Makroiqtisodiy barqarorlikni ta`minlashda biznesning o`rni - Экономика - Рефераты

Makroiqtisodiy barqarorlikni ta`minlashda biznesning o`rni

Загружено в:

20.09.2019

Скачано:

0

Размер:

54.5 KB

www.arxiv.uz Reja: 1. Makroiqtisodiy barqarorlik 2. Iqtisodiy barqarorlikda biznesning o`rni 3. Biznes mahalliy resurslarni chuqur qayta ishlash choralari

www.arxiv.uz Makroiqtisodiy barqarorlik Respublikada iqtisodiy va ijtimoiy sohalarda islohotlarni chuqurlashtirish, makroiqtisodiy barqarorlikni ta`minlash, iqtisodiyot hamda uning etakchi tarmoq va sektorlarida 2001 yili muntazam o`sish tendentsiyasi kuzatildi. YAlpi ichki mahsulot hajmi 1991 yil darajasiga nisbatan 103 foizni tashkil etdi va 4868,4 mlrd. so`mga etdi. YAlpi ichki mahsulotning o`sishi sanoat mahsuloti (108,1 foiz), qishloq xo`jalik ishlab chiqarish (104,5 foiz), qurilish ishlari (103,3 foiz), ichki savdo hajmining (109,5 foiz) va tashqi savdo hajmi (103,1 foiz) yanada ortishi hisobidan ta`minlandi. Respublika tashqi savdo balansi ijobiy shakllandi, eksport importdan 128 mln. AQSh dollariga ortdi. Respublikada o`tkazilgan moliyaviy va pul-kredit siyosati natijasida makroiqtisodiy barqarorlik ta`minlandi, iqtisodiyotning umuman davlat miqyosida, shuningdek, mintaqalar va tarmoqlar miqyosida moliyaviy mutanosibligi mustahkamlandi, xo`jalik ish yurituvchi sub`ektlarda to`lov intizomi sezilarli darajada mustahkamlandi. Investitsiya dasturi doirasida respublika iqtisodiyotda tarkibiy qayta tuzishlarni yanada chuqurlashtirish hamda investitsiyalarni, shu jumladan chet el investitsiyalarni keng ko`lamda jalb etish siyosati izchillik bilan amalga oshirildi. Masalan, mablag` bilan ta`minlanishning barcha manbalari asosiy kapitalga kiritilgan investitsiyalar hajmi (1194,2 mlrd. so`m) 2000 yilga nisbatan 3,7 foizga ortdi, bu esa, yalpi ichki mahsulotga nisbatan 24,5 foizni tashkil etdi. 2001 yilda kapital qo`yilmalarni mablag` bilan ta`minlashda ma`lum qismi chet el investitsiyalari va kreditlari hisobiga ortdi. Ularning ulushi 2000 yilga nisbatan 7,6 foizga ortdi va asosiy kapitalga kiritilgan jami investitsiyalarning 29,3 foizini tashkil etdi. Kapital qo`yilmalar tarkibida, shuningdek, korxonalarning o`z mablag`lari ulushi 1,1 foizga ortib, 27,5 foizni tashkil etdi. Jalb qilingan investitsiyalarning ancha qismi ishlab chiqarish ob`ektlarini qurish, kengaytirish, qayta qurish va qayta jihozlashga yo`naltirildi. Ularning hajmi 744,6 mlrd. so`mni yoki o`zlashtirilgan jami investitsiyalarning 62,4 foizini tashkil etdi.

