқишларсиз ва гистерезис ҳолатларисиз ўзгариши керак. 4. Солиштирма электр қаршилик деярли катта бўлиши керак. Маoлум температуралар оралиғида юқоридаги талабларга платина, мис, никелp, темир, волpфрам каби металлар жавоб беради. Электр қаршиликнинг температурага боғлиқ муайян ўзгаришини тавсифловчи параметр электр қаршиликнинг температура коэффициенти дейилади. Электр қаршилиги температурага боғлиқ бўлган металларнинг температура коэффициенти ҳар бир температура учун бир қийматли аниқланиши мумкин: = 1 0R dR dt t        (8.29) бунда: R 0 ва R t – мос равишда 0 0 С ва t 0 С температурадаги электр қаршиликлар. Температура коэффициенти 0 С -1 ёки К -1 ларда ифоланади. Кўпгина соф металлар учун температура коэффициенти 0,0035 - 0,065 К -1 чегараларда ётади. Ярим ўтказгичли металлар учун температура коэффициенти манфий ва металларникидан бир тартибга кўп (0,01 - 0,15 К -1 ) бўлади. Қаршилик термометрларини тайёрлаш учун мис, платина, никелp ва темирдан фойдаланилади. Мис арзон материал бўлиб, унинг қаршилиги амалда температурага чизиқли боғлиқ, яoни R t = R 0 (1+ a t ) (8.30) бунда: R t ва R 0 – мос ҳолда t ва 0 0 С температураларда термометрнинг қаршилиги:  - мис симнинг температура коэффициенти:  =4,28  10 -3 К -1

Миснинг оксидланиши юқори бўлганлиги туфайли у 200 0 С дан ортиқ бўлмаган температураларни ўлчашда қўлланилади. Миснинг солиштирма қаршилигининг камлиги (  =0,17  10 -7 Ом  м) унинг бу ўринда камчилиги ҳисобланади. Симнинг солиштирма қаршилиги қаршилик термометрининг габаритига таoсир этади: солиштирма қаршилик қанча кам бўлса, шунча кўп сим керак бўлади, шунинг учун мисли термометрлар габарити нисбатан катта бўлади. ГОСТ 6651 - 78 га кўра мисдан тайёрланган қаршилик термометрлари – 200 0 С дан +200 0 С гача температураларни узоқ муддатли ўлчашда қўлланилади. Улар II ва III синфларда чиқарилади. Номинал қаршиликлари 0 0 С да 10; 50 ва 100 Ом тенг қилиб тайёрланади. Платина - қимматбаҳо материал. Кимёвий жиҳатдан инерт ва соф ҳолда осонлик билан олинади. Платинадан тайёрланган қаршилик термометрлари - 260 0 С дан +1100 0 С гача температураларни ўлчаш учун қўлланилади. Платина электр қаршилиги билан температура ўртасида мураккаб боғланиш мавжуд, - 183 0 С дан 0 0 С гача бўлган температура оралиғида қуйидагича ёзилиши мумкин: R t =R 0 [(1+At+Bt 2 +Ct 3 (t-100)] (8.31) 0 0 С дан +630 0 С гача оралиқда эса: R t = R 0 (1+ A t + Bt 2 ) (8.32) тарзида ифодаланади, бунда R t ва R 0 мос равишда платинанинг t ва 0 0 С температуралардаги электр қаршилиги; А, В, С - ўзгармас коэффициентлар бўлиб, уларнинг қиймати термометрни даражалашда кислород, сув ва олтингугуртнинг қайнаш нуқталари бўйича аниқланади. Қаршилик термометрларини (термисторларни) тайёрлаш учун ярим ўтказгичлар (ба o зи металларнинг оксидлари) ҳам ишлатилади. Ярим ўтказгичларнинг муҳим афзаллиги улардаги температура коэффициентининг катталигидир. Термоқаршиликлар тайёрлашда титан, магний, темир, марганец, кобалpт, никелp, мис оксидлари ёки баoзи металларнинг (масалан, германий) кристаллари турли аралашмалар билан биргаликда қўлланилади.

