Tijorat banklarining qimmatli qog‘ozlar bilan operatsiyalari - Экономика - Рефераты

Tijorat banklarining qimmatli qog‘ozlar bilan operatsiyalari

Загружено в:

20.09.2019

Скачано:

0

Размер:

148 KB

Tijorat banklarining qimmatli qog‘ozlar bilan operatsiyalari Reja: 1. Qimmatli qog‘ozlar tushunchasi va uning turlari. 2. Qimmatli qog‘ozlar bozori va uning ishtirokchilari. 3.O‘zbekiston Respublikasi Markaziy bankning qimmatli qog‘ozlar bilan operatsiyalari. 4. REPO operatsiyalari. 5. Anderrayting operatsiyalari 6. Trast operatsiyalar 7. Qimmatli qog‘ozlar bilan balans va nobalans operatsiyalari. 8. Fond birjasi va depozitariylar faoliyati bilan bank tizimining o‘zaro hamkorlik darajasi. 9. Dunyo mamlakatlarining fond bozorlariga moliyaviy-iqtisodiy inqirozi ta’siri va unda yuzaga kelgan tanglik sabablari.

Qimmatli qog‘ozlar tushunchasi va uning turlari Qimmatli qog‘oz – o‘zi bilan bog‘liq mulkiy huquqlarni aks ettiradigan hujjatdir, u daromad manbai bo‘lib xizmat qiladi, bozorda muomalada yuritilishi va oldi-sotdi vositasi bo‘lishi mumkin. Jahon amaliyotida qimmatli qog‘ozlarning har xil turlari ishlatilmoqda. Qimmatli qog‘ozlar bozori kredit munosabatlari bilan birgalikda, o‘z qiymatiga ega bo‘lgan, sotish, sotib olish va to‘lovini amalga oshirish mumkin bo‘lgan maxsus hujjatlar (qimmatli qog‘ozlar)ga egalik qilish bilan ham bevosita bog‘liq. Qimmatli qog‘ozlar o‘zida mulkchilik huquqini mujassamlashtirgan bozorda erkin aylanadigan, sotib olish-sotish va boshqa bitimlarning ob’ekti bo‘ladigan, doimiy va bir martalik daromad olish manbai bo‘lib xizmat qiladigan, pul kapitalining bir ko‘rinishidagi hujjatdir. Qimmatli qog‘ozlar turli sub’ektlar tomonidan chiqarilishi mumkin. Umumiy holda bu emitentlar 5 guruhga bo‘linadi: 1. hukumat; 2. davlat korxonalari; 3. xususiy sektor; 4. Markaziy bank; 5. chet el sub’ektlari. Hamma qimmatli qog‘ozlarni davlat, xususiy yoki xalqaro qimmatli qog‘ozlarga ajratish mumkin. Xususiy sektor tomonidan chiqarilayotgan qimmatli qog‘ozlar tarkibiga turli ishlab chiqarish korxonalari, tijorat banklari, investitsion banklar, investitsion fondlar va boshqalarning qimmatli qog‘ozlari alohida o‘rin tutadi. Xalqaro qimmatli qog‘ozlar ularning hisoblanadigan valyuta va emitentlari bo‘yicha bo‘linadi. Qimmatli qog‘ozlar muomalada bo‘lish xududiga ko‘ra regional (mahalliy), milliy va xalqaro qimmatli qog‘ozlarga bo‘linadi. o‘zbekiston Respublikasi mustaqillikga erishgandan so‘ng 1993 yil 2 sentyabrida Oliy Kengash tomonidan «qimmatli qog‘ozlar va fond birjasi to‘g‘risida»gi qonun qabul qilindi. Ushbu qonun qimmatli qog‘ozlar bozorini tashkil qilish bo‘yicha birinchi va asosiy hujjat bo‘ldi. Keyinchallik bu qonunga 5

marotaba qo‘shimcha va o‘zgartirishlar kiritildi (1994 yil 23 sentyabrida, 1995 yil 22 dekabrida, 1999 yil 26 aprelida, 30 avgustida, 27 dekabrida). Bu qonunga asosan, o‘zbekiston Respublikasi xududida quyidagi turdagi qimmatli qog‘ozlar chiqarilishi va muomalada bo‘lishi mumkin: 1. Aksiyalar; 2. Obligatsiyalar; 3. Xazina majburiyatlari; 4. Depozit sertifikatlari; 5. Veksellar; 6. Qimmatli qog‘ozlar hosilalari, ya’ni opsion va fyucherslar kiradi. (1-sxemaga qarang). SHu bilan birgalikda, o‘zbekiston Respublikasi Fuqarolik Kodeksining 96 moddasiga binoan qimmatli qog‘ozlar jumlasiga quyidagilar kiradi: 1. CHek. 2. Depozit va jamg‘arma sertifikatlari. 3. Bankning taqdim qiluvchiga pul beriladigan jamg‘arma daftarchasi. 4. Konosament. 5. Obligatsiyalar. 6. Veksellar . Qimmatli qog‘ozlarning bu turlariga qisqacha ta’rif beramiz: AKSIYA – bu qimmatli qog‘oz bo‘lib: - xarakat muddati cheklanmagan; - huquqiy yoki jismoniy shaxs tomonidan Aksionerlik jamiyatiga muayyan hissa qo‘shgan ulushini va mazkur jamiyat mulkidagi ishtirokini guvohlovchi; - aksiya bo‘yicha divident ko‘rinishida foyda olish huquqini beruvchi aksiyadorning shu jamiyat boshqarish ishiga qatnasha olishini tasdiqlovchi yuridik hujjatdir. OBLIGATSIYA. «Obligo» – lotin tilida «qarz olish» mazmunini bildiradi. Emitentga obligatsiya egasi tomonidan ma’lum bir pul mablag‘ini kiritganligi va unda ko‘rsatilgan muddatda nominal qiymatini hamda qo‘shimcha foiz to‘lab

