Maktabgacha ta’lim muassasining turli yosh guruhlarida qurish yasashga o‘rgatish metodlari - Дошкольное и начальное образование - Рефераты

Maktabgacha ta’lim muassasining turli yosh guruhlarida qurish yasashga o‘rgatish metodlari

Загружено в:

20.09.2019

Скачано:

0

Размер:

471.15625 KB

Maktabgacha ta’lim muassasining turli yosh guruhlarida qurish yasashga o‘rgatish metodlari Reja: 1. Qurish - yasash mashg‘ulotlarini bola rivojlanishidagi ahamiyati. 2. Qurish - yasash materiallarining turlari. 3. Kichik guruhlarda qurish - yasashga o‘rgatishning vazifalari. 4. O‘rta guruhlarda qurish - yasashga o‘rgatishning vazifalari. 5. Katta guruhlarda qurish - yasashga o‘rgatishning vazifalari. 6. Maktabga tayyorlov guruhlarda qurish - yasashga o‘rgatishning vazifalari.

Qurish - yasash mashg‘ulotlarini bola rivojlanishidagi ahamiyati. Qurish-yasash lotin tilidan olingan bo‘lib, turli predmetlarni, qism va elementlarni ma’lum bir holatga keltirish, degan ma’noni bildiradi. Bolalarni qurish-yasashida qurilish materiallaridan, qog‘ozdan, karton, daraxt va boshqa materiallardan turli xil o‘yinchoqlar yasash o‘rgatiladi. O‘z xarakteriga ko‘ra bolalar qurish- yasashi ko‘pincha tasviriy va o‘yin faoliyati bilan o‘xshashdir–bu tevarak atrofda aks etadi. Bolalarning yasagan narsalari asosan amaliyotda ishlatiladi. Masalan: o‘yinlar, archani yasatish uchun, onalarga sovg‘a uchun. Qurish-yasash faoliyati–amaliy faoliyat bo‘lib, oldindan belgilangan, biror maqsadga qaratilgan real voqelikdir. Qurish-yasash faoliyatiga o‘rgatish jarayonida bolalarda aqliy, axloqiy, estetik va mexnat tarbiyasi yanada shakllanib boradi, hamda ularda tevarak-atrofdagi predmetlarni tahlil qilish ko‘nikmasi, mustaqil fikrlash, badiiy did, shaxsning irodaviy sifatlaridan (maqsadga intilish, qat’iylik va hokazo…) tarkib topa boshlaydi, bularni barchasi bolalarni maktabda o‘qishga tayyorlaydi. Maktabgacha ta’lim muassasasida bolalarni qurilish materiallari yordamida o‘yin va mashg‘ulotlar o‘tkazishning ahamiyati katta. Yosh avlodni har tomonlama tarbiyalashda maktabgacha ta’lim muassasasida qurilish materiallari yordamida o‘tkaziladigan o‘yin va mashg‘ulotlar katta o‘rin egallaydi. Bolalarning qurilish o‘yinlari rollarga bo‘linib, o‘ynaladigan o‘yinlarning ajralmas bir qismi hisoblanadi. Qurilish o‘yinlarida ham bolalar tevarak atrofdagi narsalarni, kattalarning faoliyatlarini aks ettiradilar. Qurilish o‘yinlarining mazmuni bolalarning o‘zlari yaratadilar. Bolalar ko‘pincha kattalarning qurilishdagi faoliyatlariga taqlid qilib,

«Quruvchi ishchi» rolini bajaradilar. Bolalarning qurilish o‘yinlari qiziqarli ijodiy faoliyatdir. Ular o‘z o‘yinlarida qurilishlarni transport harakati, kattalarning mexnati haqidagi taassurotlarini aks ettiradilar. Bunday o‘yinlar bolalarda tashabbuskorlikni uyg‘otishga, ularni fikr yuritish va harakat faoliyatlarini faollashtirishga keng imkon yaratadi. Mashg‘ulot va o‘yin vaqtida bolalar bir– birlari bilan turlicha munosabatda bo‘ladilar. Ular rollarni o‘zaro bo‘lishib oladilar, ishlarni bajarishda bir birlariga yordam beradilar va maslahatlashadilar. Qurilish o‘yinlarida harakat elementlari ko‘p bo‘lib, u bolalarning harakat qilishga nisbatan bo‘lgan talablarini qondirishga yordam beradi. Bola biror narsani qura boshlaganda qurilish materiallarini tegishli joyga olib boradi, ularni stol yoki pol ustiga joylashtiradi, engashadi, bu vaqtda uning qo‘llari faol harakat qiladi, ya’ni ma’lum miqdorda jismoniy kuch sarflaydi. Mayda qurilish materiallari bilan o‘ynaganda qo‘lning mayda muskullari yaxshi rivojlanadi. Qurilish o‘yinlari o‘ynash natijasida bolalarning kuzatuvchanligi ortadi, texnikaga bo‘lgan qiziqishlari o‘sib boradi. Bundan tashqari ular o‘yin jarayonida oddiy geometrik shakllarning tuzilishi bilan ham tanishadilar. Qurilish o‘yinlarining tarbiyaviy ta’siri bolalar aks ettiradigan xodisa va narsalarning g‘oyaviy mazmuni o‘z aksini topadi. Maktabgacha tarbiya yoshdagi bolalarda tafakkurning tahlil va sintez, taqqoslay bilish kabi jarayonlari hali sust rivojlangan bo‘ladi. Qurilish materialari yordamida o‘tkaziladigan o‘yinlar esa bolalarning tafakkurini, ijodiy qobiliyatini o‘stiradi. Tarbiyachining ko‘rsatgan narsasini esda saqlab qolish va uni qayta esga solish bolalarni narsalarni bir–biriga solishtirishga, tahlil va sintez qilishga, o‘xshashini topib qo‘yishga va farqini ajrata bilishga majbur qiladi va qurilishdagi vazifalarni pala– partish bajarmaslikka, tasodifiy xulosa bilan qoniqib qolmay, balki maqsadga muvofiq yo‘l tutishga o‘rgatadi. Bolalar bilimini mavzuli ravishda qurilish o‘yinlari faqat tevarak–atrofni bilib olish vositasigina bo‘lib qolmay, balki axloqiy sifatlarni tarbiyalovchi vosita hamdir. Bolalar bevosita kuzatayotgan qurilishdagi konkret misollar bolalarning o‘zbek xalqi o‘z mexnatini qanchalik sevishini tushunishlariga yordam beradi. Qurilish o‘yinlari orqali tarbiyachi bolalarda mexnatsevarlik, mustaqillik, o‘z ishiga javobgarlikni hissini tarbiyalab borishga harakat qilidi.

