Спорт курашида тадкикот услублари - Физическая культура - Рефераты

Спорт курашида тадкикот услублари

Загружено в:

20.09.2019

Скачано:

0

Размер:

101.5 KB

Спорт курашида тадкикот услублари Режа: 1. Тадкикот услубларининг умумий тавсифи 2. Тадкикот услублари 3. Тадкикот услубларига умумий талаблар 4. Моделли тажриба 5. Лаборатория тажрибаси 6. Табиий тажриба 7. Бевосита кайд килиш услублари 8. Хронометрия 9. Назорат синовлари 10. Анкета сўрови 11. Математик статистика услуби

Тадкикот услубларининг умумий тавсифи Спортдаги долзарб муаммоларни муваффакиятли хал этиш кўп жихатдан замонавий тадкикот услубларидан тўгри фойдаланишга боглик. Бундай услублар ичида педагогик услублар мухим ўрин эгаллайди, шунингдек тиббий-биологик, психологик, ижтимоий ва бошка тадкикот услублари кенг кўлланилади. Тренировка услубиятини такомиллаштиришда тренерлар ва илмий ходимларнинг ютуклари кўп жихатдан спортчиларнинг йирик халкаро мусобакаларда муваффакиятли катнашишига ёрдам берди. Бунда спортчиларнинг мусобакаларга тайёргарлиги ва катнашиши даврида амалга оширилган комплекс тадкикотлар жараёнида олинган кимматбахо илмий маълумотлар катта ахамият касб этди. Спортнинг долзарб муаммоларини ўрганишда куйидаги турдаги тадкикотлар кўлланилади: назарий, амалий (педагогик тажрибани йўлга кўйиш, ходисаларни тренировка ёки мусобака фаолиятининг табиий шароитларида ўрганишни ўз ичига олади) ва лаборатория тажрибалари. Улардан комплекс холда фойдаланиш кўпгина тадкикотлар учун хосдир. Бунда улардан бири етакчи ўринни эгаллайди. Тадкикот дастурига кайси услубларни киритиш максадга мувофик эканлигини аниклашда куйидаги шартларга риоя этиш лозим: тадкик килинаётган ходиса табиатини чукур ва хар томонлама ўрганиш; тадкикот максади, вазифалари, фаразини аник ифодалаш; тадкикотчининг ушбу сохасидаги билим даражасининг етарли бўлиши; тадкикот ходимларининг техник жихозланганлиги; тадкикот гурухининг моддий имкониятлари; тадкикот вазифаларини муваффакиятли хал этиш учун ахамиятга эга бўлган бошка шартлар. Тадкикот услубларини эгаллаш ва спортда улардан окилона фойдаланиш ўкув-тренировка жараёнини бошкаришга тўгри ёндашиш имконини беради. Илмий тадкикотлар натижалари спорт курашида тараккиёт асоси хисобланади.

Олдинда турган тадкикотларга киришаётиб, ФИЛА Президенти М.Эрцеганнинг маслахатини ёдга олиш лозим: “Биз шундай даврга кирдикки, хар бир фанда илмий тадкикотлар натижалари кўлланилиши зарур, эмперизм тарихда колди ва курашга илмий тадкикотлар натижаларига асосланган янгича ёндашиш керак. Илмий изланишларни яхши ташкил этиш ва илмий натижаларни кураш мутахассисларини тайёрлаш амалиётига татбик этиш учун зарур бўлган шароитларни яратиш лозим”. Тадкикот услублари Курашчини ўкитиш ва тренировка килдириш назарияси хамда услубияти вазифаларини хал этиш учун куйидаги тадкикот услубларини самаралирок деб хисоблаш мумкин: Педагогик тажриба (табиий, моделли, лаборатория). Бевосита кайд килиш услублари: а) педагогик кузатишлар; б) хронометрия ва хронография; в) техник харакатларнинг стенографияси ва магнитофон тасмасига ёзиш; г) назорат синовлари, назорат машклари услуби; д) кайд килишнинг инструментал услублари (турли хил аппаратуралар ёрдамида) билан бир каторда кино-, видео- ва фотосуратга олиш, полидинамометрия, тензометрия ва кураш ихтисослигига жавоб берадиган бошка кайд килиш услублари; е) спортчи махоратининг асосий томонлари хамда организми тизими кўрсаткичларини кайд килиш учун комплекс стендлар. Адабиёт манбаларини тахлил килиш. Анкета савол-жавоблари ва бошк. Тадкикот услубларини танлаш биринчи навбатда ишнинг муайян вазифаси хамда мавзуни бутунлигича хал этишнинг максадга мувофиклиги билан аникланади. Тажриба гурухларида ўкув-тарбия ишларини ташкил этиш услублари учта турда бўлади:

1) тажриба услуби, бунда ўкув-тарбия жараёнига кандайдир янги педагогик омиллар уларнинг таъсир этиш самарадорлигини ўрганиш максадида киритилади; 2) назорат услуби, бунда ўкув-тарбия ишларининг умумий кабул килинган шакллари ва мазмунига тажриба услуби билан таккослаш мезони сифатида амал килинади; 3) индивидуал услуб, бунда ўкув-тарбия жараёни шахсий режага мувофик тадкикотни аралаштирмаган холда педагог томонидан амалга оширилади. Биринчи иккита услуб тажриба гурухларида киёсий тажрибани ўтказишда бир-бири билан кўшилиб келади. Тажриба услуби назорат услубисиз кўлланилиши мумкин. Назорат услуби тажриба услубисиз хеч кандай маънога эга бўлмайди, шунинг учун алохида кўлланилмайди. Индивидуал услуб мавжуд педагогик жараённи унга бевосита аралашмай туриб ўрганиш зарур бўлган холларда кўлланилади. Кундалик маълумотларни танлаб олиш услуби турли хил - оддий кўз билан кузатиб тахлил килиш ва бахолашдан тортиб то замонавий кайд килувчи электрон мосламаларни кўллашдан иборат бўлиши мумкин. Ушбу услубларнинг доимий гурухларини яратишга бўлган хар кандай уриниш самарасиз якунланиши мумкин, чунки уларнинг турлари мунтазам ўзгариб боради. Ретроспектив ахборот олиш услублари адабиёт манбаларини тахлил килиш ва ретроспектив вокеаларининг анкета савол-жавобини ўз ичига олади. Математик ишлаб чикиш услублари жуда хар хил: умумий кабул килинган статистик параметрлар бўйича фарклар ишончлилигини белгилашнинг оддий услубларидан тортиб то омиллар тахлили каби мураккаб услублар. Кандай услубни танлаш - бу тадкикотнинг муайян вазифаларига богликдир. Тадкикот услубларини танлаш биринчи навбатда илмий ишнинг муайян вазифалари билан белгиланади. Уларнинг режалаштирилаётган тадкикот муваффакияти учун кандай ахамиятга эга эканлиги хакида И.П.Павлов

шундай дейди: “Услуб - энг биринчи, асосий нарса. Бутун тадкикот жиддийлиги услубга, хараккат усулига боглик. Хамма гап яхши услубда. Яхши услубда унча иктидорли бўлмаган киши хам кўп иш килиши мумкин. Ёмон услубда эса юксак заковатли киши хам бекорга ишлайди ва кимматбахо, аник маълумотлар ололмайди”. Тадкикот услубларига умумий талаблар У ёки бу тадкикот услубларини хар бир муайян холда уларнинг максадга мувофиклигига мос равишда кўллаш лозим. Шунинг учун у ёки бу услубнинг яроклилигини аниклашда баъзи умумий талаблар тўгрисида гапириш мумкин, холос. 1-чи талаб . Услуб бирга келадиган омиллар таъсирига бўлга маълум бир мустахкамликка эга бўлиши лозим. Бунинг маъноси шуки, услуб бевосита вужудга келадиган омилларнинг эмас, балки факат тажриба омили таъсиридан келиб чикадиган синалувчилар холатини акс эттириши лозим. 2-чи талаб . Услуб ўрганилаётган ходисаларга нисбатан маълум бир танланиш хусусиятига эга бўлиши керак. Бошкача айтганда, у ўрганилаётган ходисага мувофик бўлиши хамда, натижада, тадкикот вазифасига биноан акс эттириши лозим бўлган нарсани акс эттириши зарур. 3-чи талаб . Услуб хажмга эга бўлиши лозим, яъни максимал даражада маълумот бериши керак. Услубнинг етарлича хажмда бўлиши ходисанинг хакикий холатини таърифлашга имконият берадиган хажмда маълумот олишга имкон яратади. Услубнинг катта хажми унинг бирга келадиган омиллар таъсирига янада мустахкамрок килади. 4-чи талаб . Услуб кайта амалга оширилиш имкониятига (ишончлиликка), яъни куйидаги холларда ўхшаш натижаларни бериш кобилиятига эга бўлиши лозим: а) бир синовчининг ўзи томонидан бир шугулланувчининг ўзини кўп марта тадкик килиш; битта синовчининг ўзи томонидан турли, лекин ўхшаш шугулланувчилар гурухларида