www.arxiv.uz Masalan 2001 yilda energiya ishlab chiqarish quvvatlarini kengaytirish, neft- gaz majmui, ko`mir, metallurgiya, kimyo, paxtani qayta ishlash, engil sanoat, ipak, charm-poyabzal, mebel va iqtisodiyotning boshqa etakchi tarmoqlari korxonalarni modernizatsiyalash va texnik qayta jihozlash dasturlari izchil amalga oshirildi va texnik ishlab chiqarish hajmi 2884,5 mlrd so`mni tshkil qildi va 2000 yilga nisbatan foiz hisobida 108,1 tashkil etdi. Bunda temir yo`l va avtomobil transporti komunikatsiyalarining modernizatsiyasi va yangi qurilishlari faol olib borildi va kichik va o`rta biznes faol ishtirok etdi. Eksportga mo`ljallangan mahsulotlarni ishlab chiqarishni kengaytirish maqsadida o`tgan yili 200 dan ortiq qo`shma korxona, shu jumladan, respublikaning barcha mintaqalarida chet ellik sheriklar bilan qo`shma korxonalar tashkil etish dasturini amalga oshirish doirasida 90 ta qo`shma korxona barpo etildi. Chet el investitsiyasi kiritilgan korxonalar mahsulot va xizmat hajmi 2001 yilda 2000 yilga nisbatan foiz hisobida respublikada 158,2 ga oshgan bo`lsa, Andijon viloyatida 2,1 marta, Buxoro viloyatida 5,1 marta oshdi. Respublikada chet el investitsiyalari kiritilgan 2001 yilning 1 yanvar holatiga 33001 ta korxona ro`yxatga olindi. Ko`plab qo`shma korxonalar AQSh, Buyuk Britaniya, Germaniya, Koreya, Х itoy, Turkiya, Rossiya, Ukraina va boshqa mamlakatlar investorlari ishtirokida barpo etildi. Respublikaga kiritilgan chet el investitsiyalarini 23,4 % Qashqadaryo viloyatida va 30,3% Toshkent shahrida o`zlashtirildi. O`zlashtirilgan chet el investitsiya va kreditlar hajmi 349,7 mlrd so`mni tashkil etdi. Kichik va o`rta biznesning qonunchilik, me`yoriy-huquqiy negizini mustahkamlash, «bir yo`la» kichik va o`rta biznes sub`ektlar ro`yxatga olingan kichik, o`rta korxona, mikrofirmalar soni 201,9 mingtaga etdi va xo`jalik yurituvchi sub`ektlar sonidan 90,5 foizni tashkil etdi. Makroiqtisodiyotning kichik sektorining mahsulot ishlab chiqarishi, ishlar bajarilishi va xizmat ko`rsatishi 2001 yilda yuqori sur`atlar bilan o`sdi. Kichik va o`rta tadbirkorlikning xo`jalik yurituvchi sub`ektlari(dexqon xo`jaliklarisiz)

www.arxiv.uz tomonidan yalpi ichki mahsulotning 24,4 foizi ishlab chiqarildi. Kichik va o`rta biznes, xususiy tadbirkorlikni jadallashtirilgan rejalanishning davlat dasturini amalda bajarish natijasida mazkur sektorning yalpi ichki mahsulotdagi ulushi 2000 yilga nisbatan 2,8 foizga ortdi. Aholini ish bilan taminlashda kichik va o`rta biznes muhim omil bo`lmoqda. 2001 yilda iqtisodiyotning bu sektorida 4842,5 ming kishi band bo`lgan yoki iqtisodiyotda barcha band bo`lgan aholining 53 foizini tashkil etdi. Iqtisodiyotning barcha tarmoqlarida mulkni davlat tasarrufidan chiqarish va xususiylashtirish bo`yicha chora-tadbirlar izchil o`tkazildi. O`tgan yilda respublikamizda jami 1449 ta korxonalar xususiylashtirilib, ular negizida 775 ta xususiy korxona, 240 ta ochiq turdagi hissadorlik jamiyatlari va 674 ta turli tashkiliy-huquqiy shakldagi nodavlat korxonalari tuzildi. Х ususiylashtirish natijasida davlat byudjetiga tushgan pul mablag`lari hajmi 23,2 mlrd. so`mni tashkil etdi. Makroiqtisodiyotda tarkibiy o`zgarishlar natijasida 2002 yil 1 yanvar holatiga nodavlat sektorda mamlakat barcha korxona va tashkilotlarning 87,1 foizi faoliyat ko`rsatdi. O`tgan yilda nodavlat sektorida yalpi ichki mahsulot hajmining 74,1 foizi, sanoat mahsulotlarining 70,8 foizi ishlab chiqarildi, qishloq xo`jalik mahsulotining 99 foizi etishtirildi, qurilish ishlarining 83,9 foizi bajarildi. Chakana tovar aylanmasining 97,1 foizi, aholiga pullik xizmat ko`rsatishning 59,4 foizi nodavlat sektorda shakllandi. Jami iqtisodiyot sohasida band bo`lganlarning 76 foizi nodavlat sektoriga to`g`ri keldi va makroiqtisodiy barqarorlikka erishildi. Iqtisodiy barqarorlikda biznesning o`rni Makroiqtisodiy xususiy sektori mustahkamlandi, (qishloq xo`jalik, savdo, xizmat ko`rsatish sohasi) ishlab chiqarilgan mahsulot bajarilgan ishlar, ko`rsatilgan xizmatlarning ancha qismi uning ulushiga to` g` ri keladi. 2002 yilda 62,5 ming korxona (dehqon va fermer xo`jaliklarisiz) o`z faoliyatini xususiy mulkchilik doirasida amalga oshirdi. Хususiy korxonalarning yarmidan ko`pi xizmat

