Oila psixologiyasi fanining predmeti vazifalari - Дошкольное и начальное образование - Рефераты

Oila psixologiyasi fanining predmeti vazifalari

Загружено в:

20.09.2019

Скачано:

0

Размер:

137 KB

Oila psixologiyasi fanining predmeti vazifalari Reja: 1. Oila psixologiyasining tarixi. 2. Oila psixologiyasi fanining predmeti, vazifalari. 3. Oila va uning zamonaviy modellari. 4. Oila kichik guruh sifatida.

Oila psixologiyasining tarixi. Oila – ijtimoiy institutlarning eng qadimgisidir. Insoniyat boshidan kechirgan tarixiy davrlarning qanchalik turfa va murakkab bo‘lishiga qaramay, ayniqsa, XIX va XX asrlarda ro‘y bergan buyuk o‘zgarishlar va islohotlarga dosh bera olgan ushbu maskan o‘z tizimi, tarkibi va jamiyat oldida turgan majburiyatlarini bajarishi nuqtai nazaridan sog‘ omon saqlanib qolgan tuzilmadir. Oilani insonlar tashkil etgani va undagi hayot-mamotni ular o‘rtasidagi o‘zaro munosabatlar tashkil qilishini hisobga oladigan bo‘lsak, uni sof psixologik jarayonlar maskani ham deb atash mumkin. Oila psixologiyasi bo‘yicha chet el psixologlari tomonidan juda katta izlanishlar qilingan. Sharq mutafakkirlarining asarlarida ham ko‘plab ibratli, kuzatish va tajribalar asosida chiqarilgan xulosa va tavsiyalar mavjud. Shunga qaramasdan ushbu fan yetarli darajada tan olinmagan va metodik tomondan ta’minlanganligi ham kam darajada bo‘lgan. Hatto fanning ushbu tarmog‘iga kelajagi yo‘q va mustaqil fan emas degan nopisandlik bilan qarashlar ham bo‘lgan. Buni quyidagicha izohlash mumkin: oilani o‘rganish bo‘yicha eksperimental metodikalarni qo‘llanalishi qiyin kechishi, shaxsiy tajribalar ishonarli emasligi, so‘rovnoma metodlarini ishonchliligi kamli va hokazolar. Psixologik bilimlar fundamental fanga asoslangan holda ya’ni, shaxs, faoliyat, guruhlar, psixik rivojlanish qonuniyatlariga tayanadi. Oila psixologiyasiga esa jiddiy qaralmagan. Faqat 1960 yillarning oxiri va 1970 yillarni boshlaridan boshlab nikoh va oila ko‘pgina fanlarda tadqiqot predmeti bo‘la boshladi, shu jumladan psixologiyani ham.Oila muammolariga e’tibor eng avvalo psixik va asab kasalliklarini profilaktikasi va oiladagi tarbiya muammolari tufayli olimlarni diqqatini tortdi. Keyingi yillarda oila maslaxatxonalarida oilaviy hayot muammolari va ota-ona va bola munosabatlari korreksiyasi rivojlanib bormoqda. Zamonaviy oilalarni rivojlanish dinamikasi obyektiv va subyektiv qiyinchiliklar bilan bog‘liq bo‘lgan bir holatda, mavjud oilalarga psixologik yordam ko‘rsatish va yoshlarni oilaviy hayotga tayyorlashda qonuniyatlarni izlash

