Корхона фаолиятида бизнес-режалаштириш ва прогнозлаш - Экономика - Рефераты

Корхона фаолиятида бизнес-режалаштириш ва прогнозлаш

Загружено в:

20.09.2019

Скачано:

0

Размер:

172.5 KB

Корхона фаолиятида бизнес- режалаштириш ва прогнозлаш Режа: 1. Бозор иктисоди шароитида режалаштиришнинг методологик асослари. 2. Режалаштириш принциплари, методлари ва кўрсаткичлари. 3. Корхонада режалаштириш тизими ва режанинг турлари. 4. Корхона фаолиятига таъсир килувчи омиллар. Корхона режасининг бўлимлари ва кўрсаткичлари. 6. Бизнес-режа тушунчаси, турлари ва таркиби.

Бозор иктисоди шароитида режалаштиришнинг методологик асослари Бозор иктисоди шаклланиши шароитида иктисодий фанларнинг вазифаларидан бири режалаштириш муносабатларини тугри ва илмий асослашдан иборатдир. Иктисодиёт фанининг асосчиларидан бири кадимги грек файласуфи Аристотельнинг айтишича, хар кандай неъмат яратиш хар жойда, хар томонлама икки хил шартга боглик, яъни, биринчиси, хар кандай фаолиятни келажак максадини тугри аниклаб олиш, иккинчидан, максадга эришишга муносиб воситаларини топишдан иборатдир. Ушбу иборалардан келиб чикадики, тарихан инсоният уз фаолиятини амалга оширишда абстракт фикрлаш асосида уни доимо прогноз килган ва режалаштирган. Режалаштириш атамаси хаётга кейинчалик айникса социалистик тизим даврида тадбик килинган. Носоциалистик тизимдаги давлатларда кўпрок прогноз, программа, стратегия, концепция каби атамалар ишлатилади. Буларнинг хаммаси бир хил вазифани, яъни келажакда содир бўладиган ёки содир бўлиши мумкин бўлган ходиса ва жараёнларни келиб чикиши, амалга ошириш тартиби, йўлларини ва кетма-кетлигини кўрсатади. Суз атамада эмас. Суз унинг асл мазмунида. Хар кандай хужалик юритишнинг самараси иктисодиёт конунларининг талабларини чукур урганиш асосида режалаштириш назариясини ишлаб чикилишига ва унинг методологиясини яратишга боглик.

Тарихан иктисодиёт билан боглик фанлар уз назариясини такомиллаштириш асосида режалаштириш назариясини яратган. Режалаштириш назарияси жамиятнинг тараккиёт конуниятларини билиш, жараёнлар ва ходисалар ўртасидаги богликликни объектив сабаб ва окибатларини ўрганиш, уларни диалектик ва логик усуллар билан асослаш негизида режалаштиришнинг методологиясини яратган. Режалаштириш методологияси режалаштириш жараёнининг ички логикасини ёритиб беради. Режалаштириш методологияси режалаштириш жараёнини ташкил килиш, уни ишлаб чикиш ва жорий килиш принципларини, методларини, таркибини, тартибини, этапларини ва курсаткичлари системасини асослаб беради . Режасиз хар кандай гоя, максад, сафсатага айланиб колади. Хар кандай ижтимоий тизимда уз фаолиятини юргизишда инсоният учта бир-бири билан тигиз боглик булган фундаментал муаммолар билан тукнашади. Бозор иктисоди шаротида шаклланган иктисодий назария у муаммоларни куйидагича таърифлайди. Биринчидан, нима ишлаб чикариш ва канча микдорда? Иккинчидан, кандай ишлаб чикариш ва канча харажатлар зарур булади? Учинчидан, ким учун ишлаб чикарилади ва улар кандай таксимланади? Жамият ва унинг субъектлари олдидаги бундай муаммолар, албатта, уз-узидан хал булмайди. Бунинг учун халк хужалигини ташкил килиш, бошкариш, тармоклараро ва хужалик субъектлари уртасидаги иктисодий алокаларни боглаш, сотувчи билан истеъмолчилар орасидаги

муносабатларни, товар билан бахо микдорини мослаштириш ва хоказолар каби иктисодий жараёнлар, ходисаларни уйгунлаштириш каби масалаларни хал килиш зарурияти тугилади. Бу ходисалар ва жараёнларни тартибга солиш хамда улар уртасидаги богликликни таъминлаш, аввалам бор иктисодий конунлар таъсири остида ва албатта давлатни аралашиши натижасида юз беради. Бундай умумиктисодий конунлардан бири жамиятни режали-мутаносиб (пропорционал) ривожланишидир. Социалистик иктисодиёт назарияси куп йиллар давомида пропорционал режали-мутаносиб ривожланиш конунининг харакатини ўзигача булган формацияларда ижтимоий ишлаб чикаришга таъсирини инкор килиб, унинг харакат килиш заруриятини факатгина ишлаб чикариш воситаларига ижтимоий мулк тугдиради деб тасдиклаб келди. Лекин, бозор иктисодиётини шаклланиши ва ривожланиш тарихига назар солинса, режалаштириш бошкаришнинг асосий коидаси (принципи), асосий омили сифатида хаётда тарихан ишлатилиб келинган. Фредрих Уинслоу Тейлор (1886-1915 й.) хозирги замон менежментини асосчиси деб хисобланган, ишлаб чикаришни ташкиллаштириш назариясини яратган. Унинг “Менежментни илмий принциплари” номли асарида мехнатни ташкил килиш конуниятлари тугрисидаги билимларни катъий илмий тизими, мехнатни ташкил килишни, вактни урганиш усуллари (хронометраж), таннархни хисоблашни математик усуллари, иш хакини дифференциация килиш, мехнат жараёнини тахлил килиш ва унинг асосида режалаштириш, ташкил килиш масалалари асосланган. Ф.Тейлор нафакат юкоридаги