berish majburiyatini guvohlovchi qimmatli qog‘ozdir. Obligatsiya uning egasiga emitentning ishini boshqarishda qatnashish huquqini bermaydi. XAZINA MAJBURIYATLARI – uning egasi tomonidan ma’lum bir pul mablag‘ini byudjetga kiritganligi va uning butun aylanish davrida aniq chegaralangan foizni to‘lab berish majburitini guvohlovchi qimmatli qog‘ozdir. DEPOZIT SERTIFIKATLARI jamg‘armachining bankka qo‘ygan pul mablag‘ini ifodalovchi va muomala muddati to‘gaganidan keyin qo‘ygan pul mablag‘ini hamda foyda sifatida ustama foizini huquq va imkoniyatini beruvchi qimmatli qog‘ozdir. Depozit sertifikati bank tomonidan beriladi. VEKSEL - qarz majburiyati bo‘lib, veksel beruvchining ushbu vekselni ko‘rsatilgan muddatda taqdim etganda, veksel ushlovchiga uning nominal qiymatini to‘lab berish guvohini beruvchi qimmatli qog‘oz va to‘lov vositasidir. QIMMATLI QO§OZLAR HOSILALARI – bular shunday qimmatli qog‘ozlarki, ularning foydasi yoki zarari bir nechta bozor ko‘rsatkichlari bilan, ya’ni bozor indekslari bilan bog‘liqdir. Qimmatli qog‘ozlar xosilalari – «opsion» yoki «fyucherslar» ko‘rinishida bo‘ladi. KONOSAMENT – yuk tashuvchi tomonidan yuk egasiga, yukni dengiz orqali olib o‘tishga qabul qilinganligini guvohlovchi va yuk qabul qiluvchiga yukni etib borish portida taqdim qilish majburiyatini tasdiqlab beruvchi hujjatdir. Hozirgi davrga kelib qimmatli qog‘ozlara qo‘yilmalar tobora ko‘payib bormoqda. YAngi va yosh davlatlarda aksionerlashtirish va mulkni davlat tasarrufidan chiqarish, korxona va tashkilotlarni akutsionerlik jamiyatlarga aylanishi va ular tomonidan har xil qimmatli qog‘ozlarni muomalaga chiqarishlari, shu bilan birgalikda fond bozorlarini rivojlanishiga turtki bo‘lmoqda. Agar 1985 yilga kelib butun dunyoda muomalada aylanib turgan barcha aksiya va obligatsiyalarning bozor narxi 9 trln. AQSH dollarini tashkil qilgan bo‘lsa, ayrim baholarga ko‘ra, hozirgi kunda ushbu ko‘rsatkich 50 trln. AQSH dollarga yaqin summani tashkil qilar ekan.

Qimmatli qog‘ozlar jahonning katta bir boyligi hisoblanib, boshqa boyliklarga nisbatan ham umumiy qiymati bo‘yicha, ham hajmi bo‘yicha oldingi o‘rinlarga chiqmoqda. Qimmatli qog‘ozlarni muomalaga chiqarib, pullarni bir necha o‘n yillar yoki umuman muddatsiz foydalanishga olish mumkin. Bu korxona va tashkilotlar uchun nihoyatda muhim ahamiyat kasb etib, ularga ishlab chiqarish, hamda moddiy- texnika bazasini rivojlantirish uchun bank ssudalaridan foydalanmasdan turib pul resurslarini jalb qilish imkoniyatini beradi. CHunki, barqaror bo‘lmagan iqtisodiyot va pulning qadrsizlanishi sharoitida bank qisqa muddatli kreditlarni berishni afzal ko‘radi. Qimmatli qog‘ozlar aholi uchun ham juda katta ahamiyatga ega, ular pullarni ko‘lda ushlab turmasdan, qimmatli qog‘oz olib, ularga egalik qilish yo‘li bilan o‘z jamg‘armalari hisobiga daromad oladilar va korxonalarni boshqarishda amalda ishtirok etadilar. Xo‘jalik yurituvchi sub’ektlari va aholi vaqtincha bo‘sh turgan mablag‘larini omonatga qo‘yishdan ko‘ra qimmatli qog‘ozlarga sarflashlari ma’lum afzalliklarga ega, masalan, sarflangan mablag‘lar muddatidan ilgari foydalanish zarurati tug‘ilganda uni sotishi hamda undan qulay va hech qanday sarf-xarajatsiz to‘lov vositasi yoki kredit olish uchun garov sifatida foydalanishi mumkin. Qimmatli qog‘ozlar bozori va uning ishtirokchilari. Fond birjasi - qimmatli qog‘ozlar bilan oldi-sotdisi o‘tkaziladigan joy. Fond birjasidagi qimmatli qog‘ozlar bilan operatsiyalarni shartli ravishda 3 turga bo‘lish mumkin:  brokerlik operatsiyalari;  dillerlik operatsiyalari;  market-meykerlik. Brokerlik operatsiyalari – mijozning topshirig‘iga asosan va uning pul mablag‘lari evaziga amalga oshiriladigan operatsiyalar. Dillerlik operatsiyalari – tashkilot o‘z nomidan va o‘z pul mablag‘i evaziga amalga oshiriladigan operatsiyalar.

Market-meykerlik fond bozorida emitentlarga ko‘rsatiladigan xizmat turi. Bu xizmatlarga quyidagilar kiradi: - Sotib olish va sotish kotirovkalarini bir maromda ushlab turish; - Aksiyalar likvidligini ushlab turish; - Moliyaviy maslahatlar; - Aksiyalarni emissiyaga va bozorga taklif qilishda boshqarish; - Maqsadli sotib olish yo‘li bilan aksiyalarga sun’iy talabni tashkil etish; - Emitentning aksiyalarini sotib oladigan jiddiy investorlarini jalb qilish. Fond birjasining asosiy vazifalari: - qimmatli qog‘ozlarning bir maromda muomalada bo‘lishining zarur sharoitini ta’minlash; - qimmatli qog‘ozlarga bo‘lgan talab va takliflar o‘rtasidagi muvozanatni aks ettiruvchi narxlarni, ya’ni bozor bahosini belgilash; - qimmatli qog‘ozlar va qimmatli qog‘ozlar bozori qatnashchilarini kasb mahoratini yuqori darajada saqlab borish; - muntazam ravishda narx aniqlanishiga, indeksatsiya o‘zgarishiga, savdo-sotiq vaqti, qimmatli qog‘ozlar, shartnomalarning miqdoriga va boshqa ko‘rsatkichlarga doir axborotlarni, birjaning holatini va uning rivojlanishiga doir taxminiy shartlarni e’lon qilish. Hozirgi vaqtda, rasmiy statistik ma’lumotlarga ko‘ra, duyoda 150 dan ortiq fond birjasi bo‘lib, ulardan o‘n ikkitasi eng yirik birja sifatida xalqaro qimmatli qog‘ozlar bozorining asosini tashkil etadi. 1 Bularga Nyu-York, London, Tokio, Frankfurt, Tayvan, Seul, Syurix, Parij, CHikago, Kuala-Lumpur, Gonkong, Istambul fond birjalaridir. Xalqaro fond birjalarining infrato‘zilmasida yuzaga kelgan muhim o‘zgarishlardan biri birjalar o‘rtasida mijoz uchun raqobat kurashining kuchayganligi hisoblanadi. Uning isboti sifatida bozorning professional ishtirokchilari sonining tobora oshib borayotganligini ko‘rsatish mumkin. 1