maqsadida nikoh va oilani o‘rganish shaxs va ijtimoiy psixologiyada nihoyatda dolzarb ehtiyojga aylandi. Oilani o‘rganish maqsadi, avvalombor, oilaviy tashhis qo‘yish ma’lum bir oila xayotidagi uning bir yoki bir necha a’zolarida asab yoki ruhiy kasalliklar keltirib chiqaruvchi holatlar (nosozliklar)ni aniqlash, va ikkinchidan, shu kasalliklar oldini olishda qo‘l keluvchi oila a’zolari fazilatlarini o‘rganishdir. Oilaviy munosabatlarga qiziqish qadim zamonlarda xalq og‘zaki ijodining ertak, doston va qo‘shiq singari barcha namunalarida, Qur’oni Karim va hadislarda, Abu Nosir Farobiy, Abu Ali ibn Sino, Abu Rayxon Beruniy asarlarida, shuningdek, Kaykovusning “Qobusnoma”, Alisher Navoiyning “Mahbub-ul qulub” kabi mumtoz asarlarida yetarlicha keng ifoda qilingan. Yusu Xos Hojib o‘z asarlarida oilaviy baxt shaxs muvaffaqiyatining garovi deb hisoblaydi. Uning “Qutadg‘u bilig” asarida oila baxtli bo‘lishi uchun yigit uylanmasdan oldin kelinning kimligi, kelib chiqishi, yoshi, xarakteri, xulq-atvorini bilish kerak, deydi. Sharqning buyuk olimi Abu Ali ibn Sino o‘zining “risolai ishq” asarida inson baxtli hayot kechirishi uchun er-xotin munosabatlarida ikki tomonlama sevish, hurmat munosabat oila mustahkamligining asosi ekanligini ta’kidlaydi. Oilaning davlati va baxti – yaxshi ayol ekanligini asarda asoslab berganligining o‘zi hozirgi kunlarda ham bu asarning bebaho ahamiyatga ega ekanligini ko‘rsatadi. O‘rta Osiyo donishmandlarining qoldirgan meroslari o‘ziga xos “ahloq kodeksi” bo‘lib, avloddan avlodga o‘tib kelyapti va shu kunlarda ham o‘z tarbiyaviy kuchini yo‘qotgani yo‘q. Ularning ahloqiy-falsafiy qarashlari halqaro tan olingan bo‘lib, Osiyo, Yevropa va Afrika xalqlarining deyarli barcha tillariga tarjima qilingan. Abu Rayhon Beruniy barcha ayollarga, qizlarga bermoqchi bo‘lgan nasihatini Abdulla ibn Ja’far tilidan gapiradi: “Rashkdan saqlangil. U taloqning kalitidir. Eringni te-tez tanbeh qilishni senga ta’qiqlayman. Chunki tanbeh nafrat uyg‘otadi. O‘zingni bezab yurgin. Buning uchun yaxshi vosita surmadir. Yana xushbo‘y atirlardan foydalangin. Ularning ichida eng yaxshisi suvdir”.

Amir ibn Az-Zarib Avloniy qizini turmushga chiqarayotgan paytda xotiniga bunday degan: “Qizinga qattiq buyurginki, sahroga chiqadigan bo‘lsa, suvni g‘amlab olsin. Suv yuza tomonga jilo beradi, ichki tomonni pok qiladi. Erining xohishlariga qarshilik ko‘rsatmasin. Chunki baxt va yaxshi oilaviy munosabat o‘zaro muvofiqlikdadir”. Hadisi Sharifda hikoya qilinishicha, kunlardan bir kuni Janobi pag‘ambarimiz Muhammad Alayhissalom roziyallohu anhuning oldiga bir ayol kelib, o‘z eridan shikoyat qilibdi. Uni yomon so‘zlar bilan haqorat qilishini, kaltaklash azob berishini yig‘lab aytib beribdi. Shunda payg‘ambarimiz u ayolga aytibdilarki, ering uyga kelishi bilan shu toshni og‘zinga solib ol nima deyishidan qat’iy nazar, toshni og‘zingdan olma, debdilar. Uning nasihatiga amal qilgan ayol bir necha kundan keyin kelib, eri uni endi qiynamayotganliginini, aksincha, mehribon so‘zlar bilan erkalatib, yaxshi munosabatda bo‘layotganini aytib, payg‘ambarimizga minnatdorchilik bildiribdi. Yuqorida keltirilgan barcha buyuk mutafakkirlarimiz kabi yirik ma’rifatparvar olim Rizouddin ibn Faxriddin hamoilada er va xoti munosabatlari bo‘yicha o‘zining yaxshi fikrlarini bildirib o‘tadi. “Oilaning asl ustuni xotindur”, deydi u. “Erni er qiladigan ham, qaro yer qiladigan ham boy qiladia ham, kambag‘al – qashshoq qiladigan ham xotindi”. Bulardan xulosa qilish mumkinki, oiladagi nizolarning, kelishmovchiliklarning sababini oiladagi muloqotning noto‘g‘ri qurilganligidan qidirish kerak. Qars ikki qo‘ldan chiqqani kabi, muammolarning kelib chiqishiga ham er, ham xotin – biri ozroq, biri ko‘proq darajada yoki ikkalasi babbaravar aybdor bo‘lishi mumkin. Oila va nikoh masalalariga tarixiy yondashuv shveytsariyalik olim I.Baxoven (1815-1887) ishlarida, ayniqsa, uning “Onalik huquqi” kitobida yoritilgan. Undan tashqari, amerikalik tadqiqotchi L.Morgan (18181881)ning asarlarida ham oilaga nisbatan evolyutsion qarashlar bayon etilgan bo‘lib, “Qadimgi jamiyat” kitobi buning yaqqol namunasi hisoblanadi. Bu asarlarda oila institutining bevosita

