Тренировка жараёнини режалаштириш - Физическая культура - Рефераты

Тренировка жараёнини режалаштириш

Загружено в:

20.09.2019

Скачано:

0

Размер:

117.5 KB

Тренировка жараёнини режалаштириш Режа: 1. Режалаштириш мохияти ва ахамияти, унинг турлари 2. Тайёргарлик мезоциклларини режалаштириш 3. Тайёргарлик микроциклларини режалаштириш 4. Йиллик тайёргарлик циклида тренировкани ташкил килиш тизимини моделлаштириш 5. Тренировканинг катта боскичини тузиш модели 6. Режалаштиришнинг ноанъанавий шакли 7. Курашчилар тренировка жараёнини замонавий режалаштириш

Режалаштириш мохияти ва ахамияти, унинг турлари Спорт тренировкасини режалаштириш - бу спорт тайёргарлиги вазифаларини хал этиш шартлари, воситалари ва услубларини, спортчи эгаллаши лозим бўлган спорт натижаларини олдиндан кўзлашдир. Спортчилар тайёргарлигини тўјри режалаштириш бу мазкур спортчилар контингенти (ёки битта спортчи) хусусиятларининг тахлилидан келиб чикиб, тайёргарлик жараёнидаги асосий кўрсаткичларни белгилаш хамда уларни вакт оралијида такссимлашдир (В.П.Филин, Н.А. Фомин, 1980). Сўнгги пайтларда спорт курашида тренировка жараёнини режалаштириш тўјрисидаги тасаввурлар анча ўзгарди. Бу мусобака коидаларига баъзи ўзгартиришларнинг киритилиши ва Халкаро кураш федерациясининг мусобака беллашувлари томошабоплигини ошириш бўйича кўйган талаблари билан бојлик. Хозирги пайтда катта тажриба материали тўпланган, спортчилар тайёргарлигини янада юкори даражада сифатли режалаштириш учун объектив шарт-шароитлар яратилган. Спортчилар тайёргарлиги жараёнини муваффакиятли бошкариш иккита мухим шартларни хисобга олишни такозо этади: биринчидан, нагрузкалар хажми ва шиддатининг кескин ўсиши (хозирги замон юкори натижалар спортида нагрузкалар биологик меъёрлар чегарасига якинлашмокда); иккинчидан, тренировканинг сон параметрлари ва махорат даражасининг тенглашиши (жахоннинг етакчи спортчилари тажрибасида). Шу сабабли тренировка тузилмасини оптималлаштириш ва оптимал тренировка дастурларини тузиш биринчи даражадаги ахамиятга эга бўлиб колмокда (М.П.Матвеев, 1977). Тренировка жараёнини режалаштириш - бу биринчи навбатда турли даврлар учун режалар тизимини яратиш хисобланади. Бу даврларда ўзаро бојлик бўлган максадлар комплекси амалга оширилиши лозим.

Дарс (машјулот) тренировка жараёнининг элементар таркибий кисми хисобланади. Алохида машјулотлардан тренировка куни, улардан - микроцикл ташкил топади, бир нечта микроцикллар бирлашмаси янги, нисбатан мустакил, тренировка жараёнининг бутун бўлаги бўлган мезоцклни хосил килади. Бир нечта мезоцикларнинг бирлашмаси янада йирик ва нисбатан тугалланган тузилма - макроциклни ташкил этади (Г.С.Туманян, 1984). Тренировканинг микро-, мезо- ва макроцикллар каби даврларга ажралишига караб нагрузкалар ўлчамлари, хажми, шиддати, тайёргарлик воситалари хамда услублари ўзгаради. Спорт курашида ўкув-тренировка жараёнини режалаштириш куйидаги шаклларда амалга оширилади: - истикболли - боскич, давр, йил, бир катор йиллар учун; - кундалик - тренировка микроцикли учун; - тезкор - бир машјулот учун. Курашчиларнинг кўп йиллик тренировкасига мўлжалланган режани тузишда спорт кураши ривожланиш йўлининг башорати хамда мусобакалар коидаларидаги ўзгаришларга амал килиш лозим. Шу сабабли тренировка воситалари, хажми ва шиддати вазифаларининг ўзгаришини назарда тутиш зарур. Истикболли режа бутун ўкув гурухи каби алохида хар бир курашчи учун тузилади. Спорт тренировкасининг умумий (гурухли) режаси куйидаги бўлимларни ўз ичига олади: гурухнинг кискача тавсифи; кўп йиллик тренировка максади ва асосий вазифалари; тайёргарлик боскичлари ва тренировка жараёнининг боскичлар бўйича асосий йўналиши (асосий вазифалари, уларнинг хар бир боскичдаги улуши); спортчилар тайёргарлигини тавсифловчи спорт-техник кўрсаткичлар ва назорат меъёрлари; педагогик хамда тиббий назорат (В.П.Филин, Н.А.Фомин, 1986).

