Туристик маршрутлар ишлаб чиқиш учун лойиҳа намунаси - Экономика - Рефераты

Туристик маршрутлар ишлаб чиқиш учун лойиҳа намунаси

Загружено в:

20.09.2019

Скачано:

0

Размер:

37 KB

Туристик маршрутлар ишлаб чиқиш учун лойиҳа намунаси Туристик маршрутлар ишлаб чиқишда дастлабки талаб маршрутдаги жозибадорлик, туристларнинг диққатини тортадиган ва қизиқтирадиган туристик объектларнинг расмлари ҳисобланади. Маршрут ишлаб чиқилгандан кейин ҳам ушбу тур ҳақида имкон даражасида рангли букловлар ишлаб чиқишга эътибор берилади. Аслида ҳам ҳар қандай турнинг жозибадорлиги, қизиқарли эканлиги ҳақида ана шу букловлар дастлабки туризм бозорига чиқариладиган реклама масҳулоти ҳам ҳисобланади. Туристик маршрутлар ишлаб чиқиш турнинг мавзусини белгилайди. Республикамизда ҳозирги вақтда диний зиёратгоҳ туризм ва тарихий маданий обидалар туризми ресурсларига туристик маршрутлар ишлаб чиқилмоқда. Бу маршрутлар ҳам мукаммал эмас, аксарият ҳолларда оғзаки ёки тўлиқ маълумотлари бўлмаган ахборотлардан иборатлигича қолмоқда. Шаҳарлар ва туманлар марказидаги туризм ресурсларига турнинг мавзулари бўйича алоҳида –алоҳида туристик маршрутлар ишлаб чиқиш мураккаб эмас. Лекин табиат минтақаларига ёки шаҳар ва туманлардан узоқ масофалардаги туристик ресурсларга маршрутлар ишлаб чиқишда мажмуалилик тамойилини қўллаш талаб қилинади. Бу ҳолатда маршрутдаги барча туристик ресурслар мавзуларидан қатъий назар рўйхатга олинади. Бундай қилишнинг бош сабаби, асосий туристик ресурсга масофанинг узоқ бўлганлигидан туристларни зериктирмаслик учун маршрут йўналишидаги туристик ресурслардан фойдаланиш мақсадли бўлади. Қуйида Ўзбекистоннинг чўл ҳудудларидаги туристик ресурслардан мажмуали мавзуларда фойдаланиш учун туристларни жалб қиладиган туристик маршуртнинг намунавий лойиҳаси келтирилади (рангли тасвирларга қаранг ).

Ушбу лойиҳанинг мазмунини ва моҳиятини тўлиқ ўрганиб чиқиб лойиҳада келтирилган ахборотлардан ҳар қандай туристик маршрут ишлаб чиқишда фойдаланиш мумкин. Лойиҳа: Қоракўлчилик : туризм ва бизнес маршрути. Туристик маршрутда савдогарлар, бизнесменлар , олимлар ва бошқа қизиқувчилар қатнашиши учун маршрутни қўйидагича бошлаш мумкин. Дастлаб Самарқанддаги Ўзбекистон қоракўлчилик ва чўллар экологияси илмий-тадқиқот институти туристларнинг тўпланиш манзили бўлиши мумкин. Кейинги воқеалар маршрутдаги туристик ресурсларнинг жойлашув ўринларига қараб давом этади. Туристик маршрутга таклиф қилинган туристлар маршрут бошланиши муддати бўйича шу институтга тўпланишадилар. Бу ерда институт раҳбари туристлар билан танишади ва маршрут ҳақида қисқача ахборотлар беради. Маршрут раҳбари ёки туроператорнинг тадбиркорлиги бўйича музейдаги қоракўл териларнинг барчасини туристларга кўрсатиши, институт олимларини таклиф қилиб бу соҳа бўйича қизиқарли суҳбатлар уюштириши мумкин. Шу ўринда туристларга музейдаги қоракўл териларни етиштиришни маршрут давомида кўриши таъкидланади. Институтнинг фаолияти ва Ўзбекистоннинг миллий бойликларидан бири бўлган, халқаро бозорларда қимматбаҳо нархларда сотиладиган қоракўл терилар ҳақида институт директори, қишлоқ хўжалик фанлари доктори, профессор, халқаро академик Юсупов С. қизиқарли ахборотларни беради. Турда хизматлар кўрсатиш технологияси қуйидагича бўлиши мумкин. 1. Ҳар бир туристга саломлашиш, учрашув белгиси бўлган совғалар бериш (бу совғалар туристларнинг сегментига боғлиқ бўлса, яна ҳам мақсадлироқ бўлади). 2. Буклетлар, значоклар, откриткалар турли-туман бўлиб турмаршрут мавзусида бўлса яна ҳам яхши, натижали бўлади. 3. Вақт топиб турмаршрут ўтадиган жойларнинг ведеотасмасини туристларга кўрсатиш.