коидаларни назарий асослаган, уларни ишлаб чикариш жараёнига тадбик килган. Генри Лодренс Гамнт (1861-1919й.) корхона фаолиятини тезкор режалаштириш ва бошкаришга асос солган. Унинг “Графиги Гамнта” номи билан машхур булган графикларни режалаштириш тизими ишлаб чикариш корхоналарида кенг фойдаланилган. Горрингтон Эмирсон (1853-1931й.) мехнат унумдорлигини оширишни 12 та коидасини ишлаб чиккан. Уларга бошкаришни бошлангич нуктаси сифатида максадни аниклаш; камчиликлар ва нуксонларни тан олиш ва сабабини ахтариш; ходимлар фаолиятини регламентация ва назорат килиш, хамда моддий рагбатлантириш; ишлаб чикариш жараёни элементларини нормалаштириш, доимий, тула, реал ва тезкор хисоб-китоб килиш, режалаштириш каби масалаларни киритган. Германия Федератив Республикаси Канцлери Людвиг Эрхард (1950-1960й) иктисодий реформалар утказган ва реформанинг асосий йуналишларидан бири сифатида индикатив режалаштиришни жорий килиш булиб хисобланган. Индикатив режалаштириш индикатив курсаткичларни тасдиклашдан иборат булиб, уларни бажарилишини таъминлаш учун кудратли иктисодий, хукукий, маъмурий дастаклар (инструментларни) ишлатишни кузда тутган. Жахон иктисодиёт назарияси ютуклари ва тажрибасини ишлатиш асосида индикатив режалар чукур илмий асосда ишлаб чикилиб, уни тайёрлашга юкори касбий малакага эга булган иктисодчилар, олимлар жалб килинган. Ривожланган давлатлар иктисодиётидаги етук ютукларга эришиш, кризисларни бартараф килиш, стратегик,

жорий ва тезкор режалаштириш усулларини, коидаларини ишлатиш асосида эришган десак муболага булмайди. Уларда режалаштириш масалалари билан шугулланадиган зарурий кафолатларга эга булган вазирликлар, идоралар, муассасалар ташкил килинган. Барча фирмалар, компаниялар, корпорациялар, корхоналар прогнозлаш ва режалаштириш билан шугулланадиган функционал бошкарув органларига эга. Корхоналар, фирмалар фаолиятини режалаштириш илмий асосланган холда ташкил килинади. Чет эл адабиётларида режалаштиришни ташкил килишни асосан икки хил усули келтирилади. Биринчиси, “ break - down ” - юкоридан пастга усули, иккинчиси, “ buifd - up ” - пастдан юкорига усули. Биринчи усулни мазмуни корхона рахбарияти унинг максад ва вазифаларининг асосий йўналишларини белгилайди, куйи бўлимларда улар деталлаштирилиб, силжиш жараёнида умумий режага киритилади. Иккинчи усул бўйича кўрсаткичларни микдори режалаштирган даврга куйи бўлимларда ишлаб чикилади ва рахбарият уларни умумлаштириб корхонани умумий режаси аникланади. Амалиётда кўпчилик холларда иккала усул биргаликда ишлатилади. Юкоридагилардан келиб чикиб режалаштиришни тарихий, иктисодий категория деб хисоблаш мумкин. Режалаштириш борасида жахонда 100 энг йирик деб тан олинган транснационал компаниялардан бири, Америка Кушма Штатларидаги “Ам-электрик” фермасининг тажрибаси назарий ва амалий жихатдан эътиборга сазовор. Бу фирма энергетик жихозлар ишлаб чикариш, уларни таъмирлаш ва ишлатиш буйича хизматлар курсатиш билан шугулланади.

Ушбу фирмада режалаштириш хар икки йилга (хар бир стратегик хужалик маркази (СХМ) буйича) стратегик режа ишлаб чикишдан бошланади. Бу ишга 4 ой мухлат берилади. Стратегик йуналиш уч йилга мулжалланиб, 5 йилга экстрополяция килинади. Бу цикл йиллик режаларни асослашни хам уз ичига олади. Йиллик (жорий) режалаштиришни хужалик фаолиятини, бозор конъюктурасини чукур тахлил килиш асосида маркетинг булими бажаради. Режани бажарилишини ишлаб чикариш бош бошкарма бошлиги хар ойда утказадиган мажлисларда заводлар бошликлари оркали амалга оширади. Хар кандай режадан четлашиш маркетинг ва молия булимлари билан танкидий тахлил килинади, режага зарурий корректировкалар киритилади. Рахбариятнинг доимий назоратида турадиган курсаткичларга - буюртмалар сони, ишлаб чикариш вакти, мехнат унумдорлиги, ишлаб чикариш захиралари микдори, харажатлар, фойда кабилар киради. Режалаштиришни бозор муносабатларига мос келмаслиги калбаки асосланиб келинганлги бизларга хозирги кунда аъён булиб турибди. Бундай назариянинг асосида “марказлашган-буйрукбозлик” концепцияси ётган булиб, халк хужалигини ягона режа асосида бошкариш, унинг барча сохаларини факатгина марказдан туриб режалаштириш гояси ётган эди. Мутаносиб ривожланишни тугридан-тугри марказдан режалаштириш деб тушунилди. Хозирги кунда, шу сабабли иктисодий адабиётларда, тадбиркорлар, хужалик рахбарлари ва оддий одамлар онгида бозор иктисодиётида режали мутаносиб ривожланиш конуни харакат килмайди деган таасурот йуколмаган. Бу конун бизларда таракатилаётган янги