Bolalar jamoasini to‘g‘ri tashkil etishda qurilish materiallari bilan o‘tkaziladigan o‘yin va mashg‘ulotlar katta ahamiyatga ega. Qurilish materiallari bilan o‘tkaziladigan o‘yin va mashg‘ulotlar bolalarni maktabga tayyorlash ishini amalga oshirishda ham yordam beradi. Bu o‘yin va mashg‘ulotlar jarayonida bolalarda diqqatni bir joyga to‘plash, oldiga qo‘ygan maqsadga chidam va sabot bilan erishish, olgan bilimi va malakasi asosida ijodiy tashabbuskorlik ko‘rsatish xususiyatlari shakllanib boradi. Qurilish haqidagi asosiy bilimni bolalar qurish– yasash mashg‘ulotida egallaydilar. Ana shu mashg‘ulotlarda ular narsalarning elementar ko‘rinishlarini, qurilish qismlaridan maqsadga muvofiq foydalana olishni o‘rganadilar va qurilishni badiiy jihatdan bezashning oddiy usullarini o‘zlashtirib oladilar. Maktabgacha tarbiya yoshidagi kichik bolalar qurish–yasashga bir necha bor urinadilar, ular faqat qurilish to‘plamlaridagi materiallarni yapaloq tomoni bilan qo‘yib terib chiqadilar yoki bir-birining ustiga qo‘yadilar. Tarbiyachi bolalarni har xil narsalar qurishga o‘rgatgan bo‘lsa, kichik yoshdagi bolalarning qurilish o‘yinlarida u o‘z aksini topadi. Qurilish materiallari bilan o‘tkaziladigan o‘yin va mashg‘ulotlar uchun zaruriy sharoitlar. Bolalar qurish texnikasini yaxshi o‘zlashtirib olishlari uchun guruhlarda zarur shart– sharoitlarni yaratish lozim. Buning uchun avvalo guruhda yetarli miqdorda qurilish materiallari bo‘lishi, ya’ni hamma bolalar bir vaqtda yoki hech bo‘lmaganda yarim guruh bolalar mashg‘ul bo‘la oladigan darajada material bo‘lishi zarur. Namunaga qarab qurish mashg‘ulotida ham bolalarni materialdan cheklab qo‘ymay, balki har kimga keragini taqsimlab berish lozim. Material har doim zarur bo‘lganini olib ishlata bilishni o‘rgansinlar. Bolalar qurish– yasash malakalarini endigina egallay boshlaganlirida, ya’ni ikkinchi kichik guruhdan boshlab qurish mashg‘ulotlarini o‘tishga ruxsat beriladi. Mashg‘ulotlarda qurish–yasashga o‘rgatish uchun stol ustida o‘ynaladigan qurilish to‘plamidan foydalangan ma’qul, chunki bu qurilish materiallari bir vaqtning o‘zida ko‘pchilik bolalar qurib o‘ynash uchun yirik qurilish materiallaridan foydalaniladi. Bu materiallar bolalarni ko‘pchilik bo‘lib qurishga, o‘ynashga o‘rgatadi. Guruhdagi bolalarning

hammasi qurish usullarini yaxshi o‘zlashtirib olishlari uchun mashg‘ulot vaqtida stollarni har xil joylashtirish mumkin. Qurilishni yakka– yakka bajarayotganda stollarni odatdagi tartibda yoki P harfi shaklida terib qo‘yish mumkin, agar bolalar bir qurilishni guruh bo‘lib bajarsalar, 2-3 stolni birlashtirib qator qilib qo‘yish kerak. Mashg‘ulot vaqtida bolalarga qurilishning eng zarur usullari ko‘rsatiladi, shuning uchun mashg‘ulot uzoq cho‘zilmasligi (10–12 minutdan oshmasligi) kerak. Qurish–yasash mashg‘ulotlarini o‘quv yilining birinchi yarmida o‘tkazish maqsadga muvofiqdir, ikkinchi yarmida esa o‘yinlar bilan chegaralansa ham bo‘ladi. Bolalarni qurish–yasashning hamma usullarini ko‘rsatishdan иборат . Qurilishni qurishda qurish–yasashning hamma usullari ko‘rsatish va harakat bilan tushuntirish, tayyor qurilgan nushani ko‘rsatish va unga kirgan elementlarni tahlil qilish. Namuna sifatida qurilish materiallaridan nimalar yasash mumkinligini ko‘rsatuvchi tayyor qurilishdan foydalanish. Bolalar bino, inshootni qurishni bilib olishlari uchun (baland poydevorning ustini qanday bekitish, bir qismni qanday qilib boshqasi bilan almashtirish, tekislikni qanday kengaytirish va shu kabilar) qurilishning ayrim qismlarini ko‘rsatish. Tarbiyachi tomonidan bajarilayotgan qurilishning ayrim qismini davom ettirishni bolalarga taklif qilish. Quriladigan obyekt haqida tushuncha berish, masalan, qurilishning hajmini (katta–kichikligini) aniqlash, bunda kurilishning o‘yinchoqlarga mos bo‘lishini aytish. Bolalarni o‘zlari ijod qilib qurishga o‘rgatish uchun zarur sharoitlar va ashyolar bilan ta’minlangan bo‘lishi kerak. Qurish-yasash materiallarining turlari. Maktabgacha tarbiya muassasalarida bolalarga qurish-yasash faoliyatini o‘rgatishda qurilish materiali, konstruktor, qog‘ozdan, tabiat, tashlandik materiallaridan va boshqalardan foydalaniladi. Materialni turi qurish yasash turini aniqlab beradi. Qurilish materiali – mayda va yirik-geometrik figuralardan (kub, silindr, prizma va hokazo…) iborat. М ashg‘ulotlarda qurilish materiallaridan turli xil mayda to‘plamlardan foydalaniladi. Mashg‘ulot

