Модда алмашиниш қурилмалари Абсорберларнинг тузилиши - Горное дело - Рефераты

Модда алмашиниш қурилмалари Абсорберларнинг тузилиши

Загружено в:

20.09.2019

Скачано:

0

Размер:

252 KB

Модда алмашиниш қурилмалари Абсорберларнинг тузилиши Режа: 1. Модда алмашиниш курилмалари классификацияси 2. Абсорберларнинг синфлари 3. Насадкали абсорберлар 4. Насадкаларнинг турлари ва кулланиш сохалари 5. Тарелкали абсорберлар 6. Тарелкаларнинг тузилиши 7. Контактли модда алмашиниш курилмаларининг асосий параметрлари 8. Суюклик - газ окимини ажратиш курилмалари 9. Абсорберларни хисоблаш 10. Абсорберларни лойихалаш 11. Сочиб берувчи абсорберлар

Таянч иборалар: Абсорбер, насадка, насадкали абсорбер, барботаж, тарелка, сепаратор, сочиб берувчи абсорбер. Абсорбция жараёни фазаларни ажратувчи юзада рўй беради. Шу сабабдан абсорберларда иложи борича газ ва суюқлик ўртасидаги тўқнашув юзасини кўпайтириш зарур. Ушбу тўқнашув юзасини ҳосил қилиш усулига кўра абсорберлар шартли равишда қуйидаги гуруҳларга бўлинади: 1) юзали ва юпқа қатламли (жумладан насадкали); 2) барботажли (тарелкали); 3) суюқлик сочиб берувчи. Насадкали абсорберлар . Бундай колонналар энг кўп тарқалган юзали абсорберлар қаторига киради. Ҳар хил шаклли ва ўлчами 12/150 мм бўлган қаттиқ жисмлар, яъни насадкалар билан тўлдирилаган вертикал колонналарнинг тузилиши содда ва юқори самарадорликка эга бўлгани учун улар саноатда кенг ишлатилади. Насадкали колонналарда насадкалар газ ва суюқлик ўтадиган таянч тӯрларга ӯрнатилади. Қурилманинг ички бўшлиғи насадка билан тўлдирилган бўлади ёкиҳар бирининг баландлиги 1,5 - 3 м бўлган қатламлар ҳолатида жойлаштирилади. Газ турнинг тагига берилади, сўнгра насадка қатламидан ўтади. Суюқлик эса колоннанинг юқори қисмидан махсус тақсимлагичлар орқали сочиб берилади, у насадка қатламидан ўтаётганда пастдан берилаётган газ оқими билан учрашади. Колонна самарали ишлаши учун суюқлик бир текисда, қурилманинг бутун кўндаланг кесими бўйлаб бир ҳар сочиб берилиши керак. Бу қурилмаларда контакт юзаси эса насадкалар ёрдамида ҳосил қилинади. Одатда насадкали абсорберларнинг диаметри 4 м дан ортмайди. Катта диаметрли колонналарда газ ва суюқликни қурилманинг кўндаланг кесими бўйича бир меъёрда тақсимлаш жуда қийин, шу сабабдан катта диаметрли абсорберлар самарадорлиги анча кам бўлади. Бироқ саноатда диаметри 12 м гача бўлган қурилмалар ҳам ишлатилади.

10-расм. Насадкали абсорбер: - қобиқ; 2- тарқатувчи тарелка; 3- насадка қатлами; 4- таянч тӯрлари; 5-қайта тақсим- ловчи тарелкалар; 6,8-люклар; 7-қайтарувчи қурилма; А-газ кирадиган штуцер; Б-газ чиқадиган штуцер; В-суюқлик берадиган штуцер; Г ва Д –суюқлик чиқадиган штуцерлар. 10 – расмда насадкали абсорбер тасвирланган. Қурилманинг қобиғи 1 кавшарлаш йўли билан яхлит қилиб таёрланади ёки бир неча алоҳида олинган қисмлардан тузилган бўлади. Насадкаларни намлаш учун суюқлик таркатувчи тарелка 2 орқали берилади. Насадка 3 қурилманинг баландлиги бўйича бир неча қатламларга ажратилган ҳолатда таянч тӯрлари 4 нинг устига жойлаштирилади. Насадкани қурилмага юклаш ёки ундан тушириш учун люклар 6 ва 8 хизмат қилади. Колоннанинг юқори қисмида суюқлик томчиларини қайтарувчи қурилма 7 жойлаштирилган. Насадкали колоннада газ ва суюқлик қарама- қарши йўналган бўлади. Бунда газ колоннага пастки штуцер А орқали берилади ва штуцер В ёрдамида ташқарига чиқарилади. Намлаш учун суюқлик колонага юқориги штуцер В орқали юборилади ва паски штуцер Г ёки Д ёрдамида ташқарига чиқарилади. Ҳозирги кунда саноат колонналарини тўлдириш учун турли насадкалар ишлатилади. Насадкалар солиштирма юзага, минимал массага ва катта эркин