XX asrning 80-yillarida Angliya SEAQ International yuzaga keladi. Bu nafaqat ingliz korxonalarining aksiyalarini, balki ular bilan birga, boshqa evropalik emitentlar hamda amerikalik va yaponiyalik emitentlar tomonidan chiqarilgan qimmatli qog‘ozlarni oldi-sotdi qilish maqsadida tashkil etilgan dilerlik bozori hisoblanadi. Undan keiyn Bryusselda yuqori texnologiyali kompaniyalarning aksiyalarini oldi-sotdi qilish amalga oiriladigan Evropa savdo tizimi-ESDAQ yuzaga keladi. XX asrning 90-yillarida muqobil savdo tizimlari- |INSTINET va TRADEPOINT yuzaga keladi. Bularning birinchisi litseziyali broker-diler bo‘lsa, ikkinchisi Angliyadagi litsenziyali investitsiya birjasi hisoblanadi. 90-yillarning ikkinchi yarimida elektron kommunikatsiya tarmog‘i- Elektronic communiction networks yuzaga keladi. Ushbu tizim AQSHning an’anaviy birja xizmatlaridan qoniqmasdan, investitsiya kompaniyalarining tashshabusi va ishtiroki bilan yuzaga keladi. Xalqaro qimmatli qog‘ozlar bozorining yuqorida qayd etilgan professional ishtirokchilari va ularga xizmat ko‘rsatuvchi kommunikatsiya tizimlarining rivojlanishi, provard natijada, ular o‘rtasidagi raqobat muhitini keskinlashuviga olib keladi. Buning natijasida ko‘satilayotgan xizmatlar uchun olinadigan to‘lovlarning kamayishi yuz beradi. Ular mijozlarga an’anaviy birjalar yopilgandan keyin ham savdo qilish imkoniyatini yaratadi, investitsiyalar uchun turli xildagi instrumentlar foydalanishni taklif qiladi va kotirovkalarni sir tutilishi kafolatlaydi. 2000 yilning boshiga kelib §arbiy Evropadagi barcha yirik fond birjalari to‘liq elektron birjalarga aylanadi. Bu esa, o‘z navbatida, savdo ishtirokchilari sonini keskin oshirish, savdo chiqimlarini kamaytirish imkonini beradi. Bir qator mamlaktlarda fond birjalari o‘zlarining raqobat pozitsiyalarini mustahkamlamoqda. Bu holat moliyaviy bozorlarning xizmatlaridan foydalanuvchilar uchun bir necha xizmat turlarini bir joyda markazlashtirayotganligida yaqqol namoyon bo‘lmoqda. Parij, Amsterdam, Frankfurt, Xelsinki, Bryussel birjalari birlamchi va ikkilamchi bozorlarni, hosila institumentlari bozorlarini, kliring va hisob-kitoblarni birlashtiradi.

Xalqaro qimmatli qog‘ozlar bozorining infrato‘zilmasidagi ikkinchi jiddiy o‘zgarishlar birja ittifoqlarini to‘zish jarayonlarining boshlanganligi va tobora chuqurlashib borayotganligi hisoblanadi. Birja ittifoqlarini to‘zish yo‘lidagi dastlabki qadam 1997 yilda Benilyuks birjasining to‘zish orqali qo‘yildi. Ushbu birjani to‘zish to‘g‘risidagi shartnomaning imzolanishi bir vaqtning o‘zida uchta birjaga kross-a’zolik huquqini ta’minladi. Hamkorlik hosila instrumentlari bozorlariga (forvard, fyuchers, opsion bozorlari), kliring va hisob-kitoblar jarayoniga ham tarqaldi. Ayni vaqtda, AQSHning birjadan tashqari savdo tizimi NASDAQ global ahamiyatiga ega bo‘lgan xalqaro qimmatli qog‘ozlar bozoriga aylanib bormoqda. U amerika bozorida muvaffaqiyatli tarzda faoliyat yuritish bilan birga, jahonning 10 ta yirik fond birjasidan biri sifatida e’tirof etiloqda. NASDAQ aksiyalar savdosining hajmi va o‘sishi sur’ati bo‘yicha Nyu-York fond birjasini ortda qoldirdi. Listing va delisting. Listing – bu qimmatli qog‘ozlarni birjaga qo‘yish, ya’ni joylashtirishdir. Qimmatli qog‘ozlar listingga qo‘yilgan bo‘lsa, birja ro‘yxatidan o‘tgan bo‘lsa, ularni savdoga qo‘yish mumkin . Delisting – bu qimmatbaho qog‘ozlarni birjaning yoki kompaniyaning o‘z qaroriga binoan ro‘yxatdan chiqarilishi, ya’ni listing imtiyozlaridan to‘la maxrum bo‘lishidir. Birjada qimmatli qog‘ozlar bilan oldi-sotdi operatsiyalarini faqat vositachilar bajaradi. Ularga jismoniy shaxslar, yuridik shaxslar, investitsiya kompaniyalari, brokerlik firmalarning topshirig‘i bilan brokerlar bitimlarni amalga oshirib qimmatli qog‘ozlarni sotib oladi yoki o‘zinig hisobidan keyinchalik qayta sotish uchun xarid qiladi. Fond birjasiga qimmatli qog‘ozlar olib kelinmaydi. Uning borligini broker qo‘lidagi xujjatlar, sertifikatlar bilan tasdiqlashi zarur. Birjada qimmatli qog‘ozlar to‘plarda savdoga qo‘yiladi. Birjada faqat listingda qayd qilingan qimmatli qog‘ozlar sotiladi. Baho fond birjasida talab va