Тренировканинг истикболли режалаштирилиши албатта йиллик режаларни ишлаб чикишни такозо этади. Йиллик режаларга кўлланиладиган воситалар ва тренировка нагрузкаларининг батафсил баёни киритилади. Кундалик режалаштиришда спорт формаси динамикасининг илмий конуниятлари (юзага келиш, баркарорлаштириш ва вактинчалик пасайиши) кўлланилади. Кундалик режалаштириш тузилмасига турли омиллар: ўкиш ва мехнат тартиби, машјулотлар мазмуни, сони ва нагрузкалар ўлчамларининг умумий йијиндиси, тренировка нагрузкаларига бўлган реакциянинг алохида хусусиятлари хамда курашчилар малакаси таъсир этади. Тезкор режалаштириш кундалик режалаштириш асосида амалга оширилади. Бундай режалаштириш тури вазифалар, воситалар, услублар, нагрузка хажми ва шиддатини аниклаштиришни кўзда тутади. Тренировка машјулотлари тузилмаси, биринчи навбатда, максимал тренировка самарасига эришишга каратилганлиги билан белгиланади. Тренировканинг тезкор режасига мувофик машјулотлар конспекти тузилади, унда тайёрлов (бадан киздириш) асосий ва якуний кисмлар, такрорлашлар сони, танаффуслар давомийлиги хамда дам олиш хусусияти баён килинади. Тренировка жараёнида учта давр: тайёргарлик, мусобака, ўтиш даврлари ажратилади. Тайёргарлик даврида тренировкалар фаол дам олишдан шиддатли махсус ишга, жисмоний сифатларни кейинчалик хам ривожлантиришга, кураш техникаси ва тактикасини эгаллаш хам такомиллаштиришга аста- секин ўтишни таъминлашга каратилган. Бу даврда спортчиларнинг олдинда турган мусобака даврида муваффакиятли фаолият кўрсатиши учун мустахкам пойдевор яратиш лозим. Тайёргарлик даврининг асосий вазифалари организмнинг функционал имкониятларини ошириш, умумий жисмоний тайёргарликни яхшилаш ва курашчи учун зарур бўлган жисмоний сифатларни ривожлантиришдан, техник-тактик харакатларни эгаллаш хамда такомиллаштириш, уларни амалга оширишдаги камчиликларни бартараф этиш, ирода ва маънавий сифатларни тарбиялашдан иборат.

Тренировканинг мусобака даври максади - мусобакаларга тайёрлаш ва унда муваффакиятли иштирок этиш. Ушбу даврнинг асосий вазифалари юкори даражада машкланганликка эга бўлиш, техник-тактик харакатларни кейинчалик хам мустахкамлаш хамда такомиллаштириш, мусобакаларда катнашишда беллашувни олиб бориш тактикаси билимларини кенгайтириш хамда мустахкамлаш, юкори даражада жисмоний, ирода ва маънавий сифатларнинг ривожланишига эришиш назарий билмларни кенгайтиршдан иборат. Бу боскичда спортчилар, малакаларига караб, масъулиятли мусобакаларда иштирок этадилар. Тренировканинг ўтиш даврига тренировка нагрузкасининг пасайиши хос бўлади. Даврнинг асосий вазифалари: саломатликни мустахкамлаш ва организмни чиниктириш, умумий жисмоний тайёргарлик даражасини ошириш. Асосий воситалар: спорт ўйинлари, сузиш ва бошк. Тўјри тузилган ўтиш даври организм функционал имкониятларини кейинчалик хам ривожлантириш, курашчининг махсус тайёргарлигини яхшилаш учун кулай шарт-шароитлар яратади. Тайёргарлик мезоциклларини режалаштириш Тренировка мезоцикли 3 хафтадан 6 хафтагача давом этадиган тренировка жараёни боскичидир. Мезоцикллар асосида тренировка жараёнини ташкил этиш уни тайёргарлик даври ёки боскичининг асосий вазифасига мувофик тизимлаштириш, тренировка нагрузкалари ва мусобака фаолиятининг оптимал динамикаси, турли тайёргарлик воситалари ва услубларининг максадли уйјунлашуви, педагогик таъсир омиллари хамда тиклаш тадбирлари ўртасидаги мувофикликни таъминлашга, турли сифатлар ва кобилиятларни ривожлантиришда зарур изчилликка эришишга имкон яратади (Л.П.Матвеев, 1977, В.Н.Платонов, 1986).

