Tijorat banklarining qimmatli qog’ozlar bilan operatsiyalari - Экономика - Рефераты

Tijorat banklarining qimmatli qog’ozlar bilan operatsiyalari

Загружено в:

12.03.2024

Скачано:

0

Размер:

114 KB

Tijorat banklarining qimmatli qog’ozlar bilan operatsiyalari Reja: 1. O’zbekistonda qimmatli qog’ozlar bozori. 2. Moliyaviy bozor va bunda tijorat banklarining roli. 3. Banklarning qimmatli qog’ozlar bo’yicha tijorat va investitsion operatsiyalari. 4. Tijorat banklarining qimmatli qog’ozlar bilan passiv operatsiyalari va ularning tarkibiy tuzilishi. 5. Tijorat banklarining qimmatli qog’ozlar bilan aktiv operatsiyalari va ularni turkumlanishi

Tayanch iboralar: Investitsiya, qimmatbaho qog’oz, aktsiya, obligatsiya, sertifikat, moliya bozori, moliya tizimi, lombard, garov, vosita, trast, portfel, mulk huquqi, ishonch operatsiyalari. O’zbekistonda qimmatli qog’ozlar bozori. Moliyaviy munosobatlar ustun keladigan bozorlar moliya bozorlari deb xisoblanadi va uning tarkibiga kuyidagi bozorlar kiradi: - xalqaro kreditlar bozori; - valyuta bozori; - qimmatli qog’ozlar bozori; - sug’urta va pensiya fondlari bozori; - hosilaviy moliyaviy instrumentlar bozori. Qimmatli qog’ozlar bozori yoki fond bozori deganda, fond instrumentlari bilan savdo xususida, o’z egalarining yuqorida zikr etilgan bozorlar moliyaviy tovarlarining muayyan bir turiga bo’lgan mulkiy extiyojlarini qondiruvchi pul bozori va kapitallar bozori yig’indisi tushuniladi. “So’nggi yillarda tijorat banklari o’zlarining faoliyat ko’lamini qimmatli qog’ozlar operatsiyalari bilan ham kengaytirib kelmoqdalar”, -deb xorijiy iqtisodiy manbalardan birida keltirib o’tilgan. Fond instrumentlari (qimmatli qog’ozlar)ning quyidagi turlari ajratib ko’rsatiladi: -aktsiyalar (oddiy va imtyozli, nomli va nomsiz aktsiyalar); -aktsiyalar hosilalari (surogatlari), bularga depozitar tilxatlar kiradi: ADR, JDR, varrantlar, optsion va fyucherslar, konvertatsiya qilinadigan obligatsiyalar; -obligatsiyalar, davlat va korxona obligatsiyalari; -depozit va jamg’arma sertifikatlari; -veksellar va cheklar. Fond bozori davlat qimmatli qog’ozlar bozori va korporativ qimmatli qog’ozlar bozorlariga bo’linadi.

Birinchi birja maydonchalari XII-XV asrlarda o’sha zamonning Venetsiya, Genuya, Florentsiya, Shampan, Bryugge, London va boshqa shu kabi asosiy savdo shaxarlarida dastavval veksel yarmarkalari sifatida paydo bo’lgan. Birja (“Borsa”) nomi gerbida uch charm qop (ter buerse) aks ettirilgan va uyi Bryugge shaxrining veksel savdolari amalga oshgan shox maydonida joylashgan qadimgi savdogar oilasining nomi Van der Burse dan kelib chiqqan. XVI asrda dastlabki ikki fond birjasi Antverpen va Lion shaxarlarida tashkil topgan va tugatilgan. Bu erda savdolar nafaqat veksellar bilan, balki davlat zayomlari bilan ham o’tkazilgan hamda rasmiy birja kurslari belgilangan. XVII asrda dunyoda eng qadimgi bo’lgan Amsterdam fond birjasi tashkil etiladi. Savdolarda dastlab aktsiyalar paydo bo’ladi. XVII asrning oxirida London fond birjasi (LSE) tashkil etiladi, hozirgi kunda u moliyaviy instrumentlar savdolari hajmi bo’yicha jahonda ikkinchi birja bo’lib hisoblanadi. LSEda qimmatli qog’ozlar bilan savdo qiluvchilarga nisbatan “ho’kiz” va “ayiq” so’zlari birinchi bor qo’llanila boshlagan. Ushbu so’zlarni qimmatli qog’ozlar bilan savdo qiluvchilarga nisbatan ishlatilishi mazkur xayvonlarning ov qilishdagi xatti-harakatlaridan kelib chiqqan. Birjalar ichida birinchi o’rinda 1792 yil 17 mayda tashkil etilgan Nyu-York fond birjasi (NYSE) turadi. Hozirgi kunda NYSEida umumiy qiymati 6 trln. AQSh dollari (ularning egalari 50 mln. odamdan ziyod) bo’lgan 3000ta kompaniyaning aktsiyalari savdo qilinadi. Jahonda ikkinchi o’rinda Tokio, to’rtinchi o’rinda – Frankfurt Maynadagi fond birjasi turadi. Qimmatli qog’ozlarning Evropadagi birjadan tashqari bozori o’z tarixini dastlab XVI asrning 60-yillarida birinchi aktsiyadorlik jamiyatlari paydo bo’lishidan, ya’ni 1568 yilda ro’yxatga olingan birinchi shartnomadan boshlagan. XVII asrning 90-yillarida esa mazkur bozor nafaqat aktsiyalar bilan, balki fyucherslar va optsionlar kabi qimmatli qog’ozlarning hosilalari bilan ham savdo qila boshladi. Ayni paytda ushbu bozorda 100dan ortiq aktsiyadorlik jamiyatlarning qimmatli qog’ozlari va davlat majburiyatlari muomalada bo’lgan. Qimmatli qog’ozlar bo’yicha broker – mutaxassisligi paydo bo’ldi. Birja savdolarining hajmi