адабиётларда бозор иктисоди конунлари каторида эслатилмайди хам. Шуни таъкидлаш керакки, хозирги кунда бизда чикарилаётган бизнес-режа тугрисидаги адабиётларда тадбиркорлар, янги ташкил килинаётган кичик ва урта корхоналарда тузиладиган режалар, бир неча жадваллар ва хисоб-китоблар тугрисидагина фикр изхор килиниб, режалаштиришнинг жиддий масалалари четда колиб кетаяпти. Асосан янги тузилаётган корхоналар учун зарур булган хисоб- китоблар, инвестиция олиш учун мулжалланганлиги бизнес- режалар тугрисида купрок фикр юритилади. Барча ривожланган давлатларда бозор муносабатлари иктисодий конунлар ва режа тизимининг барча турларини ишлатиш асосида тартибга солиниб турилади. Тартибга солиш режасиз амалга ошмайди ва у хам давлат микёсида режалаштиришнинг кенг ишлатилишини такозо килади. Умуман олиб караганда инсоният жамиятининг ривожланиши, жахон тажрибаси, келажак тугрисидаги гоялар, этнографик, архиологик маълумотлар, режалаштириш ва истикболни белгилаш назарияси ва тажрибаси шуни курсатадики, табиатда хам, инсоният жамиятида хам бизнинг онгимиздан катъий назар мувозанат, мутаносиблик таъминланиб келган. Шундай килиб, режали мутаносиб ривожланиш конуни инсоният жамиятини ривожланишининг барча погоналарида (формацияларида) мулк шаклидан, бошкариш тизими шаклидан катъий назар харакатда булиб келган ва у инсоният жамиятига тааллукли умумиктисодий конун булиб хисобланади. Бозор иктисодиётига хужалик фаолиятини режалаштириш эмас, марказлашган-буйрукбозлик коидасига асосланган, давлат томонидан директив равишда жамиятнинг барча сохаларини ягона халк хужалиги режаси асосида тартибга солиш мос

келмайди. Бозор иктисодиёти режалаштириш назарияси ва амалиётини инкор килмайди. Бозор иктисодиётига “режа-хукм” эмас, “режа-прогноз” мос келади. Лекин бу деганимиз бозор иктисодиётида умуман “режа-хукм” ишлатилмайди деган маънони тушунтирмайди, айрим сохаларда давлат томонидан катъий режалар ишлатилади. Масалан: мудофаа сохасида, айрим давлат ахамиятига эга булган стратегик тармокларда, давлатлараро муносабатларда ва хоказоларда. Асосий масала режаларнинг мазмуни, шакли ва уларни ишлаб чикиш, харакатга келтириш усулларидадир. Хулоса килиб айтганда, бозор иктисодиёти муносабатларини социалистик тузумдан фарк килиш томонларидан бири режалаштиришни йукка чикариш эмас, унинг мазмунини, шаклларини, усулларини бозор иктисодиёти коидаларига мослаштириб ишлатишдир. Режалаштириш бошкаришнинг иктисодий усулларидан бири булиб, у хужалик юритишда иктисодий конунлар талабини ишлатишни асосий воситаси сифатида намоён булади. Режалаштириш максадни танлаш, асослаш, чегараланган ресурслардан окилона фойдаланиш, максадга етиш йулларини, чора-тадбирларини белгилаш, иктисодий асослаш ва уларнинг бажарилишини назоратга олиш жараёнидан иборатдир. Режалаштириш гояни, максадни амалга ошириш усулидир. Максадга йуналтирилган, кутилаётган шароитга мулжалланган режа фаолиятни самарали юритишни таъминлайди. Режалаштириш - максадни белгилаш, унга етиш воситаларини аниклаш ва харакат йуллари тугрисида мунтазам равишда дастур ишлаб чикиш жараёнидир.

Режалаштириш куп киррали, мураккаб жараёндир. Тузилган режа ёки корхона программаси нима килиш, ким бажаради, качон ва кандай бажаради деган саволларга очик, тула ва асосланган жавоб бериши шартдир. Саноат корхоналари фаолиятининг самарадорлиги талаб ва таклифни хисобга олган холда нима, кимга ва кандай махсулот ишлаб чикариш, ресурслар билан таъминланиш, ишлаб чикаришнинг оптимал технологиясини танлаш, махсулотни сотиш шакли ва усуллари ва бошка кўпгина холатларга богликдир. Хар бир корхона бу омилларни узвий боглашга харакат килади. Бу эса корхонанинг ишлаб чикариш ва хўжалик фаолиятини режалаштириш оркали амалга оширилади. Режалаштириш - хўжалик юритишда объектив иктисодий конуниятлардан онгли равишда фойдаланишдир. Режалаштириш - бу корхонани ташкил этиш, унинг фаолиятини ва тараккиётини белгилайдиган режани ишлаб чикиш хамда уни амалга ошириш устидан назорат килиш жараёнларидир. Режалаштириш ёрдамида корхоналар мехнат, моддий ва молиявий ресурслардан окилона ва самарали фойдланиш имкониятига эга бўлишади. Ўзбекистон Республикасининг “Ўзбекистон Республикасидаги корхоналар тўгрисида”ги Конуннинг 20- моддасида кайд этилганидек “Корхона ўз фаолиятини мустакил режалаштиради ва хом ашё ресурслари ва материалларнинг мавжудлигини хамда ишлаб чикарилаётган махсулотга, бажарилаётган ишга, кўрсатилаётган хизматга бўлган талабларни хисобга олиб, тараккиёт истикболларини белгилайди”.

Бозордаги бешафкат ракобатга бардош беришда ва корхонанинг иктисодий ўсишини таъминлашида режалаштириш мухим шартлардан бири хисобланади. Режалаштириш корхоналарда пировард махсулот тайёрлаш ва уни сотиш билан боглик ишлаб чикариш омилларини яратиш учун ўта зарур. Махсулот ишлаб чикаришда фойдаланиладиган омиллар жуда хам кўп: ер, мехнат ресурси, капитал, тадбиркорлик фаолияти ва хоказолар киради. Режа гояларни ва максадларни асослашда, корхонани бошкаришда ва унинг истикболини белгилашда мухим кўлланма хисобланади. Режалаштириш ракобатда максимум уйгунликка эришишда, бўлиши мумкин хатоларнинг олдини олишга, рўй бераётган ўзгаришларни илгашга ва улардан фойдаланишга, корхонанинг заиф томонларининг таъсир кучини пасайтиришга ва ўз вактида чоралар кўришга, турли хил хавф-хатарларнинг олдини олишга имконият яратади. Режалаштиришнинг асосий вазифаси максадни тугри белгилаш, унга эришиш параметрларини (индикаторларини, курсаткичларини) ва йулларини аниклаб беришдан иборат. Режага максадга эришиш параметрларини ўзида ифодалаган программа шаклидаги расмий хужжат сифатида караш мумкин. Режалаштириш бир неча боскичдан иборат булади. Уларни умумлаштириб уч боскичга булиш мумкин. Бошлангич боскичда гояни шакллантириш, максадни аниклаш, маълумотларни тахлил килиш, умумлаштириш, режалаштирилаётган курсаткичларни йуналишларини аниклаш, истикболни белгилашдан иборат булиши керак. Ўртанчи боскичи куп вариантли режани тузиш, хужалик субъекти рахбарияти томонидан куриб чикиш, унинг оптимал вариантини

