Бизнес фаолиятини ташкил этишнинг ўзига хос хусусиятлари - Экономика - Рефераты

Бизнес фаолиятини ташкил этишнинг ўзига хос хусусиятлари

Загружено в:

20.09.2019

Скачано:

0

Размер:

137.5 KB

Бизнес фаолиятини ташкил этишнинг ўзига хос хусусиятлари Режа: 1. Бизнесни ташкил этиш тартиби. 2. Бизнесни ташкил этишнинг хусусиятлари ва уларнинг мазмуни. 3. Бизнесни давлат томонидан молиявий қўллаб қувватлаш. 4. Бизнесни қайта ташкил этиш ва ёпиш тартиби.

3.1.Бизнесни ташкил этиш тартиби. Ўзбекистон Республикасининг мулкчилик тўғрисидаги, бизнес фаолиятилар тўғрисидаги, хусусийлаштириш ва давлат тасаруффидан чиқариш тўғрисидаги ва бошқа бир қатор меъёрий хужжатларда кўп укладлилик асослари белгиланиб, улар мулкчиликнинг барча шаклларининг тенг ҳуқуқлилигини қарор топтириш, мулкдорларнинг ҳуқуқларини қатъий ҳимояланиши, хусусий мулкни янада ҳимоя қилиш, тадбиркорликни ривожлантириш ва чет эл инвестицияларини жалб этишга қаратилгандир. Товар-пул муносабатлари ривожланаётган ва бошқариладиган бозор шароитида мулкчиликнинг барча шаклига мансуб бизнес фаолиятиларни барпо этиш, улар фаолиятининг, уларни қайта ташкил этиш ва тугатишнинг умумий хуқуқий, иқтисодий ва ижтимоий асослари мазкур меъёрий хужжатларда кенг ёритиб берилган. “Ўзбекистон Республикасида мулкчилик тўғрисида”ги Қонунида белгилаб қўйилган мулк шаклларига мувофиқ қуйидаги турдаги бизнес фаолиятиларга бўлинади: -Ўзбекистон Республикаси фуқароларининг, шунингдек ажнабий фуқароларнинг индивидуал (хусусий) мулкига асосланган бизнес фаолияти; -жамоа мукига асосланган жамоа, оила, махалла, ишлаб чиқариш кооперативлари; кооперативларга қарашли, акцияли жамиятларга, масъулиятли чекланган жамиятларга, ўзга хўжалик жамиятлари ёки ширкатларига қарашли; жамоат ташкилотларининг, диний ташкилотларининг ва жамоа мулкчилигининг бошқа шаклларига асосланган бизнес фаолияти; -давлат мулкига асосланган республика давлат, Қорақалпоғистон республикаси давлат корхоналари, кичик ва хусусий, вилоятлараро, вилоят, туманлараро, туман, шахар давлат корхоналари, кичик ва хусусий бизнес фаолиятларининг бошқа турлари; -тўла ёки улуш қўшиб иштирок этишга асосланган (қўшма бизнес фаолиятилар) республика мулки, Қорақалпоғистон Республикаси, ажнабий хуқуқий шахслар, фирмалар ва давлатлар мулки бўлган бизнес фаолияти; -мулкчиликнинг аралаш шаклларига асосланган бизнес фаолияти. Мулкчилик шаклларидан қатъий назар, бизнес фаолияти ишловчилар сонига қараб кичик бизнес фаолиятилар жумласига киритилган, бундай бизнес фаолиятиларни барпо этиш ва улар фаолиятининг ўзига хос жихатлари, мақоми, уларни рўйхатга олиш шартлари, шунингдек бизнес фаолиятиларни бу турга киритиш тартиби, Ўзбекистон Республикаси Президенти ҳузуридаги Вазирлар маҳкамаси ва Қорақалпоғистон Республикаси Вазирлар Кенгаши томонидан тартибга солинади. Кичик ва хусусий тадбиркорлик фаолиятини ташкил этиш, уни ривожлантиришнинг хуқуқий асослари, шунингдек рағбатлантириш йўллари “Ўзбекистон Республикасида тадбиркорлик тўғрисида” (1991 йил 15

