Минтақа иқтисодий хавфсизлигини таъминлаш - Экономика - Рефераты

Минтақа иқтисодий хавфсизлигини таъминлаш

Загружено в:

12.02.2024

Скачано:

0

Размер:

160.5 KB

Минтақа иқтисодий хавфсизлигини таъминлаш Режа : 1. Минтақа иқтисодиёти ва минтақавий сиёсат 2. Минтақа иқтисодий хавфсизлиги 3. Минтақа иқтисодий хавфсизлигини таъминлаш механизми 4. Ўзбекистонда минтақани ижтимоий-иқтисодий ривожлантириш дастурларини ишлаб чиқиш ва амалга ошириш механизмини такомиллаштириш 5. Ўзбекистонда минтақани ривожлантиришни давлат томонидан тартибга солишни такомиллаштириш

Минтақа иқтисодиётининг шундай тизимлари мавжудки, улар ҳар бир мамлакатнинг миллий иқтисодиётида, мустақил хўжалик юритишда алоҳида ўрин тутади ва ўзининг табиий иқлим, географик жойлашуви, табиий- минерал ва хом ашё ресурсларининг захиралари, меҳнат ресурслари билан таъминланганлиги, ишлаб чиқариш салоҳияти, тармоқлари ва соҳаларининг ҳам инфратузилмаси миқёси, аҳолисининг урф-одат ва анъаналари, маҳсулот ишлаб чиқариш бўйича ихтисослашуви ҳамда ижтимоий меҳнат тақсимотидаги ҳиссаси, аҳоли жон бошига ишлаб чиқарган ҳудудий ялпи маҳсулот кабилар билан фарқланади. Минтақаларнинг ижтимоий-иқтисодий ривожланишини таъминлашда қуйидаги вазифаларни амалга ошириш кўзда тутилади: 1. Минтақадаги барча ресурслардан (моддий, молиявий, меҳнат) фойдаланиб, ишлаб чиқаришнинг жадаллиги ва мутаносиблигини таъминлаш ҳамда шу асосда унинг самарадорлигини ошириш. 2. Минтақаларнинг истиқболдаги ривожланиш суръатларини аниқлаш. Бунда маҳаллий ресурслардан тўлиқ фойдаланишга эътибор бериш. 3. Илмий-техника тараққиёти ютуқларидан ишлаб чиқаришда кенг фойдаланиш. Бунинг учун минтақада илмий-техника тараққиёти жадаллашишини таъминловчи иқтисодий механизмни яратиш, режалаштиришни янада демократиялаштириш лозим бўлади. Бунинг учун корхоналарга, минтақавий бирликларга интикатив (тавсиявий) режаларни тузиш учун ҳуқуқий- иқтисодий шароитлар яратиш, бозор иқтисодиёти шароитида самарали рақобат бўлишини бозор коньюнктурасига мос маҳсулот ишлаб чиқаришни таъминлаш мақсадида, шунингдек, қуйидаги вазифаларни ҳам ҳал этиш лозим: а) ишлаб чиқаришни бозор ҳажми ва коньюнктурасига мос равишда ташкил этиш ва ривожлантириш; б) валюта тушумларининг кўпайишини таъминлаш мақсадида ташқи иқтисодий фаолиятни кенгайтириш;

