Korxonada moliyaviy natijalar va rentabillik tahlili - Экономика - Рефераты

Korxonada moliyaviy natijalar va rentabillik tahlili

Загружено в:

26.08.2023

Скачано:

0

Размер:

77.5 KB

Korxonada moliyaviy natijalar va rentabillik tahlili Reja: Kirish 1. Xo’jalik subyektlarida moliyaviy natijalar va rentabilligi tahlilining ma’lumot manbalari 2. Korxona faoliyatidan olingan moliyaviy natijalar tahlili usullari 3. Rentabillik ko’rsatkichlari va ularga ta’sir etuvchi omillar tahlili Xulosa Foydalanilgan adabiyotlar ro’yxati

Kirish O’zbekiston Respublikasida jamiyat taraqqiyotining barcha jabha- larida, eng avvalo iqtisodiy sohada islohotlarni yanada chuqurlashtirish va erkinlashtirish borasida aniq dastur ishlab chiqilgan. Bu dasturni joriy etishdan ko’zlangan asosiy maqsad – O’zbekistonning demokratik va bozor islohotlarini amalga oshirish, jahon hamjamiyatiga keng integratsiyalashuvi va barqaror olg’a borishi uchun mustahkam zamin yaratishdir. Birinchi Prezidentimiz I. Karimov: «Oldimizda turgan birinchi va asosiy va- zifa – bu izchil iqtisodiy o’sish, chuqur tarkibiy o’zgarishlarni amalga oshirish, ishlab chiqarishni mukammallashtirish va ilg’or texnologiyalar bilan qayta qurollantirishning bosh sharti bo’lgan makroiqtisodiy va moliyaviy barqarorlikka erishish muammosidir» deb ta’kidlagan. Bu, Respublika iqtisodiyotida faoliyat yuritayotgan barcha soha korxo- nalarining foyda ko’rish maqsadida, bozor iqtisodiyoti talablaridan kelib chiqqan holda ishlab chiqarishi yoki xizmat ko’rsatishini talab etadi. Bu, o’z navbatida, xo’jalik yurituvchi subyektlar faoliyatini, unda sodir bo’ladigan iqtisodiy-ijtimoiy jarayonlarni va munosabatlarni muntazam ravishda tahlil qilib borishni taqozo etadi. Bozor munosabatlari shakllanishi, rivojlanishi, bozor iqtisodiyotini barpo etish, har xil shakldagi biznesni va ishbilarmonlikni rivojlantirish korxonalar faoliyatining moliyaviy natijalari, foyda va rentabellik, korxonalar faoliyatining asosiy ko’rsatkichlariga aylanishiga olib keladi. Respublikada amalga oshirilayotgan iqtisodiy islohotlarning eng asosiy yo’nalishlaridan biri — boshqaruv tizimini takomillashtirish hisoblanadi. Bu masalani ijobiy hal etishda korxonalarning xo’jalik faoliyati va moliyaviy holatini tahlil qilish katta ro’l o’ynaydi. Chunki korxonalar faoliyatini tahlil qilish boshqaruv tizimi samaradorligini oshirishning muhim sharti xisoblanadi. Korporativ boshqaruvni tubdan o’zgartirish lozim. Bozor munosabatlari davrida bu shartning asosiy qismi, korxonalar moliyaviy holatining tahlili hisoblanadi. Respublikada yangi moliyaviy xisobot shakllari qabul qilindi, ularni o’rganish va ulardan keng foydalanish uslublarini barpo etish katta ahamiyatga ega. Bozor munosabatlari davrida respublikada bu masalani