Л.П.Матвеев (1976) анъанавий мезоциклларнинг саккизта турини ажратади: тортувчи; базавий, улар ривожлантирувчи ва баркарорлаштирувчи бўлади; назарот-тайёргарлик; сайкаллаштирувчи; мусобака олди; мусобака тикланиш-тайёрлов ва тикланиш-саклаб турувчи. Хар бир мезоцикл учта, олтита микроцикллардан иборат бўлади. Уларнинг тўплами режалаштирилаётган мезоциклнинг муайян вазифалари билан аникланади. Мезоцикл турларининг бундай кўп бўлиши тренировка жараёни тузилмасини жуда мураккаблаштириб юборади ва тренировкани режалаштиришни кийнлаштиради. Г.С.Туманян (1984) фикрича, спортчилар тренировкасини режалаштиришда юкорида айтиб ўтилган мезоцикл турларининг камдан-кам кўлланилиши айнан шунга бојлик. Эхтимол, В.Н.Платонов (1988) томонидан таклиф килинган мезоцикллар турлари таснифий амалиёт учун кулайрокдир: тортувчи, базавий, назорат-тайёргарлик, мусобака олди ва мусобака. Муаллиф фикрига кўра, тортувчи мезоциклларнинг асосий вазифалари спортчиларни махсус тренировка ишини самарали бажаришга максадли якинлаштиришдан иборатдир. Базавий мезоциклларда организм асосий тизимларининг фукнционал имкониятларини ошириш, жисмоний сифатларни ривожлантириш, техник, тактик ва рухий тайёргарликни такомиллаштириш бўйича асосий ишлар олиб борилади. Назорат-тайёргарлик мезоциклларида спортчиларнинг аввалги мезоциклларда эришган имкониятлари (мусобака фаолияти хусусиятига мувофик) синтезлаштирилади, яъни интеграл тайёргарлик амалга оширилади. Мусобака олди мезоцикллари спортчи тайёргарлиги давомида аникланган майда камчиликларни бартараф этиш, унинг техник имкониятларини такомиллаштириш учун мўлжалланган. Бу мезоциклларда маълум бир максадга каратилган рухий тактик тайёргарлик алохида ўрин эгаллайди. Мусобака мезоцикллари сони ва тузилмаси спорт турининг ўзига хос хусусиятлари, спорт календари хусусиятлари, спортчилар малакаси ва тайёргарлик даражаси билан белгиланади.

Мезоциклларнинг умумий тузилмаси баркарорлиги уларнинг мазмунини мунтазам такомиллаштириб боришга, таъсирчан назорат ўрнатишга хамда С.М.Вайцеховский (1979) таклиф этган “илгариловчи” режалаштириш тамойилини амалда юзага чикаришга ёрдам беради. Ушбу тамойилга биноан жорий макроциклнинг микроцикллари ва мезоциклларидаги тренировка натижалари дархол навбатдаги макроциклнинг шунга ўхшаш тузилмалари дастурини режалаштириш учун кўлланилади. Анъанавий режалаштириш услубияти. Режа  Режанинг  Бажариладиган  Янги режани бажарилиши ишни тахлил ишлаб чикиш. килиш Параллел режалаштириш услубияти. Режа  Режа бажарилиши-  Бажариладиган ишнинг нинг якуний тахлили  Кундалик тахлил  (Параллел ) Янги режа  Янги режани ишлаб чикиш (параллел) Тайёргарлик микроциклларини режалаштириш Спорт амалиётида тренировка микроцикли деганда бир неча кун давомида ўтказиладиган ва мазкур тайёргарлик боскичи вазифаларини комплекс хал этишни таъминлайдиган машјулотлар серияси тушунилади.