в) бозор талаби асосида тез ўзгарувчан янги технологияларни жорий этиш ва маҳсулот сифатини ошириш ва ҳоказолар. г) ташқи иқтисодий муносабатларни маҳаллий ҳокимиятлар республика ҳукумати билан келишган ҳолда маҳаллий манфаатларни ҳисобга олиб ривожлантириш. Ўзбекистонда давлат минтақавий сиёсатининг бош мақсадлари сифатида қуйидагилар белгиланган: - мамлакатнинг барча ҳудудларида Ўзбекистон Республикасининг Конституциясида белгиланган ҳуқуқларнинг таъминланиши учун тенг сиёсий ва ижтимоий-иқтисодий шароитлар яратиш; - республика барча аҳолисини ижтимоий кафолатлари ҳамда тенг ижтимоий ва ҳуқуқий ҳимоялашни таъминлаш. Ушбулардан келиб чиқиб, давлат минтақавий сиёсатини амалга оширишнинг асосий йўналишлари қуйидагилардан иборат: - республика давлат ҳокимияти ва бошқаруви ҳамда маҳаллий ўз-ўзини бошқаришнинг ҳуқуқий асосларини, шунингдек, Ўзбекистон Республикаси субъектларининг ўзаро тенг ҳуқуқлигининг конституцион тамойилларини таъминлаш; - Ўзбекистон Республикасининг ижтимоий-иқтисодий ривожланиши истиқбол кўрсаткичлари ва мақсадли дастурларни мунтазам равишда ишлаб чиқиш; - Ўзбекистон Республикаси давлат ҳокимияти ва бошқаруви ҳамда маҳаллий ўз-ўзини бошқариш органларини услубий ва меъёрий жиҳатдан таъминлаш ҳамда қўллаб-қувватлаш; - мамлакатнинг маъмурий-ҳудудий бўлинишини зарур ҳолатларда ўзгартириб туриш. Бу мамлакатдаги сиёсий ва ижтимоий-иқтисодий ўзгаришлар инъикоси сифатида амалга оширилади (1-жадвал). 1-жадвал

Минтақавий (ҳудудий) такрор ишлаб чиқариш жараёнларини тартибга солишнинг маъмурий ва иқтисодий усуллари 2. Минтақа иқтисодий хавфсизлиги Миллий хавфсизлик жамиятнинг барча бўғин ва даражаларидаги хавфсизликни ифодалаганидек, иқтисодий хавфсизлик мамлакат ҳамда унинг минтақалари иқтисодий хавфсизлигини ҳам ўз ичига олади. Минтақавий хавфсизлик мамлакат вилоятлари (туманлари) манфаатларининг ички ва ташқи таҳдидлардан ҳимояланганлигини ифодалайди. Минтақавий хавфсизлик ўз ичига табиий-техноген, озиқ-овқат, умумиқтисодий, ижтимоий-сиёсий ва ижтимоий (шахсий ва мулкий) хавфсизликларни олади (2. -чизма).

Минтақа иқтисодий хавфсизлиги минтақанинг ижтимоий-иқтисодий жиҳатдан барқарор ривожланиши, иқтисодиёт билан минтақанинг давлат ҳокимияти ва бошқаруви муассасалари ўртасидаги мувозанатли ҳолат бўлиб, бу ҳолат минтақада миллий манфаатларнинг ҳимояланганлиги ҳамда сиёсатнинг ижтимоий йўналтирилганлигини ифодалайди. Минтақа (ҳудуд)даги иқтисодий хавфсизликни аниқлашда қуйидаги ижтимоий- иқтисодий индикаторлардан фойдаланилади: - аҳоли жон бошига ялпи ҳудудий маҳсулот; - яшаш минимуми; - иш ҳақи; - иш ҳақи бўйича муддати ўтган қарздорлик; - ишсизлик даражаси; - ишсизлар сонининг бўш иш ўринларига нисбати; - аҳолининг саводхонлик даражаси; - аҳоли даромадлари бўйича табақаланиши ва бошқалар. Минтақа иқтисодий хавфсизлиги объектларига қуйидагилар киради: - минтақа аҳолисининг иш билан бандлиги; - аҳоли турмуш даражаси; - меҳнат мотивацияси; - аҳолининг мамлакатда амалга оширилаётган ислоҳотларга муносабати; - ички минтақавий бозор; - аҳолининг озиқ-овқат маҳсулотлари билан таъминланганлиги; - минтақа ишлаб чиқарувчиларининг рақобатбардошлиги; - минтақанинг экологик ҳолати; - минтақа саноат ишлаб чиқаришининг таркиби ва бошқалар 1 . Минтақа хавфсизлигига таҳдидлар қуйидаги гуруҳларга ажратилади: - ижтимоий-сиёсий таҳдидлар; - тизимли бошқариш тавсифидаги таҳдидлар; - ташқи иқтисодий таҳдидлар.