маъкуллаш. Охирги боскичи кабул килинган режани бажарувчиларга етказиш, бажарилишини таъминлашни чора- тадбирларини куриш ва назорат килишдан иборат булиши керак деб хисоблаймиз. Ушбу боскичларни стандарт сифатида кабул килмаслик керак. Режалаштиришнинг турлари ва курсаткичлари, режалаштирилаётган фаолиятга караб боскичларни кенгайтириш, бошка кетма-кетлик шаклларини ишлатиш мумкин. Жахон амалиётида режалаштиришнинг алохида боскичлари, яъни режалаштириш жараёнининг кетма-кетлиги ишлаб чикилган ва унга риоя килишлик бу жараён боскичларини логик богликлигини таъминлайди. Стратегик режанинг этаплари 1.1-чизмада берилган. 1.1-чизма. Стратегик режалаштириш боскичлари Гояни шакллантириш Глобал максадни аниклаш Локал максадларни аниклаш Муаммони тахлили Объектга таъсир килувчи омилларни тахлили Альтернатив вариантларни излаш Истикболни белгилаш Оптимал вариантларни бахолаш

Режани оптимал вариантини танлаш ва карор кабул килиш Режани бажарувчиларга етказиш Режани ишлаб чикиш жараёни хам унинг турларига караб алохида боскичлардан иборат булади. Масалан: узок муддатли режалаштириш куйидаги боскичларни уз ичига олиши мумкин (1.2-чизма). 1.2-чизма. Ўзок муддатли режалаштиришнинг боскичлари: Маркетинг тадкикотлари асосида корхонанинг ривожланиш истикболини аниклаш ва уни ракобатга бардош беришлигини бахолаш Бозор вазиятига боглик муаммоларни аниклаш, уларни хал килиш вариантларини асослаш ва танлаган вариантнинг окибатини бахолаш Ўзок муддатли режани тузиш Хужалик фаолиятининг стратегик сохалари буйича максадли дастурлар ишлаб чикиш

Ўзок муддатли режалар куйидаги тартибда тузилиши хам корхоналар тажрибасида ишлатилиб келинмокда: - корхонанинг максади, инвестиция ва ишлаб чикаришни такомиллаштириш, ресурсларнинг ишлатилиш самараси, бошкаришни такомиллаштириш, ракобат вазиятларининг тахлили, корхона таркибларининг ресурслари, уларнинг самарадорлиги кабилар. Чет эл корхоналарининг тажрибаси шуни курсатадики, режаларнинг бажарилиши катъий характерга эга. Режаларда асосий масалалар уз ифодасини топади. Масалан: ишлаб чикаришнинг ассортименти, фойда (ёки даромад) даражаси, харажатлар микдори, капитал маблагларнинг самараси кабилар. Бундай булимларнинг хар бири буйича аник чора- тадбирлар, конкрет жавобгарлар аникланилади. Алохида булимлар буйича (календар) таквим режалар тузилиб, ким нима килади, кандай бажаради каби саволларга жавоблар белгилаб куйилади. Режалаштириш жараёнига куйиладиган талабларни куйидагича ифодалаш мумкин: - корхоналарнинг ривожланиш гоясини, максадини аниклаш; - асосий максадга эришишни таъминлайдиган тижорат гояларини намоён килиш; - режалаштириш-узлуксиз жараён булиб, барча жамоанинг ижодий ёндашишини, рагбатлантиришни такозо килади (жамоа аъзолари режалаштириш жараёнида фаол катнашиши, пировард натижаларда уларнинг иш хаки ундан богликлигидадир); - режа барча функционал булимларни, мутахассисларни, бошлик билан унинг карамогидаги хизматчиларни узаро

таъсири ва тигиз богланишда, биргаликда оптимал аниклашга эришиш асосида тузилиши керак; - бозор коньюктураси узгариш эхтимолларига мулжалланган альтернатив вариантлар мавжуд булиши шарт; - бозор иктисоди шароитида барча ресурслардан (улар чегараланган) окилона, рационал фойдаланиш, харажатларнинг тежамлилигини, натижаларнинг оптималлигини таъминлаш; - корхонанинг фаолиятини чукур, хар томонлама бахолаш максадида унинг самарадорлиги меъзонини, курсаткичларини аниклаш; - корхона фаолиятига таъсир килувчи омилларни аниклаш, уларнинг таъсир килиш даражаларини чукур тахлил килиш, асослаш, имкониятларни, янги резервларини аниклаш; - ва нихоят ишлаб чикарилган хамда кабул килинган дастурнинг бажарилишини таъминлаш ва назорат килиш кабилардир. 5.2. Режалаштириш принциплари, методлари ва кўрсаткичлари Жамиятнинг сиёсий усткурмаси, ижтимоий-иктисодий шарт-шароитидан катъий назар режалаштиришни умумий коидалари (принциплари) мавжуд. Улар инсоният тараккиётининг барча фармацияларида у ёки бу даражада, айрим холларда режалаштириш тўгрисида илмий асосланган фикр юритишдан четда бўлган холда ишлатилган. Бизларга маълум, МХД-ларида таркатилаётган иктисодиётга оид чет эл адабиётларида режалаштириш назарияси, унинг методологиясига оид масалаларга, шу