февраль) ва “Кичик ва хусусий тадбиркорликни ривожлантиришни рағбатлантириш тўғрисида”ги ( 200 5 йил 21 сентябр) Фармонларда ўз аксини топди. Мазкур қонунлар тадбиркорликнинг иқтисодий ва хуқуқий мустақиллигига кафолат беради, уларнинг ҳуқуқ ва маъсулиятини аниқлайди, тадбиркорларнинг бошқа бизнес фаолиятилари давлат бошқаруви идоралари билан муносабатларини тартибга солади. Бундан ташқари, фуқароларнинг тадбиркорлик қобилиятини бутун чоралар билан ишга солиш, уларнинг ишбилармонлигини ошириш, тадбиркорликни ривожлантиришнинг хуқуқий кафолатлрини белгилаш асосида бозор муносабатларини жадаллаштиришга қаратилгандир. Тадбиркорлик тўғрисидаги меъёрий хужжатлар мулкчилик ва хўжалик юритиш шаклларини эркин танлаш, бу шаклларнинг тенгҳуқуқлилик асосида амал қилиши, ўзаро ҳамкорлик ва эркин рақобатлашув таъминланадиган шароитларнинг яратилишига кумаклашади. Тадбиркорликнинг ўзи- унинг фаолиятини амалга ошириш асослари ва ривожлантиришнинг асосий қоидалари нималардан иборат? Тадбиркорлик - мулкчилик субъектларининг фойда олиш мақсадида таваккал қилиб ва мулкий жавобгарлиги асосида, амалдаги қонунлар доирасида ташаббус билан иқтисодий фаолият кўрсатишидир. Ўзбекистон Республикасида тадбиркорлик: -тадбиркорнинг шахсий мол-мулки асосида; -тадбиркорнинг бошқа фуқаролар ва юридик шахслар, шу жумладан ажнабий фуқароалар хамда юридик шахсларнинг мол-мулкларини турли шаклларда жалб этиши асосида; -тадбиркорнинг давлат ва жамоат ташкилотлари мол-мулкларидан фойдаланиши асосида; -юқорида қайд этилган шаклларни қўшиб олиб бориш асосида амалга оширилади. Тадбиркорлик фаолиятнинг ва мулкдор билан бўлган муносабатларнинг характеридан келиб чиққан холда тадбиркорлик фаолияти мулкдор томонидан ҳам, хўжаликни тўлиқ юритиш ҳуқуқи асосида (ана шу чегаралари мулк эгаси томонидан белгиланган холда) мулкдорнинг мол- мулкини идора қилувчи субъект томонидан ҳам амалга оширилади. Ҳар қандай шаклдаги тадбиркорлик мулк эгасининг ишлаб чиқариш жараёнида шахсан бевосита иштирок этишига ва бошқа фуқароларнинг мехнатини қўллаш йўли билан фойдаланишига асосланади. Тадбиркорликни ривожлантиришнинг асосий қоидалари қуйидагилардан иборат: -қонун билан тақиқланмайдиган ҳар қандай тадбиркорлик фаолиятини амалга оширишда тадбиркорнинг ўзига тегишли бўлган мол-мулкдан фойдаланиш эркинлиги; -тадбиркорнинг хўжалик фаолиятини юритишдаги ва фаолият махсулини тақсимлашдаги мустақиллиги;

-тадбиркорнинг барча турдаги ишлаб чиқариш-хўжалик фаолиятини юритишда, мулк шаклларидан қатъий назар, қонун олдида тенг ҳуқуқлилиги; -тадбиркорликни амалга ошириш вва ходимлар ёллашнинг ихтиёрийлиги; -даромад олишнинг манбалари ва усуллари қандай бўлишидан қатъий назар, солик идоралари хузурида хисоб беришнинг асослов (декларатив) шакли, тадбиркорларнинг даромадларини яшириб қолганлик (пасайтириб кўрсатганлик) учун Ўзбекистон Республикаси қонунларига асосан моддий жавобгарлиги. 3.2. Бизнесни ташкил этишнинг хусусиятлари ва уларнинг мазмуни. Бизнес фаолиятини амалга ошириш учун бизнес субъекти бизнес ташкилотлари(ширкатларини) тузади. Бизнес ташкилотларини (ширкатларини) тузиш, уларнинг фаолиятини кўрсатиши, уларни қайта ташкил этиш ва тугатишнинг умумий хуқуқий, иқтисодий ва ижтимоий асослари Ўзбекистон Республикасининг “Ўзбекистон Республикасидаги Бизнес фаолиятилар тўғрисида”ги қонуни билан тартибга солинади. Тадбиркорлик, бизнес фаолиятиларини барпо этиш ва уни рўйхатдан ўтказиш қуйидаги тартибда амалга оширилади: 1. Бизнес фаолиятини барпо этишнинг умумий шарт-шароитлари: а)бизнес фаолияти мол-мулк эгаси ёки у вакил қилган идора, ташкилот қарорига мувофиқ, ё бўлмаса таъсис этувчилар гуруҳи ва айрим таъсис этувчи шахслар қарори билан ушбу ҳамда Ўзбекистон Республикаси бошқа қонун хужжатларида кузда тутилган тартибда барпо этилади; б)бизнесда ишлаб турган бизнес фаолиятилар таркибидан битта ёки бир нечта таркибий бўлинманинг шу бўлинма мехнат жамоаси ташаббуси билан ажралиб чиқиши натижасида, агар бундай ажралиб чиқиш учун бизнес фаолияти мол-мулк эгасининг (у вакил қилган идора, бизнес фаолияти ва ташкилотнинг) розилиги бўлса ва бизнес фаолияти илгари ўз зиммасига олган мажбуриятларнинг бажарилиши таъминланса тузилади; в) бизнес фаолиятини барпо этиш ва унинг фаолияти учун ер участкаси, бошқа табиат ресурслари талаб қилинадиган холларда улардан фойдаланишга рухсатномани ҳокимият идораси, тегишли қонун хужжатларида кузда тутилган холларда эса экология экспертизасининг ижобий хулосаси бўлган тақдирда табиатдан фойдаланувчи тегишли бошлангич ташкилот томонидан ҳам берилади. Ер участкаси ва бошқа табиат ресурсларини бериш рад этилганида Ўзбекистон Республикаси қонун хужжатларида кузда тутилган тартибда шикоят қилиниши мумкин; г) бизнес фаолияти давлат рўйхатидан ўтган кундан бошлаб барпо этилган деб ҳисобланади ва хуқуқий шахс ҳуқуқини олади. 2. Бизнес фаолиятини давлат рўйхатидан ўтказиш тартиби: а) бизнес фаолияти агар Ўзбекистон Республикаси қонун хужжатларида ўзгача тартиб кузда тутилган бўлмаса, бизнес фаолияти жойлашган ердаги маҳаллий ҳокимият ва бошқарув идоралари томонидан давлат рўйхатидан ўтказилади. Бизнес фаолияти давлат рўйхатидан ўтказилганлиги тўғрисидаги