Минтақавий ривожланишга таъсир кўрсатувчи таҳдид ижтимоий- иқтисодий ривожланиш бўйича мантақалар ўртасидаги табақаланишнинг кучайиши, айрим минтақа ривожланишидаги турғунлик ва танглик ҳолатининг юзага келиши ҳисобланади. Минтақа иқтисодий хавфсизлигини таъминлашнинг асосий йўналишлари қуйидагилардан иборат: - хавфсизлик ва ҳимоя объектлари; - хавф-хатар ва таҳдид субъектлари; - хавф-хатар ва таҳдидлар юзага келиши ҳамда тарқалиши хусусиятлари; - юзага келиш мумкин бўлган зарарлар; - хавфсизликни таъминловчи тизимларнинг мақсади, вазифалари ва амал қилиш механизмлари. Минтақа иқтисодиётининг рақобатбардошлигини баҳолашда эса қуйидаги кўрсаткичлар гуруҳидан фойдаланилади: 1) аҳоли турмуш даражаси; 2) меҳнатга лаёқатли аҳолининг иш билан бандлиги; 3) демографик ҳолат; 4) ишлаб чиқариш салоҳияти; 5) илмий-техникавий салоҳият; 6) бюджет-молия соҳаси; 7) инвестициявий муҳит; 8) экологик ҳолат; 9) ҳуқуқ тартибот. 3. Минтақа иқтисодий хавфсизлигини таъминлаш механизми Минтақавий иқтисодий хавфсизликни таъминлаш минтақавий сиёсатнинг муҳим йўналиши ҳисобланади. Бу борада кўзланган асосий мақсад мамлакат ва унинг минтақалари рақобатбардошлигини ошириш ҳисобланади. Ушбу мақсадга эришиш қуйидагиларга йўналтирилади: - мамлакат ва унинг минтақаларини халқаро бозорлар билан интеграциялашувини таъминлаш, мамлакат ишлаб чиқарувчи кучларини

минтақа ва ҳудудлар бўйича оқилона жойлаштириш, уларнинг ўзаро алоқадорлиги, ихтисослашуви ва кооперациялашувини таъминлаш орқали мамлакат ва минтақаларнинг ижтимоий-иқтисодий ривожланишини жадаллаштириш, барқарор ва мутаносиб иқтисодий ўсишгача эришиш; - минтақалар инфратузилмаларини ривожлантириш; - минтақаларда ишлаб чиқариш соҳаларининг рақобатбардошлигини ошириш; - минтақалар ривожланишидаги фарқларни қисқартириш. Минтақа иқтисодий хавфсизлигини таъминлаш дастурини ишлаб чиқиш жараёнда қуйидагилар амалга оширилади: 1. Миллий иқтисодиёт ва минтақавий иқтисодиёт доирасида асосий макроиқтисодий кўрсаткичлар таҳлил қилинади. 2. Ҳар бир минтақанинг мамлакат минтақалари ижтимоий-иқтисодий ривожланиши даражалари классификациясидаги ўрни аниқланади. 3. Минтақадаги ижтимоий-иқтисодий аҳвол таҳлил қилинади. 4. Минтақанинг асосий иқтисодий манфаатлари аниқланади. 5. Минтақа иқтисодий хавфсизлигига таҳдидлар классификацияси ишлаб чиқилади. 6. Минтақа иқтисодий хавфсизлигига реал ва потенциал таҳдидлар аниқланади. 7. Минтақа иқтисодий хавфсизлигини баҳолаш индикаторлари ва усуллари белгиланади. 8. Минтақаларда ҳаёт фаолияти соҳалари бўйича турғунлик ва танглик ҳолатлари баҳоланади. 9. Минтақа иқтисодий хавфсизлиги мақсадлари белгиланади. 10. Иқтисодий хавфсизликни таъминлашга қаратилган минтақавий сиёсатнинг устувор вазифалари ишлаб чиқилади. 11. Минтақани ижтимоий-иқтисодий ривожлантириш дастурлари ишлаб