paytida materiallar ko‘p bo‘lishi kerak. Tarbiyachi qurilish materiallaridan qurish- yasash faoliyatini tashkil etayotgan odam, hayvon, o‘simlik va transportni ifodalovchi mayda o‘yinchoqlarni tanlashi maqsadga muvofiqdir. Maktabgacha tarbiya yoshidagi bolalar tevarak atrofdagi konkret narsalarni, ya’ni quyon uchun uy, mashinalar va yulovchilar uchun ko‘prik yasaydilar. O‘yinchoqlarni qurish-yasashda ishlatish katta ahamiyatga ega, o‘yin faoliyatini rivojlanishiga katta ta’sir ko‘rsatadi. Qurilish materiallarni ma’lum bir shkaflarda, tartib bilan saqlanadi. К onstruktorlar. К atta maktabgacha yoshdagi bolalar mashg‘ulotdan tashqari konstruktorlardan (taxtali, plastmassa, metall va keramika) foydalanadilar. Bu to‘plamlar orqali turli konstruksiyalar yasash mumkin. Т arbiyachi rahbarligida bolalar oddiy birlashtirish usulidan suratlar bo‘yicha turli xil harakatli konstruksiyalar yasaydilar. Asosiy diqqat bolalarni ma’lum qismlarini birlashtirish malakalarini shakllantirishga qaratiladi. Bunda bolalarni qo‘llarini muskullari ishtirok etadi, bu yoshda qo‘l muskullari xali yaxshi rivojlanmagan bo‘ladi. Tarbiyachi avval konstruktor yig‘ishni metodik ko‘rsatmalarini o‘rganadi. Т arbiyachi rahbarligida qurilish materiali va konstruktorlar bolalarga ketmaket beriladi. Katta maktabgacha yoshdagi bolalar mashg‘ulotdan tashqari vaqtda turli xil konstruktorlardan:yog‘ochli, platmassali va metalldan tayyorlangan konstruktorlardan foydalanadilar. Bu to‘plamlar yordamida qismlarning joylashtirilishi ancha murakkab bo‘lgan qurilmalar yasaydilar. Tarbiyachi rahbarligi ostida bolalar yangi birlashtirish yo‘llarini va turli xil xarakterdagi konstruksiyalarni rasmga, chizmaga qarab yaratishga o‘rganadilar. Bu ishlarni bolalarga taklif etishdan oldin, tarbiyachining o‘zi bu konstruktorlar, ularga berilgan metodik ko‘rsatmalar bilan yaxshilab tanishib, o‘rganib chiqishi zarur. Bolalarga qurilish materiallari va konstruktorlar to‘plami hammasi birdaniga berilmaydi, balki asta-sekin, ketma-ket bolalarning o‘zlashtirishlariga qarab beriladi.

Kichik guruhlarda qurish-yasashga o‘rgatishning vazifalari . Bolalarga qurilish materiali – kubik, g‘ishtcha, turli xil shakldagi shakllar bilan, ularning qanday holatda joylashganligi (g‘ishtcha yotibdi, turibdi) bilan tanishtiriladi. Bundan tashqari kubiklarni gorizontal holda joylashtirish, bir-birini ustiga qo‘yish, darvoza, uycha qurish kabilar ham o‘rgatiladi. Tarbiyachi qurilmalar va tevarak olamdagi tanish predmetlar o‘rtasidagi o‘xshashlikni topishni bolalardan so‘raydi. Bolalarga asosiy qurilish materiallarini (kubik, g‘ishtcha, plastilin) farklash bilan birga ularni nomini aytish, katta, kichik, uzun, qisqa, baland, past kabi so‘zlarni ma’nosini tushunib aytish, g‘ishtchalarni orasini teng masofada joylashtirish kerakligi tushuntiriladi. Bolalarga 8-10 qurilmalar qurish o‘rgatiladi: mebel (stol, stul, divan, krovat), zinapoya, ko‘prik, uycha. Birinchi mashg‘ulotlarda bolalar oldingi guruhlarda yasalgan qurish-yasash ishlarini qaytaradilar, so‘ng bolalar mebel ko‘radilar. Avval bolalar alohida predmetlarni turli variantlarda, so‘ng 2-3 qurilmalarni birdaniga qurishni o‘rganadilar (stol va stul, divan va hokazolar). К eyingi mashg‘ulotda bolalar katta uy quradilar, 3-4 kubiklardan, so‘ng 6 kubik yoki g‘ishtchadan zinapoya quradilar. Ishning keyingi etapi – ko‘prik qurish, 2 kichik prizmadan ko‘prik qurish. Dastlabki mashg‘ulotlar g‘ishtchalarni 1 tekisda yo‘lakcha qilib terib chiqish malakalarini rivojlantirish, mustahkamlashga qaratiladi. Bolalar qisqa yo‘lka, keng yo‘lkalar quradilar. Keyinchalik tramvay yo‘li qurishni bolalardan talab qilish mumkin. Bu mashg‘ulotlarning asosiy maqsadi–bolalarga g‘ishtchalarni bir tekislikda joylashtirishga va uzun-qisqa, tor-keng kabi tushunchalarini o‘rgatish. Keyingi mashg‘ulotlarda bolalar g‘ishtchalarni vertikal holda joylashtirishni o‘rganadilar. Shundan keyin bolalarga tarbiyachi darvozani turli variantda yasashga o‘rgatadi. G‘ishtchalardan, kubik, plastilindan, bularni bolalar ma’lum ketma-ketlikka asoslangan holda bajaradilar. Tor- keng, baland-past tushunchalari darvoza qurish jarayonida bolalarga tushuntirib boriladi: keng darvoza – yuk mashinasi uchun, tori esa – yengil mashina uchun, baland darvoza – katta qo‘g‘irchoq uchun, pasti esa – kichik qo‘g‘irchoq uchun mo‘ljallangan. Bolalarga bir necha mashg‘ulot davomida mavzuli ravishda uychani yangi konstruksiyasi berib boriladi. Tarbiyachi har gal

yangi konstruksiyani oldingi konstruksiya bilan solishtiradi, ular o‘rtasidagi o‘xshashlik va farqlarini topadi. Bolalarni namunaga qarab uychani qurish malakasi hosil bo‘lganligini tekshirish uchun, namunani o‘zlari mustaqil tarzda qurib berishlarini tarbiyachi iltimos qiladi. Masalan: tarbiyachi boladan xuddi namunada qurilgan uychani, faqat baland qilib qurib berishni so‘raydi. Masalaning bu turi bolalarda aqliy faollikni yanada oshiradi. Birinchi kichik guruhda tarbiyachi dastavval bolalarni qurilish materiallari– kub, g‘isht, bilan ularning shakli katta- kichikligi, tekis stol yuzasida turlicha joylanishi (ya’ni, g‘isht yotibdi, g‘isht turibdi) va uning mustahkamligi, holatiga bog‘liq ekanligi bilan tanishtirib boradi. G‘ishtlarni ketma-ket gorizontal joylashtirib (poyezd, yo‘lkacha) bir-biri ustiga qo‘yish orqali oddiy to‘siqlar (darvozalar, uylarni) qurishga o‘rgatib boriladi. Tarbiyachi bolalarni o‘z qurilmalari bilan hayotdagi tanish predmetlar o‘rtasidagi o‘xshashlikni topishga, aniqlashga o‘rgatib boradi. Ikkinchi kichik guruhda bolalarni faqatgina qurilish qismlari (kub, g‘isht, plastina) ni bilishga farq qilishga ularni to‘g‘ri atashga o‘rgatib boriladi. Masalan: katta-kichik, o‘zun-qisqa, past- baland g‘ishtlarni bir biridan bir xil masofada doyra, to‘g‘ri to‘rtburchak bo‘ylab (panjara) ularni ensiz tomoni bilan qo‘yib chiqishga o‘rgatib boriladi. Birinchi kichik guruhda bolalarni 8-10 oddiy bo‘lgan qurilmalarni barpo etishga o‘rgatiladi, (stol, stul, divan, krovat, minoracha, ko‘prikcha, uycha, tramvay) kabilarni qurishga o‘rgatiladi. Dastlabki mashg‘ulotlarda bolalar oldingi guruhda bajarilgan qurilmalarni qaytaddan qurdilar, so‘ng mebel qurishga o‘rganadilar. Oldin bu predmetlar alohida turli xil variantlarda quriladi, so‘ng bolalarga birato‘lasiga 2-Zta qurilmalarni qurish taklif etiladi. Stol, stullar, stol va divanlar, bu qurilmalar bilan bolalar o‘yin o‘ynashlari uchun bolalarga turli xil qo‘g‘irchoqlar, idishlar beriladi. Keyingi mashg‘ulotlarida bolalar uycha, qurishlar uchun 3-4 kubikdan bir-birining ustiga qo‘yish 3 yoqli prizma bilan ustini qoplash orqali quradilar. So‘ng kubikdan yoki g‘ishtdan yuqoriga taxlash orqali narvoncha quradilar. Bolalar bu qurilmalarni qurish yo‘llarini o‘zlashtirib olishgach, ular tarbiyachining so‘zi orqali qurilmalarni

