Маҳсулот сифатини назорат қилиш ва баҳолаш - Метрология - Рефераты

Маҳсулот сифатини назорат қилиш ва баҳолаш

Загружено в:

02.11.2023

Скачано:

0

Размер:

20.2314453125 KB

Маҳсулот сифатини назорат қилиш ва баҳолаш Режа: 1 . Маҳсулот сифатини назорат қилиш ва баҳолаш усуллари. 2. Маҳсулот сифатини назорат қилиш ва баҳолашда объективлик.

1. Маҳсулот сифатини назорат қилиш ва баҳолаш усуллари Маҳсулот аввалдан белгиланган вазифаларини бажариши учун унинг сифати устидан назорат олиб борилиши керак. Бу ишни амалга ошириш маҳсулотни ишлаб чиқариш босқичида муҳим аҳамиятга эга, чуни маҳсулотнинг сифати шу жараёнда шаклланади. Ижтимоий характерига кўра ички ва ташқи назорат бўлади. Назоратлар қуйидаги аломатлар бўйича таснифланади. 1. Ўтказиш жойи, вақтига кўра: Дастлабки (кириш) назорати – хомашё, бутловчи қисмлар, бошқа ишлаб чиқариш учун зарур материаллар, шунингдек техникавий хужжатлар назоратдан ўтказилади. Назорат кўпинча рўйхатга олиш усули (сертификатлар бўйича), зарурий ҳолларда эса ўлчаш усулида амалга оширилади. Операцион назорат – маҳсулот қисмларини тайёрла ва уни йиғишнинг барча технологик операцияларини бажаргандан кейин маълум меъёрий ҳужжатларга мувофиқ ўтказилади ва назорат дафтарларида ёки ушбу ташкилотнинг сифатни бошқариш тизимида кўзда тутилган хужжатларда қайд қилиб борилади. Қабул қилиш (чиқиш) назорати – тайёрланган маҳсулот сифат кўрсаткичларининг меъёрий ҳужжатларда белгиланган талабларга мувофиқлиги назоратдан ўтказилади ва ҳужжатлаштирилган хулоса қабул қилинади. 2. Қамровига кўра: Яхлит (тўлиқ) назорат – бунда маҳсулотларнинг барчаси тўлиқ назоратдан ўтказилади. Танлама назорат – бунда маҳсулотнинг танлаб олнган муайян миқдори назорат қилинади. Танлаш ҳажми меъёрий хужжатларга асосан белгиланади. 3. Назорат қилишнинг даврийлигига кўра: Узлуксиз назорат – назорат қилинадиган технологик жараённинг кўрсаткичи узлуксиз равишда назорат қилинади.

Даврий назорат – назорат қилинадиган технологик жараённинг кўрсаткичи маълум вақтдан кейин даврий назорат қилиб борилади. Назоратлар маҳсулот сифатини баҳолашни кўзда тутади. Ҳозирги вақтда маҳсулот сифатини баҳолашнинг қуйидаги усулларидан фойдаланилади. 1. Ўлчаш усули . Бунда маҳсулот сифат кўрсаткичининг белгиланган параметрлари ўлчов воситалари ёрдамида баҳоланади. Бу усул энг кенг тарқалган. Ўлчашлар билан боғлиқ масалалар предметнинг “Метрология” қисмини объекти ҳисобланади ва кейинроқ батафсил қараб чиқилади. 2. Ҳисоблаш усули. Маҳсулот сифат кўрсаткичининг белгиланган параметри назарий ва эмпирик боғланишлар (математик формулалар) орқали ҳисоблаб топилган миқдор билан солиштирилади. Солиштириладиган миқдорлар ўзаро бир хил бўлса, ёки фарқ белгиланган меъёрда бўлса, маҳсулотнинг сифатлилиги ҳақида хулоса чиқарилади. Масалан, суюқлик ва газлар сарфини ўлчов воситаларини қиёслашда ишлатиладиган синов- сертификатлаштириш воситаларида газ ва суюқлик сарфи аввал реал шароитда синов орқали аниқлаб олинади, кейин эса тегишли формула ёрдамида ҳисобланиб, аниқланган фарққа кўра текширилган ўлчов воситасининг ишлаш сифати ҳақида хулоса чиқарилади. 3. Қиёслаш (таққослаш) усули . Бунда маҳсулот сифат кўрсаткичининг параметрлари таққослаш учун қабул қилинган маҳсулот (эталон, стандарт намуна) параметрлари билан қиёсланади ва хулоса қилинади. 4. Қайд этиш усули . Бу усулда маҳсулот сифат кўрсаткичининг муайян параметрлари махсус журналда ёки автоматик равишда ёзиб қайд этиб борилади. Олинган натижаларга кўра маҳсулотнинг сифати ҳақида хулоса чиқарилади. Бунга тиббиётда ишлатиладиган, юрак-қон томирлари касалликларнини текширишга мўлжалланган электрокардиографни мисол қилиб келтириш мумкин.