taklifdan kelib chiqqan holda ochiqdan-ochiq o‘rnatilib, birja tablosida e’lon qilib turiladi. Birjada uch tomon qatnashadi. Bir tomonda birja, emitentlar va tadbirkorlar, ikkinchi tomonda vositachilik haqi evaziga mijozlarning topshirig‘ini bajaruvchi brokerlar va uchinchi tomon qimmatli qog‘ozlarga muxtoj shaxslar. Har uchchala tomonning manfaatini birlashtiruvchi joy – bu fond birjasidir. Birja kotirovkasi – bu birjada sotiladigan qimmatli qog‘ozlarning e’lon qilingan narxi. Birja indekslari – bu qimmatli qog‘ozlarning birjadagi harakatini ifodalovchi ko‘rsatkich. Birjada ko‘llaniladigan eng mashxur indekslardan biri bu – Dou-Djons indeksidir. U AQSHdagi 30 yirik sanoat korporatsiyalari aksiyasining birjadagi kursi bilan belgilanadi. Dou-Djons indeksini hisoblash uchun kundalik bozor narxini o‘sha davrdagi aksiyalar guruhidagi sonlarga ko‘paytirib umumiy aksiyalar soniga bo‘lish kerak:  AiPi Dou-Djons indeksi ------ 1. A Bunda, Ai – kompaniyalarda chiqarilgan aksiyalar soni; Pi – tegishli kompaniyalar aksiyalarining bozor narxi; A - umumiy aksiyalar soni. Professionallar fond bozorida faoliyat ko‘rsatish jarayonida turli «o‘yinlarni» qo‘llaydilar. «Ayiqlar» o‘yini – daromad olish maqsadida qimmatli qog‘ozning bozor narxini pasaytirishga qaratilgan jarayon. Professional ma’lum qimmatli qog‘ozning bozor narxini pasayishini oldindan sezgan holda uni ma’lum muddatga qarzga olib turadi. Qarzga olingan qimmatli qog‘ozning narxi pasaymasdan payt poylab darrov sotib yuboriladi. Qarz muddati etib kelgan qimmatli qog‘ozning narxi pasayib ketadi va shu pasaygan narx bo‘yicha «ayiq» qarzga olgan qimmatli qog‘oz uchun o‘z qarzini

to‘laydi. Bunda, «ayiq»ning daromad qarzga olingan qimmatli qog‘ozni sotish narxi va qarzni to‘lash vaqtida uning bahosi tafovuti ko‘rinishida ifodalanadi. «Buqa» - qimmatli qog‘ozlarni naqd pulga sotib oladi va ularni qimmatroq narxda sotish maqsadida bozor narxining ko‘tarilishini poylab turadi. Qimmatli qog‘ozlar bozorida bank faoliyatining turlari Qimmatli qog‘ozlar bozorida bank faoliyatining umumiy asoslari Rossiya Federatsiyasining «Banklar va bank faoliyati to‘g‘risida»gi qonunida aks ettirilgan. Rossiya banklarining bank operatsiyalarini amalga oshirish to‘g‘risidagi litsenziyasi banklarga qimmatli qog‘ozlarni chiqarish, sotish, sotib olish, hisobini yuritish, saqlash va boshqa operatsiyalarni quyidagi turlarini amalga oshirish imkoniyatini beradi: - to‘lov hujjati (veksel, chek) funksiyasini bajarish; - pul mablag‘larini jamg‘arma va bank schyotlariga jalb qilish (depozit va jamg‘arma sertifikatlari)ni muljallamoq. O‘zbekiston banklari Markaziy bankdan olingan bosh litsenziyaga muvofiq, fond bozorida operatsiyalarni amalga oshirish huquqiga ega bo‘ladi. Bank maxsus litsenziya asosida federal qonunlarga muvofiq ravishda qimmatli qog‘ozlar bozorida faoliyat yuritish huquqiga ega. Bank qimmatli qog‘ozlar bozorida o‘z faoliyatini tashkil qilishi uchun litsenziyani qo‘lga kiritish uchun o‘z shtatida har bir operatsiya turi bo‘yicha (kamida) bitta FKSB tomonidan berilgan kvalifikatsiya attestatiga ega bo‘lgan mutaxassis bo‘lishi shart. Qimmatli qog‘ozlar bozoridagi bank faoliyati rangbarangdir. Brokerlik faoliyati - bu qimmatli qog‘ozlar bilan ishonchli shaxs yoki komissiya a’zosi sifatida bitim to‘zish, topshiriq shartnomasi yoki komissiya asosida amalga oshadi. Dillerlik faoliyati – bu qimmatli qog‘ozlarni o‘zining hisobidan sotish – sotib olish bitimini amalga oshirish. Depozitar faoliyati – bu qimmatli qog‘ozlar sertifikatlarini saqlash bo‘yicha xizmat ko‘rsatish yoki qimmatli qog‘oz huquqini o‘tkazish va hisobini yuritish

bo‘yicha xizmat ko‘rsatish. Depozitariya xizmatidan foydalanuvchi tomon deponent deyiladi. Deponent nomiga qimmatli qog‘ozlar xarakatining hisobini yurituvchi depo schyoti ochiladi. Qimmatli qog‘ozlar bilan banklararo operatsiyalarni amalga oshirish uchun banklar bir-birlarida depo («loro» va «nostro») schyotlari ochiladi. Depozitar va mijoz o‘rtasida ochiq yoki yopiq saqlash yo‘llari aks ettirilgan shartnoma to‘zilgan bo‘lishi mumkin. Qimmatli qog‘ozlarni ochiq saqlash usuli – bu qimmatli qog‘ozlarga egalik qilish huquqini shunday registratsiya qilish yo‘liki, qaysiki, deponent depozitariyga alohida nishonalarsiz (nomer, razryad, seriya) faqatgina ma’lum miqdordagi qimmatli qog‘ozga topshiriq berishi mumkin. Saqlashning yopiq usulida depozitariy depo schyotidagi mavjud aniq qimmatli qog‘oz bo‘yicha deponentning barcha topshiriqlarini qabul qilish va bajarishga majbur. Ishonchli boshqaruv bo‘yicha faoliyat (trast) bankning o‘z nomidan amalga oshiriladi va egaligi jihatidan boshqa shaxsga tegishli bo‘ladi, ishonchli boshqaruvni quyidagilar bilan amalga oshirish mumkin: - qimmatli qog‘ozlar bilan; - pul mablag‘lari bilan (qimmatli qog‘ozga investitsiya qilish uchun mo‘ljallangan bo‘lsa); - qimmatli qog‘ozlarni boshqarish jarayonida qo‘lga kiritilgan pul mablag‘lari va qimmatli qog‘ozlar bilan. Trast (agentlik) xizmatlari tijorat banklari bilan mijoz o‘rtasidagi shartnoma asosida ko‘rsatiladi. qimmatli qog‘ozni saqlash uchun depo schyoti ochiladi. Ko‘rsatilgan xizmat uchun bank komission xaq undiradi. Bank, shuningdek qimmatli qog‘ozlar bilan bajarilgan operatsiyalar uchun to‘lovni o‘rnatadi. qimmatli qog‘ozlar portfelining shakllanishi va uni boshqarish uchun ularga doimiy axborotlar oqimi va ish analizi kerak bo‘ladi, hamma investor ham bu muammoni o‘zi hal qila olmaydi. Mahsus trast bo‘limlariga ega bo‘lgan banklar xavfsizlik, daromadlilik va likvidlilik talablariga javob beradigan qimmatli qog‘ozlar portfelini shakllantirishga yordam beradilar.