qurishga 2 ta kubikdan plastinalar va ikki kichik uch yoqli prizma yordamida ko‘prik o‘rganadilar. Tarbiyachi bolalarni bog‘cha uchastkasida va guruh hovlisida mashg‘ulot jarayonida o‘rgangan qurilmalarni ko‘rib, ular bilan o‘yinlar o‘ynashga nisbatan qiziqish uyg‘otish kerak. Ikkinchi kichik guruhda dastlab birinchi kichik guruhda olgan bilim va malakalari mustahkamlanadi. Bolalar keng va tor yo‘lkachalarni, g‘ishtlarni qatorasiga tekislikda joylashtirish orqali quradilar. Keyinchalik poyezd uchun har bir bola kalta yo‘lkachani, hammasi bir bo‘lib poyezd yo‘lini quradilar. Bu mashg‘ulotlardan maqsad bolalarni g‘ishtchalarni tartibli qilib bir-biriga ulashga yoki birlashtirishga ularning fazoviy belgilarini to‘g‘ri atashga uzun qisqa, kengtorligini o‘rganadilar. Keyingi 2-3 ta mashg‘ulotlarda bolalarni g‘ishtlarni bir-biriga zich yoki ma’lum bir oraliqda vertikal joylashtirishga o‘rganadilar. Bunda g‘ishtlarni uzunasiga yoki ensiz qisqa tomoni bilan joylashtirishga o‘rganadilar. Masalan: shu maqsadda bolalar o‘z hayvonlari o‘rdakcha, kuchukcha uchun panjaralar quradilar. Keyingi mashg‘ulotlarda bolalar darvozalarning turli variantlari bilan tanishadilar. Bularni kub va plastinalardan quradilar. Tarbiyachi bolalarni keng va tor haqidagi tushunchalarni egallashlari uchun, yuk mashinasi uchun keng darvoza yengil mashina uchun tor darvozalar qurishni taklif etadi. Bitta qurilma qismlarni o‘zgartirish orqali uning qurilish yo‘llarini o‘zgartirish mumkinligini bolalalarga tushuntirish maqsadida tarbiyachi bir nechta mashg‘ulotlar uyushtiradi. Har bir mashg‘ulotda qat’iy sismavzu asosida yangi qurish konstruksiyasi bilan tanishtiriladi va uni eski konstruksiya bilan solishtirilib, ular orasidagi farq aniqlashtiriladi. Bolalar tarbiyachining namunasiga qarab qurishni o‘zlashtirib olishgach, tarbiyachi bolalar oldiga xuddi shunday uycha ammo balandroq yoki uzunroq qilib qurishni taklif etishi mumkin. Avvalo, tarbiyachi shu konstruksiyani saqlab qolib, faqatgina uni uzunroq yoki balandroq qilib qurish yo‘llarini oldindan tushuntirib beradi. Bu esa bolalarni aqliy faolligini o‘sishga olib keladi. Birinchi va ikkinchi kichik guruhda bolalarni qurishga o‘rgatishda kublar, g‘ishtlar, plastina va uch yoqli prizmalar to‘plamidan iborat qurilish to‘plamlaridan foydalanadilar. Yil davomida tarbiyachi birinchi kichik guruhda to‘rtta oltitadan bo‘lib mashg‘ulotlarni uyushtiradi. Asta-sekin guruhchalar soni ko‘paytiriladi, yilning ikkinchi yarmidan boshlab butun guruh bolalari bilan o‘tkaziladi. Kichik guruh bolalarini qurishga o‘rgatishda turlicha metodlardan foydalaniladi. Bolalarni nimani qurish va qanday qurish kerakligi bilan tanishtiriladi. Shu maqsadda tarbiyachining qurish namunasidan qurish yo‘llarini ko‘rsatish va to‘g‘ri tushuntirish jarayoni bilan birgalikda foydalaniladi.

Bolalarni u yoki bu qurilmani qurishda o‘rgatishdan oldin tarbiyachi bolalarni o‘sha predmet, uning qismari bilan ularning amaliy belgilari bilan tanishtirib boriladi. Masalan: tarbiyachi sayr vaqtida bolalar bilan arg‘imchoqni kuzatadi, u ikki qismdan iborat: birinchi qism zinapoya, ya’ni bolalarning tepasiga chiqishlari uchun, ikkinchi qismi esa tushishi uchun sirg‘aluvchi qismi. Bunday maqsad sari ko‘rib chiqishlar, uyushtirishlar yordamida bolalar bu narsalarni o‘z qurilmalarida ijobiy hal qilishlariga yordam beradi. Tarbiyachi bolalarni qurishga o‘rgatishda o‘z namunalarini ko‘rib tahlil qilib chiqadi. Oldin namuna yaxshilab ko‘rib chiqiladi, butun bir holda, so‘ng esa ularni qismma-qism ko‘rib chiqiladi. Masalan: uycha devorlari, to‘siqlari va tomi. So‘ng ularning shakllari va birbiriga nisbatan joylanishlari ko‘rib chiqiladi. So‘ng har bir qismning qaysi qismlardan qurilganliklari ko‘rib chiqiladi. Masalan: uychaning tomi, qatorma-qator quyilgan prizmalardan iborat va h.z. Namunaning bunday tartibda ko‘rib chiqish, qurilmani bunday bunyod etishda ketma-ketlikka rioya