чиқилади. 12. Минтақа иқтисодий хавфсизлигини таъминлаш чора-тадбирлари мажмуи ишлаб чиқилади ва белгиланади. 13. Иқтисодий хавфсизликни таъминлаш бўйича маҳаллий ҳокимият ва бошқарув органларининг вазифалари, ваколатлари белгиланади. 14. Минтақа иқтисодий хавфсизлиги ҳолатини мониторинг қилиб бориш билан боғлиқ чора-тадбирлар тизими ишлаб чиқилади. Минтақа иқтисодий хавфсизлигини таъминлаш ҳамда унинг рақобатбардошлигини ошириш учун минтақа (ҳудуд) мамлакатда локомотив ва таянч минтақаларни белгилаб олиш лозим бўлади. Локомотив минтақа деб қуйидаги талабларга жавоб берадиган минтақага айтилади: - минтақада юк ва йўловчи ташиш оқимлари барқарор ўсиши кузатилади; - минтақада мамлакат учун аҳамиятли бўлган нуфузли илғор илмий- таълим маркази фаолият юритади; - бутун мамлакат учун катта аҳамиятга эга бўлган стратегик ташаббус шаклланади; - юқори илмий-техникавий, интеллектуал кадрлар ва ижтимоий потенциалга эга бўлиш; - мамлакат иқтисодий ривожланишида салмоқли улушга эга, яъни ЯИМдаги улуши юқори бўлиши лозим; - минтақада давлат, фуқаролик жамияти институтлари ва бизнес вакиллари ўртасида стратегик ҳамкорликнинг мавжуд бўлиши; - 10-15 йиллик истиқболда ушбу минтақа қўшни минтақа ва ҳудудлар ривожланишига туртки бериш имконига эга бўлиши керак. 4. Ўзбекистонда минтақани ижтимоий-иқтисодий ривожлантириш дастурларини ишлаб чиқиш ва амалга ошириш механизмини такомиллаштириш

Ўзбекистон Республикаси минтақалари ижтимоий-иқтисодий даражалари ва иқтисодий-табиий салоҳиятидаги фарқлар уларни истиқболда ҳудудий ҳамда тармоқ хусусиятларини ҳисобга олган ҳолда ижтимоий- иқтисодий ривожлантириш дастурларини ишлаб чиқиш жараёнларини такомиллаштиришни тақозо этади. Минтақани иқтисодий ривожлантиришни барқарорлаштириш стратегиясини асослашнинг қуйидаги йўналишларини инобатга олиш мақсадга мувофиқдир: - минтақа ривожланишини бошқариш самарадорлигини ошириш мақсадида иқтисодий ва ижтимоий жараёнларни таҳлил қилиш; бу босқичда ҳудуднинг эришган иқтисодий ва ижтимоий ривожланиш даражаси таҳлил қилинади; - минтақани иқтисодий ва ижтимоий ривожлантириш стратегиясини асослаш; ривожланишни прогноз қилиш; стратегия асосланиб, ҳудуд ривожланишини тартибга солиш методлари танланади; - концепция ишлаб чиқиш ва ҳудуд ривожланишини давлат ва бозор механизмлари орқали тартиблаш методларини танлаш; - минтақанинг молиявий ресурслари ўсишини прогноз қилиш; бюджетнинг даромад қисмини кенгайтириш ва мустаҳкамлаш йўлларини излаш; бюджет даромад қисмини тўлдиришнинг янги манбаларини аниқлаш, турли мулкчилик шаклларига асосланган тадбиркорликдан, хорижий инвесторлар ва нобюджет жамғармаларидан қўшимча маблағларни жалб этиш. Минтақаларни ижтимоий-иқтисодий ривожлантириш дастурини тузишда маълум тамойилларга асосланиш керак бўлади. Бу тамойиллар минтақавий иқтисодиёт фани нуқтаи назаридан қуйидагилардан иборат бўлиши мумкин: - минтақани ижтимоий-иқтисодий ривожланишини давлат томонидан қўллаб-қувватлаш чора-тадбирларининг мақсадлилиги;

