Марказий Осиёда ҳадисшунослик илмининг ривожланиши - Основы культурологии - Рефераты

Марказий Осиёда ҳадисшунослик илмининг ривожланиши

Загружено в:

20.09.2019

Скачано:

0

Размер:

69 KB

Марказий Осиёда ҳ адисшунослик илмининг ривожланиши Режа: 1. Пайғамбар ҳ адислари ва суннаси. 2. Марказий Осиёда ҳ адисшуносликнинг ривожланиши. 3. Ҳ адисларга танқидий ёндошиш. 4. Ҳ адислар тўплами турлари. 5. Буюк му ҳ аддислар ва уларнинг тўпламлари.

Пайғамбар ҳ адислари ва суннаси. « Ҳ адис» арабчадан «янги сўз» деб таржима қилинади. Ислом атамашунослигида « Ҳ адис»-Мухаммад пайғамбар С.А.Внинг ишлари, сўзлари ва ҳаракатлари ҳақидаги ривоятдир. Ушбу атаманинг батафсил шакли-«ал- хадис ан-набавий» («пайғамбар сўзи») ёки «ал-хадис ан- набавийа» («пайғамбарлар сўзлари») дегани. Исломнинг илк давридан бошлаб ҳадисларга қизиқиш тобора ошиб боради.Пайғамбар ҳаётлик чо ғида жуда кам ҳадислар ёзиб олинган эди. Улар асосан оғзаки айтилар эди. Халифат худуди кенгайиши ва мусулмон дунёсида янги ҳ аётий муаммолар пайдо бўлиши билан ҳ адисларга талаб ошиб боради. Исломнинг илк даврида Пайғамбар мусулмон жамиятининг му ҳим саволларига ваҳий ёрдамида жавоб берар эди. Соддароқ масала ва саволларга у мустақил жавоб берар эди. Натижада Пайғамбар суннуси шаклланди. Шундай қилиб Пайғамбар суннаси ислом динининг Қуръондан кейинги иккинчи манбаи бўлиб қолди. «Сунна» арабчадан «одат, амалиёт, қонун»деб таржима қилинади. «Пайғамбар суннаси» («ас-сунна ан-набавийа») Мухаммад Пайғамбар сўзлари ва ишлари ҳақидаги ҳадислар тўпламидир. «Сунна» ва « Ҳ адис» кўпинча мусулмон адабиётида тенг ишлатилади. Марказий Осиёда Ҳ адисшуносликнинг ривожланиши. Исломнинг араб ярим ороли ҳудудидан ташқарига тарқалиши билан ҳадислар исломга янги кирган халқлар орасида, уларнинг ҳаётида чуқур илдиз отиб борди ва Макка, Мадина, Миср, Ироқ, Ҳуросон, Мовароуннахрда ҳадисшуносликнинг алохида марказлари вужудга келди. Марказий Осиё худудидаги Ҳуросон ва Мовароуннахрдаги марказлар биринчилардан эди. Бунга далил Ҳадисшунослик бўйича тузилган тўққизта асосий тўпламдан еттитаси ушбу худуд мухаддислари қаламига мансублигидир. VII асрнинг иккинчи ярми – VIII аср бошларида исломлаштириш мақсадида уюштирилган мусулмон юришлари натижасида Ҳуросон ва Мовароуннахрда Пайғамбар ривоятлари тарқалди.