hozirgi kunda birjadan tashqari bozor aylanmasidan turli mamlakatlarda 3 barobardan 30 barobargacha ko’pdir (pasayish tendentsiyasiga ega bo’lgan holda). Yangi axborot texnologiyalari, INTERNETni paydo bo’lishi va rivojlanishi birjadan tashqari fond bozorlari rolini kuchayishida yangi rag’batlantiruvchi omil bo’ladi. Etakchi va eng rivojlangan birjadan tashqari tizim bo’lib NASDAQ – Investitsiya dilerlari milliy assotsiatsiyasining avtomatik kotirovka tizimi (AQSh) hisoblanadi. Valyuta savdosi deganda valyuta bozori ishtirokchilari tomonidan bozor kursi yoki foiz stavkasi asosida amalga oshiriladigan xorijiy valyutalardagi ayirboshlash (konversion) va depozit-kredit operatsiyalarning yig’indisi tushuniladi. Agarda Germaniyada joylashgan bank AQSh da joylashgan bankdan AQSh dollarlarida kredit olsa, unda u xalqaro valyuta bozorida savdo qiladi. Aksincha, agarda xuddi shu bank Londonda yoki Shveytsariyada joylashgan bankdan AQSh dallarlarida kredit olsa, undu u savdoni evrovalyutalar bozorida amalga oshiradi. Evrovalyuta tushunchasi mavjud – evrodollar, evrorubl, evroyena. Bularning barchasi AQSh, Rossiya va Yaponiya hududlarida (ya’ni, ushbu valyutalar vatanida emas) mavjud bo’lmagan, balki banklar ssuda hisobvaraqlaridagi valyutalardir. Shunday qilib, bevosita valyuta bozori xaqida gap ketganda biz milliy valyutalar bozorlari (forex) singari evrovalyutalar bozori (deposits/ loans) ni ham ko’zda tutamiz. Moliyaviy bozorlarda savdo ob’ektlari bo’lib tovar-xom ashyo resurslarining prognoz qilinadigan baholari ham hisoblanadi. Yaponiya davlatida bundan 300 yildan ziyodroq vaqt oldin “gurunchning bo’sh savatlari”, ya’ni kelgusi xosil ustidan fyucherslar (forvardlar) bilan savdo qilishgan. Zamonaviy sharoitda mazkur savdolarning eng faol ob’ektlari bo’lib neft, paxta, kofe, g’alla, oltin, rangli metallar va boshqa shu kabilarga prognoz qilinadigan baholar hisoblanadi. Moliyaviy bozorlardagi operatsiyalarning mohiyati valyutalar (qimmatli qog’ozlar) kurslarining farqi, tovar-xom ashyo birjalaridagi tovarlar baholarining

yoki qimmatli qog’ozlar kotirovkalari indekslarining o’zgarishi sifatida daromad olishdan iboratdir. Globallashuv jarayonlarining kengayishi jahon mamlakatlari o’rtasidagi iqtisodiy munosabatlarning yanada takomillashuviga olib keladi. Jumladan, globallashuv natijasida transmilliy korporatsiyalar, ularning turli ko’rinishdagi xalqaro birlashmalari faoliyatining tarkib topishi va kengayishi, xalqaro ishlab chiqarish kooperatsiyasi va mehnat taqsimotining nisbatan yuqori darajaga o’tishi, xalqaro iqtisodiy tashkilotlar faoliyatining yanada kuchayishi ro’y beradi. Umuman olganda, globallashuv jarayonlari jahon xo’jaligining yaxlit iqtisodiy tizim sifatida rivojlanishida sifat bosqichi hisoblanib, yangi imkoniyatlarni ochib beradi. Xalqaro moliyaviy markazlar deganda xalqaro valyuta, kredit, moliyaviy operatsiyalar hamda qimmatli qog’ozlar va oltin bilan bitimlarni amalga oshiruvchi banklar va ixtisoslashgan moliya-kredit tashkilotlarining to’plangan joyi tushuniladi. Dastlab ular sanoat jixatidan rivojlangan mamlakatlar (AQSh, G’arbiy Evropa) da barpo etilgan. Keyinchalik esa ma’lum omillarning ta’siri ostida ularning joylashishi kengayib bormoqda. Agarda Tokio Yaponiyaning jahon bozoridagi raqobat kurashi borasidagi kuchayishi munosabati bilan moliyaviy markazga aylangan bo’lsa, Singapur, Bagam orollari, Panama, Baxreyn kabi moliviy markazlar ushbuga past soliqlar, davlat aralashuvining deyarli yo’qligi, liberal qonunchilik va operatsion xarajatlarning nisbatan pastligi tufayli aylangan.

Moliya bozorlari - bu , pul oqimlarini mulk egalaridan qarz oluvchilarga qarata yo ’ naltira oladigan bozor institutlarining yig ’ indisidir . Moliya bozorlari ko ’ p turdagi hilma - hil “ kanallardan ” iborat bo ’ lib , ushbu kanallar orkali pul mablag ’ lari egalaridan qarz oluvchilarga oqib o ’ tadi . Ushbu kanallar asosan 2 guruxga bo ’ linadi , ya ’ ni : 1) to ’ g ’ ridan - to ’ g ’ ri moliyalashtirish kanallari . Ushbu kanallar bo’yicha pul mablag’lari bevosita pul egalaridan qarz oluvchilarga oqib o’tadi. Mazkur to’g’ridan-to’g’ri moliyalashtirishning o’zini 2 (ikki) kichik guruxga bo’lish mumkin, ya’ni: a) kapitalni moliyalashtirish. Ushbu xar qanday ko’rinishdagi kelishuvdan iborat bo’lib, unga asosan investitsiya qilish niyati bo’lgan pul mablag’ining egasiga firmaning mulkida ulush ishtirokiga ega bo’lish xuquqi evaziga, uning pul

