Биоорганик кимё фаниниг предмети, ўрганиш объектлари - Химия - Рефераты

Биоорганик кимё фаниниг предмети, ўрганиш объектлари

Загружено в:

20.09.2019

Скачано:

0

Размер:

56.5 KB

Биоорганик кимё фаниниг предмети, ўрганиш объектлари Режа. 1. Биоорганик кимё фанининг вужудга келиши 2. Биоорганик кимё фанининг ўрганиш объектлари. 3. Биоорганик кимё фанининг бошқа фанлар билан алоқаси.

Тирик табиат фойдали моддалар манбаи сифатида инсонларни жуда қадим замонлардан бери қизиқтириб келган. Қадимги маданият ривожланган минтақаларда одамлар ўсимлик ва ҳайвонот хом- ашёсидан бўёқ, доривор моддалар ва бошқа зарурий маҳсулотларни ажратиб олиш, ҳамда уларни қайта ишлаш жараёнларини билишган. Тирик организмларнинг хаёт фаолияти билан боғлиқ ходисаларни аниқ илмий равишда тушунтириш ҳаракатлари қадимги хинд, юнон ва рум мутафаккирларининг асарларида учрайди. Уларнинг гояларини ўрта аср (уйғониш) даври олимлари ривожлантирганлар. Бунинг натижасида XVIII асрнинг охирига келиб организмларнинг хаёт фаолияти асосида моддаларнинг оддий ва мураккаб кимёвий ўзгаришлари ётиши тўла, ишончли равишда аниқланди. XIX асрга келиб органик кимёнинг вужудга келиши ва ривожланиши билан биологик жараёнларни ўрганиш соҳасида катта ютуқларга эришилди. Биологик жараёнларни ўрганишда тадқиқотнинг кимёвий усуллардан кенг фойдаланиш натижасида биокимё фани вужудга келди. Шунингдек, тадқиқотнинг физик усулларидан ҳам унумли фойдаланила бошланди. Бундан ташқари XIX аср аср охирига келиб биологик жараёнларни ўрганиш учун кимёвий усулларни татбиқ қилиниши билан биокимё фани вужудга келди. Шу вақтдан бошлаб табиий бирикмалар кимёси фани шакллана бошлади. Бунга оқсил моддалар ва нуклеин кислоталарни кимёвий табиатини очилиши, айрим органик моддаларни кимёвий синтез қилиниши катта таъсир кўрсатди. XX асрнинг иккинчи ярмида биологик жараёнларни,

табиий ва биологик фаол моддаларни ўрганиш соҳасида салмоқли ютуқларга эришилди. Айнан шу даврда ДНКнинг тузилиши аниқланиши билан молекуляр биология фани вужудга келди. Табиий бирикмалар кимёси фани тирик табиатда учрайдиган мураккаб тузилишга эга бўлган бирикмаларни кимёвий тадқиқоти билан шуғуллана бошлади. Бир қатор муҳим оқсил моддаларнинг тузилишини аниқланиши, хлорофилл, В 12 витамини каби мураккаб моддаларни кимёвий синтез қилиниши кимё фани эришган энг катта ютуқлардан ҳисобланади. Аста секин органик кимёнинг асосий вазифаларидан бири табиий моддаларни тузилишини ўрганиш ва тузилиш билан биологик фаоллик ўртасидаги муносабатни аниқлашдан иборат бўла бошлади. Натижада кимё фанининг янги соҳаси-биоорганик кимё вужудга келди. Биоорганик кимё фанининг шаклланишида Э.Фишер, Р.Вильштеттер, Л.Полинг, Ф.Крик, А.Тодд, В.Прелог, Р.Вудворд каби машҳур кимёгарларнинг ҳиссалари катта. Ўзбекистонда биоорганик кимё фани ўтган асрнинг 70-йилларидан бошлаб ривожлана бошлади. Академик О.Содиқов ташаббуси билан Ўзбекистон Фанлар академияси қошида «Биоорганик кимё» илмий текшириш институти ташкил этилган (1973 й.). Ушбу институт Марказий Осиё минтақасида ягона бўлиб, унда бир қатор биологик фаол табиий моддаларни тузилишини ва биологик хоссаларини ўрганиш, уларни кимёвий модификация қилиш, ҳамда юқори биологик фаолликка эга бўлган органик бирикмалар синтез қилиш устида илмий тадқиқот ишлари олиб борилмоқда.

