Фильтрлаш жараёнини амалга ошириш учун жиҳозлар - Горное дело - Рефераты

Фильтрлаш жараёнини амалга ошириш учун жиҳозлар

Загружено в:

20.09.2019

Скачано:

0

Размер:

353.5 KB

Фильтрлаш жараёнини амалга ошириш учун жиҳозлар Режа : 1.Фильтрларнинг синфлари 2.Нутч- фильтр. 3.Рамали фильтр- пресс 4.Барабанли вакуум - фильтр 5. Лентали вакуум - фильтр 6. Фильтрларни хисоблаш ва лойихалаш

Таянч иборалар : Фильтр, фильтр материал, босимлар фарки, фильтрат, чукма, рамали фильтр - пресс, барабанли вакуум - фильтр, лентали фильтр. Фильтрлаш жиҳозлари ишлаш принципига кӯра қуйидагиларга бӯлинади: ӯзгармас босимлар фарқи билан ёки доимий фильтрлаш тезлиги билан ишловчи қурилмалар; босимлар фарқи ҳосил қилиш усулига кӯра вакуум ёки ортиқча босим остида ишловчи қурилмалар. Бундан ташқари фильтрлар жараённи ташкил қилинишига кӯра даврий ва узлуксиз ишлайдиган турларга бӯлинади. Босимлар фарқи фильтр тӯсиқ устидаги суспензия устунининг гидростатик босими воситасида, суспензияни насос билан бериш орқали, фильтр тӯсиқдан кейинги босимни вакуум насос воситасида камайтириш орқали ёки марказдан қочма кучлар ёрдамида ҳосил қилиниши мумкин. Босимлар фарқини ҳосил қилиш усулига кӯра фильтрловчи қурилмалар фильтрлар ва центрифугаларга бӯлиниши мумкин. Вакуум ва ортиқча босим остида ишловчи нутч фильтрлар ишлаб чиқаришда кенг тарқалган (43-расм). Ҳосил бӯлган чӯкмани ундан чиқариш жараёни

43 - расм. Нутч фильтри . 1 - чӯкмани чиқариш механизмининг узатмаси; 2 - фильтрнинг қобиғи; 3- чӯкмани чиқарувчи курак; 4- фильтратни чиқариш патрубкаси; 5- фильтр тӯсиқ; 6- фильтрловчи материал. механизациялаштирилган. Чӯкмани қурилмадан чиқарилишини таъминлаш учун фильтр бир куракли аралаштирувчи қурилма билан таъминланган. Чӯкмани фильтрдан чиқариш максадида қобиқнинг цилиндрсимон қисмида тешик қӯйилган. Суспензия ва сиқилган ҳаво алохида штуцерлар орқали берилади. Фильтр ҳимоя қилувчи клапан билан таъминланган. Фильтрнинг ишлаш даври суспензияни солиш, босим остида суспензияни фильтрлаш, фильтр тӯсиқдан чӯкмани олиш ва фильтр тӯсиқни регенерациялаш (тозалаш) дан иборат. Бу фильтрларда бир вақтнинг ӯзида чӯкмани ювиш мумкин. Фильтрлаш қурилмаларида турли материаллардан тайёрланган фильтр- тӯсиқлар қӯлланади.

Рамали фильтр - пресс (44-расм) виноматериалларни, сутни, пивони, ӯсимлик ёғини ва бошқа турдаги суспензияларни таркибидаги қаттиқ модда заррачаларидан тозалаш учун ишлатилади. Фильтрловчи блок бирин - кетин жойлаштирилган рама, плита ва улар ӯртасига жойлаштирилган фильтрловчи газламалардан иборат. Рама ва плиталар горизонтал йӯналтирувчиларга ӯрнатилган бӯлиб, сиқувчи винт билан сиқилади. 44- 44-расм. Рамали фильтр- пресс. 1- таянч плита; 2- рама; 3-плита; 4- фильтр материал; 5- ҳаракатланувчи плита; 6- горизонтал йӯналтирувчи; 7- винт; 8- станина; 9- фильтрат йиғиладиган идиш. Суспензия ҳамда ювувчи суюқлик бериш учун ҳар қайси рама ва плитада каналлар мавжуд. Плитанинг иккала томон юзасида йиғувчи канал жойлашган бӯлиб, пастда чиқарувчи канал билан чегараланган. Фильтрлаш пайтида суспензия босим остида каналлар орқали рама ва плиталар оралиғига берилиб, рамалар бӯйича тақсимланади. Плиталарнинг йиғувчи каналлари бӯйича фильтрат оқиб тушади ва чиқарувчи каналлар орқали қурилмадан чиқарилади. Чӯкмани ювиш пайтида ювувчи суюқлик босим остида каналлар орқали берилади ва рамалар бӯйича тақсимланади.