ҳажмга эга бўлиши керак Улар қуйидаги кўрсатгичлар билан характерланади: 1. Солиштирма юза м 2 /м 3 ; бу катталик абсорбернинг 1 м 3 ҳажмига тўлдирилган насадканинг юзасини билдиради. 2. Эркин ҳажм, м 3 /м 3 ; бу катталик 1м 3 ҳажмдаги насадкаларнинг ичида қанча эркин ҳажм борлигини кўрсатади. 3. Суюқликнинг ушлаб қолиш қобилияти, м 2 /м 3 ; бу катталик насадка қатламининг ҳажм бирлигида ушлаб қолинадиган суюқликнинг миқдорини билдиради. 4. 1 м 3 насадканинг массаси, кг. Насадкалар сифатида Рашиг ҳалқалари, керамик буюмлар, кокс, майдаланган кварц, полимер ҳалқалар, майдаланган кварц, полимер ҳалқалар,металлдан тайёрланган тўрлар, шарлар, пропеллерлар, эгарсимон элементлар ва бошқалар ишлатилади (11-расм). 11- расм. Насадкаларнинг турлари: а- ришиг ҳалқаси; б-Лессинг ҳалқаси; в-крестга ўхшаш тўсиқли ҳалқа; г- битта спиралли ҳалқа; д- иккита спиралли ҳалқа; ж- Берл эгари; з – Инталокс эгари.

Суюқликни сочиб берувчи абсорберлар. Бу абсорберларда фазаларни ўзаро жипс контакти суюқликни газ оқимига сочиб ёки ёйиб бериш усули орқали амалга оширилади. Газ билан суюқлик бир-бирига нисбаттан қарама-қарши йўналган бўлади. Ичи бўш сочиб берувчи абсорберлар вертикал колоннадан иборат бўлиб, юқори қисмига суюқликни сочиб берувчи махсус форсункалар ўрнатилади (12 - расм). Сочиб берувчи абсорберларда форсункалардан суюқлик узоқлашиб, томчиларга айланиши натижасида ҳажмий модда ўтказиш коэффициентининг қиймати бирдан камаяди. Шу сабабли бу қурилмаларда форсункалар маълум масофада қурилманинг баландлиги бўйича бир неча қатор қилиб ўрнатилади. Форсункали абсорберларда газнинг тезлиги одатда 1-1,5 м/сек га тенг бўлади. Сочиб берувчи ичи бўш абсорберларнинг тузилиши содда, гидравлик қаршилиги кам, ифлосроқ газ аралашмаларини ҳам тозалаш мумкин, бошқариш, тузатиш ва тозалаш осон. Камчиликлари: бу қурилмаларнинг эффективлиги юқори эмас, суюқликни сочиб бериш учун кўп энергия сарфланади, лойқаланган 12-расм. Суюқликни сочиб берувчи абсорберлар: а-ичи бўш; б-шарсимон насадкали.

суюқликлар билан ишлаш қийин, фазаларнинг контакт юзасини ошириш учун кўпроқ суюқлик сарфланади, суюқлик томчилари колоннадан чиқиб кетмаслиги учун газ тезлигининг миқдори кичик қийматга эга. Фазаларнинг нисбий тезлиги ва катта газ оқими тўлқинсимон ҳаракатда бўлгани учун бу қурилмаларда газ фазасидаги масса алмашиниш коэффициенти юқори бўлиб, бу абсорберлар яхши эрийдиган газларни суюқликка юттириш учун кенг қўлланилади.

Адабиётлар : 1.Машина и аппараты химических производств И.И. Поникаров и др. М.: Машиностроение. 1989. 2.Салимов З. Туйчиев И. Химиявий технология прцесслари ва аппаратлари. Т.: Укитувчи, 1987.

Похожие

Иссиқлик алмашиниш қурилмалари

Кристализаторларнинг тузилиши

Иссиклик алмашиниш аппаратларининг бошка турлари.Уларни хисоблаш ва лойихалаш

Ректификацион колонналарнинг тузилиши

Қуритиш қурилмаларининг тузилиши