qilishga yordam berib, bolalar uchun ham qurish yasash jarayonini ancha osonlashtiradi. Tarbiyachi bolalarni qurish yasashning texnik usullariga o‘rgatishda, bolalarni o‘zlari mustaqil ravishda harakat qilishlari uchun qurish yasashning xilma- xil variantlaridan va uni qurishning turli yo‘llaridan foydalanishga o‘rgatib boriladi. Bu vaqtda tarbiyachi reproduktiv va evristik metodlardan birgalikda foydalanadi yoki qo‘llaydi. Har bir mashg‘ulot oxirida tarbiyachi bolalarni o‘zi qurgan ishlarini yoki qurilmalari bilan o‘yin o‘ynashlari uchun ikki-uch minut ajratib beriladi bu esa bolalarda o‘yin jarayoniga nisbatan qiziqishni uyg‘otadi, unda foydalanadigan o‘yinchoqlar esa bolalarni qurish-yasashga chalg‘itmay, balki qurish yasashga nisbatan qiziqish havas paydo qiladi. Tarbiyachi bolalarni qurilish materiallari qismlari nomini faqatgina mashg‘ulotlarda emas, balki mashg‘ulotdan keyin ularni yig‘ib qo‘yish jarayonida ham bu narsani ham amalga oshiradi. Masalan: qurilmalarni yig‘ib terganda, oldin kublar, so‘ng plastinalarni va bolalar qurish-yasash jarayonida she’r, qo‘shiqlardan, ertaklar mazmunidan ertagida ular mebel qurishda foydalanish bolalar qurilish ishlarini yana ham qiziqarli bo‘lishiga olib keladi. Shuningdek, qurish-yasash jarayonida ba’zi bolalarga savollarni amaliy harakat о rqali berish mumkin. Agarda ko‘ngilli bolalar vazifani bajarishga qiynalsalar yoki bilmasa unda tarbiyachi qaytatdan tushuntirib beradi. Bolalar ishlarini tahlil qilishda faqatgina bolalar ishlaridan toza va tug‘riligi ko‘rsatib o‘tilmay balki barcha jarayon, ya’ni, namunani qanday ko‘rib chiqishligi material qanday tanlanganligi ayrim harakatlar qanday bajarilganligi haqida tarbiyachi gapirib o‘tadi. Har bir mashg‘ulotdan so‘ng tarbiyachi bolalarga qurilmani qanday joy-joyiga taxlashni, qanday ish qo‘yishni mavzuli ravishda ko‘rsatib beradi. Qurish-yasashning oddiy qurilmalarini yasashda bolalar texnik malakalarga ega bo‘ladilar; Yilning boshida kichik guruhda o‘tilgan mavzularni takrorlovchi mashg‘ulotlar o‘tkaziladi. Masalan: Darboza qurish (keng-tor, baland), mebel, o‘yinchoqlarni kattaligiga qarab garaj qurish. Tarbiyachi garaj qurib ko‘rsatishdan avval bolalarga mashinani katta-kichikligiga e’tibor berishni iltimos qiladi. Yuk mashinasi uchun katta garaj, yengil mashina uchun kichik garaj qurish kerak. Keyingi mashg‘ulotlarda bolalar tarbiyachini ko‘rsatmasi va namunasi asosida ko‘prik, avtobus, yuk mashinasini ko‘ra boshlaydilar. Shunda bolalar silindr bilan,

undan qurilmada qanday foydalanish kerakligi bilan tanishadilar. Har bir qurilmani o‘rganish uchun bir nechta mashg‘ulotlar o‘tkaziladi. Dastlabki mashg‘ulotlarda bolalar namuna bo‘yicha, keyingilarida esa mustaqil qurishni o‘rganadilar. Masalan: Bolalar namuna bo‘yicha ko‘prik qurishni o‘rganib bo‘lganlaridan so‘ng, ularga mustaqil tarzda baland, keng ko‘prik qurish taklif etiladi. Bunda bolalar o‘zlari qurilish materiali tanlab, ko‘prikni konstruksiyasini o‘ylab topadilar. Har bir mavzu, konstruksiya borgan sari murakkablashib boradi. Har bir mashg‘ulot tarbiyachi rahbarligida olib boriladi, ba’zi bir variantlarni bolalar o‘zlari mustaqil bajaradilar, shu orqali bolalarda mustaqil fikrlash malakasi rivojlanadi. Yilning ikkinchi yarmida bolalar o‘z o‘ylagan, istagan narsalarini yasashlari mumkin. Bundan maqsad hosil bo‘lgan malakalarni mustahkamlash, mustaqil fikrlashga o‘rgatish va o‘ylagan narsalarini ijodlarida qo‘llashga o‘rgatish. Birinchi va ikkinchi kichik guruhlarda qurish-yasashga o‘rgatishning metod va usullari. Birinchi va ikkinchi kichik guruhlarda kubiklar, g‘ishtchalar, plastilin, prizmalardan foydalaniladi. Yil boshida tarbiyachi 4-6 nafar bolalar guruhi tashkil qiladi. Sekin-asta guruhlar soni ko‘payib boradi, yilning 2 yarimida esa mashg‘ulotlar butun guruh bilan birgalikda olib boriladi. Kichik guruhda qurish- yasashga o‘rgatishda tarbiyachi turli metodlardan foydalanadi. Asosiy metodlar innavatsion-retseptiv va reproduktiv metodlardir. Bolalarga nimani, qanday yasash kerakligini tushuntiriladi, tarbiyachi bolalarga namuna ko‘rsatib, to‘la tushuncha beradi. O‘rgatishdan avval tarbiyachi tasvirlanadigan predmetni yaxlit o‘zini, uning qismlarini bolalarga to‘laligicha ko‘rsatib tushuntiriladi. Bolalar predmetni kuzatishlari asosida o‘z qurilmalarini ko‘radilar. М asalan: Tarbiyachi sayr vaqtida bolalarga avval zinapoyadan tepalikka ko‘tarilib, so‘ng sirpanib tushish kerakligini aytadi. Mashg‘ulotni boshida namuna yaxlitligicha ko‘rsatiladi. So‘ng namunani qismlari, uning shakli qanday, joylashganligi tushuntiriladi. (Uyning– devori, tomonlari, tomi va hokazo) Tarbiyachining bunday tushuntirishi bolalar ishini ancha osonlashtiradi. Bolalar olgan bilimlari asosida o‘z qurilmalarini mustaqil tarzda yasay olishlari kerak. Shuning uchun biror bir qurilmani turli xil variantlarda ko‘rib ko‘rsatish lozim. Har bir mashg‘ulot yakunida tarbiyachi bolalarga bu qurilma bilan qanday o‘ynash mumkinligini ko‘rsatadi. (2-3 min)