Banklar qimmatli qog‘ozlarni birlamchi joylashtirish bo‘yicha ham xizmatlar ko‘rsatishi mumkin: aksiyalarni moliya bozoriga joylashtirish (anderrayting), aksionerlar reestrlarini yuritish, yillik foydani to‘lash. Kliring faoliyati – bu faoliyat o‘zaro majburiyatlarni aniqlash bo‘yicha (yig‘im, sverka, qimmatli qog‘ozlar bo‘yicha bitim axboroti korrektirovkasi va bular bo‘yicha buxgalteriya hujjatlarini tayyorlash) va qimmatli qog‘ozlar taklifi bo‘yicha hisobotdir. Aksionerlik tijorat banki o‘zining shaxsiy qimmatli qog‘ozlarini ustav kapitalini oshirish yoki mablag‘larni o‘zlariga jalb qilish maqsadida chiqarishlari mumkin. SHu yo‘l bilan bank qimmatli qog‘ozlar bozoriga moliyaviy vositachi (broker), moliyaviy investor (diler) va qimmatli qog‘ozlar emitenti sifatida qatnashishi mumkin. REPO operatsiyalari. REPO operatsiyasi – bu qimmatli qog‘ozlarni keyinchalik yuqoriroq bahoda sotish (sotib olish) majburiyati bilan sotib olish (sotish). REPO shartnomasining birinchi qismida sotuvchi kreditlanadi va ikkinchi qismida pul mablag‘lari egasiga ortig‘i bilan qaytariladi. Qimmatli qog‘ozlar egaligini huquqiy berish ma’lum vaqtga kreditni ta’minlangan qiladi va riskni kamaytiradi. Haqiqiy REPO va sotuv turidagi REPO qayta sotib olish bilan farqlanadi. Haqiqiy REPO faqatgina tomonlar o‘rtasida REPO bitimini to‘zish to‘g‘risidagi bosh shartnoma bo‘lgandagina to‘ziladi. Bunday shartnomada tomonlarning huquq va majburiyatlarini hamda ular o‘rtasidagi hisob-kitob qoidalari aniq ko‘rsatiladi. Haqiqiy REPOning foizli daromadlari sotish va qaytib sotib olish turidagi REPOnikidan yaqqol farq qiladi. Banklar mustaqil ravishda investitsiya va savdo portfelini shakllantirish tartibini o‘rnatadi shu bilan birga qimmatli qog‘ozni bir portfeldan ikkinchisiga o‘tkazishni ham.

Odatda qimmatli qog‘ozlar kutilgan daromadni keltirmasa va keltirish kutilmasa, shuningdek u o‘z oldiga qo‘yilgan vazifani bajarib bo‘lsa yoki moliyaviy resurslarni ishlatilishini yaxshiroq yo‘llari paydo bo‘lsa ular sotiladi. Bankning qimmatli qog‘ozlar portfelining strukturasi. Qimmatli qog‘ozlar portfeli Investitsiya portfeli Savdo portfeli Foiz va divident shaklida foyda olish maqsadida olingan qimmatli qog‘ozlar qaytarib sotish bo‘yicha qimmatli qog‘ozlar REPO operatsiyalari bo‘yicha olingan qimmatli qog‘ozlar Moliya bozorida ishtirok etuvchi KTi bank boshqaruvining umumiy shartlariga bo‘ysungan holda axborotlarni sir saqlaydi. Qimmatli qog‘ozlarning bozor koterovkasiga ega bo‘lgan turiga ularning qadrsizlanishi bo‘yicha rezervlarni hosil qilish maqsadida chiqarilgan emission qimmatli qog‘ozlar kiradi, quyidagi shartlarga javob beradigan: a) qimmatli qog‘ozlar bozorida savdo tashkillashtiruvchi orqali yoki fond birjasida amal qilish uchun ruxsat, bunda davlat komissiyasi qimmatli qog‘ozlar bo‘yicha tegishli litsenziyani bergan bo‘lishi kerak, xorijiy fond birjasi yoki savdo tashkiloti uchun – milliy vakolatli organ; b) yuqorida ko‘rsatilgan fond birjasi yoki savdo tashkiloti hisobot oyi oboroti miqdori 20 ming evrodan kam bo‘lmasligi kerak; v) bozor narxi to‘g‘risida axborotning ochiqligi, ya’ni unga kirish uchun qonunchilik asosida foydalanuvchidan maxsus huquq (imtiyoz) talab qilinmaydi. Bozor narxi deganda bitim bo‘yicha bir fond birjasi yoki savdo tashkiloti kunidagi bir qimmatli qog‘ozning o‘rtacha o‘lchangan narxi tushuniladi. Agar qimmatli qog‘oz to‘zish sanasi yoki bitimning rezerv korrektirovkasi ikki yoki undan ortiq fond birjalarida amalga oshirilgan bo‘lsa, unda bozor narxi hisobot oyida eng katta oborotni fond birjasidan olinadi. K.T. hisobot oyining natijalari bo‘yicha oldin to‘zilgan rezervlarning korrektirovkasini qimmatli qog‘ozlarni miqdori va bozor narxini hisobga olgan holda amalga oshiriladi.