Микроцикллар давомийлиги - 3-4 кундан 10-14 кунгача. Календар хафтага мувофик бўлган 7 кунлик микроцикллар кўп таркалган (Л.П.Матвеев, 1977, В.Н.Платонов, 1986). Микроциклларни режалаштиришда анъанавий ва ноанъанавий ёндашишни ажратиш мумкин. Анъанавий микроцикллар. Л.П.Матвеев (1977) хаммуаллифлари билан анъанавий микроциклларнинг тўртта турини ажартишни таклиф килади: шахсан тренировка микроцикли, улар тренировка нагрузкаси йўналишига караб, умумий тайёргарлик ва махсус тайёргарлик микроциклларига, нагрузка ўлчами хамда динамикасига караб, оддий хамда зарбдор микроциклларга бўлинади; якинлаштирувчи , улар ўз мазмунига кўра мусобака вазиятини кисман моделлаштиради ва курашчиларнинг махсус иш кобилиятини мунтазам оширишга каратилади; мусобака, улар мусобака шароитларини тўлик акс эттиради; тикланиш (ёки мусобакалардан кейинги енгиллаштирувчи) микроцикл, уларнинг максади спортчиларнинг мусобакаларда кисман йўкотган иш кобилиятини тиклашдан иборат (Г.С.Туманян, 1984). Ўз навбатида таникли мутахассис В.Н.Платонов (1986) бешта турдаги микроциклларни ажратишни таклиф килди; тортувчи, зарбдор, якинлаштирувчи, мусобака ва тикланиш. Бирок бу турдаги микроцикллар мазмунининг тахлилидан шу нарса кўзга ташланадики, улар Л.П.Матвеев таклиф этган турлардан мухим даражада фарк килмайди. Шуни эсда тутиш лозимки, микроциклдаги нагрузкалар ва дам олишнинг турли алмашинуви учта турдаги реакцияларга олиб келиши мумкин; а) машкланишнинг максимал даражада ўсиши; б) тренировка самарасининг камлиги ёки бутунлай бўлмаслиги; в) спортчининг толикиб колиши. Амалиётнинг катта ва жуда катта нагрузкали (улар хам ўзаро, хам кичик нагрузкали машјулотлар билан окилона алмашиб турилади) машјулотларнинг оптимал сони микроциклга кирган холлар биринчи турдаги

реакцияга хосдир. Катта нагрузкаларни хаддан ортик кўллаш толикишга олиб келади. Йиллик тайёргарлик циклида тренировкани ташкил килиш тизимини моделлаштириш Маълумки, замонавий спорт тайёргарлиги мавжуд назарий ва амалий билимларни умумийлаштириш хамда тартибга тушуришни такозо этади. Бир катор олимлар (Ю.В.Верхошанский, А.П.Бондарчук, Л.П.Матвеев, В.В.Петровский, И.Н.Мироненко ва бошк.) томонидан йиллик ва кўп йиллик циклларда тренировкани ташкил этиш моделлари ишлаб чикилган. Улар тренировка нагрузкалари мазмунини, хажмининг мухим параметрлари ва улар мусобака календари, мазкур боскичда хал этиладиган вазифалар, анъанавий бўлиб колган тайёргарликни даврлаш ва бошка бир катор омиллардан келиб чиккан холда тренировка нагрузкалари мзмуни, хажми хамда вакт ичида таксимлашнинг энг мухим параметрларини сон жихатдан акс эттиради. Йиллик циклдаги тренировка моделларини ишлаб чикишга бўлган зарур шарт-шароитлар сифатида куйидагилар аввал бажарилиши лозим: - етакчи спортчилар тренировкасини ташкил этиш ва терма жамоаларни тайёрлашдаги амалий тажрибани ўрганиш хамда умумлаштириш; - спортчи холати динамикасининг тренировка нагрузкаси мазмуни, хажми ва таксимланишига бојликлигини текшириш; - тайёргарликнинг анъанавий даврланиши ва мусобакалар календарига кўра спортчиларнинг йиллик циклдаги махсус иш кобилияти даражаси динамикасидаги окилона йўналишни аниклаш. Йиллик циклни тузишнинг принципиал (мантикий), сўнгра унинг асосида эса индивидуал (сон) моделини ишлаб чикиш зарур. Махсус адабиётлар ва тренировканинг амалий тажрибаси тахлили мутахассисларга шундай хулосага келишга имкон бердики, кўп йиллар аввал