mablaglarini oladi. Bunga yaqqol misol bo’lib, koorporatsiya tomonidan oddiy aktsiyalarni sotilishi hisoblanadi. Oddiy aktsiya - bu, koorporatsiya mulkidagi ulushga egalik tugrisidagi sertifikatdir xamda o’z egasiga koorporatsiya tomonidan olingan foydaning bir qismiga davogarlik qilish xuqiqini beradi; b) qarz (zayom) olish orqali moliyalashtirish (debt finance) - ushbu toifaga xar qanday kelishuv kirib, unga asosan firma investitsiyalarni amalga oshirish maksadida pul mablag’larini qarzga, ularni kelishilgan foizlari bilan kelgusida so’ndirish buyicha majburiyatni o’z zimmasiga oladi. Ushbu xolatda kreditor shaxs, aktsiyadagiga o’xshash firma mulkidagi ulush ishtiroki xuquqiga ega bo’lmaydi. Bunga, koorporatsiyalar tomonidan obligatsiyalar sotilishini misol sifatida keltirish mumkin. 2. Moliyalashtirishning kanallari. Egri kanallar orkali moliyalashtirishda oila xo’jaliklaridan firmalarga oqib o’tayotgan pul mablag’lari maxsus institutlar orqali oqib o’tadi. Bunday institutlarga banklar, o’zaro fondlar, sug’o’rta kompaniyalari kiradi. Ushbu turdagi tashkilotlar -moliyaviy vositachilar deb ataladi. Moliyaviy bozordagi pul sarmoyalari birinchi bor karashda tsixiyali asosda taqsimlanilayotgandek tuyuladi, ammo ushbu tushuncha yuzakidir. Ushbu bozordagi pul sarmoyalarning taqsimoti va qayta taqsimoti, jamiyatdagi uzgarishlarga o’ta sezgir va ta’sirchan mexanizm bo’lmish talab va taklif mexanizmi orkali amalga oshadi. Qimmatli qog’ozlar bozorida moliyaviy vositachilar sifatida maydonga odatda brokerlar va dilerlar chiqadi. Broker, qimmatli qog’ozlar bozorining professional ishtirokchisi bo’lib, brokerlik faoliyati bilan shug’ullanadi. Ya’ni, ushbu davlatda qimmatli qog’ozlar muomalasini tartibga soluvchi qonunlarga muvofiq, ishonch bildirilgan shaxs yoki komissioner sifatida qimmatli qog’ozlar bilan fuqarolik-xuquqiy shartnomalarini, topshiriq-shartnomasi yoki komissiya xamda ishonch asosida amalga oshirilgan operatsiyalar brokerlik faoliyatiga kiradi.

Brokerlar sifatida bozorda jismoniy va yuridik shaxslar xarakat qilishi mumkin. Fond bozoridagi professional brokerlik faoliyati maxsus tartibda olinadigan litsenziya asosida amalga oshiriladi. Diler - bu, qimmatli qog’ozlar bozorining professional ishtirokchisi bo’lib (yuridik yoki jismoniy shaxs), u dilerlik faoliyatini amalga oshiradi. Ya’ni, “qimmatli qog’ozlar bozori xaqida”gi qonunga muvofiq, ommaviy ravishda muayyan qimmatli qog’ozlarni sotish va sotib olish baholarini e’lon qilgan xolda ularni o’z nomidan va o’z mablag’i hisobiga sotib olish xamda sotish, shu bilan birgalikda dilerlik faoliyatini amalga oshiruvchi shaxs tomonidan e’lon qilingan baholar asosida qimmatli qog’ozlarni sotib olish yoki sotish bilan bog’liq shartnomalarni amalga oshiruvchi shaxs. Ushbu faoliyat o’z ichiga quyidagilarni oladi: -egalari tomonidan mazkur boshqaruvchi kompaniyaga berilgan qimmatli qog’ozlarni boshqarish; -qimmatli qog’ozlarga foydali joylashtirish uchun mo’ljallangan mijozlar pul mablag’larini boshqarish; -kompaniyalar tomonidan qimmatli qog’ozlar bozoridagi faoliyat borasida olingan qimmatli qog’ozlar va pul mablag’larni boshqarish. Moliyaviy bozorda, moliyaviy tovarlar sotiladi va sotib olinadi. Ularni ishlab chikaruvchi shaxslar esa asosan pul sarmoyalariga muxtoj bo’lgan yoki pul sarmoyalarini sotib olmokchi bo’lgan shaxslardir. Moliyaviy tovar boshqa oddiy tovarlardan tubdan farq qiladi. Birinchidan, moliyaviy tovarlar tovar sifatida albatta ist’emolchini xamda ishlab chikaruvchi shaxsning ma’lum bir extiyojini kondiradi. Masalan, moliyaviy tovarni sotib oluvchi shaxsning vaqtincha bo’sh bo’lgan pul sarmoyalarini muxofazali, samarali va unga zarur bo’lgan muddatga joylashtirish extiyojini. Ikkinchidan, moliyaviy tovarning sotuvchisini esa pul sarmoyalariga bo’lgan vaqtincha extiyojini, o’ziga xos shartlar va muddatlar asosida. Uchinchidan, boshqa tovarlar ularni ishlab chikaruvchi shaxslarga shu zaxoti iktisodiy samara keltirmaydi. Ushbu samara olingunga qadar ma’lum bir vaqt o’tadi. Mazkur vaqtning katta yoki kichikligi