тадкикотларни ўтказиш; в) турли синовчилар томонидан лекин, бир шугулланувчиларнинг ўзи билан тадкикотлар олиб бориш. 5-чи талаб . Агар тадкикот ўз мохиятига кўра педагогик тажрибани кўллашга рухсат этса, у илмий ишга киритилиши лозим. И.П.Павлов тадкикотнинг кузатишга нисбатан афзаллиги тўгрисида шундай ёзган: “ Кузатиш табиат унга такдим этган нарсаларни тўплайди, тажриба эса табиатдан ўзи хохлаган нарсани олади”. 6-чи талаб . Максадга мувофик холда битта эмас, балки бир нечта тадкикот услубини кўллаш лозим. Бунда, агар тадкикот вазифалари талаб этса, физиологик услублар билан бирга психологик тахлил услубларидан фойдаланиш зарур. Услубларнинг комплекс холда кўлланилиши ходисани хар томонлама ва янада холисона ўрганишга имкон беради. 7-чи талаб . Синовчи асосий материални йигишдан олдин тадкикот услубларини мукаммал эгаллаган бўлиши шарт. 8-чи талаб . Хар бир янги услуб, унинг самарадорлигини аниклаш максадида, апробациядан ўтиши лозим. 9-чи талаб . Хар кандай тадкикот услуби олинадиган маълумотларни кайд килиш учун хужжатларни ишлаб чикишдан иборат шароитларни олдиндан пухта ташкил килишни такозо этади. 10-чи талаб . Такрорий тадкикотларда услубларни кўллашнинг ўхшаш шароитларини яратиш лозим. Тадкикот услубларини танлашда юкорида айтилган услубларга риоя килиш олинган маълумотларни объективлаштириш асосини яратади ва тадкикот натижалари ишончлилигини оширади.

Моделли тажриба Модел - бу ходисани маълум бир, сунъий ташкил килинган шароитларда кайта амалга оширишдир. Моделли тажрибада тадкикот услубларининг катта комлексини (инструментал услубларни кўшган холда) бир вактнинг ўзида кўллаш, шу оркали аникланган конуниятни катта аниклик билан хамда кисмларга бўлиб очиб бериш имконияти мавжуд. Моделнинг мухим белгилари бўлиб кўргазмалилик, илмий ва ижодий фантазия элементи, ўхшашликни амалий хакконият билан кўллаш хисобланади. Моделни тажриба ишида кўллаш давомида унинг айрим томонларига шакл берилади. Тажрибанинг бошлангич вариантига тузатишлар киритилади. Вариант худди иккинчиси, учинчиси ва х.к.нинг моделига айланади. Охир-окибат моделли тадкикотлар вариантлари спортчи тайёргарлигининг у ёки бу томонига локал, таъсир кўрсатувчи тренировка услуби бўлиб хизмат килиши мумкин. Лаборатория тажрибаси Лаборатория тажрибаси синалувчиларни ташки мухит омиллари таъсиридан четлаштириш учун зарур бўлган шароитларни катъий андозага солиш билан тавсифланади. Лаборатория тажрибаси асосан кандайдир жараён асосида ётган чукур физиологик механизмларни аниклаш учун кўлланилади. Лаборатория тажрибасини ўтказишда хамма шартларга пухта амал килиш талаб этилади. Табиий тажриба Табиий тажриба тадкикочи учун машгулотлар шароитларини бир оз ўзгартириш зарур бўлган пайтда ўтказилади. Синалувчилар одатда бундай ўзгаришларни сезмайдилар. Табиий тажрибага спорт кураши бўйича