маълумотлар Ўзбекистон Республикаси ягона давлат реестрига киритиш учун 10 кун муддат ичида Молия вазирлигига хабар қилинади; б) бизнес фаолиятини давлат рўйхатидан ўтказиш учун тегишли маҳаллий ҳокимият ва бошқарув идораси бу бизнес фаолиятини барпо этиш тўғрисидаги қарор, устав ҳамда меъёрий хужжатларда белгилаб қўйилгандек рўйхат бўйича бошқа хужжатлар тақдим этилади; Бизнес фаолияти тегишли маҳаллий ҳокимият ва бошқарув идорасига зарур хужжатлар илова қилиниб ариза топширилган пайтдан бошлаб ўзоғи билан 30 кунда давлат рўйхатидан ўтказилади; в) бизнес фаолиятини барпо этишнинг Ўзбекистон Республикаси қонун хужжатларида белгилаб қўйилган тартиби бўзилганлиги, шунингдек таъсис хужжатлари қонун талабларига мос келмаслиги сабабларига кўра бизнес фаолиятини давлат рўйхатидан ўтказиш рад этилиши мумкин. Бизнес фаолиятилар зарур хужжатларни тақдим этган тақдирда, маҳаллий давлат ҳокимияти органлари уларни рўйхатга олишни рад этишга ёки рўйхатга олиш учун қўшимча шартлар белгилашга ҳақли эмаслар. Агар бизнес фаолияти белгиланган муддатда давлат рўйхатидан ўтказилган бўлмаса ёки таъсис этувчи бизнес фаолиятини рўйхатдан ўтказиш рад этилганлиги сабабларини асоссиз деб ҳисобласа, у судга мурожаат қилиши мумкин. Суд бизнес фаолиятини рўйхатдан ўтказиш рад этилганлигини асоссиз деб топса, бу хол бизнес фаолиятини рўйхатдан ўтказмаган маҳаллий ҳокимият ва бошқарув идорасининг моддий жавобгарлиги (суд чиқимларидан ташқари) сабаб бўлади. Моддий жавобгарликнинг миқдори суд томонидан аниқланади ва қонунда белгиланган тартибда ундириб олинади. г) бизнес фаолиятини давлат рўйхатидан ўтказганлик учун ундан Ўзбекистон Республикаси қонунларида белгилаб қўйиладиган миқдорида ҳақ олинади. Олинган маблағ маҳаллий ҳокимият ва бошқарув идораси томонидан бизнес фаолияти рўйхатдан ўтказилган жойдаги туман, шахар, шахардаги туман бюджетига ўтказилади. 3. Бизнес фаолиятининг устав асосида иш олиб бориш тартиби. Бизнес фаолияти уставида қуйидагилар белгилаб қўйилади: -бизнес фаолиятининг номи, унинг қаерда жойлашганлиги; -фаолият тури ва мақсадлари; -унинг бошқарув ва назорат органлари, уларнинг ваколатлари; -бизнес фаолияти мол-мулкини ташкил этиш ва фойдани (даромадни) тақсимлаш тартиби; -бизнес фаолиятини қайтадан ташкил этиш ва унинг фаолиятини тухтатиш шартлари. Уставга бизнес фаолияти фаолиятининг хусусиятлари билан боғлиқ бўлган, қонунларга зид келмайдиган ўзга қоидалар ҳам киритилиши мумкин. 4. Бизнес фаолиятини бошқаришни ташкил этишнинг умумий қоидалари.

