Туризмдаги махсус турларга туристик маршрутлар ишлаб чиқиш - Экономика - Рефераты

Туризмдаги махсус турларга туристик маршрутлар ишлаб чиқиш

Загружено в:

20.09.2019

Скачано:

0

Размер:

44.5 KB

Туризмдаги махсус турларга туристик маршрутлар ишлаб чиқиш Туризмдаги махсус турлар учун маршрутларни туристик маршрутда хизматлар кўрсатиш талаби бўйича икки гуруҳга бўлишимиз мумкин: 1-гуруҳ – Алоҳида туристик маршрутни талаб қилмайдиган туризмнинг махсус турлари; 2-гуруҳ - Алоҳида туристик маршрутлар ишлаб чиқишни талаб қиладиган туризмнинг махсус турлари. Туриздаги махсус турлар географиясидан маьлумки, ҳозирча биз Ўзбекистонда туризмдаги махсус турларнинг 11 турини рўйхатга олдик. Бу турлар ҳам жами 51 тармоқга, кўринишларга бўлиниб кетади. Биринчи гуруҳда турган махсус турлар алоҳида туристик маршрутлар ишлаб чиқишни талаб қилмаслигининг сабаби – бу турлар ресурслари – обьектлари асосан шаҳарларимиз, туманларимиз марказларининг ичида ёки атрофларида жойлашганлигидир. Маьлум бир шаҳарга келган ҳар қандай даражадаги туристни махсус турлар обьектига таклиф қилиш туроператорнинг тадбиркорлигига боғлиқ. Махсус тур шаҳар ичида ёки атрофида (масофа яқин) бўлганлигидан туристик маршрутдаги асосий хизматлар: маршрутдаги тўхташлар вақтида, дам олиш, кўнгилочар ўйинлар ўтказиш, экзотик сафар, тунаш кабилар талаб қилинмайди. Турист махсус тур обьекти билан танишгач, томоша ёки сўраб суриштиришлар, расм ёки видеога олгач ўзи тўхтаган меҳмонхонага қайтади. Туристик маршрутда юқорида қайд қилинган хизматларнинг барчаси турист яшаётган меҳмонхона маъмурияти томонидан амалга оширилади. Қайд қилинган мулоҳазалардан кейин 1-гуруҳ қуйидагича тўлдирилиши мумкин. Биринчи гуруҳ – Алоҳида туристик маршрутни талаб қилмайдиган туризмнинг махсус турлари:

1.1. Миллий маданиятга қизиқиш туризми 1.2. Этник ва соғиниш туризми 1.3. Миллий саньат туризми 1.4. Миллий ҳунармандчилик туризми 1.5. Миллий устачилик туризми. Гуруҳдаги «Этник ва соғиниш туризми»нинг алоҳида туристик маршрутлар талаб қилмаслигининг сабаби бу турни амалга оширувчи туристлар аксарият ҳолларда «ўзбошимчалик» усулини қўллайди, яьни у борадиган жойини билади ва туристик фирма ёки туризм оператори хизматига харажат қилишни хохламайди. Бу ҳолатнинг яна бир сабаби «соғинган» яқинлари, дўстлари, ўртоқлари меҳмонхона хизматларининг барчасини унга бепул таклиф этади, (меҳмон сифатида). Учинчидан, бу турдаги туристлар гуруҳларни ташкил қилмайди, аксинча якка ёки оила таркибида ҳаракатланади. Этник, этнографик туризмда деярли тадқиқотчилар-тарихчилар, адабиётшунослар, қизиқувчилар(бир ёки бир нечта турист) бўлганлигидан махсус маршрут ишлаб чиқиш зарурати йўқ. Этнограф туристлар асосий ҳолатларда таржимон- йўлбошловчи ва транспорт турини ижарага олиб бир манзилдан ёки бир ахоли масканидан иккинчи бир манзилга эркин ҳаракат қилишади. Улар анча оддийроқ туристлар бўлганлигидан қишлоқларда, овулларда ёки туманлар марказларидаги оддий маҳаллий меҳмонхоналарда тунаб, хизматларнинг деярли барчасини ўзига-ўзи хизмат усулида бажариб кетаверади. Иккинчи гуруҳга киритилган махсус турларнинг «алоҳида туристик маршрутлар ишлаб чиқишни талаб қилиши» нинг бош сабаби – бу турларнинг шаҳарлар ва туманлар марказларидан узоқда жойлашганлигидир. Туристик ресурсга-обьектга борган турист учун бундай жойлардаги биринчи муаммо дам олиш ва тунаш жойлари ва бу жойларда кўрсатиладиган хизматлар бўлиб қолади.