Bu paytda bolalarda o‘yin faoliyatiga qiziqish uyg‘onadi. Bu o‘yin faoliyati bolalarni qurish-yasash jarayonidan chalg‘itadi, lekin kichik guruhda bu yanada qiziqarli o‘tishi uchun tarbiyachi bolalar bilan ishlaganda ertak parchalari, topishmoq she’rlardan keng foydalanishi lozim. Bu tarbiyachining mahoratiga bog‘liq. Tarbiyachi qurish-yasash jarayonida bolalarni ishlarini to‘g‘ri bajarishlarini, materialdan to‘g‘ri foydalanishlarini kuzatib boradi. Agar tarbiyachi bolalarni biron bir xatolarini ko‘rsa, u paytda qaytadan tushuntirib, ko‘rsatib berishi mumkin. Bolalarni ish faoliyatini tahlil qilganda tarbiyachi faqatgina natijalarnigina emas, balki bolalar namunani qanday ko‘zatganliklari, materialni tanlab, bajara olishlarini ham hisobga oladi. Mashg‘ulot yakunida pedagog bolalarga qurilish materiallarini yig‘ib joyiga joylashni ham ko‘rsatib beradi. O’rta guruhlarda qurish-yasashga o‘rgatishning vazifalari. O‘rta guruhda bolalarga tanish bo‘lgan qismlarni (kubik, g‘ishtcha, plastilin) nomlash bilan birga, uni bir-biridan farqlashga ham o‘rgatiladi. Bolalar qurilmalarni mustaqil tahlil qilishni o‘rganadilar: uning asosiy qismlarini ajratish, uni katta kichikligi, tuzilishini farqlash, narsalarni qanday joylashganligini o‘rganadilar. Bolalar kichik guruhda tarbiyachini namunasi asosida ko‘rgan bo‘lsalar, o‘rta guruhda esa, mavzuni nomlanishi, o‘zlari o‘ylaganlari bo‘yicha quradilar. Shuning uchun bolalar diqqati qurilmani oldindan rejalashtirib, unga kerakli bo‘lgan shakllarni tanlashga qaratiladi. O‘rta guruhda qurish yasash predmetlarini farqlash, ularni xususiyati bilan tanishish, shu xususiyatiga asoslanib predmetlarni guruhlarga ajratishni o‘rganadilar. Qurilmalarni qurish ishning ketma-ketligini rejalashtirishga bolalarni oldindan qismlarni shakliga, katta-kichikligiga va mustahkamligiga qarab tanlashga o‘rgatilib boriladi. Bularni qurish jarayonida bolalar silindr nomini to‘g‘ri aytishga uni o‘z o‘rnida to‘g‘ri foydalanishga o‘rganadilar. Bolalarning har bir konstruksiyasini o‘zlashtirib olishlari uchun bir necha mashg‘ulot o‘tkaziladi. Birinchisida bolalar namunaga qarab qurishga o‘rganadilar, keyingi mashg‘ulotlarda esa, bu namunani o‘zlari mustaqil xal qilishga ya’ni

konstruktiv masalani xal qilishga o‘rganadilar. Masalan: bolalar namuna asosida ko‘proq, qurishni o‘rganib olishgach, masalan, ko‘prikning tayanch qismini, ko‘prik qurilamlarini va mashinalar uchun plastik qismi, ya’ni tushuvchi qismini bilib olishgach, uni qurish uchun qanday qismlardan foydalanish kerakliginio‘rgatish orqali bolalarga shu usulda ko‘prik, ammo baland yoki keng ko‘prik qurish tavsiya etiladi. Keyinchalik, bolalar o‘zlarida bor bo‘lgan qurilish materiallaridan keng foydalanib, o‘zlari yangi ko‘prik konstruksiyasini o‘ylab topadilar. Tarbiyachining rahbarligida bolalar bitta konstruksiyani bir necha murakkablashgan ko‘rinishlarda qurishga o‘rganadilar. Bu esa bolalarda qurishning turli yo‘llari haqidagi tasavvurlarini shakllantiradi, fikrlash qobiliyatlarini o‘stiradi. Yilning ikkinchi yarmidan boshlab bolalarga yuqoridagi vazifalardan tashqari, bolalarga o‘z ixtiyorlari bo‘yicha qurish yasashlar beriladi. Bu ixtiyoriy qurish mashg‘ulotlari davomida bolalar qurish bo‘yicha olgan bilim malakalari rivojlanadi, mustaqillik va tashabbuskorliklar o‘sadi. O‘z maqsadlarini va qurish yasash ishlarida amalga oshirish o‘quvlari shakllanadi. Mashg‘ulotlarini uyushtirganda turli-tuman mayda o‘yinchoqlardan (odamlar, hayvonlar, o‘simliklar, transport) foydalanadilar. Bu esa bolalar qurilish o‘yinlarini yanada boyitadi, uni maqsad sari yo‘naltiradi va o‘yin faoliyatlarini yanada rivojlanishiga olib keladi. Qurilish materiallari alohida-alohida bo‘lakchalarga yoki bo‘limlarga ajratilgan shkaflarda saqlanishi mumkin. Har bir qurilish materiallarining turi bir- biridan alohida saqlanadi, tuzilishiga, ya’ni shakliga qarab, chunki bolalar o‘zlari tezda va osonlikcha kerak qurilish materiallarini ajratib oladilar va har bir shaklni tezroq, o‘zlashtirib olishlariga yordam beradi. Yilning ikkinchi yarmidan “Shaharcha” mazmunli to‘plamidan foydalaniladi, bu nabor prizma, kubik va daraxt siluetlaridan iborat. Tarbiyachi bolalarga yangi bilim berayotganda, bolalarga illyustratsiyani ko‘rsatib, uning asosiy qismlarini ajratib ko‘rsatadi. Namunani kuzatish paytida tarbiyachi bolalarga ular o‘rtasidagi farq, o‘xshashlikni tushuntirib beradi. Bolalarni tahlil qilishga jalb qilish lozim, qurilma nimadan iborat, uning qismlari qaysi qismlardan iboratligi so‘raladi. Tarbiyachi agar bolalar xato qilsa to‘g‘rilaydi, qiynalsa yo‘llanma beradi. Tarbiyachi bolalarga ko‘prik