Бизнес фаолияти ўз уставига мувофиқ бошқарилади. Бизнес фаолияти бошқарув структураси, шакли ва услубларини мустақил аниқлайди, штатларни белгилайди. Мулкдор бизнес фаолиятини бевосита ёки ўзи ваколат берган идоралар орқали бошқаради. Мулкдор ёки хўжаликни тўла юритиш ҳуқуқи субъекти ёхуд у ваколат берган идоралар ана шу ҳуқуқларни бизнес фаолияти кенгашига (идорасига) ёки бўлмаса бизнес фаолияти уставида кузда тутилган ҳамда мулкдор ва мехнат жамоаси манфаатларини ифода этадиган бошқа идорага топшириши мумкин. Бизнес фаолияти рахбарини ёллаш (тайинлаш, сайлаш) ва бўшатиш бизнес фаолияти мулки эгасининг ёки хўжаликни тўла юритиш ҳуқуқи субъектининг ҳуқуқи бўлиб, бу ҳуқуқни улар бевосита, шунингдек ўзлари вакил қилган идоралар орқали ёки бизнес фаолиятини бошқариш ҳуқуқи берилган бизнес фаолияти кенгаши, бошқаруви ёхуд бошқа идоралар орқали амалга оширадилар. 5. Бизнес фаолиятининг мехнат жамоаси, унинг ваколатлари. Ўз мехнати билан бизнес фаолиятида мехнат шартномаси (битим, келишуви), шунингдек ходимнинг бизнес фаолияти билан мехнат муносабатларини тартибга солувчи бошқа шакллар асосида қатнашувчи барча фуқаролар шу бизнес фаолиятининг мехнат жамоасини ташкил этадилар. Бизнес фаолиятлари мехнат жамоаси ваколатларини амалга оширишнинг асосий шакли унинг умумий йиғилиши бўлиб ҳисобланади. Умумий йиғилиш: бизнес фаолияти мол-мулкини сотиб олиш билан боғлиқ масалаларни, бизнес фаолияти маъмурияти билан жамоа шартномаси (битими) тузиш зарурлиги тўғрисидаги масалани, ўз ходимлари учун қўшимча отпускалар, қисқартирилган иш куни ва ишлаб топилган хамда истеъмолга сарфланадиган маблағлар доирасида бошқа ижтимоий имтиёзлар белгилайди. 6. Жамоа шартномаси. Жамоа шартномаси ҳамма турдаги бизнес фаолиятларда тузилиши мумкин ва у амалдаги қонунларга зид бўлмаслиги лозим. Бизнес фаолиятидаги ишлаб чиқариш ва мехнат муносабатлари, мехнатни мухофаза қилиш, жамоанинг ижтимоий тараққиёти ва жамоа аъзолариниг саломатлиги масалалари жамоа шартномаси (битими) билан тартибга солинади. Жамоа шартномаси (битими) тузиш ёки уни бажариш чоғида келишмовчилик чиққан тақдирда бу келишмовчилик қонун хужжатларида белгиланган тартибда ҳал этилади. 7. Тадбиркорнинг ҳуқуқлари. У қуйидагилардан иборат: -мамлакат территориясида яшовчи ва фаолият юритувчи ҳар бир фуқаро хўжалик юритувчи бошқа субъектлар билан тенг асосларда қонунларда белгиланган шартларга риоя қилган холда бизнес фаолиятларни вужудга келтириш, таъсис этиш, сотиб олиш ва қайта тузиш йўли билан тадбиркорлик фаолиятини бошлаш ва давом эттириши;

-бу фаолиятни бажариш учун бошқа юридик шахслар ва фуқароларнинг мол- мулки ҳамда пул маблағларини ихтиёрий асосларда жалб этиши, ходимларни мустақил ёллаш ва ишдан бўшатиши; -тадбиркорликдан қонунларда белгиланган тартибда солиқ солинадиган чексиз миқдорда шахсий даромад орттириши, ижтимоий таъминланиш ва ижтимоий суғурта қилиниш ҳуқуқларига эгадирлар. Тадбиркор ёки у вакил қилган шахслар хўжалик юритувчи бошқа субъектларнинг ҳар қандай ҳатти-ҳаракатлари ва тадбиркорга килаётган даъволари ҳамда белгиланган тартибда бериладиган жазо чоралари усусида бахслашишга ҳақли, қонунларга мувофиқ ҳеч суссиз қўлланадиганлари бундан мустаснодир. 8. Тадбиркорнинг мажбуриятлари. У қуйидагилардан иборат: -тадбиркор амалдаги қонунлардан ҳамда ўзи тузган битимлардан келиб чиқадиган барча мажбуриятларни бажариши; -ёлланиб ишлаётган ходимлар билан қонунларга мувофиқ мехнат шартномалари (битимлар) тузиши, ёлланиб ишлаётган ходимларни ижтимоий ва тиббий суғурта қилиши; -ишга жалб этилган барча ходимилар билан тузилганбитимга мувофиқ, бизнес фаолиятининг молиявий ахволидан қатъий назар, тўла ҳисоб-китоб қилиши; -махсус билим ва кўникма талаб қилинадиган ишларга фақатгина зарур тайёргарликка эга, касб-кори жихатидан яроқли ва тегишли маълумотга эга бўлган шахсларнигина жалб этиши муқаррардир. 9. Тадбиркорнинг маъсулиятлари. Солиқ ва кредит мажбуриятларининг, тузилган битимларининг ижроси, бошқа субъектларнинг мулкий ҳуқуқларни бузганлиги, бехатар мехнат шароитларига риоя этмаслиги, истеъмолчиларга одамларнинг саломатлигига зарар етказадиган махсулот етказиб берганлиги, атроф-мухитга зарар етказганлиги, якка хокимликка қарши қонунларни бузганлиги учун, тадбиркор ўз мол-мулк доирасида амалдаги қонунларга мувофиқ жавобгар бўлиб ҳисобланади. Мулкий даъволар тадбиркорнинг меросхурларига хам тааллуқли бўлади, лекин улар мерос қилиб қолдирилган мол-мулк ҳажмидан ошмаслиги зарур. 10. Молия ва кредит муносабатлари. Фойда, амортизация ажратмалари, қимматли қоғозларни сотишдан тушган пул, мехнат жамоаси аъзоларининг, бизнес фаолиятилар, ташкилотлар, фуқароларнинг пай ва ўзга бадаллари, шунингдек, бошқа тушумлар бизнес фаолияти молиявий ресурсларини ташкил этувчи манбалардир. Бизнес фаолияти тижорат шартномаси асосида банк кредитидан, бошқа бизнес фаолиятиларнинг кредитларидан ҳам фойдаланади. Тадбиркор пул маблагларини сақлаш ҳамда барча турдаги ҳисоб-китоб, кредит ва касса операцияларини амалга ошириш учун бизнес фаолияти рўйхатга олинган жойдаги ҳар қандай банкда, бошқа жойдаги банкда эса- шу