Agar qimmatli qog‘ozlarga bank mablag‘i qo‘yilgan bo‘lsa, hisobot oyi natijalari bo‘yicha ularni qadrsizlanishiga rezervlar to‘zish uchun mo‘ljallangan bozor koterovkasini qimmatli qog‘ozlarga tegishli bo‘lsa, hisobot oyini oxirgi ish kunidagi bozor narxi qimmatli qog‘ozlarning ikki marta kamaygan amaldagi narx bo‘yicha olinadi. Bozor koterovkali qimmatli qog‘ozlarlarga aksiyalarni olib borishda ularni qadrsizlanishiga rezerv hisoblash uchun ushbu emitent bir qancha chiqargan va turli davlat nomerli aksiyalar bo‘yicha to‘zilgan bitimlar hisobot oyi bozor oboroti qimmatli qog‘ozlarga ruxsat beriladi. Rezerv har bir olingan qimmatli qog‘ozlar paketini, ularning balans qiymatidan kelib chiqqan holda to‘zilishi kerak bir turdagi qimmatli qog‘ozlarning o‘rtacha qiymatidan kelib chiqqan holda rezerv shakllantirishga ruxsat berilmaydi . Agar hisobot oyi natijalari bo‘yicha bank rezidentlari va boshqa yuridik shaxs rezidentlar chiqargan qarz majburiyatlari va aksiyalar qayta sotishga va investitsiyaga olingan bo‘lsa unda ular bozor korektirovkasiga ega kategoriyadan koterovkalanmaydigan kategoriya o‘tkaziladi Qimmatli qog‘ozlar qadrsizlanishi bo‘yicha rezervlarni shakllantirish va boshqarish tartibi. Qog‘ozning bozor narxi o‘zgarish xarakteri Qadrsizlanish bo‘yicha rezerv tashkil qilish tartibi Rezervlarni birlamchi tashkil qilinishi Qimmatli qog‘ozlarning balans tannarxidan past bo‘lgan bozor narxi Pasaytirish narxi miqdorida rezerv tashkil qilinadi (balans tannarxi va qayta baholash narxi o‘rtasidagi farq) Rezervlarni boshqarish A) rezerv tashkil qilishda qo‘llaniladigan bozor narxi bazaviy narxdan oshib ketdi Mablag‘larning foyda schyotiga butunlay o‘tkazilguniga qadar rezerv kamaytirib borladi B) rezerv tashkil qilish uchun qo‘llanilgan bozor narxi bazaviy narxdan tushib ketdi. Narx tushganda rezervga qo‘shimcha kiritiladi.

Qimmatli qog‘ozlar bo‘yicha yuzaga keluvchi turli xil risklarni qoplash uchun tashkil qilinadigan rezervlarda avvalombor qimmatli qog‘ozlarning tannarxidan past bo‘lmagan bozornarxi bo‘lishini e’tiborga olish kerak. Bu holda qimmtli qog‘ozlarni balans tannarxi va ularni qayta baholash bo‘yicha narx o‘rtasidagi farqdan kam bo‘lmagan rezerv tashkil qilinishi maqsadga muvofiq bo‘ladi. Tashkil qilingan rezervlarni samarali boshqarishda turli usullarda foydalanish mumkin. Bu usullarni barchasi tijorat banklarining qimmatli qog‘ozlar bilan olib boriladigan operatsiyalarni unga yuqori daromad olib kelishga yo‘naltirilgan bo‘ladi. Anderrayting operatsiyalari. Investitsiya kompaniyasi faoliyatining asosiy yo‘nalishlaridan biri and errayting — kimmatli kogozlarni xarid kilish yoki ularni sarmoyadorlar o‘rtasida joylashtirish kafolatini berish—xisoblanadi. Anderraytingga kuyidagilar kiradi: kimmatli kogozlarni chikarish shartlarini belgilash, ularning yangi nashrlarini tay yorlash, kimmatli kogozlarni keyin sarmoyadorlarga kayta sotish uchun emitentlardan sotib olish, ularni joylashtirish kafolatini berishni tashkil etish. Anderrayter — bu kimmatli kokozlarga xizmat ko‘rsatuvchi va ularning birlamchi joylashtirilishiga kafolat beruvchi, kimmatli kog ozlarni keyinchalik xususiy sarmoyadorlarga kayta sotish uchun emi tentdan sotib oluvchi investitsiya muassasasidir. Investitsiya kompaniyalari tomonidan anderraytingning amalga oshirilishini kuyidagi asosiy boskichlarga bo‘lish mumkin: kim matli kogozlarni muomalaga chikarishga tayyorlash, shu jumladan, emitent va bunga ko‘maklashuvchi boshka tashkilotlar bilan xam korlikda nashrlarni rejalashtirish, muomalaga chikariladigan kimmatli kogozlarni baxolash, emitent xamda nazarda tutilayotgan sarmoyadorlar o‘rtasida alokalarni o‘rnatish va x.k.; kimmatli kogoz larni taksimlash, shu jumladan, emissiyaning bir kismini

yoki butun summasini sotib olish, kimmatli kogozlarni sarmoyadorlarga so tish, mazkur kimmatli kogozni joylashtirish vaktida uning bozor narxini ko‘llab — kuvvatlash; sotilgandan keyingi davrda kimmatli kogozning kursini ma’lum vakt mobaynida ko‘llab — kuvvatlash (odatda bir yil); shuningdek, kimmatli kogozning kurs kiymati o‘zgarishini taxlil va nazorat kilish, unga ta’sir etuvchi omil larni aniklash. TRAST OPERATSIYALARI Trast-ingliz tilida “ishonch” degan ma’noni bildiradi. Bank jismoniy va yuridik shaxslardan pul mablag‘larini ma’lum bir muddatga jalb qilib, shu muddat ichida ishonch olingan mablag‘ni yuqori foyda olib keladigan operatsiyalarga joylashtiradi. Trast operatsiyalari bank ishida va banklarning sanoat va iqtisodiyotning boshqa sohalari bilan aloqalarida katta rol o‘ynaydi. Trast operatsiyalarini banklarda paydo bo‘lish tarixi yana bir bor tijorat banklariga bo‘lgan ishonchni katta ekanligidan dalolat beradi. Sababi shundaki, juda badavlat insonlar tomonidan hali balog‘at yoshiga etmagan farzandlari nomiga qoldirilayotgan boyliklarni, ularning vafotidan so‘ng boshqarish muammosini yuzaga kelishi banklarnig trast operatsiyalarini paydo bo‘lishiga sabab bo‘ladi. Banklar ushbu mablag‘lari fazandlar balog‘at yoshiga etgunga qadar, ishonchli tarzda boshqaradilar. Trast operatsiyalari asta-syokin banklaning korporativ mijozlari bilan bo‘ladigan munosabatariga ko‘chdi. Mijoznnig qimmatli qog‘ozlari portfelini yoki ushbu portfelning bir qismini hamda u bilan bog‘liq bo‘lgan pul mablag‘larini boshqarish tijorat banklarining trast operatsiyalari tashkil qiladi. Tijorat banklari trast operatsiyalarini amalga oshirish tufayli birinchidan, qimmatli qog‘ozlarni joylashtirish, birjadagi operatsiyalarda foydalanishi mumkin bo‘lgan o‘zoq muddatli moliyaviy resurslarni bahramand bo‘la oladi. Ikkinchidan, trast operatsiyalariga bog‘liq bitimlarni banklar o‘z mijozlarining shartnomalari asosida amalga oshiradi, shuning uchun bitimlar qonunlar bilan cheklanmaydi. Uchinchidan, bank qimmatli qog‘ozlarni boshqarishdan komission mablag‘lar olib,