жумладан режалаштириш принциплари тўгрисида назарий фикрлар келтирилмайди. Режалаштиришнинг узига хос принциплари, усуллари ва услублари, умуман айтганда, бозор иктисоди шароитида режалаштиришнинг узига хос методологияси мавжуд. Лекин бу гап собик социалистик тузумда ишлатилган режалаштириш методологиясини бутунлай инкор килиш деган фикр эмас. Унинг салбий томонларини (эркинликнинг чегараланганлиги, режалаштиришнинг директивлиги, партиявийлиги ва хоказолар) олиб ташланиб, ижобий жихатларни, яъни методологиясидан, усулларидан кенг фойдаланиш максадга мувофикдир. Режалаштириш жараёнида илмийлик, реаллик, оптималлик, комплекслик, узлуксизлик, узгарувчанлик (корректировка килиниши, эластиклик) назорат каби принциплари ишлатилади. Жахон тажрибасида режалаштиришнинг узига хос коидалари (принциплари) мавжуд булиб уларга куйидагиларни киритиш мумкин: - режалаштиришнинг илмий асосланганлигини, яъни режалаштириш иктисодий конунлар талабларини, бозор иктисоди коидаларини хисобга олиш, фан ва техника ютукларига асосланиши, режалаштиришда кенг маънода илмий-текшириш муассасаларини, олимларни жалб килиниши оркали таъминланади; - режалаштиришни хар хил муддатларга тузиш тизими оркали унинг узлуксизлиги таъминланиб борилади; - жамиятда, корхона, фирмаларда ишлатиладиган барча ресурсларнинг чегараланганлиги улардан фойдаланишда тежамликка интилиш, реал ресурсларга асосланиш, режаларни

хар хил варинатларда тузиб улардан энг оптимал вариантни танлаб олишни такоза килади; - ракобат, вазиятнинг узгариб туриши режаларга узгаришлар киритиб боришни такоза килади ва шу сабабли режалар хар хил вазиятлар учун мулжалланган альтернатив вариантларда тузилиши, унинг вазиятга мослашувчанлиги, эластиклигини таъминлайди; - бозор иктисодиёти коидалари корхоналар, фирмалар уртасидаги алокаларни контрактлар асосида ташкил килиш, олинган мажбуриятларни белгиланган муддатда, микдорда катъий бажарилишини талаб килади. Бу эса режаларнинг бажарилишини назорат килиш коидасининг ахамиятини оширади. Режалаштириш жараёнида хар хил метод (усул) ва услублардан кенг фойдаланилади. Метод грекча “ methodos ” сўзидн олинган бўлиб “нимагадир йўл”, билиш услуби, жамият ва табиат ходисаларини тадкикот килиш, усули маъносини билдиради. Режалаштириш жараёнида баланс усули “моддий, молиявий, мехнат ресурслари баланси) нормаллаштириш усули, солиштириш ёки индекс усули, графиклар, техник-иктисодий хисоблар, социологик тадкикот, статистик гурухлаш, иктисодий математик усуллар, экспорт бахолаш усули кабилар кенг кўлланилади. Режалаштиришда кўрсаткичлар тизимидан кенг фойдаланилади. Улар каторига натурал ва киймат; абсолют ва нисбий; сон ва сифат кўрсаткичларини киритиш мумкин. Бу усулларнинг ва кўрсаткичларнинг мазмуни, кўлланиш усуллари тегишли фанларда кенг ёритилганлигини эътиборга олиб ушбуларни ёритишни ортикча деб хисобладик.

5.3. Корхонада режалаштириш тизими ва режанинг турлари Бозор иктисоди шароитида режаларни тезкор, жорий ва стратегик тизими кенг кулланилади ва бу асосида режалаштиришнинг узлуксизилиги таъминланади. Режалар куйидаги аломатларга караб таснифланади. Режаларнинг таснифи 3.1.-чизмада курсатилган. 3.1.-чизма Режаларни таснифи Таснифлаш аломатлари Режанинг турлари Умумий Фаолиятни камраб олиш даражаси Булимлар, сохалар Максадли Предмети буйича Маблаглар Дастурли Харакатлар Катъий Ўзгарилиш хусусиятига караб Мослашувчан Ишлаб чикариш Моддий таъминот Фаолият

сохаси Сотиш буйича Молия Персонал Ўзок муддатли (5 йилдан юкори) Муддати буйича Ўрта муддатли (5 йилгача) Киска муддатли (1 йилгача) Стратегик Мазмунига караб Тактик Тезкор Глобал Ўрганиш микёсига караб Локал- тафсилотлаштирилган Режаларнинг бир катор аломатларига караб турланиши уни бозор иктисоди шароитида кенг ишлатилиши тугрисида муболагасиз далолат бериб турибди. 4. Корхона фаолиятига таъсир килувчи омиллар Вазиятни олдиндан кура билиш, тасодифий узгаришлар, корхоналарнинг ташки алокалари, ички фаолият юргизиш бир катор объектив ва субъектив омилларга богликдир. Хар кандай бизнес бундай омилларнинг таъсиридан холи эмас. Шу сабабли