Маълумки, ўсимликлар табиий бирикмларнинг муҳим манбаи ҳисобланади. Уларда турли хил бирикмалар учрайди. Ўсимлик моддаларни ажратиб олиш, уларни кимёвий тузилишини тадқиқ этиш ва амалиётга татбиқ этиш табиий бирикмалар кимёси фанининг муҳим вазифаларига киради. Марказий осиё флорасига кирувчи ўсимликларни кимё жиҳатдан ўрганиш мақсадида академик С.Юнусов ташаббуси билан 1956 йилда Ўзбекистон Фанлар академияси қошида «Ўсимлик моддалари кимёси» илмий текшириш институти ташкил этилди. Диққат савол: Юқорида номлари зикр қилинган олимлар ва уларни фаолияти ҳақида яна нималарни биласиз? Биоорганик кимё соф кимё фани бўлмай, биология, тиббиёт, фармацевтика билан бевосита боғлиқдир. Биоорганик кимё биологик жараёнларда иштирок этадиган органик моддаларни, биринчи навбатда биополимерларнинг, ҳамда қуйи молекуляр биорегуляторлар ва бошқа бирикмаларнинг тузилиши, кимёвий хоссаларини ўрганади. Бунда асосий эътибор структура ва биологик фаолият орасидаги ўзаро боғлиқликнинг қонуниятларини аниқлашга қаратилади. Ушбу боғлиқлик замонавий биологиянинг кимёвий пойдевори ҳисобланади. Тирик табиатнинг асосий муаммоларини ишлаб чиқиш билан биоорганик кимё тиббиёт, қишлоқ хўжалиги ва саноатнинг бир қатор соҳалари учун амалий аҳамиятга эга бўлган муҳим препаратлар олиш вазифасини ҳал қилишга хизмат қилади.

Ўрганиш объекти : Биоорганик кимё фанининг асосий ўрганиш объекти табиий бирикмалар ҳисобланади. Табиий бирикмалар қуйидаги иккита катта гуруҳга бўлиб ўрганилади: 1. Биополимерлар. Буларга оқсиллар ва пептидлар, нуклеин кислоталар, углеводлар, липидлар, ҳамда аралаш биополимерлар- глико-, нуклео-, липопротеинлар ва бошқалар киради. 2. Қуйи молекуляр биорегуляторлар. Буларга алкалоидлар, стероидлар, гормонлар, терпеноидлар, витаминлар, антибиотиклар, простагландинлар, феромонлар, токсинлар, шунингдек, синтетик доривор воситалар ва бошқалар киради. Тадқиқот усуллари-органик кимё усулларидан иборат. Бироқ, структура-фаолият масаларини ҳал қилишда физик, физик- кимёвий, математик ва биологик усуллар ҳам қўлланилади. Биоорганик кимёнинг асосий вазифалари кристаллаш, хайдаш, хроматография, электрофорез ва бошқа усуллар ёрдамида текширилаётган бирикмаларни якка холда ажратиб олиш, органик ва физик-органик ёндашувлар асосида, ҳамда масс-спектр, УБ, ИҚ ва бошқа оптик спектроскопия усуллари, рентгеноструктура анализи, ЭПР, ЯМР-спектроскопия, ЭХМдан фойдаланиб бирикмаларни тузилишини, шу жумладан фазовий тузилишини аниқлаш: ўрганилаётган бирикмаларни кимёвий синтези ва модификацияси, шу жумладан тўла синтез қилиш: биокимёвий жараёнларни кимёвий моделлаштириш; олинган бирикмаларни in vivo(тирик ҳужайрада) ва in vitro (кимёвий усул ёрдамида) биологик тестдан(синовдан) ўтказишдан иборат.

Биоорганик кимё фанининг ўрганиш доираси жуда кенг бўлиб, булар табиий органик бирикмалар билан биргаликда биологик фаол синтетик моддалардир. Бундай моддаларнинг фақат маълум бўлганларини сони ҳам ниҳоятда кўп бўлганлиги учун ҳаммасини тавсифлаш мумкин эмас. Биоорганик кимё курсининг асосий вазифаси муҳим биологик объектларга умумий тавсиф бериш, асосий вакиллари ва текшириш усуллари билан, ҳамда Биоорганик кимёнинг долзарб муаммолари билан таништиришдан иборат.

Адабиётлар 1. Ю.А.Овчинников. Биоорганическая химия. М. Просвеҳение. 1987. 817. 2. Н.А.Тюкавкина, Ю.А.Бауков. Биоорганическая химия. М. Медицина. 1991. 3. Основў Биохимии. Под ред. Профессора А.А.Анисимова. М. ВШ. 1986. 551. 4. Ё.Тўрақулов. Биохимия. Т. Ўзбекистон. 1995. 5. А.Г.Махсумов, И.Примуҳамедов. Органик химия. Т. Медицина. 1990. 6. А.Г.Махсумов, И.Примуҳамедов. Биоорганик химия. Т. Медицина. 1994. 7. www.ziyonet.uz

Похожие

Кимё тарихи предмети. Кимёвий тушунчаларнинг вужудга келиши

Коллоид кимё

Физик кимё

Ўзбекистонда кимё фани ва кимё саноати

Ген мухандислиги кимё