вужудга келган тренировкани ташкил этишнинг анъанавий шакллари ва тамойиллари бугунги кунда юкори малакали спортчиларни тайёрлаш вазифаларини кониктирмайди. Юкори малакали спортчилар махсус жисмоний сифатларининг ривожланиши шундай даражага етдики, уларни кейинчалик такомиллаштириш учун янги, янада самарали тренировка воситалари хамда услубларини излаб топишни талаб килади. Бундан ташкари, махсус жисмоний тайёргарликнинг йиллик циклдаги ўрнини кайта кўриб чикиш хамда унинг бошка тайёргарлик турлари билан ўзаро бојликлик шаклларини аниклаш лозим. Хозирги пайтда шу нарса маълумки, тренировкани тузиш моделини ишлаб чикишнинг зарур шартларидан бири амалий тажрибани тахлил килиш хисобланади. Бундай тахлил жараёнида юкори малакали спортчиларнинг йиллик циклдаги тренировкасини ташкил килишнинг амалиётда мавжуд бўлган услубларини ўрганиш, шунингдек спортчилар кўллайдиган тренировка (зарур холларда мусобака) нагрузкалари хажмининг аник ўлчамларини аниклаш назарда тутилади. Профессор Ю.В.Верхошанский (1983) хаммуаллифлар билан тренировка моделини тузиш тамойиллари ва шаклларини аниклаб берадиган асосий омиллар сифатида спортчилар холати хамда тренировка нагрузкасининг ўзаро бојликлигининг умумий конуниятлари, шунингдек мунтазам тренировка таъсири остида курашчи организмининг бир холатдан бошкасига ўтиш конуниятини ажратади. Хар бир муайян холда ушбу тамойилларни амалга ошириш усулларига таъсир кўрсатувчи хусусий шароитлар каторига куйидагилар киради: йиллик тайёргарлик циклини анъанавий даврлаш хамда жорий йил учун муайян мусобакалар календари, спортчининг махорат даражаси ва махсус тайёргарлигининг алохида хусусиятлари, олдинги тайёргарлик боскичларидаги тренировка хусусияти ва йўналиши, спортчи олдига кўйиладиган вазифалар, мусобака фаолиятининг кескинлиги ва бошк. Бирок олимлар томонидан тавсия этилган бундай бўлиниш шартли равишда эканлигини хисобга олиш лозим.

Тренировканинг катта боскичини тузиш модели Катта боскич 5 ойгача давом этиши мумкин. Тренировкани ташкил килишнинг таклиф этилаётган шакли анъанавийсидан катъий фаркланади ва биз уларни кўриб чикамиз. Маълумки, тренировка жараёнини ташкил килишнинг анъанавий шаклида (1-расм) махсус жисмоний ва техник тайёргарлик деярли бир вактда олиб борилади. Айтиш жоизки, тренировкани бундай шаклда ташкил этишда нагрузканинг умумий хажми ўсиб бориши билан унинг шиддати хам ортади. Кейин хажми пасаяди, шиддати эса ошиб боришда давом этади. Бир катор тадкикотчилар (Ю.В.Верхошанский, 1979; А.Р.Левченко, 1982; Т.А.Антонова. 1983; И.Н.Мироненко, 1983 ва бошк.) томонидан таклиф килинадиган катта боскичда тренировкани тузиш варианти ишни ташкил килишнинг бутунлай янги шакли хисобланади ва иккита микро боскичларнинг бўлинишидан хосил бўлади (2-расм): биринчисида катта хажмдаги махсус куч нагрузкаси жамланади, иккичисида колдирилган тренировка самараси (КТС) амалга оширилади, натижада техник махоратнинг чукурлашган такомиллашуви содир бўлади. Бунда анъанавий шаклдан фаркли равишда, биринчи боскич нагрузкаси нисбатан паст шиддатга (i) эга бўлади, сўнгра у асосан техник тайёргарлик воситалари хисобига тез ошади. Махсус иш кобилияти даражаси (J) биринчи микробоскичда пасаяди, кейин тез ошади. Бирок бу спортчиларниннг махсус жисмоний сифатларини ошириш даражаси устида алохида иш олиб борилади, дегани эмас. Техник тайёргарлик бутун боскич давомида тренировкаларда олиб борилади. Лекин жамланган куч нагрузкаси “блоки” доирасида унинг хажми катта эмас. Бу вактда техниканинг асосий элементлари, спорт машкининг алохида фазалари хамда бутун харакат схемасининг ритмик тасвири такомиллаштиришади. Жамланган куч ишининг колдирилган тренировка самарасини (КТС) амалга оширишда (иккинчи микро боскичида) техник иш хажми ва шиддати