куйидаги машгулотларни энг оддий мисол тарикасида кўрсатиш мумкин, яъни бунда ўкитувчилар янги тренировка воситалари ва услублари комплексининг шугулланувчилар организмига таъсир кўрсатишини текширадилар. Мазкур комплекс оддий дастур муаммолари комплексига киритилган холда ўрганилади. Гурухларни жамлаш шаклига кўра педагогик тажрибаларнинг иккита асосий типини ажратиш мумкин. Биринчи типга факат тажриба гурухи мавжуд бўлган ва назорат гурухи бўлмаган ёки унинг борлиги назарда тутилмаган тип тааллукли, иккинчисига битта ёки бир нечта назорат ва тажриба гурухлари мавжуд бўлган тип киради. Тажриба синалувчиларнинг ундаги иштироки даражасига караб очик ёки ёпик бўлиши мумкин. Бевосита кайд килиш услублари Педагогик кузатишлар. Тренировкаларда бажариладиган нагрузкани назорат килиш куйидагича аникланади: муайян ишнинг соф вакти шиддат (шу шиддатда иш бажарилади) балларига кўпайтирилади. Шиддат юрак кискариш тезлиги бўйича аникланади (15-бобга каранг) Ишнинг хамма бўлаклари йигиндиси(шартли бирликларда) кайсидир бир машгулотнинг умумий нагрузкасини тавсифлайди. Спорт курашида техник-тактик махоратни назорат килиш учун махсус ишлаб чикилган рамзий белгилардан фойдаланилади. Рамзий белгилар ёрдамида курашчилар беллашувда бажарган хамма техник харакатларни кайд килиш, хар бир спортчи биладиган усуллар сони ва сифатини аниклаш, кандай усуллар турли вазн тоифасидаги курашчилар орасида энг кенг таркалганлигини белгилаш, асосий ракибларнинг техник махорати ривожланиши йўналишини аниклаш, бажарилган усулларнинг (сони ва сифатига караб) беллашув даврлари бўйича таксималанишини белгилаш мумкин.

Мутахассиларнинг фикрича, кино- ва видеоёзув баённомалар билан амалга ошириладиган педагогик кузатишларни ўрнини боса олмайди. Шунинг учун курашчилар услубиятини такомиллаштиришга интилиш зарур, хусусан битта ходисани олдиндан тайёрланган бир нечта шахслар билан кузатишни ташкил этиш лозим. Хронометрия Кандайдир харакатларни бажаришга сарфланган вактни аниклаш ва уни ёзиб олиш хронометрия хамда хронография мазмуни асосини ташкил этади. Хронометрия мустакил тадкикот услуби сифатида хам кўлланилади (масалан, энг яхши тренерлар иш тажрибасини умумлаштиришда ва бошка услубларга кўшимча тарикасида, масалан, педагогик тажрибада). Дарснинг умумий (У зич) ва харакат зичлигини (Х зич) аниклаш учун ўкувчиларнинг куйидаги харакат турлари хронометрияси амалга оширилади: 1. Машгулотларда ўрганиладиган хамма харакатларни бажариш вакти аникланади. 2. Тушунтиришларни эшитиш ва машкларнинг кўрсатилиши, кўргазмали куролларнинг намойиш этилишини кузатиш. 3. Дам олиш, ўкувчиларнинг навбатдаги машгулотни бажаришларини кутиш. 4. Машгулотларни ташкил килиш бўйича харакатлар. 5. Оддий. Бундай кўрсаткичларни хисоблаш куйидаги формулаларга асосан бажарилади: У зич = ty - t тўх . 100%, Х зич = t б . 100% ty ty Бу ерда: У зич - дарснинг умумий зичлиги Х зич - дарснинг харакат зичлиги

ty - дарснинг умумий вакти tтўх. - ўкитувчи айбига кўра тўхтаб колиш вакти tб - машклар ва топширикларни бажариш вакти. Дарс зичлиги бутунлигича ва унинг алохида кисмлари бўйича хисобланади. Хронометрия натижалари график холда чизилиши мумкин. График тасвирлаш учун энг яхши миллиметрли когоздан ёки махсус блокнотлардан фойдаланиш зарур. Хрономертия ўтказаётиб, шуни назарда тутиш лозимки, энг тез ва киска ёзувда бунинг учун, одатда, 2-3 сек. сарфланади. Бу вакт ичида педагогик жараённинг кўпгина мухим дакикалари кузатувчи назаридан четда колади. Ушбу камчиликларни кам даражага тушириш максадида кузатишлар дастурини соддалаштириш ёки кузатувчилар бригадасини ташкил этиш лозим. Назорат синовлари Назорат синовлари алохида харакат сифатларининг ривожланиш даражасини аниклаш; айрим шугулланувчилар билан бирга бутун гурух тайёргарлигини таккослаш; у ёки бу спорт тури билан шугулланиш хамда мусобакаларда катнашиш учун спортчиларни оптимал танлаб олишни амалга ошириш; айрим спортчилар билан бир каторда бутун гурух тренировкасини холисона назорат килишни киритиш; кўлланилаётган ўкитиш услублари, воситалари хамда машгулотларни ташкил килиш шаклларининг афзалликлари ва камчиликларини аниклашга ёрдам беради. Назорат синовлари хар кандай тадкикот услубларига кўйиладиган талабларга (баркарорлик, танланганлик, катта сигим, кайта амалга ошириш) жавоб бериши лозим. Назорат синовлари назорат машклари ёки тестлар ёрдамида ўтказилади.