konstruksiyasini o‘ylab topish vazifasini berayotganda bolalar bilan qisqa suhbat o‘tkazadi: ko‘prikni asosiy qismlari nimadan iboratligi eslatib o‘tiladi. Mavjud materialdan qurilma uchun kerakli bo‘lgan qismlarni tanlab olish taklif etiladi. Qurish-yasash mashg‘ulotida bolalarga tanish bo‘lgan materiallar stol ustiga qo‘yiladi, uni yoniga turli xil mayda o‘yinchoqlar: qo‘g‘irchoq, hayvon, transport terib qo‘yiladi. Mashg‘ulotni boshida tarbiyachi bolalarni nima yasamoqchi ekanliklarini, kim uchun, qanday materialdan foydalanishlarini bilib oladi. Buning uchun bolalar kerakli materialni tanlab olib, keyin qurishni boshlashlari lozim. Tarbiyachi bolalar ishini kuzatib, ularga yordam beradi, rag‘batlantiradi. Bolalarni o‘zlari o‘ylab topgan qurilmalarni asosan tahlil qilinadi. Bolalarni qurish-yasashga o‘rgatishda tarbiyachi har bir bolaga berilgan vazifani mustaqil bajarishga imkoniyat beriladi. Katta guruhlarda qurish-yasashga o‘rgatishning vazifalari. Katta guruhda predmetni tahlil qilish ularni xarakterli, belgilarini solishtirishga o‘rgatib boriladi. Bu guruhda o‘rgatish faoliyatining oddiy elementlari katta ahamiyatga ega; ya’ni vazifaning tushunishi ularni mustaqil bajarishi. Bolalarga so‘zlab berish orqali qurish-yasashga o‘rgatadi. Tarbiyachi bolalarga o‘z so‘zlari orqali mavzuni rasm, illyustratsiyalar ko‘rsatib tushuntirib beradi. Asosiy diqqat bolalarni o‘z o‘ylaganlari bo‘yicha ishlashga qaratiladi. Bolalarda qurilmalarni mustahkam qurish g‘ishchalarndan ustuncha qurish kabi yangi malakalar shakllanadi. Jamoa qurilmalarni qurishda (hayvonot bog‘i, ko‘cha, bolalar bog‘chasi) bolalar bir birlari bilan birga bajaradi. Yuqoridagi malakalarni bolalar turli qurilmalarni yasashda egallab boradilar. Ba’zi qismlarni almashtirib yasash uchun turli mavzular tanlanadi: uylar, transport, ko‘prik. Bu paytda tarbiyachi mavzuni nomlashni bolalarga aytadi. Shundan so‘ng tarbiyachi tayyor qurilmani bolalarga ko‘rsatib, xuddi shunday bajarishlari kerakligini aytadi. Bunday mashg‘ulotlarda bolalar bor bo‘lgan materiallardan mustaqil ravishda konstruktiv vazifalarni bajarishni o‘rganadilar. Bolalarda oldindan, quriladigan materialni oriyentirlash malakasini shakllantirish uning devorchalar qurishyasash mashg‘ulotlarini o‘tkazish mumkin. Dastlabki mashg‘ulotlarda bolalarga oddiy vazifa, ya’ni devorni na’muna orqali qurish vazifasi beriladi. Tarbiyachi ustunchalarni qurish, so‘ng g‘ishtchalarni to‘g‘ri joylashtirishni ko‘rsatadi. Keyingi mashg‘ulotda esa bolalar 2 uy quradilar. Bu vazifa na’munasiz bajaradi. Vazifani shu tariqa berilishi va uning asta-sekin murakkablashtirib borish bolalarni keyingi bo‘ladigan faoliyatga tayyorlab beradi. «Tepalik qurish» mashg‘ulotlarda bolalar avval tarbiyachini na’munasini ko‘rib,

tepalikni balandligini belgilab oladilar. Shundan so‘ng bu tepalikdan kaptokchani dumalatib ko‘radilar. Tarbiyachi bolalarga tepalikni baland, pastlikka ko‘ra koptokchalarni tezva sekin dumalatishni tushuntirib beradi. Bolalarga topshiriq beriladi, ya’ni baland tepalik va past tepalik qurish. Bu mashg‘ulotdan bolalar koptokchani tez yoki sekin dumalatish tepalikni baland pastlikga bog‘likligini aniqlaydilar, ya’ni baland tepalikdan koptok tez dumalaydi, past tepalikdan esa sekin dumalaydi. Bunday mashg‘ulotlar bolalarni mustaqil fikrlash qobilyatini o‘stiradi. Katta guruhlarda qurilish materiallaridan, naborlaridan foydalanish mumkin. Bolalar namuna orqali tasvirlaydilar, tarbiyachi tushuntiradi, sayrda maqsadga qaratilgan kuzatishlar olib borishadi. Tarbiyachi bu metodlar yordamida bolalarda mustaqillikni rivojlantiradi. So‘zlashuv usuli ham bolalarda faollik, mustaqillikni o‘stiradi. Tarbiyachi mavzu nomini aytib namunani ko‘rsatadi (kema). Bolalar modelni kuzatib topshiriqni bajaradilar. Tarbiyachi esa oldindan bir qancha qismlarni to‘playdi va ularni bolalar oldinga qo‘yadi. Topshiriqni bajarayotganda tarbiyachi bolalarga savollar berib, bolalarni mustaqil faoliyatga undaydi. Tarbiyachi bolalarga gapirib berishini o‘rgatgandagina ular o‘zlari o‘ylaganlari bo‘yicha qurilmalarni qurishlari mumkin. Qurilmalarni tahlil qilayotganda shuni ko‘rsatib o‘tish kerakki, bir predmetni turlicha qilib qurish mumkin. Maktabga tayyorlov guruhlarda qurish-yasashga o‘rgatishning vazifalari. Tayyorlov guruhda bolalarga predmetni umumiy va individual xususiyatlarini ajratishga o‘rnatiladi. Bolalar narsalarning qismlarini proporsiyasini, simmetriyasini aniq chamalashga, narsalarni chiroyli bezashni o‘rganadilar. Bu yoshdagi bolalar oldindan ko‘rmoqchi bo‘lgan narsalarini tasavvur qilib, uni qanday tuzilishini gapirib bera olishlari kerak, buning uchun qanday materialni tanlab, ishni qanday bajarilishini bilishlari lozim. Tarbiyachi bolalarga kompleks narsalarni kollektiv bo‘lib qurishni, guruh bilan qurishni o‘rgatib boradi. Bolalar bundan tashqari mavzuni aniqlab, kerakli materiallar tanlash, bir-birlari bilan maslahatlashib birga fikrlab qurishni o‘rganadilar. Tayyorlov guruh tarbiyalanuvchilari berilgan topshiriq bo‘yicha, rasmlar orqali murakkab bo‘lgan turli narsalarni yasaydilar. Qurish - yasash jarayonida predmetlar shakli orasida bog‘liqlikni o‘rganish, ularni qo‘llanilishi alohida qismlarni katta-kichikligi, konstruksiyasini bolalar egallab boradilar. Tayyorlov guruhda bolalar transportning turlari bilan, binolar bilan tanishish katta ahamiyatga ega. Pedagog asosiy diqqatini binokorlarni nima uchun qo‘llanilishga (aytiladi) qaratiladi. Bolalar olgan bilimlarini o‘z ishlarida qo‘llaydilar. Tayyorlov guruhda