Махаллий тенденциялар билан мулоқотда бу соҳта ҳадислар юзага келиб, улар ҳақида турли фикрлар пайдо бўлади: уларда айниқса шаҳарларнинг маҳаллий аҳолиси ёки урф-одатлари маҳталиб кўкларга кўтарилди. Масалан: бир ривоятда айтилишича, гўё пайғамбар, Шарқда бир шаҳар бор, унинг осмондаги номи «ал-маҳфуз» (химояланган), ердаги номи эса «Самарқанд», деган эмиш ва унинг ахолиси исломга содиқ инсонлар эмиш.Тўққизта ишончли тўпламларда бу ривоят учрамайди, бу эса унинг ёлғонлигидан далолат беради. Бундай ҳадисларнинг пайдо бўлишига сабаб арабларнинг кўпинча, пайғамбар ривоятларидан ўз манфаатларини кўзлаб маҳаллий ахолига қарши фойдаланишидадир. Ҳ адисларга танқидий ёндошиш Соҳта ҳадислар сонининг ўсиши мусулмон олимлар орасида уларга нисбатан расмий-танқидий муносабатга сабаб бўлди.Мухаддислар соҳта ҳадислар мавжудлигини англашар эди. Ҳадисларни ўрганиб соҳта ривоятларни хақиқийларидан ажратиш зарурияти туғилди.Мухаддислар диққатининг асосий объекти ривоятнинг ўзи эмас, балки уни етказиб берувчилар занжири (иснод) эди: исноднинг сифати ривоят хақиқийлигининг кафолати эди. Мухаддислар учун етказиб берувчиларнинг узилмас занжирини аниқлаш мухим эди. Уларни илм ал-хадисда «ар-рижал» (“кишилар”, “эркаклар”) деб аташар эди. “Илм ар-рижал” (“эркаклар билими”)фани шундан ташкил топган. Мухаддислар уларнинг исмини, яшаган йилларини, биографик маълумотларини (қаерда ва қачон бўлганлигини) аниқлашга ҳаракат қилишар эди. Бу уларни бир-бирлари билан учрашганлиги, гаплашганлиги ҳақида гувохлик берар эди. Бундан ташқари, уларнинг хақиқий мусулмонлиги ва маънавий сифатлари баҳоланар эди: уларнинг хар бири яхши мусулмон хисобланар эдими-йўқ, ишончга сазовор эдими, ҳақиқатгўй (содиқ) эдими, яъни эшитганини тўғри айтиб бера олар эдими – ана шулар аниқланар эди.

Ривоят етказиб берувчиларни текшириш берилаётган хабарнинг ҳақиқийлигига кафолат сифатида мухаддислар доирасида «ал-жарх ва-т- таъдил» (“рад қилиш” ёки “тасдиқлаш”) номини олди. Етказиб берувчилар ҳақидаги жами маълумотларни тўплаш ва танқидий ўрганиш “илм ал- хадис”да алохида йўналиш-“маърифат ар-риджал” (“эркаклар хақида” билим) пайдо бўлишига олиб келди.Бу билимга хар бир илмли мухаддис эга бўлиши лозим деб хисобланар эди. Етказиб берувчиларни аниқлаш иснодда номи айтиб ўтилган шахслар биографияси ёзилган табакат туридаги маълумотномалар ёки махсус луғатлар пайдо бўлишига олиб келди. Бизгача етиб келган бундай асарлардан энг қадимгиси Ибн Саъднинг (845йилда вафот этган) «Китоб табакат ал- кабир» асаридир. Ишончга лойиқ шахслар ҳақида маълумотномалар билан бир қаторда «ишончга нолойиқ», «бўш» етказиб берувчилар ҳақида маълумотномалар-дуъафалар (бирлиги-даъиф) тузилар эди, масалан, ан-Наса`ининг (вафоти-915 й.) «Китаб ад-дуъфа» асари. Ривоят танқиди ғоят синчковлик билан қилинар эди, бунинг натижасида махсус атамалар пайдо бўлди. Ҳадислар турлича бахоланиб, «ишончли» (саҳиҳ), «яхши» (ҳасан) ва «бўш» (даъиф) тоифаларга бўлинар эди. «Ишончли» деб тўла, ҳеч қандай узилишсиз етказиб берувчилари занжирига эга бўлган, етказиб берувчилар эса ишончли бўлган хадислар хисобланар эди. Ривоятларни етказиб берувчилар занжирида узилиш бўлган ёки уларнинг тўғрилиги хақида якдиллик бўлмаган ҳадислар “яхши” хисобланган. Бундай ривоятлар “ишончли”дан кўра паст хисоблансада, қабул қилинар эди ва динийқҳуқуқий масалаларни хал қилишда қўлланилар эди. Мазмуни танқид қилинган ёки етказиб берувчилардан бири ишончсиз хисобланган хадис «бўш» деб хисобланар эди.Бундай ривоятлар уларда турли хил ибратли ўгитлар ёки яхшиликка чорловчи фикрлар акс эттирилган бўлсагина қабул қилинар эди. Хадислар текшириш жараёнида иснод, матн ва етказиб берувчилар сонига қараб турли бошқа гуруҳларга ҳам ажратилган.