банкнинг розилиги билан ҳисоб-китоб рақамлари ва бошқа ҳисоб рақамлари очиши ҳам мумкин. Иш ҳақи тўлаш ва бюджетга тўловлар барча бизнес фаолиятилар учун биринчи галдаги тўлови бўлиб ҳисобланади. Хисоб-китобларнинг бошқа турларини бизнес фаолияти календар тартибига мувофиқ амалга оширади. Бизнес фаолияти харидор (истеъмолчилар)га қарзга олинган маблағ учун фойда тўлаш тартибида қарзга махсулот етказиб бериши, ишни бажариши ва хизмат кўрсатиши мумкин. Бундай савдо битимларини расмийлаштириш учун Бизнес фаолияти хўжалик оборотида векселни қўллаши мумкин. Бизнес фаолияти фоиз тўлаш шарти билан бошқа Бизнес фаолиятиларга кредит бериши ҳам мумкин. Ҳисоб-китоб қилиш юзасидан ўз мажбуриятларини мунтазам бажармайдиган Бизнес фаолияти банк томонидан тўловга қобилиятсиз деб эълон қилиниши мумкин. Бундай Бизнес фаолиятиларга таъсир ўтказиш чоралари ва уларни қўллаш тартиби банклар томонидан Ўзбекистон Республикаси қонун хужжатларига мувофиқ белгиланади. 3.3. Бизнесни давлат томонидан молиявий қўллаб қувватлаш. Давлат кичик ва хусусий тадбиркорлик субъектларининг ҳуқуқлари хамда қонуний манфаатларига риоя этилишини кафолатлайди, эркин рақобат учун шарт-шароит яратади, моддий, молиявий, мехнатга оид ва бошқа ресурслардан фойдаланишда тенг имкониятларни таъминлайди. Вазирликлар, давлат қўмиталари, идоралар ва маҳаллий давлат ҳокимияти органларининг кичик ва хусусий тадбиркорлик масалаларига оид, ҳамма учун мажбурий бўлган норматив хужжатлари тегишлича Адлия вазирлигида, унинг маҳаллий органларида хуқуқий экспертизадан ўтказилиши, давлат рўйхатига олиниши зарур, бу хужжатлар оммавий ахборот воситаларида эълон қилинади. Кичик ва хусусий тадбиркорлик субъектлари фаолиятининг хизмат ёки тижорат сири бўлган ахборотларнинг ҳимоя қилиниши кафолатланади. Давлат органлари ва бошқа органларнинг, улардаги мансабдор шахслар ва ходимларнинг, меъёрий хужжатларида назарда тутилган холларни истисно этганда, кичик ва хусусий тадбиркорлик субъектлари фаолиятига аралашувига йўл қўйилмайди. Давлат органлари ёки бошқа органларнинг ҳамда улардаги мансабдор шахсларнинг кичик ва хусусий тадбиркорлик субъектларининг ҳуқуқларини бузувчи ҳатти ҳаракатлари(қарорлари) устидан суд тартибида шикоят қилиниши ҳам мумкин. Шуни таъкидлаш лозимки, давлат органлари ёки бошқа органларнинг ёхуд улардаги мансабдор шахсларнинг ҳатти-ҳаракатлари (қарорлари) туфайли кичик ва хусусий тадбиркорлик субъектига етказилган зарар, бой берилган фойдани қўшган холда, шу органлар томонидан қонуний равишда қопланади. Зарарни қоплаш тўғрисидаги низоларни факат суд органлари томонидан белгиланган тартибда ҳал этилади.

