Ўзбек халқининг кино санъати - Культурология - Рефераты

Ўзбек халқининг кино санъати

Загружено в:

20.09.2019

Скачано:

0

Размер:

42.5 KB

Ўзбек халқининг кино санъати Режа: 1. Кино тарихига бир назар 2. Кино хақида умумий маълумот 3. Ўзбек киноси тараққиёт йўлида 4. Кино яратилиши жараёни

Кино тарихига бир назар Ўлкамизга кино кириб келгандан буён орадан саксон йил вақт ўтди. У санъатлар ичида энг оммавийси бўлиб қолди. Миллий кино санъатимиз бу давр ичида турли мафкуравий жараёнларни босиб ўтди. Кино санъатимиз собиқ шўролар даврида давр мафкурасига бўйсундирилди. Лекин шу билан бирга миллий рухдаги халқимиз тарихини ёритувчи филpмлар ҳам яратилдики, хозир ҳам ўз кучини йўқотган эмас. Дастлаб хужжатли филpмлар яратилди. Худойберган Девонов (1878-1940) биринчи ўзбек кинооператори эди. У 1907-1908 йилларда Петербургдан телескоп, граммафон, фото ва киноаппаратларни олиб келиб, Хива ва Урганч бозорларида филъм намойиш қилади. «Ўрта Осиёнинг меъморий бойликлари» (19013), «Туркистон кўриниши», «Хива ва хиваликлар» (1916) каби кичик филpмларида маърифатпарварлик ғоялари илгари сурилган. 1924 йилда «Туркгоскино» ташкил этилиб «Мусулмон қиз», «Ўлим минораси» филpмлари яратилади. 1925 йилда эса «Ўзбекгоскино» тузилади. Ўзбекча ёзув билан «Она», «Номус», «Айиқ тўйи», «Шаҳарлар ва йўллар» филpмлари намойиш қилинади. Кино билан хаётини боғлаган санъаткорларнинг бутун бир авлоди етишиб чиқади. Наби Ғаниев, Малик Қаюмов, Сулаймон Хўжаев, Комил Ёрматов, Йўлдаш Аъзамов, Рахим Пирмухаммедов, Шукур Бурхонов, Наби Рахимов, Эргаш Хамроев, Миршохид Мироқилов сингари санъаткорлар шулар жумласидандир. Кино хақида умумий маълумот XIX асрнинг иккинчи яримида ер юзининг жуда кўп жойларида, жумладан Америка, Англия, Белpгия, Италия, Франция ва Россияда расмни харакатга келтириш учун уриниш авж олиб кетди. Ниҳоят, 1895 йилда франциялик ака-ука Луи ва Огюст Люмpерлар бунга муваффақ бўлдилар. Улар расмни харакатда кўрсатувчи аппарат кашф этиб, 1895 йилнинг 28 декабрида Париждаги «Гранд кафе» биносининг ертўла қисмида ўз кашфиётларини намойиш этдилар. Ана шу кашфиёт кейинчалик

киноматография деб ном олди. Ака-ука Лумpерларнинг оқ чойшабга нур орқали намойиш қилган лавҳалари «Ғишт деворнинг қулаши», «Шалаббо бўлган мироб», «Боланинг овқатланиши» сингари сюжетлардан иборат эди. Шундан сўнг киноматография Америка, Европа мамлакатлари, Россия ва Ўрта Осиё мамлакатларига хам ёйилди. Чарли Чаплин, Александр Довженко, Михаил Ром, Александр Зархи, Радж Капур сингари жахон киносининг юлдузлари етишиб чиқдилар. Хозирги даврда кино санъати ривожланиб, техника тараққиётининг воситасида, кино яратиш услублари ҳам ўзгариб кетди. Бир-бирларининг мафкураларига зид кинолар яратилмоқда. Бузғунчиликни, зўравонликни акс эттирган филpмлар кўплаб яратилиб ёшлар онгини захарламоқда. Шу билан бирга миллий акс этган, маънавият сари етакловчи, комил инсонни тарбиялашда мухим аҳамият касб этувчи филpмлар хам яратилмоқда. Айниқса бу борада республикамизда қатор филpмлар, видеофилpмлар яратилиши диққатга сазовордир. Ўзбек киноси тараққиёт йўлида Ўзбек киноси сермазмун ва шарафли йўлни босиб ўтди. Бу давр ичида у ўсди, улғайди ва оламга машҳур бўлди. «Алишер Навоий», «Тохир ва Зухра», «Насриддиннинг саргузаштлари», «Осиё устида бўрон», «Тошкент - нон шаҳри», «Улуғбек юлдузи», «Ўтган кунлар», «Севишганлар», «Сен етим эмассан», «Маҳаллада дув-дув гап», «Ёр-ёр», «Абу Райхон Беруний», «Мухаббат ва нафрат», «Али бобо ва қирқ қароқчи», «Оловли йўллар», «Чинор» каби ўнлаб филpмлар жаҳоннинг турли мамлакатларида зўр муваффақият билан намойиш қилинди. Юртимизни кино санъатининг марказларидан деб тан олинишига мисол тариқасида кўп марталаб Тошкент шаҳрида ўтказилган Осиё, Африка ва Лотин Америкаси мамлакатлари кино фестивалининг ўтказилишини мисол қилиш мумкин. Бу анжуманда иштирок этиш учун жахон киноси юлдузлари ташриф буюрмоқдалар. Ўзбек киноси мустақиллик йилларида янги рух ва янгича услуб билан ижодий ютуқларга эришмоқда.