«Миллий ўйинлар туризми» билан келган турист албатта қишлоқлардаги аҳолининг миллий ўйини томошаларига қизиққанлиги учун боради. Масалан, кўпкари-улоқ ўйини, қўчқор уриштириш томошаларини асосан Республикамизнинг қишлоқларида яшовчи аҳоли ўзларининг суннат тўйларида, халқ байрамлари (Наврўз, ҳосил байрами ва ҳок.) да ташкил қилишади. Айниқса, халқаро туризмдаги туристлар оқимини жалб қилиш имкониятлари жуда салоҳиятли бўлган «кўпкари» асосан республикамизда пахта йиғим-терими тугагандан сўнг – ноябр ойидан бошланиб, март ойи –«Наврўз» байрамигача давом этади. Бу давр куз-қиш мавсуми бўлиб «кўпкари» ўйинини томоша қилиш учун махсус транспорт турида қишлоқларга, тоғ олди районларига, адир ҳудудларига бориш керак. Иккинчидан, дам олиш, тунаш шароитлари, хизматлар кўрсатишни ташкил қилиш лозим бўлади. Бу ҳолатда туризмдаги турлардан мажмуали фойдаланиш тамойилини қўллаш мақсадли бўлади. Аниқроғи тоғ олди, миллий ўйинлар ўтказиладиган катта-катта, ғуж жойлашган қишлоқларда, хўжаликлар марказида «туристик лагерлар» мажмуасини яратиш туризмни ривожлантиришда мақсадли йўналишдир. Бу туристик лагерларда жойлашиб олган турист миллий ўйинларни ўз вақтида томоша қилиши, бўш вақтларда лагер атрофларига экскурсияларга бориши, маҳаллий аҳоли ҳаёти билан танишиши, мулоқотларда бўлиши имкониятларига эга бўлади. Қишлоқ ва фермерлар ҳаёти туризмида турист қишлоқ аҳолиси ёки фермер билан бирга яшаши, ишлаши мумкин. Чет давлатларда бу турдан фойдаланиш шундай йўлга қўйилган. Ғоршунослик ва табиий-тарихий тасвирлар туризмини шакллантиришда албатта туристик маршрутлар ишлаб чиқилади. Ғоршунослик туризмида кўп ҳолларда туристнинг дам олиши, тунаши ва овқатланиши учун «палаткали» жойлаштириш усулини қўллаш лозим бўлади. Қайд қилинган мулоҳазалардан кейин 2- гуруҳ қуйидагича тўлдирилиши мумкин:

Иккинчи гуруҳ - Алоҳида туристик маршрутлар ишлаб чиқишни талаб қиладиган туризмнинг махсус турлари. 2.1. Қишлоқ ва фермерлар ҳаёти туризми 2.2. Табиий-тарихий тасвирлар туризми 2..3. Миллий ўйинлар туризми 2.4. Ғоршунослик туризми 2.5. Агротуризм.

Фойдаланилган адабиётлар : 1. Ўзбекистон Республикасининг « Туризм тўғрисида » ги қонуни , Ўзбекистоннинг янги қонунлари . Тошкент , Адолат , 2000. 2. Ўзбекистон Республикаси Президентининг «Ўзбектуризм Миллий Компаниясини ташкил қилиш тўғрисида»ги фармони. №ПФ-447. Халқ сўзи, 1992, 22. 3. Ўзбекистон Республикаси Президентининг 1995 йил 2 июндаги 1162 рақамли ««Буюк ипак йўли»ни қайта тиклашда Ўзбекистон Республикасининг иштирокини авж олдириш ва республикада халқаро туризмни ривожлантириш борасидаги чора-тадбирлар тўғрисида»ги фармони. Халқ сўзи. 1995. 3-июн. 4. Ўзбекистон Республикаси Президентининг «Ўзбекистон Республикасида 2006-2010 йилларда хизмат кўрсатиш ва сервис соҳасини ривожлантиришни жадаллаштириш чора-тадбирлари тўғрисида»ги 325- сонли қарори, 17- апрел 2006. 5. Алиева М.Т., Ҳасанов А.Г. Организация туристических маршрутов. Тошкент, 2007. 6. Ахмадхўжаев Х., Мамарасулов Х., Мадиёров Ф. Маркетинг тадқиқотлари. Тошкент, 2002. 7. Александрова А.Ю. География туризма, Москва, 2008. 8. Ахмедов Х.И., Аллаберганов А.А. Организация туристических деятельност. Тошкент, 2004. 9. Биржаков М.Б. Введение туризма. Издателский дом «Герда» 2006.

Похожие

Туристик маршрутлар ишлаб чиқиш учун лойиҳа намунаси

Туристик маршрутлар ишлаб чиқиш технологияси курсининг мақсади ва вазифалари

Туристик маршрутлар ишлаб чиқишнинг тамойиллари

Туристик маршрутлар ишлаб чиқишни ривожлантиришнинг назарий асослари

Туристик маҳсулотни баҳолаш турларни ва йўналишларни ишлаб чиқиш