фаолиятни режалаштириш жараёнининг энг зарур томони бизнесга таъсир килувчи омилларни аниклаш, уларнинг таъсир килиш даражаларини белгилашдан иборатдир. Бизнинг фикримизча, объектив омиллар даражасини иктисодий жихатдан хисоб-китоб килиб аниклаш мумкин ва улар реал шароитдан, ресурслардан келиб чикади. Субъектив омиллар эса фаолиятга кишиларнинг профессионал билими, махорати, дунё караши, психологияси кабилар билан боглик булиб, режалаштириш, фаолиятни тахлил килишда уларнинг таъсир килиш даражаларини, микдорини белгилаш иктисодий- математик нуктаи назардан имконияти йук. Лекин бундай омилларни хам мушохада оркали корхона рахбарияти, мутахассислари режалаштириш жараёнида эътиборга олиши, шу омилларни чукур ва хар томонлама ўрганиб чикиши шарт. Объектив ва субъектив омиллар корхонанинг ташки ва ички мухитидан келиб чикади. Шу сабабли барча омилларни корхонанинг ташки ва ички мухитидан келиб чиккан холда таснифлаш ва тавсифлаш назарий ва амалий жихатдан максадга мувофикдир. Режалаштириш жараёнида бундай омилларни бизнесга таъсир килиш даражасини аниклаш билан бир каторда уларни бошкариш келажакда узгаришини кура билиш ва шулардан келиб чиккан холда бизнеснинг самарасини ошириш учун барча чора-тадбирларни куриш зарур. Корхона фаолиятига таъсир килувчи ташки ва ички мухитни куриб чикамиз. 4.1-чизма. Корхона фаолиятининг умумий кўриниши БОШКАРИШ ЖАРАЁНИ

Корхона фаолиятини умуман тасаввур килсак бир томондан моддий, мехнат, молиявий ресурслар турса, марказда ишлаб чикариш жараёни туради ва иккинчи томонда тайёр махсулот ва уларни айирбошлаш жараёни туради. Бу жараён 4.1-чизмада тасвирланган. 4.1-чизмадан куриниб турибдики, корхонанинг ички мухити, яъни ресурсларни топиш билан уларни бирлаштириш, ишлаб чикаришни ташкил килиш, бошкариш, тайёр махсулотни (хизматни) айирбошлаш, истеъмолчиларни аниклаш, уларнинг талабини урганиш каби омиллар билан богликдир. Бу омиллар уз урнида бошка бир катор омиллар билан боглик булиб, хар бири бутун корхона фаолиятига у ёки бу даражада таъсир курсатади. Корхонанинг фаолияти ички мухитдаги омилларга нисбатан купрок ташки мухитдаги омилларга хам богликдир. Моддий ресурслар : Бинолар, иншоотлар, жиќозлар, хом ашё, ёрдамчи маќсулотлар, ёљилђи, энергия, асбоблар, комунал таъминот. Меќнат ресурслари: Бошљарувчилар, мутахас-сислар, ёрдамчи ходимлар, мастерлар, ишчилар. Молиявий ресурслар: Ишлаб Илмий текшириш ва конструкторлик жараёни Ишлаб чиљариш, технологик Тайёр маќсул отлар ёки хизмат Олди- сотди жара- ёни И С Т Е Ъ М О Л Ч И Л А РР Е С У Р С Л А Р

Корхонани ташки мухит билан алокаларининг умумий куриниши 4.2-чизмада берилган. Корхонанинг ташки мухит билан алокаларидан келиб чикиб унга ташкаридан таъсир килувчи омилларни куйидаги гурухларга булиш мумкин: - давлат бошкарув муассасалари; - умумиктисодий омиллар; - социал-ижтимоий омиллар; - махаллий (регионал) омиллар; - миллий омиллар; - географик омиллар; - демографик омиллар; - хукукий омиллар; - ракобатчилар; - илмий-техник прогресс; - мафкуравий омиллар; - профессионал билим билан боглик омиллар; - истеъмолчилар; - ракобат мухити; - моддий ресурслар билан таъминловчилар; - технология ва жихозлар билан таъминловчилар; - кадрлар; - молия билан таъминловчилар; - сиёсий омиллар; - халкаро алокалар ва нихоят яширин (теновой) бозор элементлари кабилардир. Режалаштириш жараёнида ички ва ташки мухит билан боглик булган барча омилларни алохида тахлил килиш максадга мувофикдир.

Корхона режасининг бўлимлари ва кўрсаткичлари Корхонанинг фаолияти кўп кирралик бўлиб, уни ривожлантириш режаси бирканча бўлимлардан, бўлимлар эса кўрсаткичлар тизимидан иборат бўлади. Узок муддатли (стратегик) режада корхонада янги бўлим, ячейка цех, филиаллар кабиларни ташкил килиш; ишлаб чикариш кувватини ошириш, капитал маблаглар; молиявий воситаларга бўлган талаб, илмий тадкикот ишлари; бозор сигменти, корхонани бозордаги хиссасини кенгайтириш; махсулотни ракобатбардошлиги; корхона бюджети, баланси каби мосламалар ечими ва уларга мос режа бўлимлари акс топади. Киска муддатли (жорий) режалар ишлаб чикариш ва сотиш хажми; захираларни силжиши; хом ашё ва кўшимча материаллар; мехнат ва кадрлар; амортизация; реклама; харажатлар (таннарх) ва ажратмалар; даромад; фойда ва рентабеллик; кредит; капитал маблаглар; илмий тадкикот ишлари; корхона бюджети (молиявий режа), табиатни мухофаза килиш (экология) каби бўлимлардан иборат бўлади. Хар бир бўлим мохияти, статистик ўлчов бирлигига мос кўрсаткичлар оркали ўз ифодасини топади. Улар сонли ва

