Эстетика фан сифатида - Культурология - Рефераты

Эстетика фан сифатида

Загружено в:

20.09.2019

Скачано:

0

Размер:

63.5 KB

Эстетика фан сифатида Режа: 1. Эстетика фалсафий фан. 2. Эстетикани предмети ва вазифалари. 3. Кадимги дунё эстетикаси. 4. Урта асрлар шакр эстетикаси. 5. Оврупадаги уйгониш, мумтозчилик (классиуизм) ва янги давр эстетикаси. Эстетик карашларнинг шаклланиши. Инсон узига узи яшаётган турмуш мухитига хаводек зарур булган гузаллик, нафосат дунёсини яратади. Нафосат оламини яратиш билан бир

каторда уни англаш, идрок этиш, узлаштириш зарурати пайдо булди. Нафосат оламини урганиш, вокеликка айлантириш мохиятини одамларга англатиш, укитиш вазифаларини ЭСТЕТИКА фани ва укув дарси бажаради. «Эстетика» атамаси юнонча «эстезис» - «хиссиёт», «сезиш, хаяжон, кузгаш» маъноларига эга булган сузлардан олинган. Эстетика фани фалсафий билимлар мажмуида мухим ахамиятга эга булиб, инсоннинг атроф-мухит, вокеликка, гузаллик ва кадриятлари доирасидаги оламни яратиш жараёнидаги фаолиятини номоён этади. Эстетиканинг фан, укув дарси сифатида шаклланиш жараёнларида уни бир катор мустакил билим сохаларига булиб юбориш максадга мувофик. Бу сохаларга «эстетик кадриятлар назарияси», «Этетик идрок этиш назарияси», «умумий санъат назарияси» киради. Эстетика санъат ва бадиий ижод турли шакл куринишларини ургандиган билим сохалари учун услубий асос булиб хизмат килади. У хусусий санъатшуносликнинг умумий кадриятлари, энг аввало, нафосат табиат ва эстетик тимсол кадриятларини узида номоён килади. Эстетика вокеликни эстетик мушохада кили шва бадиий ижод жараёнларининг узвий мутаносиблигини номоён килади ва ифодалйди. Эстетика – бу нафосат олами, санъат ва бадиий ижод жараёнлари кадриётларини хис-туйгу, сезиш, идрок килиш воситалари оркали урганадиган ва ургатадиган фандир. Кадимда эстетик карашлар, назариялар фалсафа багрида пайдо булган. Эстетик гоялар кадимги Шаркнинг Миср, Мисипотамия, Бобил, Хиндистон, Хитой, Эрон ва Турон мамлакатларида вужудга келади. Якинларгача «эстетик гоялар ватани кадимги Юнонистондир» дейилган. Кадимги Шарк халкларини бизга мерос килиб колдирган ёзувлари, уркун-Кнасой битиклари, Хоразм алифбоси, кимматбахо маъданлардан ишланган санъат асарлари, улугвор меъморчилик обидалари бу мамлакатларда бадиий маданият юксак тараккий этганлигини курсатади.