yechish maqsadida moliyaviy tahlil uslubiyatini takomillashtirish uchun bir kator tadbirlar amalga oshirilmoqda. Lekin bu borada hali yechilmagan muammolar xam kam emas. Moliyaviy tahlilni o’tkazishdan manfaatdor tashkilotlar , organlar, mutaxassislar. Korxonalar moliyaviy holati tahlili tushunchasi va asosiy talablari. Korxonalar moliyaviy holatini baholash korxonaning mol yetkazib beruvchilar, xaridorlar va banklar bilan o’zaro munosabatlarni o’rnatishlari uchun juda katta ahamiyatga ega. Zero, ijobiy moliyaviy holat ko’rsatkichlariga ega bo’lgan korxonalar hech qanday to’siqlarsiz kredit olishlari va uning hisobidan tovar- moddiy boyliklarni sotib olishi, salmoqli mablag’larni ishlab chiqarishni rivojlantirishga, asbob-uskunalarni yangilashga yo’naltirishlari mumkin. Salbiy moliyaviy holat ko’rsatkichlariga ega bo’lgan korxonalar bankdan kredit olmasada, o’z moliyaviy ahvolini yaxshilash, ishlab chiqarish, sotuv hajmini, o’z mablag’lari miqdorini, rentabellik ko’rsatkichlarini oshirish bo’yicha choralar ishlab chiqish lozimligi to’g’risida axborotga ega bo’ladilar. Korxonalarning moliyaviy holati bu: - kompleks ravishdagi tushuncha bo’lib, u o’z ichiga keng ko’rsatkichlar tizimini oladi, ular korxonalarning moliyaviy resurslari borligini, holatini, joylashganligini va ulardan foydalanish darajasini ifodalaydi; - korxonalar faoliyatidagi butun ishlab chiqarish va xo’jalik omillarining xarakati, ularning o’zaro aloqadorligi natijasidir; - korxonalarning mo’tadil ishlab chiqarish, tadbirkorlik va boshqa faoliyati uchun zarur bo’lgan moliyaviy resurslar bilan ta’minlanganligi va ulardan samarali foydalanish ifodasidir; - korxonalarning boshqa xo’jalik sub’ektlari, organlari va tashkilotlari bilan o’zaro aloqalarni xaqiqiy aks ettirishidir. Korxonalarning ichki va tashki omillar ta’siri ostida shakllangan moliyaviy holati, ularning istiqbolini aniqlash bilan birga, bu korxona bilan aloqada bo’lgan boshqa tashkilotlar va korxonalarning moliyaviy holatiga ta’sir ko’rsatadi. Umuman korxonalarning ishlab chiqarish, xo’jalik faoliyatini, jumladan ularning moliyaviy holati tahlili asosini bir butun kompleks iqtisodiy fanlar: iqtisodiy nazariya, makro va mikro iqtisodiyot, menejment va marketing, statistika, buxgalteriya hisobi, audit, moliya, kredit, pul muomalasi va boshqalar tashkil etadi. Demak, tahlilchi mutaxassis-auditorlar keng iqtisodiy ilmga ega bo’lishlari lozim. Iqtisodiy

adabiyotda, ma’lumki, “Moliyaviy tahlil” atamasidan foydalaniladi. “Moliyaviy tahlil” iqtisodiy tahlilning bir shakli xisoblanadi, ikkinchi shakli - bu “boshqaruv tahlili”. Demak, mazmunan “Moliyaviy tahlil” va “Korxonalarning moliyaviy holati tahlili” - bu xar xil mazmunga ega bo’lgan iboralar. Korxonalarning moliyaviy holatini tahlil qilish, ya’ni moliyaviy tahlil — keng ko’rsatkichlar yordamida, kompleks usullaridan foydalanib korxonalarning moliyaviy resurslari borligini, holatini, joylashganligi va ulardan foydalanish darajasini ifodalashdir. Bozor munosabatlariga o’tish bilan moliyaviy va boshqaruvlik tahlilidan keng foydalanilmoqda va bu tahlil shakllari katta ahamiyat kasb etayapti. 1. Xo’jalik subyektlarida moliyaviy natijalar va rentabilligi tahlilining ma’lumot manbalari. Korxonani to’liq hajmda xomashyo va assortimentdagi boshqa ma- teriallar bilan ta’minlanishi va ulardan samarali foydalanish tufayli mah- sulot hajmi, foyda va rentabelligi ortadi, mahsulot tannarxi pasayadi. Buning aksi bo’lgan hollarda esa ishlab chiqarish izdan chiqadi, maromdan chetlashiladi, ayrim hollarda ishlab chiqarish to’xtab qoladi. Xomashyo, yoqilg’i, energiya va boshqa mehnat predmetlariga bo’lgan talab mustaqil ravishda korxona tomonidan rejalashtiriladi. O’zbekiston Respublikasining «Korxonalar to’g’risida»gi Qonunining 22-moddasi 1- bandida bu xususda shunday deyiladi: «Korxona bozor talablarini, eh- timol tutilgan sheriklarning imkoniyatlarini o’rganish, narx-navo- ning o’zgarishi to’g’risidagi axborot asosida o’z ishlab chiqarishi- ning ta’minotini, bozorlarda (tovarlar, xizmatlar, moliya bozorla- rida) monopoliyaga qarshi qonunlarning talablarini nazarda tutgan holda bevosita yoki vositachi orqali oldi-sotdini, mahsulot sotishni va o’z ishlab chiqarishining ta’minotini mustaqil amalga oshiradi». Texnika taraqqiyoti (mashina va mexanizmlar konstruksiyasini ta- komillashtirish, ularning parametrlarini yaxshilagan holda massasini ka- maytirish, elektronikaning so’nggi yutuqlari asosida buyumlarni mini- aturalashtirish va