Ривоятларни олиш ва бериш усуллари ҳам белгиланган, улар камида еттита бўлиб, қуйдагилардан иборат: сама’, кира’а, ижаза, мунавала, мукотаба, васийа, вижада. Буларнинг баъзиларидан (муновала ва мукотаба) IX асрдаёқ, эҳтимол бундан ҳам илгарироқ фойдаланилган. Ҳадислар тўпламларининг типлари. Дастлаб ҳадислар тўпламлари «муснад» («асосли», «таянчли») типида тузилган. Улардаги материаллар дастлабки етказиб берувчилар – масхабларнинг номи бўйича таснифланган. Масалан, Аҳмад ибн Ҳанбал (вафоти 855 й.) муснади тарзида. IX асрнинг йирик алломалари Имом алқБухорий (вафоти 870 й.), Муслим анқНайсабурий (вафоти 875й.), Муҳаммад ибн Язид ибн Мажжа (вафоти 886 й.), Абу Довуд Сулаймон Сижжистоний (вафоти 888 й.), Муҳаммад атқТермизий (вафоти 892 й.), Аҳмад анқНасоий (вафоти 915 й.), яъни мусулмон оламида кенг ёйилган олтита ишончли ҳадислар тўпламларининг муаллифлари ривоятлар танқидига катта ҳисса қўшганлар. Мусаннар типида тузилган бу тўпламлар композициясининг анча тугал намунаси эди. Уларда материаллар мавзулар бўйича ёки баённиннг предметлари бўйича жойлаштирилган, бу анча қулай эди, чунки у ортиқча излашлардан халос қилар эди ва муайян масалага оид ривоятлар ғоясини тез билиб олишга имкон берар эди.. Кейинчалик бу олти муҳаддис , яна уч муҳаддис қўшилди: Аҳмад ибн Ханбал (780-845), Молик ибн Анас (714-795), ад-Дарими асқСамарқандий (797-869). Шу тариқа уларнинг сони тўққизтага етди. Ҳадисларни ўрганиш кейинги даврда хам давом этди. Кўпгина назарий асарлар ёзилди. Булардан энг муҳим деб ҳисобланганлари Абу Муҳаммад арқРамахурмузийнинг (вафоти 970 й.) «алқМуҳаддис алқфасил байқнақрави вақлқва’ни» («Етказиб берувчи билан ақлда сақловчини фарқлантирувчи ҳадисшунос »), алқҲаким анқНайсабурийнинг (вафоти 1014 й.) «Маърифат ‘улум алқҳадис» («Ҳадисшунослик илми») ва, айниқса, Ибн асқСалоҳнинг (вафоти 1245 й.) «Илм асқҲадис» («Хадисшунослик») номли китобларидир.