texnologik jarayon, taqsimot va muomala jarayonlaridagi vaqtga bevosita boglikdir. Bulardan moliyaviy tovarlar tubdan farq qilib, o’z ishlab chikaruvchilariga samarani shu zaxoti keltiradi. Bozorga moliyaviy tovarlarni chikaraetgan shaxslarni jahon amalietida “emitent” deb atashadi. Moliyaviy tovarlarni sotib olaetgan shaxslarni esa “investor” deb atashadi. Moliyaviy tovarning bozordagi oldi-sotdisida bevosita ishtirok etadigan xamda sotuvchi va sotib oluvchining topshirigini bajaradigan shaxslar esa moliyaviy vositachilardir. Moliyaviy vositachilar, ixtisoslashgan moliyaviy tashkilotlar yoki jismoniy shaxslardir. Jahon amalietida moliyaviy bozorda kuyidagi moliyaviy vositachilar mavjud: Investitsiya firmalari (banklari), Broker firmalari (kontoralari), Investitsiya fondlari, Sugo’rta kompaniyalari va Pensiya fondlari. Jismoniy shaxslar esa brokerlar yoki dilerlar sifatida mavjuddirlar. Moliyaviy bozor va bunda tijorat banklarining roli. Har qanday jamiyatda moliyaviy bozor faoliyati bo’lishligi uchun yana bir muxim shart- sharoit mavjud bo’lishi lozim. Ushbu shart-sharoit, moliya bozori ishtirokchilarini va moliyaviy vositachilarni iktisodiy ma’lumot (axborot) bilan ta’minlanganligini ko’zda tutadi. Bundan tashkari, jamiyatda iqtisodiy axborotlar erkin, ochiq, oydin matbuotda e’lon qilinmogi lozim. Boshqacha qilib aytganda, moliya bozoridagi xar bir ishtirokchi va xar bir moliyaviy vositachi bir hil iktisodiy va axborot muxitiga ega bulmogi kerak. Ushbu bozorda munosabatlarni tartibga solib turuvchi qonun-qoidalar xam barcha ishtirokchilar uchun bir hil bo’lishi lozim. O’zbekiston Respublikasida “Fond birjasi va qimmatli qog’ozlar” xaqida qonun 1994 yilda qabul qilingan. Shu qonunga asosan O’zbekiston Respublikasida xozirgi kunda qimmatli qog’ozlar bozori rivojlanib, shakllanib bormoqda. Respublikada qimmatli qog’ozlarni oldi-sottisiga ixtisoslashgan “Toshkent” fond birjasi faoliyat ko’rsatmokda.

O’zbekiston Respublikasi banklari Markaziy bank tomonidan beriladigan umumiy litsenziya asosida qimmatbaho qog’ozlar bank operatsiyalarini amalga oshirishlari mumkin. O’zbekiston Respublikasi Prezidentining 2015 yil 26 oktyabrdagi «Banklarning kapitallashuv darajasini oshirish bo’yicha qo’shimcha chora- tadbirlar to’g’risida»gi PQ-2420-sonli Qaroriga muvofiq, 2016 yil davomida Tashqi iqtisodiy faoliyat milliy bankining ustav kapitaliga 75,0 mlrd. so’m, «Agrobank» ATB ustav kapitaliga 50,0 mlrd. so’m, «Mikrokreditbank» ATB ustav kapitaliga 25 mlrd. so’m va «Qishloq qurilish bank» ATB ustav kapitaliga 25 mlrd. so’mlik mablag’larning joylashtirilishi ta’minlandi. Shu bilan birga, O’zbekiston Respublikasi Prezidentining 2015 yil 21 dekabrdagi «Aktsiyadorlik jamiyatlariga xorijiy investorlarni jalb qilish borasidagi qo’shimcha chora-tadbirlar to’g’risida»gi PQ-2454-sonli Qarori talablaridan kelib chiqqan holda tijorat banklari tomonidan bank ustav kapitalining 15 foizidan kam bo’lmagan qismini xorijiy investorlarga sotish yuzasidan o’tgan davr mobaynida zaruriy chora-tadbirlar amalga oshirildi. Xususan, ushbu qaror talablaridan kelib chiqib, Markaziy bankning «Banklarni ro’yxatga olish va ular faoliyatini litsenziyalash tartibi to’g’risida»gi Nizomiga tegishli o’zgartirishlar kiritildi. Bugungi kunda respublikamizda faoliyat yuritayotgan 12 ta tijorat banklarining («KDB Bank O’zbekiston» AJ, «O’T-bank» AJ, ChEKI «Savdogarbank ATB, ChEKI «Hamkorbank» ATB, «Ipak Yo’li banki» AITB, «Asia Alliance Bank» ATB, «Orient Finans» XATB, «Madad Invest Bank» XATB, «Ravnaq-bank» XATB, «Kapitalbank» ATB, «Trastbank» XAB va «Invest Finance Bank» ATB) ustav kapitaliga Osiyo taraqqiyot banki, Xalqaro moliya korporatsiyasi, Koreya taraqqiyot banki, Gollandiya rivojlanish va taraqqiyot tashkiloti kabi moliyaviy tashkilotlar hamda boshqa xorijiy investorlarning ulushlari jalb etildi. Banklar quyidagi shartlar bajarilgan holda qimmatbaho kog’ozlarga qo’yilmalarni amalga oshirishlari mumkin:

a) bankning bir korxona ustav kapitaliga, shuningdek ushbu korxonaning boshqa qimmatbaho kog’ozlariga qo’yilmasining miqdori 1- darajali bank regulyativ kapitalining 15% oshmasligi kerak. b) bankning barcha elimentlar uchtav kapitaliga va boshqa qimmatbaho qog’ozlariga qilgan investitsiyalari miqdori 1-darajali bank regulyativ kapitalning 15%idan oshmasligi kerak. v) oldi-sotdi uchun nodavlat qimmatbaho-qog’ozlariga qilingan bank qo’yilmasi miqdori 1-darajali bank regulyativ kapitalining 25%idan olinishi kerak. Bank ist’emol korxona (moliyaviy institutlar miqdori) ustav kapitaliga 20%idan ortig’iga to’g’ridan to’g’ri yoki bilvosita egalik qilishi mumkin emas Umaman olganda banklarning foyda operatsiyalariga quyidagilar kirishi mumkn: 1. qimmatbaho qog’ozlarga asosan kreditlar (lombard). 2. qimmatbaho qog’ozlarni o’z portfeli uchun sotib olish (investitsiya). 3. Yangi chiqarilgan qimmatbaho kog’ozlarni birlamchi taqsimlash (jamlashtirish); 4. Mijozning topshirig’iga ko’ra qimmatbaho qog’ozlarni sotib olish va saqlash (qimmatbaho kog’ozlar ikkilamchi muomalasiga xizmat ko’rsatish). Bank brokerlik operatsiyasi a) Banklarning o’zlarining mijozlari topshirig’iga ko’ra komission operatsiyalarni amalga oshiruvchi masalan (o’zlari nomidan mijoz uisobidan qimmatbauo qog’ozlar sotib olish operatsiyalari amalga oshirishlari mumkin. b) banklar amaliyotning kelishuvi asosida qimmatbauo qog’ozlarni chiqarishni tashkil etishi mumkin. v) 3- shaxs nomidan (foydasiga) qimmatbauo qog’ozlarni joylashtirishni kafolotini olishi mumkin. qimmatbauo kog’ozlar saqlash yoki ularni uisoblash olib borish uuquqi depozitlar operatsiyalari. O’zbekiston tijorat banklarining ushbu bozorda xarakat qilish salohiyati qimmatbaho qogozlar bozori ning boshqa institutlarinikiga nisbatan katta. Hozirgi bosqichda bu qonuniydir. Jahon tajribasi ko’rsatishicha, iqtisodiy taraqqiyot

jarayoni qimmatli qogozlar bozorida bankdan tashqari moliya institutlari qatnashuvi ulushining ortib borishiga olib kelmoqda, buning natijasida tijorat banklari ulushi kamayib bormokda (qimmatli qogozlar bozori sub’ektlari o’rtasida raqobatchilik mavjud bo’lgan vaqtda). Hozirgi vaqtda qimmatli qogozlarning quyidagi besh turi O’zbekiston fond bozorining ob’ektlari bo’lib koldi: xususiylashtirilgan korxonalar aktsiyalari, davlat qisqa muddatli obligatsiyalari, davlat 12 foizli ichki zayomi, tijorat banklari va boshqa xo’jalik yurituvchi sub’ektlarning diskont Vekselari, tijorat banklarning depozit sertifikatlari va depozit obligatsiyalari. O’zbekiston Respublikasi qonunchiligiga muvofiq, tijorat banklariga qimmatli qogozlar aktsiyalari, obligatsiyalar, depozit va jamgarma sertifikatlari, Veksellar, shunindek xosila qimmatli qogozlar (fyucherslar va optsionlar) kabi turlarini chiqarishga ruxsat beriladi. Muayyan moliyaviy vosita uning emitent uchun ham, xaridor uchun ham qulay va foydaligi hisobga olingan holda, tanlab olinadi. Bank qimmatli qogozining nobank muassasi tomonidan chiqarilgan qogozdan farqi, tijorat banki faoliyatining davlat organlari tomonidan nisbatan to’liqrok tartibga solinishidan iborat. Tijorat banki o’z faoliyatida unga balans likvidligi va kapitalning etarlilik darajasini pasaytirtirishga yo’l qo’ymaydigan bir qancha majburiy normativlarga amal qiladi. O’zbekistonda tijorat banklarining emission faoliyati va ayrim turdagi qimmatli qogozlari muomalasi «Banklar va bank to’g’risida qonun» «O’zbekiston Respublikasi Markaziy banki to’g’risida qonun», shuningdek «Tijorat banklariga qimmatbaho qogozlar bozorida amalga oshiriladigan operatsiyalar bo’yicha tavsiyalar» bilan tartibga solinadi. Qimmatli qogozlar emissiyasi bilan bogliq faoliyat tartibga solinishi tijorat banklari uchun emissiya prospektini chiqarish, uni ro’yhati belgilab quyilganligi ta’minlanadi. Ushbu tartib O’zbekiston Respublikasi Moliya vazirligi xuzuridagi qimmatli qogozlar va fond birjalari bo’yicha davlat komissiyasi tomonidan belgilangan. Banklar uchun emissiya prospektlaridagi ma’lumotlar ro’yhatlarini

O’zbekiston Respublikasi Moliya vazirligi Markaziy bank bilan kelishilgan holda belgilaydi. Banklarning qimmatli qog’ozlar bo’yicha tijorat va investitsion operatsiyalari. Iqtisodiy adabiyotlarda «innovatsiya» so’zining ma’nosi bir qancha ma’noda ishlatiladi. Ishlab chiqarish takror ishlab chiqarish jarayonida termin kapital quyilma ma’nosini bildiradi. Bu pul mablag’larining takror ishlab chiqarish jarayonining kengaytirilishiga ishlatilishini anglatadi. Investitsiyani mulkiy tomondan qo’yilmalarga ishlatishi - bu kompaniyani korxonaning real aktivlariga yoki shaxsiy mullkka joylashtirilishi tushuniladi. Moliyaviy faoliyat amaliyoti bo’yicha ya’ni investitsiyani moliyaviy tomondan tushuniladigan tushunchasi esa - bu kapitalni qiymatini saqlash yoki ko’paytirish (ijobiy miqdor keltirish maqsadida) joylashtirish uslubiga aytiladi. Investitsiya yoki kapital qo’yilma deyilganda, umuman, iqtisodiy sub’ektni ixtiyorida bo’lgan mablag’larni (kelishi) ist’emolidan voz kechib kelgusida yaxshi hayot kechirishi uchun mablag’larni ko’paytirishi uchun foydalanishdi. Investitsion faoliyatning asoiy belgilari bo’lib quyidagilar hisoblanadi: -kapitalning vaqtinchalik yo’qotilgan ist’emol qiymatini (likvidligini kapitalning vaqtinchalik yo’qotilgan ist’emol qiymatini (likvidligini) kaytib kelmasligi; (bo’lmasligi). - boshlang’ich farovonlik darajasini usishini kutish; - uzoq muddatga qo’yilgan kapitalning natijasini noaniqliligi; Shunday qilib investitsion jarayon - bu vaqtinchalik bo’sh pul mablag’lari bor bo’lgan shaxslar bilan, pul mablag’larining talabi bo’lganlar o’rtasidagi ma’lumotlarni berishligining mexanizmidir. Tijorat banklari investitsion faoliyati - bu bankning pul mablag’larining ustav fondiga qimmatbaho toshlar va boshqa ob’ektlarga joylashtirishidir. Investitsiya maqsadiga ko’ra ikkiga bo’linadi; 1) Tug’ri investitsiyalar - bu investitsiya ob’ektini bevosita boshqarish