mikrominiaturalashtirish, progressiv materiallarni, kamchiqitli va chiqitsiz texnalogiyani qo’llash), tejamkorlik rejimiga rioya qilish har bir ishlovchida omilkorlik, jamoaviy mehnat natijalariga ongli munosabatda bo’lish tuyg’usini singdirish material sig’imini kamaytirishning asosiy omillaridir. Mamlakatimiz iqtisodiyotida ro’y berayotgan jiddiy tarkibiy o’zgarishlar tashqi iqtisodiy ko’rsatkichlarda o’zining aniq ifodasini topmoq da. 2011-yilda tovarlar va xizmatlar eksporti hajmi 15,4 foizga ortdi. Eksport tarkibida tayyor mahsulot hajmi keyingi yillarda yuqori sur’atlar bilan o’sib bormoqda. Bular qatoriga, avvalambor, mashina va asbob- uskunalar, neft- kimyo mahsulotlari, mineral o’g’itlar, paxta tolasidan tayyorlangan ip – kalava va gazlama, trikotaj va oziq-ovqat tovarlari, kabel - o’tkazgich mahsulotlari, qurilish materiallari kiradi. Eksport korxona faoliyatining eng muhim yo’nalishiga, butun iqtisodiyotimizning rivojlanish natijalarini baholash mezoniga aylandi. Eksport, mahsulot sifati, materiallardan foydalanishda iqtisodga erishish, yangi texnikani ishlab chiqarishga jalb etishga bog’liq. Respublikada ishlab chiqarishni texnik jihatdan muntazam modernizatsiya qilib borish uchun samarali rag’batlantirish tizimi yaratilgan. Unga muvofiq keltirilgan yangi texnikadan undiriladigan mulk solig’i bekor qilindi. Ko’p yillik kuzatishlar shuni ko’rsatadiki xususiy sektorda texnikadan unumli foydalanish evaziga moddiy resurslardan iqtisodiy samaraga erishilmoqda, chunki, ularda mulkka egalik qilish hissi yuqoridir. Moddiy resurslar bilan korxonani ta’minlanishi, zaxira holati, ulardan samarali foydalanish, ichki imkoniyatlarini aniqlashda iqtisodiy tahlilning roli kattadir. Iqtisodiyotni modernizatsiya qilish sharoitida har qanday korxona asosiy maqsadiga erishish uchun ishlab chiqarish xarajatlarini, jumladan, mehnat predmetlaridan tejab-tergab foydalanishga alohida e’tibor beradi. Shuning natijasida ular o’z foydalarini ko’paytirishga, oqibat natijada foydalilik darajasini oshirishga erishadilar. Mahsulot ishlab chiqarishda mehnat predmetlarining ahamiyati katta. Ularsiz ayrim hollarda mahsulot ishlab chiqarish imkoniyati cheklanadi ayrim hollarda esa umuman mumkin emas.