- минтақани ривожлантиришнинг устувор йўналишлари бўйича ресурсларни тўплаш ва йўналтириш; - белгиланган ҳаракатни назорат қилиш ва тартиблаш имкониятларининг очиқлиги; - минтақани ривожланишини қўллаб-қувватлашнинг индивидуаллиги; - қўллаб-қувватлаш механизмининг таъсирчанлиги; - республика ва маҳаллий ҳокимият органларининг ҳамкорлиги ҳамда улар фаолиятининг уйғунлиги. Минтақавий дастурларнинг ишлаб чиқилиши ва амалга оширилиши ҳудудий ривожланишни давлат томонидан тартибга солишнинг муҳим йўналиши ҳисобланади. Минтақавий дастурларни бажаришга тўсқинлик қилувчи ҳолатлар ва омилларни аниқлаш муҳим аҳамиятга эгадир. Минтақаларни ривожлантириш бўйича қабул қилинадиган дастурларнинг бажарилишига кўпинча қуйидаги омиллар тўсқинлик қилиши мумкин: - республика ва минтақавий мақсадли дастурларни танлашнинг синалган тизимларининг мавжуд эмаслиги, уларни амалга ошириш ва уларни бажариш кетма-кетлигининг етарли даражада асосланмаганлиги; - республика тармоқ дастурлари минтақавий жиҳатларининг етарли даражада ишланмаганлиги; - тармоқ дастурлари минтақавий жиҳатлари мониторингининг йўқлиги; - республика ва минтақавий дастурларни амалга ошириш механизмнинг мустаҳкам эмаслиги. Ушбулардан келиб чиқиб, минтақавий дастурларни ишлаб чиқишда қўйидаги вазифаларни бажаришга алоҳида эътибор қаратиш лозим бўлади; - минтақадаги ижтимоий-иқтисодий аҳволни умумий баҳолаш ва иқтисодий ривожланишнинг асосий тенденциялари, иқтисодий ўсиш муаммолари ва резервларини аниқлаш; - минтақанинг маҳаллий минерал хом ашё, ер-сув ва меҳнат

ресурсларидан фойдаланишнинг миқдор ва сифат даражаларини таҳлил қилиш; - минтақани ижтимоий-иқтисодий ривожлантириш стратегияси ва тактикасини ишлаб чиқиш, истиқболли тармоқлар ва минтақанинг ихтисослашиш соҳаси, иқтисодиётнинг базавий тармоқлари ривожланишининг устувор йўналишларини аниқлаш; - махаллий қишлоқ хўжалиги ва минерал хом ашёлардан самарали фойдаланишга асосланган, янги экспортга йўналтирилган ишлаб чиқаришларни шакллантиришнинг аниқ йўлларини белгилаш, жаҳон даражасидаги тайёр маҳсулотлар ишлаб чиқариш бўйича кам чиқиндили ва чиқиндисиз технологиялар билан жиҳозланган янги корхоналарни вужудга келтириш; - минтақада қулай, жозибадор инвестицион муҳитни яратиш, хорижий инвесторлар, маҳаллий корхоналар, тадбиркорлар, аҳоли маблағлари ва ресурсларини кенгроқ жалб этиш; - аҳолини ижтимоий ҳимоялаш ва меҳнат ресурсларининг оқилона бандлигини таъминлашнинг механизмини ишлаб чиқиш; - хўжалик субъектлари ўртасида рақобат шароити ва тўлақонли бозор инфратузилмасини вужудга келтириш; - минтақани озиқ-овқат маҳсулотлари ва бошқа оммавий истеъмол моллари билан ўзини-ўзи таъминлашини ошириш; қишлоқ аҳоли пунктларини ижтимоий-иқтисодий ривожлантиришни жадаллаштириш учун қулай шароитларни шакллантириш. Бунинг учун минтақага маҳаллий солиқлар бўйича имтиёзлар бериш мақсадга мувофиқдир. - кичик бизнес ва хусусий тадбиркорликнинг ривожланишини ҳар томонлама қўллаб-қувватлаш, рағбатлантириш орқали унинг ҳудуд ялпи ички маҳсулотидаги улушини ошириш; - минтақанинг ташқи иқтисодий фаолиятини кенгайтириш, экспорт ва