Назорат машкларини ишлаб чикишда куйидаги умумий коидаларга амал килиш зарур: 1) танланган назорат машклари хамма синалувчилар учун бир хил шароитда синовларни ўтказиш имкониятини бериши лозим; 2) назорат машклари хамма синалувчилар учун, уларнинг техник ва жисмоний тайёргарлигидан катъи назар, енгил бўлиши керак; 3) киёсий тадкикотларда назорат машклари ўрганилаётган педагогик омилларга нисбатан индифферентлилик билан тавсифланиши лозим (масалан, тренировка машгулотининг янги мазмуни хусусиятини акс эттирувчи назорат машкларига караб, унинг катта самарадорлиги тўгрисида фикр билдириб бўлмайди, яъни, бошкача килиб айтганда, агар тажриба гурухларида янги харакатлар ўрганилса, назорат гурухида эса ўрганилмаса, синовлар дарснинг янги ва эски мазмуни учун бир хилда тааллуксиз бўлади); 4) хар бир назорат машки кайсидир бир обеъктив кўрсаткичларда (секундлар, сантиметрлар, килограммлар, такрорлашлар сони ва х.к.) ўлчанган бўлиши лозим; 5) назорат машклари имкони борича ўлчаниши ва бахоланишига кўра соддалиги билан ажралиб туриш зарур; 6) назорат машклари синалувчилар учун тадкикот натижаларига кўра кўргазмали бўлиши керак. Назорат машкларини тадкикот ва ўкув-тарбия жараёни вазифаларига боглик муддатларда ўтказишни тавсия этиш лозим. Назорат синовлари кўпгина холларда хар бир ўкитиш даврининг бошида, ўртасида ва охирида ўтказилади (масалан, йиллик тренировка циклининг тайёргарлик даврида). Бирок махсус чидамлиликка каратилган назорат синовлари факат мусобака даврида олиб борилади. Назорат машкларини куйидаги кетма-кетликда бериши тавсия этилади: биринчи кун - тезкор-куч, иккинчи кун - куч ва чидамлилик сифатларини ривожлантиришга каратилган машклар.

Сўнгги йилларда тестлаш назариясида нафакат ихтисослаштирилган назорат машклари тизимини, балки морфо-функционал кўрсаткичларни ўз ичига оладиган комплексларни ишлаб чикишга интилиш кузатилмокда. Бундан ташкари, хамма тестлаш натижаларини очколарга айлантиришга уриниш мавжуд, чунки хамма тестлар бўйича очколар йигиндисини ўзгартириш хам алохида шугулланувчиларнинг, хам бутун гурухнинг тараккиёти тўгрисида фикр хосил килишга, жамоаларга саралашни янада асосланган холда амалга оширишга имкон беради. Уйгунлаштирилган тестларга алохида эътибор каратиш лозим, чунки улар ёрдамида битта харакат бўйича бир канча харакат сифатлари хамда малакаларининг ривожланганлик даражасини аниклаш мумкин. Бирок етарлича салмокли ва кайта амалга ошириб бўладиган уйгунлаштирилган тестларни яратиш катта кийинчилик тугдиради, чунки улар учун нисбатан мураккаб харакатларни танлаб олишга тўгри келади. Бундай тестларнинг натижалилиги синалувчиларнинг жисмоний тайёргарлик даражасига боглик. Анкета сўрови Анкета савол-жавоб шундай усуллар гурухига тааллуклики, у социология, педагогика ва психологияда сўровнома деб аталади. Бу гурухга, анкета сўровидан ташкари, интервю ва сухбатлашиш киради. Ушбу хамма услублар битта етакчи хусусиятга эга: улар ёрдамида тадкикотчи сўралувчиларнинг (респондентлар) огзаки маълумотларида мавжуд ахборотларни олади. Тадкикотнинг бошка услубларига караганда, сўров самарадорлиги иккита нарсага боглик: биринчидан, респондент берилган саволларга жавоб беришни хохлайдими ва жавоб берадими, хамда, иккинчидан, у бу саволларга жавоб бера оладими. Анкета сўрови - бу респондентларнинг андозалаштирилган анкета саволлари тизимига берган ёзма жавобларидан ахборот олиш услубидир.