Кейинги китобда ўрта аср мусулмон танқидчилиги ҳақидаги тасаввурлар батафсил ва тўла ҳажмда қараб чиқилган. Ҳадисшуносликнинг буюк намояндалари ва уларнинг асарлари. Марказий Осиёдан чиққан буюк муҳаддислардан бири ‘Абдаллах ибн алқМуборак алқМарвозий (736-797) эди. У Хуросоннинг марказий шаҳри Марвда туғилган. Унинг отаси турк, онаси эса хоразимлик бўлган. Унинг биографиясида оилавий аҳволи ҳақида маълумотлар йўқ. Ал-Марвозийнинг Марвдаги кенг ҳовлиси ҳадис, фикҳ ва араб тилини ўрганиш учун узоқ шаҳарлардан келган олимлар билан тўла бўлар эди. Илмий мунозаралар олимда ўз билимларидан қоникмаслик ҳиссини уйғотди. Ал-Марвозий 23 ёшга тўлганида илмий сафарга чиқади. Куфеда у ханафия мазхабининг асосчиси Абу Ханифа (699-767) билан учрашади, ундан фикҳ илмини ўрганади. Мадинада у маликия мазҳабининг асосчиси Малик ибн Онасдан (714-795) таълим олади. Ал-Марвозий тафсир,фикҳ, ҳадис, суфизм ва ҳоказоларга оид ўндан ортиқ китоб муаллифи. Булардан «Китоб асқсунан фи-л-фикҳ» («Фикҳда ҳадислар ўрни»), «Китоб атқтафсир» (Қуръон ҳақида), «Китоб атқтарих» (тарих бўйича), «Китоб алқбирр вақсқсилат» («Саҳоватлик ва қариндошлар билан ўзаро борди-келди қилиш китоби»), «Китоб аз-зуҳд ва-р-рака’ик» (суфизм бўйича) китобларини тилга олиб ўтиш мумкин. Адолат юзасидан шуни айтиб ўтмоқ жоизки, машҳур муҳаддис Имом Ал-Бухорий ёшлигидаёқ ал-Марвозий китобини ўқиб чиққан. Мовароунаҳрлик муҳаддис Абу Абдуллох Муҳаммад ибн Исмоил ал- Бухорий 810 йилда Бухорода туғилган. Ун ёшидан эътиборан хадисларни ёддан ўқий бошлаган. 16 ёшида у онаси ва акаси билан зиёрат қилиш учун Хижозга боради. Бу ерда у хадисларни топиш ва ўрганиш учун ўз саёхатларини бошлайди. Хадисларни ўрганишда унга Миср, Сурия, Ироқ, шунингдек, Хуросон ва Мовароунахр олимлари ёрдам берадилар. Унинг йигирмадан ортиқ илмий асарлари бор.

Унинг «ал-Жомиъ ас-сахиха» («Ишончли тўплам») китоби хадисшунослик бўйича асосий манба хисобланади. Ёзма манбалардан маълум бўлишича, у хадисларни мингдан ортик шайхлардан эшитган. Ал-Бухорий барча «ишончли» хадисларни (Мухаммад пайғамбарнинг айтганлари ва ишлари хақидаги ривоятларни) тўплашни мақсад қилиб олади. Ал-Бухорий ўша замоннинг мухаддисларига хос танқидий назар билан қараб ўша вақтда кишилар ва уламолар орасида юрган 600 минг хадисни, шунингдек ўз устозларидан ўзи ёзиб олган 200 минг хадисни текширади. Мана шу кўпдан-кўп ривоятлардан ал-Бухорий фақат 7400 тага яқинини энг «ишончли» хадис сифатида танлаб олди. Булар «Ал- жомиъ ас-сахих» («Ишончли тўплам»)нинг асосини ташкил этган. Бу тўпламни одатда қискача қилиб «Сахих» ёки «Сахихи Бухорий» деб атайдилар. Китоб мусаннаф принципи бўйича тузилган бўлиб, бу хол ал- Бухорийга ривоятлар доирасини анча кенгайтириб, унга хуқуқий, тарихий, биографик, этик ва тиббий мазмундаги турли-туман хадисларни киритишга имкон берди. Хадислар тўплами 7397 хадисни уз ичига олган 3450 боб, 97 китобдан иборат. «Ал-Жомиъ ас-сахих» замондашлар томонидан фикх бўйича мухим қўлланма деб эътироф этилди ва X асрга келиб, айрим жузъий жихатлари танқид қилинишига қарамай, сунний йўналишдаги тўпламлар орасида биринчи ўринни эгаллади. Ал-Бухорийнинг бошқа асарлари орасидан яна хали кам ўрганилган «Тафсир ал-Куръон» (Қуръон шархи) китобини айтиб ўтиш мумкин. Муслим ан-Найсабурий (817-875) – машхур мухаддис. Нишопурда туғилган ва вафот этган. Ас-Сахих хадислар тўпламининг муаллифи. Мусулмон анъаначилар ва хукукшуносларда бу тўплам шунга ўхшаш тўпламлар орасида энг нуфузли хисобланган. Муслим кўп саёхатлар қилиб, Хижоз, Миср, Сурия, Ирокда бўлиб хадислар йиғган ва ўрганган.