o‘zi boshqarayotgan qimmatli qog‘ozlardan tushayotgan foydadan o‘z ulushini oladi. To‘rtinchidan, bank o‘z sarmoyalari bilan emas, balki o‘zgalar sarmoyalari bilan operatsiyalar o‘tkazadi va faqat trast shartnomasi doirasidagina javobgar bo‘ladi, asosiy tavakkalchilik esa qimmatli qog‘ozlar egasining zimmasida bo‘ladi. Tijorat banklari xilma-xil trast operatsiyalarini bajarishi mumkin: mijozlarning pul mablag‘larini boshqarish, mijozlarning fond portfellarini shakllantirish va qimmatli qog‘ozlar paketlarini boshqarish; meroslar va xususiy trastlarni tasarruf etish, agentlik vazifalarini bajarish; obligatsiyalar chiqarish va to‘lov muddati kelganda obligatsiyalarni to‘lash fondlarini boshqarish; dividentlarni to‘lashga qimmatli qog‘ozlarni saqlashga, ularning xarakatini hisobga olishga, ularni boshqa qimmatli qog‘ozlarga almashtirib olishga oid, agentlik vazifalarini amalga oshirish; qimmatli qog‘ozlarga va qimmatli qog‘ozlar operatsiyalariga oid tavakkalchilikni sug‘urtalashda vositachilik qilish, qimmatli qog‘ozlar operatsiyasi yuzasidan buxgalterlik hisobi yuritish va hisobotlar to‘zish, qimmatli qog‘ozlar emitenti uchun transfert bo‘yicha agent (qimmatli qog‘ozlarni ro‘yxatga oluvchi) vazifasini bajarish va boshqalardir. Qimmatli qog‘ozlar bilan balans va nobalans operatsiyalari. Tijorat banklari asosan qimmatli qog‘ozlar bilan operatsiyalarni Respublika Fond bozorida yuqorida aytib o‘tilgan qonunlardan tashqari «Banklar va bank faoliyati to‘g‘risida»gi hamda o‘zbekiston Respublikasi Markaziy bankining me’yoriy hujjatlari asosida olib boradilar. Qimmatli qog‘ozlar bilan tijorat banklarining aktiv operatsiyalari deganda bank o‘z yoki jalb qilingan boshqa mablag‘larini har xil qimmatli qog‘ozlarni sotib olish bilan bog‘liq bo‘lgan quyilmalarni, mablag‘larni bankdan chiqib ketishi va uning evaziga bankka bu mablag‘lar qimmatli qog‘ozlar sifatida qaytib kelishiga tushuniladi. Banklarni aktiv operatsiyalariga quyidagilar kiradi: 1. Aksiyalarga va korporativ qimmatli qog‘ozlarga investitsiya qilish. 2. Davlat qisqa muddatli obligatsiyalari (DQMOlar) bilan operatsiyalarni bajarish. 3. Qimmatli qog‘ozlarni sotib olish uchun kredit berish va hokazolar.

Aksiyalarga va qimmatli qog‘ozlarga investitsiya qilish ya’ni, har xil aksiyadorlik jamiyatlarining aksiyalarini va boshqa qimmatbaho qog‘ozlarni sotib olish operatsiyalari hisoblanadi. Ushbu operatsiyadan maqsad:  birinchidan, aksiyadorlik jamiyatlarining aksiyalarini sotib olib, ulardan keladigan divident orqali bankka daromad keltirish;  ikkinchidan, aksiyadorlik jamiyatlarining aksiyalarini arzonroq narx bo‘yicha sotib olib, qimmatroq narxda sotish (spekulyativ operatsiyalar);  uchinchidan, aksiyadorlik jamiyatlari nazorat paketini sotib olib, ushbu aksiyadorlik jamiyati faoliyatini boshqarishda qatnashib, uni moliyaviy ahvolini yanada tiklab maksimal jihatda foyda olish. Tijorat banklarni qimmatli qog‘ozlar bilan passiv operatsiyalari deganda, shunday operatsiyalar tushuniladiki, unda bank qimmatli qog‘ozlarni muomalaga chiqarish va ularni sotish bilan bog‘liq operatsiyalar, buning evaziga bankga pul mablag‘lari jalb qilish tushuniladi. Banklarning passiv operatsiyalariga quyidagilar kiradi; - Aksiyalarni emissiya qilish. - Depozit va jamg‘arma sertifikatlarini chiqarish. - Veksellarni joylashtirish. - Obligatsiyalarni chiqarish. - «Trast» operatsiyalarini bajarish va hokazolar . Depozit va jamg‘arma sertifikatlarini sotishdan tushgan arzon pul mablag‘ini bankdagi boshqa har xil yo‘nalishlarga joylashtiriladi va naqd pul tushumi ko‘payadi, buning hisobiga emissiya miqdori kamayadi. Bank o‘z operatsiyalarini aylangan muddatga o‘rnatilgan qo‘shimcha foiz to‘lash yo‘li bilan va obligatsiyalarini diskont yo‘li bilan, ya’ni nominal miqdoridan past miqdorda sotishi mumkin. Fond birjasi va depozitariylar faoliyati bilan bank tizimining o‘zaro hamkorlik darajasi.