Интервю - тадкикотчи томонидан огзаки бериладиган саволлар тизимига респондентларнинг огзаки жавоб бериш йўли билан ахборот олиш услубидир. Сухбатлашиш - тадкикотчининг кизиктирган масалалар бўйича икки томонлама ёки кўп томонлама мухокама килиш йўли билан ахборот олиш услубидир. Анкета сўрови жисмоний тарбия назарияси ва услуятида энг кўп таркалган услублардан хисобланади. Анкета кириш, асосий ва демографик кисмдан иборат бўлиши лозим. Анкетанинг кириш кисми респондентларга ўзига хос мурожаатдан иборат бўлиб, унда: 1) мазкур тадкикот мавзусини олиб бораётган илмий муассаса хамда тадкикотчи кимнинг номидан иштирок этаётганлиги; 2) тадкикот вазифалари; ушбу вазифаларни хал этишнинг назарий ва амалий ахамияти; 3) олдинга кўйилган вазифаларни хал этишда хар бир респондентнинг вазифаси; 4) респондент жавобларининг тўлик сир тутилишига ишонч билдирилиши тадкикот маълумотлари хамда нашрда сўралувчининг исми кўрсатилмаслиги лозим; 5) анкетани тўлдириш коидалари; 6) агар респондент истаса, тадкикот натижаларининг унга етказилишига ишонтириш; 7) анкетани тадкикотчига кайтариб бериш усули кўрсатилади. Асосий кисм саволлар тўпламидан ташкил топади, уларга берилган жавоблар тадкикотчи вазифаларини хал этишга каратилган. Респондент рухиятини хисобга олиб, социологлар асосий кисмнинг уч погонали шаклини ишлаб чикканлар: саволларнинг учдан бир кисми респондентларни кизиктириш хамда ишга жалб килишга мўлжалланган. Бу кисмдаги саволлар нисбатан оддий ва кўп жихатдан фактлар, вокеаларга тааллуклидир. Саволларнинг иккинчи кисми тадкикотнинг асосий вазифаларини хал этишга каратилган холда, одатда: сабаблар ва бахолашга тааллукли бўлади. Охирги учдан бир кисмида аввалги погоналардан олинган саволарни, шунингдек респондентнинг алохида жавобини талаб этган назорат ва яширин саволларни ўз ичига олади. Тадкикотчиларнинг

кўрсатишича, яширин саволларга респондентлар анкета охирида тўгрирок жавоб берадилар. Анкетанинг демографик кисми респондентнинг паспорт маълумотларини аникловчи саволлардан ташкил топади. Олимлар узок тортишувлар натижасида шундай фикрга келдиларки, анкетанинг демографик кисми унинг охирида жойлашган бўлиши лозим. Математик статистика услуби Ўртача арифметик ўлчамни хисоблаш. Ўртача арифметик ўлчам катор бир хилдаги кўрсаткичларнинг сон кийматларини умумлаштирувчи хосила хисобланади. Маълум бир йигиндини битта сон билан ифодалаётиб, у гўёки тасодифий алохида огишлар таъсирини юмшатади хамда умумлаштирилган сон тавсифларига эътибор каратиб, ўрганилаётган кўрсаткичлар каторининг энг типик хоссаларини аниклайди. Ўртача арифметик ўлчам хамма олинган кийматларни (улар вариантлар деб аталади) кўпайтириш ва йигиндини вариантлар сонига бўлиши йўли оркали хисобланади. M = Е V n бу ерда E - йигинди белгиси V - тадкикотда олинган кийматлар (вариантлар) n - вариантлар сони Ўртача арифметик ўлчам ўрганилаётган ходисалар гурухларини бутунлигича таккослаш ва бахолашга имкон беради. Бирок ходисалар гурухини тавсифлаш учун факат бу ўлчам камлик килади, чунки вариантларнинг тебраниш ўлчови (ўлчов ана шу вариантлардан ташкил топади) турли хил бўлиши мумкин. Шунинг учун ходисалар гурухлари тавсифига шундай кўрсаткич киритиш лозимки, бу кўрсаткич вариантлар

