Иссиклик алмашиниш аппаратларининг бошка турлари.Уларни хисоблаш ва лойихалаш - Горное дело - Рефераты

Иссиклик алмашиниш аппаратларининг бошка турлари.Уларни хисоблаш ва лойихалаш

Загружено в:

20.09.2019

Скачано:

0

Размер:

541.5 KB

Иссиклик алмашиниш аппаратларининг бошка турлари. Уларни хисоблаш ва лойихалаш Режа : 1.Змеевикли иссиклик алмашиниш аппаратлари 2. «Труба ичида труба» типидаги иситгич 3. Пластинали иссиклик алмашиниш аппаратлари 4. Гилофли иссиклик алмашиниш аппаратлари 5. Сиртий ва аралаштирувчи конденсаторлар 6. Барометрик конденсатор 7. Трубали печлар 8. Спиралли иссиклик алмашиниш аппаратлари 9. Уларни хисоблаш ва лойихалаш 10. Истикболли иссиклик алмашиниш техникаси

Таянч иборалар : Змеевик, пластина, гилоф, конденсатор, барометрик конденсатор, печь, спирал. Змеевикли иссиқлик алмашиниш қурилмалари. Бу турдаги қурилмалар цилиндрсимон қобиқ ичида жойлашган спиралсимон змеевикдан иборат. Бунда змеевик асосан 25-75 мм ли трубалардан тайёрланади. Змеевик трубаларидан газ ёки буғ ҳаракатланади (4-расм). 4- расм. Змеевикли иситкич. Суюқлик билан тӯлдирилган идишнинг ҳажми катта бӯлгани ва идиш ичидаги суюқликнинг тезлиги жуда кичик бӯлгани учун змеевикнинг ташқи девори томонидаги буғ билан суюқлик орасида иссиқлик бериш коэффициенти ҳам кичик бӯлади. Қурилманинг ҳажмини камайтириш ва суюқликнинг тезлигини ошириш учун унинг ичига стаканга ӯхшаш идиш жойлаштирилади. Агар иссиқлик ташувчиниг миқдори катта бӯлса, бир неча параллел секциялардан иборат бӯлган змеевиклар ӯрнатилади. Секциялар бундай параллел уланганда, муҳитнинг тезлиги ва ҳаракат йӯли камайиши

натижасида қурилманинг гидравлик қаршилиги ҳам кам бӯлади. Бу қурилмаларда иситилаётган суюқлик асосан кичик тезликда ҳаракатланганлиги сабабли змеевик деворидан иссиқлик эркин конвекция усулида ӯтказилади. Уларнинг камчилиги шундаки, иссиқлик алмашиниш юзаси ва иссиқлик бериш коэффициенти нисбатан кичик, лекин уларни таъмирлаш осон. "Труба ичида труба" типидаги иссиқлик алмашиниш қурилмаси. Бу турдаги қурилмалар бир-бири билан концентрик жойлашган ички ва ташқи трубадан ташкил топган. Буларда иситилаётган ёки совитилаётган маҳсулот асосан ички труба орқали узатилади. Трубалар орасидаги бӯшлиқдан эса юзани ифлослантирмайдиган иссиқлик ташувчи юборилади. Бу типдаги иситкичлар юқори босимда ва иссиқлик ташувчиларниг сарфи кам бӯлганда ҳам ишлайди. Бундай қурилмаларнинг афзаллиги шундаки, уларни тайёрлаш осон. Камчилиги: иссиқлик алмашиниш юзаси нисбатан кичик. Ишлаб чиқариш юзасини иқтисод қилиш мақсадида булар бир-бири билан калач ва патрубкалар ёрдамида туташтирилган бир неча элементли ва бир неча секцияли қилиб тайёрланади. «Труба ичида труба» типидаги иссиқлик алмашиниш қурилмаининг схемаси 5 - расмда келтирилган бӯлиб, қурилма ички труба 1, ташқи труба 2, калач 3 ва бирлаштирувчи патрубка 4 дан иборат. (I, II иссиқлик ташувчи агентлар). 5- расм. «Труба ичида труба» типидаги иситкич:

I - II - иссиқлик ташувчи агентлар; 1 - ички труба; 2 - ташқи труба; 3 - калач; 4 - бирлаштирувчи патрубка. Пластинали иссиқлик алмашиниш қурилмаси. Бундай қурилмалар юпқа металл листлардан тайёрланган бир неча қатор параллел гофрирланган пластиналардан тузилган. Пластиналар орасида ҳосил қилинган каналлар икки гуруҳга бӯлинади: Биринчи гуруҳ каналлардан иссиқлик ташувчи, иккинчисидан эса иссиқлик қабул қилувчи агент ҳаракат қилади. Пластиналар қӯзғалувчи ва қӯзғалмас плиталар орасида винтлар ёрдамида сиқилади. Ушбу қурилманинг афзаллик томони шундаки, пластина юпқа (d=1-1,5мм) листдан тайёрланганлиги, оқимлар тезлигининг катталиги сабабли иссиқлик ӯтказиш коэффициенти катта қийматга эга. Пластинали иссиқлик алмашиниш қурилмаининг умумий кӯриниши 6 - расмда кӯрсатилган бӯлиб, унда иситгич схемаси (а), иситгич пластинасининг тузилиши (б) тасвирланган. Қурилма жуфт пластиналар 1, тоқ пластиналар 2, иссиқлик ташувчи агентларнинг кириш ва чиқиш штуцерлари 3, 4, (I - суюқлик учун); штуцерлар 5, 6 (II - суюқлик учун); қӯзғалмас плита 7, ҳаракатланувчи плита 8, тортиш винти 9, прокладка 1, 4; суюқлик тешиклари 2, 3 (I - суюқлик учун); тешиклар 5, 6 (II - суюқлик учун).