Кадимги юнонлар кадимгт Шарк бадий маданияти меросига таяниб эстетик гоялар ва фикр – мулохазаларни ишлаб чиккан. Бу хакда зиёлилардан Геродот Шаркда булиб, бу ернинг эстетик карашларини урганади ва Шарк мамлакатлари эришган ютуклар замирида Оврупа мамлакатлари бадиий маданияти таркиб топади. Кадимги юнон эстетик таълимотининг бошланиши Пифагор номи ва мактаби билан боглик. Пифагорчилар (у ва шогирдлари) нафосат асослари, мусикавий хамоханглик асослари хакида карашлар ва гоялар ишлаб чикади. Гераклит материалистик йуналишни бошлаб берган. Унинг фикрича, нафосат хоссалари моддий дунёнинг узидан келиб чиккан. Сукрот таълимотида гузаллик коинотдан инсон турмушига, унинг ички куникмаларига кучирилган булиб, эстетика ва ахлок бирлиги етакчи гоя сифатида баён этилган. Афлотун карашларида эстетика хам гузаллик фалсафаси, хам санъат фалсафаси сифатида таърифланган. Эстетика назариясининг чуккиси ва якуни Арасту булиб, унинг фикрича нафосат асосини моддий дунёдвги нарсалар ташкил этади, нафосат шу нарсалар тартибли, уйгун, яхлит булганда намоён булади. Фожиали ходисалар заминида Арасту вахима, дахшат, рахм – шавкат оркали инсон рухини поклантириш таълимотини ишлаб чикади («катарсис»). Арасту эстетика назариясида эстетикани биринчи булиб турлар, хиллар, куринишларга ажратди. Шарк урта асрлар эстетик тафаккури Эрон, Мовороуннахр, Хитой, Хиндистон мамлакатлари бадиий маданияти ва санъати тараккиёти билан боглик. Бу ерда эстетик карашлар илгор максад, эхтиёжлар, маърифат ва комиллик йулида ривожланди. Бу карашлар Марказий Осиё Уйгониш даври рухи билан боглик. Марказий Осиё Уйгониш даври мутафаккирлари Хоразмий, ал – Фаргоний, Фаробий, Беруний, Ибн Сино, Яссавий, Юсуф Хос Хожиб, Лутфий, Навоий, Бехзод, Бобур, Машраб кабиларнинг эстетик карашлари

мохиятини нафосат билан маънавий – ахлокий кадриятларнинг мутаносиблигини вужудга келтириш гояси ташкил килади. Оврупа Уйгониш даври эстетикасининг мохияти ва мазмуни юксак инсонпарварлик рухи билан сугорилган. Бу давр ижодкорларига Леонардо до Винчи, Рафаэль Санти, Мигеланжело, Дюрер, Сервантес, Шекспир кабилар киради. Буюк мусаввир, мунандис, табиатшунос олим до Винчи карашларида вокелик дунёни билишда санъатнинг ахамияти, хусусиятларини эътиборга олишга даъват этилган. Бундай хусусиятлардан бири – нарсаларнинг узига хос сифатларини, унинг гузаллигини топа билиш ва оммалаштиришдир, дейди. Оврупа Уйгониш даври классицизм эстетикаси вужудга келди. Унинг мохияти шундан иборатки, улар зуравонлик хусусиятига эга булиб, классицизм ишлаб чиккан акида – коидаларга хар кандай ижодкор буйсуниши шарт булган. Бунинг натижасида эстетик тафаккур тарихида классицизм эстетикаси салбий ахамият касб этади. Исломда нафосат назарияси. Шарк Уйгониш даври Оврупа Уйгониш давридан 5 аср олдин бошланиб, 6-7 аср узок муддат давом этди. Унинг маърифати ва маданияти хакида гап кетганда, ислом дини билан узвий богликлигини эътироф этиш керак. Ислом илм – фан тараккиётига кенг йул очиб берди. Мусулмон кишининг вокеликни мушохада этишдаги тафаккур тарзи исломда эстетик тафаккур тараккиётини бошлаб берди. Ислом эстетикаси – Мукаддас сузда хам, меъморчиликда хам, мусика, миниатурада хам ушбу беш тамойилга суянади: 1. Окилона негиз – сузга сигиниш 2. Тартибга солиш 3. Боскичма – боскичлилик 4. Таснифлаш