импорт таркибини оқилоналаштириш, ҳудудда фаолият юритаётган хорижий инвестицияли корхоналар фаолиятини янада яхшилаш ва янги қўшма корхоналарни ташкил этиш. 5. Ўзбекистонда минтақани ривожлантиришни давлат томонидан тартибга солишни такомиллаштириш Бозор иқтисодиётига ўтаётган мамлакатлар тажрибасига кўра минтақавий сиёсат тартибга солиш усуллари орқали мамлакат иқтисодиёти таркибий тузилишини ўзгартиришга таъсир этади. Ўзбекистонда минтақанинг ижтимоий-иқтисодий ривожланишини давлат томонидан тартибга солишдан кўзланган бош мақсад минтақаларни барқарор ривожлантиришни рағбатлантириш ва иқтисодий-ижтимоий ривожланиши даражаларида кескин фарқларнинг вужудга келишига йўл қўймаслик учун шароит яратишдан иборат. Мамлакат минтақаларини иқтисодий ва ижтимоий ривожланишини тартибга солиш мақсадини амалга оширишнинг асосий вазифалари қуйидагилардан иборат: - мамлакатнинг барча минтақаларини барқарор ривожлантириш, уларнинг иқтисодий ва ижтимоий ривожланиш даражаларини имкон даражада тенглаштириш; - минтақаларнинг табиий-иқтисодий салоҳиятидан самарали фойдаланиш; - ишлаб чиқарувчи кучларнинг жойлаштирилиши ва ривожланишидаги асоссиз вужудга келтирилган номутаносибликни бартараф этиш; - минтақаларнинг ихтисослашувини оқилоналаштириш ва туманлараро иқтисодий алоқаларни оптималлаштириш; - минтақаларнинг ҳудудлараро ва ташқи иқтисодий интеграциялашуви, айрим минтақаларнинг иқтисодий ва ижтимоий биқиқлигига барҳам бериш. Мустақиллик йилларида Ўзбекистон Республикасида минтақаларнинг иқтисодий ва ижтимоий ривожланишини давлат томонидан тартибга солиш қуйидаги йўналишларда амалга оширилди:

- минтақалар, туманлар гуруҳи ва туманларни комплекс ривожлантириш дастурларини ишлаб чиқиш; - минтақалар минерал хом ашё ресурсларини комплекс ўзлаштириш, ер-сув ресурсларидан самарали фойдаланиш, ташқи атроф муҳитни муҳофаза қилиш; - саноат ва унинг тармоқларини ривожлантиришнинг минтақавий ва республика дастурларини ишлаб чиқиш, фаолият юритаётган ишлаб чиқариш қувватларини профилини ўзгартириш, хорижий инвестицияли янги корхоналарни қуриш; - минтақалар қишлоқ хўжалигини уларнинг табиий-иқлим хусусиятларини ҳисобга олган ҳолда ихтисослаштириш, қишлоқ хўжалигида ислоҳотларни ривожлантириш ва янада чуқурлаштириш бўйича республика, минтақавий дастурларни ишлаб чиқиш ва амалга ошириш; - иш билан бандлик, ижтимоий инфратузилмани ривожлантириш, қишлоқ аҳолисини табиий газ ва ичимлик суви билан таъминлаш бўйича республика дастурларини амалга ошириш; - республика ва маҳаллий бошқарув тизимларини такомиллаштириш; - маҳаллий бюджетни мустаҳкамлаш, минтақаларга дотация ва субвенциялар ажратиш; - бошқаришнинг минтақавий-хўжалик тизимини оқилона ташкил этиш мақсадида мамлакатни маъмурий-ҳудудий бўлинишини такомиллаштириш. Давлат томонидан ҳудудларни ривожлантиришни тартибга солиш мақсадида қуйидаги дастурлар ишлаб чиқилиб, амалга оширилмоқда. 1. Саноатни ривожлантириш дастурлари. 2. Қишлоқ хўжалигини ривожлантиришни тартибга солиш. Бунда қуйидаги тартиблаш усулларидан фойдаланилмоқда: - минтақаларда маҳсулот ҳажмини, қишлоқ хўжалиги экин майдонлари ва минтақаларнинг ихтисослашувини тартибга солиш; - қишлоқда ижтимоий ва бозор инфратузилмасини вужудга келтириш; - қишлоқ хўжалиги ерларининг мелиоратив аҳволини яхшилаш;