Айтишларича, у 300 мингдан ортик хадисни қараб чиққан ва улардан фақат 12 мингтасини ишончли хисоблаб, асарига киритган. «Сахихи Муслим» мусаннаф тўплами тарзида тузилган. У, аслида, «ас- Сахихи ал-Бухорий»даги каби материалларни ўз ичига олади. Лекин бошқа манбаларга асосланган. Муслим иснодларга алохида эътибор беради: айни бир матнга турли иснодларни келтиради. Асар 52 бўлимдан иборат бўлиб, уларнинг хар бири хадисларнинг тегишли термаларини ўз ичига олади (масалан, диннинг бешта фарзи, никох, қуллик, мерос қолдириш қоидалари, уруш, қурбонлик, пайғамбарлар ва уларнинг сафдошлари, башорат, дунёнинг охири тўғрисида термалар, этик ва тиббий мазмундаги хадислар). Тарихий ва биографик мазмундаги хадислар ас-Сахихни, маълум даражада, тарихий манба деб хисоблашга хам имкон беради. Унинг хар бир бўлими бошида берилган муқаддима унга киритилган хадисларни қўлланишнинг хуқуқий жихатларини тушунтириб беради. АсқСахих хуқуқшунослик бўйича қўлланма вазифасини бажариб келган. Муслим асқСахихдан бошқа яна фикх бўйича кўплаб асарлар ва мухаддисларга бағишланган биографик тўпламлар ёзган, лекин улар сақланмаган ва бизгача фақат асқСахих етиб келган. Мухаддис Абу Исо Мухаммад ибн Исо ал-Буги ат-Термизий (824-892) Термиз яқинидаги Буг қишлоғида ўрта хол оилади дунёга келган. Унинг бутун ҳаёти ва фаолияти Термизда ўтган. Унинг «ат-Термизий» тахаллуси шундан келиб чиққан. Ас-Саманий (1113-1167) «Китаб ал-ансаб»да («Насл- насаб хақидаги китоб») ат-Термизийнинг қуйидаги сўзларини келтиради: «Менинг бувам насли-насаби бўйича Марвлик бўлган. У Лайе бен Сайёр хукмдорлиги даврида яшаб, кейин Термизга кўчиб келган». Мухаммад ат-Термизийнинг турли фанларни ўрганишга, айниқса хадисларга бўлган қизиқиши эрта уйғонган. Кейинчалик, ўз билимларини мукаммаллаштириш мақсадида у Шарқ мамлакатлари бўйлаб кўпгина саёхатлар қилган. У узоқ вақт Макка ва Мадинада яшайди, у ерда кўпгина таниқли олимлар билан учрашади.