аста-секин ошиб боради. Мусобака шароитларига якин ёки тенг бўлган режимда асосий машкнинг бажарилиш улуши ортади. Тренировкани тузишнинг кўриб чикилаётган шакли умумий жисмоний тайёргарлик (УЖТ) воситаларини кенг кўллашни ва уларни махсус иш билан маълум даражада уйјунлаштиришни назарда тутади. УЖТ нинг асосий вазифаси махсус ишдан кескин фарк киладиган ва спортчининг иш кобилияти хамда унинг мотор аппаратини тиклашга ёрдам берадиган паст шиддатли фаолиятга ўтиш самарасини кўллашдан иборат. Йиллик циклга иккита катта боскичларни киритиш (3-расм) максадга мувофиклиги асослаб берилган. Бунда бу цикл битта ёки иккита мусобака мавсумини ўз ичига олиши мумкин. Жамланган куч нагрузкасининг иккинчи “блоки” биринчисига нисбатан хажмига кўра кичик бўлиши лозим. Принципиал модел асосида тренировканинг муайян сон модели тузилади. У куйидагиларни хисобга олади: - мазкур спорт турида тренировкани тузиш тажрибаси ва аввалги боскичда спортчиларнинг тайёргарлик хусусиятлари; - аник мусобакалар календари; - спортчилар махсус тайёргарлиги ва алохида топширикларнинг кундалик даражаси; - олдинга кўйилган вазифаларни амалга ошириш учун тренировка ва мусобака нагрузкалари хажмларининг холисона зарур кийматлари; - спортчилар тайёргарлигининг муайян шароитлари ва моддий таъминоти. Режалаштиришнинг ноанъанавий шакли 1976 йилда Д.А.Аросьев томонидан тренировка йилини режалаштиришнинг махсус тайёргарликни шакллантириш тизими деб аталувчи ноанъанавий шакли таклиф килинган эди. Ушбу тизимда хамма тайёргарлик воситаларини мувофиклашган холда режалаштириш усулларига

эътибор каратилган, яъни тренернинг спортчилар махсус тайёргарлигини шакллантириш бўйича хамма харакатлари цикли кўзда тутилган. Мазкур цикл тайёргарлик максадларини аниклаш, мавжуд воситаларни тартибга солиш, уларни вакт оралијида таксимлаш ва х.к. ни ўз ичига олади. Тренировка йилини режалаштиришнинг ноанъанавий вариант тузилмаси хам бошкача. У алмашинадиган тўплаш ва амалга ошириш боскичларига бўлинган ва улар ўзаро алмашини турилади. Йилда асосий мусобакалар канча бўлса, бундай боскичлар шунча бўлади. Бу боскичлар ичида шунингдек иккита турдаги микроцикллар: асосий ва тартиблаштирувчи микроцикллар алмашиб туради. Уларнинг боскичдаги сони 3 дан 6 гача атрофида ўзгариб туради. Ноанъанавий режалаштиришнинг бундай шаклини такомиллаштириш бўйича жадал олиб борилган ишлар сабабли унинг асосий вазифаларини аник ажратиб кўрсатиш имкони юзага келди : спортчиларни йилнинг асосий мусобакаларига тайёрлаш максадларини аниклаш, максадли машјулот, микроцикл, боскич учун максадли вазифаларни ишлаб чикиш; тренировка вазифаларини тартибга келтириш, яъни уларни спортчилар тайёргарлигининг турли томонларига (жисмоний, техник-тактик, рухий, сафарбарлик тайёргарлиги) йўналтирилган таъсирини хисобга олган холда таснифлаш; хамма вазифалар гурухини уларнинг мусобака фаолияти хусусиятига якинлиги даражасини хисобга олган холда бир каторга тизиш (яъни уларнинг микёсини аниклаш); тренировка вазифаларини вакт оралијида таксимлаш (яъни тренировкани режалаштириш, матнли хамда чизмали режаларни тузиш, боскичлар, микроциклларни белгилаб чикиш ва х.к.). Тренировка йилини режалаштириш шу билан тугалланади. Кейин режага тузатишлар киритиш ва уни такомиллаштириш, кўзда тутилган режани амалга ошириш бошланади. Хозирги пайтда спортчилар мусобака олди тайёргарлигини олиб боришнинг иккита усули ажаратилади: анъанавий ва ноанъанавий. Мусобака олди тайёргарлигининг анъанавий усули (Л.П.Матвеев, 1964) хафтама-хафта

