Четлари бўйича узунлик ўлчовчи асбоблар - Метрология - Рефераты

Четлари бўйича узунлик ўлчовчи асбоблар

Загружено в:

20.09.2019

Скачано:

0

Размер:

356.0087890625 KB

Ч етлари бўйича узунлик ўлчовчи асбоблар Режа: 1. Текис параллел четлар бўйича узунлик ўлчовчилар (андозалар) 2. Штрихли узунлик ўлчовчи асбоблар 3. Штанген асбоблар 4. Микрометрик асбоблар

Текис параллел четлар бўйича узунлик ўлчовчилар (андозалар) Текис параллел четлар бўйича узунлик ўлчовчи андозалар ўлчамни узунлик эталонидан буюмгача узатишга ҳизмат қилади. Улар ўлчов лабораторияларида, назорат - текширув масканларида ва асбобсозлик цехларида ишлатилади ва ўлчамларнинг ягоналиги таъминлашда катта амалий аҳамиятга эга. Бундай плиткалар тўғри тўртбурчак шаклда бўлиб, турли муайян номинал ўлчамларда тайёрланади. Плиткаларнинг ишчи томонларига бир- бирига ёпишадиган даражада юқори аниқликда ишлов берилади, натижада улардан исталган ўлчамдаги андоза ҳосил қилиш мумкин бўлади (6.1-расм). 6.1-расм. Плиткалар Плиткаларнинг қолган ўлчамлари: эни 9 мм, баландлиги 30 мм - 10 ммгача бўлган номинал ўлчамларда; 35 мм - 10 мм дан катта ўлчамларда. Текис четли андозалар термалар кўринишида чиқарилади. Давлат стандартлари 15 турли плиткалар термаларини назарда тутади. Плиткалар тайёрланиш аниқлигига мувофиқ равишда 4 та синфга: 0,1,2,3 - синфларга бўлинади. Аниқлик синфлари ўрта узунликдан рухсат этилган чекланишлар ва текис параллелликдан четланишлар миқдорлари бўйича белгиланади. Жумладан, 10 мм ўлчамли плитка учун ўрталик

узунликдан рухсат этилган четланишлар: 0-синф учун  0,1 мкм, 1-синф учун  0,2 мкм, 2-синф учун  0,4 мкм, 3-синф учун  0,8 мкм, текис параллелликдан рухсат этилган четланишлар: 0-синф учун  0,07 мкм, 1- синф учун  0,10 мкм, 2-синф учун  0,15 мкм, 3-синф учун  0,3 мкм. Юқоридагилардан кўриниб турибдики, четли андозаларнинг тайёрланиш аниқлиги жуда юқори бўлади. Штрихли узунлик ўлчовчи асбоблар Бундай асбобларга штрихли узунлик ўлчовчилар (андозалар), рулеткалар, ўлчаш чизғичлари ва тахлама метрлар киради (6.2-расм). 6.2-расм. Штрихли узунлик ўлчовчилар: штрихли намунавий метр, линейка, РЗ ва РЖ русумдаги рулеткалар Бруссимон штрихли андозалар ишчи узунликларни текшириш учун намуна ҳисобланади, шунингдек, чизиқли ўлчамларни бевосита аниқ ўлчашда ишлатилади ва ўлчаш аниқлиги синфи 0,1,2,3 ва 4 бўлади. Рулеткалар, асосан, пўлатдан тайёрланиб, узунликлари 1,2,5,10,20,30 ва 50м бўлади. Ўлчов чизғичлари ишлаб чиқарилади.

Штанген асбоблар Штанген асбобларга штангенциркуллар, штангенглубиномерлар ва штангенрейсмуслар киради. Штангенциркул ёрдамида ташқи ва ички ўлчамлар ўлчанади ва қўйилади; штангенглубиномерлар билан чуқурликлар, баландликлар, чиқиқлар ўлчамлари ўлчанади; штангенрейсмуслар плита устида жойлашган деталларга баландликларни белгилаш ва ўлчашда ишлатилади. Штанген асбобларнинг алоҳида белгиси - уларда иккита штрихли шкаланинг мавжудлиги: асосий ва қўшимча. Шкалали штанга ва шкала- нониус штанген асбобларнинг асосий қисмларидир. Штанга шкаласи бўлак бирлиги 1мм га тенг бўлса, шкала-нониус бўлак бирлиги 0,1 ёки 0,05 мм га тенг бўлади. Штанген асбобларда ўлчаш бажарилганда ҳар икки шкаладан саноқ олинади ва ўлчам миқдори қуйидаги ифодадан топилади: А = n 1 i 1 + n 2 i 2 (6.1) бу ерда i 1 ва n 1 - асосий шкаланинг бўлак бирлиги ва ўлчанган бутун бўлаклар сони; i 2 ва n 2 - нониуснинг бўлак бирлиги ва асосий шкала штрихи билан устма-уст тушган штрих тартиб сони. Штанген асбобларнинг асосий турлари 6.3-расмда кўрсатилган.