5. Органолептик усул . Бу усул маҳсулотнинг сифат кўрсаткичларини инсоннинг сезги органлари (таъм, ҳид билиш органлари, териси) ёрдамида баҳолашга асосланган. 6. Статистик усул . Бу усул корхонага маҳсулот сифати бўйича истемолчилар томони д ан келиб тушган эътирозлар, таклифлар, талаблар ва шу каби маълумотларни статистик жамлаш, ўрганиш, қайта ишлаш ва маҳсулот сифати ҳақида хулоса чиқаришга асосланган. 7. Ижтимоий сўров усули. Бу усулда кенг омма (истеъмолчилар)га тарқатилган анкеталарда қўйилган саволларга берилган жавобларни ўрганишга асосан маҳсулотнинг сифат кўрсаткичлари ҳақида хулоса олинади. Бу усулдан, кўпчилик ҳолларда, кўрсатилаётган хизматлар сифатини баҳолашда кенг фойдаланилади. Баҳолаш натижаларига субъектив сабаблар таъсир қилиши мумкин. 8. Эксперт усули. Бу усулда маҳсулотнинг сифат кўрсаткичларини баҳолашда тегишли маълумот, малака ва иш тажрибасига эга, бетараф мутахассислар-экспертлар иштирок этадилар ва хулоса берадилар. Эксперт усулида маҳсулот сифатини баҳолашда баҳолашнинг юқорида кўрсатилган барча усулларидан фойдаланиш, амалдаги назорат воситалари, усуллари, меъёрий ҳужжатлардан тўлиқ фойдаланиш мумкин. Эксперт усули маҳсулот сифатини баҳолашнинг объективлигини таъминлайдиган усул ҳисобланади. 2. Маҳсулот сифатини назорат қилиш ва баҳолашда объективлик Маҳсулотнинг сифатини таъминлаш учун уни ишлаб чиқаришда иштирок этувчи ҳар бир ходим масъул ҳисобланади, чунки маҳсулот сифати охир-оқибатда ҳар қайси ходимнинг бажарган ишининг натижасини ифодалайди. Маҳсулот сифатини назорат қилиш ва баҳолашда объективлик сифатни норматив ҳужжатларда белгиланган талабларга мувофиқлигини тасдиқлашнинг асосий омили ҳисобланади. Маҳсулот сифатини назорат қилиш ва баҳолашда объективликни таъминлаш корхонанинг сифат тизими менежменти ходимлари, ташкилотлар, корхоналар раҳбарлари зиммасига

юклатилган. Бу ишларни назоратини“Ўзстандарт” агентлиги ва унинг вакиллари (давлат инспекторлари), давлат бошқаруви органлари, маҳаллий ҳокимиятлар, вазирликлар, эксперт-аудиторлар ўзларининг ваколатлари доирасида олиб борадилар.

Adabiyotlar: 1. K.P.Abduraxmanov, O’.Egamov “Fizika kursi” darsligi, Toshkent.: Aloqachi 2013 y. 2. K.P.Abduraxmanov, O’.Egamov “Fizika kursi” darslik, Toshkent, “O’quv ta’lim metodikasi” 2015 y. 3. Савельев И. В. Курс физики. М.: Наука 1989 т. 1 4. Савельев И. В. Курс физики. М.: Наука 1989 т. 2 5. Савельев И. В. Курс физики. М.: Наука 1989 т. 3 6. Савельев И. В. Сборник вопросов и задач по общей физик е . М.: АСТ. Астрель. 2005. С.320. 7. К.П.Абдурахманов, Ў.Эгамов “ Физика курси” дарслиги, Тошкент, 2010 й. 8. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.496 (1том) 9. П.А.Типлер, Р.А.Ллуэллин Современная физика (Лучший зарубежный учебник в двух томах) М. Мир.2007.С.416 (2том) 10. Трофимова Т.И. Курс физики.М.Высшая щкола 1999.С.543 Интернет сайтлар: 1. www.ziyonet.uz ; 2. www.estudy.uz ; 3. www.fizika.uz ; 4. www.elearning.uz ; 5. www.bilim.uz ; 6. www.edx.uz ; 7. www.my.estudy.uz ; 8. www.conrsera.org.uz ;

Похожие

маҳсулот сифатини баҳолаш бўйича ишчи гуруҳ қарор қабул қилувчи

Маҳсулот сифат даражасини баҳолаш баҳолаш вазияти

Пахта маҳсулотлари сифатини баҳолаш

Пухталикни баҳолаш маҳсулот сифат назорати сифат даражасини оптималлаштириш

Хиллаштирилган бирикмаларнинг ўзаро алмашинувчанлиги ва уларни назорат қилиш