www.arxiv.uz ko`rsatish sohasida, har oltinchisi sanoatda faoliyat ko`rsatmoqda. Oqibatda 2001 yilda 2000 yilga nisbatan 8,1 foizga ko`p), 1329,1 mlrd. so`mlik iste`mol mollari(10,9 foizga ko`p) ishlab chiqarildi. Kichik va o`rta biznes, xususiy sektorda yangi turdagi ishlab chiqarish va tarmoqlar jadal sur`atlar bilan rivojlandi. 2001 yilda respublika sanoat korxonalari tomonidan 467 turdagi yangi mahsulot ishlab chiqarish o`zlashtirildi. Respublikamizda iqtisodiyotni erkinlashtirish va chuqurlashtirish davrida mahalliy mineral va xomashyo resurslarini chuqur qayta ishlashga asoslangan holda yangi mahsulotlar ishlab chiqarish keng o`zlashtirilmoqda. 2001 yilda mamlakatimizda etishtirilgan paxta tolasini qayta ishlovchi, eng zamonaviy uskuna va texnologiyalar bilan jihozlangan «Kabul-Farg`ona», «Chinoz to`qimachi» kabi yangi qo`shma korxonalar ishga tushirildi. Bu o`rinda shuni qayd etish lozimki, agar 1991 yili respublikamizda paxta tolasini qayta ishlash 12 foizni tashkil etgan bo`lsa, endilikda bu raqam 24 foizga etdi. Paxta tolasi va ipak xomashyolaridan mukammal texnologiya asosida tayyorlangan kalavali ip, paxta va shoyi gazlamalarini eksport qilish hajmlari ancha oshdi. Tabiiyki, xorijiy investitsiyalarni jalb etmay turib, ishlab chiqarishga kiritilgan kapital mablag`lar hajmini oshirmay turib, bunday o`zgarishlarga erishib bo`lmaydi. Jumladan, 2001 yili ana shu sarmoyalar ulushi 62 foizdan ziyod darajani tashkil etdi. Joriy 2002 yilda esa respublika iqtisodiyotini investitsiyalash hajmi yalpi ichki mahsulotga nisbatan 24,5 foizni tashkil etdi. Kapital mablag`lar tarkibida xorijiy investitsiyalar hissasi ko`payib, u jami investitsiyalarning 30 foiziga yoki 1mlrd AQSh dollariga to`g`ri kelishi kutilmoqda. B iznes mahalliy resurslarni chuqur qayta ishlash choralari O`tgan 2001 yilning muhim xususiyati-bu mahalliy resurslarni qayta ishlash asosida kichik va o`rta tadbirkorlikning sur`atlari yanada tezlashgani bilan bog`liqdir. Kichik va o`rta biznesning, fermer xo`jaliklarning qonunchilik hamda