ихтисослаштирилган тренировка нагрузкаларининг аста-секин ўсиб бориши билан режалаштирилади. Бевосита мусобакалар олдидан 1-2 кун дам олиш берилади. Бунда мусобака бошланишидан бир кун олдин бўлажак беллашувлар жойи, спорт анжомлари ва бошка шароитлар албатта синаб кўрилади. Мусобака олди тайёргарлигининг ноанъанавий усули (Д.А.Аросыев, 1969; Г.С.Туманян, 1973 ва бошк.) “тебрангич” тамойилига асосланади. Унинг заминида иккита назарий коида ётади: а) И.М.Сеченовнинг фаол дам олиш феноменини амалга ошириш; б) спортчиларнинг умумий ва махсус иш кобилиятини маромга келтириш имконияти. Ушбу тамойилнинг амалга оширилиши иккита турдаги: асосий (МЦа) ва тартиблаштирувчи (МЦт) микроциклларни алмаштириб туриш хисобига эришилади. Бу иккала микроцикллар тренировка давомийлиги, максади, вазифалари, воситалари, услублари, нагрузкалар динамикаси машјулотларни ташкил килиш шакллари, кун тартиби, овкатланиш ва х.к. бўйича фарк килади. “Тебрангич” тамойилига асосланиб тузилган мусобака олди тайёргарлигининг чизмали режаси, масалан, курашчилар учун (Г.С.Туманян, 1983) 4-расмда келтирилган. Режалаштириш учун куйидаги дастлабки маълумотлар кўлланилган: ўкув-тренировка йијини давомийлиги - 14 кун, олдиндан турган турнир давомийлиги - 3 кун. Вертикалига - мусобака дастури, режаси ва шартларига нисбатан машјулотларнинг ихтисослашганлик даражаси; горизонталига - мусобака олди тайёргарлик ва мусобака кунлари. Хулоса килиб айтиш мумкинки, тренировкани ва уни даврлашнинг услубий тамойиллари (Л.П.Матвеев, 1964), спортчилар тайёргарлигининг замонавий тизими (Н.Г.Озолин, 1970; Л.С.Хоменков, 1975; В.В.Кузнецов, А.А.Новиков, 1977), тренировка жараёнини бошкаришни (Ю.В.Верхошанский, 1970) ишлаб чикиш хамда кейинчалик такомиллаштириш, инсон спорт иш кобилиятининг физиологик