Давлат томонидан кичик ва хусусий тадбиркорлик субъектларининг мол-мулки олиб қўйилишига йўл қўйилмайди, қонун хужжатларида белгиланган ҳоллар ва тартибда олиб қўйиш бундан мустаснодир. Кичик ва хусусий тадбиркорликни шакллантириш, ривожлантириш жараёнларини тартибга солиш ва рағбатлантириш давлат томонидан норматив-хуқуқий негизни такомиллаштириш, инфраструктурани шакллантириш ҳамда кичик ва хусусий тадбиркорлик субъектлари фаолияти учун шарт-шароит яратиш асосида иқтисодий таъсир кўрсатиш йўли билан амалга оширилади. Бу борада маҳаллий давлат ҳокимияти органлари ўз ваколатлари доирасида: -кичик ва хусусий тадбиркорлик субъектлари учун маҳаллий солиқлар ва йиғимлар бўйича имтиёзлар белгилайди; -кичик ва хусусий тадбиркорликнп ривожлантиришнинг худудий дастурларини ишлаб чиқадилар; -кичик ва хусусий тадбиркорликни ривожлантиришнинг устувор йўналишларини аниқлайдилар. Кичик ва хусусий тадбиркорликни ривожлантириш Вазирлар Маҳкамаси ва маҳаллий давлат ҳокимияти органлари томонидан ишлаб чиқиладиган кичик ва хусусий тадбиркорликни ривожлантиришнинг давлат ҳамда худудий дастурларига мувофиқ амалга оширилади. Кичик ва хусусий тадбиркорликни ривожлантиришнинг давлат ва ҳудудий дастурлари бозор инфраструктурасини вужудга келтиришни, қўлай тадбиркорлик мухитини шакллантиришни ҳамда кичик ва хусусий тадбиркорликни ривожлантиришни иқтисодий рағбатлантириш тадбирларини ўз ичига олади. Дастурларни молиявий таъминлаш кичик ва хусусий тадбиркорликни қўллаб-қувватлаш фондлари, халқаро дастурлар бўйича, хусусий ва бошқа манбалардан жалб этилган маблағлар ҳисобига амалга оширилади. Кичик ва хусусий тадбиркорликни қўллаб-қувватлаш фондлари томонидан ажратиладиган маблағлар қуйидаги мақсадлар учун берилади: -кредитлар, шу жумладан имтиёзли кредитлар бериш асосида инвестиция лойиҳаларини молиявий таъминлаш; -устав сармоясида иштирок этиш; -маслахат ва ахборот хизматлари кўрсатиш шаклида техник жиҳатдан кўмаклашиш; -инфраструктурани ривожлантиришга кўмаклашиш; -олинаётган кредитлар учун кафолатлар, мажбуриятлар ва кафилликлар бериш йўли ҳамда қўллаб-қувватлашнинг бошқа шакллари билан кичик ва хусусий тадбиркорлик субъектларини ривожлантиришни рағбатлантириш учун ҳосил қилинади. Қишлоқ жойлардаги кичик ва хусусий тадбиркорлик субъектларини, шунингдек рақобатбардош ва экспортга мулжалланган махсулотлар ишлаб чиқариш ва шундай хизматлар кўрсатиш юзасидан кичик ва хусусий тадбиркорлик субъектларини барпо этиш кичик ва хусусий тадбиркорликни

ривожлантиришни рағбатлантиришнинг устувор йуналишлари бўлиб ҳисобланади. Кичик ва хусусий Бизнес фаолиятиларни барпо этишда давлат тасарруфидан чиқарилаётган ва хусусийлаштирилаётган асосий фондлар қийматининг имтиёзли индексацияси қўлланилади. Қишлоқ жойлардаги кичик ва хусусий тадбиркорлик субъектлари иморатни ижарага олиш ёки сотиб олишда, савдо ва хизмат кўрсатиш сохаси объектларини улар жойлашган ер участкалари билан биргаликда сотиб олишда бринчи навбат ҳуқуқига эгадирлар. Давлат бошқарув органлари кичик ва хусусий тадбиркорлик субъектлари замонавий ускуна ва технологиялар олишга, технопарклар, лизинг Бизнес фаолиятилари, бизнес инкубаторлар, ишлаб чиқариш- технология марказлари ва инфраструктуранинг бошқа объектлари тармогини барпо этишга ёрдам бериш юзасидан тадбирлар ишлаб чиқилиши ва амалга оширилишини таъминлайдилар, ихтисослашган улгуржи бозорлар, ярмаркалар барпо этиш ва ташкил этишда ёрдамлашадилар. Давлат бошқарув органлари махсулотлар харид этиш ва етқазиб бериш, хизматлар кўрсатиш учун шартномаларни тузиш вақтида буюртмаларни танлов асосида кичик ва хусусий тадбиркорлик субъектларига таксимлаб беришлари хам мумкин. Кичик ва хусусий тадбиркорлик субъектлари уз махсулотлари ва хизматларини, мавжуд талаб-эхтиёжлардан келиб чиқиб эркин бахоларда реализация қиладилар. Кичик ва хусусий тадбиркорлик субъектларидан, шу жумладан Қишлоқ жойларда фаолият олиб бораётган ёки рақобатбардош ва экспортга мулжалланган махсулот ишлаб чиқариш билан шугулланаётган кичик ва хусусий тадбиркорлик субъектлари учун бирмунча нокулайрок шароитларни юзага келтирадиган узгартишлар киритилган тақдирда, мазкур субъектлардан кейинги 2 йил давомида улар давлат рўйхатидан ўткан пайтдан амалга бўлган қонун хужжатларига мувофиқ солик ундирилади. Кичик ва хусусий тадбиркорлик субъектлари ишлаб чиқариш чикимларига мулжалланган харажатларга киритиб, асосий ишлаб чиқариш фондларининг тезлаштирилган амортизациясини тегишли асосий фондлар учун белгиланган нормадан 2 мартадан кўпроқ ошиб кетмайдиган микдорда кулланишга ҳақлидир. Кичик ва хусусий тадбиркорлик субъектлари 3 йилдан кўпроқ муддат давомида ишлатилиб, амортизация ажратмалари ажратиб келинган асосий фондлар дастлабки қийматининг 50 фоизига кадарини хисобдан чиқаришга ҳақлидирлар. Кичик ёки хусусий Бизнес фаолияти ишга тушган пайтдан эътиборан 2 йил утгунга кадар уз фаолиятини тугатган тақдирда Қўшимча равишда хисоблаб чиқарилган (тезлаштирилган) амортизация суммаси кичик ёки хусусий Бизнес фаолиятининг баланс фойдаси кўпайиши хисобига қайтарилади.