Ярим ўтказгичнинг термометр қаршилиги (терморезистор қаршилиги) билан температура орасидаги боғланиш қуйидагича ифодаланиши мумкин: R т = R 0 ex р( BT T T T 0 0   ) (8.33) Бу ерда R 0 қиймат Т 0 температурадаги термометр қаршилиги билан аниқланади, В қиймат эса термометр тайёрланадиган ярим ўтказгич материалига боғлиқдир. 1,5К ва ундан юқори температураларни ўлчаш учун германийли терморезисторлар айниқса кенг тарқалган. -100 0 С дан +300 0 С гача бўлган температураларни ўлчашда оксидланувчи ярим ўтказгич материаллардан фойдаланилади. Ярим ўтказгичли терморезисторларнинг ўзгартиш коэффициентлари металл симдан қилинган сезгир элементли қаршилик термометрлариникига қараганда бир неча тартибга ортиқ. Аммо индивидуал ҳолда даражалаш зарурати температурани ўлчашда яримўтказгичли терморезисторлардан кенг фойдаланиш имконини чеклаб қўяди. Температурани ўлчашда ММТ-1, ММТ-4, ММТ-6, КМТ-1, КМТ-4 русумидаги термоқаршиликлар ишлатилади. Ярим ўтказгичли терморезисторлар кўпроқ термосигнализация ва автоматик ҳимоя қурилмаларида қўлланилади. Саноатда чиқариладиган қаршилик термометрларининг турлари, асосий параметрлари ва ўлчамлари давлат стандартлари (ГОСТ 6651-78) билан белгиланади. Т емпературани нурланиш пирометрлари ёрдамида ўлчаш Юқорида кўрилган, температурани ўлчашга мўлжалланган барча термометрларда термометрнинг сезгир элементи билан ўлчанаётган жисм ёки муҳит орасида бевосита контакт бўлиши тақозо этилади. Шунинг учун температурани ўлчашнинг бундай усуллари баoзан контактли усуллар деб юритилади. Бу усулни қўллашнинг юқори чегараси 1800 0 С - 2000 0 С. Аммо саноатда ва илмий тадқиқотларда бундан юқори температураларни ҳам

ўлчашга тўғри келади. Бундан ташқари, кўпинча, ўлчанаётган жисм ва муҳит билан термометрнинг бевосита контактда бўлиши мумкин бўлмайди. Бундай ҳолатларда температурани ўлчашнинг контактсиз воситалари қўлланилади. Нурланиш пирометрларининг ишлаш тамойили қиздирилган жисмнинг ўз иссиқлиги таoсирида ҳосил бўладиган нурланиш энергиясини ўлчашга асосланган. Нурланиш пирометрлари 20 0 С дан 6000 0 С гача бўлган температураларни ўлчашда ишлатилади. Иссиқлик нурланиши жараёни нурланаётган жисм ички энергиясининг электромагнит тўлқинлари тарзида тарқалишидан иборатдир. Бу тўлқинлар бошқа жисмлар томонидан ютилганда, улар қайтади, яна қайтадан иссиқлик энаргиясига айналади. Жисмлар 0 дан  гача тўлқин узунликдаги электромагнит тўлқинларни тарқатади. Қаттиқ ва суюқ жисмларнинг кўпчилиги нурланишнинг узлуксиз спетрига эга, яoни барча узунликлардаги тўлқинларни тарқатади. Бошқа жисмлар (соф металлар ва газлар) нурланишнинг селектив спектрига эга, яoни улар спетрнинг муайян соҳасига тегишли бўлган тўлқинларни тарқатади. Спектрнинг тўлқин узунлиги  =0,4 дан  =0,76 мкм гача бўлган соҳасига кўринадиган нурлар тўғри келади. Кўринадиган спектрнинг ҳар бир тўлқин узунлиги маoлум рангга мос келади. Спектрнинг тўлқин узунликлари  0,4 дан  0,44 мкм гача тўқ бинафша рангга,  0,44 дан  0,49 мкм гача - кўк-зангори рангга;  0,49 дан  0,59 мкм гача тўқ ва оч яшил рангга;  0,58 дан  0,63 мкм гача - сариқ - тўқ сариқ рангга;  0,63 дан  0,76 мкм гача - оч ва тўқ қизил рангга мос келади. Спектрнинг  0,76 узунликдаги тўлқинлари кўринмайдиган инфрақизил иссиқлик нурларидир. Қиздирилган жисмнинг температурасини орттириб борилган сари унинг ранги ўзгариб, унда спектрал энергетик равшанлик, яъни маълум узунликдаги тўлқинлар (равшанлик) тезда ортади, шунингдек, йиғинди (интеграл) нурланиш сезиларли ортади. Қиздирилган жисмларнинг кўрсатилган хоссаларидан уларнинг температурасини ўлчашда