jamiyat tarqqiyoti bilan bog‘liqligi, jamiyatdagi ijtimoiy-iqtisodiy munosabatlarning takomili oilaning mustahkamligiga bog‘liq ekanligi g‘oyasi o‘z isbotini topgan. Bu o‘zgarishlar tarix mobaynida turli jins vakillari o‘rtasidagi o‘zaro munosabatlarga bog‘liq tarzda kechishi ham ta’kidlangan. Shunday qilib, iilani ijtimoiy institut sifatida idrok etish va uni ilmiy jihatdan o‘rganish an’analari tarixi XIX asrning o‘rtalariga to‘g‘ri keladi. Ayni shu davrdan boshlab jahonning turli burchaklaridagi taniqli sotsiologlar va antropologlar (L.Morgan, M.Kovalevskiy, B.Malinovkiy, P.Sorokin, keyinchalik A.Xarchev, S.Golod va boshqalar.) oila muammolarini o‘zlarining aniq tadqiqot mavzulari sifatida o‘rgana boshladilar. Bir qarashda yangicha tuyulgan monogam oiladagi o‘zgarishlar XX asrning boshlaridayoq kuzatila boshlangan. Olimlarning ta’kidlashicha, oila institutining o‘zi tabiati nuqtai nazaridan ancha konservativ, ya’ni o‘zgarmas, turg‘un tizim bo‘lgani bois, jamiyat miqyosida ro‘y beradigan o‘zgarishlar oila doirasida taxminan 10-30-yillardan keyingina aks eta boshlaydi. Bundan tashqari, rus sotsiologi S.Golodning yozishicha, Yevropa xalqlari hayotida, oilaviy munosabatlarda kuzatiladigan barcha ijobiy jarayonlar monogam, patriarxal oilaning saqlanib qolingani sababli ro‘y bergan bo‘lsa, qolgan barcha salbiy holatlar aksincha, oilada ro‘y berayotgan salbiy, yomon jarayonlardan kelib chiqadi. Bu kabi talqinlar tabiiyki, ko‘plab tadqiqotchilarga oila va uning istiqbolini tushunishga, mazkur yo‘nalishda jiddiy tadqiqotlar olib borishga xalaqit beradi. Shunga qaramay, oila institutida kuzatilayotgan har qanday o‘zgarishlari odatda eng avvalo, ayolning – xotin-qizlarning jamiyat va oilada tutgan maqomlarining o‘zgarib borayotganligi, ular malakalarining oshib borayotganligi va kasb-hunar, lavozim pog‘onalarida erkaklardan qolishmaslikka intilayotganligi bilan izohlanadi. Qayd etilgan holat bevosita oila hayotida ro‘y berayotgan turli xil o‘zgarishlarga, ham salbiy, ham ijobiy hodisalarga sabab bo‘lmoqda. Ikkala jins vakillari xaq-huquqlarining amalda tenglashib borayotganligi xotin-qizlarning erkaklar – yigitlar oldida o‘zini tutishi va o‘z navbatida