- қишлоқ хўжалиги корхоналари моддий-техника базасини яхшилаш ва мустаҳкамлаш, ишлаб чиқаришга хизмат кўрсатиш бўйича корхоналар тармоғини яратиш; - табиатни муҳофаза қилувчи ва гидротехник қурилмаларни қуриш; - зарар кўриб ишловчи ва паст рентабелли қишлоқ хўжалиги корхоналарини молиявий қўллаб-қувватлаш. Қишлоқ хўжалигида иқтисодий ислоҳотларни чуқурлаштириш дастурига мувофиқ қишлоқда мулкдорлар синфини, фермер хўжаликларини шакллантириш жараёнлари давом эттирилди, тупроқ унумдорлигини ошириш, селекция ва уруғчиликни яхшилаш, қишлоқ хўжалиги ишлаб чиқариши ҳажмларини ўстириш чора-тадбирлари кўрилади. 3. Минтақалар экспорт салоҳиятидан самарали фойдаланиш ва қўшма корхоналарни ташкил этишни тартибга солиш. Эндиликда республика миқтақаларида, айниқса, кам ривожланган минтақаларда қўшма корхоналар ташкил этиш, хорижий инвестицияларни жалб этиш мақсадида мақсадли дастурлар тузиш ва уларни рағбатлантириш учун солиқ, бож, кредит имтиёзлари механизмини яратиш мақсадга мувофиқдир. 4. Транспорт-коммуникация тизимини ривожлантириш. Минтақаларда темир йўллар, автомобиль йўлларини қуриш ҳудудий сиёсатнинг муҳим қисми ҳисобланади. Бунинг оқибатида ҳудудларнинг вилоятлараро, туманлараро ва ташқи иқтисодий алоқалари кучаяди, тадбиркорлик, бизнес ривожланиши, хорижий инвестицияларни жалб этиш учун қулай муҳит яратилади. 5. Минтақаларнинг ижтимоий ривожланишини тартибга солиш.

Адабиётлар: 1. Мирзиёев Ш.М.Танқидий таҳлил, қатъий тартиб-интизом ва шахсий жавобгарлик -ҳар бир раҳбар фаолиятининг кундалик қоидаси бўлиши керак: Мамлакатимизни 2016 йилда ижтимоий-иқтисодий ривожлантириш якунлари ва 2017йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маъруза. -Т.:” Ўзбекистон”, 2017. 2. Мирзиёев Ш.М. Эркин ва фаровон, демократик Ўзбекистон давлатини мард ва олижаноб халқимиз билан бирга қурамиз: Ўзбекистон Республикаси Президенти лавозимига киришиш тантанали маросимига бағишланган Олий Мажлис палаталарининг қўшма мажлисидаги нутқи. // Халқ сўзи, 2016 йил 15 декабрь. 3. Ўзбекистон Республикаси Президенти Шавкат Мирзиёевнинг Олий Мажлисга мурожаатномаси// Халқ сўзи, 2017йил 23 декабрь 4. Абулкасимов Х.П. Давлатнинг иқтисодий хавфсизлиги. Ўқув қўлланма. - Т.: Akademiya, 2012. 5. Aбулқосимов Ҳ. П., Фармонов Қ. З., Содиқов А.Х. Божхона ва иқтисодий хавфсизлик.Т.:” Iqtisod - Moliya “, 2009. 6. Абулқосимов Ҳ. П., Расулов Т.С. Ўзбекистонда озиқ-овқат хавфсизлигини таъминлаш йўллари. Рисола. - Т., ” Fan va texnologia”, 2015. 7. Абулкасимов Х.П., Саидахмедова Н.И., Абулкасимов М.Х.Экономическая безопасность предпринимательской деятельности. Учебное пособие. -Т.: Ilmiy- TexnikaAxboroti-Press, 2016. - 168 с.

Похожие

Минтақа иқтисодий хавфсизлигини таъминлаш

Мамлакатнинг иқтисодий хавфсизлигини таъминлаш

Шахснинг иқтисодий хавфсизлигини таъминлаш муаммолари

Корхона (фирма) нинг иқтисодий хавфсизлигини таъминлаш

Туризм маршрутларида туристларнинг ҳаёти хавфсизлигини таъминлаш