механизмлари тўјрисидаги тасаввурларни чукурлаштириш куйидаги мухим муаммо - тренировкани дастурлашни хал этиш учун объектив шарт- шароитлар яратади. Ю.В.Верхошанский (1985) таърифича, дастурлаш - бу тренировка жараёнини режалаштиришнинг янги ва янада такомиллаштирилган шакли бўлиб, у спортчи вакти хамда энергиясини оптимал сарфлаган холда олдинга кўйилган вазифаларнинг хал этилишини таъминлайдиган кандайдир ўзига хос тамойилларга мувофик хамда у ёки бу боскич доирасида воситаларни танлаш хамда уларнинг мазмунини тартиблаштиришни кўзда тутади. Курашчилар тренировка жараёнини замонавий режалаштириш Йил давомида бир текис таксимланган масъулиятли спорт мусобакалари сонининг ортиб бориши 3-4 та макроциклларни режалаштиришни такозо этади. Битта макроцикл асосида йиллик тренировкани тузиш бир циклли, иккита макроцикл асосида - икки циклли, учта макроцикл асосида - уч циклли деб аталади. Хар бир макроциклда тайёргарлик, мусобака ва ўтиш даврлари ажратилади. Икки ва уч циклли тренировка жараёнида “иккиталик” ва “учталик” цикллар, деб ном олган вариантлар доим кўлланилади (5-расм). Бундай холларда биринчи ва иккинчи, иккинчи ва учинчи макроцикллар орасида ўтиш даврлари режалаштирилмайди, жорий макроциклнинг мусобака даври силликкина кейингисининг тайёргарлик даврига ўтади (В.Н.Платонов, 1986). Бир катор мутахассислар кўп йиллик режалаштиришда йиллик циклнинг ўз вариантларини таклиф этадилар (6-расм). Р.Петров (1977) курашчиларнинг биринчи ва иккинчи йилида бир циклли, учинчи ва тўртинчи йилларда - икки циклли режалаштиришни таклиф килади; болалар хамда ўсмирлар учун тезкор режа тузишда хафталик циклдаги тренировка схемасини тавсия этади (6-жадвал)

Тренировка жараёнини окилона тузиш хозирги замон спорт назарияси ва усулиятининг марказий муаммоси хисобланади. жадвал Болалар, кичик ва катта ёшдаги ўсмирлар учун тахминий хафталик цикллар (Р.Петров бўйича, 1977) Ёш гурухлари Хафта кунлари Душан -ба Сешан -ба Чоршан -ба Пайшан- ба Жума Шанба Якшан- ба Тайёргарлик даври Болалар УЖТ - ТТТ - УЖТ - Хаммо м Кичик ёшдаги ўсмирлар УЖТ ТТТ - УЖТ ТТТ - Хаммо м Катта ёшдаги ўсмирлар УЖТ ТТТ УЖТ МЖ ТТТ УЖТ ТТТ Хаммо м Мусобака даври Болалар - ТТТ - УЖТ - МЖ ТТТ Хаммо м Кичик ёшдаги ўсмирлар - УЖТ МЖ ТТТ УЖТ ТТТ МЖ ТТТ Хаммо м Катта ёшдаги ўсмирлар МЖ ТТТ УЖТ МЖ ТТТ УЖТ ТТТ МЖ ТТТ Хаммо м Ўтиш даври Болалар - УЖТ - - УЖТ - Саёхат Кичик ёшдаги ўсмирлар УЖТ - ТТТ - ИЖТ - Саёхат Катта ёшдаги ўсмирлар - УЖТ ТТТ - УЖТ УЖТ Саёхат

Изох: УЖТ- умумий жисмоний тайёргарлик, ТТТ - техник-тактик тайёргарлик, МЖ ТТТ - махсус жисмоний техник-тактик тайёргарлик.

Адабиётлар: 1. Верхошанский Ю.В. Программирование и организация тренировочного процесса. -М., 1985. 2. Верхошанский Ю.В. Основы специальной физической подготовки спортсменов. -М., 1988. 3. Керимов Ф.А. Кураш тушаман. -Т., 1990. 4. Матвеев Л.П. Общая тероия спорта. -М., 1997. 5. Матвеев Л.П. Основы общей теории спорта и системы подготовки спортсменов. Киев, 1999. 6. Платонов В.Н. Общая теория подготовки спортсменов в олимпийском спорте. Киев, 1997. 7. Современная система спортивной подотовки. Под.ред. Суслова и др. -М., 1995. 8. Туманян Г.С. Спортивная борьба: отбор и планирование. -М., 1984.

Похожие

Тренировка жараёнини бошқариш

Тренировка жараёнини назорат қилиш

Тренировка нагрузкаларини назорат килиш

Ўкув-тренировка йигинларини ташкил килиш ва ўтказиш

Курашда спорт захираларининг кўп йиллик тайёргарлиги