logo
  1. Главная страница
  2. Рефераты
  3. Горное дело
  4. Кристализаторларнинг тузилиши

Кристализаторларнинг тузилиши

Загружено в:

20.09.2019

Скачано:

0

Размер:

311.5 KB
Скачать
Кристализаторларнинг тузилиши Режа : 1. Кристализаторларнинг синфлари. 2. Барабанли кристализаторлар. 3. Вакуум - кристализатор. 4. Мавхум кайнаш катламли кристализатор. 5. Куп погонали вакуум кристализатор. 6. Кристализаторларни хисоблаш ва лойихалаш. Таянч иборалар : Кристализатор, барабан, кристалл, вакуум, мавхум кайнаш, погона, кристалогидрат. Саноатда кристалланиш жараёнини амалга ошириш учун турли қурилмалар ишлатилади. Ишлаш принципига кўра кристализаторлар бир неча турга бўлинади: 1) эритувчининг бир қисмини буғлатиш йўли билан ишлайдиган кристализаторлар; 2) эритмани совитиш билан ишлайдиган кристализаторлар; 3) совитувчи қурилмаси бўлган вакуум кристализаторлар; 4) мавҳум қайнаш қатламли кристализаторлар. Барабанли кристализаторлар. 33-расмда сув билан сувитиладиган барабанли кристализаторнинг схемаси берилган. Бундай кристализаторлар саноатда энг кўп тарқалган бўлиб, ғилоф 4 билан таъминланган цилиндрсимон қобиқ 3 дан иборат. Барабан бандажлар 1, таянч ғилдираклари 5 ва тожли шестерня 2 ёрдамида айланма ҳаракатга келади. Ғилофга совитиш учун сув ёки ҳаво берилади. Эритма ва совитувчи сув қарама-қарши йўналишда ҳаракат қилади. Барабанли кристализаторнинг диаметри 1,5 м ва узунлиги 15 гача бўлганда унинг қиялиги 1/100 ёки 1/200, айланиш сони эса 10/20 айл/мин бўлади. Бундай қурилма ёрдамида майда кристалли чўкма олиш мумкин. Камчилиги – барабаннинг ички юзасига кристаллар ёпишиб қолади. 33-расм. Барабанли кристализатор: 1-бандажлар; 2-тожли шестерня; 3- қобиқ; 4- ғилоф; 5- таянч ғилдираклари. 34 –расмда суюқ қотишмаларни кристаллашга мўлжалланган битта барабанли кристализаторнинг схемаси кўрсатилган. Бу қурилмада кристалланиш жараён сув билан совитиш орқали олиб борилади. 34-расм. Суюқ қотишмалар учун барабанли кристализатор: 1-барабан; 2-тоғора; 3-ичи бӯш вал; 4-кристалларни кесиб олиш учун пичоқ. Вакуум – кристализаторлар. Эритмани қисман буғлатиш учун у буғлатиш камерасига юборилади. Буғлатгичда вакуум – насос ва конденсатор ёрдамида вакуум (бўшлиқ) ҳосил қилинади (35-расм). Буғлатгичдан эритма барометрик труба орқали йиғгичга ўтади. Ҳосил бўлган сув буғлари вакуум-насос орқали тортиб олинади. Чўкмага тушган кристаллар йиғгичнинг пастки қисмидан туширилади. Кристаллардан ажралган эритма йиғгичнинг юқори қисмидан узатилади. Вакуум – кристализаторларда майда ўлчамли кристаллар олинади. Бундай қурилмалар узлуксиз равишда ишлайди. Мавҳум қайнаш қатламли кристализаторлар. Бундай кристализаторлар катта ўлчамли бир ҳар шаклдаги кристаллар олиш учун ишлатилади. Мавҳум қайнаш қатламли кристализаторларда кристалланиш жараён эритма бир қисмининг буғлатилиши ёки эритманинг совитилиши билан олиб борилади. Мавҳум қайнаш қатламли буғлатувчи кристализаторларнинг тузилиши 36-расмда кўрсатилган. Бу қурилма қобиқ трубали совитгич ва циркуляция қилувчи насосдан иборат. Узлуксиз сӯрилувчи труба орқали берилаётган эритма қисман кристаллардан ажралган суюқлик оқими билан аралашади. Бу оқимнинг миқдори дастлабки берилаётган 35-расм. Вакуум кристализатор: 1- буғлатгич; 2-барометрик труба; 3-йиғгич; 4- насос; 5- эритма берувчи труба; 6- циркуляция трубаси; 7- кристаллардан ажралган эритма чиқадиган патрубка. 