фойдаланилади. Ушбу хусусиятларга қараб нурланиш пирометрлари квазимонохроматик (оптик), спектрал нисбатли (рангли) ва тўлиқ нурланишли радиацион) пирометрларга бўлинади. Назарий жиҳатдан абсолют қора жисмнинг нур чиқарилиши ҳодисасигина асосланиши мумкин, унда нур чиқариш коэффициенти деб 1 ни қабул қилинади. Агар жисм ўзига тушаётган нур энергиясини бутунлай ютса, у жисмни абсолют қора жисм дейилади. Барча реал физик жисмлар ўзига тушаётган нурларнинг бирор қисмини қайтариш қобилиятига эга. Шунинг учун жисмнинг нур чиқариш коэффициенти бирдан кичик, шу билан бирга у муайян жисмнинг табиатига ҳам, унинг сиртқи ҳолатларига ҳам боғлиқ. Табиатда абсолют қора жисм йўқ, аммо ўз хоссаларига кўра абсолют қора жисмга яқин бўлган жисмлар мавжуд. Масалан, қора ғадир-будир бўёқ (нефтp қуруми) билан қопланган жисм тушган нур энергиясини 96% гача ютади. Спектрал энергетик равшанлик ва интеграл нурланиш модда ёки муҳитнинг физик хоссаларига боғлиқдир. Шунинг учун пирометрлар шкаласини абсолют қора жисм нурланиши бўйича даражаланади. Температура ортиши билан спектрал энергетик равшанликнинг ортиши турли узунликдаги тўлқинлар учун турлича ва нисбатан унча юқори бўлмаган температуралар соҳасида абсолют қора жисм учун Вин тенгламаси билан тавсифланади: Е 0 =С 1  -5 е −С2λT (8.34) бунда: Е 0  -  узунликдаги тўқлин учун абсолют қора жисмнинг спектрал энергетик равшанлиги; Т - жисмнинг абсолют температураси; С 1 ва С 2 нурланишнинг қабул қилинган бирликлар системасига боғлиқ бўлган константалари қиймати; С=2  hС 2 , h - Планк доимийси; С - ёруғлик тезлиги; С 2 =NhC/R r , N - Авогадро доимийси, R r - универсал газ доимийси; е - натурал логарифм асоси. Турли узунликдаги тўлқинларнинг спектрал энергетик равшанлиги бир хил бўлмагани учун Вин тенгламасини оптик пирометрияда маълум

узунликдаги тўлқинлар соҳасида қўлланилади (одатда тўлқин узунлиги 0,65 ёки 0,66 мкм бўлган қизил ранг учун). Вин тенгламасидан тахминан 3000 К гача бўлган температуралар учун фойдаланса бўлади. Ундан ҳам юқорироқ температураларда абсолют қора жисмнинг нурланиши жадаллиги Планк тенгламаси билан ифодаланади: Е 0 =С 1  -5 (е  c T 2  -1) -1 (8.35) Абсолют қора жисмнинг интеграл нурланиши Стефан - Болpцман тенгламаси билан тавсифланади: Е 0 =С 0 T 100 4     (8.36) бунда С 0 - абсолют қора жисмнинг нурланиш доимийси; Т - нурланаётган сиртнинг абсолют температураси, К. Реал физик жисмлар энергияни абсолют қора жисмга қараганда камроқ жадаллик билан нурлантиради. Квазимонохроматик пирометр билан ҳам тўла нурланиш пирометри билан ўлчаш натижасида шартли температура деб аталадиган температурага эга бўлинади. Шартли температурадан (равшанлик температурасидан) ҳақиқий температурага ўтиш учун Вин тенгламасини ўзгартириб фойдаланилади. Физик жисмнинг квазимонохроматик пирометр ёрдамида ўлчанган ёруғлик температураси Т R бўйича унинг ҳақиқий температураси қиймати Т қуйидаги тенглама билан ифодаланади: Т= ( 1 TR − λ C2 ln 1 ελ) −1 (8.37) бунда Т R - жисмнинг пирометр ёрдамида ўлчанган равшанлик (шартли) температураси, К;  - тўлқин узунлиги, мкм; С 2 - Вин тенгламаси доимийси;   - жисмнинг берилган тўлқин узунлиги учун қоралик даражаси. Реал жими температураси Т нинг тўлиқ қуйидаги формула билан ифодаланади:

Т=Т у14  (8.38) бунда: Т у - тўлиқ нурланиш пирометри билан ўлчанган шартли температура;  - барча узунликдаги тўлқинлар учун жисмнинг қоралик даражаси.

А дабиётлар: 1. А.Г.Сергеев, В.В.Крохин. Метрология. Учебное пособие. М.: Логос, 2001. - 408 с.: ил. 2. В.П.Коротков. Основ метрологии и теории точности измерителнх устройств. М.: Изд. Стандартов, 1978. - 352 с. 3. Б.Э.Мухамедов. Метрология, технологик параметрларни ўлчаш усуллари ва асбоблари. Т.: Уқитувчи. 1991. – 320 б. 4. Р.Ж. Тожиев, А. Йўлдошев, Ш.Д. Султонов. Аҳмад ал-Фарғоний ҳаёти ва ижоди. Т.: Фан. 1998. 5. А.Абдураҳмонов. Улуғбек академияси. Т.: Қомуслар Бош таҳририяти, 1993. 6. А.Иброҳимов, Х.Султонов, Н.Жўраев. Ватан туйғуси. Т.: Узбекистон, 1996. –396 б.

Похожие

Газли суюқликли ва конденсацион манометрик термометрлар

Температурани ўлчаш ҳақида асосий маълумотлар ва ўлчов асбоблари

Моддаларнинг намлигини ўлчаш

РАҚАМЛИ ЎЛЧАШ АСБОБЛАРИ

Бино ва иншоотларни текшириш ва синаш асослари