Masalan, mehnat predmeti hisoblangan metallar elektr quvvati va boshqalar mavjud bo’lmasa mahsulot ishlab chiqarish ham cheklanadi. Shunday ekan mehnat predmetlariga sanoat ishlab chiqarishida nimalar kirishliligini aniqlab olish lozim. Adabiyotlarda, korxona hujjatlarida ko’rsatilishicha mehnat predmetlariga quyidagilar kiritilgan: - xomashyo va materiallar; -elektro- energiya; - yoqilg’i; - yog’lovchi materiallar; - kam baholi va tez to ’ zuvchi buyumlar va boshqalar . Mehnat predmetlaridan samarali foydalanish natijasida ishlab chiqarilayotgan mahsulotlarning o’rtacha xarajatlari yoki tannarxlari pasayadi. Buning natijasida korxonalarning sof foydalari ortadi. Shuning bilan birgalikda mehnat predmetlaridan o’rindoshlik bilan foydalanish oqibatida ishlab chiqarilayotgan mahsulotlarning sifatlari yaxshilanadi, xizmat qilish muddatlari esa ko’payadi. Mahsulot ishlab chiqarish rejasining bajarilishi, tannarxning pasayishi, foyda va rentabelligining oshishi, korxonani moddiy resurslar bilan belgilangan assortimenti va sifati bo’yicha ta’minlanishiga bog’liq. Shuning uchun sanoat korxonalari o’z ishlab chiqarishini bir meyorda samarali rivojlanishini ta’minlash maqsadida uzoq muddatga mo’ljal- langan biznes-rejalariga asoslangan holda mehnat predmetlari bilan ta’minlashga alohida e’tibor beradilar, chunki hozirgi paytda mehnat predmetlarini yo’qligi yoki o’z vaqtida olib kelinmaganligi sababli sanoat korxonalarining ishlab chiqarish faoliyati turib qolmoqda. Korxonalarning moddiy resurslar bilan o’z vaqtida zaruriy miqdorlarda, belgilangan sifatda hamda bir maromda ta’minlanishi shu bilan birgalikda ulardan ratsional foydalanish pirovardida uning iqtisodiy rivojlanishi va taraqqiy etishi uchun har tomonlama ta’sir etadi. Korxonalarning rivojlanishi, taraqqiy etishi hamda iqtisodiy jihatdan baquvvat

bo’lishi oqibat natijada mustaqil respublikamizning iqtisodiyotini barqarorlashishiga zamin yaratadi. Xalqimiz turmush darajasining yanada yuksalishiga har tomonlama o’z ta’sirini ko’rsatadi. Sanoat korxonalarida mahsulot ishlab chiqarish hajmining oshishi, o’z navbatida, moddiy resurslardan foydalanish ko’lamining ham kengayishiga olib keladi. Shuning uchun moddiy resurslardan tejab- tergab foydalanish muhim masalalardan biri hisoblanadi. Mehnat predmetlaridan to’liq va samarali foydalanishni ta’minlash uchun hozirgi davrda zamonaviy yangi texnikalardan to’g’ri foydalanish, shuningdek, samarali texnologiyalarni ishlab chiqarishga tezkorlik bilan tatbiq etishni taqozo etadi, chunki ular yordamida mehnat predmetlari ishlab chiqarishga sarf qilinishi, tejalishi ta’minlanadi. Ishlab chiqarish turli mulk shakllarini, xususan, asosiy e’tiborni nodavlat mulkchiligiga asoslangan korxonalarni barpo etish va rivojlantirishga qaratish maqsadga muvofiqdir, sababi ularda mulkka egalik qilish hissiyoti doimo yuqori darajada bo’ladi. Darhaqiqat, nodavlat mulkchiligiga asoslangan korxonalarda mehnat predmetlari ularning mulki hisoblanadi. Undan imkoniyat doirasida samarali foydalanishga katta e’tibor beriladi. Moddiy resurslardan samarali foydalanishni yo’lga qo’yishda iqtisodiy tahlilning ahamiyati katta. Korxonada moddiy resurslardan qay darajada foydalanilayotganligini tahlil etish natijasida ishlab chiqarilayotgan mahsulotlarga sarflanayotgan xarajatlarni tejash maqsadida foydalanilmay qolgan ichki imkoniyatlarni topish mumkin. Erkin iqtisodiy munosabatlar sharoitida korxonalarning moddiy resurslar bilan ta’minlanganligini va ulardan samarali foydalanishni tahlil etishda boshqaruv tahlilining eng asosiy vazifalari quyidagilar hisoblanadi:  korxona, birlashmalarning zarur bo’lgan moddiy resurslar bilan ta’minlanganlik darajasini aniqlash;  moddiy resurslarni korxonaga yetkazib berish hajmini, kompleksliligini, sifatliligini, navini hamda maromiylik darajasini belgilash;