сифат; хажмий ва солиштирма каби кўрсаткичлардан иборат бўлади. Сонли кўрсаткичлар абсолют микдорда ифодаланиб ишлаб чикариш хажмини (дона, тонна, т.к.м., кл.вт., шартли банка): ишчилар сони; иш хаки фонди; даромад хажми; фойда сўммаси кабиларни ифодалайди. C ифат кўрсаткичлари нисбий микдорларда хисобланади ва корхона фаолиятини самарадорлигини ўлчов бирлиги сифатида кўпрок ишлатилади. Бу кўрсаткичлар процент, индекс, коэффициент кабиларда ўз аксини топади. Хажмий кўрсаткичлар асосан ишлаб чикариш хажмини, айрим кўрсаткичларни абсолют микдорини ифодалайди (захиралар микдори, ишлаб чикариш хажми, ресурслар сўммаси, ва х.к.). Солиштирма кўрсаткичлар нисбий микдорларда ўлчаниб (сифат кўрсаткичларни бир тури), солиштирма огирликни, солиштирма бирликни кўрсатади. Масалан: ишлаб чикаришни умумий хажмида махсулотни бир турини хиссаси; умумий ишчи - хизматчилар ичида ишчиларнинг хиссаси кабилар. Барча кўрсаткичлар натурал ва киймат микдорларда хисобга олинади. Айрим турдаги корхоналар фаолиятининг кўрсаткичларини келтирамиз. Ишлаб чикариш корхоналарида ишлаб чикариш хажми - ялпи махсулот, товар махсулоти ва сотилувчи махсулот, уларнинг ассортименти каби кўрсаткичларда ўз аксини топади. Бу кўрсаткичлар натурал ва киймат микдорларда хисобга олинади. Ишлаб чикариш корхоналарининг ишлаб чикариш куввати, яъни корхонанинг суткада, ойда, кварталда, йилда

мавжуд жихозларни максимал ишлатган холда ишлаб чикариши мумкин бўлган махсулотнинг микдори, натурал кўрсаткичларда ишчи-хизматчиларнинг умумий сони, таркиби, иш хаки фонди. Хом ашё, материаллар, ёкилги, электр энергия, жихозларга эхтиёж хажми, сони, натурал ва киймат кўрсаткичларда. Таннарх хамда цех, умум ишлаб чикариш харажатларининг сўммаси, хар хил ажратмалар ва тўловлар. Даромад, фойда ва рентабеллик кўрсаткичлари. Айланма маблагларни нормативлари ва ишлатилиш кўрсаткичлари. Асосий фондлар ва амортизация кўрсаткичлари. Капитал маблаглар ва унинг таркиби. Автотранспорт корхоналарида: юк ташиш (тоннада); шу жумладан юк билан (км); автомобилларни хисоб сони; автомобилларни умумий юк кўтариш куввати (тн); нарядда бўлган умумий вакти (соат), шу жумладан юк билан (соат); маршрутда юриб келганлик сони (маротаба); техник тезлиги (км/соат), эксплуатацион тезлиги (км/соат); мехнат, моддий ва молиявий ресурслрни ишлатиш билан боглик кўрсаткичлари ишлаб чикариш корхоналари кўрсаткичларига ўхшайди. Савдо корхоналарида товар айланиши хажми ассортименти (сўм); товар захиралари хажми ва ассортименти (сўм); товарларни келиши хажми ва ассортименти (сўм). Бу уччала кўрсаткичларни ассортимент бўйича микдори натурал кўрсаткичларда (дона, метр, тонна ва х.к.) хисобга олинади, тахлил килинади ва режалаштирилади. Муомала харажатлари сўммаси, таркиби моддалар бўйича (сўм, %). Мехнат ва иш хаки кўрсаткичлари.

Даромад, фойда ва рентабеллик кўрсаткичлари. Асосий ва айланма фондларни ишлатиш билан боглик кўрсаткичлар. Капитал маблаглар, кредит, солик ва тўловлар билан боглик кўрсаткичлар кабилар. 6. Бизнес-режа тушунчаси, турлари ва таркиби Бизнес инглиз тилида “bucinec” сузидан олинган булиб, бутун жахонда таркалган, фойда берувчи иктисодий фаолият, яъни иш юритиш мазмунини билдиради. Бизнес сузидан “bucineccman” бизнесмен, яъни бизнес билан шугулланувчи, ишбилармон, тожир, тадбиркор, умуман фойдали иш юритувчилар маъносини билдирувчи ибора келиб чиккан ва кенг ишлатилади. Бозор иктисодига утиш муносабати билан бундай иборалар бизнинг тилимизга хам кириб келмокда. Юкоридаги иборалардан келиб чикиб барча тадбиркорлар, фирмалар уз фаолияти режасини “Бизнес план”, яъни “Иш режаси” деб юритишади. Бизнес-режани кандай таърифлаш мумкин. Биринчидан, бизнес-режа корхона фаолияти тугрисидаги гоя, максад, менежмент, маркетинг фаолияти ва ишлаб чикаришни келажакга мулжалланган курсаткичлари мажмуасидан иборат хужжат сифатида тушуниш мумкин. Иккинчидан, фаолиятда шаклланадиган иктисодий муносабатларни тасвирлайдиган, корхонанинг ривожланиши учун зарур булган чора-тадбирларни асословчи хисоб-китоблар йигиндиси. Учинчидан, корхонанинг комплекс иш режаси сифатида корхонанинг “компаси” деб хисоблаш мумкин.

Бизнес-режа ибораси гарб давлатларида асосан кичик ва урта корхоналарнинг, фирмаларнинг комплекс иш режаси сифатида тушунилади ва унинг асосий максади рахбариятига фирманинг холати тугрисида ва унинг ривожланиш имкониятларини тасвирлашдир. Бизнес-режа амалиётда бир неча хил турларда тузилади. Улар асосан турт хил булиб, хар бирининг узига хос хусусиятлари мавжуд. Фирманинг ички бизнес-режаси, айланма маблагларни тулдириш максадида кредит олиш учун тузиладиган бизнес-режа, инвестиция бизнес-режаси, молиявий баркарорлаш режаси улар каторига киради. Ўзбекистон Республикасида корхоналарнинг бизнес- режасига давлат томонидан катта эътибор берилиши бежиз эмас. Ўзбекистон Республикаси Президентининг 24 январ 2003 йил “Ўзбекистон иктисодиётида хусусий секторнинг улуши ва ахамиятини тубдан ошириш чора-тадбирлари тугрисида”ги фармонида: “... ижрочи орган томонидан келгуси йилга ишлаб чикиладиган корхона бизнес-режаси акциядорларнинг умумий йигилиши тамонидан ёки унинг топшириги буйича кузатувчи кенгаш томонидан тасдикланиши лозим. Ишлаб чикаришни устириш, фойда олишни купайтириш ва дивидендларни тулаш ана шу бизнес-режанинг энг мухим курсаткичлари булиши керак; директор (акциядорлик жамиятининг ижрочи органи) йиллик бизнес-режа кандай бажарилаётгани тугрисида хар чоракда кузатувчи кенгаш олдида хисобот беради. Кузатувчи кенгаш йиллик бизнес-режа купол равишда бузилган ёки унинг тасдикланган параметрларини бажариши барбод этилган холларда директор (бошкарув раиси) билан ишга олиш