5. Конун – коидалилик Вокеликка эстетик муносабатда булишнинг мохияти, мазмуни ва асосий йуналишлари. Инсон онгли мавжудот сифатида узини куршаб турган вокеликка фаол муносабатда булади. Инсон хар бир нарсага узига хос мезон билан карайди, шу жихатдан хайвонлардан фарк килади. Инсон бу мезон туйгусидан махрум булганда, гузалликни идрок этиш кобилиятига эга булмаганда бунёдкорлик билан бирга вайронагарчиликка хам йул куярди. Муносабат фалсафий тушунча булиб, «харакат» демакдир. Инсоний муносабат – бу субъект ва объект уртасидаги узаро хурукат булиб, у йуналган булади. Эстетик муносабат хусусиятларини очиш, идрок этиш бу унинг объекти, субъекти ва узаро харакатлар табиатини очиш, идрок этиш демакдир. Эстетик объект – инсоний алокалар ва муносабатга киришган, бевосита идрок этиш объектига айланган одамларнинг эстетик эхтиёжларини кондиришга хизмат киладиган вокеликнинг хилма – хил куринишларида ифода топади. Эстетик муносабат субъекти – уз таркибида жамиятнинг зарур булакларини бирлаштирган турли сохалар моддий – маънавий фаол иш олиб борадиган ижтимоий гурухлар, айрим шахслардан иборат жуда мураккаб ижтимоий хосиладир. Бу Инсондир. Эстетик идрок этишнинг хусусияти идрок этаётган нарсаларнинг шакли билан изохланади (рухиятшунослик курсатмаси). Эстетик муносабатнинг натижаси эстетик бахолаш мохияти, нарсаларнинг шакли ва мазмуни, бурч – вазифаларини адо этиши билан ифодаланади. Масалан: инсонга булган эстетик муносабат инсон шахси маънавий мазмунининг инсон хатти – харакатига, хулк – атворига мослигида ифодаланади.

Эстетик муносабатда хис – хаяжон мухим урин эгаллаган. У эстетик муносабатнинг барча погоналарида булиб, лаззатланиш билан тугайди. Эстетик лаззатланиш – мураккаб рухий холат булиб, узида бутун бир хаяжонлар туркимини, фаразни, таассурот ва тасаввурни бирлаштиради. Эстетик муносабат шахснинг асл мохияти бегаразлик булган эътикод мойиллиги мавжуд булишини такозо этади. Инсон вокеликни факат уз моддий эхтиёжи, тор манфаати учунгина мушохада килмай, жамият, инсоният тараккиёти манфаатлари равнакига хам фахмлаш керак. Эстетик онг тузилиши ва ижтимоий ахамияти. Эстетик онг объект дунёга нисбатан булган инсон эстетик муносабатининг субъектив томонидир. У – маънавий-рухий вокеа-ходисалар мажмуи булиб, улар ижтимоий хаёт заминида вужудга келадиган эстетик хис, эстетик дид, эстетик фикр, орзу, караш, назария тизимини англатади. Эстетик онг жамият хаётида гурухий манфаатлар ифодаси тарзида намоён булади. Эстетик онгнинг мустакил куринишларидан бири ворисийликдир. Ворисийлик деганда утмишдаги эстетик карашлар, гоялар, назариялардаги истикбол тараккиётининг янги шарт – шароитларини, максад – манфаатларига хизмат киладиган бойликларни асрашни, уларни муайян даврга сингдиришни тушунамиз. Эстетик онг жамият хаётида мухим урин эгаллайди. Жамият хаётига таъсир курсатади. Моддий ишлаб чикаришнинг барча сохаларига, сиёсат, одоб – ахлок, дин, фалсафа, фан сохаларига хам таъсир курсатади. Эстетик онгнинг ижтимоий онг ва якка одам онги куринишлари бир – биридан фарк килади. Улар субъекти, мазмуни жихатдан фаркланади. Якка одам ижтимоий онги онг шакли заминида вужудга келади. Ижтимоий онг айрим одамларнинг эстетик хислари, диди, орзулари ва карашларини умумлаштиради. Ижтимоий шаклдаги эстетик онг айрим одамларнинг маънавий фаолияти туфайли ривожланиб боради.