 moddiy resurslarni yetkazib berish borasida korxonalararo tuziladigan shartnomalarning o’z vaqtida tuzilganligini aniqlash;  moddiy texnika ta’minoti belgilangan rejasining haqiqatga yaqinligini tekshirish; transport-tayyorlov xarajatlarini hisoblash;  materiallardan samarali foydalanish ko’rsatkichlarini aniqlash va ularni mahsulot hajmiga hamda uning tannarxiga ta’sirini miqdor jihatdan hisoblash;  xomashyo , yoqilg ’ i va materiallarga baho berishda foydalanilmay qolgan ichki imkoniyatlarini aniqlash , tahlil etish va boshqalar . Tahlil uchun zarur ma’lumotlar, moddiy texnika ta’minoti rejasi, xomashyo va materiallar bo’yicha tuzilgan shartnoma hamda moddiy resurslar mavjudligi va ulardan foydalanishning statistik hisobotidan olinadi. Korxonalarda mehnat predmetlaridan foydalanishni tahlil etishda ularni sarflanishi bo’yicha o’rnatilgan me’yoriy ma’lumotlardan ham foydalanish maqsadga muvofiqdir. Mehnat predmetlaridan samarali foydalanishga Respublikamiz hukumati tomonidan ham doimo alohida e’tibor qaratilmoqda. Ular qabul qilingan normativ hujjatlarda o’z aksini topgan. Masalan, «O’zbekiston Respublikasida korxonalar to’g’risida»gi, «Tadbirkorlik to’g’risida»gi, «Mulkni davlat tasarrufidan chiqarish va xususiylashtirish to’g’risida»gi va boshqa qonunlarda, farmonlarda, qarorlarda o’z aksini topgan. Xo’jalik yurituvchi subyektlar faoliyat uzluksizligi, rivoji va taraqqiyotini ta’minlab beruvchi asosiy manba bu foyda hisoblanadi. Foyda nafaqat biznesni harakatga keltiruvchi kuch‚ balki uni istiqbolda raqobatdoshligini ta’minlashning, moliyaviy barqarorligini o’stirishning ham zaruriy sharti hisoblanadi. Foydaga ishlash korxonaning yashovchanligini oshirishning, risklarga bardoshliligini ta’minlashning muhim vositasidir. Moliyaviy natijalar tahlilida daromad va xarajatlarning, foyda va zararlarning shakllanish qatorlari bo’yicha o’zgarishlari baholanadi, natijaviy ko’rsatkichlarning

omilli tahlili o’tkaziladi, imkoniyatlari o’rganiladi, natijaviylikni yaxshilashning chora-tadbirlari belgilanadi. Shuningdek, korxonaning foydalilik darajasini xarakterlovchi rentabellik ko’rsatkichi va uning omilli tahlili amalga oshiriladi. 2. Rentabillik ko’rsatkichlari va ularga ta’sir etuvchi omillar tahlili Mahsulot sotishdan ko’rilgan yalpi foyda quyidagi operatsiya va hodisalar natijasida hosil bo’ladigan daromadni hisobga olishda qo’llanilishi kerak: (a) tovarlarni sotish; (b) xizmatlarni ko’rsatish; (v) boshqa tomonlar xo’jalik yurituvchi subyektning foizlar, royalti va dividendlar ko’rinishidagi daromadlarni keltiradigan aktivlardan foydalanishi. Tovarlarga xo’jalik yurituvchi subyekti tomonidan sotish maqsadida ishlab chiqarilgan tovarlar hamda qayta sotish uchun xarid qilingan tovarlar, masalan chakana savdo bilan shug’ullanadigan sotuvchi tomonidan xarid qilingan tovarlar yoki qayta sotish maqsadida saqlanayotgan yer va boshqa mulklar kiradi. Xizmat ko’rsatish odatda xo’jalik yurituvchi subyektni shartnomada belgilab qo’yilgan topshiriqni kelishilgan davr davomida bajarishini o’z ichiga oladi. Xizmatlar bir yoki bir necha davrlar davomida ko’rsatilgan hollarda ular tegishli davrlar bo’yicha hisobga olinadi. Xo’jalik yurituvchi subyektning aktivlaridan boshqa tomonlar foydalanishi natijasida quyidagi ko’rinishdagi daromadlar yuzaga keladi: (a) foizlar – xo’jalik yurituvchi subyektiga tegishli bo’lgan pul mablag’lari yoki ularning ekvivalentlaridan yoki xo’jalik yurituvchi subyektiga to’lanishi kerak bo’lgan summalardan foydalanilgani uchun olinadigan haq; (b) royalti – xo’jalik yurituvchi subyektiga tegishli bo’lgan uzoq muddatli aktivlar, masalan patentlar, savdo belgilari, avtorlik huquqlari va dasturiy ta’minotlardan foydalanilgani uchun olinadigan haq; (v) dividendlar – ulushli investitsiyalarning egalariga ularning ayrim turdagi kapitaldagi ulushiga mutanosib ravishda foydaning taqsimlanishi.