Кичик ва хусусий тадбиркорлик субъектларига имтиёзли кредитлар бериш махсус фондларнинг ихтисослаштирилган агентликлари томонидан сугўрта полиси асосида амалга оширадилар. Кичик ва хусусий тадбиркорлик Бизнес фаолиятиларига имтиёзли кредитларни бериш кичик ва хусусий тадбиркорлик қўллаб-кувватлаш Фонди (Бизнес-фонди) томонидан амалга оширилади. Республика Давлат мулк кумитаси ушбу мақсад учун хусусийлаштириш ва давлат тасаруффидан чиқаришдан тушган тушумлар хисобидан 50 фоиз маблагларни Бизнес- фондга утказади. Уз навбатида Бизнес-фонд кичик ва хусусий тадбиркорликни сугўрталаш буйича ҳимоя қилишни “Мадад” сугўрта агентлиги ва бошқа махсус агентликларнинг тавсияномаларига асосан имтиёзли кредитларни ажратади. Мазкур ихтисослашган сугўрта агентликлари тадбиркорлик таваккалчиликларидан хамда кредитлар копланмаганлиги учун қарздорни жавобгарликдан имтиёзли шартларда сугўрта йўли билан ҳимоя қилиш мажбуриятини уз зиммасига оладилар. Тижорат банклари кичик ва хусусий тадбиркорлик субъектларига зарар етказганлиги учун, шу жумладан бой берилган фойда тарзида зарар етказганлиги учун меъёрий (қонун) хужжатларида белгиланган тартибда жавобгар бўладилар. Тижорат банклари кичик ва хусусий тадбиркорлик субъектларига банкдаги уз хисоб варакаларидан уз маблагларини олишни рад этишга ҳақли эмаслар. Тадбиркор Бизнес фаолиятининг ташки иқтисодий фаолияти. Бизнес фаолияти қонунларга мувофиқ ташки иқтисодий фаолиятни мустақил равишда амалга ошириш ҳуқуқига эгадирлар. Олинган валюта Бизнес фаолиятининг валюта баланси хисобига утказилади ва ундан Бизнес фаолияти мустақил фойдаланади. Бизнес фаолиятининг валюта тушумидан мазкур Бизнес фаолияти уз валюта хисобидан қилган бевосита валюта харажатлари чегириб ташлангандан сунг республика ва маҳаллий бюджетларга валюта ажратмалари утказилади. Республика ва маҳаллий бюджетларга ажратмалар миқдори қонун хужжатлари билан тартибга солинади. Бизнес фаолиятининг валюта маблагини узга йўл билан тортиб олиш таъкидлаб утилган қонунлар ва бошқа меъёрий хужжатларда кусатилганидек қатъий ман этилади. Давлат бошқарув органлари кичик ва хусусий тадбиркорлик субъектларининг экспорт-импорт опреацияларидаги иштирокини кенгайтиришга, шунингдек мазкур субъектларнинг ташки иқтисодий фаолият сохасидаги дастурларни ва лойихаларни руёбга чиқаришда катнашувига оид тадбирларни амалга оширадилар, уларнинг халкаро кургазмалар ва ярмаркаларда катнашишларига ёрдам берадилар. Бизнес фаолияти фаолиятини назорат қилиш тартиби. Бизнес фаолиятининг молиявий-хўжалик фаолияти мулкдорнинг ташаббуси билан ва бир йилда кўпи билан бир марта тафтиш килиниши мумкин.

Меъёрий (қонун) хужжатлари билан Бизнес фаолиятилар фаолиятининг айрим жихатларини текшириш вазифаси юкланган солик ва бошқа давлат идоралари бундай текширувларни зарурат туғилганида ва катъиян уз ваколатлари доирасида амалга оширишлари мумкин. Бизнес фаолияти уз навбатида, ана шу идораларнинг ваколатига кирмайдиган масалалар юзасидан мазкур идораларнинг талабларини бажармасликка ва назорат сохасига кирмаган материаллар билан уларни таништирмасликка ҳақлидирлар. Барча турдаги текширувлар ва тафтишлар Бизнес фаолиятининг нормал фаолият юритишларига, ишлашларига халакит бермаслиги керак. Тафтишлар ва текширувларнинг натижалари уз вақтида Бизнес фаолиятига хабар қилинади. 3.4. Бизнесни қайта ташкил этиш ва ёпиш тартиби. Бизнес фаолиятини тугатиш ва қайта ташкил этиш (бирлаштириш, кушиш, бўлиб юбориш, ажратиш, қайтадан тузиш), Бизнес фаолияти мол- мулки эгасининг ёки шундай Бизнес фаолиятиларни утзишга ваколатли булшагн идоралар қарорига биноан ёхуд суд ёки хакамлик судининг қарорига биноан амалга оширилади.Синган Бизнес фаолиятиларни тугатиш қонун хужжатлари билан тартибга солинади. Бизнес фаолияти давлат рўйхати реестридан чиқариб юборилган пайтдан бошлаб қайта ташкил этилган ёки тугатилган ҳисобланади. Бизнес фаолиятини қайта ташкил этиш ва тугатиш давомида ишдан бушатилаётган ходимларга меъёрий хужжатларда белгиланганга мувофиқ уларнинг ҳуқуқлари ва манфаатларига риоя этилишига кафолатлар берилади. Бизнес фаолияти бошқа Бизнес фаолияти билан кушилган тақдирда мазкур Бизнес фаолиятиларнинг хар бирига тааллукли барча мулкий ҳуқуқлар ва мажбуриятлар кушилиш натижасида вужудга келган Бизнес фаолиятига утади. Бунда унинг барча мулкий ҳуқуқлари ва мажбуриятлари қўшиб олган Бизнес фаолиятига утади. Бизнес фаолияти бўлиб юборилган тақдирда қайтадан ташкил этилган Бизнес фаолиятининг мулкий ҳуқуқлари ва мажбуриятлари ана шу бўлиб юбориш натижасида вужудга келган янги Бизнес фаолиятиларга бўлиб юбориш хужжатлари (баланси) га мувофиқ тегишли кисмларда утади. Агар Бизнес фаолиятидан битта ёки бир нечта янги Бизнес фаолиятини ажратиб чиқарилса, қайтадан ташкил этилган Бизнес фаолиятининг мулкий ҳуқуқлари ва мажбуриятлари бўлиб юбориш хужжатлари (баланси) га мувофиқ тегишли кисмларда уларнинг хар бирига утказилади. Тадбиркорлик Бизнес фаолиятилари учун кадрлар тайёрлашни давлат томонидан қўллаб-кувватлаш тадбирлари. Давлат тадбиркорлик Бизнес фаолиятилари учун кадрларни тайёрлаш, қайта тайёрлаш ва уларнинг малакасини ошириш тизимини ривожлантиришни таъминлайди. Қишлоқ жойлардаги кичик ва хусусий тадбиркорлик учун кадрлар тайёрлаш, қайта тайёрлаш ва уларнинг