Кино яратилиши жараёни Кино асари - сценарий муаллифи, режиссёр, оператор, мусаввир, бастакор, актёрлар, маъмурий ходимлар, ёрдамчи ассисентлар сингари ижодкорларнинг хамкорлигида яратилади. Кино яралишида кинодраматургия муҳим ўрин тутади. Улар ёзган сценарий асосида режиссёр иш олиб боради. Кинодраматург ва режиссёр адабиёт билан кинони бир- бирига боғлайдиган занжирга айланади. Филpм ривожига қараб мусиқа басталанади. Рассомнинг меҳнати эса филpмга мос костюмларни яратишдан иборат бўлади. Ҳар бир сюжетни суратга олиш оператор хиссасига тўғри келади. Ўзбек киносида Абдулла Қаххор, Махсуд Шайхзода, Собир Мухаммедов, Туроб Тўла, Асқад Мухтор, Рахмат Файзий, Учқун Назаров сингари ёзувчилар ёзган сценарийлар машҳур филpмларга асос бўлди. Ўзбек кино режиссурасининг бутун бир мактаби вужудга келди. Режиссёр - филpм яратишда барча ижодий ва ишлаб чиқариш кучларига раҳбарлик қилувчи ижодкор саналади. Наби Ғаниев, Комил Ёрматов, Шухрат Аббосов, Хожи Ахмар, Йўлдош Аъзамов, Латиф Файзиев сингари режиссёрлар ўзбек режиссура мактабини яратдилар. Лутфихоним Саримсоқова, Шукур Бурхонов, Аббос Бакиров, Наби Рахимов, Раззоқ Хамроев, Хамза Умаров, Марям Ёқубова сингари улуғ актёрларни кинода яратган образлари ўлмас асарлар бўлиб қолди. Кино асарини мусиқасиз тасавур қилиб бўлмайди. Куй, мусиқа филpмга илиқлик бахш этиб, филpм ғоясини очишга ёрдам беради. Мусиқали филpмлардан ташқари фожиавий ва саргузашт филpмларда воқеа ходисалар ҳолати хамда қахрамон кайфиятини аниқлашда мусиқа жуда муҳим ролp ўйнайди. Умуман кино асарининг яратилиш жараёни сермашаққат меҳнат замирида кечади.

Фойдаланилган адабиётлар 1. И.Каримов “Ўзбекистон XXI-аср бўсағасида: хавфсизликка тахдид, барқарорлик шартлари ва тараққиёт кафолатлари” Тошкент 1997й. 2. “Миллий истиқлол ғояси: асосий тушунча ва тамойиллар” Тошкент «Ўзбекистон» 2000 й. 3. «Маънавият ва комиллик» Тошкент 1997 й.

Похожие

Ўзбек халқининг рақс санъати

Ўзбек Халқининг Театр Санъати

Ўзбек халқининг мусиқа мероси тарихига назар

Ўзбек халқининг маданияти, миллий урф - одатлар негизида

Мустақиллик йилларида Узбекистонда миллий кадриятларнинг тикланиши ва маданият тараккиёти