Daromadlar xo’jalik yurituvchi subyektining faqat o’zi uchun olingan yoki olinadigan iqtisodiy nafning yalpi tushumini qamrab oladi. Uchinchi tomon nomidan undirib olingan summalar, masalan sotishga soliqlar, tovarlar va xizmatlardan olinadigan soliqlar, qo’shilgan qiymat solig’i, xo’jalik yurituvchi subyektga kelib tushadigan iqtisodiy naf bo’lib xizmat qilmaydi va kapitalning ko’payishiga olib kelmaydi. Shu bois, ular daromaddan chiqarib tashlanadi. Shunga o’xshash, vositachilik munosabatlarida, iqtisodiy nafning yalpi tushumi buyurtmachi nomidan undiriladigan summalarni qamrab oladi, lekin xo’jalik yurituvchi subyektining kapitali oshishiga olib kelmaydi. Buyurtmachi nomidan undirilgan summalar daromad bo’lib hisoblanmaydi. Aksincha, daromad bo’lib vositachilik haqi hisoblanadi. Milliy hisobchilikda asosiy faoliyatdan olingan daromadlarning muhim qatori sifatida sotishdan sof tushum tarkiblanadi. Sotishdan sof tushum jami tushumdan sotishga soliqlar (egri soliqlarni) chegirish asosida topiladi. Sotishdan yalpi foyda sotishdan sof tushumdan sotilgan mahsulot (ish va xizmat) larning tannarxini chegirish orqali topiladi. Operatsiya natijasida hosil bo’ladigan daromad summasi odatda xo’jalik yurituvchi subyekt bilan xaridor yoki aktivdan foydalanuvchilar o’rtasidagi kelishuvlar asosida aniqlanadi. U olingan yoki olinadigan tovonning haqqoniy qiymati bo’yicha baholanadi, bunda xo’jalik yurituvchi subyekt tomonidan ruxsat etilgan har qanday savdo chegirmalari yoki ulgurji savdo chegirmalari hisobga olinadi. Tovarlarni (mahsulotlarni) sotilgan qatorga kiritish va tushumlarni daromad sifatida tan olishni moliyaviy hisobotning xalqaro standartlarida quyidagi normalari belgilanadi: (a) tovarlarga egalik qilish bilan bog’liq bo’lgan ahamiyatli risklar va mukofotlar xaridorga o’tkazilganda; (b) xo’jalik yurituvchi subyekt sotilgan tovarlarni endilikda egalik huquqiga xos bo’lgan darajada boshqara olmaganida va ularni samarali darajada nazorat qila olmaganida;

(v) daromadning summasini ishonchli darajada baholash mumkin bo’lganda; (g) operatsiyalar bilan bog’liq bo’lgan iqtisodiy nafning olinishi ehtimoli mavjud bo’lganida;

Foydalanilgan adabiyotlar ro’yxati 1. Raximov M.Y., Kalandarova N.N. Moliyaviy tahlil. Darslik. – T.: Iqtisod- Moliya, 2019. - 736 b. 2. Xasanov B.A., Raximov M.Y., Muqumov Z.A. va boshqalar. Moliyaviy tahlil. Darslik. – T.: IQTISODIYOT, 2020. - 736 b. 3. Сагдиллаева З.А., Юлдашева У.А., Алимов Б.Б. Финансовый анализ. / Учебник –Т.: Iqtisod-Moliya, 2019. – 444 с. 4. Пардаев М.К. Иқтисодий таҳлил назарияси. Дарслик.– Т.: “ Инновацион ривожланиш нашриёт -матбаа уй и ” ДУК , 20 20 . – 588 б. 5. Raximov M.Y., Mavlonov N.N., Kalandarova N.N. Iqtisodiy tahlil. O’quv qo’llanma . – T.: Iqtisod-Moliya, 2020. – 517 b. Internet saytlar: 6. www.gov.uz – O’zbekiston Respublikasi hukumat portali . 7. www.lex.uz – O’zbekiston Respublikasi Qonun hujjatlari ma’lumotlari milliy bazasi. 8. www.mf.uz – O’zbekiston Respublikasi Moliya vazirligi rasmiy sayti. 9. www.soliq.uz – O’zbekiston Respublikasi Davlat Soliq qo’mitasi rasmiy sayti . 10. www.stat.uz – O’zbekiston Respublikasi Davlat Statistika qo’mitasining rasmiy sayti.

Похожие

Moliyaviy natijalar va rentabellik tahlili

Moliyaviy natijalar auditi

Moliyaviy natijalar taxlili

Moliyaviy natijalar auditi uslubiyotining muammolari

Budjet tashkilotlarida moliyaviy natijalar hisobi