тебраниши ўлчами тўгрисида уларнинг ўрта ўлчами атрофида тасаввур хосил килиши лозим. Ўртача квадратлар огишмаси - бу статистик параметр бўлиб, у стандарт огишма ёки оддий стандарт деб аталади. Ўртача квадратлар огишмаси ўлчами таркалиш кўрсаткичи, яъни тадкикотда олинган вариантларнинг уларнинг ўртача ўлчамидан огиши хисобланади хамда ходисалар гурухлари тавсифини тўлдиришга хизмат килади. Ушбу кўрсаткич куйидаги формула бўйича хисобланади: G + = Ed2 p n бу ерда G - ўртача квадратлар огишмаси d - хар бир вариант ўртаси ва ўртача арифметик ўлчам ўртасидаги фарк n - вариантлар сони. Ўртача квадратлар огишмаси ўлчами вариантлар тебранишлари ўлчамига боглик: вариантларнинг охирги кийматлари ўртасидаги фарклар амплитудаси канча кўп бўлса, яъни белгининг ўзгарувчанлиги канча катта бўлса, ўртача квадратлар огишмаси ўлчами шунча катта бўлади. Ўртача арифметик ўлчамнинг ўртача хатосини хисоблаш. Ўртача арифметик ўлчамнинг ўртача хатосининг шартли белгиси - m . Шуни ёдда тутиш лозимки, статистикада “хато” деганда тадкикот хатоси эмас, балки ушбу ўлчамни кўрсатиш микдори, яъни шундай микдорки, у буйича йигиндидан олинган ўртача арифметик ўлчам бош йигинди асосида олинган хакикий арифметик ўлчамдан фарк килади. Ўртача арифметик ўлчамнинг ўртача хатоси куйидаги яормула бўйича аникланади: m =  G ‹ћќ› n

Юкорида келтирилган бир катор тадкикот услублари спорт кураши бўйича ихтисослашадиган талабалар илмий тайёргарлигининг мухим кисми хисобланади. Бу ўринда шуни таъдиклаш жоизки, “тадкикот усулияти” ва “тадкикот услублари” тушунчалари ўртасида фарк бор. Тадкикот усулияти - бу ўзига хос дастур, умуман тадкикот режаси, ўрганилаётган муаммонинг у ёки бу мавзусини хар томонлама олдиндан ишлаб чикиш натижасидир. Хар кандай муайян тадкикот бир катор боскичлар кўринишида берилиши мумкин. Боскичларнинг богликлиги, уларнинг шартли кетма- кетлиги тадкикотни ташкил этиш схемасида акс эттирилиши мумкин. Схема куйидаги кўринишда бўлади: Адабиётлар ва амалиётни тахлил килиш - мавзу танлаш - вазифаларни аниклаш - фаразни ишлаб чикиш - тадкикот режаси - синалувчиларни танлаш - тадкикот услубларини танлаш - ёрдамчиларни тайёрлаш - хужжатларни тайёрлаб кўйиш - шароитларни яратиш - материални танлаш - материални ишлаб чикиш - натижаларни расмийлаштириш - амалиётга татбик этиш. Хар бир боскич ўзининг, нисбатан мустакил вазифаларига эга. Улар доим кетма-кетликда, баъзида эса бир вактнинг ўзида хал килинади.

Адабиётлар: 1. Ашмарин В.А. Теория и методика педагогических исследований в физическом воспитании. - М., 1978. 2. Благуш П.К. К теории тестирования двигательных способностей. - М., 1982. 3. Годик М.А. Контроль тренировочных и соревновательных нагрузок. - М., 1980. 4. Иванов В.В. Комплексный контроль в подготовке спортсменов. - М., 1987. 5. Игуменов В.М., Подливаев Б.А. Методика и организация научных исследований в спортивной борьбе. - М., 1985. 6. Масальгин Н.А. Математико-статистические методы в спорте. - М., 1974.

Похожие

Спорт курашида саралаш

Спорт тренировкаси максади, вазифалари, воситалари, услублари ва асосий тамойиллари

Спорт фаолиятини моделлаштириш

Спорт мусобақаларининг тизими

Спорт машғулотларида назорат