yigitlarning qizlarga, erkaklarning ayoliga bo‘lgan munosabatlari, xushomad qilishlarida o‘z aksini topmoqda. Ayniqsa, Yevropa xalqlarida nikoh oldi sovchilik instituti yo‘qolib, uning o‘rniga o‘z xohishi bilan o‘ziga nikoh sheriginini tanlashi an’anasi barqarorlashdi. Lekin ayni holat saqlanib qolgan mamlakatlarda, jumladan, O‘zbekistonda oila institutiga munosabat boshqacharoq, ya’ni an’analarga sodiqlik saqlanib qolgan. Sovchilikning ahamiyati shundaki, bunda o‘rtada turganlar, kelin-kuyov oilasini tanigan, bilgan, surishtirgan odamlar bo‘lgani sababli ham ular yosh oilaning mustahkam bo‘lishidan juda manfaatdordirlar, shuning uchun haqiqiy o‘zbekona mezonlar, “teng-tengi bilan” tamoyili asosida, sovchilar yordamida qurilgan nikohlar aksariyat holatlarda mustahkam bo‘ladi. Oila- o‘ziga xos ijtimoiy birlik bo‘lib, uning asosida er-xotin ittifoqi, qarindoshlik munosabatlari, maishiy hayot birligi, axloqiy va huquqiy ma’suliyat hamda jamiyat tomonidan o‘rnatilgan ota-onalarning bolalarini tarbiyalashi bo‘yichava farzandlarning o‘z ota-onalari uchun muayyan majburiyatlari turadi.

O‘zbek xalqining tarixiy ana’nalari, urf-odatlari, udumi, rasmrusmlari, ahloq me’yori, turmush ma’naviy qadriyatlari, shaxslararo munosabati, muloqot maromi va hususiyati boshqa qardosh halqlarnikidan ma’lum darajada tafovutlanadi. Masalan, o‘zbek xalqi xarakterida andishalik, xushmuomalik, shirinsuxanlik, mexmon kutishdagi qo‘li ochiqlik va saxiylik odatlari mavjud. Shuning bilan birga, sabr-kosasi to‘lgach, zo‘ravonlarga nisbatan ayovsiz bo‘lish, yurgan yo‘lidan ortga qaytmaslik, isyonkorlik, bir so‘zlik odati ham xalqimiz uchun xosdir. O‘zbek oilalarida bir necha avlod vakillari (xatto 3-4avlod) bir biridan ajramagan xolda birgalikda bir xovlida bir maxallada yashab kelishgan. Shuning uchun ilgarilari mavjud bo‘lgan katta oila ichida, bir necha avlod vakillari yashayotganligini uchratishimiz mumkin. Oila boshlig‘i bo‘lgan Ota ugillarini uylantirgandan keyin ham uzok vakt ularni mustakil oila kilib ajratib yubormagan. Yangi oila ko‘rgan ugil, katta oila boshligi bo‘lgan ota ko‘l ostida ishlab xujalik yurgizish ishlarida unga yordam bergan. Agar yangi oila ota-ona bagridan ajralib chikkan takdirda ham, ular oilasi uchun ota unchauzok bulmagan joydan xovli yoki yer sotib olib bergan, yoxud uz yeridan uy kurish uchun joy ajratib bergan. Yangi oilaning kundalik extiyoji uchun zarur bo‘lgan uy buyumlari ajratib berilgan. Lekin shunda ham ota uz yerini parchalanib ketishiga yul kuymagan, ugil bola ko‘l ostida uning yerida ishlagan,xujalik yurgizishda otaga yordam berib kelgan. Oilaning o‘zaro munosabatlarida ma’lum yosh guruhidagi xar bir kishi albatta uzidan yukori yoshda turgan kishilarga itoat etgan, ularga xurmat extirom kursatilgan. Bu albatta yirik oilalarning birlashib yashash zaruriyati mavjud bo‘lgan sharoitlarda ularning parchalanib ketmasligi uchun katta ahamiyat kasb etgan. Bundan tashkari o‘zbeklarda aka-ukalar yoki karindosh uruglar urtasidagina emas, shuningdek, kuni-kushnilar bilan ham yaxshi munosabatlar o‘zaro yordam va hamkorlik kursatish kabi xislatlar ancha rivojlangan. Oila a’zolari o‘rtasida sodir bo‘ladigan murakkab va serqirrali o‘zaro munosabatlar ko‘plab o‘zbek olimlari (M.Davletshin, V.Karimova, G‘.Shoumarov, E.G‘oziyev, B.Qodirov, X.Karimov, N.Sog‘inov, F.Akramova, G.Yadgarova,