Имом ал-Бухорий, Имом Муслим, имом Абу Довуд, Исхоқ ибн Мусо, Маҳмуд ибн Ғайлон каби атоқли мухаддислардан илм олиб тажриба ортиради. Ат-Термизийнинг ҳам кўпгина шогирдлари бўлган. Булар Макхул ибн ал-Фадл, Муҳаммад ибн Маҳмуд Анбар, Ҳаммад ибн Шокир, Абу ибн Муҳаммад, Хайсам ибн Кулайд ат-Шоший, Аҳмад ибн Юсуф ан-Насафий, Абул Аббос Мухаммад б. Махбуд ал-маҳбубий ва бошқалардир. Имом Муҳаммад ат-Термизийнинг шогирдлари орасида турли мамлакатлар ва элатлар вакиллари бўлган. Муҳаммад ат-Термизийга унинг устози ва сафдоши Имом ал-Бухорий катта таъсир ўтказган.Бу икки буюк мухаддиснинг учрашувлари 863-868 йилларда, имом ал-Бухорийнинг ўз илмий саёхатидан қайтиб келиб яшаб дарс бераётган Нишапур шаҳрида бўлиб ўтган. Муҳаммад ат-Термизий ўзининг асосий асари «ал-Жомиъ алқкабир»да имом ал-Бухорий билан бўлган сухбатларни миннатдорчилик билан эсга олади. Икки олимнинг биргаликда олиб борган ишлари имом ал-Бухорийнинг ўлимигача давом этди. Ат-Термизийнинг ўз устози ва сафдошига бўлган чексиз фидоийлиги ҳақида «Тазкират ал-Хуффоз» («Хофизлар хақида китоб») асарининг муаллифи Шамс ад-дин аз-Захаби ўз асарида такидлаб ўтади, у ерда шундай сўзлар келтирилган: «ат-Термизий ўзининг устози ал- Бухорийнинг ўлимига шунчалик қайғурганки, хаттоки кўр бўлиб қолиб, умрининг охиригача шундайлигича яшаган». Имом ат-Термизий ота қишлоғи Буғда 892 йилда вафот этган ва шу ерда дафн этилган. Унинг қабри Шерободнинг жануби-шарқий қисмида жойлашган. Муҳаммад ат-Термизий ўндан ортиқ асар ёзган. Булар «ал-Жомиъ ал- кабир» («Катта тўплам») (у шунингдек «Саҳиҳ ат-Термизий» ёки «Сунон ат- Термизий»деб ҳам аталади), «Аш-Шамоил ан-набавиййа» («Пайғамбарнинг алохида фазилатлари»), «Китаб ат-Тарих» («Тарих китоби»), «Китаб аз-зуҳд» («Тақво ҳақида китоб») ва бошқа асарлар.

Ат-Термизийнинг илмий мероси ичида «ал-Жомиъ ал-кабир» асари асосий ўринга эга. Тузилиши жиҳатдан «ал-Жомиъ ал-кабир» кўпгина бобларга бўлинган бўлиб, булар тахорат, намоз (солот), закот, рўза, хаж, жаноза, никох, тижорат ва ҳоказолардан иборат. Ат-Термезийнинг бу муҳим асари бир неча марта жаҳоннинг бир неча тилларига ўгирилган. Бу асарнинг биринчи китоби ўзбек тилига ҳам ўгирилиб «Сунан» номи остида Тошкентда нашр этилган. Ал-Бухорий ва Муслимларнинг усулларига риоя қилиб, имом ат- Термизий хадисларни «саҳиҳ» (тўғри,ишончли), «хасан» (яхши), «ғарийб» (унча ишонарли бўлмаган), «заиф» (заиф, чала) ва хакозоларга бўлган. Ўз асарларида имом ат-Термизий биринчилардан бўлиб ҳадисларни изоҳлашда айрим атамаларни қўллаган. Ат-Термизийнинг бебаҳо асарларидан яна бири «Аш-Шамоил ан- нақбавиййа» («Пайғамбарнинг ахлоқий фазилатлари») номли китоби бўлиб, у тамомила пайғамбарнинг ҳаётини тасвирлашга бағишланган. АтқТермизийнинг асарлари катта тарбиявий ва аҳлоқий аҳамиятга эга, чунки улар кишиларни яхшиликка, эзгуликка, саҳоватга, адолатга, халолликка, бир-бирини тушунишга, аёллар ва отақоналарга нисбатан иззатқ ҳурматга чорлайди. Уларда алдамчилик, ёлғончилик, риёкорлик, такабурлик, душманлик, сотқинлик, зўровонлик ва бошка салбий ҳислатлар кескин қораланади.

Адабиётлар : 1. Д.А.Авдусин.Основы археологии. М. 1989. 2. А.А.Асқаров. Сапалитепа. Ташкент, 1973. 3. Атеистический словарь. А.И.Абдусамадов, Р.М.Алейник, Б.М.Алиева ва бошқ. М.П.Новикова умумий таҳр. Остида – М.:Политиздат, 1984. 4. Л.С.Васильев.История религии Востока. М. 1983. 5. В.Н.Даниленко. Космогония первобытного общества. М. 1999.

Похожие

Марказий Осиёда яҳудийлик

Марказий Осиёда буддизм

Ҳадисшунослик

XIX Асрда Марказий Осиёда ислом мустамлакачилик ва жадидлар ҳаракатининг бошланиши

Ўрта осиёда ислом дини