maqsadida amalga oshiriladigan investitsiyalardir. Agar bunday investitsiyalar qimmatli-qog’ozlarga quyilsa u holda korxoaning kontrol paketini sotib olishi kerak. Masalan investitsiyalar mulk, ishsizlik patent va boshqalar ham bo’lishi mumkin. 2) Portfel investitsiyalari - qimmatbaho qog’ozlar portfelini tashkil qilish uchun kontrol paketini tashkil qilmasdan va investitsiya ob’ektini to’g’ridan-to’g’ri bevosita faoliyatidir. Agar to’g’ri investitsiyalar bank o’z faoliyatini boshqa sohada ta’sirini kengaytirish maqsadida amalga oshirilsa, bank portfel investitsiyalari (qimmatbaho kog’ozlar portfeli) quyidagi funktsiyalarni amalga oshiradi: -bank daromadlari boshqarilishi; agar banka qarzlari bo’yicha kreditlari foizi (daromadi) pasaysa, qimmatbaho kog’ozlar bo’yicha daromadi ko’tarilishi mumkin: -bank kredit portfelidan keladigan kredit risklarini kplash maqsadida, tb yaxshi qimmatbaho qog’ozlari sotib olishi yoki saqlab turishi mumkin. Bu o’z navbatida bankning kredit risklari pasaytirishi mumkin. -geografik diversifikatsiyasi ta’minlashi mumkin. -bankning soliq pasaytirishi mumkin. Ba’zi qiimmatbaho kog’ozlar soliqka tortilmaydi yoki pats foizda soliqqa tortiladi. -bozor foiz stavkalarning o’zgarishi jarayonida (sharoitida) bank yo’qotishlarini sug’urtalaydi. -bank aktivlari portfelini o’zgartiruvchanligini ta’minlashi mumkin. -Bank balansi moliyaviy ko’rsatkichlarni yaxshilishga imkon yaratadi. Banklarning investitsiyalariga ko’rsatkichlarini yaxshilashga imkon yaratadi. Banklarning investitsiyalarga odatda 1 yilgacha qoplash muddatiga ega bo’lgan qimmatbaho qog’ozlarni kiritish mumkin. Banklarning investitsion operatsiyalarini o’tkazishdan asosiy maqsad: - bankning daromad bazasini kengaytirish va diaersifikatsiyalash; - bank faoliyati turlarini kengaytirish asosida hamda bank risklarini umumiy darajasini pasaytirish hisobiga - bankning moliyaviy barqarorligini oshirish;

- bankning mijoz va mablag’lar bazasini xizmatlar to’rini, fiskal (docherniy) moliya institutlarini tashkil qilish hisobiga kengaytirish; - mijozlarga bo’lgan ta’sirni kuchaytirish. (qimmatbaho qog’ozlar portfelini sotib olish hisobiga). Asosan bankning investitsiyalari deyilganda bank tomonidan kapital xarakterga (delgiga) ega bo’lgan xarakterni va qimmatbaho qog’ozlarni sotib olishga yo’naltirilgan muddatli kreditlash yoki moliyalashtirish tushuniladi. Banklar tomonidan faoliyat amalga oshirilishi mumkin: Brokerlik faoliti. Dillerlik faoliyati. Depozit faoliyati. Qimmatbaho qog’ozlar bilan mablag’larga (qimmatbaho qog’ozlar bilan bogliq bo’lgan) o’tkazish bilan bog’liq bo’lgan hisob -kliring faoliyati. Aktsionerlar retsrini olib borish va saqlash faoliyati. qimmatbaho qog’ozlar savdosini tashkil etish faoliyati. O’zbekistonda iqtisodiyotni qayta ko’rishning o’ziga xos xususiyatlaridan biri bank sohasini isloh qilish bilan birgalikda, qimmatli qogozlar bozorini, shunindek moliya bozorining boshqa segment (bugin)larini ham yaratishdan iboratdir. Ma’lumki, bank tizimi va qimmatbaho qogozlar bozori iqtisodiyotining tezkorlik bilan rivojlanib boruvchi sohalari bo’lib, texnologiyada ham, tashkil etishda ham eng tomonlarini, novatorlikni o’z ichiga qamrab oladi. qimmatbaho qogozlar bozori va moliya bozori ob’ektlari hamda sub’ektlari o’ta qat’iy tartibga solinganligi, tuzilmalashtirilganligi va sertarmoqlidigi tufayli eng kichik o’zgarishlar, shu jumladan, me’yoriy-huquqiy bazadagi o’zgarishlar ham qimmatbaho qogozlar bozori va bank tizimi faoliyatiga ta’sir ko’rsatadi. Tijorat banklarining qimmatli qog’ozlar bilan passiv operatsiyalari va ularning tarkibiy tuzilishi. Tijorat banklarining asosiy faoliyati bu vaqtincha bo’sh pul mablag’larini kreditorlar va qarzdorlar o’rtasida xamda sotuvchilar va xaridorlar o’rtasida