M.Salayeva, D.Xoliqov va boshqalar) tomonidan o‘rganilgan. Ularda ko‘proq o‘zbek oilasiga xos urf-odatlar, udumlar, an’analar nuqtai nazaridan oilaviy munosabatlarning etnopsixologik qirralari tadqiq etilgan. Oila obyekt sifatida turli asoslarga ko‘ra klassifikatsiyalanish mumkin. Masalan: 1. Regional joylanishiga ko‘ra-qishloq yoki shahar oilasi. 2. Tarkibiga ko‘ra – ko‘p bo‘g‘inli va nuklear. 3. Ota-onalarning borligiga ko‘ra -to‘liq va to‘liqsiz (mono, ota-onalik). 4. Farzandlar soniga qarab: farzandsiz, kamfarzand, o‘rta farzandlik, serfarzand. 5. Ota-onalarning ijtimoiy ahvolga qarab - dehqonlar oilasi, ishchilar oilasi, xizmatchilar oilasi va boshqalar. 6. Hayotiy sikliga (davriga) qarab – yosh oila (bir yilgacha, 3-5 yillik, 610 yillik turmush tajribasiga ega bo‘lgan oilalar), o‘rta, yetuk. 7. Er-xotinnging ma’lumot saviyasiga ko‘ra:oliy ma’lumotlar, o‘rta – maxsus, o‘rta, tugatilmagan o‘rta, maxsus yordamchi maktab ma’lumotiga 8. va turli saviyadagi ma’lumotga ega bo‘lgan qayliqlardantashkil topgan oila. 9. Nikohdan qoniqqanlik saviyasiga ko‘ra, ajralish saviyasida – nikohdan qoniqqanlik darajasi quyi saviyada bo‘lgan oila, o‘rta saviyada va nikohdan qoniqqanlikdarajasi yuqori saviyadagi oila. 10. Qayliqlarning ota – ona oilasi:(Ota – onasi) ning moddiy ta’minlanganlik darajasi jihatidan qudalarning bir – biriga mos ekanligi yoki ular orasida katta tafovut mavjudligi bo‘yicha bir – biriga mos va mos bo‘lmagan oilalar. 11. Oilada ayol yoki erkak yetakchiligiga ko‘ra: Er yetakchibo‘lgan oila, xotin yetakchi bo‘lgan oila. Er va xotin yetakchilikni birga bajaradigan (Biarxat) oila. 12. Oilada er-xotin orasida munosabatlarga ko‘ra: avtogritar, demokratik, liberal, aralash tipdagi oilalar. 13. Er – xotinlarning millatiga ko‘ra: Bir millatli yoki baynalminal oilalar, baynalminal oilalarni o‘z navbatida ikkiga bo‘lish mumkin.