36-расм. Мавҳум қайнаш қатламли кристализатор: 1-қурилманинг қобиғи; 2- циркуляцион насос; 3-узатувчи труба; 4- эритма бериладиган патрубка; 5-кристалл маҳсулоти чиқадиган патрубка; 6- буғлатгич; 7- иккиламчи буғлар чиқадиган патрубка; 8- иситувчи буғ патрубкаси; 9-конденсат чиқадиган патрубка. эритманинг миқдорига нисбатан бир неча марта кўп бўлгани учун аралашган элементнинг концентрацияси ва температураси кам ўзгаради. Шу сабабли циркуляция насос орқали аралашган эритмани совитгичга узатиб совитилганда, эритма камроқ тўйинади. Сўнгра эритма қурилманинг пастки қисмига берилиб, келаётган иссиқлик оқими билан қурилмадаги кристаллар қайнаб, тўйинган эритма ҳисобига кристаллар катталашади. Ўз таркибида жуда майда кристалларни ушлаган, қисман кристаллардан ажралган суюқлик қолдиғи узлуксиз сўрувчи трубага тушиб, берилаётган эритма билан аралашиб яна насос орқали узатилади ва цикл қайтадан такрорланади. Ҳосил бўлган кристалл маҳсулотлари аппаратнинг пастки қисмидан ажратиб олинади. Совитувчи суюқликнинг сарфи ва температураси совиткич юзасида ҳар хил кристалларнинг ёпишиб қолмаслиги учун, иссиқлик агентлари орасидаги температуралар юқори ва бир ҳар бўлишлиги учун ҳисоблаб танлаб олинади. Шунинг учун совитгичга кираётган ва чиқаётган суюқликнинг керакли температурасини ҳосил қилиш мақсадида қўшимча циркуляция контуридан фойдаланилади. Кўп поғонали вакуум – кристализатор. Саноатда кўп миқдорда кристаллар олиш учун кўп поғонали кристализаторлар ишлатилади. Бунда бир неча қурилма кетма-кет уланиб, боради (37-расм). Ҳар 37-расм. Кўп поғонали вакуум кристализатор: 1-иссиқ қуюқлаштирилган эритманинг кириши; 2-суспензиянинг бир поғонадан иккинчисига ўтиши; 3- маҳсулотнинг чиқиши; 4-қурилма (поғона); 5-иккиламчи буғ; 6-конденсат; 7-юзали конденсатор; 8,9- совитувчи суюқликнинг кириши ва чиқиши қайси қурилма учун иккиламчи буғларни конденсациялашга алоҳида юзали конденсаторлар ўрнатилган. Конденсаторлар совитувчи сувнинг оқими йўналишига қараб кетма-кет уланади. Иссиқ қуюлтирилган эритма узлуксиз равишда биринчи қурилмага берилиб, қисман буғлатилади ва вакуум ҳисобига совитилади. Расмда вакуум ҳосил қилиш қурилмаси кўрсатилмаган. Бирмунча совитиш натижасида кристаллар ҳосил бўлган тўйинган эритма, кейинги қурилмаларда кўпроқ вакуум бўлгани учун, уларга ўз-ўзидан оқиб тушади. Кристалл маҳсулотлари охирги қурилмадан барометрик труба ёрдамида тортиб олинади. 37–расмда кўрсатилган кўп поғонали вакуум – кристаллизатор адиабатик буғлаткичларга ўхшаб ишлайди. Поғоналар сони 15 тагача бўлади, ҳар бир поғонадаги температуралар фарқи 4-5 о С, кристалларнинг ўлчами эса 0,2-0,25 мм.

Похожие

Қуритиш қурилмаларининг тузилиши
Экстракциялаш қурилмаларининг тузилиши
Ректификацион колонналарнинг тузилиши
Модда алмашиниш қурилмалари Абсорберларнинг тузилиши
Нефт ва газ қудуқларининг тузилиши