aylanishini vositachilik asosida olib borish xisoblanadi. Shuni ta’kidlash lozimki, iqtisodiyotda pul mablag’larini joylashtirish yuzasidan faoliyatni tijorat banklaridan tashqari bir qator maxsus-ixtisoslashgan moliya-kredit institutlari, ya’ni investitsiya fondlari, kredit uyushmalari, sug’urta kompaniyalari, brokerlik va dilerlik firmalari xam olib boradi. Lekin, tijorat banklarining mamlakat moliya bozorida faqatgina o’ziga xos xususiyatlari mavjud. Ular quyidagilardan iborat: -birinchidan, tijorat banklari faoliyati uchun qarz majburiyatlari yuzasidan ikki tomonlama tasnif mavjud. Ular birinchi tomondan yuridik va jismoniy shaxslar uchun muomalaga o’zlarining qarz majburiyatlarini, ya’ni depozit sertifikatlari, depozit-jamg’arma sertifikatlari, obligatsiyalarini chiqaradilar. Ikkinchi tomondan esa, tijorat banklari qo’shimcha daromad olish maqsadida boshqa emitentlarning muomalaga chiqargan qarz majburiyatlarini (aktsiyalar, obligatsiyalar, depozit sertifikatlari) sotib oladilar: -ikkinchidan, tijorat banklari o’z nomidan chiqarilgan qimmatli qog’ozlar (obligatsiyalar, depozit sertifikatlari) bo’yicha qat’iy belgilangan foiz bo’yicha daromad to’lanishi majburiyatini oladilar. Investitsiya fondlari esa daromad to’lanishi yuzasidan risklarni investorlar zimmasiga yuklaydilar. Tijorat banklari o’z faoliyatini yuritish uchun chetdan qo’shimcha mablag’ jalb etishlari lozim. Bu faoliyat-tijorat banklari tomonidan yuridik va jismoniy shaxslardan vaqtincha bo’sh pul mablag’larini qaytarib berishlilik, to’lovlilik xamda muddatlilik shartlari asosida jalb etish bilan bog’liq faoliyat passiv operatsiyalar xisoblanadi. Tijorat banklarining aktiv operatsiyalarini amalga oshirish uchun pul sarmoyalariga bo’lgan extiyojning 90 foizi chetdan jalb qilingan mablag’lar xisobiga qoplanadi. Chetdan jalb qilingan mablag’lar jalb qilinish usullariga asosan quyidagilarga bo’linadi: -banklararo bozorda kreditlar olish; -Veksellar xisob-kitobi va Markaziy bankdan kredit olish; >muomalaga qimmatli qog’ozlarni chiqarish (aktsiyalar, obligatsiyalar, depozit sertifikatlari, depozit-jamg’arma sertifikatlari, Veksellar); >depozitlarni jalb etish;

>qimmatli qog’ozlarni qaytib sotib olish sharti bilan sotish shartnomalari («Repo» operatsiyasi) amalga oshirish; Evronota va Evrobondlar bozorida ishtirok etish; Bank aktseptlarini (aval sifatida) sotish. O’zbekiston Respublikasi Markaziy bankining obligatsiyalari pul-kredit siyosatining vositasi xisoblanadi va ular muomalaga pul massasini tartibga solib turish maqsadida chiqariladi. Obligatsiyalarni chiqarish, muomalada bo’lish va ularni so’ndirish tartibi O’zbekiston Respublikasi Markaziy bankining 2002 yil 22 apreldagi 1140-sonli «O’zbekiston Respublikasi Markaziy bankining yuridik shaxslar uchun obligatsiyalar chiqarish va ular muomalasi to’g’risida» Nizom ga asosan amalga oshiriladi. O’zbekiston Respublikasi Markaziy bankining jismoniy shaxslar uchun obligatsiyalari davlat qimmatli qog’ozlari xisoblanadi va uning egalariga obligatsiyalarning nominal qiymatiga nisbatan foiz ko’rinishida daromad olish xuquqini beradi. O’zbekiston Respublikasi Markaziy bankining jismoniy shaxslar uchun obligatsiyalar chiqarilishi, uning muomalasi tartibi va so’ndirilishi O’zbekiston Respublikasi Markaziy bankining 2002 yil 22 apreldagi 1141-sonli «O’zbekiston Respublikasi Markaziy bankining jismoniy shaxslar uchun obligatsiyalarini chiqarish va ular muomalasi to’g’risidagi» Nizom ga asosan olib boriladi. O’zbekiston Respublikasi Markaziy banki depozit sertifikatlari mamlakatimizda pul bozorida likvidlikni tartibga solib turish maqsadida chiqariladi. Depozit sertifikatlarini chiqarish, muomalada bo’lish va u bo’yicha to’lovni amalga oshirish tartibi O’zbekiston Respublikasi Markaziy bankining 1998 yil 26 dekabrdagi «O’zbekiston Respublikasi Markaziy banki depozit sertifikatlarini chiqarish to’g’risida Nizom ga asosan amalga oshiriladi. O’zbekiston Respublikasi Markaziy banki depozit sertifikati - bu O’zbekiston Respublikasi Markaziy bankining pul mablag’larini omonatga qo’yilganligi xaqidagi guvoxnomasi bo’lib, u omonatchi yoki uning xuquqiy vorisining omonat

summasini va u bo’yicha foizlarni belgilangan muddat tugagandan so’ng olish xuquqini tasdiqlaydi. Depozit sertifikatining to’lovi muddatidan oldin amalga oshirilayotganda pul mablag’lari depozit sertifikati egasining xisobvarag’iga depozit sertifikatni muddatidan oldin to’lovga qabul qilish to’g’risidagi ariza tushgan kundan boshlab 5 bank ish kuni davomida ko’chiriladi. O’zbekiston Respublikasida muomalaga depozit sertifikatlarini chiqarish muomalaga kiritish va ularni so’ndirish O’zbekiston Respublikasi Markaziy bankining 1994 yil 24 dekabrda tasdiqlangan «Banklarning depozit sertifikatlarini chiqarish, ro’yxatga olish va muomalada bo’lish qoidalari» asosida amalga oshiriladi. Investorlar tomonidan qimmatli qog’ozlarni qaytarish bilan bog’liq barcha xarajatlarni qoplash, shuningdek, qimmatli qog’ozlarni sotib olish bo’yicha ular kiritgan pul mablag’larini qaytarish emitent tijorat banki xisobidan amalga oshiriladi.