14. Yuridik rasmiylashtirilganligiga ko‘ra:sinovdagi oila (birga yashashadi, ammo hali nikohni rasmiylashtirmagan, chunki bir– birlarini norasmiy nikohda sinashayapti), rasmiylashtirish arafasidagioila (birga yashashadi, oila ko‘rish maqsadi aniq ammo ayrim obyektiv sabablargi ko‘ra rasmiylashtirish kechiktirilayapti.), nikohnidagi oila, nikohdan tashqari oila. (ayrim erkak kishilarning ikkinchi, uchunchi, yuridik jihatdan norasmiy oilasi). Oilani turlarga bo‘lganda, turli olimlar turlicha yondashadilar. Masalan, Sank- Piterburglik olim S.I. Golod (1998) faqat er va xotin hamda ularning farzandlaridan iborat oilalarni tasavvur etgan holda ularning oila davrasidagi ijtimoiy nufuzlari va rollari nuqtai nazaridan oilani toifalarga bo‘lib o‘rganishni taklif etadi. Oila hayoti shaklining davrlari-oilaning shakllanishidan boshlab parchalanishigacha o‘zgarishlari dinamikasini tavsiflovchi kategoriya. Oila funksiyalari-oila va uning a’zolari yashashi va faoliyatini namoyon qilish usuli, oila funksiyalari tarixidir va jamiyatning ijtimoiy-iqtisodiy sharoitlari bilan chambarchas bog‘liq.  Oilaning hissiy-emotsional muloqot funksiyasi – bu uning o‘z a’zolari o‘rtasida muayyan iliq munosabatlarni saqlash, ular o‘rtasida mehr-oqibat, o‘zaro g‘amxo‘rlik, bir-birini qo‘llab-quvvatlash, sevish, sevilish kabi qobiliyatini namoyon etishidir.  Oilaning tarbiyaviy funksiyasi – madaniy, ma’naviy merosni avloddan- avlodga uzatish, yosh avlodni tarbiyalash, jamiyatni madaniy merosini ta’minlab turishdan iborat.  Jismoniy quvvatni ta’minlash funksiyasi – oila a’zolarining jismonan sog‘, tetik va o‘zini yaxshi his qilishlarini ta’minlashga bog‘liq bo‘lgan sharoitlarni nazarda tutad.  Ma’naviy muloqotni ta’minlash funksiyasi – odamning o‘z naslnasabi, ma’naviy-madaniy an’analari bo‘lishiga intilishidan kelib chiqadi.  Reproduktiv funksiya – bu oilaning nafaqat avlodlar, vorislarni yaratishga aloqador vazifasi, balki, shu orqali ota va ona bo‘lishdek baxtga muyassar bo‘lish,

davlatning esa tub aholi sonini muayyan miqdorda ushlab turishiga ham xizmat qiladi.  Baxt va tinchlik-xotirjamlikni barqarorlashtirish funksiyasi ham o‘ta muhim bo‘lib, aynan oila har bir a’zosining muammolarini yechish, uni tashqi turli ta’sirotlardan himoyalash, kerak bo‘lsa, unda himoya immunitetini shakllantirishga yordam beradi.  Iqtisodiy xo‘jalik funksiyasi – uy xo‘jaligini yuritish, oila a’zolarining moddiy, ma’naviy ehtiyojlarini qondirish. Demak, oilaning jamiyat oldidagi vazifa lari deganda, uning avvalo oila a’zolarining muayyan ehtiyojlarini qondirish hamda shu orqali davlat va jamiyatning ehtiyoj va manfaatlariga xizmat qilish qobiliyati tushuniladi. Masalan, ota ishlab chikarish korxonasida ertadan kechgacha mehnat qilar ekan, bu bilan u nafaqat o‘zining yeb-ichish, dam olish, turli xaridlarni amalga oshirishga yo‘naltirilgan ehtiyojini qondiradi, balki oila a’zolarini, birinchi navbatda farzandlari, uy bekasi bo‘lsa, turmush o‘rtog‘ining ehtiyojlarini, qolaversa, u yoki bu korxonadagi rentabellikning oshishi, iqtisodiy ko‘rsatkichlarning yuqori bo‘lishiga, shu orqali o‘z Vatanida ushbu sohaning rivojlanishiga hissa qo‘shadi.

Adabiyotlar ro‘yxati: 1. Karimova V. Oila psixologiyasi: Pedagogika oliy o‘quv yurtlari talabalari uchun darslik. – T.: 2008 – 152 b. 2. Shoumarov G‘.B. va b. Oila psixologiyasi. - T.: “Sharq”,2001 y.-272 b. 3. Andreyeva T.V. Semeynaya psixologiya. – SPb.: Rech, 2004.-244 s. 4. Karabanova O.A. Psixologiya semeynix otnosheniy i osnovi semeynogo konsultirovaniya: Uchebnoye posobiye. M.: Gardariki, 2005. 320 s. 5. Shnayder L.B. Semeynaya psixologiya: Uchebnoye posobiye dlya vuzov.2-ye izd. M.: Akademicheskiy proyekt. 2006. – 768 s.

Похожие

Logopsixologiya kursining predmeti maqsad va vazifalari

Tabiat bilan tanishtirish metodikasi fanining maqsad va vazifalari

Ta’lim psixologiyasi

Bolalar psixologiyasining umumiy masalalari

Bolalalarni maktab ta’limiga tayyorlash metodikasi fanining maqsad va vazifalari