Ювувчи суюқлик тескари йӯналишда фильтр тӯсиқ орқали ӯтиб, чӯкмани ювади. Шундан сӯнг фильтрдан чиқарувчи каналлар орқали чиқариб юборилади. Ювиш вақтида фильтр қурилмаси электр манбаига уланмаган бӯлиши шарт. Рамали фильтр-прессларнинг асосий камчилиги: чӯкмани тушириш ва фильтр тӯсиқларни алмаштириш анча қӯл мехнатини талаб қилади. Чӯкмани тушириш учун фильтрловчи блок, плита ва рама очиб йиғилиши керак. Барабанли вакуум-фильтрлар концентрацияси 50-500 кг/м 3 бӯлган суспензияларни узлуксиз тозалаш учун қӯлланилади. Қаттиқ заррачалар кристалл, толасимон, аморф, коллоид структурали бӯлиши мумкин. Фильтрнинг иш унумдорлиги қаттиқ заррачаларнинг тузилишига боғлик. Ташқи ва ички фильтрловчи юзали барабанли вакуум - фильтрлар мавжуд. Уларнинг асосий ишчи органи барабан бӯлиб, унинг ён томон сирти фильтрловчи газлама билан қопланган. Секин айланувчи цилиндрсимон горизонтал барабан тӯсиқлар ёрдамида бир нечта бир хил шаклли секцияларга бӯлинган. Шу сабабдан ҳар бир секцияда барабаннинг бир марта айланишида фильтрлаш жараёнининг ҳамма босқичлари амалга оширилади: (I) секцияда вакуумнинг таъсирида фильтрловчи газлама орқали фильтрлаш жараёни боради . Бунда суспензия таркибидаги чӯкма фильтрловчи газлама устида йиғилиб қолади; (II) секцияда форсункалар орқали берилаётган сув билан чӯкма қатлами ювилади; (II I ) секцияда сӯрилган ҳаво ёрдамида чӯкма қуритилади. Бу боскичда чӯкма таркибидаги намлик ҳавога ӯтиб, фильтрдан ташқарига чиқарилади. Сӯнгра чӯкма пичоқ билан барабандан ажратиб олинади. Ҳамма секциялардаги жараёнлар узлуксиз равишда кетма-кет бораверади. Барабанли вакуум фильтрнинг умумий кӯриниши 45- расмда келтирилган бӯлиб, қурилма тешикли металл барабан 1, симли тӯр 2, фильтр газлама 3, барабанда ҳосил бӯлган чӯкма 4, чӯкмани тушириб турувчи пичоқ 5, суспензия қуйилган сиғим 6, тебранувчи аралаштиргич 7, чӯкмани ювиш

қурилмаси 8, ҳаракатланувчи қисмлар билан бирлаштирувчи трубалар 9, 10, бош тақсимлагич 11 ва бош тақсимлагичнинг кӯзғалмас қисми 12 дан иборат. 45 - расм. Барабанли вакуум- фильтр. Фильтрланувчи муҳит билан контактда бӯлган фильтрнинг деталлари зангламайдиган пӯлатлардан тайёрланган. Фильтрнинг ҳамма деталлари осон тозаланади. Фильтрловчи қурилманинг 6-сиғимига суспензия берилади. Суспензияли сиғимда барабан юзасининг тахминан 35% туширилган бӯлади. Ушбу сиғимда силкиниб турувчи аралаштиргич суспензия таркибини бир хил бӯлишлигини таъминлаб, ундаги қаттиқ заррачаларнинг чӯкмага тушишига йӯл қӯймайди. Фильтрат ва ювувчи суюқлик йиғгичда тӯпланади. Лентали вакумм-фильтрлар (46-расм) рама, ҳаракатлантирувчи (етакчи) ва тарангловчи барабанлар, улар орасига тортилган, ғалвирсимон резинали лентадан иборат. Чексиз ғалвирсимон резина лента остида вакуум-камера жойлашган бӯлиб, унинг пастки қисми фильтрат ва ювувчи суюқликни чиқариш учун коллектор билан уланган. Тарангловчи барабанлар ёрдамида

ғалвирсимон резина лента ва фильтрловчи газлама асосга ёпиштирилади. Фильтрловчи газлама ҳам чексиз лента шаклида тайёрланган. 46 - расм. Лентали вакуум-фильтр. 1- ғалвирсимон резинали лента; 2- барабанлар; 3- вакуум камералар; 4- фильтрловчи материал; 5- суспензиянинг берилиши; 6- чӯкмани ажратиб олиш; 7- чӯкмани ювиш учун суюқлик бериш; 8- роликлар. Суспензия фильтрловчи газламага берилади. Фильтрат вакуум-камерага сӯрилади ва коллектор орқали йиғгичга узатилади. Ювувчи суюқлик форсунка ёрдамида ҳосил бӯлган чӯкмага берилади ва камерага тӯпланади, ундан коллектор орқали йиғгичга узатилади. Етакловчи барабанда фильтрловчи газлама резинали лентадан ажралади ва йӯналтирувчи ролик билан бирга айланади. Бунда чӯкма фильтрловчи газламадан айрилади ва йиғгичга тушади. Роликлар орасидан ӯтиш пайтида фильтрловчи газлама ювилади, қуритилади ва тозаланади.

Адабиётлар : 1.Салимов З, Туйчиев И. Химиявий технология процесслари ва аппаратлари. Т.: Укитувчи. 2.Машина и аппараты химических производств. И.И. Поникаров и др. М. Машиностроение , 1989.

Похожие

Турли жинсли системаларни ажратиш курилмалари. Чӯктириш жараёнини амалга ошириш учун жиҳозлар

Маҳсулдор қатламларга сувни ҳайдаш учун тайёрлаш

Асосий органик моддалар синтези ва нефт кимёси корхоналарни ускуналари ва лойихалаш усуллари хакида тушунча

Конларда қўлланиладиган қувур узатгичлар таснифи. Қувурузатгичларнинг ўтказиш қобилиятининг пасайиши сабаблари

Нефтберувчанликни ошириш максадида турлилиги юкори коллекторларда циклик сув бостиришни куллаш.