шартномасини муддатидан илгари тухтатиш хукукига эга;...” деб таъкидланган. Бизнес-режа иктисодий жараённинг куйидаги иштирокчилари категорияси учун мўлжалланилади: 1. Корхона мулкдорларига. Улар учун бизнес-режа рахбарлик хужжати хисобланади. Бизнес-режани ишлаб чикишдаги иштироки менежерларни корхона фаолиятини чукур ўрганишга, уни ривожлантириш хамда такомиллаштиришда тўгри карорлар кабул килиш имкониятини яратади; 2. Корхона мулкдорларига. Корхона мулкдорлари бизнес-режани ўз максад ва манфаатларини амалга ошириш учун менежерларга таъсир килиш учун ишлатади; 3. Ташки инвесторларга (кредиторлар, акция эгалари ва х.к.). Инвесторларни уларни кўйган маблагларидан келадиган даромад кизиктиради, шу сабабли улар корхона фаолиятини назорат киладилар; 4. Корхона фаолиятида иштирок этувчи бошка шерикларга (махсулот ва бошка ресурслар билан таъминловчи, улгуржи сотиб олувчилар, давлат органлари ва х.к. корхона фаолиятида катнашувчилар). Бизнес-режани янги ташкил килинаётган корхона хам, ишлаётган корхона хам тузади. Уни кичик, ўрта ва йирик корхоналар хам ишлаб чикади. Бизнес-режани ишлаб чикишда асосан иккита максадни тутиш зарур: 1. Корхонани хозирги холатини чукур тахлил килиш, уни тараккиёт этиш максади, максадга эришиш йўллари ва кутилаётган натижасини аниклаш; 2. Ташки инвестор ва шерикларга корхонани афзалликларини жозибалик килиб кўрсатишга эришиш.

Фирмалар фаолиятлари хар хил булганлиги учун уларда бизнес режаси хам хар хил шаклда, тартибда тузилади. Лекин бизнес-режани тузишнинг умумий халкаро стандарт талаблари мавжуд. Масалан: бизнес-режа корхонанинг ички хисобот тизимига, рахбарият ва ташки инвесторлар, шерикларга назорат килиш талабларига жавоб бериши, хамда кичик корхоналар учун 10-20 варакдан, йирик корхоналар учун 40-50 варакдан ошмаслигини талаб килинади. Инвестиция бизнес- режаси уз стандартига эга, унинг хажми 75 варакдан ошмаслиги керак. Бизнес-режанинг мазмуни ва таркиби ундаги бўлимларни тўлалиги, уни кисмларга бўлиниши; кимга мўлжалланганлиги (корхона, инвестор, банк кредити); режалаштириш даври (1 йил, 3-5 йил, 5 йилдан ортик); тузувчиларнинг малакаси ва амалий тажрибасига (техник- иктисодий асослаш) караб хар хил бўлиши мумкин. Инвесторларнинг манфаатини кузлаш, тижорат сирларини химоя килиш, фан-техника ютукларининг махфийлигини таъминлаш, олинган кредитларнинг кайтарилишини таъминлашни бизнес-режада асослаш умумий талаблар каторига киради. Бизнес-режани таркиби уни ишлаб чикиш усул ва услублари, кимга мўлжалланганлигига караб хар хил бўлиши мумкин. Умумлаштирилган холда бизнес-режа куйидаги бўлимларни ўз ичига олади: 1. ташриф вараги; 2. корхона; 3. бозор ва ракобат; 4. махсулот; сотиш; 6. ишлаб чикариш; 7. молия; 8. инвестиция; 9. кўшимча ахборотлар. Ўрта ва йирик корхоналарнинг бизнес-режаси таркиби: 1. титул вараги. 2. ташриф вараги; 3. бизнеснинг киска мазмуни ёки корхонанинг максади; 4. маркетинг ва товар (иш, хизмат)ни сотиш; инновация; 6. махсулот (иш, хизмат) ишлаб чикариш; 7.

бошкарув; 8. ходимлар; 9. хавф ва хатарни бахолаш ва сугурта; 10. хукукий режа; 11. корхона харажатлари; 12. молиявий режа; 13. илова килинаётган хужжатлар каби бўлимлардан иборат бўлади. Кичик корхоналарнинг бизнес-режаси ташриф вараги, бизнесни мазмуни, маркетинг режаси, махсулот ишлаб чикиш ва молиявий режадан ташкил топади. Бизнес-режани техник-иктисодий асослаш усул ва услублари “Бизнес-режа” фанида чукур ўрганилади. Шу сабабли бу масалаларни ёритишга тўхталмадик. Бизнес-режаси юкорида келтирилган таркибдан куриниб турибдики, уни тузиш учун хар бир тадбиркор, корхона рахбари, иктисодчи, корхона иктисоди, менежмент, маркетинг, молия ва кредит, солик ва соликлаштириш, бухгалтерия хисоби ва аудит, бизнес-режа, савдо логистикаси, иктисодий география, математика каби фанларни чукур урганиши зарур. Чунки, бу фанлардан ўрганган билимлар асосидагина хар томонлама асосланган бизнес-режа тузишга эришиш мумкин.

Похожие

Тадбиркорлик фаолиятида бизнес режа

Чакана товар айланишини прогнозлаш ва режалаштириш

Бозор иқтисодиёти шароитида прогнозлаш ва режалаштириш

IT тадбиркорлик фаолиятида режалаштириш

Корхона хўжалик фаолиятида - лизинг ва лизинг операциялари