Эстетик онгнинг таркибий кисмлари уртасида узаро богликлик. Жамиятнинг эстетик онги таркибий кисмларига эстетик хис – туйгулари, эстетик дид, эстетик орзу, эстетик карашлар ва назариялар киради. Эстетик хис – туйгулар. Эстетик онгнинг асосий катлами булиб, унинг пойдевори хисобланади. Хис – туйгулар асосан инсоннинг уз эхтиёжини кондирилиши ва кондирилмаслигида намоён булади. Улар аклий ва ахлокий туйгулар каторида олий, ижтимоий туйгу туркимига мансуб. Эстетик хис – туйгулар мураккаб ижтимоий ходиса сифатида нафосат, хамоханглик, оханг, шакллар, уйгунлик, мослик каби тушунчалар билан бирга шодлик, хайратланиш, ажабланиш, рохатланиш, лаззатланиш,эхтиром, шавк – завк, нафрат тушунчаларини камраб олади. Нафосат, олийжаноблик, фожиа, кулги хислари энг мураккаб ва тургун туйгулардир. Инсон гузаллик хисси воситасида вокеликни табиий ва эркин тарзда идрок этиб, унинг натижасида алохида шодлик ва лаззат туйгусига эга булади. Эстетик туйгулар алохида эстетик кечинмалар холида булади. Кечинмали хис – туйгунинг белгиси – субъект билан объектнинг кушилиб кетишидир. Эстетик кечинманинг якуни – эстетик лаззатланишдир. Бу жамият манфаати учун фойдали булиб, унинг ижодий кучларининг эркин намоён булиши жараёни билан богликдир. Эстетик дид Инсоннинг фикр – мулохазалари, хулк – атвори, хатти – характлари, моддий ва маънавий ижодкорлиги оркали намоён булади. Эстетик дид вокеаларнинг эстетик сифатларини инсон томонидан идрок этмок ва

бахоламок жараёнида олинадиган коникиш ва киникмаслик туйгуси оркали ифода топади. Дид тушунчасини инсоннинг аник йуналган кобилияти, вокеликнинг у ёки бу томонларини афзал куриш муносабати сифатида бахоланади. Эстетик дид вокеаларнинг эстетик сифатларини инсон томонидан идрок этмок ва бахоламок жараёнида олинадиган коникиш ва киникмаслик туйгуси оркали ифода топади. Эстетик дид одамларнинг дунёкараши эстетик карашларида ёркин куринади. Карашлар ва билимлар дидда ифодаланиши учун улар шахс ички дунёсига сингиб кетиши, мустахкам эътикодига айланиб кетиши керак. Эстетик орзу Орзу – онгнинг таркибий кисми. Орзу тушунчаси факат бир нарсаларни инъикос этиш билан чекланмай, яна нималар булиши керак ва булиши мумкинлигини хам ифодалайди. Орзу хохиш –истак булиб, одамларга хос туйгудир. Хар кандай орзу белгилари эстетик орзуда акс этади. Эстетик орзу белгилари эса инсоннинг хулк – атворида, ишида, унинг вокеликка булган муносабатида акс этади. Эстетик онгнинг яна бир таркибий кисми эстетик карашлар ва назариялар булиб, улар эстетик онгнинг гоявий сохасини ташкил килади ва табиат, хаёт, санъат мохияти хакидаги фикр – мулохазалар, гоялар тизимини англатади. Эстетик карашлар хислар ва диддан кейинда туради. Улар вокеликнинг эстетик томонларини хис – туйгу ёрдамида идрок этиш, уларни тушунчали англашдан олдин содир булади. Эстетик карашлар ва назариялар эстетик онгнинг барча кисмларига таъсир утказади. Эстетик назария – бу эстетик объектни бутунлигича камраб оладиган тамойиллар, карашлар, билимлар тизимидир. У мантикка, тизимга, далил – исбот, фалсафий услубиётга асосланади.

Адабиётлар 1. Узбекистон Республикаси Конституцияси. Т. 1992. 2. Каримов И. А. Истиклол ва маънавият. Т. 1994 3. Каримов И. А. Узбекистон: миллий истиклол, иктисод, Сиёсий, мафкура Т. 1996. 4. Каримов И. А. Узбекистон буюк келажак сари. Т. 1998 5. Каримов И. А. Доншманд халкимизнинг мустахкам иродасига ишонами. «Фидокор» газета, 2000 йил 8 июнь 6. Умаров Э. Эстетика. Т. 1995. 7. Эстетика. Словарь М. 1989. 8. Аристотель. Роэтика. Т. 1980

Похожие

Шаркнинг фан академиялари ва дорилфунунлари

Эстетиканинг асосий категориялари (тушунчалари)

Маданиятшунослик фанининг мақсади ва вазифалари

Эстетик маданият тушунчаси

Миллий дид ва унинг намоён булиши