3 6- расм. Пластинали иситкич: а) иситкич схемаси; б) иситкич пластинанинг тузилиши. Камчилиги: қурилманинг юқори босимда ишлатиш ва пластиналарни таъмирлагач, улар орасида тегишли зичликни таъминлаш имконияти йӯқ. Гилофли иссиқлик алмашиниш қурилмаи. Иш унумдорлиги кичик, даврий ишлайдиган корхоналарда қовушқоқлик катта бӯлган суюқликларни иситиш учун асосан ғилофли иссиқлик алмашиниш қурилмалари ишлатилади. Бу қурилмаларнинг иш ҳажми асосан сферик тагликка эга бӯлган цилиндр шаклида бӯлиб, у ташқи томондан ғилоф билан қопланган. Гилофга берилган сув буғи цилиндр ташқи деворида конденсацияланиб, иссиқлик девор орқали қурилмада иситилаётган суюқликка юборилади. Иссиқлик ӯтказиш коэффициентининг қийматини ошириш мақсадида бу қурилмалар кӯп ҳолларда аралаштиргич билан таъминланган бӯлади. Fилофли иссиқлик алмашиниш қурилмаи 7 - расмда келтирилган бӯлиб, қурилма корпус 1, буғ қобиғи 2 ва фланец 3 дан иборат (а-паст босимлар учун; б-юқори босимлар учун).

3 7- расм. Гилофли иситкич: а) паст босимлар учун; б) юқори босимлар учун. Агар иссиқлик ташувчилардан бирининг иссиқлик бериш коэффициенти иккинчисиникидан анча кичик бӯлса, у ҳолда  нинг қиймати кичик бӯлган томондаги иссиқлик алмашиниш юзаси катталаштирилади. Сиртий ва аралаштирувчи конденсаторлар. Конденсация жараёнини амалга оширувчи қурилмалар конденсаторлар дейилади. Бу қурилмаларда совитувчи агент сифатида кӯпинча сув, айрим ҳолларда махсус моддалар ишлатилади. Конденсаторлар сиртий ва аралаштирувчи бӯлади. Сиртий конденсаторларда конденсацияланаётган буғ ва совитувчи агент ӯзаро иссиқлик ӯтказувчи девор орқали ажратилган бӯлади, аралаштирувчи конденсаторларда эса буғ ва совитувчи агент бир-бирига аралашади. Сиртий конденсаторлар сифатида сиртий иссиқлик алмашиниш қурилмалари, асосан қобиқ-трубали, "труба ичида труба" типидаги ва ювилиб турувчи қурилмалар қӯлланилади. 8 - расмда горизонтал қобиқ- трубали конденсатор тасвирланган.

8 -расм. Горизонтал қобиқ трубали конденсатор. Конденсаторга буғ билан кирган ва оддий температураларда конденсацияланмайдиган газларни чиқариб туриш учун алоҳида штуцер ӯрнатилади. Бундай қурилмаларда конденсат алоҳида ажратиб олинади. Аралаштирувчи конденсаторлар вакуум остида ишлайдиган қурилмаларда сийракланиш ҳосил қилиш учун ишлатилади. Буғ ва сувнинг ӯзаро ҳаракатига кӯра аралаштирувчи конденсаторлар тӯғри ва қарама-қарши йӯналишли бӯлади. 9 - расмда қарама-қарши йӯналишли барометрик конденсатор тасвирланган.

9- расм. Барометрик конденсатор: 1 - конденсатор; 2 - томчи ушлагич; 3 - токчалар; 4 - барометрик труба; 5 - гидравлик затвор. Конденсаторнинг ички ҳажмида 5 ёки 7 та токча ӯрнатилган бӯлиб, улар буғ ва совитувчи агентнинг бир неча марта контактда бӯлишини ва буғнинг тӯлиқ конденсацияланишини таъминлайди. Конденсаторга сув токчалар юқорисидан берилиб, у токчалар орқали бирин-кетин ҳаракатланиб пастга тушади. Бунда токча устида 40 мм атрофида сув сатҳининг бӯлиши таъминланади. Конденсаторга берилаётган буғ токчалар остидан берилиб, юқорига ҳаракатланиши натижасида ӯз энергиясини сувга бериб конденсацияланади ва ҳосил бӯлган конденсат сув билан бирга барометрик трубага тушади. Барометрик трубадаги сув сатҳи конденсаторда талаб қилинган сийракланишни таъминлайди. Баромерик конденсатор конденсатор қобиғи 1, томчи ушлагич 2, токчалар 3, барометрик труба 4 ва гидравлик затвор 5 дан иборат. Конденсацияланмаган газлар томчи ушлагич орқали вакуум- насос ёрдамида сӯриб олиб турилади.

Адабиётлар : 1.Машина и аппараты химических производств И.И. Поникаров и др. М. машиностроение , 1989 2.Справочник нефтехимика. Под ред-си С.К.Огородникова Л: Химия 1978 . 3.Салимов З, Туйчиев И. Химиявий технология процесслари ва аппаратлари. Т.: Укитувчи.

Похожие

Иссиқлик алмашиниш қурилмалари

Нефт ва газ конларини лойихалаш боскичлари

Модда алмашиниш қурилмалари Абсорберларнинг тузилиши

Катламга таъсир килишнинг иссиклик усуллари.

Ректификацион колонналарнинг тузилиши