www.arxiv.uz huquqiy-me`yoriy asoslari ancha mustahkamlandi va takomillashdi. Kichik va o`rta biznes sub`ektlarini ro`yxatga olishning soddalashtirilgan tartiblari joriy etildi. Mahalliy mineral va xomashyo resurslarini chuqur ishlash yo`lida imtiyozli va mikrokreditlar berish hamda boshlang`ich kapitalni shakllantirish uchun mablag` ajratish yo`li bilan respublikada kichik va o`rta biznes sub`ektlarini moliyaviy qo`llab-quvvatlash miqyoslari kengaytirildi. Masalan, 2001yilda kichik va o`rta biznes sub`ektlariga berilgan kreditlar hajmi 2001 yilning o`zida 2,4 martadan oshdi. Bularning 70 foizga yaqini o`rta va uzoq muddatli kreditlardir. Tadbirkor va fermyerlarga berilgan mikrokreditlar hajmi esa 27mlrd. so`mdan ziyod bo`ldi. Kichik va o`rta biznes vakillarining moddiy-xomashyo resurslaridan foydalanish imkoniyatlari kengaytirildi, ular tomonidan ishlab chiqarilgan mahsulotlarni tovar xomashyo birjalarida sotish hajmi oshib bormoqda Natijada kichik va o`rta biznesning yalpi ichki mahsulotdagi hissasi oshdi, u hozirgi 2002 yilning boshida 24,5 foizni tashkil etmoqda. Shuni alohida ta`kidlash kerakki, butun mamlakat iqtisodiyotida band bo`lgan aholining 53 foizidan ko`prog`i kichik va o`rta tadbirkorlik sohasida mehnat qilmoqda. Shuning uchun ham qishloq xo`jaligida isloxotlarni amalga oshirish shirkatlarga aylantirilgan 18 ming,55,1 ming fermer xo`jaliklari va ularga biriktirilgan 1054,7 mig gektar er, ya`ni bir xo`jalikka o`rta hisobdan 19 gektar er to`g`ri keladigan yerlarni suіorishga yaroqli suvdan tejab-tergab, samarali foydalanishga, sug`orish va irrigatsiyaning zamonaviy tizimlarini joriy qilishga, suvdan foydalanish intizomini kuchaytirishga erishayotganlarni rag`batlantirishga qaratilgan va ilmiy-tadbirkorlikni hayotga tadbiq qilish muhim ahamiyatga egadir. Respublika Prezidenti I.Karimov «har tomchi suv oltinga teng bo`lib turgan bir paytda ko`plab viloyatlarda suvdan foydalanish koeffitsienti tushib ketgan. Jumladan Buxoro Navoiy, Surxondaryo, Namangan kabi bir qator viloyatlarda sodir bo`layotgan bunday salbiy holatlarning sabablarini chuqur sinchiklab

www.arxiv.uz o`rganish va tegishli choralar ko`rish lozim 1 » dedilar. Alohida e`tiborni talab qiladigan yana masala viloyatlar, Toshkent shahrida va boshqa aholi punktlarida ichimlik suvini tejash masalasidir. YAqin yillar ichidayoq bu masala eng keskin muammolardan biriga aylanishi, ichimlik suvi esa eng noyob va qimmatbaho tabiiy resurs bo`lib qolishi mumkin. Hozirning o`zidayoq butun-butun mintaqalarda, xususan Qoraqalpog`iston Respublikasi, Хorazm, Buxoro viloyatlarida, Qashqadaryo, Navoiy viloyatlarining ayrim tumanlarida suv ta`minoti bilan bog`liq muammolarga duch kelinmoqda. Bu masala o`rganilganda aholi tomonidan suv sarflanishining amaldagi miqdori belgilangan me`yorlardan 2-3 barobar ortiq ekani ayon bo`ldi. Masalan, Toshkent shahrida korxonalarda, avtomobil yuvish shaxobchalarida ichimlik suvidan texnik maqsadlarda foydalanish kabi odatlarga hanuzgacha chek qo`yilgani yo`q. Bundan tashqari respublikaning ayrim shaharlari va tuman markazlarida sug`orish shaxobchalari yo`qligi, mavjud ariqlarning esa ko`mib tashlangani tufayli yoz mavsumida aholi vodoprovod suvidan sug`orish maqsadlari uchun foydalanilmoqda. Ichimlik suvi sarflanishini hisobga oluvchi o`lchagichlarni o`rnatish ishlari qoniqarsiz ahvolda. Toshkent shahrining o`zida ahvol yomon «Toshviloyatsuvoqava» trestiga qarashli iste`molchilarning atigi 3 foizidagina ana shunday o`lchagichlar mavjud. Energetika resurslaridan, birinchi galda tabiiy gazdan foydalanish ahvoli yaxshi emas. Masalan, respublika bo`yicha o`tkazilgan tekshirishlar natijasida jami 12 mingdan ortiq issiqxonalar qonunga xilof ravishda gazdan foydalanayotgani aniqlandi. Bunday issiqxonalarning soni Samarqand viloyatida 4250 ta, Toshkentda 1500 ta, Andijon viloyatida esa 1450 ta ekanligi ma`lum bo`ldi. Tahlillar shundan dalolat beradiki, ayrim aholi qatlamlarining tabiiy gazdan foydalanish darajasi me`yoridagiga nisbatan 1,5-2 barobar ortiq. Moddiy resurslardan xo`jasizlarcha, mas`uliyatsizlik bilan foydalanish mahsulotni ishlab chiqarishga ketadigan material va energiya sarfining oshishiga, 1 Iqtisodni erkinlashtirish, resurslardan tejamkorlik bilan foydalanish bosh yo’limiz Х alq so’zi 13 fevral, 2002 yil.