малакасини ошириш билан шуғулланувчи муассасалар ва ташкилотлар меъёрий хужжатда белгиланган тартибда имтиёзлардан фойдаланадилар. ТАЯНЧ ИБОРАЛАР Бизнес фаолияти хакида тушунча, хусусий мулкка асосланган Бизнес фаолиятилар, давлат мулкига асосланган Бизнес фаолиятилар, мулкчиликнинг аралаш шаклига асосланган Бизнес фаолиятилар, қўшма Бизнес фаолиятилар, тадбиркорлик тушунчаси, тадбиркорликни ривожлантиришнинг асосий қоидалари, Бизнес фаолиятини давлат рўйхатидан ўтказиш тартби, Бизнес фаолиятининг устави, Бизнес фаолиятини бошқаришни ташкил этиш, Бизнес фаолиятининг молия ва кредит муносабатлари, Бизнес фаолиятининг ташки иқтисодий фаолияти.

Адабиётлар руйхати Асосий адабиётлар: 1. Ўзбекистон Республикаси Президентининг “Бозор ислоҳатларини чуқурлаштириш ва иқтисодиётни янада эркинлаштириш соҳасидаги устивор йўналишлар амалга оширилишини жадаллаштириш чора-тадбирлар тўғрисида”ги Фармони // Халқ сўзи, 2005, 15 июн. 2. Каримов И.А. “Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳ этишдир”. Ўзбекистон Республикаси Президентининг Олий Мажлис Қонунчилик палатасм ва Сенатининг қушма мажлисидаги маърузаси // Халқ сўзи, 2005, 29 январ, 20- сон. 3. Ходиев Б.Ю., Қосимова М.С., Самадов А.Н., Мухиддинова У.С. Кичик бизнесни бошқариш. –Т.: “Ўқитувчи”, 2003. 4. Абдуллаев Ё., Каримов Ф. Кичик бизнес ва тадбиркорлик асослари.-Т.: Меҳнат, 2000. 5. Еременко А. Разработка бизнес-приложениий в Microsoft Business solutions-Alapta в ерсии. 3.0ҒФелексей Ермененко, Руслан Шашков. –М.: Альпина Бизнес Букс, 2005.-503 с. 6. Ходиев Б.Ю., ва бошқалар. Кичик тадбиркорлик асослари(ўқув-амалий қўлланма)-Т.:ЕҲ. ТЕМПУС “Консаудит”, 2004. 7. Rambler-http : // www / rambler, ru; 8. www. gov. uz. Қўшимча адабиётлар рўйхати 1. Ўзбекистон Республикаси Президентининг “Тадбиркорлик субьектларини ҳуқуқий ҳимоя қилиш тизимини янада такомиллаштириш чора-тадбирлар тўғрисида”ги Фармони // Халқ сўзи, 2005, 16 июн. 2. Рубин Ю.Б. Теория и практика предпринимательское конкуренции –М.: ООО Марлет Дс корпорейшен, 2004. 3. Лапуста М.Г., Старостин Ю.Л., Малое предпринимательство: учебник.-М.: ИНФРА –М., 2004. 4. Малый бизнес. Организация, экономика, управление: Учеб. пособие для вузов/ Под ред. Проф. В.Я.Горфинкеля, проф. В.А Швандара.-2е изд., пререб. И доп.-М.: ЮНИТИ- ДАНА, 2003-283 с 5. www.ziyo . edu. uz

Похожие

Корхоналар молиясини ташкил этиш ва шакллантиришнинг ўзига хос хусусиятлари

Корхоналар молиясини ташкил этиш ва шакллантиришнинг ўзига хос хусусиятлари

Туризмнинг мазмуни ва ўзига хос хусусиятлари

Меҳмонхона ва ресторан хўжалигининг ўзига хос хусусиятлари

Чет мамлакатларда суғурта ишининг ўзига хос хусусиятлари