6.3-расм. Штанген асбоблар: а – штангенциркул ШЦ I ; б – штангенциркул ШЦ II ; в – штангенглубиномер; г – штангенрейсмус; 1 – штанга; 2 - рамка; 3 - нониус; 4 – штанга лаби; 5 – рамка лаби; 6 - сирпангич; 7 ва 10 – қотирувчи винтлар; 8 ва 9 – микроузаткич гайкаси ва винти; 11 - траверса; 12 - глубиномер; 13 - асос; 14 - тутқич; 15 – чизувчи оёқча; 16 – ўлчовчи оёқча. Микрометрик асбоблар Бундай асбоблар синфини микрометр, микрометр нутрометр, микрометрик глубиномер (чуқурлик ўлчагич) каби ўлчаш воситалари ташкил этади. Микрометрлар - ташқи ўлчамларни, микрометрик нутрометр - тешик ўлчамларини, микрометрик нутромер - чуқурлик ва баландлик ўлчамларини ўлчашга мўлжалланган. Уларнинг ишлаш тамойили микрометрик мурват (винт) нинг айланма ҳаракатида ҳосил бўладиган буровчи жуфт куч (момент) дан қўзғалувчан ўлчов товони (изметрителpная пятка) ни илгариланма ҳаракатлантиришда фойдаланишга асосланган. Микрометрик асбобларнинг саноқ қурилмаси иккита шкаладан таркиб топади: асосий - бўйлама, микрометр узагига чизилади ва қўшимча -

айланма, микрометрик ҳалқа (барабан) га чизилади. Ўзакда бўйлама режа (продолpная риска) ва унинг икки томонида бўлак қиймати 1 мм бўлган иккита (юқори ва қуйи) шкала тасвирланган. Юқори шкала қуйи шкалага нисбатан 0,5 мм силжиган бўлиб, ўз навбатида, қуйи шкала тўлиқ, юқори шкала ярим миллиметрларни кўрсатади. Айланма шкала 50 та бўлакка бўлинган бўлиб, микрометрик ҳалқанинг қияланган четлари бўйлаб жойлаштирилган, миллиметрнинг юздан бир улушларида саноқлар олишга имкон беради (6.4-расм). 6.4-расм. Микрометрлар Микрометрик ҳалқанинг бўлак бирлиги i=Р/n=0,5/50=0.01 мм га тенг; бу ерда Р - резpба (бурама) қадами, n - ҳалқа бўлаклари сони. Микрометрнинг ўндан бир ва юздан бир улушлари ҳалқадаги шкаладан, ўзакнинг бўйлама режаси қаршисида турган сонга тенг деб олинади. Текис микрометрлар (МК турдаги) ўлчаш чегаралари 0-300 мм бўлганда, ҳар бир 25 мм оралиқ (0-25, 25-50 ва ҳаказо); ўлчаш чегаралари 300-600 мм бўлганда, ҳар бир 100 мм оралиқ учун чиқарилади. Биринчи аниқлик синфига мансуб микрометрларнинг рухсат этилган хатолиги 0-100 мм ли ўлчаш диапазонида 5 мкм ни ташкил этади.

Шунингдек, рақам кўрсаткичли, шкала бўлаклари улушларини олиш имконини берадиган ричаг-тишли узатмали микрометрлар ҳам ишлатилади.

А дабиётлар: 1. А.Г.Сергеев, В.В.Крохин. Метрология. Учебное пособие. М.: Логос, 2001. - 408 с.: ил. 2. В.П.Коротков. Основ метрологии и теории точности измерителнх устройств. М.: Изд. Стандартов, 1978. - 352 с. 3. Б.Э.Мухамедов. Метрология, технологик параметрларни ўлчаш усуллари ва асбоблари. Т.: Уқитувчи. 1991. – 320 б. 4. Р.Ж. Тожиев, А. Йўлдошев, Ш.Д. Султонов. Аҳмад ал-Фарғоний ҳаёти ва ижоди. Т.: Фан. 1998.

Похожие

МЕТРОЛОГИЯ БЎЙИЧА АСОСИЙ МАЪЛУМОТЛАР

СТАНДАРТЛАШТИРИШ БЎЙИЧА ДАВЛАТ НАЗОРАТИ

Статик ва динамик синовларда ишлатиладиган ўлчов асбоблари

Ихтиро бўйича патент олиш шартлари

Замонавий метрологиянинг айрим физик катталикларни ўлчаш бўйича имкониятлари