www.arxiv.uz bu esa, o`z navbatida ana shu mahsulot tannarhining qimmatlashuviga olib keladi. Tovarning narxi oshib ketadi va oqibatda u raqobatga bardosh bera olmaydi. Shu tariqa, mahsulotlarimizni jahon bozoriga olib chiqish yo`lidagi say`i-harakatlar yo`qqa chiqadi. Shuning uchun bunday holatlarning oldini olish, bu borada tartib o`rnatish va mahalliy resurslardan oqilona foydalanish O`zbekistonning jahon bozoriga tezroq integratsiya qilishga imkon beradi, bu imkoniyat tabiiy gazlardan oqilona foydalanishdir. Haqiqatan respublikamizda tabiiy gaz zahiralari keng tarqalgan. Shular ichida Sho`rtan gaz konlari xazinasini oqini oqqa, ko`kini ko`kka ajratib olsak, tamomila boshqacha ko`rinishdagi manzara paydo bo`lar ekan. Mutaxassislarning aytishlaricha, mana shu gaz tarkibidan 148 turdan ziyod polietilin ishlab chiqarish imkoniyati bor. Bu imkoniyat Sho`rtan gaz kimyo majmuasida ro`yobga chiqarilmoqda. Cho`l bag`rida bunyod etilgan ushbu maskanni 450 gektarga yaqin yashil o`rmon qurshab turibdi. Bu erda qariyb 1 million tup ko`chat o`tkazildi. Ko`rib turibmizki, istiqlol tufayli O`zbekiston mahalliy mineral va xomashyo resurslarini chuqur qayta ishlash orqali yangi marralarni zabt etmoqda, mamlakatlaru qit`alar bilan mustahkam aloqa o`rnatmoqda.

www.arxiv.uz Foydalanilgan adabiyotlar: 1. Bozor iqtisodiyoti va biznes asoslari: O`quv qo`llanma A.E.Ishmuxamedov va boshq.-T.: TDIU, 2006. 2. Zаynutdinоv SH.N., Kаdirхоdjаеvа N.R. Bоzоr nаzаriyasi. Dаrslik – T.: TDIU, 2007y. 329 bеt 3. Iqtisodni erkinlashtirish, resurslardan tejamkorlik bilan foydalanish bosh yo`limiz. Х alq so`zi 13 fevral, 2002 yil. 4. Шевелева С.А. Основы экономики и бизнеса: Учебное пособие /С.А.Шевелева, В.Е.Стогов.- 2-е изд., перераб. и доп.- М.: ЮНИТИ, 2005.- 515 с. 1 экз. . 5. Хodiev B.Yu., Samatov G`.A.., Yusupov M.S., Eshov M.P. «Kichik tadbirkorlik faoliyati asoslari» o`quv-amaliy qo`llanma. – Toshkent: EH TEMPUS dasturi «Matador-2000» loyihasi 2004.-144 bet. 6. Maxmudov E.Х. Korxona iqtisodiyoti: O`quv qo`llanma. - T.: TDIU, 2004.-208 c. 1 ekz. 7. Bozor iqtisodiyoti va biznes asoslari: O`quv qo`llanma /A.E.Ishmuxamedov va boshk.-T.: TDIU, 2004.-160 c. 1 ekz. 8. Круглова Н.Ю. Основы бизнеса. учебник для вузов Издательство: РДЛ, 2005. 9. Кузнецов А. Основы рыночной экономики. Терминологический словарь. Издательство: Владос, 2004. 10. Куторжевский Г.А. Экономика. Основы теории. Учебное пособие, Издательство: Экономика, 2004.. 11. www.ziyonet.uz

Похожие

Xalqaro mehnat taqsimotida O`zbekistonning o`rni

Iqtisodiyotning amal qilishida pulning tutgan o`rni

Ochiq iqtisodiyotda makroiqtisodiy siyosat

Makroiqtisodiy nisbatlar va muvozanatlik

Moliyaviy barqarorlik tahlili