Dunyo mamlakatlarining fond bozorlariga moliyaviy-iqtisodiy inqirozi ta’siri va unda yuzaga kelgan tanglik sabablari Depozitar faoliyati – bu qimmatli qog‘ozlar sertifikatlarini saqlash bo‘yicha xizmat ko‘rsatish yoki qimmatli qog‘oz huquqini o‘tkazish va hisobini yuritish bo‘yicha xizmat ko‘rsatish. Depozitariya xizmatidan foydalanuvchi tomon deponent deyiladi. Deponent nomiga qimmatli qog‘ozlar xarakatining hisobini yurituvchi depo schyoti ochiladi. Qimmatli qog‘ozlar bilan banklararo operatsiyalarni amalga oshirish uchun banklar bir-birlarida depo («loro» va «nostro») schyotlari ochiladi. Depozitar va mijoz o‘rtasida ochiq yoki yopiq saqlash yo‘llari aks ettirilgan shartnoma to‘zilgan bo‘lishi mumkin. Qimmatli qog‘ozlarni ochiq saqlash usuli – bu qimmatli qog‘ozlarga egalik qilish huquqini shunday registratsiya qilish yo‘liki, qaysiki, deponent depozitariyga alohida nishonalarsiz (nomer, razryad, seriya) faqatgina ma’lum miqdordagi qimmatli qog‘ozga topshiriq berishi mumkin. Saqlashning yopiq usulida depozitariy depo schyotidagi mavjud aniq qimmatli qog‘oz bo‘yicha deponentning barcha topshiriqlarini qabul qilish va bajarishga majbur. Xar xil turdagi investitsiya institutlari tomonidan kimmatli kogozlar bozoridagi faoliyatlarni birga olib borishning mumkin bulgan variantlari .

Investitsiya vositachilari Investitsiya m aslaxatchilari Investitsiya kom paniyalari Investitsiya fondlari Reestr saklovchilar D epozitariylar X isob-kitob-kliring tashkilotlari Boshkaruvchi kom paniyalar K im m atli kogozlarning nom inal egalari Investitsiya vositachilari - + - - - - - + Investitsiya maslaxatchilari - - - - - - - - Investitsiya kompaniyalari + - - - - - - - Investitsiya fondlari - - - - - - - - Reestr saklovchilar - - - - + - - - Depozitariylar - - - + - - + Xisob-kitob-kliring tashkilotlari - - - - - - - + Boshkaruvchi kompaniyalar - - - - - - - + Kimmatli kogozlarning nominal egalari + - + - - + + + Izox:

" +" — kimmatli kogozlar bozoridagi professional faoliyatni birga olib borish mumkinligi " —" — kimmatli kogozlar bozoridagi professional faoliyatni birga olib borish mumkin emasligi . Investitsiya institutlari sifatida yuridik va jismoniy shaxslar katnashshshi mumkin. YUridik shaxs xisoblangan investits iya muassasalarining faoliyati litsenziyalanishi lozim. Litsenziya lar 5 yil muddatga beriladi. Investitsiya institutlarining l itsenziyalanishi ular faoliyatining davlat tomonidan nazorat k ilinishini anglatadi. Jismoniy shaxslar kimmatli kogozl ar bozorida investitsiya maslaxatchisi va investitsiya vositachisi s ifatida faoliyat ko‘rsatishi mumkin. Ushbu faoliyatni amalga oshir ish uchun jismoniy shaxslar maxalliy xokimiyat idoralarida t adbirkorlar sifatida ro‘yxatga olinishi xamda fond bozorini t artibga soluvchi organ tomonidan beriladigan malaka shaxodatn omasiga va litsenziyaga ega bo‘lishi lozim. Malaka shaxodatnomasi 3yil muddatga beriladi . Iktisodiy munosabatlarning murakkab soxasi xisoblanadigan kimmatli kogozlar bozorini nafakat institutsional va funksional tomonlarini rivojlantirish, balki undagi ishtirokchilar faoliyatini tartiblash, muvofiklashtirish va nazorat kilishning samarali mexanizmini shakllantirish lozim. 1. Bugungi kunda kimmatli kogozlar bozorini samarali muvofiklashtirish jarayonlari kechayotgan Uzbekistondek mamlakat uchun jaxonda umumiy tarzda kabul kilingan andozalarga mos keladigan, jaxon tajribasi bilan chukur ishlab chikilgan, barcha afzalliklarni uziga singdirgan va shu bilan bir vaktda milliy mentalitetni, milliy rivojlanishning uziga xos xususiyatlarini inobatga olgan xolda uz-uzini muvofiklashtirish mexanizmini iщlab chikish zaruratdir. Bu mexanizmda, jaxon tajribasiga kura, asosiy rolni uz –uzini muvofiklashtiruvchi nodavlat-tijorat tashkilotlar uynaydi.Bu tashkilotlar oldida bir kator echimini kutayotgan muammolar mavjud. Xozir vujudga kelgan sharoitda Kimmatli kogozlar bozori xamda moliya bozorining boshka vositalari muammolariga yuzaki yondashish xavfi mavjud. Vaxolanki, Garbda mazkur soxa buyicha tuplangan boy amaliy va tarixiy materialni umumlashtiruvchi taxlillovchi bir kator rakobatbardosh nuktai-nazarlar

va nazariyalar yaratilgan. Uzbekiston uchun uziga xos yulni tugri tanlash shuning uchun xam dolzarbki, bu erda me’yoriy xukukiy ba’zi vositalar yordamida birlamchi kimmatli kogozlar bozori yaratildi xamda aksiyadorlik jamiyatlarining tuzilishi xususiylashtirishning amalga oshirilishi tufayli bu bozorda xaddan tashkari kup massa jamlandi. Investitsion vositachilar instituti shakllanmokda; unda xususiylashtirish investitsiya fondlari faol ishtirok etmokda. SHunday kilib, shart-sharoit yaratildi, endi gap kimmatli kogozlar bozorining ishlashida koldi, kimmatli kogozlar muomalasi rivojlanishi uchun ikkilamchi kimmatli kogozlar bozorini shakllantirish zarur. Amalda esa vazirliklar, idoralar va aksiyadorlik jamiyatlari kupchilik raxbarlarining korxonalarini uz nazoratlari ostidan chikargilari yukligidan bu jarayon bir oz oksamokda

Похожие

Tijorat banklarining qimmatli qog‘ozlar bilan bo‘ladigan operatsiyalari

Xorijiy tijorat banklarida kassa operatsiyalari va qimmatli qog‘ozlar bilan operatsiyalar

Tijorat banklarining valuta operatsiyalari

Tijorat banklarining valyuta operatsiyalari

Tijorat banklarining faktoring va lizing operatsiyalari