bolalar predmet shakli o‘rtasidagi bog‘liqlikni o‘rganadilar. Tarbiyachi mashg‘ulot o‘tishdan avval bolalarni transportni turi bilan tanishtiradi. Bundan tashqari bolalar kemalarni turlari bilan ham tanishadilar: katta va kichik, yuk, harbiy, passajir kemalari. Tarbiyachi kemalarni turlarina solishtirib bolalarga tushuntiradi; tez yurar kemalar, uzun ingichga asosga ega, yuk kemasi-keng asosli, passajir kemasi harbiy kemaga qaraganda keng bo‘ladi. Birinchi mashg‘ulotda bolalar harbiy kema, keyingisida passajir kemasini yasaydilar. Shu chizma asosida “shahar transporti” mavzusida mashg‘ulot o‘tkaziladi. Kuzatish paytida bolalarda shahar transportining turli-tumanligi haqida tasavvuri rivojlanadi. Tarbiyachi transportning har bir turini nima uchun qo‘llanilishi takidlab o‘tadi. Keyinchalik bolalarda predmetning qo‘llanishiga ko‘ra konstruksiyasini ajratish, konstruksiyani va predmetning alohida qismlarining katta kichikligini aniqlash malakasi shakllanadi. Bu vazifani ko‘prik qurish jarayonida hal qilish mumkin. Bolalar bir nechta konstruksiyasi bilan tanishadilar va quyidagi fikrga keladilar: Qurilmalarning o‘lchami, ularning qo‘llanilishi bo‘yicha aniqlanadi. Kemalar qatnaydigan keng va chuqur daryoga baland va keng ko‘prik quriladi. Ko‘prikning tepa qismida transport va yo‘lovchilar uchun yo‘laklar quriladi. Birinchi mashg‘ulotda tarbiyachi bolalarga yo‘lovchilar uchun va transport uchun ko‘prik qurishni taklif qiladi. Ikkinchi mashg‘ulotda bolalar, ham yo‘lovchi ham transport uchun umumiy ko‘prik quradilar. Uchinchi mashg‘ulotda esa bolalarni o‘zlari mustaqil konstruksiya o‘ylab, uni nima uchun qo‘llanilishini tushuntirib beradilar. Tayyorlov guruhda bolalarda turli binolar haqida tushuncha bo‘ladi: ko‘p qavatli bino, teatr, vokzal, ertak-uychalar. Pedagog asosan bolalar diqqatini fazoviy joylashtirish, qurilmalarini fazoviy joylashtirishga qaratadi. «Ko‘cha, shahar майдонларни qurish» mavzuni o‘tishdan avval pedagog bolalarni shahar bo‘ylab ekskursiyaga olib boradi va bolalar diqqatini shaharni qurilishi va estetik tuzilishiga qaratadi. Mashg‘ulotda bolalarni guruhchalarga bo‘lib, har bir guruhga biror bir maydon, ko‘chalari qurish topshiriladi. Bolalar turli binolarni qurayotganlarida ularda predmetning asosiy qismlarini va tanish bo‘lgan geometrik

shakllarni ajratish malakasi shakllanib boradi. Kinoteatrga ekskursiyadan so‘ng bolalar tomoshabinlar zali, foyyega kirish qismini kub, prizma, yarim doira shakliga ega ekanligini ko‘radilar va o‘zlari kinoteatr qurganlarida shu narsalarga e’tibor beradilar. Tarbiyachi tomoshabinlar zali va foyyeni qurilish usulini ko‘rsatib beradi. Bolalar jamoa bo‘lib birga turli mavzularda narsalar quradilar (ko‘chalar, temir yo‘llar, vokzal, hayvonot bog‘lari, kinoteatrlar va hokazo). Tayyorlov guruh bolalari asosan qurish-yasashning quyidagi usulidan foydalanadilar, ya’ni tarbiyachining topshirig‘i bo‘yicha bola o‘z tasavvuriga tayangan holda rasm, foto rasmlardan foydalanadi. Ko‘pgina qurilma mavzusi beriladi. Katta guruhga qaraganda bu guruhga beriladigan shartlar murakkabdir. Namunalar ko‘pincha rasm, foto rasm bo‘lib, bu rasmda bolalar ishlatilmaydigan qurilish materialidan qurilgan qurilmalar aks etgan bo‘ladi. Ba’zida tarbiyachini o‘zi yasagan narsani namuna sifatida ko‘rsatish mumkin. Lekin bu usul bu yoshdagi bolalarga to‘g‘ri kelmaydi. Tarbiyachi topshiriqni tushuntirayotganda qurish-yasashni yangi usulini qisman ko‘rsatib o‘tadi. Tayyorlov guruhida ekskursiya va suhbatlar bolalarni qurish-yasash obyektlarini tasavvurlarini qilishlariga yordam beradi. Har bir ekskursiya bolalarni keyingi mashg‘ulotga tayyorgarligini oshirishga qaratadi. Fotogalereya bo‘ylab sayrda tarbiyachi asosiy diqqatni maydon, ko‘chalarni tuzilishini, binolarni chiroyli qurilganligiga qaratadi. Biror bir maydonni tarbiyachi bolalar bilan fazoviy joylanishini, binolarni tahlil qiladi. Mashg‘ulotda esa topshiriqni tushuntirib, bolalar bilimini faollashtiradi. Mashg‘ulotni boshida o‘tkaziladigan suhbatlar - bolalar bilimini faollashtiradi. Tarbiyachi ko‘prik qurayotganida bolalarga eslatib o‘tiladi: ko‘priklar har xil bo‘ladi. Yo‘lovchilar uchun va trasport uchun ham ko‘priklar. Mashg‘ulotni boshida, kinoteatr qurishda tarbiyachi suhbatida binoning asosiy qismi tomoshabinlar zali, foyyeni ajratadi, uning asosiy shakli, fazoviy joylanishini aniqlaydi. Agar mashg‘ulot boshqa bo‘lsatarbiyachi bolalardan o‘ylagan qurilmalarini, uning nima uchun qo‘llanishi tanlangan materiallar haqida gapirib berishni iltimos qiladi.

Adabiyotlar ro‘yxati: 1. Takomillashtirilgan “Bolajon” tayanch dasturi. T.: 2016. 2.Maktabgacha ta’limga qo‘yiladigan davlat talablari. T.: 2017 “Bilimdon” dasturi. T.: 2014 3.Amirova. G.A., Sulaymonov A.P., Djurayeva B .R. Maktabgacha ta’lim muassasalarda applikatsiya mashg‘ulotlari. T., 2014. 4.D.T Sabirova. Maktabgacha yoshdagi bolalarda tasviriy savodxonlik elementlarini shakllantirish. (13.00.01.-Pedagogika nazariyasi va tarixi ixtisosligi bo‘yicha yozilgan dissertatsiyaning avtoreferati). T.2007 5.“Bola shaxsini rivojlanishining dolzarb muammolari”. Xalqaro ilmiy- amaliy anjumanining tezis va maqolalar to‘plami. 2008 yil. 6.Djalalova D.X. Osnovniye tendensii razvitiya sovremennoy yaponskoy shkoli. Avtoreferat dis.k.p.n. 2004. 7.Titov V.A.Pedagogika zarubejnix stran (sravnitelnaya pedagogika). APrior, 2010. 8.Ishmuhamedov R., va boshq. Ta’limda innovatsion texnologiyalar (ta’lim muassasalari pedagog-o‘qituvchilari uchun amaliy tavsiyalar). – T.:

Похожие

Maktabgacha ta’lim muassasalarida turli yosh guruhlarida qurish yasashga o‘rgatish

Maktabgacha yoshdagi bolalarni rasm chizishga o‘rgatish

Maktabgacha yoshdagi bolalarni rasm chizish faoliyatiga o‘rgatish (4-amaliy mashg‘ulot)

Bolalarni tabiat bilan tanishtirish metodlari

Bolalarni tabiat bilan tanishtirish metodlari (3-Amaliy mashg‘ulot)