4. Туристларнинг бирор-бир хизматларни кутиб қолишнинг олдини олиш-чора тадбирларини олдиндан ишлаб чиқиш. 5. Хизматлар бажарилишини оптималлаш, қийин бажариладиган хизматларни алоҳида гуруҳлаш, қўшимча эътибор ажратиш. 6. Туристлар истеъмолига хизматларнинг мос келишини таъминлаш. 7. Асосий хизматлар ва қўшимча хизматлар ҳақида ахборотларнинг тўлиқ бўлишини таъминлаш. 8. Туристларга хизмат кўрсатувчи транспорт воситаларига миллий мусиқани, санъатни намойиш қилувчи видео, ТВ ва радиоларни ўрнатиш. 9. Турист хоҳиш-истаги бўйича хизмат қилаётганлигини ёки қилинаётганлигини англаши ва бунга ишониши. 10. Хизматлар кўрсатишни рационаллаштириш – хизматлар қанча талаб қилинса шунча миқдорда бўлиши лозим: оз хизмат туристни зериктиради, кўп хизмат туристни чарчатади.

Фойдаланилган адабиётлар : 1. Ўзбекистон Республикасининг « Туризм тўғрисида » ги қонуни , Ўзбекистоннинг янги қонунлари . Тошкент , Адолат , 2000. 2. Ўзбекистон Республикаси Президентининг «Ўзбектуризм Миллий Компаниясини ташкил қилиш тўғрисида»ги фармони. №ПФ-447. Халқ сўзи, 1992, 22. 3. Ўзбекистон Республикаси Президентининг 1995 йил 2 июндаги 1162 рақамли ««Буюк ипак йўли»ни қайта тиклашда Ўзбекистон Республикасининг иштирокини авж олдириш ва республикада халқаро туризмни ривожлантириш борасидаги чора-тадбирлар тўғрисида»ги фармони. Халқ сўзи. 1995. 3-июн. 4. Ўзбекистон Республикаси Президентининг «Ўзбекистон Республикасида 2006-2010 йилларда хизмат кўрсатиш ва сервис соҳасини ривожлантиришни жадаллаштириш чора-тадбирлари тўғрисида»ги 325- сонли қарори, 17- апрел 2006. 5. Алиева М.Т., Ҳасанов А.Г. Организация туристических маршрутов. Тошкент, 2007. 6. Ахмадхўжаев Х., Мамарасулов Х., Мадиёров Ф. Маркетинг тадқиқотлари. Тошкент, 2002. 7. Александрова А.Ю. География туризма, Москва, 2008. 8. Ахмедов Х.И., Аллаберганов А.А. Организация туристических деятельност. Тошкент, 2004. 9. Биржаков М.Б. Введение туризма. Издателский дом «Герда» 2006.

Похожие

Туризмдаги махсус турларга туристик маршрутлар ишлаб чиқиш

Туристик маршрутлар ишлаб чиқиш технологияси курсининг мақсади ва вазифалари

Туристик маршрутлар ишлаб чиқишнинг тамойиллари

Туристик маршрутлар ишлаб чиқишни ривожлантиришнинг назарий асослари

Туристик маҳсулотни баҳолаш турларни ва йўналишларни ишлаб чиқиш