Tijorat banklarining qimmatli qog’ozlar bilan aktiv operatsiyalari va ularni turkumlanishi. Tijorat banklari faoliyatining pirovard maqsadi daromad topishdir. Xalqaro amaliyotda banklarning daromad topish uchun faoliyati aktiv operatsiyalar deb nomlanadi. Tijorat banklarining o’zlik va yuridik va jismoniy shaxslarning vaqtincha bo’sh turgan pul mablag’larini jalb etilgan mablag’laridan o’z nomidan ma’lum daromad topish uchun foydalanishdagi faoliyati aktiv operatsiyalardir. Tijorat banklarining aktiv operatsiyalari juda hilma-hildir, lekin xalqaro amaliyotda aktiv operatsiyalar quyidagi asosiy turlarga ajratiladi: >yuridik va jismoniy shaxslarga turli muddatlarga, turli maqsadlarga hamda turli shartlar asosida kreditlar berish; >bank mijozlariga turli vositachilik xizmatlarini ko’rsatish; >davlat va boshqa yuridik shaxslarning qimmatli qog’ozlariga o’z nomidan va o’z hisobidan investitsiya qilish; Mizing operatsiyalarini amalga oshirish; >investitsiya proektlarini amalga oshirish; >«repo» operatsiyalarini amalga oshirish; >valyuta dilingi operatsiyalarini amalga oshirish; >mijozlarga boshqa turdagi an’anaviy va noan’aviy bank xizmatlarini ko’rsatish. Amalda tijorat banklarining investitsiyalariga - bank aktivining so’ndirilish muddati bir yildan ortiq bo’lgan qimmatli qog’ozlarga qo’shimcha daromad olish uchun yo’naltirilishi hisoblanadi. Xalqaro bank amaliyotida tijorat banklarining investitsiya faoliyati jarayonini tsrategiyasida ikki hil tsrategiya ajratiladi: -passiv strategiya -aktiv strategiya Tijorat banki investitsiya faoliyati olib borishning passiv tsrategiyasida asosan kutish, ya’ni qimmatli qog’ozlar bo’yicha bir maromda va doimiy ravishda daromad olishda ularning bozordagi o’rtacha darajadagi daromadga yaqin darajada

foydalanadi. Passiv tsrategiyani olib borishda banklar ikki hil usuldan foydalanishlari mumkin; -«zinapoya» usuli; -«shtanga» usuli; Tijorat banki birinchi usuldan foydalanganda o’zi tomonidan aniqlangan investitsiya muddati asosida qimmatli qog’ozlarni turli muddati bo’yicha sotib oladi va ularni investitsiya portfeli tarkibida bir tekis joylashtiradi. Passiv tsretegiyani «shtanga» usulida tijorat banki investitsiyaga yo’naltirilayotgan mablag’larning asosiy qismini investitsiya portfelining likvidligini ta’minlaydigan juda qisqa muddatli qimmatli qog’ozlarga va ma’lum qismini yuqori foyda beradigan uzoq muddatli qimmatli qog’ozlarga sarflaydi. Tijorat banklarning qimmatli qog’ozlar bilan agressiv siyosati asosida qimmatli qog’ozlarning fond bozorida kursi va foiz stavkasini tebranishidan imkoni boricha ko’p daromad olish yotadi. Lekin shuni ta’kidlash lozimki bunday agressiv siyosatni faqatgina katta miqdordagi investitsiya portfeliga ega bo’lgan moliyaviy barqaror yirik banklar olib borishi mumkin. Qimmatli qog’ozlar bilan agressiv siyosat oqilona va muvaffaqiyatli olib borish uchun esa bank tegishli analitik imkoniyatga ega bo’lishi lozim.

Adabiyotlar: 1. Cousin. E. J. Invertment strategy and the monetary a buziness cyeles – NY. Ets: Wiley, 1990. - R. 301. 2. Friedman M. The lag in Effect of monetary policy, journal of Political Economy, Oct. 1961. - R. 237-260. 3. M.Fridmen. Esli bi zagovorili dengi. Per. s angl. -M.: INFRA-M, 2001.- S. 63. 4. Rashidov O.Yu. va boshqalar. Pul, kredit va banklar. Darslik. –T.: Cho’lpon, 2011. -328 bet. 5. Abdullaeva Sh.Z. Bank ishi. Darslik . - T .: Iqtisod - moliya , 2017. 6. Лаврушин О.И., Афанасьева О.Н., Корниенко С.Л. Банковское дело: современная система кредитования. Учебное пособие. – М.: КНОРУС, 2009. – 264 стр. 7. Меркулова И.В., Лукьянова А.Ю. Денgи, кредит, банки. Учебное пособие. – М.: КНОРУС, 2010. – 352 стр. 8. Toymuhamedov I.R. Bank ishi. Toshkent. 2012 yil.

Похожие

Tijorat banklarining qimmatli qog’ozlar operatsiyalari tahlili

Tijorat banklarining qimmatli qog‘ozlar bilan operatsiyalari

Tijorat banklarining qimmatli qog‘ozlar bilan bo‘ladigan operatsiyalari

Tijorat banklarining valuta operatsiyalari

Tijorat banklarining valyuta operatsiyalari